#AsuultSambar :

Намайг бага байхад Дашийн Бямбасүрэн гээд бүдүүн, буриад өвгөнийг томчууд үздэггүй байж билээ. Ямар сайндаа л Мянгуужин хочтой байх вэ дээ. Гэтэл сүүлийн үед хөгжөөд буй медиагийн ачаар мань хүн нэг нэвтрүүлгээр орж С.Баярцогтын 20000 хувьсагчийн талаар ганц яриад л тэтгэврийн хөгшнөөс ардын баатар, агуу их эх оронч болоод хувирчихсан нь саяхан. Тэр торгон агшныг төмөр замаар хятадууд танкаа ачаад ороод ирнэ гэж монголчуудын үнхэлцгийг хагарлтал айлгаж байсан нэгэн улстөрч тун овжноор ашиглаж юм болгонд л Д.Бямбасүрэнг яриулж, одоогийн улс төрчид, нам эвслийнхэн юу юугүй газар нутгаа зараад туух гэж байгаа юм шигээр ойлголт төрүүлэх гэдэг болов. Хэлсэн үг нь нийтэд хүрнэ ч гэж жигтэйхэн. Ганц үг ганхийнгүүт нь л туйлшрамтгай монголчууд хамхуул мэт хийсцгээх нь харамсалтай. Арга ч үгүй биз, тэр улстөрчийн ард бүхэл бүтэн PR баг ажиллаж байдаг хойно.
Энэ жилийн УИХ-ын сонгуульд дуучин, жуулчин, дархан аварга гээд түмэн янзын хүмүүс нэр дэвшихээ мэдэгдсэний хажуугаар Д.Бямбасүрэнгийн охин бас өрсөлдөхөөр болж эцгийнхээ үйл хэргийг залгамжилж, үргэлжлүүлэх юм гэнэ. Сайн ч, муу ч бүхэл бүтэн ардчилсан улсад төрийн албыг үе дамжин хашна гэсэн ойлголт байдаг юм уу? Ямар хэмжээгүй эрхт хаант засагтай улс байгаа биш дээ. Ер нь бусдад хорлогдсон ахынхаа ч үйл хэргийг үргэлжлүүлнэ, ослоор чадарсан тэрбумтан нөхрийнхөө ч ажил хэргийг залгамжилна гэж өрөвдүүлэх тактикаар УИХ-д орж ирсэн хүмүүс ямар ч хийж бүтээсэн юмгүй бор халзан хонь царайлсан хэрнээ сайд даргын сэтэр зүүж, он жилүүдийг ардаа үддэг түүх бэлээхэн бий.

_________________
Зовлого зовохоос
Зориг мохохгүй

"Алт дилерийн" гэх хэрэгт Мянгуужин гуайн оролцоо бий юу?

_________________
Зовлого зовохоос
Зориг мохохгүй

Энэ бол Ардчилал.

Чи яахын?

Урд чинь тавьсан хоёрын нэгийг сонгохоос өөр яахын чи?