#AsuultSambar :

Uuriiguu haigaad yavaa hunii hajuugaar zugeer ungurch chadsanguie kkk
J.W.Goethe-iin helsen ug bdagda.. "Uuriidguu oilgohiig husvel zugeer l uurgee bieluuleh gd uz, harin uuriiguu tanihiin tuld byasalgal hiih heregtei" gtsen bluudaa

_________________
ШҮҮМЖЛЭЛД мэдрэг бай!

_________________
Амьдрах сайхан.

_________________
E5400/G41/4G/GTX440/120G SSD :))

Юу хүсч байгаагаа мэддэг хүнд амьдрал хүртэл зам тавьж өгдөг гэдэг билүү дээ нэг тийм үг байдаг шиг санагдаж байна.
Юунд хүрэх гэж байгаа, юу хэрэгтэй байгаагаа оновчтой мэддэг хүнд яаж хүрэх вэ гэдэг л асуулт байдаг байх. Яг үнэндээ би өөрийнхөө юу хүсч байгаа, юунд зорьж байгаагаа маш сайн л мэддэг гэж боддог байлаа. Гэхдээ яг одоо бол мэдэхгүй байна. Нээх тийм муугаар бодогдох зүйл биш ээ. Энэ олон сайхан боломжуудын яг алийг нь сонгох вэ гэсэн асуултын ирмэг дээр л ирчихээд байгаа юм. Аль замаар нь явахаас миний ирээдүйн амьдрал хаашаа чиглэх вэ гэдэг нь тодорхойлогдох юм. Амьдрал бол сонголт гэдэг нь л яг одоо биеллээ олчихоод байх шиг байна.

Нээрээ хүсэл гэснээс нэг юмыг гэнэт саналаа. Бид аз жаргалтай амьдарч байгаагаа өөрийнх нь хүсэл бүхэн нь хэр их биелэгдэж байгаагаар тодорхойлоод байдаг юм шиг санагддаг. Гэтэл бид юу хүсч байгаадаа болгоомжтой хандах хэрэгтэй. Учир нь хүсэл тань хэн нэгний нулимсаар биелж байгаа бол үйлийн үр байдаг гэдгийг сана. Хэн нэгний жаргалыг булааж байж та аз жаргалтай амьдарна гэж бүү эндүүр. Би л аз жаргалтай, сайн сайхан байвал тэрний зовох нь ямар хамаатай юм гэж бодож байна уу? Тэр л зовохоос ямар би биш гэж бодож байна уу? Тийм юм байдаггүй юм! Энэ насандаа жаргалтай амьдарлаа гэхэд үр хойч чинь үйлийн үр, хар гайг чинь үүрч эргээд өөрийг чинь зовоох болно. Хүний нулимсаар олдсон аз жаргалыг аз жаргалд бүү тооц.

_________________
Амьдрах сайхан.

Хүмүүс яагаад бусдыг даган дуурайдаг вэ?
Нэг найз маань байдаг юм. Би үсээ засуулбал яг тэр засалтыг дуурайж засуулдаг. Би үсээ яаж будна яг тийм өнгөөр будуулдаг. Би яг энэ хувцасыг авмаар байна гэхэд түрүүлж очоод яг тэрийг авчихсан байдаг. Би яг юу ярина тэрийг бусдад яг өөрөө хэлсэн юм шиг ярина. Би юу сонирхоно тэр яг тэрийг л сонирхоно. Надад ямар хүн таалагдана тэрэнд бас тэр л таалагдаад байна гээд байдаг. Би хаана явна тэр дандаа дагана. Тэгсэн мөртлөө хүнд халгүй дуурайдаг бол яахав гэхсэн. Гэтэл хүний санааг хулгайлна. Санааг сонсчихоод түрүүлээд хэрэгжүүлэхийг оролдож бусдын өмнө кок авна.
Эхэндээ үнэхээр уур хүрч, зугтмаар, зайгаа баримаар санагддаг байлаа. Одоо харин зөнгөөр нь орхидог болсон. Хөөрхий амьтан гэж өрөвдөж эхэлсэн. Уг нь энэ талаар ний нуугай ярилцъя гэж боддог байсан боловч больсон. Учир нь намайг мөнхөд үзэн ядаж, харааж амьдрах байх. Их дотуур тамиртай хүн л дээ. Юмны наад цаад нарийн юмыг ойлгодоггүй. Тэрнээс нь айгаад байдаг юм.
Хүн ер нь бусдыг даган дуурайдаг нь доорх шалтгаануудтай юм болов уу гэж боддог юм.
1. Өөрийгөө таньж амжаагүй
2. Өөрийнхөө үнэ цэнийг мэдэхгүй. Бусадтай өөрийгөө байнга харьцуулдаг.
3. Өөрийнх нь хамгийн том өрсөлдөгч бол тэр хүн өөрөө гэдгийг мэддэггүй.
4. Ичих нүүргүй.
5. Хэт өнгөц талаа боддог.
6. Амьдралын утга учир, үнэ цэнийг ойлгоход хүчин чармайлт гаргадаггүй.
7. Өөртөө итгэлгүй

_________________
Амьдрах сайхан.

Бид яагаад гунигладаг вэ?

