#AsuultSambar :

_________________
Миний шүтээн M®81

1.Эзэмшсэн мэргэжлээ яагаад сонгосон бэ ямар давуу талтай байна. Таны сонголтонд юу нөлөөлсөн бэ
2.Ажил хөдөлмөрийн гараагаа юунаас эхлэж байсан бэ
3.Энэ мэргэжлээрээ ямар хугацаанд хаана яаж ажиллаж байсан одоо ямар ажил эрхэлж байгаа вэ
4.Хэдэн төрлийн ажил сольж байсан түүнд тохиолдож байсан зүйлүүд хүндрэлүүд болон ололтууд нь юу байв
5.Өөрийн энэ мэргэжлээр суралцаж ажиллах гэж байгаа залууст юу гэж хэлмээр байна анхаарах зүйл нь юу вэ

Галаа гишүүний үүсгэсэн энэхүү асуултанд та бүхэн хариулан бичих болноо.

_________________
Миний шүтээн M®81

Энэ сэдэвт асуултын эрхэм гишүүдийн мэргэжил, ажлын туршлага болон мэргэжлийн давуу болон сул тал, анхаарал зүйлийн талаар гишүүдийн өөрсдийн эзэмшсэн мэргэжлийн тухай бичиж байхыг хүсье.

Энэ сэдэвт хэнийг оруулах хүсэлтэй байгаа тэрийг хүлээж авна үү.

Хамгийн түрүүнд Suwon гишүүнийг оролцуулахаар уриад байна.

_________________
Монгол Улсын төлөө зүтгэе

_________________
You'll see.

Сайн байна уу?
Би оролцож болно.
Галаа урилгыг чинь хүлээж авсан бөлгөө.

Би Бизнесийн удирлага чиглэлээр сурсан.
Харин одоо МАА, ХАА, Газар тариалангын салбарт ажиллаж байна. Энэ салбарыг хөл дээр босгох гээд зүтгэж байна.
Дунд сургуульд байхдаа бол математиктаа сайн байж байгаад муудсан. Харин физикт бол suwon той адил. Гэхдээ мэргэшээгүй. Зүгээр л амьдралд яаж хэрэглэх вэ гэдэг талаас нь сонирхдог байлаа. ТВ-ээ хэдэн цаг асаавал цахилгааны мөнгө хэд гарах вэ гэх мэт. Үнэндээ манай боловсролын системийн гажиг бас үүн дээр гардаг шүү. Нэг их л онол заагаад л.
Оюутан болдог жилээ ТИС-ын КТМС-д шалгалт өгсөн боловч сайдын хүүхдэд хувиараа алдаад шарандаа өөр сургуульд Бизнесийн удирлага чиглэлээр элсвээ. Угаасаа компьютерт сонирхолтой байсныг хэлэх үү, дээд тооны шалгалтын материалаа бяцхан *хак* хийж олж аваад ангийнхандаа тараадаг байлаа. Амташсан хэрээ 13 нахьдаг гэдэг үнэн юм билээ. Оюутан болсон эхний семистертээ сургуулийнхаа оюутны эрдэм шинжилгээний хуралд ороод *Төслийн менежмент ба Монголд хэрэглэх оновчтой шийдэл* сэдвээр илтгэл тавьсан боловч дөнгөж 10н жилээ төгссөн жаал юугаа мэддэг юм гэсэн хандлагаас болоод 2р байранд орж билээ. 1р байранд тухайн үедээ сургуулийн овутны зөвлөлийн дарга нь орсон л доо. Сургуулиа төгсөөд мэргэжлээрэй ажиллах болтол дипломын дүн гологддог байна шд. Кредит нь 3,16л даа. Харин одоо бол цаг үе өөрчлөгдөж диплом биш мэдлэг чадвар хардаг болсон сайшаалтай. Номинд орох гээд бүтэхгүй болхоор нь Дэлхийн банкны санхүүжилттэй нэгэн төсөлд ажиллаж эхэлсэндээ.
Хотод төрж өссөн надад МАА, ХАА, Газар тариалан хол санагддаг байсан хэдий ч цусанд нь шингэсэн генийнхээ тусламжтайгаар 14хоногын дотор учраа олоод архаг ажилтан шиг аашилдаг болсон доо.
Одоо бол муухан газрын даамал, малын эмч, ххаахү түшмэлээс дээр мэдлэг туршлагатай болсон. Сая 8н сард эрчимжсэн ба хагас эрчимжсэн мал аж ахуйг хөгжүүлэх тухай малчдад ухуулга хийж яваад ирсэн. Удахгүй 9н сард дахиад явна. Монголын газар нутгын талаарх мэдлэг, мэдээллийг хангалттай авсан гэж өөрийгөө үзээд байгаа шдээ
Өнөөдөр залуус нарийн мэргэжил эзэмших сонирхол нэмэгдэж байгаа нь сайн ч яг Монголын нөхцөлд аль нь нэн яаралтай хэрэгтэй вэ гэдгээ мэдэхгүй байна л даа.
За нэг иймэрхүү юм бичлээ. Дараа нэмж бичье.

