|
Охин ба уур
Энгийн байдал дээр хөшүүн, хүйтэн цэмцгэр, хэт оюунлаг харагддаг энэ Охин нь ёстой хүн цочирдуулам эрс тэс ааштай хүн юм. Тэрээр цэмцгэр биеэ барьсан, боловсон зантай нэгэн байсанаа, бусадын өчүүхэн алдаанд тэсэрч дэлбэртэлээ уурлаж, хамгийн бүдүүлэг үгс, хамгийн бүдүүлэг үйлдэлийг өөрөөсөө гаргаж чадна.
Тэрээр уурлах юм бол маш үглээ яншаа, бусадын сэтгэлийг хутгаар сийчиж байгаа мэт санагдахаар хурц шүүмжлэлтэнй болох бөгөөд, жентельмэн дүртэй байсанаа эмэгтэй хүнд гар хүрэх, эсвэл боловсон нарийн үйлдэлтэй нэгэн байсанаа юм эвдэж хэмхлэх гэх мэтээр санаанд оромгүй аашилж болно.
Ууралсан Охины ойрхон байхыг хэн ч хүсдэггүй. Жишээ нь зарим ордны энерги ууралхаараа аймаар боловч, маш сонирхолтой жүжиг тоголдог тул хүмүүс энэ жүжигийг харах гэж үлдэж чаддаг. Жишээ нь Арслангын уур маш сүрдэм аймаар боловч тэрээр уурлаж байхдаа ч сэтгэл татам байдалаа алдаггүй, бас үзэгч байхгүй аливаа үйлдэлд дургүй тул тэрээр үзэгчидээ хэрхэн яаж тараагаад явуулчихгүй байхаа сайн мэддэг.
Харин Охины ордны хүнийг ууралсан үед түүний хажууд байхыг хэн ч тэвчиж чаддаггүй, тэрээр хэт зүрх сэтгэл өвдөм шүүмжлэл хэлж чадахаас гадна, уурлуулсан хүнээ бие мах бодын талаас залхаан цээрлүүлж, хэтэрхий хүчтэй бухимдаж, өөрөө дотороо шаналах тул гаднаас харж байгаа хүмүүс зовлонтой санагддаг талтай.
Охины ордыг удирддаг Меркури гариг нь мэдрэлийн системийн үйл ажиллагааг удирддаг гариг юм. Тиймээс Охины ордны хүн уурлахдаа мэдрэлийн ажиллагаа нь маш их хямарсан байдалд ордог бөгөөд, уур гэдэг нь тэр чигээрээ Охиныг мэдрэлийн түр хугацааны өвчлөлд хүргэх аюултай байдаг тул, ууралсан Охин нь тийм ч амархан тайтгаруулж, амархан эвлэрч болох хүн биш юм.
Найз нөхөдийн харилцаан дээр Охин уур уцаараа хамгийн ихээр барьж байдаг. Группын ажиллагаа, хамт олныг хүндэлдэг, энэ харилцаан дээр амжилт олж, оюунлаг байж, сайн харилцагч, сайн арилжаалагч байхыг хүсдэш охин нь найз нөхөдийн харилцаан дээр харьцангуй болгоомжтой. Тэрээр байж болох хамгийн тэвчээртэй зан байдалаа энэ харилцааны төлөө өргөн барьж байдаг гэж хэлж болно.
Гэхдээ үнэхээр жинхэнээсээ уурлах юм бол Охин нь найз нөхөдөө бүдүүлгээр шүүмжлэх, хамаг алдаа дутагдалыг нь илчлэх, үглэж янших, олон өдөрөөр өсөрхөж уурлаж явах гэх мэтээр аашилдаг ч гэсэн, тэр болгон хэт ууралсан байдалаас болж найз нөхөдийн харилцаагаа таслаад байдаггүй, эргээд уучилдаг, бас уур нь гарсан үедээ бол тэвчээр хүлээцтэй найз байдаг.