Ажил нь урагшилж өгөхгүй болохоор уу
Анги дээрээ онц аваагүй болохоор уу
Айлын хүүхдүүдэд шоолуулсан болохоор уу
Хайр нь бүтээгүй болохоор уу
Халамж дутсан болохоор уу
Хагацал үзсэн болохоор уу
Хүсэл нь биелээгүй болохоор уу

Би сайн мэдэхгүй юм. Гунигтай энэ мэдрэмж хаанаас гарч ирдэг юм бол? Эх үүсвэрийг нь олж аваад эмчлэх юм сан. Эдгээх юм сан.

_________________
Амьдрах сайхан.

Chi uuriigoo ikh bodokh ymaa ............... Buruutgah geegui shuu ! Bugd l zuwhun uuriiguu l boddog .:sad:



Sent from device_name using Asuult Sambar App

Ooriigoo boddog bailaa geed busdad hal hurgej amidardag ni bi bish.

_________________
Амьдрах сайхан.

Яг юун тухай бичихээ сайн мэдэхгүй ч зүгээр л бичмээр санагдаад...
Манай хотод өнөөдөр маш гоё цас оров. Цагаан, сэвсгэр цас малгайлан орох нь аз жаргалтай мэдрэмжийг төрүүлж билээ. Гэхдээ мэдэхгүй юм даа. Ийм сайхан байхад яагаад л гуниглаад байна даа гэж...

_________________
Амьдрах сайхан.

Hairtai hun maani ineej baina. Bi ter ineemsegleld yamar ih durtai geech! Getel ter ineemsegleliin shaltgaan ni bi bish oor negen busgui baih aj. Halaasnaasaa utsaa gargaj ireed ineemsegleed l.. Hen negen busgui ruu hairiin ug ilgeej baih yum. Neg tiim hondlongoos harahad hoorhiiloltei gemeer harts zovhon nadad l baina odoo. Gunigtai baina. Gomdoltoi baina. Bi iim muuhai medremjind durgui!
Nudee aniad harahgui baihiig, chihee taglaad sonsohgui bhiig hicheeh bolovch zurhnii min es burt medregdeed baina. Yagaad bi bish yum!
Gehdee odoo bi yah bilee dee. Ter negen aztai busguid bas hairtai hundee az jargalaas oor bi yu huseh bilee dee. Negent miniih bish zurh setgeliig bi oortoo erguulehiig ch husehgui bn. Anhnaasaa l nadad hairgui bsn tergeeree l uldeg.
Yer ni bi yagaad iim yum be? Nadad hairguig ni hairlaj, nadad hairtaig ni ooroosoo tulhdeg? Gehdee l bi hairtai hun maani namaig yamar ch ergelzeeguigeer hairladag tiim l hariltsaag oltloo buuj ogohgui ee. Yahwdee dandaa l iim butelgui baisaar irsen. Gehdee ene horwoogiin haa negtee huvi zayagaar uchrah tiim saihan hairiig buteeltseh hun maani bj l taaraa.
Hair durlaliin talbar deer herhen toglohoo medehgui l yavaa genen daichin shuu dee bi.

_________________
Амьдрах сайхан.

Chinii hairtai hun chini hen yum be?
Bas chamd hairtai ni hen gej?

Ter ter geed helsen ch chi tanihgui baih aa.

_________________
Амьдрах сайхан.

Being a leader is nice. On the other hand, you are fully responsible for your leadership.

_________________
Амьдрах сайхан.

За би нэг иймэрхүү зүйлсийг дотроо бодож, амьдралдаа хэрэгжүүлэхийг хичээж явдаг юм аа.

Өөрөө өөртөө үнэнч бай. ӨӨРӨӨ ӨӨРТӨӨ үнэнч бай.

Юмыг хийсэн шиг хий.

Аз жаргал чиний дотор байдаг. Түүнээс биш аз жаргалыг гадаад ертөнцөөс бүү хай. Аль эсвэл хэн нэгэн нь таныг баяр баясгалантай болгоно гэж бүү найд. Та өөрийнхөө дотоод ертөнцийг ямар агуу болохыг мэдэх үү?

Чадахгүй юмаа зориглон хий. Энийг чадахгүй юм чинь гээд бүү орхи. Эсвэл хэн нэгнийг хий гээд битгий хая. Өөрийнхөө чадахгүй зүйлийг барьж аваад, хийгээд үз. Чадсаныхаа дараа та агуу их сэтгэлийн ялалтыг өөртөө авчирна.

