Олон жил ажигласны хувьд "Video Game Industry <=> Hollywood" энэ хоёр нүсэр "хамт олон" хамтраад, олигтой бүтээл гаргасан нь ховор санагдах юм. Видео тоглоомноос кино, киноноос видео тоглоом болж хөрвүүлэгдээд амжилтыг эс олсон олон арван бүтээлүүдийг бид гэрчилнэ шүүдээ. Харин одоо, өнгөрсөн он жилүүдэд гарсныг нь биш одоо бүтээгдэж байгаа болоод ирээдүйд хийгдэхээр төлөвлөгдөж буй бүтээлүүдийг танилцуулъя.
Portal, Half Life
The Academy of Interactive Arts & Sciences®-ийн зүгээс жил бүр D.I.C.E хэмээх томоохон конференс, шоуг зохион байгуулдаг болоод удаж байна. Ингээд гурван долоо хоногийн өмнө зохиогдсон "D.I.C.E 2013" цуглааны үеэр VALVe-ийн үүсгэн байгуулагч Gabe Newell, холливудын авъяаслаг найруулагч J.J.Abrams нарын уулзалт олны анхаарлыг ихээхэн татсан юм. VALVe-ийн домогт цуврал "Half Life"-ын удаах ангийн талаар мэдээлэл хийх болов уу гэсэн үзэгчдийн хүсэлт талаар болсон ч яг л тэдний зөгнөж байсан шиг Portal, дээр нь нэмэгдээд бүр Half Life-аас сэдэвлэж кино хийхээр болсон нь багагүй шуугианыг тариад амжлаа шүү хө. Хоёр жилийн өмнө худалдаанд гарсан "Portal 2" видео тоглоомны үндсэн цэсэнд "Super 8"-ийн интерактив трэйлэрийг байрлуулсан нь их л учир утгатай болж таарлаа. Ноён гайхал J.J.Abrams-ын хувьд "Оддын Дайн" киноны 7-р ангийг, мөн "Star Trek" цувралынхаа 3 дахь ангийг хийхээр зэхэж байгаа бөгөөд энэ нь их ажлыг хэрхэн амжуулахыг нь ёстой л чөтгөр бүү мэдэг.
Харин энэ бүхнээс өмнө Guillermo del Toro-ийн "Pacific Rim"-ийн трэйлэр дээр GLAdos-ын дуу хоолой гарахыг сонсоод мөн өөр бодол төрж байлаа шүү. Гэхдээ Sci-fi тал дээр илүү туршлагатайн хувьд J.J.Abrams-д итгэж байна.
Assassin's Creed
Энэ кинонд тун их найдлага тавьж байна. Учир нь уг киног Ubisoft-ынхон өөрсдөө гар бие оролцон бүтээж байгаагаас гадна киноны гол дүр болох Altair ibn la Ahad-ын дүрд Michael Fassbender тоглох болсон нь ёстой л нүдээ олсон сонголт болжээ. Киноны бусад дүрүүдийн хувьд видео тоглоомд дуу оруулж, өөрсдийн нь төрхөөр дүрүүдийг нь бүтээсэн жүжигчид тогловол сэтгэлд их л ойр болнодоо.
Kane & Lynch
Видео тоглоом хөгжүүлэгч "IO Interactive" студийн бүтээл болох "Kane & Lynch"-ын кино зураг авалт тун удахгүй эхлэх болно. Kane-ий дүрд Bruce Willis тоглож байгаа нь тун их тохирч байгаа бол Lynch-ийн дүрийг Jamie Foxx бүтээж байгаа нь их сонирхолтой санагдаж байна.
Tom Clancy's Splinter Cell
Мөн л "Ubisoft" компаний алдартай бүтээл. Харин уг тоглоомын гол дүр болох Sam Fisher-ийн дүрийг жүжигчин Tom Hardy бүтээхээр яригдаж байсан боловч уг киноны IMDb дэх профайлаас нь хасагдсан байх юм. Ямартай ч киноны хувьд хийгдэх нь тодорхой болоод байгаа аж.
Хэрэв "Splinter Cell : Conviction"-ны альфа хувилбараар кино бүтээгдэхээр болсон бол манай Арго тун их тохирох байсандаа хэхэ.
Hitman
2007 онд бүтээгдсэн "Hitman" тийм ч онцгой байгаагүй. Харин уг тоглоомоор дахин нэг кино бүтээгдэхээр болсон бөгөөд гол дүрд нь Paul Walker тоглох болсон гэдгийг сонсоод их ч урам хугарлаа.
Bioshock
Уг киноны хувьд үнэхээр "хэцүүхэн" байгаа шүү. Учир нь киноны зохиолч, найруулагчид удаа дараа солигдож байгаа гэх таагүй мэдээллээс өөр ямар ч мэдээлэл ирэхгүй байгаа юм.
God of War
SONY-ын алдарт бүтээл. Харин уг киноны гол дүр болох Kratos-ын дүрд жүжигчин Djimon Hounsou тоглохоор яригдаж байгаа. Энэ гэхдээ цуурхал төдий мэдээлэл бөгөөд хэрэв үнэн болж таарвал жаахан учир дутагдалтай сонголт болжээ гэж дүгнэх байна. Джимоны арьсны өнгөнөөс болсон хэрэг бишээ, тэртээ тэргүй Кратос үнсэн саарал арьстай шүүдээ. Харин түүний царай төрх арай л тохирохгүй болов уу.
Харин "God of War : Ascension"-ийн live action трэйлэр дээр тоглосон жүжигчинг тоглуулбал маш зөв сонголт болох байх.
Мөн IMDb дээр :
Mass Effect (????)
Warcraft (????) aka "World of Warcraft"
Need for Speed (????)
Halo (????)
Uncharted: Drake's Fortune (????)
Gears of War
Mortal Kombat (2013)
Duke Nukem (????)
Army of Two (????)
Dead Space (2013)
Castlevania (????)
Infamous (????)
Metal Gear Solid (????)
Heavy Rain (2014)
зэрэг кинонуудын нэрс харагдаад байгаа нь үнэхээр их сонирхол татаж байна.
Ингээд эцэст нь гэж хэлэхэд "Wreck-it Ralph" оскар хүртэж чадаагүйд, сэтгэл их дурамжхан байна. Сонирхолтой нь "Wreck-it Ralph"-ын Arcade тоглоом жинхэнээсээ байдаггүй юм байна. Гэхдээ видео тоглоомыг нь альхэдийнэ хийгээд эхэлсэн гэнэлээ.
. Өөр нэг зүйл ажиглагдаад байгаа нь видео тоглоом маань өөрөө кино болж хувираад байна шүү цаана чинь. Тоглодог кино гэх юмуудаа. Урьд нь холливудын нэр хүндтэй жүжигчдийг урьж тоглоомын дүрүүдэд дуу оруулдаг байсан бол одоо тэднийг дүрд нь тоглуулдаг болжээ. Хамгийн сүүлийн жишээ гэхэд л Willem Dafoe, Ellen Page нар "Beyond : Two Souls" видео тоглоомонд motion capture технологийн тусламжтайгаар дүр бүтээж байна ! Гайхалтай биш гэж үү ...
Яг л нөгөө Харри Поттер профессор Дамблдорын дурсамж дотор ороод болсон үйл явдлуудыг ажигладаг шиг хэхэ ... 
