Энэ гайхалтай киноны талаарх сэдэв байхгүй болохоор нь нээчихлээ. Киноны тухайд олон зүйл ярихгүйэ, зүгээр л үз гэж зөвлөх байна. Учир нь энэ кино та бүгдийн урьд өмнө үзэж байсан кинонуудтай огт адилгүй. Үзээгүй нэг нь үзсэнийхээ дараа, үзсэн нэг нь үзээд ямар сэтгэгдэл төрсөн тухайгаа хуваалцаарай.
Харин миний хувьд, уг кинон дээр гардаг хоёр хэсэг нь маш их анхаарал татсаныг хэлэх байна.
1. Хөрш бүсгүй Irene-ий нөхөр шоронгоос суллагдаад гэртээ ирэх үед найз нөхөд нь цуглаад бяцхан хүлээн авалтын үдэшлэгийг зохион байгуулдаг бөгөөд энэ үед манай "жолооч" гэртээ ганцаараа, ширээний чийдэнгийн гэрэлд машины эд анги засаад сууж байдаг. Засаж дуусаад ширээний гэрлээ дээш болгох үед чийдэнгийн цагариг хэлбэртэй дугуй гэрэл харанхуйд түүнийг яг л
сахиулсан тэнгэр мэт харагдуулдаг. Кино уран бүтээлчид хэргээр тийм гэрэл сонгосон уу, аль эсвэл тохиолдол байв уу? Киноны үйл явдал, утга санааны хувьд ч бодоод үзвэл хөрш бүсгүй болоод түүний хүү хоёрын хувьд манай жолооч залуу сахиулсан тэнгэр нь шүүдээ.
2. Цахилгаан шатан доторх хэсэг. Би үүнийг кино урлагийн дотроос бүх цаг үеийн хамгийн "хүчирхэг" хэсгүүдийн нэг гэж хэлнэ. Учир нь ердөө 3-хан минутын дотор үзэгчдэд аз жаргал, романтик мэдрэмж, гайхшрал, айдас түгшүүр, цочрол, ой гутам дүр зураглал, зэвүүцэл, үзэн ядалт, инээдийг бэлэглэж чадсан ийм хүчирхэг хэсэг тун ховорхон. Яагаад инээдтэй вэ? гэж үү, та энэ хэсгийг арай өөр өнцгөөс хараад, бүсгүйн оронд өөрийгөө тавиад үздээ. Секундын өмнө чамайг үнсээд, бүрэн хайлуулж орхисон залуу дэргэдээ зогсч байсан этгээдийн толгойг тарвас шиг бяцалж орхивол юу болох вэ? Өнөөх сайхан уур амьсгал чинь .. виййшд .. ор мөргүй замхрана биздээ хэхэ. Мөн Райн Гослингийн өнөөх залууг хөнөөснийхөө дараагаар эргэн харж байгаа хэсэгт та түүний харцнаас маш их айдас, харууслыг олж харах болно ... зөвхөн дайсныг алсандаа бус өөрийгөө аймшигт мангас болж хувирсныг жолооч эр анзаарсан байх. Мөн үзэгч та ч мөн адил. Харин одоо бичлэгийг урагш жаахан ухрааж үзье ... Цахилгаан шатанд буй этгээд яавч сайн хүн биш гэдгийг мэдэнгүүтээ жолооч эр бүсгүйг нурууныхаа ард хамгаалалтанд авдаг, яг энэ үед гэрлийн тусгал бүсгүй дээр төвлөрч, цахилгаан шатны бусад хэсэг сүүдэртэж эхэлдэг нь үнэхээр ер бусын шийдэл байлаа. Мөн залуугийн бүсгүйг үнсч байгаа нь зөвхөн хайртайдаа бус удахгүй болох үйл явдлын өмнөөс түрүүлж уучлалт хүсч байгаа давхар үйлдэл байлаа.
Хүчирхийлэлтэй хэсэг гардаг тул болгоомжтой үзээрэй ...
Мөн уг кинонд, гол дүрийн залуу ямар нэгэн "нэргүй" зөвхөн жолооч гэдэг нэрээр нэрлэгдэж буй явдал, түүний үг цөөтэй нууцлаг байдал, бүсгүй залуу хоёрын дунд мөн дайснуудын хооронд гардаг чимээгүй ширтэлцэх үзэгдлүүд, киноны үйл явдалтай сонгож авсан soundtrack дуу болоод аялгууны маш сайн тохирч байгаа зэрэг, мөн эртний хилэнц, яст мэлхий хоёрын үлгэрээс сэдэвлэж хийгдсэн болоод хэдий үйл явдал нь орчин үед өрнөдөг ч киноны уур амьсгал 70-80 оныг санагдуулсан зэрэг онцгой зүйлс тун олон байлаа ...
Бүртгүүлэх
Нэвтрэх
Түгээмэл асуултууд
Хайх
.