Сөрөг энерги хуримтлуулсан, хариуцлагагүй хүмүүст уурлаж, гомдох биш харин ч тэднийг өрөвд!“Хөөрхий минь ядарсан амьтан байгаа юм" гэж бодоод үз. Тэгвэл сэтгэл чинь хэд дахин хөнгөрөөд л явчихна.

Бусдыг уучлах уужуу дотортой бай. Та хэн нэгэнд гомдчихсон уу?, уурлачихсан уу?. Түүнийг зүгээр л уучил. Энэ бүхэн чинь аль хэдийн болоод өнгөрсөн зүйл шүү дээ. Янз бүрийн ааш араншин та гаргалаа гээд өнгөрсөнд байгаа зүйлийн нэгийг ч өөрчилж чадахгүй. Та зөвхөн одоо цагт л амьдарч байгаа шүү дээ. Бас ирээдүйд бүү зовни. Яагаад гэвэл тэр ирээдүй цаг учраас. Харин ч урдах ажлаа цаг хугацаанд нь хийгээд, асуудлыг урьдчилан шийдвэрлэх талаар л бод. Тэгвэл та санаа зовох шаардлагагүй болно.

Хүзүүгээ уян хатан байлга. Амжилт олоод, жаахан мөнгөтэй болоод, өөрийг тань хүмүүс бишрээд эхэлсэн үү? Та арай гэдийгээд эхэлчихсэн юм биш биз? Хүзүү чинь хөдлөхөө байсан юм биш биз? Гэтэл та бусдад ямар өрөвдөлтэй харагдаж байгаа гээч! Хүн юм үзэж, нүд тайлж, мэдлэгийн хүрээгээ тэлэх тусам маш энгийн, даруу төлөв болдог юм шүү! Болсон явдал: Солонгост маш том өндөр шилэн барилгатай, баян, корпорацын эзэн хүн компаныхаа хаалгаар ороод шалаа харангуутаа үйлчлэгч эмэгтэй дээр очоод, доош мөлхөж суугаад, гараараа шалны алчуур барин шалаа угааж, тэр эмэгтэйд шал яаж угаадгыг зааж өгч байсан гэдэг. Энэ бол цэвэх өөрийн хөдөлмөрөөрөө амьдралдаа босгож буй шударга, ухаалаг хүний жишээ юм шүү дээ.

Хүнлэг бай.

Хүнд ТАЛАРХАЖ сур. Хэн ч танд туслах албагүй шүү дээ. Тэдний сэтгэлийг нь хүндэл.

Ямар нэгэн үйлчилгээний байгууллагат ороод ч юм уу, ухамсартайгаар дараалалд зогсож сур. Бусадтай битгий шахцалд. Тэдний биед битгий хүр. Хүмүүст зам тавьж өгч сур. Бусдын замд битгий саад бол. Орчин тойрондоо маш анхааралтай хандаж, хэн нэгэнд төвөг учруулж байгаа эсэхээ анзаарч бай. Та тал дээр хаа сайгүй бэлчиж байгаа хонь биш шүү дээ! Өөрт тань үйлчилж байгаа хүмүүсийн ажилд хүндэтгэлтэй хандаж сур. Таньд үйлчилж байгаагынх нь төлөө талархаж сур. Би угаасаа энэнд мөнгө төлж байгаа юм чинь гэж бүү бодоорой. Хайр хүндэтгэлийн хариуд, хайр хүндэтгэл л ирнэ. Та юу тарина тэрнийгээ л хураана гэдэг биз дээ?

Бас инээмсэглэхээ битгий мартаарай. Нүүрэндээ хөнгөхөн инээмсэглэлийг үргэлж тодруулж байгаарай.

_________________
Амьдрах сайхан.

Өнөөдрийг би бусдад талархлын үгээ хэлэх өдөр болгон зарлаж байна.
Мэдээж найзууд маань намайг гомдоох, хүмүүс надаас нүүр буруулах, надад атаархаж, хорсох, намайг ойлгохгүй байх, доош нь дарах гэж оролдох, надад туслахгүй байх гэх мэт урмыг минь хугалсан, итгэлийг минь алдаж, сэтгэлийг минь гуниглуулсан зөндөө л зүйл тохиолдож энэ амьдрал дээр хүн гэж ямар муухай харгис амьтан байдаг юм бэ гэж хэлэх үеүүд байсаан байсан. Байх ч болно байх. Гэхдээ өнөөдөр тэр бүхэн минь надад сургамж болон үлдсэн юм. Намайг улам ухааруулж, хурцалж, хэрсүү болгосон. Энэ бүхэнд би одоо талархаж байна.

