#AsuultSambar :

ASUULT.NET - МОНГОЛ УЛС МАНДАН БАДРАГ!
Одоогоор 6-р сар.10.26 12:42 pm байна

Бүх цагууд UTC+09:00




Шинэ сэдэв оруулах  Сэдвэд хариулах  [ 470 постууд ]  Хуудас руу явах Өмнөх 115 16 17 18 19 Дараагийн
Зохиогч Мэссэж
БичлэгБичигдсэн: 5-р сар.04.11 2:03 am 
Оффлайн
Тvмнээс Төгөлдөр Гишvvн
Тvмнээс Төгөлдөр Гишvvн
Хэрэглэгчийн аватар

Нэгдсэн: 8-р сар.18.10 2:28 pm
Бичлэгүүд: 128
Байршил: ulaanbaatar
Бодол санаа нэг л тогтворгүй

Болчимгүй үйлдэл газраа олохгүй

Буцах шувууд тэнгэртээ хөөрч

Борхон зүрхийг минь бухимдал эзэгнэнэ

Ганц л амьдрах хүний хорвоод

Зөвхөн чамайг л хайрлах гэтэл

Өөдгүй зангаа гаргаад чи

Өрөөсөн дугуйгаа дагаж одно

Амьдралд итгэх итгэл минь

Аажим аажмаар алдарч байхад

Анхны гэх бүхий л дурсамж

Жингийн цуваа мэт бодолд хөвөрнө

Нэгэнт өнгөрсөн амьдрал гэж

Нөлөө ихтэй байдаг болохоор

Бүсгүй хүнд итгэх итгэл

Бүдэгхэн болж сэтгэлд зурагдана.

3 жилийн өмнө л бичсэн шүлэг байна тэр үедээ ийм л байсан юм байхаа


Дээд талд
БичлэгБичигдсэн: 5-р сар.09.11 8:04 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Харанхуй орчлон эцэс төгсгөлгүй мэт
Хаа сайгүй намайг тойрон эргэлддэг
Хахир төмөр, яхир хүйтнээр
Хамаг бүхнийг минь хайран тарчлаадаг.
Хамгийн сүүлчийн амьсгалаа хүртэл
Хангал биеэ хөвчлөн тэвчдэг
Хангал биений эс ширхэг бүр
Харагдах бараагүй болж уусан ширгэдэг
Харагдах алсад жижигхэн зул бадамлан
Хааяа ч гэхнээ надруу ирмэх мэт
Халаг халаг... чи юунд ингэж
Хүршгүй бараагаар намайг хуурна вэ?
Хумсын чинээхэн тэр гэрэлд
Хайран итгэлээ өнөд зориулж
Хэзээ нэгэнтээ тэнд хүрнэ гэж
Харанхуй харанхуйн дунд бэдэрч явна.
Хэзээ ч чамд хүрсэнгүй.
Хүнийрхүү тэр бяцхан аз жаргал
Хөөрхийлөлтэй алган дээр буусангуй
Харлаган гуйлгачин мэт горьдож
Халтар алгаа тоссоор байдаг...
Хүрч чадахгүй ч ирэх байлгүй гээд
Хэчнээн ч харанхуйг тэсэн хүлээв...
Хуурамчхан гэгээ минь гуйя... одоо боль...
Харанхуй хоосны дунд энэ ямар утгатай вэ?
Харанхуй хоосон хэвээрээ л дуусна...

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 5-р сар.11.11 11:43 am 
Оффлайн
Тvмнээс Төгөлдөр Гишvvн
Тvмнээс Төгөлдөр Гишvvн
Хэрэглэгчийн аватар

Нэгдсэн: 8-р сар.18.10 2:28 pm
Бичлэгүүд: 128
Байршил: ulaanbaatar
Санаа бодлын ертөнцөд минь
Хүч түрэн орж ирэх
Эгэл бүсгүйн даруу төрх
Хүсэл хяслын хязгаарт минь
шувуу болон дэвэх юм
Зүүд нойрны ертөнцөд минь
Илбийн юм шиг орж ирээд
Зөн билиг мөрөөдөлд минь
Хатан хаан шиг тухлах юм
Хаанаас чи ирсэн юм бэ?
Хаашаа тэглтлээ яарсан юм бэ?
Яагаад чамайг би боддог юм бол?
Яах гэж чамд дурласан юм бол?
Атгахан зүрхэний минь хайрыг амтлах гэж
амраг минь болж ирчихээд чи
Аяа бас намайг л зовох гэж
алаг хорвоогоос яарсан гэж үү?

