#AsuultSambar :

2005 оны улсын наадмаар хэн түрүүлснийг санаж байгаа хүн байна уу? Хэн түрүүлж хэн үзүүрлэсэн нь хэрэгтэй байна.
Өсөхөө 3 дахь удаагаа түрүүллүү яаалаа. Нэг л их бороотой наадам байсан юм.

_________________
eMSMo \_ :-D_/

Тийм Єсєхбаяр тvрvvлж Сумъяабазар vзvvрлэсэн. Мягмарсvрэн, Мєнхбаатар 2 заан болсон.

_________________
29 udaa space

2005 ond Osohbayar turuulsen

saya bolson hulgaich namiin bayaraar aimgiin arslan Otgonbaatar turuulj tsergiin arslan Byambajav uzuurlelee.
Ulsiin nachin Bat-Erdene, Gantulga nar shovgiin 4-t uldsen.

_________________
Professional Sports Bettor

үе үед нэг тасарцан аваргууд байсан л байх.
. би хоёр эрдэнээс өмнөх лаг бөхчүүдийн барилдаан энэ тэрийг нь сайн мэдэхгүй....Гэхдээ одоогын өнгийг тодорхойлж байгаа улсын цолтой бөхчүүд үнэхээр аймар шүү дээ бяр тэнхээ барилдах арга бие хаа нь хүртэл. Цол дагаж бяр нэмдэг гэдэг улсын цолтой бөх цаанаа л нэг өөр байдаг юмаа...
Залуу бөхчүүдийн бэлтгэл хийх нь урьд өмнөхөөс хамаагүй илүү болсон гэж би бөх тайлбарлагч Батннасан хэд хэдэн удаа сонсож байсан...
Тэгсэн ч одоо бол хүн өөрөө л мэрийж чадах юм бол бүх юм сайхан нээлттэй болцон хүссэн үедээ хэдэн цаас сардаа төлөөд бэлтгэл хийчэх газар зөндөө байна бүр өөрөө сайн байвал бүх л тэмцээн уралдаан нээлттэй ингээл залуучууд сайжрах шалтгаанууд олноороо л байна..

Монгол туургатны үндэсний бөхийн барилдаан зохион байгуулагдахнээ. Сонирхолтой, шударга барилдаан болоосой гэж найдаж байна. Зохион байгуулалт сайтай, нэр хүндтэй уламжлалт тэмцээн болж өргөжих болтугай. Үзсэн хүмүүс сонин сайхнаас нь хуучлана биз дээ. Монгол бөхийн босоо хийморь дэрвэ дэрвэ.

олон улсын чанартай юм болохоор үндэсний телевиз үзүүлэх л байх гэж бодоод байгаа ш дээ.

Монгол туургатны бөхийн их наадам болно

Монгол туургатны соёл, зан заншлыг түгээн дэлгэрүүлэх зорилгоор Монгол туургатны үндэсний бөхийн наадам зохион байгуулахаар болсон талаар "Хөх сүлд-соёл" сан, "Хөх сүлд" группийн хамт олон өчигдөр хэвлэлийн бага хурал хийлгэж мэдээллээ.
Энэхүү хэвлэлийн бага хуралд Далай аварга, Монгол Улсын гавьяат тамирчин Г.Өсөхбаяр, гавьяат тамирчин, Аварга Д.Сумъяабазар нар оролцон Дэлхийн монголчуудын үндэсний бөхийн холбоо /ДМҮБХ/-г байгуулж байгаагаа дуулгасан юм. Монгол туургатны үндэсний бөхийн наадмыг ирэх сарын 24, 26-ны өдрүүдэд "Аса" циркт зохион байгуулахаар болжээ. Энэхүү наадамд манай үндэсний бөхчүүдээс гадна Тува, Буриад, Халимаг, Өвөрмонголын бөхчүүд оролцох юм. Наадмын эхний өдөр монгол үндэсний 128 бөхийн барилдаан болон гадаадын бөхчүүдийн дунд явуулах үндэсний бөхийн барилдааныг зохион байгуулна.
Наадамд Буриад, Тува, Халимаг, Өвөр Монголын нэр цуутай бөхчүүд оролцож монгол бөхийн ёс жудаг, дүрэм журмаар хүч бяр, уран мэхээ уралдуулан барилдах юм. Харин дөрөвдүгээр сарын 26-нд дээрх хоёр барилдаанаас шалгарсан тус бүр 64 буюу 128 бөх "Монгол туургатны үндэсний бөхийн наадам"-ын аваргын төлөө хүчээ сорих юм. Мөн наадмыг зохион байгуулахад 120 сая төгрөг зарцуулж байгаагаас үүний 50 саяыг нь түрүүлсэн бөхийн бай шагналд зориулж энэхүү анхдугаар наадамд түрүүлсэн бөхийг 20 сая төгрөгөөр байлах гэнэ.
"Монгол туургатны үндэсний бөхийн наадам" нь ДМҮБХ-ны хамгийн анхны зохион байгуулж байгаа томоохо ажил болж байгаагаараа онцлогтой төдийгүй Монголын үндэсний бөхийн түүхэнд бичигдэх чухал үйл явдал болох юм.

