#AsuultSambar :

За энэ галзуурмаар хүний шүлгүүдийг тавьцгаая.

Үнэхээр гунигтай шүлэг


Энд нэг л биш. Эмнэлэгт нэг л биш. Энд биш ээ.

Ээжийнхээ үхэхийг охин нь хүлээнэ. Аавынхаа үхэхийг

Хүү нь хүлээнэ. Охиныхоо үхэхийг өвөө нь

Хүлээнэ. Өвөө нь ачийнхаа үхэхийг хүлээнэ.

Бэр нь хадам аавынхаа үхэхийг хүлээнэ. Зээгээ

Бурхан болохыг эмээ хүлээнэ. Эгчийнхээ үхэхийг

Дүү нь хүлээнэ. Дүүгийнхээ үхэхийг эгч нь хүлээнэ.

Дүү нь ахынхаа үхэхийг хүлээнэ. Ах нь

Өвөөгийнхөө үхэхийг хүлээнэ. Шавь нь

Багшийнхаа үхэхийг хүлээнэ. Нөхрөө

Бурхан болохыг эхнэр нь хүлээнэ. Нууц амрагаа

Үхэхийг хайрт нь хүлээнэ. Эхнэрээ үхэхийг

Үнэнч бус нөхөр нь хүлээнэ. Даргынхаа үхэхийг

Цэрэг хүлээнэ. Лам багшийнхаа үхэхийг шавь нь хүлээнэ.

Цагдаа үхэхийг эмч хүлээнэ. Жүжигчин

Үхэхийг үзэгч хүлээнэ. Яруу найрагчийн

Үхэхийг уншигч хүлээнэ. Сар гарахыг

Үүл хүлээнэ. Өглөө болохыг од хүлээнэ.

Үдэш болохыг нар хүлээнэ. Энд нэг л биш

Эмнэлэгт нэг л биш. Энд биш ээ. Энд биш.

Эргэн тойронд минь нэг л биш. Бишээ биш.

Мастурбаци

Сармагчин бид хоёр л
Сааж чадна
Сайхан хүүхний зураг
Сармагчинд байхгүй ч
Гавал байна
Гар байна
Ганцаардал байна
Галзуу дур байна
Сармагчин бид хоёр л
Сааж чадна
Сармагчинд
Сармагчингийн
Сүрэг байв ч
Саах хэрэг гарна
Сармагчин бид хоёр л
Сааж чадна
Ганцаардахад
Гар байна
Гавал байна
Галзуу дур байна
Сармагчин бид хоёр л
Сааж чадна
Хүн сүрэг
Хажууд байв ч
Харин саах
Хэрэг гарна

Инээдэг өвс

Хүн эхлээд гуравдагч хүйстэй байжээ

Хүйтрэхэд хоёр хүйстэй болжээ

Дэлхий эхлээд гурвалжин хэлбэртэй байжээ

Дэнжигнээд байхаар нь бөөрөнхий болжээ

Ингэж бодоод би

Инээгээд л байлаа

Инээгээд л …

Бороо эхлээд бал бурмаар ордог байжээ

Бүгдээрээ хувин тосоод байхаар нь ус болжээ

Зүүд бүхэн эхлээд биелдэг байжээ

Залхуу нь хүрээд зарим нь л биелдэг болжээ

Ингэж бодоод би

Инээгээд л байлаа

Инээгээд л …

Хүүхэд эхлээд цэцэгнээс төрдөг байжээ

Харь гаригийнхан гайхаад байхаар нь хүнээс төрдөг болжээ

Хүүхнүүд эхлээд усан оргилуур шиг цацан дур ханадаг байжээ

Харцуул гайхаад байхаар нь дуу алдан дур ханадаг болжээ

Ингэж бодоод би

Инээгээд л байлаа

Инээгээд л …

Дондог, Янжмаа хоёр



Дондог, Янжмаа хоёр

Дээвэр дээр суугаад

Өвс татна

Цавуу үнэрлэнэ

Дондог Морьтой болохыг хүснэ

Янжмаа үртэй болохыг хүснэ

Дондог Зандан залуу

Янжмаа цоорхой хүүхэн

Дондог, Янжмаа хоёр

Дээвэр дээр суугаад

Өвс татна

Цавуу үнэрлэнэ

Дондог, Янжмаа хоёр руу

Засагт ханы Эрдэнэ

Зангиагаа зассаар ирнэ

Байгаль хамгаалагч

Эрдэнэ Банзан гитар үүрчээ.