Ажил төрөлийн харилцаан дээр Охин өөртөө ашигтай харилцаа, босстой харилцах харилцаа, үйлчлүүлэгчтэй харилцах харилцаан дээр биеэ гайхалтай сайн барьж чаддаг. Тэрээр ер нь төрөлхийн сайн худалдаачин, сайн менежер, сайн худалдагч, сайн гэрээлэгч байдаг бөгөөд, амьдралдаа хамгийн их чухалчилдаг чанар нь энэ чанарууд мөн тул, уур хилэнгээ энэ харилцаан дээр маш сайн барьж, бас гайхалтай оюунлаг тэвчээртэй байж чаддаг. Мэдээж хэрэг ажил төрөлийн талбар дээр уур хүргэм байдалтай тулгархад, Охин уурлаж хилэгнэх боловч, ихэвчлэн энд ууралсан уураа гэр орныхон, дотно хүмүүстэй гаргах нь элбэг тохиолддог. Гэхдээ цөөн ч гэсэн Охиныг тэвчээр алдтал уурлуулах байдал ажилын талбар дээр тохиолдож болох нь гарцаагүй. Ийм үед тэрээр үглэж янших, шүүмжлэх төрөлх чанараа гаргахаасаа илүү, товч цөөн хурц үгээр маргааныг эцэслэж, ажилаа зөвхөн өөрийнхөөрөө хийх гэж зөрүүдэлж эхлэх бөгөөд, биеийн хөдөлгөөн, дуу хоолой, нүүрний хувирал, сэтгэлзүйн байдал тал дээр тэсэрч дэлбэрсэн уур хилэнгийн энерги ялгарч харагддаг талтай.
Охины хувьд уур хилэнд нь хамгийн амархан, хамгийн их өртдөг хүмүүс бол гэр бүлийн хүмүүс болон хайртай хүн нь байдаг. Хувийн амьдралын орон зайгаа төгс төгөлдөр байлгаж, тэр чигээр нь өөрөө хянаж байх гэдэг зантай Охины хувьд, хувийн амьдралд нь байнга нөлөөлж болдог гэр бүлийн харилцаа, хайр дурлалын харилцаа бол хамгийн их уурыг нь хүргэж, сэтгэлийг нь хөнддөг шалтгаануудтай харилцаа юм.
Охин бол эхнэр нөхөрийнх нь зүгээс ирэх шүүмжлэл, хувийн хэрэгт нь оролцсон байдал зэрэгт хамгийн амархан эрс уурлаж бухимддаг, бас ийм байдалд хамгийн тэвчээргүй ханддаг хүмүүсийн нэг мөн юм.
Тэрээр хэт ихээр өөртөө өөрийгөө хадгалсан хүн байдаг. Тийм ч учираас гэрлэхгүй удаан явах, эсвэл нэг насаараа ганцаараа амьдрах гэх мэт тохиолдол Охины ордныхонд хамгийн ихээр тохиолддог. Хувь хүнийх нь амьдралын тест, төгс төгөлдөх стандартанд сөрөгөөр нөлөөлж, хувийн орон зайд нь хэт халдаж, өөрийг нь өөрөөс нь булаах гэж байгаа мэт харагдах жижиг сажиг үйлдэлд ч Охин маш эмзэг хандаж, хурдан ууралдаг.
Ууралсан Охиныг аргадах арга гэвэл:
Хэрэв үнэхээр Охиныг уурлуулсан тухайн хүн өөрөө буруутай бол, Охины зүгээс ирж байгаа шүүмжлэлийг хүлээн авч, өөрийгөө бас давхар шүүмжлэх.
Охины шүүмжлэл түүнд ямагт чухал байдаг бөгөөд, хэн нэгэний өөрийгөө шүүмжлэх шүүмжлэл бас Охинд чухал байдаг. Учир нь тэрээр шүүмжлэлээр дамжуулж сая нэг хэрэг байдал сайжирч болно гэж үздэг.
Харин өөрийгөө зөвтгөх тайлбар тавьж байгаа байдал нь Охиныг улам их бухимдуулдаг. Хэрэв ямар нэг тайлбар хэлмээр бол түүнийг уурлаж дууссаны дараа, хэдэн хоногын дараа ч юмуу, өсөрхөж дахин ялах шалтаг хайсан байдалгүйгээр, учир явдалыг аятайхан тайлбарлах юм бол илүү дээр байх талтай.
_________________
Жаргалыг хүснэ...
|
Бүртгүүлэх
Нэвтрэх
Түгээмэл асуултууд
Хайх
Ойлгоод бна ойлгоод бна.