Зөөлөн харц булбарай хацар чинь
одоо болтол санаанаас гарахгүй юм

Ялдам ааш танхил биенд чинь
татагдаж би дурласан юм болов уу?


Дээд талд
БичлэгБичигдсэн: 5-р сар.14.11 1:56 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75
Өнгө алагласан хээнцэр хорвоогоос
Өөрөөс чинь өөр юуг ч авахгүй, би
Хичнээн үнээр надад олдохов?
Хэлээч чи надаа, Алсын Од оо...

Тэнгэрээс нэг од шүүрээ л биз,
Бурхад надад уурлахгүй байлгүй.
Тэнгисээс сүүдрийг нь аваа л биз,
Буруутгаж намайг зэмлэхгүй байлгүй.

Алсаас гялалзан намайг баясгахдаа
Андуураагүй бол чи дохио өгсөн!
Будгаар гоёсон ганган ертөнцөөс
Болох уу? би ганц чамайг л авъя.

_________________
үл ойлгох


Дээд талд
БичлэгБичигдсэн: 5-р сар.14.11 2:34 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75
Хайрлаж, хайрлуулахад эрх шаарддаг юм уу?

Хаврын нар
Зөөлөн ээхдээ
Зөвшөөрөл авдаг юм уу?
Хатаж гундсан навчинд дэм өгөхдөө
Хан хорвоогоос эрх гуйдаг юм уу...

Зуны нар
Хурцаар шарахдаа
Хэн нэгнээс асуудаг билүү?
Гуньсан бүхнийг гийгүүлэн сэргээхдээ
Гоо ертөнцөөс зөвшөөрөл авдаг билүү...

Намрын нар
Налайн ширтэхдээ
Надад эхлээд анхааруулдаг гэж үү?
Борооны үүлсийг түрхэн саатуулахдаа
Бид бүгдээс эхлээд гуйдаг гэж үү?...

Үгүй дээ, үгүй, тэд гуйдаггүй
Үнэндээ дурлалтай агаар нэг
Үг хэлгүй дайрж ирчихээд
Үүлэн чөлөөгөөр нисчихэж мэдэх
Эмзэгхэн, эрх дураараа
Эгээтэй л шувуу аятай
Энхрийхэн, танхилхан
Эрх чөлөөтэй ХАЙР.

Чи хайрлаж, хайрлуулж болноо...
Чөлөөтэй.


П.С. уучлаарай дураараа биччихлээ,
гэнэт бичмээр санагдаад л...

_________________
үл ойлгох


Дээд талд
БичлэгБичигдсэн: 5-р сар.24.11 3:06 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Бодлын үзүүрт тэр залуу
Босон суувч нүдэнд харагдана
Боргил цээжний нөмөрт
Бүжин зүрхээ нуун хоргодмоор

Санааны үзүүрт сайхан залуу
Санаа алдахын тоогоор тодорно
Саруул магнайн чинь ухаарал хайрыг
Сэмхэнээ чагнаж, сонсон уярмаар

Зүүдний чанадад зүр гөрөөс шиг эр
Зүг чиггүй орчилд намайг тойрон эргэнэ
Зүмбэр хурууны ялдам ээлэнд
Зүйдэлгүй огторгуйтай нялхран ээмээр

Аюулхайн гүнд үзэсгэлэнт эр
Ангир цээжийг давчидмаар мишээнэ.
Аальгүй нүдээ богтлон нуугаад
Араас нь нууцхан аргадан дуудмаар
Араас нь нууцхан аргадан дуудмаар...

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 5-р сар.24.11 3:15 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Хаврын униарт сэтгэл нялхарсан
Хадган цэнхэр дулаахан өглөө
Хайр, мөрөөдөл, хүсэл гурваа
Хараа хүрэмгүй алсад нисгэсэн
Хонхны дуу цангинаж
Хонгор нөхдөө даллан
Хойч ирээдүйг итгэл дүүрэн угтсан
Ховорхон тохиох тэр өдрүүдийн
Хулдаж, хэмжиж болохгүй баяр жаргал
Хугаслаж, тайтгаруулж болшгүй гунигийг
Хэнзхэн насны бичилхэн ухаарал
Хэнхдэг цээжиндээ арайхан мэдэрсэн......