Ер нэг асуулттай байгаад тэрэнд хариулаад бичвэл ямар вэ?

_________________
Би Монгол Эр Хүн.

1: 30 хүртэл хоног тэжээдэг, олон төрлийн малтай бол хагас эрчимжсэн МАА гэж үзээд байгаа. Гэхдээ энэ бол товчхон тоодорхойлолт.
2: Боломж байгаа. Бололцоо нь харин тийм байна. Авилгачдын авсан газар нь шавар хаагаад байгаа.
3: Хэргийг гаргах тухай ойлголт шинэ цагийн малчдад алга. Тэд зөвхөн тооны араас хөөцөлдөөд юун чанар. Монголд нийтдээ 27сая хонин толгойд шилжүүлсэн мал багтах боломжтой. Харин одоо бол бараг 8 дахин даац хэтэрцэн байгаа. Уг нь бол махны үнэн одоо байгаагаас 3 дахин хямд байх боломжтой. Гэвч малчдын сэтгэлгээний хоцрогдол+ченж+тэрбишдавга гэж нэг гай=Гажиг тогтолцоо үүсээд байна.

_________________
Би Монгол Эр Хүн.

Ene saihan sedevtee uur olon sonin saihan mergejiltei humuusees urduur namaig urij oroltsuulj baigaad Galaa gishuundee bayarllaa. Minii mergejil mun Fizikch tul Suwon gishuunii bichsentei er ni ih duhnu, gehdee Tsumiin Fizik bolon Onoliin Fizik 2 zuruutei tul bas jaahan yum bichij boloh yum. Gertee hariad bi uuriin tuhai, tsumiin fizik mergijiliin sonin hachin, goyo muuhai talaar bichij oruulya, odoo ajil deeree baina.


Surguuli tugsuud bichij baisan zuilee olloo, oruulchihya. Nemj asuuh zuil baival asuugaarai. Huvi huntei shuud holbootoi asuultuudad hariulahgui.