Харин одоо бол бүрхэг тэнгэрт нар хурцаар гялбуулан, гэрэлтэх шиг сайхан мэдрэмж төрүүлж байсан тэр мөчүүдээсээ бичмээр байна.
Энэ хорвоо дээр хүнээр өмөөрүүлэх шиг сайхан зүйл хаана байх билээ. Миний гаргасан бяцхан алдаан дээр дөрөөлж, ул үндэс муутай шалтгаанаар толгой түрийгүй загнах тэр нэгэн эмэгтэйгээс намайг өмөөрсөн тэр ахад баярлалаа. Амьдралдаа эцэг хүний хайрыг амталж үзээгүй надад аавтай хүүхдүүдийн мэдэрдэг тэр сайхан мэдрэмжээс бага ч атугай мэдрүүлсэнд баярлалаа.
16-хан настай, ёстой л залуу насны гал дөлөөр бадарч яваа, омголон зантай охин учраа ч мэдэхгүй байж амьдралдаа гомдоллож, яахаа мэдэхгүй гуниглаж байх тэр агшинд тэвэрч аваад, нулимсыг минь арчиж өгч байсан найздаа баярлалаа. Би тэр халуун тэврэлтийг одоо хэр нь санаж явдаг.
Шинэ жилийн үдэш сарнай цэцэг бэлэглээд, бүжгэнд урьж, миний хамгийн гэгээлэг дурсамжийг бүтээлцсэн нөгөө ангийн хөвгүүнд баярлалаа.
Дайснууд довтлоод ирэх цагт миний талд баттай зогсч, эрсдлийг хамтдаа сөрсөн багийн хамтрагчдаа баярлалаа. Чи тэр үед ямар их дэм болсон гээч!
"Сайн байна уу сайхан бүсгүй минь!" гэж хэлээд гудамжаар өнгөрсөн хөгжилтэй тэр номын цагаан солиотой ахад баярлалаа. Та тэр өдөр, тэр 4-р сарыг тэр чигээр минь гэрэлтүүлсэн.
Тэмцээний өмнөх тэр аймшигтай сандралыг минь дарахад тусалж, намайг удаанаар тэвэрсэн ангийн охиндоо баярлалаа. Би тэр үед маш их тайвширсан.
Бороотой өдөр, машины 2 шил арчигчийн жолоочийн талых нь эвдэрчихээд урдах зам харагдахгүй, яахаа мэдэхгүй тэвдэж явахад, машинаасаа гарч ирээд засч өгчихөөд хээв нэг яваад өгсөн тэр хүнд баярлалаа. Та үнэхээр гайхалтай!
Уйлмаар, уйтгартай, гунигтай байхад минь сэтгэлийг минь хөгжөөх гэж хотоор автобус аялал хийсэн найздаа баярлалаа. Чиний тас тас инээсэн тэр хөгжилтэй инээд чинь хүн бүхний сэтгэлд нар мандуулдаг.
Надад үргэлж хайртай гэж хэлдэг, миний 2 хацар, дух, хамар, эрүүн дээр үнсэхээс нааш салдаггүй, бяцхан биендээ баймгүй том тэврэлтийг надад бэлэглэдэг миний баатар, дүүдээ үргэлж баярладаг.
Эцэс сүүлд нь ээждээ баярлалаа. Надад бүхэл бүтэн амьдралыг бэлэглэж, амжилт олоход минь чин сэтгэлээсээ баярлаж, ухааруулж, хүмүүжүүлж, намайг юугаар ч дутааж байгаагүй, надад хэзээ ч атаархдаггүй, надад зөвхөн сайн сайхныг чин сэтгэлээсээ хүсдэг миний хамгийн сайн найз ижий таньдаа мөргөмүү.

Би энэ амьдралдаа хайртай. Энэ хувь заяандаа баярладаг. Хүн биеийг олж төрсөн энэ амьдралаа үхэн үхтэлээ хайрлаж, эргээд харахад хэзээ ч харамсахааргүй амьдарна.