/Үргэлжлэл бий.../

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 5-р сар.25.11 11:39 am 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Борооны аниргүйхэн шиврээ
Бодол сэтгэлийг ариусгаж байна.
Бөөрөнхий орчлонгийн амьд бүхнийг ундаалж
Будангуй амьдалд итгэл бэлэглэж байна.

Намиран аргадах бяцхан дуслууд
Намайг чамруу очихыг ятгаж байна.
Нандин сайхан бүхнээ дурсаж
Нялхран уярч хайрлахыг хүсч байна.

Үрийнхээ зөөлөн зулайг
Үнэрлэн үнэрлэн хайрлахыг дуудаж байна.
Үг хэлгүй зүрхний цохилтоо
Өөдөсхөн цээжинд нь сонсгохыг зааж байна.

Өнөр гэрийн бүлээн хоймортоо
Өмөг түшиг ханиа суулгаж
Өтөл түүх, өнө ирээдүйг
Өртөөлөн хэлэлцэхийг урьж байна.

Дөрвөлжин хананы цэвдэг булангаас
Дэндүү хайртай та нартаа яарахыг
Дусал бүхэндээ гуйлга шингээж
Дэнслэх ухаарлын бороо шивнэж байна.

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 5-р сар.26.11 4:21 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Миний л гэх алга дарам хөрс
Манцуйтай нярайг тосон авахдаа
Марал бугын удамт бүсгүй үр
Монгол газраа олов хэмээн тунхаглах буюу...

Санах сэрэхийн эгшинд зүрх лүгээ булиглам
Сайхан зүүднээ ангид үл зурагдам
Салхин тал сэрүүн хангай
Сайны ерөөлт энх саруул нутаг

Бийрийн үзүүрт найраг бадамлахуй
Бичих үгсээс ангид үл сийлэгдэм
Булга минжин бумба цагаан өргөө
Буцахын цагт энд л хорогдох буюу би

Өнө мөнхийн өлмийд
Өтөгсийн сүжиг лүгээ гэрээслэгдэж
Үнгэгдсэн түүхийн хуудас болгонд
Үйлтэй, утга төгс дархлагдах нэгэн ертөнц

Хэн ч халдашгүй лүндэн буй
Хэзээ мөнхөд сүүн цагаан байх итгэл бий
Налгар говийн шаргал элсэн ширхэг бүрт
Нутгаа гэх өвөг дээдсийн залбирал буй


Хуучны шүлэг байна. сая санаандгүй олж үзээд....

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 5-р сар.28.11 6:40 pm 
Оффлайн
Даяар Дурсагдах Гишvvн
Даяар Дурсагдах Гишvvн
Хэрэглэгчийн аватар

Нэгдсэн: 5-р сар.04.10 10:38 pm
Бичлэгүүд: 117
Байршил: Зүүдэндээ....
Ганцаардлын гүнд

Хав харанхуй дунд ганцаараа
Хаашаа гэдэгээ ч мэдэхгүй алхана
Хүсээгүй шаналалаар сэтгэлээ дүүргээд
Хараагүй хүн шиг тэнцэж явна би

Уулын өөд өгсөж байгаа хэрнээ
Уруудаж байгаагаа мэдрээд байна
Урсах усны энэ чимээ
Урд байна уу? хаана байна аа?

Нүдээ нээгээд харахад ч
Нүдээ анисан мэт харанхуйн дунд
Амьд байгаа хэрнээ би өөрийгөө
Амьгүй болсон шиг мэдрээд байна...

Энэ миний ганцаардал....

_________________
:wd:


Дээд талд
БичлэгБичигдсэн: 5-р сар.28.11 6:41 pm 
Оффлайн
Даяар Дурсагдах Гишvvн
Даяар Дурсагдах Гишvvн
Хэрэглэгчийн аватар

Нэгдсэн: 5-р сар.04.10 10:38 pm
Бичлэгүүд: 117
Байршил: Зүүдэндээ....
АМЬДРАЛ

Би дээшээ авирч явна
Ууланд биш
Ургаа модонд биш
Би тэнгэр өөд алхаж яваа

Тэгэхдээ унаж бүдчиж
Тэнцэж ядан
Алхаж яваа...