_________________
[URL=https://matchnow.life]Verified Maidens[/URL]

1: Сүү үйлдвэрлэлийн тогтолцоогоо сэргээх. /Одоо Сүү ХХК сэргээж байгаа/
2: Малын сүргийн бүтцийг сайжруулж, тооноос чанарт шилжих шаардлагтай.
3: Хуульд нэмэлт өөрчлөлт оруулах хэрэгтэй. Энэ тухайд бол би байнга л хэлдэг, ялангуяа улс төр болон хууль эрх зүй хэсэгт.
3а 1: Импортын гаалийн татварт сүү, сүүн бүтээгдэхүүн болон мах, махан бүтээгдэхүүний татварыг 30% болгох.
3а 2: ААН-ын орлогын албан татварын хуулинд сүү, сүүн бүтээгдэхүүн болон мах, махан бүтээгдэхүүн импортоор оруулж ирдэг ААН-ын татварыг 68% болгох.
3а 3: Зар сурталчилгааны тухай хуулинд импортын сүү, сүүн бүтээгдэхүүн болон мах, махан бүтээгдэхүүнийг сурталчилсан бол тухайн бараа бүтээгдэхүүний шошгон дээрх тэмдэгт бүрээс борлуулалтын орлогын 68%-н татвар авдаг болох.
3а 4: Зар сурталчилгааны тухай хуулинд импортын сүү, сүүн бүтээгдэхүүн болон мах, махан бүтээгдэхүүнийг сурталчилсан бол тухайн хэвлэл мэдээллийн /цахим хуудас, цахим шуудан давхар хамаарна./ байгууллагаас үндсэн ААНОАТ+нэмэлт ААНОАТ 50%-аар бодож татвар авдаг болох.
4: Үндсэн хуулинд заасан мал бол төрийн өмч гэсэн хэсгийг авч хаях. МОнгол хүн бол Монгол төрийн өмч мөн гэж тусгах. ингэснээр малаа дагаж мал бологсод багсана.

_________________
Би Монгол Эр Хүн.

За юуны өмнө энэ сайхан буландаа оролцуулж байгаад баярлалаа гэж хэлмээр байна. Мөн санал гаргасан mendoukusaina гишүүнд талархаж байна.
Миний нэр bemgx хорвоод мэндлээд 50-ын талыг наслаад явж байгаа айлын том хүү нэртэй, ахлах ажилтан дэвтэй, бага балчирдаа оролдлого муутай, ой яах вэ бас :D, дуу цөөтэй хүүхэд байсан нь өдгөө дуу шуутай, ой муутай, оролдлого сайтай байх эрмэлзэлтэй болон хувирчээ. Залуусын л адил спортод дуртай, хэрэн хэсэх дуртай, сархад хааяа зооглох дуршилтай шивдээ, дурлаж хайрлах сайхан гэж боддог.

Статистикч давхар эдийн засагч гэж батламжлах бичиг дээр бичсэн байдаг ч ингэж нэршихээс эмээдэг. Анх 10 жилээ төгсөөд УБ-д хөл тавиж конкурс өгч улаан зураасны дээгүүр нэр цохисон хэдий ч өөрийн хариуцлагагүйгээс болж хуваарь сонголтоосоо хоцроод балрах шахсан. Конкурс дууссанаас хойш сар гаруйн дараа шахам сургууль дээрээ очиж 3-н ч өдөр деканаа хүлээж байгаад уулзан, загнуулаад шаралхахдаа (та бас хүний амьдрал шийдэж байж ингэж болохгүй шд) гэж хэлээд уйлан байж статистик хэмээх мэргэжлээр суралцах эрхийн бичгээ авч байсан хүн л дээ. Уйлсан шалтгаан нь декан "та нар энд тэнд давхар конкурсдаж давхар хуваарь авч зарж, хүн оруулж барьдаг. Манайд одоо хүн ам зүй, статистик гэсэн 2 анги байна аль нэгийг нь сонговол сонго үгүй бол яв" гэж хэлснээс болсон хэрэг :P. Угтаа бол Олон Улсын Худалдаа/харилцаа гэсэн мэргэжлээр суралцах сонирхолтой байсан юм.

За тэгээд энэ мэргэжлийн онцлог гэвэл яг тодорхой хүлээн зөвшөөрөгдсөн тодорхойлолтыг одоо ч хэлж мэдэхгүй юм байна. Аливаа үзэгдэл, үйл явц, төлөвийн учир шалтгаан, хамаарал, зүй тогтол, чиг хандлага зэргийг тодорхойлдог гэх юм уу даа.

Сургуулиа төгсөөд Голомт банк, Боса импекс гэсэн 2 газар ажилд орох хүсэлтээ илэрхийлж ярилцлаганд орж байсан ч бүтэлгүйтэж байсан. Хамгийн хэцүү нь 6 сар цалингүй туршилтын ажилтан хийлгэнэ гэхэд шал амьдралгүй санагддаг байлаа.

