Энэ бол дээд түвшиний тоглогч нарт мэдэж байх, чаддаг байх шаардлагатай зүйл.
Хэрэв таны шид ахин идэвхижих хугацаа нь болоогүй, таны цохилт хангалттай сайн биш бол та юу хийх вэ? Зүгээр харж байгаад үхүүлэх гэж үү? Үгүй таны баатарт бие гэж бий түүнийгээ ашигла. Таны талын баатрыг дайсны баатар алахаар хөөж байгаа үед та тэр 2-ын дундуур орж дайсны баатрын гүйцэх боломжийг үгүй хийхийг л хэлээд байгаа юм.
Гэхдээ үүний эрсдэл нь та өөрөө үхэж болзошгүй. Хэрэв та багийн гол зодуур, хөгждөг баатар бол найдвартай үед л ийм юм хийх хэрэгтэй. Харин та support буюу багийн туслах баатар мөн танай гол зоддог баатар чинь зугтаж буй тохиолдолд шууд л түүнд туслах хэрэгтэй.
Гэхдээ таны багийн хамтрагч чинь амьд гарах боломжтой үед шүү дээ. Боломжгүй юманд оролцож бүүр хамтдаа үхэж дайсанд илүүрхэх боломжийг бүү олго.
Энгийнээр бол тоглолт эхлээд цэрэг гарч ирэхэд та тэдгээрийн урдуур нь орж цэргүүд ээ удаашруулдагтай л адилхан гэж бодож болно.
Блокдож өөрийн талын баатрыг аврах
Үүнийг хийхэд та өөрөө ч үхэж болзошгүй гэдгийг дахин сануулъя. Гэхдээ блокдож саатуулахыг ер нь бол melee(тулдаг) chasers(хөөдөг) баатруудын эсрэг хийвэл зохино. Жишээ нь Lycan, Clock г.м. Ultimate хийсэн Lycan бол маш хурдан байдаг. Гэхдээ та тэд нарын дундуур орж хурдан Lycan-ийг хорьж болно.
Блинкдэж (Blink) блокдох
Блинктэй баатруудын хувьд блокдох гэдэг бол илүү амархан. Учир нь шууд дайсныхаа яг өмнө нь буугаад түүнийг хаана гэсэн үг л дээ. Жишээ нь: Sand impale нь байхгүй уншиж байгаа, dagger нь түүнд хэрэглэхэд бэлэн байгаа тохиолдолд зүгээр суух хэрэггүй шууд дайнд орох хэрэгтэй. Хөөж буй дайсныхаа яг өмнө нь буугаад жаахан удаашруулаад өөрийнхөө Impale-ийг бэлэн болох хүртэл хааж болно шүү дээ. Antimage-д энэ бол бүүр ч илүү зохидог. Яг урд нь буугаад ганц 2 цохих ч боломжтой.
Амилуулсан цэрэг болон хувилбаруудаар блокдох
Блокдох гэдэг бол дан ганц баатруудын хийдэг юм биш. Таны хувилбарууд эсвэл амилуулсан цэрэг зэргээр хүртэл блокдож болно. Үүнийг яаж хийх вэ гэвэл өөрийн жинхэнэ баатрыг зодох комманд өгөөд удирдлагаа хувилбар луугаа шилжүүлээд хувилбаруудаараа блокдох хэрэгтэй. Яагаад гэж үү? Хувилбарууд бол таниас илүү хүчтэй цохино гэж байхгүй, үхэхэд ч нээх алдаад байх сүртэй юм үгүй. Энэ бол дээд түвшин битгий хэл мэргэжлийн тоглогч нарт байх ёстой чадвар. Үүнийг хийхэд мэдээж хэрэг танд тийм ч амар биш байх нь ойлгомжтой. Гэхдээ эхний хэд хэдэн оролдлогуудаар алдсан ч битгий шантраарай.
Блокдож дайсны баатрыг алах
Энэ бол энгийн хүн хийгээд байдаг зүйл биш. Жишээн дээр тайлбарлъя. Та бол Sand таны хажууд Ursa байгаа бөгөөд та 2 нийлээд Nessaj мэтийн хурдан баатрыг алах гэж байгаа гэж үзье. Ursa-д манаргах шид байхгүй тул зүгээр зодоол хөөнө. Аа харин танд бол Impale бий түүнийгээ Nessaj-ийн зугтах магадлалтай газрын зүгт хэрэглэ. Манаргасан бол та зодох биш зугтаж болох талд нь гараад блокдохдоо бэлд. Nessaj хэрэв тийм ч сайн тоглодог хүн биш эсвэл сандарсан байвал шууд л ус руугаа гзйх гэж үзнэ. Аа харин тэр үед нь та түүний замд тээг болж Ursa-даа зодох боломжийг олгоно.
Үүнээс гадна та Invisible авчаад мөн адил ингэж болно шүү дээ. Ингэж алах нь зугаатай бас кайфтай байдаг юмаа 
Эцэст нь хэлэхэд АМЖИЛТ ХҮСЬЕ.
Бүртгүүлэх
Нэвтрэх
Түгээмэл асуултууд
Хайх