Алхах тусам холдох
Тэр гэрэл
Ахиад ирэхгүй
Цаг хугацаа

Дөхөх тусам холдох
Тэр туяанд
Дөнгөж хүрээд л би ҮХНЭ...
Би өгсөж яваа...

Уул руу биш
Ургаа мод руу ч биш
Би тэнгэр өөд өгсөж яваа....
Би үхэл рүүгээ дөхөж яваа...

2009-09-05

_________________
:wd:


Дээд талд
БичлэгБичигдсэн: 6-р сар.06.11 12:37 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75
Нүдээ ань

Нүүрэнд чинь тулсан үнэн ихдээд ирвэл
Нүдээ аниад, амьсгаа ав, нүглээ тунгаа
Нөмөргүй үлдсэн ганцхан мод шиг сэтгэлд чинь
Нэгхэн ширхэг хариулт үлдвэл тэр чин үнэн болог.

Сэтгэлээ хаагаад, итгэлээ түгжчихээд хүлээж суухад чинь
Салхи шиг хийсч, нар шиг ээгээд хаалгыг чинь тогшвол
Сандралгүй тайвнаар асуугаад үз "Хэн бэ?"
Сая чиний хайр чинь ирсэн байж юуны магад...

Бодолгүй бодлоос ч урган гарахаар цэцэг
Сэтгэлгүй сэтгэлээр ч тэжээгдэн услагдана
Хайргүй хайраар ч илүүлэн таалуулахдаа
Итгэлгүй итгэлээр цэнэглэгдэж чадах ажгуу

Нүдээ ань, тэгээд мэдэр.
Нууц тэр цэцгийг битгий үхүүл

_________________
үл ойлгох


Дээд талд
БичлэгБичигдсэн: 6-р сар.14.11 8:47 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Усан долгисын дээгүүр
Уудам хорвоогийн наран мандахдаа
Учирлан асууж уучлал хүсэлгүй
Урган гарч үнсэн дулаацуулдаг
Уянга яруу хайрын ээл
Учир нэгэн адил билээ

Мөнгөн сарны бүгээн туяа
Мөхлийн шөнийг хүнээс холдуулж
Мөсөн айдсаас ангижруулан аврахдаа
Мөдхөн ирэх зөвшөөрөл хүсдэггүй
Мөчид насны сэтгэлийн халамж
Мөнхрөх орчлонд ижилхэн туяардаг

Хунгийн өд нүглийн нүдийг ариулж
Халуун илчээр амьд бүхнийг дулаацуулж
Хүний хайр, хосын бэлгэдэл болохдоо
Хувь тавилангийн алтан адисаар
Хүйн хорвоог итгэлээр сүлдэг
Хүсэл минь бүтэн байхын утга
Хонгорхон үрийн сэвлэгэнд шингэдэг.

Сэтгэлийн ариунаар босго юугаан өндөрлөж
Сайхан мөрөөдлийн санаашралаар тулга юугаан түшиж
Сүүн дээжээр ханийн суудлыг дээдэлж
Сүсэглэн хайрлаж хоймор юугаан тэгшилхийн
Саатан эргэцүүлэх учир энэ билээ.



Ишлэл:
Хайрлаж, хайрлуулахад эрх шаарддаг юм уу?

Хаврын нар
Зөөлөн ээхдээ
Зөвшөөрөл авдаг юм уу?
Хатаж гундсан навчинд дэм өгөхдөө
Хан хорвоогоос эрх гуйдаг юм уу...


НЭГ-ээ! чиний энэ шүлгийг уншсаны дараа ингэж бичмээр санагдсан юмаа. тэгсэн ч гэсэн чинийх л илүү таалагдаж байна. дахиад баяр хүргье! :wd:

_________________
Залуу гэдэг Ядуу гэсэн үг биш!!!


Дээд талд
 Постын сэдэв: Re:
БичлэгБичигдсэн: 9-р сар.07.11 5:14 am 
Оффлайн
Хvндэт Гишvvн
Хvндэт Гишvvн
Хэрэглэгчийн аватар

Нэгдсэн: 10-р сар.14.09 11:09 pm
Бичлэгүүд: 164
Ишлэл:
DENDUU IH ZOVOOSON BOL UUCHLAARAI HAIRT MINI
DEVRUUN SETGEL GARGAJ BARDAM ZAGNASAN BOL UUCHIL
ARIUHAN SETGELIIG CHINI HOSORDUULSEN BOL UUCHIL
AMIDRALD ITGEH ITGELIIG CHINI ALDAGDUULSAN BOL UUCHIL
UUCHIL GEJ BI CHAMAASAAN HED DAHIN GUIJ BNA
UHAAN MUUTAI NAIZDAAN BUU GOMD
:( :( :( :( :( :( :( :( :( :( :( :( :( :( :( :( :(