Одоогоор нэгэн судалгааны багийн хамт олны нэг болж ажиллаад 2 жил гаран хугацааг өнгөрөөгөөд байгаа. Маркетинг тэр дундаа хэрэглэгчийн зан төлөвтэй холбогдолтой түлхүү судалгаа хийдэг, bemgx бол яг мэдээлэл боловсруулалт, шинжилгээ хийх хэсэгт нь хамаарч ажилладаг.
Дан ганц статистик гээд байхаар учир дутагдалтай болчихоод юм. Тэгэхээр маркетинг тал дээрээ мэдлэг, туршлагаа зузаатгаж байвал судалсан судалгаа, гаргасан үр дүнг маань ажил хэрэгтээ тусгаж, ашиглаж ажиллаж байх боломжтой. Ингэж ярих болсон шалтгаан нь өнөөдөр олон ч газрын маркетерүүд таарч байсны зарим тохиолдолд хэдэн хүснэгт, график бүхий тайланг уншиж мэдэхгүй нь ч байхад харин судалгааны үр дүнг гайхалтай ашиглаж, амжилттай, эрсдэл багатай, үр дүнтэй ажиллаж байгаа хүмүүс ч байна.

Энэ мэргэжилээр суралцах гэж буй залуустаа хандаж хэлэхэд: Математик статистик, эдийн засгийн статистик гэж байгаа ЭЗ Стат-р суралцах бол мэдээж ЭЗО-той холбоотой суурь хичээлүүд, дээд мат, магадлалын онол зэрэг үндсэн хичээлүүддээ сайн анхаарал хандуулах хэрэгтэй. Заавал ч үгүй бусдаас тодорсон мундаг байх гэж хичээхийн оронд энэ бодоод байгаа тоо, үр дүнгүүд маань бидний амьдралд юутай холбогдож, юуг илэрхийлээд байгааг нь сайхан ойлгосон байхад тоо бодож чаддаггүй гэх зовлон байх биш болоод явчихана даа.
Хаана ч ажиллалаа гэсэн suwon гишүүний хэлдгээр тэвчээртэй, хичээнгүй ажиллах хэрэгтэй, баг хамт олонтой харилцах харилцаа, хамтаар ажиллах дадалд суралцах хэрэгтэй л гэх байна даа.

Товчхондоо ийм юмдаа. Их нуршуу, ядаргаатай яриатай мэт санагдах байх. Бичихдээ ингээд байдаг юм, ярихдаа бол товчхон, хошин гэж ойлгоорой . Амжилт бүх залуустаа.

_________________
http://jungle.mn/

Миний бие энэхүү ажлыг хүлээн авсанаар анхныхаа зочиныг урьж байнаа.
Galaa039
Энэ буланд маань оролцож байгаа гишүүн нь дараагийн оруулах гишүүнийхээ нэрийг үлдээнэ үү.

_________________
Миний шүтээн M®81

Өөрийнхөө ажил, мэргэжилтэйгээ учирсан түүхийг жаахан бичээдэхье.

За би гэж хүн юм болгоны чаддаг хэрнээ яг нарийн мэргэжисэн зүйл нь тун тааруухан хүн юм. Ер нь бол өөрийгөө би гүйцэтгэгч л гэж бодоод байдаг.

Анх өөрийгөө мэргэшүүлж байсан зүйл маань Чөлөөт бөхийн спорт байлаа. Анх 5 дугаар ангиасаа эхлээд энэ спортоор хичээллэж их сургуулийн 2 дугаар курс хүртлээ хөлс туслуулан бэлтгэл хийж билээ. Тамирчин гэж нэр зүүн цалин хүртэл авдаг байлаа.