Хүүхдүүд минь

Хүүхдүүд минь

Туулайн баас шиг

Тусгүй юм татах юм

Том хүний тамхи тат гээд

Дондог, Янжмаа хоёрыг

Кокайнаар дайлна.

Дондог хүү минь морьтой ч болно.

Янжмаа охин минь үртэй ч болно.

Өвс татаж

Цавуу үнэрлээд

Өөрийн хүний үр ялгаа юу байхав гэж

Өхөөрдөнө.

Би маргааш мэндэлчихсэн. Харин умайндаа даарахгүй

Эцэс төгсгөлгүй гол хайрсан хүйтэн цасыг
Эрээд олдохгүй ах, эгч, амраг саданг
Энд тэндгүйх хачин хүмүүсийн хүрэмний хормойг
Энэ дотор хоргосон гашуун салхийг
Элээж хоргодохгүй цаг хугацаануудыг
Эвтэйхэн хуваагдах өлөн талхнуудыг

Эрхлэж үглээгvй сүүлчийн хайруудыг
Эгдүүцэн ундууцах хатуу архийг
Эмзэглэж туулахгүй өөгүй замуудыг
Эдэлж хэрэглэх оо, савангуудыг
Эндээс холгүй тэр тарган сарыг
Энэ шөнө л татагдах ёстой тамхинуудыг
Эвдэрч хэмхрэхгүй ширээ сандлуудыг
Эрж цөхөхгүй танил тасалбаруудыг
Энд зөвхөн байдаггүй гэх улаан тэнгэрийг
Элдэв толбоноос болж угаагдах цагаан хэрэглэлийг
Ээж надад маргааш авч өгнө

Шивээстэй бүсгүйн хаалга

Ертөнцийн хаалганы наана ер бусын өдрүүд үргэлжилж
Ердийн амьдралыг минь чимсэн шивээстэй бүсгүй чи
Ердөө ч надад хаалгаа тайлахаа болив. Орох хаалга энэ
Ертөнцөд олон боловч онцгой байсан юм чиний
Шивээстэй хаалга.Онгон залуу цогцосны амтанд
Шумуул адил шимтэн шунасан юм. Өнгөрчээ. Тэр
Хаалга бүрмөсөн хаагджээ. Өө. Тэгэвч
Хөх загалмайтай ялалтын хаалгыг би хөрсөн
Сэтгэл шиг чинь мартаж чадна. Янаглахуйн
Сэрэл болоод нууц эрдмийг яргуй адил залуу охинд
Яг чамд заасан шигээ зааж чадна. Шивээстэй бүсгүйн
Янагийн хаалганы тухай яруу шүлэг шивнэх болно. Түүнд.
Тэр үед шивээстэй бүсгүй юу хийж байх болоо?
Тэнгэр хараад л, од тоолоод л, үүл сонжоод л
Тэмдэглэлийн дэвтэртээ юу ч юм бичээд л, тамхиа татаад л
Тэгээд тэр ээжийгээ үгүйлж, аавыгаа зүхэж, ном уншиж
Ертөнцийн хаалганы цаана орших ер бусын
Ертөнцийн тухай ердийн нэгэнд хууч хөөрч байх биз ээ.
Шивээстэй бүсгүйтэй танилцахсан гэв үү? Хэрэггүй, хэрэггүй.
Шулам юм тэр, цус сорогч юм тэр, нүдийг чинь ухчихна
Шүү тэр. Надад ингэж бодох сайхан санагдсан ....
Шулам, цус сорогч, харалган болгогчидтой найзлахаа
БИ БОЛЬСОН

Хүүхэд засварын газар

Том хүн шиг

Томоотой байвал

Хүүхэд засварын газар

Хүргээд өгчихнө шүү

Мөрөөдлөө ярьж

Мөөмнөөсөө гарахгүй бол

Хөлөн дээр минь гишгэж

Хөөрч дэвхцэхгүй бол

Жаахан хүүхэд засварын газар

Жинхэнээсээ аваачиж өгнө шүү

Бороо ороход

Баярлаж гүйхгүй бол

Солонго татахад

Сонирхож харахгүй бол

Дэргэд ойрхон байгаа

Дэггүй хүүхэд засварын газар өгчихнө шүү

Гэтэж мяраагаад

Гэнэт цочоовол

Урхидаж хуураад

Уйлтал зовоовол

Том хүн засварын газар

Торонд хийгээд тушаачихна шүү.

зовлон үзсэн хүн бол
зовлон ойлгохдоо тааруу
жаргалтай явсан хүн бол
жаахан зовлонг мэдэрнэ.