Амьдрал орвонгоороо эргэчихэж дээ хөгшөөн


Дээд талд
БичлэгБичигдсэн: 9-р сар.07.11 11:09 am 
Оффлайн
Төгөлдөр гишvvн
Төгөлдөр гишvvн

Нэгдсэн: 5-р сар.30.11 12:43 am
Бичлэгүүд: 87
Байршил: work ----> work
tsaasan deer 4 mor bichlee
tsagaan tsaas hew heweeree
tsasan deer har gutlaar gishgle
tsagaan tsas hew heweeree :D:D:D
anh udaa shuleg zohioloo nadad awias bnuu humuusee???????????


Дээд талд
БичлэгБичигдсэн: 11-р сар.24.11 2:52 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75
Цаасанд дурсгасан дөрвөн мөрт минь чамд очилгүй
Цагаахан цасанд дарагдах зам шиг эзгүйрч үлдэхэд,
Хаанаас эхлэсэн нь үл мэдэгдэх дөрвөн мөртийн бараа
Халаасанд чинь шажигнаад л нэг дуугарна, тэгээд дуусна...

_________________
үл ойлгох


Дээд талд
БичлэгБичигдсэн: 12-р сар.15.11 11:32 am 
Оффлайн
Гялалзах Одны Гялбаа Гишvvн
Гялалзах Одны Гялбаа Гишvvн
Хэрэглэгчийн аватар

Нэгдсэн: 12-р сар.14.11 11:21 pm
Бичлэгүүд: 273
Байршил: Slumberland
Миний бие бусдын ертөнцөд
Мөнх биш бас зуурд биш
Итгэл,Хайр,Учир утга
Ирээгүй учраас шүлэг төрсөн юм

Хайхыг хүсээгүй хэрнээ
Хамт байхыг хүсдэг
Зовлонтой учраас утгатай
Жаргалтай учраас утгатай

Өнөөдөр бодсон зүйлс
Өдөр өнгрөхөд биш болно
Бодолгүй амьдралыг хүсэвч
Багахан дээр ч гэсэн бодол ургана

Хүн болоод төрчихсөн учраас
Хэн нэгний л төлөө амьдрана
Үгүй бол үхэл байна
Үүнээс илүүг олоогүй юм байна

Үүнд хүрэх зам нь
Үл мэдэх "икс" гишүүн
Итгэл,Хайр,учир утга
Ирсэн ч гэсэн би үхсэн

_________________
:headbang:


Дээд талд
БичлэгБичигдсэн: 1-р сар.03.12 8:44 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75
Ишлэл:

НЭГ-ээ! чиний энэ шүлгийг уншсаны дараа ингэж бичмээр санагдсан юмаа. тэгсэн ч гэсэн чинийх л илүү таалагдаж байна. дахиад баяр хүргье! :wd:
Баярлалаа
Яагаад ойрдоо харагдахгүй байгаа юм бэ?
Шүлгүүдийг чинь санаж байна...

_________________
үл ойлгох


Дээд талд
БичлэгБичигдсэн: 3-р сар.01.12 6:04 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Ишлэл:
Баярлалаа
Яагаад ойрдоо харагдахгүй байгаа юм бэ?
Шүлгүүдийг чинь санаж байна...
Нээрээ санаж байна гэж үү? тэгвэл одоо харагдаж эхэлье ээ. хэн нэгэн шүлгийг минь санаж л байгаа бол...

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 3-р сар.01.12 6:06 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Хайрын тэнгэр байх гэж хамгаа бүү бар Охид оо!
Хаврын тэнгэр шиг хуйсгануур орчлон
Хадгалсан юмгүй нэгэнд хад чулуу шиг хайруу
Харц дээгүүр ихэмсэглэлгүйгээр
Хайлсан тугалга шиг уяралгүйгээр
Хатан зориг, уран ухаангүйгээр
Харчуулыг хайрыг булааж болдоггүй.

