Монголд арай жишиг бүхий, өртөг өндөртэй тоглоомын төв гэх нэрэнд дүйсэн газар 2000 онд 3,4-р хорооллын Оргил төвд "3G Cybercafe" нэртэйгээр байгуулагдаж байсан түүхтэй.
4 давхар барилгын 3-р давхрыг тэр чигээр нь эзэлдэг, 40 компьютертэй /сүүлд 10-20 ком нэмсэн/, өндөр хурдны интернет, цэвэр тухлаг орчин, бүгд тусдаа ширээн дээр эвтэйхэн зайнд байрласан , 1 цагын үнэ нь 1000₮ гээд л тоглоом сонирхож байгаа , тоглохыг хүсдэг хүүхэд залуусын ухамсарт "соёлын шанаа" өгч байсан цаг саяхан. Нээгдсэн даруйдаа Counter-Strike 1.3 төрлөөр тэмцээн зохиож гадаах талбайдаа 120 орчим хүн цуглуулж ангайлгаж байв. Тодруулбал нэг баг 4 хүний бүрэлдэхүүнтэй байв, ө.х : 32 баг цуглуулсан гэсэн үг. Тухайн үед хажуугаар явж байгаа хүмүүс энэ CASS TOWN үнэгүй пийв тарааж байгаа юм байх даа гэлцэж байсан юм даг. Үнэгүй архинаас өөр залуусыг цуглуулах юм тэр үед байгаагүй хэрэг.
2000 онд 1000₮ их мөнгө байсан боловч өглөө 9 цагаас орой 24 цагт хаах хүртэл тоглох хүн дэндүү олон байсныг анзаарсан Батболд гэгч эрхэм циркийн зүүн талд мөн л оосор бүчгүй 3 давхар өргөөнд GEFORCE Game Center - г үндэслэв. Өвч бүрэн зэвсэглэсэн тухайн үедээ "тасарцан" 25 ком дээр өдрийн 18 цаг тухлах залуус мөн л мундсангүй. Нээсэн даруйдаа хийсэн тэмцээнээ 7 хоног чамгүйхэн бэлдэж байж тайзан дээр тавьж байсныг би одоо ч үнэлж байна. /өнөөдөр 7 хоног бэлдэж байж хийдэг тэмцээн олон байна уу?/
Үүнээс ганц хоёрхон сарын дараа Манлай хэмээх бүсгүй зориг гарган Бээжингээс 40ш будаг нь ханхалсан ком ачуулж авчраад түүнийгээ бүтэн сар хадгалж байж үүцээ задалж байлаа. Яагаад гэдгийг мэдэх үү? Мөн л өнөөх цэвэр тухлаг орчин, хотын төвд аятайхан байрлал , түүндээ засвар үйлчилгээндээ анхаарч байсан учраас. Энэ төвийн нэрийг Dreamland гэдгээр нь андахгүй. Мөн л нээсэн даруйдаа тэмцээн зохиож шилжин явах цомыг анх санаачилж байлаа. Бүртгүүлсэн багуудын тоо хэдийн 30 давжээ.
Үүний дараа World Arena. Мөн л бусадтай ижил үзүүлэлттэй боловч нэг хөзрөөр илүү байлаа. Тэр нь MESA буюу Монголын цахим спортын холбоо. Улсын аварга шалгаруулах тэмцээн, WCG , ESWC гэх мэт том тэмцээнүүд тэдний байр суурийг илүү тодотгоно. Хэдийгээр тэр том тэмцээнүүдэд миний Монголын баг оролцох боломж олдоогүй боловч....Монголын цахим спортын хөгжил хэрхэн гэрлийн хурдаар ахисан хийгээд тоглогчдын чансаа хаахна явааг зоригтой тодорхойлсонд би баярлаж явдаг. Монголын эзэмшил бүхий 5 ком хоосон байгаа дэлхийн аваргын тэмцээний зургийг битгий мартаарай. Тэнд хэзээ нэг цагт эзэд нь сууна. Хэрвээ тэр эрчээрээ байсан бол өнөөдөр бидний ангайгаад, суралцаад байгаа SK , fnatic, wnv гэх мэт багуудын оронд бид нутаг нэгтнүүдээ дэмжээд, "Муу шведийг болж!" эсвэл "Өмхий хужааг тэгж хожсон шүү!" гэх мэтээр өвөр хоорондоо ярилцаад байж байх байлаа.

