#AsuultSambar :

Амьдралын минь турш сэтгэлд минь байх ангийнхаа анд нарт би хайртай

Хамгийн анх 5ё ангид орж байсан үе минь одоо ч гэсэн сэтгэлд товоос тод байна. 9 сарын нэгэнд бие биенээ мэдэхгүй хүүхдүүд нэг ширээнд цуг сууцгааж, анх ангийнхантайгаа танилцаж байсан үе минь одоог болтол сэтгэлд минь тодхон байна.

Тэр цагаас хойш аль хэдийн 8 жил өнгөрчээ. Үүрнээсээ нисэн оддог шувууд шиг ангийнхан минь бүгд өөр өөрийн хүсэл сонирхолоо даган амьдралд хөл тавиад аль хэдийн 2 жил өнгөрч байна. Гэсэн хэдий ч тэд миний сэтгэлд нөгөө л дүрсгүй жоохон, хичээл дээр үймүүлж багшид загнуулдаг, даалгавараа хийлгүй ирж самбарын урд зогсдог сэтгэл нь цагаан, бодол нь цэвэрхэн ангийн хөвгүүд минь хэвээрээ л байна. Шалгалтны өмнө хуулуулж чадахгүй шүү гэж хатуухан аашлаад, цаг дээрээ өөрсдөө бараг бидэнд материалаа өгдөг, өвөл болоход нүүрээ цасаар угаалгадаг, зун болоход хувцсаа усаар шалба норгуулдаг ангийн танхилхан охидууд минь миний сэтгэлд одоог хүртэл хэвээрээ л байна.

Хичээлээ хийхгүй байгаа биднийг үгээрээ загнаж, харцаараа эрхлүүлсэн багш нар минь миний сэтгэлд одоог хүртэл хэвээрээ л байна.

Эдгээр хүмүүс бүгд миний сэтгэлд хэзээ ч арилхааргүй товоос тод зургийг зурцгаагаад яваад өгжээ. Хэрвээ та нартай байх хугацаа минь ийм богинохон байна гэдгийг мэдсэн бол: Үүр хүргээд цохиулж байсан, уурыг нь хүргээд хараалгаж байсан ангийнхаа банди нарыг хэзээ ч тэгэж гомдоохгүй байсансан. Багшид хичээлдээ ирээгүй гэж ховлуулж байсан, хичээл дээр дүрсгүйдэхийн тулд уурлуулж байсан ангийнхаа охидуудыг хэзээ ч тэгэж гомдоохгүй байсансан. Гэвч цаг хугацаа аль хэдийн өнгөрсөн болохоор би энд мянга харамсавч, бид дахиад нэг ангид орж суухгүй.

Гэвч намайг гомдоож байсан, намайг баярлуулж байсан, надад уурлаж байсан, надад баярлаж байсан бүх мөчүүд чинь одоо миний сэтгэлд баяр баясгалан болон хувирсан байна. Хүний амьдралд ганц л тохиох тэрхүү баясгалант мөчүүд болон үлдсэн байна.

Та бүхэн надад сургасан нь их, харин би та бүхэндээ тусласан нь бага мэт санагдаж байна. Амьдралын минь алтан үеийн минь нэгэн хэсэг болсон арван жилийн ангийнхаа арзгар хөвгүүддээ, энхрийхэн охидууддаа би хайртай.

За манай ангийнхаа нэг гуйх юм байна. 5-р ангиас хойш авахуулсан манай ангитай холбоотой ямар л бол ямар л зургийг цуглуулж байна.

Монголд байгаа хүүхдүүдэд хэрвээ ангийнхны зураг байгаа бол Тамиртай холбоо бариад өгнө үү. Гадаадад байгаа хүүхдүүд над руу мэйлээр явуулж болно. Эсвэл бүгдийг нь нийлүүлж upload хийчээд над руу холбоосыг нь явуулсан ч болно.

Ангийн веб хийхэд хэрэг болох учир, зураг байвал өгөөд байгаараа.

goyo yum hiij baigaa yum bna daa. china giin huuhduud hezee ireh gej bna ?

za manai angiinxan hezee neg uulzaldah geed bna daa? huleegeed l ene mongold chin yadaj baihad zun bolchood baihad yamar ch huiten um lol

Yagaad oird orj irexgui bgn???

Hi 1iinhen. sorry bii 1 yum zarlah gesiin. MUIS-iin EZiin ediin zasgiin onoliin huvaari zarna shuu.

hoooh yamar goyo yum be i agree with you, yours is the perfect one in i have been read its :)