#AsuultSambar :

Уг нь Монгол хэл дээр орчуулагдсан юм шиг байна лээ. Гэхдээ та бүхэндээ өөрийнхөө түвшинд орчуулж хүргэхээр шийдлээ.
Хэвлэгдсэн нэр нь Дэлхийг донсолгосон шүүх хурал гэж байдаг гэсэн. Би бол Харанхуйн нөгөө талд гэмээр байгаа.
Эхлэл
Афин 1947
Цагдаагийн дарга Георжис Скури машиныхаа тоостой цонхоор Афины төвийн өндөр байшингуудыг босгож тоглосон даалуунуудаа нэг захаас нь түлхэхэд бүгд ханаран нурдаг шиг нурж байгаагаар төсөөлөн харж суулаа.
"20 минутанд амжнаа" гэж жолоо барьж байсан дүрэмт хувцастай цагдаа хэлээд үргэлжлүүлэн "Түгжрэлгүй байна" гэв.
Скури толгой дохиод, байшингуудыг ширтсээр байлаа. Энэ нь түүний сэтгэлийг баясгадаг юм. Цаашдаа ч баясгасаар байна байх. Наймдугаар сарын авралгүй халуунд байшингууд нурж, гудамжийг шил төмрөөр одоохон хучих юм шиг санагдана.
Үдийн 12.10 болж, гудамж бараг хүнгүй байсан бөгөөд энэ халуунд Афины төвөөс 20 мил зайтай байх Хеллиниконы онгоцны буудлыг чиглэн давхих гурван цагдаагийн машиныг гадны бололтой зам гарч байсан хэдэн хүн хяламхийж харснаас өөрөөр анхаарсангүй. Скури дарга эхний машинд сууж байлаа. Ихэнх иймэрхүү тохиолдолд тэр өөрийн сэрүүхэн, тохилог оффист үлдэж, харин туслахууд нь үдийн халуунд гадуурх ажлуудаа амжуулдаг ч энэ удаагийнх бол энгийн биш бөгөөд Скури өөрийн биеэр очих ёстой давхар шалтгаан байлаа. Эхнийх нь, өнөөдөр онгоцоор хэд хэдэн газраас маш чухал хүмүүс ирж байгаа учраас тэднийг угтаж аван, гаалиар төвөг багатай гаргах хэрэгтэй болсон. Хоёрт, онгоцны буудал гадаадын хэвлэл мэдээллийнхнээр дүүрсэн байгаа нь бүүр том шалтгаан байлаа. Скури дарга бол ухаалаг хүн байсан бөгөөд өглөө угаалгынхаа өрөөнд сахлаа хусч байхдаа нэр цуутай зочдоо хэвлэл, мэдээллийнхний нүдэн дээр өөрийн биеэр тосох нь түүний карьерт гэм учруулахгүй гэдгийг тооцсон бөгөөд түүнийг энэ албан тушаалд байгаа энэ л үед үүн шиг дэлхийг сэртхийлгэсэн үйл явдал болох нь хувь заяаны бэлэг бөгөөд үүнийг ашиглахгүй өнгөрөөвөл алдас болно гэж боджээ. Тэгээд тэр энэ талаар өөрийн хамгийн дотны хоёр хүн болох эхнэр , нууц амраг хоёртойгоо ярилцсан бөгөөд тэд харилцан адилгүй зөвлөгөөнүүдийг өгсөн байна. Дунд насны, тариачин гаралтай, зовсон эмэгтэй болох Анна түүнийг ямар нэг зүйл буруугаар эргэвэл буруутахгүйн тулд онгоцны буудлаас аль болох хол байхыг тушаасан бол түүний хонгорхон сахиусан тэнгэр болох үзэсгэлэнт Мелина онгоцны буудал дээр очин алдарт зочдоо угтахыг зөвлөжээ. Тэр түүний нэг адил энэ үйл явдал түүнийг алдаршуулна гэж бодож байлаа. Хэрвээ Скури үүнийг аятайхан зохицуулж чадвал хамгийн багадаа түүний цалинг нэмэх бөгөөд хэрвээ бурхан өршөөвөл одоогийн комиссарыг тэтгэвэрт гарах үед тэр комиссар ч болж болох юм.

Скури 100 дахь удаагаа яагаад Мелина түүний эхнэр, Анна түүний нууц амраг байгаа тухай гайхшран бодлоо.
Одоо тэр урдах зүйлдээ анхаарлаа төвлөрүүлэх хэрэгтэй байна. Онгоцны буудал дээр бүх зүйл номын дагуу байх ёстой. Түүнтэй хамт өөрийнх нь хамгийн шилдэг 12 ажилтан тэнд байх болно. Хамгийн гол асуудал бол хэвлэлийнхнийг хянах явдал. Гэтэл сүүлийн өдрүүдэд Афинд ирж байгаа дэлхий дачар алдаршсан сэтгүүлчдийн тоог нь ч гаргахад амаргүй болоод байгаа билээ. Скури өөрөө л гэхэд бүгд өөр өөр улсаас ирсэн сэтгүүлчидэдзургаан удаа ярилцлага өгөөд байгаа юм. Түүний өгсөн хариултууд Англи, Герман, Япон, Орос, Франц, Итали хэл дээр хөрвүүлэгдэн хэвлэгдсэн. Түүнд өөрийнх нь энэ алдартай байдал Комиссар өрөөндөө дуудан шүүхээр шийдэгдээгүй байгаа хэргийн талаар Цагдаагийн газрын дарга олон нийтэд нээлттэй мэдэгдээд явах нь хичнээн зохимжгүй болох талаар үглэх хүртэл их таатай байлаа. Түүнийхээр бол Комиссарын энэ байдал цэвэр атаархал байсан ч байдлыг даамжруулахгүйн тулд ахин ярилцлага өгсөнгүй. Харин одоо бол хүрэлцэн ирж буй алдартнуудыг галзуу юм шиг бүчиж байгаа сэтгүүлчдийн дунд Скури өөрийн биеэр очиж, үйл явдлын цөмд орлоо ч Комиссар түүнд юу ч хэлэхгүй.
Машин Сигроу өргөн чөлөөгөөр уруудсаар, Фалероны зүгт тэнгисийн дагуу зүүн тийш эргэхэд түүний гэдэс базлах шиг санагдлаа. Буудал хүрэхэд ердөө таван минут үлджээ. Тэр бодолдоо Афинд ирж буй алдартнуудын жагсаалтыг ахин нэг удаа шалгалаа.

Энэ Сидни Шелдоноор яадаг юм. Хар хунтайж өөр гоё ном орчуулаач.

_________________

Харанхуйн гүнж юм биш үү?

За яахав дээ анзааргагүй хүн байгаа биз .

_________________

sanal bolgohoor goyo nom bna uu? Deer gone with the wind-g orchuulj ehleed nomoo aldaad zamarsan. Teriigee baridag ch yumuu. Humuus sonirhoh bolov uu