_________________
Монгол Улсын төлөө зүтгэе

ok


МҮБХ-ноос тэгш тоотой саруудад “Дөрвөн уулын хишиг” барилдаан зохион байгуулдаг болсоор багагүй хугацаа өнгөрлөө. Монгол бөхийн түүхэн дэх уул тайгын буюу арван засгийн наадмыг орлох энэ барилдааны долоо дахь нь буюу Сонгинохайрхан уулын хишиг барилдаан өнгөрсөн бямба гаригт боллоо.

Барилдаанд улсын арслан Х.Мөнхбаатар, улсын гарьд И.Доржсамбуу, улсын заан М.Баяржавхлан нарын хүчит 256 бөх зодоглосон бөгөөд Хөвсгөл аймгийн Тосонцэнгэл сумын харьяат, аймгийн хурц арслан Ц.Содномдорж түрүүлж, Сэлэнгэ аймгийн Орхонтуул сумын харьяат, улсын начин Т.Өсөх-Ирээдүй үзүүрлэв. Их шөвөгт улсын гарьд И.Доржсамбуу, улсын харцага А.Пүрэвжав нар үлдсэн юм. Барилдааныг “Монос” групп дэмжин оролцсон бөгөөд Сонгинохайрхан дүүргийн хамт олон зохион байгуулалтад хамтран ажилласан байна. Дашрамд сонирхуулахад, Сонгинохайрханы анхны хишиг барилдаанд улсын арслан Д.Азжаргал түрүүлж, улсын гарьд Н.Ганбаатар үзүүрлэсэн бол залуу начин Ш.Тогтохбаяр, Ж.Бат-Эрдэнэ нар их шөвөгт үлдэж байжээ.

Монгол туургатны бөхийн холбооноос энэ сарын 24, 26-нд “Аса” циркт Монгол туургатны үндэсний бөхийн наадам зохион байгуулах билээ. Зарим улсаас уг наадамд оролцуулах бөхчүүдийнхээ тоог эхний байдлаар мэдээлж байгаа аж. Тухайлбал, Өвөрмонголоос 40 бөх манай улсад хүрэлцэн ирэх бол Тувагаас 16, Буриадаас найман бөх Монгол туургатны үндэсний бөхийн наадамд оролцохоор болжээ. Тувагийн бөхчүүд энэ сарын 22-нд ирэхээр болсон байна.

Дашрамд сонирхуулахад, Монгол туургатны бөхийн холбооны Удирдах зөвлөлд далай аварга Г.Өсөхбаяр, аварга Д.Сумъяабазар нар багтаж байгаа юм. Далай аварга Г.Өсөхбаярын хэлснээр энэхүү барилдааныг жилд дөрвөн удаа зохион байгуулж байх бөгөөд ирэх наймдугаар сард Өвөрмонголд, арванхоёрдугаар сард Улаанбаатарт явуулахаар төлөвлөж байгаа ажээ.