Тэр үеэс хойш 10 гаруй жил өнгөрсөн байна. Тэр үед DotA байтугай Warcraft ч тоглодоггүй байсан юм. Тэр үед GG байсангүй, компьютрийн араас хэн нэгнийг аймшигтайгаар харааж зүхэж, ална гэдгээ баталж байсангүй. Тэгэхэд интернет байтугай гар утас олигтой хөгжөөгүй байсан юм. Тэр үед юмыг хийсэн шиг хийдэг байсан юм. Тэмцээн нь тэмцээн шиг, тоглогчид нь ч тоглогчид шиг байсан юм. Подвал эсвэл орон сууцанд хэдэн ком эвлүүлээд 24 цагаар ажиллахыг е-спорт гэж цээжээ дэлддэг хүмүүс байгаагүй юм. Сонсох байтугай уншихаас цээр хүрмээр хараалыг 10 настай жаалууд хашгичаад байхад дүлий царайлчаад байж байх ажилтнууд байгаагүй юм. Одоо гараад зодолдоод нэгнийгээ алж байсан ч мөнгөө нэхэх гэж л араас нь гарч мэднэ. Түүнээс биш салгах гэж үгүй ядахнаа сэргийлэх дуудах гэж биш. Арван жилийн хүүхдүүд шил архи хайрцаг тамхи бариад арвуул хориулаа "ПС-нд хонох" гэгч шинэ үйлчилгээгээр үйлчлүүлдэг болж. Үерхдэг хоёр буудалд орох мөнгөгүй болохоор "ПС-нд хонодог" болсон байна. Ханиад томуу элдэв халдварт өвчний голомт энэ ПС нэртэй газруудад биш хар зах дээр байсан юм.

Өчүүхэн шунал, өчүүхэн бодол л өнөөдөр ийм дорой байдалд хүргэж байна. Нийгэмд сөрөг мэдээлэл их байна. Тоглонгуут дэмийрээд хий юм хараад байдаг зүйл гэж бодож байна. Хөдөөний оюутанг ээж нь үдэж өгөхдөө юм сураарай гэж биш тэр ПС-г битгий тоглоод галзуурчихаарай гэж захиж байна. Ийм нөхцөлд хэн биднийг дэмжих юм, хэн нааштай хандах юм. Ёстой "НИАТУУ".

Мауз , кийбоордоо өдөр алгасалгүй арчиж цэвэрлэж байсан GEFORCE Game Center, цэвэрхэн орчинд залуусыг боловсон байлгах гэж түрээсийн байрандаа засвар хийж дуустал 30 орчим сая төгрөгөө бүтэн сар түгжиж байсан Манлай эгч, овоо чадвартай болчихсон хэдэн залуусаа юм үзэж нүд тайлуулах гэж дээд доод түшмэдийн эвийг олох гэж гүйн байж Холбооны батлахаа өвөртлөөд өөрөө түй ч ашиггүй том тэмцээн зохиож байсан Майсайхан ах. Энэ бүх хүмүүс өнөөдрийн яая даа гэсэн оромжнуудад их аятайхан хэвтэр бэлдэж өгсөн юм.

Мэргэжлийн орчинг мэргэжлийн аргаар бүтээгээд өөрөө мэргэжлийн замаар ашиг олох сүйхээтэй бизнесмен энэ чиглэлд одоохондоо төрөөгүй л байна...Өрсөлдөөнгүй салбар гэсэн үг.
Хэнд ч нээлттэй хэрнээ хэн ч сонирхохгүй байгаа бэлэн бүтээгдэхүүнүүд өнөөдөр ялзарч байна...

tom hudulj baigaan bndaa 2gazar huvaagddag bolohne

Cyber-iin Happy House dajguisht.

МУИС-ийн автобусны урд талын Кибер компьютер захын 3 давхарт.

town.d ajildag chihevch bdiin muu?

Надад бол тав тух хурд энэ тэр гэвэл town-ийн сандал суудал ширээ нэг хүний эзлэх зай бас VIP-өрөө нь гайгүйй гэхдээ өөрийхөө түүлс-ийг залгах мөн ажилладаг чихэвчтэй ком олно гэдэг бараг л үлгэр тэгээд өөрийхөө headset mouse-аа залгана гэж байхгүй таг бөглүү бас fps-нь developer 1 хийгээд байх max-даа 60 тэгэхээр л сул талтай. Game Arena аймаар mouse-уудтай болсон гэж сонссон гэхдээ очиж хараагүй. хаад Champion Arena-л ордог юмдаа.

shagdar
1. 10/10
2. 10/10
3. 10/10
4. 10/10
5. 10/10 surtsan bolohler uneher muulj chadku ni

champion lav comud n ih muudsan bna le, bas net n gg dehed bol hog ym bna le, bas online aar cs dehed, mn orson chine ping 1000+. zarim com n war togolhod gamgu fatal zaaj bna le. za bas camertai hun orj ired shud bichleg hiiged bna le . za yr n uur pc nd orj uzegum shig bna