хөл чинь ямар урт юм бэ
хөх чинь ямар том юм бэ
царай чинь ямар сайхан юм бэ
цээж чинь ямар цагаан юм бэ
үс чинь ямар гоё юм бэ
үнэрийг нь би мартаж чадахгүй нь
чих чинь ямар эгдүүтэй юм бэ
чамайг долоогоод идчихмээр юмаа
нүд чинь ямар хөөрхөн юм бэ
нүүр чинь ямар цэвэрхэн юм бэ
уруул чинь ямар зузаан юм бэ
улам янаг үнсэж чадах уу
шүд чинь ямар гоё юм бэ
шүдээрээ хазсан ч болно шүүдээ
нуруу чинь ямар шулуун юм бэ
нуруугаар минь хөлөө ороо л доо
бэлхүүс чинь ямар нарийхан юм бэ
биеэ барихгүй хөдлө л дө
бөгс чинь ямар бондгор юм бэ
битгий хөдөл дөө...

Ганцаараа амьдрахад

Толь ичихгүй, Тогоо шаналахгүй
Таваг эвшээлгэхгүй, TV гомдохгүй
Хутга айхгүй, Хайч хялалзахгүй
Хундага шартахгүй, Халбага хөгшрөхгүй
Хана хөлгүй, Хаалга хумсгүй
Хивсэнцэр зүүдлэхгүй, Хөнжил хөлдөхгүй
Цай цангахгүй, Цоож унтахгүй
Цахилгаан зуух даарахгүй, Цамц даарахгүй
Цонх зугтаахгүй, Цүнх зугтаахгүй
Ус буцалгагч уйдахгүй, Унтраалга уурлахгүй
Уртасгагч учирлахгүй, Утас уйлахгүй
Данх ядрахгүй, Далавч минь бутрахгүй
Давс гашлахгүй, Дэр халууцахгүй
Сандал сандрахгүй, Сэрээ сэрэхгүй
Саван сахалгүй, Сойз нүдгүй
Салхивч онгойхгүй, Сам салхилахгүй
Ширээ чихгүй, Шал хэлгүй
Шүүр шүүрс алдахгүй, Шанага шилрэхгүй
Аяга амрахгүй, Алчуур инээхгүй
Амьдралд дасахгүй, Номнууд ярилцахгүй
Чийдэн шүдгүй, Чигчлүүр сэнжгүй
Чи минь байхгүй, Би бухимдахгүй

Хулгайчидтай нийлсэн ч
Хулгайч болоогүй минь хурмастын таалал
Луйварчидтай нийлсэн ч
Луйварчин болоогүй минь лус савдгын таалал
Янхан завхай хүмүүстэй нийлсэн ч
Янхан завхай болоогүй минь сүнсний минь таалал

galsaad neg shivees bii. nuruun deeree ereecheed hayachihsan uigarjin mgl tatmal baigaa. ter shiveesiig n olj uzehiin tuld ehleed mgl hel surah heregtei. mgl hel medehgui hun ter shiveesiig n unshij chadahgui. zgr l ene yamar goy shivees ve? gej hooson hoshgirno. goshgirson humuus uuruu nuruun deeree tiim shivees hiilgeh gej arisaa siichne. medrelee merne. merj diileh shudguin baij ugen dund n tuurnu. galsaagyin mgl heleer hiisen holimog huurgyig amtalj chadahgui humuus yadaj uneriig n avaad uhaanaa bayasgahyin tuld tuunii shulgees mgl heliig ehleed sain surah heregtei dee.

Нэг, хоёр, гурав, дөрөв, тав, зургаа, долоо
Надад үхэх долоон шалтгаан хэрэгтэй
Нэг л ер бусын шүлэг бичих эрчим хүч дутагдвал
Нам өндрийн хүйтэн үзэсгэлэн соронздон татвал
Улаан шаргал үүрийн туяаг хармааргүй санагдвал
Уруул болоод мээмний амт болоод өнгийг үзмээргүй бол
Харь гаригийн хөлгийн дохио хэзээ нэгтээ зүүдлэгдвэл
Хэн нэгний зохиосон диваажинг сонирхмоор санагдвал
Хэн ч зохиогоогүй энэ тамын амьдралаас зугтах хүсэл төрвөл
Нэг, хоёр, гурав, дөрөв, тав, зургаа, долоо
Надад амьдрах долоон шалтгаан хэрэгтэй
Нэг л ер бусын шүлэг бичих эрчим хүч тэсэрч байвал
Нам өндрийн хүйтэн үзэсгэлэн соронздон татахгүй бол
Улаан шаргал үүрийн туяаг хармаар санагдвал
Уруул болоод мээмний амт болоод өнгийг үзмээр бол
Харь гаригийн хөлгийн дохио хэзээ нэгтээ зүүдлэгдэхгүй бол
Хэн нэгний зохиосон диваажинг сонирхолгүй санагдвал
Хэн ч зохиогоогүй энэ тамын амьдралаас зугтмааргүй бол
Нэг, хоёр, гурав, дөрөв, тав, зургаа, долоон зуун жил
Намайг хэзээ ч хаана ч гэсэн харж болно
би байна...
би байхгүй...