Охин хонгор биеийг олны явдалд гээж
Ойворгон зугаанд олсон гээснээ барж
Олбог суурьгүй нэр нүүрээн барж
Од шиг гялалзах гэж шунан бүдэрч
Огтоос ганц хайрыг шүтэх гэж
Онгиргон залууст тоогдох хэмээн
Ойлголт сэтгэлээ ташааруулсан нэгэнд
Огтоос тэд дургүй байдаг.

Хайран алтан биеийг тань
Хатан ээж Хаан аавууд
Хэнд гэж бэлдсэн байхав
Хөөрхөн бумбагар хацрыг тань
Хар муугаас хамгаалан
Халуун нарнаас халхлан
Халамжаа дэвсэн өсгөсний
Хэрэг нь юунд гарахсан билээ?

Хатан сэнтийд тохирох ухаантай
Хангайн цэцэгс шиг ариун дагшин
Ургаа хад шиг нөмөр суурьтай
Усны тунгалаг шиг ариухан байгаарай.

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 3-р сар.01.12 6:12 pm 
Оффлайн
Төгөлдөр гишvvн
Төгөлдөр гишvvн
Хэрэглэгчийн аватар

Нэгдсэн: 5-р сар.25.10 7:21 pm
Бичлэгүүд: 84
Энэ ширээний тавцан
Уншихад минь дэмнэсэн урмын индэр
Унтахад минь дэрлүүлсэн зүүдний газар
Уйлахад минь түшсэн ганц багана
Уйтгарлахад минь сэргээсэн бодлын тавиур
Уурлахад минь нүдүүлсэн зөөлөн зодуур

Энд эрдэмтэд нээлтээ хийж
Эгэлээс эгэл бусыг ялгасан
Эрчүүд хундага тулгаж
Ээжүүд гүнцэгээ бэлдсэн
Эрх хүүхдүүд хоолоо асгаж
Эгчмэдүүд захидлаа нуусан
Элбэрэл хайр, энэрэл халамжийг
Энхэр зүрхэнд ургуулсан талбар

Энэ ширээний тавцан
Угтах ирээдүйг надад шивнэсэн
Уд мод шиг гандахыг гашуунаар хэлсэн
Урмаар сүлэгдэж дэврүүн амьдар гэсэн
Угтаа миний амьдралыг хүүрнэн өгүүлсэн.

_________________
Залуу гэдэг Ядуу гэсэн үг биш!!!


Дээд талд
БичлэгБичигдсэн: 3-р сар.07.12 5:15 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75
Чи миний...

Зуурдын амьдралд нэрэгдсэн
Зүүдний сархадын эзэн байж.
Зүгээргүй нэгэн учрал байж.

Тэнгэрийн уудам хөндийд
Тархаж ургасан цэцэгс байж.
Танхил зүрхний ангууч байж.

Сүүмийх алсын хязгааргүй хөвөөнд
Санаандгүй сэмэрсэн сэтгэл байж.
Сувдан нулимсын цуглуулагч байж.

Чи миний дурлал байж
Чи миний мөрөөдөл байж
Чамайг би олсон байж...

_________________
үл ойлгох


Дээд талд
БичлэгБичигдсэн: 3-р сар.10.12 7:43 am 
Оффлайн
Тод Гишvvн
Тод Гишvvн
Хэрэглэгчийн аватар

Нэгдсэн: 12-р сар.24.09 11:26 pm
Бичлэгүүд: 75

Хамгийн сүүлчийн од тэнгэрт харвахад
Хамгийн сүүлчийн навчис газарт унахад
Хамгийн сүүлчийн нар хорвоод мэндлэхэд
Хамгийн сүүлчийн салхитай хайр минь нисэж одно...
Хүмүүнийг уйлж дуусахад
Хүчил төрөгчийг тасалдахад
Хорвоо тэнцвэрээ алдахад
Хайр минь тасарч үлдэнэ
Хагацаж чамаас сална.
Үдэш уртсаад ирэхэд үүлэн чөлөөний нар минь
Мөнхийн сүүдэрт хоригдож, гарч чадахгүй тарчлахад
Манан татсан бүрхэг өдрүүд ар араасаа цуварч эхэлнэ
Магадгүй тэр үед, тийм тэгэхэд л миний хайр шавхагдана.

Хамгийн сүүлчийн од тэнгэрээс гээгдэж алдагттал
Хамгийн сүүлчийн навчис газарт тээглэж үлдтэл
Хамгийн сүүлчийн наран уулын араар нуугдтал
Харцанд минь, хайранд минь, хамаг бүгдэд минь итгэнэ гэж амлаач.