_________________
Амьдрах сайхан.

БИ амьдралд яарахгүй.
Цаг хугацаа сэтгэлийн зовлон шаналлыг арилгана гэдэгт би итгэдэг. Итгэж байна гээд хоосон горьдлого тээж байна гэж битгий бодоорой. Зүгээр л өмнө нь туршилтуудаар батлагдсан зүйл учраас баттай мэдэж байгаа юм.
Цаг хугацаа хамгийн үнэн хариултыг хэлдэг. Учир нь тэр л хамгийн шударга учраас.
Цаг хугацаа хэнийг ч ялгадаггүй.
Цаг хугацаа л чамд бүхнийг зааж, чиглүүлж, ойлгуулж өгнө.
Тийм болохоор би амьдралд яарахгүй байна. Намайг жоохон л хүлээхэд цаг хугацаа өөрөө надад миний өмнө байгаа асар гайхамшигтай боломжуудыг нэмэн гаргаж, амжилтын алтан хаалгануудыг нээчихээд зөвхөн намайг л сонго гээд өмнө минь байна.
Цаг хугацааг би хайрлах тусам тэр намайг эргүүлээд мянга дахин илүү хайрлаж байна. Тиймээ надад олдож байгаа энэ цаг хугацаагаа би алдмааргүй байна. Залуу насаа дэмий зүйлд үрэн таран хийж эргээд харамсах тэнэг амьдралаар амьдрахыг ч хүсэхгүй. Би хичээсээр ирсээн. Цаашид улам бүр хичээх болно. Би өөрийнхөө ур чадвар, чадал чансаагаа бусдад улам улмаар батлан харуулж, өөрийнхөө байр суурийг ямар ч үед ганхахааргүй бат бөх болгох болно!!! Бүхний дээд цэгт хүрнэ гэдэг миний зорилго биш ээ. Хийж байгаа зүйлээ хийсэн шиг хийдэг, юу хийж байгаагаа төгс чаддаг л байх нь миний гол зорилго. Тэр цагт л би өөрөө өөрийгөө ялан дийлж байгаан хэрэг юм.
Үеийн маань охидууд ихэнх нь л найз залуучуудтай, нөхөртэй, хүүхэдтэй гээд л гэр бүлийн амьдрал зохиогоод эхэлчихлээ. Би хоцорч байгаа юм шиг санагдаж, эсвэл ингээд кареер хөөгөөд байхаар ирээдүйд нөхөргүй баян хүүхэн л үлдэнэ гэх мэтээр найзууд намайг сэнхрүүлэх гэж оролдох юм. Юу вэ? Юу яриад байгаа юм бэ? Хаашаа юм энэ хорвоо дээр би зөвхөн нөхөрт гарах гэж л ирсэн гэж бодоо юу? Хүн болж төрчихөөд хүний эхнэр, хүүхдийн ээж болоод л өөр хийсэн юмгүй энэ насаа барна гэж үү? Ийм өчүүхэн замаар амьдралаа замнахыг хүсэхгүй. Үеийн маань охидууд яараад л нөхөрт гарцгаасан. Одоо тэд юу гэж хэлж байна гээч? Хүнтэй эрт суух дэмий шүү гэдэг....
Яагаад эрчүүд хийж бүтээж, зохиож, удирдаж, дарга босс болж амжилтаараа бахархан өөрсдийнхөө суу алдрыг мандуулж байхад эмэгтэйчүүд ард нь нуугдах ёстой юм бэ? Би ийм зүйлтэй эвлэрч яавч чадахгүй.Би ч гэсэн эрчүүд шиг хийж, бүтээж, ялж, мандуулж, бусдаар бахархуулж, өөрөөрөө бахархаж, хийсэн бүтээснээрээ бусдад магтуулж, өөрийн гэсэн статустай, орон зайтай амьдармаар байна. Хүн гэдэг статусаа, өөрийнхөө нэрийг би үлдээмээр байна. Эцсийн эцэст нөхөртэй болж бүхэл бүтэн хүнийг өөрөөсөө төрүүлчихээд байхад иргэний үнэмлэх дээр нь ээж нь гээд миний нэр бичигдэхгүй л биздээ? Төрсний гэрчилгээ нь байхгүй бол ээж нь гэж намайг хэн ч батлахгүй шүү дээ энэ нийгэмд чинь. Эцсийн эцэст эмэгтэй хүний хувь тавилан ийм л байдаг юм.
Залуу насаа, ялангуяа толгой минь сэргэг байгаа дээр би сурах юмаа сурч, үзэх юмаа үзэж, хийх юмаа хийж, бүтээх юмаа бүтээчихээд өөрийн гэсэн хүчтэй орон зайг бий болгосны дараа хань ижилтэй болно гэж боддог. Би нэг л хүнийг ханиараа сонгосон бол би тэр л хүнийг л сонгож байгаа гэсэн үг. Үлдсэн бүх амьдралаа зөвхөн түүнтэйгээ л өнгөрөөнө. Эр нөхрийнхөө баттай, хүчтэй ар тал болж ухаалаг, сайн гэргий байх болно. Яаран дааран сонголт хийсэн, сэтгэлийн хөдлөлөөр хандсан ул суурьгүй сонголтыг хэрхэвч хийхийг хүсэхгүй. Тиймээ цаг хугацаа надад ямар сайхан бэлгийг бэлдсэн байгаа бол гэхээс би бүр тэсч ядан байна.
Ирээдүй маань яаж ч зурагдсан бай хамаагүй ээ. Би өдөр бүр зөв амьдрахад л болоо. Зөв замаар замнаж, зөв хүн байж, хүн чанартай, хүнлэг амьдрахад бүх зүйл сайхан л байх болно.
Би янз бүрийн ид шидэнд итгэдэг гэнэн охин байхаа больсон.
Би аз жаргалтай амьдрахыг хүсдэг л нэгэн.
Хувь заяа бол хүний хүсэл бөгөөд тэдний үйлдсэн үйлийн үр дагавруудтай нэгдэн бий болдог зүйл юм.