МОНГОЛ БӨХ
Монгол бөхийн мэхний талаар эрдэмтэн судлаач нар янз янзаар бичдэг бөгөөд хамгийн багаар бодоход үндсэн 45 мэхтэй байдаг:
• Ачих
• Бусгах
• Гуд татах
• Гуядах
• Дугтрах
• Дунгуйлдах
• Дүүгүүрдэх
• Дэгээдэх
• Ёврох
• Зайлах • Мордох
• Мурих
• Мушгих
• Орох
• Өлмийдөх
• Өмсөх
• Өсгийдөх
• Өхийлдөх
• Салтаадах
• Сувих • Суйлах
• Сүлжих
• Тавхайдах
• Тахимдах
• Тойгдох
• Томох
• Тонгорох
• Тохох
• Тумбарайдах
• Үүзэл суухай • Үүрэх
• Хавирах
• Хавсрах
• Хайчлах
• Харцагадах
• Хадуудах
• Хасуйдах
• Хонгодох
• Хөмрөх
• Хөнтрөх • Хутгах
• Чөмөгдөх
• Эгэм дэх
• Этэх
зэрэг байх ба нарийн ялгамжаат хувилбарын тоо гэвэл барагдашгүй олон байна. Зарим баримтанд 666 мэхтэй ч гэж дурддаг. Мэхийг бас дан мэх, давхар мэх, угсраа мэх, хариулт мэх гэж ангилдаг.
Цол
Монгол бөхийн цол нь одоогийн мэдэгдэж байгаагаар ядаж 1,600-гаад жилийн түүхтэй ажээ.
11-р зууны сүүлчээс эхлэн бөхчүүдэд харцага, бүргэд, гарьд, шонхор зэрэг жигүүртэн амьтны нэрээр, 12-р зууны дунд үеэс тулгат, шандас гэдэг цол нэмэгдэн олгогдож байжээ. 13-р зууны дундаас одоогийн хэрэглэж байгаа начин заан, арслан аварга зэрэг нэрээр наадамд шөвгөрсөн бөхчүүдэд цол олгох болжээ.
2005 онд батлагдсан үндэсний баяр наадмын тухай хуулиар Улсын наадамд 5 давбал Улсын начин, 6 давбал Улсын харцага, 7 давбал Улсын заан, 8 давбал Улсын гарьд, 9 ба түүнээс дээш давбал Улсын арслан, Улсын Арслан цолтон түрүүлбэл Улсын аварга, Улсын Аварга цолтон түрүүлбэл Далай аварга, Улсын Далай Аварга цолтон түрүүлбэл Даян аварга, Улсын Даян Аварга цолтон түрүүлбэл Дархан аварга цол олгодог болсон.
Цолны чимэг
Монгол бөхийн цолны чимэг нь 18-р зууны үед үүссэн бөгөөд Монгол бөхийн хөгжлийн явцад ижил цолтнууд ихэд олширсноор тэдгээрийг хооронд нь ялгаж хөгжлийнхөө эхний шатанд тухайн бөхийн чанаруудыг нь харгалзан олгож байжээ.

Үндэсний бөхийн барилдаан нь олон зуун жилийн түүхэн уламжлалтай үндэсний шинж чанарыг агуулан хөгжиж ирсэн гүн гүнзгий утга дэг жаяг бүхий наадмын нэг төрөл юм. Монгол овогтны бөхийн барилдааны түүхэн хөгжилд:
- Монголчуудын бух барилдаан
- Халх бөхийн барилдаан
- Өвөр Монголын барилдаан гэж байсан бөгөөд эдгээр барилдаанууд нь адил төстэй болон ялгаатай зүйлүүдтэй.
Цаашид Монгол туургатнууд эвийн хүчээр нэгдэж дэлхийн түүхийн тавцанд Монгол хүний нэр алдрыг цуурайтуулахын тулд олон олон зүйлийг хийх шаардлага тулгарч байна. Монгол туургатны энэ их баяр наадам нь эв хүчээ нэгтгэж чадвал ямар амжилтанд хүрч болдгийн тод жишээ юм. Монгол хүний хөгжил үнэ цэнэ, нэр хүнд улам бүр өсч дэлхийд гайхуулах хүчтэнүүд Монгол туургатан дотроос төрж гарах нь дамжиггүй. Бид мянганы суут хүнийг төрүүлсэн эрэмгийн дайчин эр зоригтой эрдэм боловсролтой, эв нэгдэлтэй, эрч хүчтэй байхын ерөөл бат оршиг.