_________________
үл ойлгох


Дээд талд
БичлэгБичигдсэн: 3-р сар.12.12 1:43 pm 
Оффлайн
Жирийн Нэгэн Гишvvн
Жирийн Нэгэн Гишvvн
Хэрэглэгчийн аватар

Нэгдсэн: 7-р сар.27.09 11:20 am
Бичлэгүүд: 17
Нэг ийм юм байхаар нь орууллаа.

Суудал тавиагүй хүүд бүү уурла эмээ минь Магадгүй та залуу харагдсан байх
Хөл дээр чинь гишгэсэн залууд бүү уурла бүсгүй минь Магадгүй та таалагдаад өдсөн байх
Гэрийн ажилдаа туслаагүй охиндоо уурла ээжээ Магадгүй бусдын ажилд туслаад удсан байх

Ээж аавынхаа зэмлэлд бүү уурла дүү нар минь Магадгүй тэд чам шиг залуу явснаа мартсан байх, ойлгоорой

Мөнгө зээлүүлээгүй найздаа бүү уурла анд нар минь
Итгэлээ зээлдүүлж болохгүй гэдгийг ухааруулж өгсөнд нь баярлаарай

Чамайг тоогоогүй бүсгүйд бүү уурла залуу минь
Өөрөөсөө илүү бүсгүйтэй учрах боломжийг чинь олгосон түүнд баярлаарай

Оройтож ирсэн хүүдээ бүү уурла аав аа
Магадгүй унааны мөнгөөрөө айлын охинд бэлэг авч өгчихөөд алхаж ирсэн байх харин ч та баярлаарай


Дээд талд
БичлэгБичигдсэн: 4-р сар.10.12 1:24 am 
Оффлайн
Хvндэт Гишvvн
Хvндэт Гишvvн
Хэрэглэгчийн аватар

Нэгдсэн: 6-р сар.13.10 6:42 pm
Бичлэгүүд: 160
ТЭР ҮЕД...
Цас малгайлан хаялан хаялан орж байсан тэр сайхан өдөр
Цагаан царайд чинь цайлган инээмсэглэл тодорч
Чи жаргалтай л байсан шүү дээ
Цацлан цацласан цасны ширхэг бүр хацар дээр чинь бууж
Царайлаг төрхийг чинь чимж чамин гоёмсог болгосон байсаан
Уйланхай усан бороо үсны ширхэг бүрт шингэж дуслан байсан тэр сайхан өдөр
Ухаалаг сайхан харцанд чинь уярал баясал тодорч
Чи жаргалтай л байсан шүү дээ
Хурын дусал урсан сормуусыг чинь норгоод
Хөөрхөн нүдийг чинь угааж тунгалаг ариухан болгосон байсаан
Сарны цагаанхан туяа бүхнийг гийгүүлэн байсан тэр сайхан үдэш
Сарнайн дэлбээ уруул чинь мишээж
Чи жаргалтай л байсан шүү дээ
Садарсан цалин гэрэл сайхан царайг чинь тодотгож
Саруул үзэмжит дүрийг чинь улам үзэсгэлэнтэй болгосон байсаан
Замбуулинд надад ганцхан чи л байгаа юм шиг бодогдож
Заримдаа чамайг дарь эхтэй хүртэл зүйрлэн тэнэглэж явлаа
Амьдрахын утгыг чамтайгаа л холбож ухаардаг юм шүү би чинь
Алдрайхан минь чи жаргалтай байгаагүй гэж үү ТЭР ҮЕД...

Хэн нэгний зохиосон шүлэг...