_________________
Амьдрах сайхан.

Би өнөөдөр үнэхээрийн тэнэг, ичгэвтэр байдалд оров.
Оров ч гэж дээ. Өмнө нь иймэрхүү тэнэг байдалд өөрөө орж байсан ч тэрнийгээ анзаараагүй л явдаг байж. Ямар байдлаар бусдад харагдаж байгаагаа өөрөө би гадарладаггүй байж...
Эргэн тойронд минь өлөн чононууд миний алдааг отож байхад би гэж тэнэг юм тэднийг бахыг хангах гэсэн аятай тэдэнд нулимсаа үзүүлж, уурлаж, бухимдаж байжээ. Намайг уурлаж байхыг харах, намайг уйлж байхыг харна гэдэг бол тэдний хувьд дээдийн дээдийн ялалт харин миний хувьд шалдаа буусан явдал байлаа. Би өөрөө бусдын иймэрхүү байдалд баярлаж, бахаа хангадаг хүн биш болохоор хүмүүсийг тэгж байна гэж төсөөлж ч байсангүй. Харин өнөөдөр л мах цусандаа шингэтэл мэдэрлээ.

Би цаашид дахиж өөрийнхөө ийм сул дорой байдлыг хэнд ч харуулахгүй ээ. Өөртөө тангараглаж байна. Энэ бүхэн маань надад маш том сургамж боллоо. Дахиж би ингэж тэнэглэхгүй. Цаашид хүчтэй байж, өөрийн минь дотор нуугдаж, хэрэггүй үед ил гарч ирдэг тэнэг, сул дорой тэр хүнийг ялан дийлнэ!

Дайснуудаасаа авах хамгийн том өшөө авалт бол зөвхөн миний инээмсэглэл юм байна.

_________________
Амьдрах сайхан.

Би зүгээр л залхаж байна. Надад хайргүй, миний хувьд онцгой байсан тэр хүмүүсийг өөртөө хайртай болгох гэж. Хайртай хүмүүс минь яагаад намайг үл хайхраад байгааг ойлгох гэж, ямар алдаа гаргаснаа өөрөөөсөө хайх гэж, яагаад яагаад гэдэг асуултанд дарагдаж, өөрийнхөө сэтгэл санааг булшилсаар би залхаж байна. Хайргүй бол хаяад явцгаана л биз. Энэ дэлхий дээр намайг хайрладаг гэр бүлийнхэн минь байхад би хэний хайраар дутна гэж? Намайг үзэн ядагчид, намайг гуньж гутрахад баярладаг тэр хүмүүсээр энэ хорвоог бүрхсэн ч эрүүл энх, эсэн мэнд амьдарч байгаа цагт би яана гэж? Яах ч үгүй за!

Намайг амжилт олон гялалзах тусам найз нөхөд маань улам багасч байгаад харамсч байна.

_________________
Амьдрах сайхан.

Хэн нэгнийг өөрийнхөө амьдралд оруулах амархан боловч гаргах маш их хэцүү. Тийм болохоор хэн нэгнийг амьдралынхаа чухал нэгэн хэсэг болгох гэж байгаа бол сайтар эргэцүүлэх хэрэгтэй.
Ер нь тэгээд хүний зан чанар цаг хугацааны явцад танигдаж эхлэх юм дөө. Тэр нэг хүнийг яг одоо явуулах хэрэгтэй юм шиг байна.

_________________
Амьдрах сайхан.

Би яагаад самбардах болов? /Хуучинковууд Асуулт.нет-н форумд юм бичихийг ингэж нэрлэдэг бололтой/
1. Фейсбүүк шиг хөөрхөн харагдах гэж хичээх шаардлагагүй
2. Твиттер шиг ухаантай харагдах гэж дүр эсгэхгүй
зөвхөн өөрөө өөрийнхөөрөө байх боломжтой учраас надад энэ газар таалагдаж байна. Энд би үзэл бодлоо илэрхийлж, уураа гаргаж, инээж, хорвоогийн хаана ч байгаа нь үл мэдэгдэх, хэнийг нь ч танихгүй хүмүүстэй элдэв янзын сэдвээр ярилцдаг болохоор над шиг өөрийнхөө дотоод хүнтэйгээ ихээр харилцдаг хүнд хэрэгтэй газар байгаа юм.