_________________
Lucky Soul :)

_________________
http://jungle.mn/

_________________
Mad WorlD♫

_________________
Lucky Soul :)

_________________
Mad WorlD♫

Зөнөсөн өвгөний яриа шиг өвлийн
Зовлонт өдрүүдэд цуйвангийн мах хэрчих
Цай чанах эгшинд бүрэнхий нөмөрч
Цас гадаа хэн нэгний хөлийн доор
Чарлистон бүжих шиг чахрана

СИМВОЛИСТ - ХҮН СУДЛАЛ
Цусны минь эргэлтийн аясыг дагах
Цэнхэр наран, улаан саран эрээлжлэх
Сүнс минь биедээ эргэж ирэлгүй, оролгүй
Сэтгэлийг минь хийсгэж салхилангуй, амарлингуй

Ирээдүй минь бүдэг цайвар, шаналангуй
Итгэл муутайхнаар бие минь сүнсээ хүлээнгүй
Дусаад тогтсон харанхуй буланд "би" биеэ орхичихсон
Дээвэр дээр сүнс минь од тоолоод суучихсан
Зүүд минь хоёр биеийн завсар ганцаардчихсан
Зорих зам минь өмнөөс хоёр тийш одчихсон
Оюун санаа, сэтгэл зүрхний минь амь цогийг
Ойрмог тохиох үйл явдлууд цэнэглэх байх ...
Сүүлийн үед бүх л бие минь хүндрэн өвдөөд
Сүнс минь биендээ ирж байх шиг ...
Хар аяндаа бие минь сульдан алдраад
Хоёр дахиа мэндэлж байгааг минь
Хэн ч анзаарахгүй байх шиг ...

_________________
Lucky Soul :)

…Чихний чимэг болсон аялгуу сайхан монгол хэл…
Б.Ринчен

Загас, сармагчин хоёртой хэлээ ололцолгүй
Зовж, хэлмэрч хайж 1600 үеийг туулахад
Зуслан эсвэл өвөлжөө рүүгээ нүүх аятайхан санагдаад, Арслан
Заан агнаж, агуйд амьдрах аягүй санагдаад 1200 үе өнгөрлөө
Монголын радио хятадаар мэндлэхэд би үхнэ.

Өвөө, эмээ хоёрт минь үсэг нүдлүүлэх гэж 24 нь нойргүй хоноод
Өөрийн минь номыг хэвлэх гэж 22 үе минь хүлээхийн жаргал эдлээд
Нэг зуун мянган жилийн өмнөх их мөстлөгөөр бурхан цусыг минь хөлдөөхгүй гэж зовоод
Наранд итгэхгүй надад цахилгаан зуух өвлүүлэх гэсээр зургаан ч үе барагдлаа
Монголын ТВ солонгосоор цаг агаарын мэдээ уншихад би үхнэ

Шуурга тавьсан солирын бөмбөгдөлтөнд бөмбөрцөг 20 тэрбум жил ёолоод
Шөнө, сар хоёрыг төрүүлсэн нар 10 тэрбум жил ганцаардаад
Шоргоолж юм уу, өтний өвөг сарнаа явагч шиг хорвоог хэмжсээр зургаан тэрбум жил наслахад
Шугуйн жимсийг зах дээр надад 10 жилийн өмнө худалдаж байлаа
Монголын сонинууд японоор мэдээ нийтлэхэд би үхнэ.

_________________
Mad WorlD♫

Нижигнэсэн их алга ташилтын доор
Нэг сайхан үхэж үзэхсэн гэдэг шүлэг нь ямар шүлэг билээ. Байна уу хүмүүсээ

_________________
...

Rasul Gamzatow shulegchiin negen buteeliin mongolchilson huulbar.

_________________
http://youtu.be/y6Sxv-sUYtM

_________________
shut up!!!enjoy the silence!!!

_________________
shut up!!!enjoy the silence!!!