Дээд талд
БичлэгБичигдсэн: 5-р сар.08.12 3:28 am 
Оффлайн
Олноос Онцгой Гишvvн
Олноос Онцгой Гишvvн
Хэрэглэгчийн аватар

Нэгдсэн: 6-р сар.04.11 12:31 pm
Бичлэгүүд: 105
Байршил: Харахгүй байгаамуу хажууд чинь л байшд
Сиймхий л гарвал чиний тухай бодож
Сэтгэл минь нэг л тогтворгүй болох юм
зав л гарвал чиний тухай бодогдож
заяаны минь хань байгаасай гэж
сэтгэлдээ сэмхэн мөрөөдөх юм
утсанд мессеж ирэх бүрт
чамайгаа байгаасаа гэж горьддог
харин чи биш байвал
хамаг догдлол минь тэгээд л унтарчихдаг
орондоо ороод хэвтэхэд
ганцхан чи л бодогддог
амьдралынхаа ирээдүйн сайхан бүхнийг
чамтайгаа хамт гэж ургуулан боддог
Чиний тухай бодохоор
сэтгэл минь гэгэлзээд байна
чиний дэргэд суухаар
зүрх минь догдлоод байна
Алдахаас хайран 18 насандаа
Анхны хайраа олж байх шиг байна
Аз жаргал бэлэглэгч анхны хайр минь
Анд найз чи минь юм шиг байна
салхи сэвэлзсэн намуухан орой
чамтай зэрэгцээд алхмаар байна
саран авхайн гэрэл доор
гараас чинь хөтлөөд алхмаар байна
даварсан байж магадгүй ч
чангаас чанга тэвэрмээр байна
хэтэрсэн байж болох ч
хайртай чамайгаа үнсмээр байна
Аав ээжийн алдрай охидод
анхны хайр чамайгаа алдмааргүй байна
бүсгүй хүний бардам зангаа гээгээд
Би чамд хайртай гэж хэлмээр байвч
битүүхэн дотроо эмээгээд байна
шөнө болсон хойно
толгой холбон шүлэг тэрлэж
гүн нойрны цагаар
гиюүрч суухыг бодвол
шарх амсаагүй булгилах зүрх минь
хайр гээчийг олсон бололтой
сэвтэж амжаагүй ариун сэтгэл минь
санаандгүй чамд татагдсан бололтой
Чамд өгч чадах ганц зүйл бол хайр
Чамаас хүсэх ганц зүйл бол хайр
Чамтай холбогдохыг хүсдэг ганцхан зүйл минь хайр
Чиний тухай боддог ганцхан зүйл минь хайр






бүсгүй хүн дасаж дурладаг үнэн бололтой
нэг л мэдэхэд чамд дэндүү их дасчихаж
дассан сэтгэлээ нөхөрлөл гэж андуурсан бололтой
нэг л мэдэхэд чамд дэндүү их дурлачихаж
Би чамд таалагддагаа мэднэ
гэхдээ чи мэдэхгүй
чи надад таалагддагаа мэднэ
гэхдээ чи зүрхлэхгүй
чамаас гуйх ганц зүйл гэвэл
өнгөрсөн бүхнийг өнгөрсөнд нь үлдээ
чамаас хүсэх ганц зүйл гэвэл
чин сэтгэлээ надад нээ
өдөр бүр чамайг л харж
өдөр бүр чамайг л тэвэрч
өдөр бүр чамайг л үнсэж
өдөр бүр чамайг л хайрламаар байнап
чин сэтгэлээ надад элчилж чадахгүй юу
эсвэл зүгээр л сэтгэлийг минь хүлээж авч болохгүй юу
дэргэд чинь зогсох намайг тэвэрч өгч зүрхлэхгүй юу
чамд дурласан намайг хайрлаад өгж зориглохгүй юу
энэ л хангалттай шүү дээ

_________________
Одооноос хичээнэ...


Дээд талд
Өмнөх сэтгэгдлүүдийг үзүүлэх:  Эрэмбэлэх  
Шинэ сэдэв оруулах  Сэдвэд хариулах  [ 470 постууд ]  Хуудас руу явах Өмнөх 115 16 17 18 19 Дараагийн

Бүх цагууд UTC+09:00


Хэн онлайн байна

Энэ форумыг үзэж буй хэрэглэгчид: Бүртгэлтэй хэрэглэгчид байхгүй болон 1 зочин


Чи шинэ сэдвүүд оруулж чадахгүй энэ форумд
Чи хариу бичиж чадахгүй энэ форумд сэдвүүдэд
Чи чадахгүй өөрийн постуудыг энэ форумд засварлах
Чи чадахгүй өөрийн постуудыг энэ форумд устгах
Чи чадахгүй хавсралтуудыг энэ форумд оруулах

Хайх:
Дахин очих:  

Copyright Asuult.NET © 2000-2015.
Administrative Contact: Khundaga Khurelbaatar [[email protected]]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. phpBB® Forum Software © phpBB Limited-ийн хүчээр