_________________
Амьдрах сайхан.

Төлөвлөгөө

Хүний нас явах тусам тэр хүн ихийг сурч, мэдэж, уг нь улам сайжирч байх ёстой юмсан. Гэтэл би цаг хугацаа явах тусам зарим нэг өөрт байсан сайн зан чанаруудаа гээгдүүлсэн байх юм.
Би өмнө нь юмыг их төлөвлөдөг байлаа. Тэмдэглэл хийдэг дэвтэр дээрээ 1 долоо хоногийн, 1 сарын, 1 жилийн гээд төлөвлөгөөгөө бүгдийг нь жагсааж бичээд, хэдийд аль ажлыг амжуулчихсан байх ёстойгоо бичдэг байв. Тэгээд хийж дуусгасан ажлуудаа дараад дараад явчихаар их амар байдаг байсан юм л даа. Өчигдөрхөн л өөрийгөө тэгэхээ больсноо анзаарав.
Сүүлийн энэ өдрүүдэд надад хийх ажлууд маш их, бүр хаанаасаа эхлээд яахаа ч мэдэхээ байчихаад, цаанаа л нэг хүнд, сэтгэлийн дарамттай ч юм шиг санагдаад байлаа. Тэгээд одоо би яаж энийгээ зохицуулах вэ гэж бодож байтал ердөө л ТӨЛӨВЛӨХ, ДЭС ДАРААЛАЛД ОРУУЛАХАД болох юм байна гэдэг гарцыг оллоо. Мэдээж энэ их уул овоо шиг ажлыг хийлгүй өнгөрнө гэж байхгүй учраас хамгийн гол нь яаж хийхээ л зохицуулахад болоо биш үү? Зиа ингээд асуудлаа ойлгочихлоо. Одоо би төлөвлөгөөгөө бичлээ.

_________________
Амьдрах сайхан.

Бардамнал

Миний нэг айж явдаг зүйл байдаг юм. Би хамраа сөхчих вий дээ гэж... Хамраа сөхсөн хүн өөрийгөө яаж, ямар их өөрчлөгдсөнөө мэддэггүй нь хамгийн хар гайтай зүйл. Толгойгоо гэдийлгэж, олсон хэдхэн амжилтандаа бардаж, буруу сэхэх вий дээ гэж би өөрөө өөрөөсөө айдаг. Сэхүүн зан хүнийг сохолдог. Хэт их бардамнал хүнийг хорлодог. Биеэ тоосон хөгийн амьтан л болж болдоггүй юм шүү.

Даруу бай. Энгийн бай. Эгэл даруухан бай. Ийм л байх хэрэгтэй.

_________________
Амьдрах сайхан.

Хүндлэл

Саяхан манай оронд маш том, олон улсын хэмжээний хурал боллоо шүү дээ. Энэ хуралд нобелийн шагналт 2 эмэгтэй, улсын ерөнхий сайд 1 эмэгтэй Монголд морилов. Үнэхээр гайхалтай. Тэр хүмүүс улс орныхоо хүндэтгэлийг ямар их хүлээгээ вэ? Ирнэ гэх сургаар хүмүүс шуугилдаж гүйгээд л, индэр дээрээс тавьж буй илтгэлийг нь ямар их хүлээцтэйгээр, анхааралтайгаар, өндөр ач холбогдол өгч хүмүүс сонсч байна вэ? Бас хэлсэн үгнээс нь гадаадын мундаг мундаг хүмүүс тэр тэгж хэллээ, түүний хэлсэнчлэн тийм байх болтугай, гайхалтай үг хэллээ гээд л иш татаад...Тэр хүмүүс энэ орчлон ертөнц дээр ямар их үнэлэгдэнэ вэ!
Олон нийтэд хүлээн зөвшөөрөгдөж, бусад хүмүүс чамаас үлгэр дуурайлал авах хэмжээний байна гэдэг бол хүн болж төрсний дээдийн дээд гайхамшиг, бас бахархал шүү дээ.
Яагаад ч юм би тийм болмоор санагдаад...ккк Гэхдээ нобелийн шагнал авч аль эсвэл улс төрд орж биш ээ. Зүгээр л хийж байгаа зүйлдээ, сонгосон мэргэжлийнхээ салбарт гаргууд болмоор байна гэх гэсэн юм. Бусдад 100% биш юм аа гэхэд 90% хүлээн зөвшөөрөгдөж, өөрийн минь хэлсэн үг бүхнийг хүмүүс үнэлдэг бол гоё оо. Хэзээ нэгэн цагт миний хэлсэн үгнээс хүмүүс иш татаж, хийсэн үйлдлээс минь үлгэр жишээ авах хэмжээний чадварлаг хүн болмоор байна.

Яг л нэг тийм бусдын хүндэтгэлийг хүлээсэн, тодоор гялалзсан, бусдын бахархал болсон хүний мэдрэмжийг энэ цээжиндээ мэдэрмээр байна.