10-н жилээ төгсөөд мэргэжил сонгох гэж бөөн юм болдог. Асууж мэдэх хүнгүй харанхуй бүдүүлэг л хүн явж байсан юм даг. За ямарч байсан конкурс өгнө дөө гэж бодож явж байтал. Аав зөвхөн ТИС-д л ор өөр сургууль орвол сургалтын төлбөрийг чинь төлөхгүй шүү гэж хэллээ. Сонголт байхгүй ТИС. Гэрийнхнээсээ нууж байгаа МИУС-т бас бүртгүүлээд авсан. Шалгалт болж ТИС-д өгөхөд шалгалтын оноо 50-аас 30 гэхэд нь бага авлаа шүү гэж бодож байсан. Шалгалтаа өгчөөд гарч ирэхэд хүмүүс гарч ирж байгаа хүүхдүүдээс хэнийг нь ч хамаагүй хэд авсан хэд авсан гэж асуугаад нарийн урт коридор гаргаад ТИС-ийн 2 дугаар байрны үүднээс зам хүртэл битүү хүн зогсож байсан. Нийлбэр оноогоо харахад нийт шалгалт өгсөн хүүхдүүдээс 102 орсон байсан. Хуваарь сонгох гэхэд найз нөхдийн хэлж зөвлөснөөр КТМС-д орлоо. Програм хангамжийн ангид орох гэтэл хуваарь дуусчээ. Олон улсын бизнесийн менежментийн ангид орлоо. /тэр үед 35 хүүхэд авдаг байсан юм одоо харин 150 шахуу хүүхэд авдаг гэж сонссон/
Их сургуулийн хичээл ороход миний мэдэх ертөнцөөс шал өөр зүйл байсан. Нэг л учраа олохгүй хэдэн нөхдүүд нааш цаашаа гүйлдээд л хэ хэ.
Хичээлээ шахаж үзээд 3,5 жилээр төгсөх боломжтой байсан болохоор сүүлийн нэг семистертэй хамт магистерт элсээд авлаа. Тэгээд 4 жилийн хугацаанд магистер, бакалавртай болсон. Тухайн үед онцлох диплохтой төгсөгч 14 хүн байснаас ганц эрэгтэй нь би байлаа.

Оюутан байх хугацаандаа бас зүгээр байсангүй ээ. Зуны амралтаараа Найрамдал зусланд багшлаад амжсан гэж байгаа. /Зарим нэг хүмүүсийн хөгжилтэй зураг, бэлэг одоо хүртэл байгаа. Одоо энэ тэнд хүүхдүүдтэйгээ тааралддаг л юм./

Төгсөж гараад БСБ сервис компанийн 4-н замын салбарт худалдагч хийж эхлэсэн дээ. Борлуулалтаараа урамшуулал авдаг борлуулагчийг би хийж чадахгүй юм байна лээ. Бусад хүмүүс борлуулалтаа өгчихдөг байлаа. Тэгсэн бараа шалгаж өгдөг бараа олгогч болсон нь дээр юм гэж хэлэхээр нь тийм ажил хийлээ. Ойролцоогоор 5 сар хийсэн. Дараа нь тушаал дэвшиж дэлгүүрийн борлуулалтын менежер боллоо. Үүнийг бас 5 сар хийсэн. Дараа нь төв оффист бараа захиалгын мэргэжилтэн болж суудлын ажилд шилжсэн. Төв оффистоо байдаг бүх л хэлтсүүдээр шилжсэн дээ. Орох газар нь олдохгүй байгаа ч юм шиг.
2,5 жил ажилласны эцэст ажлаасаа гарч төрийн албан хаагч болохоор шийдээд одоо төрийн албанд сууж байна даа.
манай ангиас төгсөж гарсан 20 хүүхдээс яг мэргэжлийн ажил хийсэн нь би болж таарсан тийм болохоор энэ мэргэжлийн талаар мэдээллийг би
http://forum.asuultserver.com/viewtopic ... 7&t=145310 энд оруулсан байгаа. Бас зөвөлгөө ч өгсөн.