_________________
Амьдрах сайхан.

Өөрт байгаа зүйлдээ сэтгэл хангалуун байна гэдэг чинь ер нь их том зүйл юм шүү!!!

Нэг хүний нөөцийн менежэр хүнд "Би аз жаргалтай байна. Яагаад гэвэл би өөрт байгаа бүх зүйлдээ талархдаг. Аймар их мөнгөтэй болж, бенз унаж, хаузт амьдрах миний зорилго биш" нтр гэцэн чинь нэг хүн намайг ердөө ч ойлгоогүй шинжтэй, аль эсвэл огтоос ч ач холбогдол өгөхгүй байгаа шинжтэй өнгөрчихдөг юм байна... Би л лав тэр хүний надад итгээгүй ч юм уу нэг тийм байдлыг одоо хэр нь ойлгодоггүй.
Би яагаад ч юм өөрт байгаа бүх зүйлдээ сэтгэл хангалуун байж тэндээс аз жаргалыг мэдрэхийг хичээж байдаг. Миний эдэлж байгааг, надад байгаа зүйлийг хүсээд ч өөрт нь ирэхгүй хар мянган хүн энэ бөмбөрцөг дээр амьдарч байхад тэдний хажууд би азтай гэж бодох болсон.
Эргэн тойрны зарим нэг хүмүүс би ингэж ч амьдарч байна, тэр ч бүтэхгүй байна, тэгсэн чинь тэгээд болохоо байчихлаа, би ч ер нь ийм л байх юм дөө гэх мэт байнга л өөрийнхөө амьдралд гутарч, гуньж тэгсэн хэрнээ тэрнээс бусад нь ямар ч проблемгүй сайхан амьдраад байгаа юм шиг ярьж, одоо өөрийгөө тайвшруулаад байгаамуу яагаад байгаа юм тэгэхийг нь яана?
Би өөрт тохиолдсон зовлондоо гутарч бусдад ярьдаггүй. Өрөөлийн амьдралд атаархдаггүй. Би өөрийнхөө амьдралыг байгаагаар нь хүлээж авдгаараа л тэд нараас өөр. Заримдаа хүмүүс миний нүдний энэ сайхан хэсгээр амьдралыг хардаг ч болоосой.

_________________
Амьдрах сайхан.

Өнөөдөр бид, би хайртай хүмүүсээ хайрлахад, халамжлахад,тэднийг сонсоход хэр их цаг гаргаж байна вэ?

Магадгүй бараг цаг гаргадаг бил үү? Зөнгөөр нь хаяад л... хамаагүй харьцаа л... хайхрахгүй орхиод л... би ингэж л ирж. Нэг л их завгүй, гавъяа байгуулсан хүн яваад л байдаг. Өнөөдөр дүүгийн маань хацар хөхөрчихсөн ирлээ. Өмнө нь гар нь шалбарчихсан байхад багшид нь хэлнэ гэсээр байгаад мартчихсан... Гэнэт л Би ингэхэд ХЭН ЮМ БЭ? БИ ЯАЖ АМЬДРААД БАЙНА АА? Миний хайртай хүмүүст юу тохиолдоод байна аа??? гэж бодогдов. Үнэхээр их гэмшиж байна.
Хувьсгалын ажлыг хийж байгаа гээд л тийшээ л хамаг анхаарлаа хандуулж байгаа болохоос биш ээжийгээ яаж байна, ийж байна гэж өнөөдөр яг анхаарлаа хандуулсан бил үү? Миний бяцхан дүүгийн минь хичээл, ном өнөөдөр юу болж байна, багш нь яаж харьцаж байна, юм зааж өгч байна уу, ямар хүүхдүүдтэй найзалж байна гээд л энэ бүхнийг би чин сэтгэлээсээ сонирхсон бил үү? Энэ дөрвөлжин дэлгэцийн өмнө л амьдралынхаа хамаг цагийг өнгөрөөж байна. Гэтэл энэ дэлгэцнээс би хайрыг мэдрэхгүй, халамжийг авахгүй шүү дээ...
Яг одоо утсаа оролдохоо болиод, компьютерээ унтраагаад ээжтэйгээ ярилцъя. Бас ээждээ ямар их хайртайгаа хэлье. Ээждээ юугаар туслах хэрэгтэй байгааг асууя. Дүүгийнхээ багштай очиж уулзъя. Суралцдаг орчин тойрон, найз нөхдийг нь харъя. Дүүтэйгээ бас хамт кино үзье. Зайрмаг авч өгье.

_________________
Амьдрах сайхан.

Өнөөдрөөрөө бахархах юм үгүй хүн л өчигдрийнхөө амжилтаар баярхдаг.

_________________
Амьдрах сайхан.