_________________
Монгол Улсын төлөө зүтгэе

Урилга хүлээн авч энэ буланд оролцсон таньд баярлалаа.
Сургуулийн минь ах байна ш дээ
Дараагийн зочны нэрээ үлдээнэ үү

_________________
Миний шүтээн M®81

jarg_l
orny

_________________
Монгол Улсын төлөө зүтгэе

bi gameriin tuuhee bichij boloh u?

Бололгүй яахав. Тэгэж байгаад чамайг урьнаа. Юуны өмнө дүрмийнхээ дагуу сонгогдсон гишүүн нь дараагын гишүүнээ сонгодог зарчмаар Galaa039 хүн сонгосон байгаа. Ингээд жарг_л, orny гишүүнд урилга явуулсан болно. Удахгүй тэдний ажил мэргэжлийн түүхийг сонсоно байх

_________________
Миний шүтээн M®81

Энэ сэдэв бүүр үхлэлдээ.

_________________
Би Монгол Эр Хүн.

2 ISIA руу пм илгээсэн. Орни дараа 7 хоногт бичиж болохуу гээл таг...
Жаргал-с хариу алга л байна

_________________
Миний шүтээн M®81

За юуны өмнө урилга явуулж энэ буландаа оролцуулж байгаа явдалд маш их баярлалаа. Тодорхой шалтгааны улмаас нэлээд хэд хоног нэт орох завгүй явлаа. Гишүүдээсээ хүлцэл өчье.

За өөрийнхөө мэргэжлийн тухай бичвэл би санхүүгийн менежер гэсэн мэргэжлээр ШУТИС-ийн КтМС-ийг бакалавр, магистр зэрэгтэй төгссөн. Уг нь би өөрөө монгол хэл, уран зохиолын чиглэлээр сурах сонирхолтой байсан юм. Аав ээж хоёр маань хоёулаа утга зохиол судлаач, шүүмжлэгч хүмүүс л дээ. Тэгээд намайг тоогоор явуулна гэдэг байсан юм. Тэгээд санамсаргүй байдлаар инженерийн төрөлжүүлсэн сургалттай ангид суралцаж байгаад КтМС-ийн менежментийн ангид орсон. Тухайн үед бас яг хүссэн мэргэжлээ сонгоод суралцана гэхэд хүндрэлтэй байдаг байлаа шдээ. Конкурс өгөөд л тэнцэхгүй, тэнцсэн ангидаа суралцаж төгсдөг хүмүүс ихэвчлэн байдаг байлаа.

КтМС-ийн нэг давуу тал нь өмнөх холбоотой хичээлийг нь үзчихвэл дараа үзэх ёстой хичээлийг нь курс хамаарахгүй үзэж болдог байсан болохоор би 3-н жилээр бакалавраа төгсөөд 4-төө мастерт суралцаж төгссөн. Гэхдээ нээх мундаг сайндаа ч бишээ, надад мастерын сургалт бакалаврын сургалтнаас муу санагдсан. Зүгээр л нэр төдий юм даа гэж бодогдсон.

За тэгээд оюутан байхдаа өөрийнхөө мэргэжлийн давуу талыг одоо ёстой зах зээлийн эдийн засагтай үед үнэн хэрэгтэй, ёстой юм болгоны орж гарч байгаа мөнгөний урсгалыг тооцоолоод л чухам хэрэгтэй зүйлдээ гэж боддог байлаа. Оюутан байхдаа Голомт банкны Эрдэм шинжилгээний бага хуралд оролцож тусгай байр эзэлж байсан. 3-р курсээ төгсөөд Хас банкинд ажилд орох анкет бөглөөд шалгалтандаа тэнцсэн боловч ярилцлаган дээрээ оюутан болохоор яаж ажиллах вэ дээ гэдэг шалтгаанаар тэнцээгүй. Одоо бодоод байхад би оюутан байсан байж юугаа бодож ажилд орно гэж явсан байнаа гэж гайхдаг юм.

Тэгээд сургуулиа төгсөнгүүтээ банкинд эдийн засагчаар ажиллах болсон. Яг ажил дээр гарах болохоор санхүүгийн менежер гэдэг мэргэжлээр ня-бо хийж болохгүй болчихоод бас хачин л юм байлээ. Гэхдээ суралцаж байх сүүлийн жилдээ эдийн засагч болноо гэж боддог байсан, төгсөнгүүтээ банкинд шалгалт өгч тэнцээд эдийн засагч болсондоо аймар их баярласан. Өөр ажил сольж байгаагүй. Яг анх орсон банкиндаа эдийн засагчаараа ажиллаад бараг л 5 жил болох гэж байна. Манай банк намайг орсны дараахан өөр ажил санал болгож байсан ч би эдийн засагчаараа удаан ажиллавал зүгээр гэж бодоод өөр местэнд очоогүй. Эдийн засагчаараа удаан ажиллачихаар угаасаа өөр местэнд шилжүүлэх дургүй болчихдог юм билээ. Ажилд ороод авсан хамгийн том шагнал гэвэл өнгөрсөн жилд Монголын Банкны холбооноос "банкны салбарын шилдэг эдийн засагч" гэсэн цом, өргөмжлөл авсан. Мангар баярлаж байсан шүү.
Ажил дээр гараад их юм сурсан. Янз бүрийн зан харилцаатай хүмүүстэй яаж харьцах вэ, яаж дүгнэлт гаргах вэ, яавал зөв шийдэх вэ этр гээд л. Ер нь сайн талаасаа илүү мууг харсан сэжигч л болдог юм шиг байна шдээ кккк. Тэгээд ажиллах хугацаандаа үнэхээр зээл хэрэгтэй байгаа хүмүүст зээлийг нь олгож баярлуулж ч үзлээ, худлаа хэлж зээл авсан хүмүүст хулхидуулж ч үзлээ. Зээлээ төлөхгүй айл хунараар орой үдэш явж, шүүх хурлаар ч орж үзлээ.

Тэгээд эцэст нь хэлэхэд санхүүгийн менежментийн чиглэлээр суралцаж байгаа гишүүддээ хажуугаар нь ня-бо бүртгэлээ сайн үзэж байгаарай гэж хэлье даа. Би өөрөө бүртгэл талдаа тийм ч сайнгүй, осолдохгүй л тайлан уншиж, харьцааны шинжилгээ хийхээс цаашгүй. Тийм болохоор ня-бо бүртгэлийн талаар мэдлэгтэй байх хэрэгтэй санагдсан.

За өөрийнхөө ажил мэргэжлийн талаар товчхон танилцуулахад ийм л байна даа. Урилга явуулсан гишүүндээ баярлалаа.

_________________
u r ma hero

Урилга хүлээн авч оролцсонд баярлалаа.
Galaa039, orny 2той 1 сургууль юм байна шүү. Жаргал бас КтМС байхаа
Дараагийн гишүүнийхээ нэрийг үлдээнэ үү

_________________
Миний шүтээн M®81

masgu
croft
essey
nemo hsum

эдгээр гишүүдийн ажил мэргэжлийг сонирхоё

_________________
u r ma hero

За намайг урьж, ажил мэргэжлийнхээ талаар ярих, сурталчлах боломж олгож байгаа Orny гишүүндээ баярлалаа.
Яг одоо бичих гэхээр цаг зав жаахан хомс байгаа тул юу ч гэсэн зайгаа авчихъя гэж бодлоо. Маргааш нөгөөдрөөс бичье.

найзынхаа талаар юу мэдэх гээв

_________________
Ministry of Health

_________________
Жингийн цуваа явж л байдаг...

Өмнө нь глобал байхад устаад олон бичлэг алга болсон.

_________________
Монгол Улсын төлөө зүтгэе

Masgu-ийн түүхэн замналыг сонсмоор байна аа .

_________________

_________________
Алга ташуулах гэж бүү яар