_________________
www.liverpoolfc.mn

Ер нь аль нэг аймаг , компаны нэрэмжит байрилдаан болохоор нутгийнх нь бөх түрүүлдэг ёстой юм аа тэээ

сая ховдын барилдаан болсон Батзаяа түрүүллэээ

Үндэсний их баяр наадмын үндэсний бөхийн барилдааны дүрмээс

Зургаа. Бөхөд цол, чимэг олгох
6.1. Үндэсний их баяр наадмын үндэсний бөхийн барилдаанд таваас дээш давж
шөвгөрсөн бөхчүүдэд Үндэсний их баяр наадмын тухай хуульд заасан цолуудыг
олгоно.
6.2. Улсын наадамд шөвгөрсөн, үзүүрлэсэн, түрүүлсэн улсын цолтой бөхчүүдэд
дараахь чимгийг дэс дараалан олгоно:
6.2.1. Тав давсан бөхөд: өсөх идэр, улам нэмэх, хурц шаламгай, уран мэхт, өрнөн
дэлгэрэх, улам өрнөх, цог нэмэх, идэр шаламгай, хурдан гарамгай;
6.2.2. Зургаа давсан бөхөд: үнэн зоригт, цогт гарамгай, үлэмж дэлгэрэх, үнэн
итгэлт, саруул шаламгай, өнөд амгалант, чин хүчит, идэвхит итгэлт, бат ерөөлт;
6.2.3. Долоо давсан бөхөд: саруул сайжрах, хууринан шуугигч, өлзий бадрах,
үлэмж хичээнгүй, онц бярдагч, бат нягт, чин зоригт, бахдам гарамгай, хичээнгүй
нягт;
6.2.4. Найм давсан бөхөд: үлэмж бадрах, бууршгүй хүчит, тод сонин, баатар
зоригт, бат өлзийт, тонж гарамгай, нэн дуурсгалт, харилтгүй жавхлант, хэтэрхий
хурц, өнөд түвшин;
6.2.5. Ес давсан бөхөд: баяр наадмын манлай, түмнээс төгөлдөр, улс даяар
гайхамшигт, тод сонин үзэсгэлэнт, олныг баясуулагч, бүхнээ дуурсгалт, үнэхээр
бишрэлт, өнөд баясгалант, уламжлан дуурсах;
6.2.6. Арав давсан бөхөд: хотлоорыг баясуулагч, харилтгүй үзэсгэлэнт, үлэмж
хэтэрхий, тонж гарамгай жавхлант, аугаа хүчит бүхнээ сонсголонт.
6.3. Аймаг, цэргийн наадамд шөвгөрсөн, үзүүрлэсэн, түрүүлсэн аймаг цэргийн
цолтой бөхөд дараахь чимгүүдийг олгоно.
6.3.1. Тав давсан бөхөд: өрнөх, өлзийт, зоригт;
6.3.2. Зургаа давсан бөхөд: цогт, хичээнгүй, хүчит, идэвхит;
6.3.3. Долоо найм давсан бөхөд: хурц, бадрангуй, хичээлт, итгэлт, ерөөлт,
харилтгүй, тод, дуурсах, жавхлант.
6.4. Сумын наадамд шөвгөрсөн , үзүүрлэсэн, түрүүлсэн цолтой бөхөд чимэг
олгохгүй.
6.5. Үндэсний их баяр наадмаар 16 хүртэлх насны хүүхдийн барилдааныг тусад нь
явуулж болох бөгөөд түрүүлсэн хүүхдэд шонхор, үзүүрлэсэн хүүхдэд шандас цол
олгоно.

_________________
Монгол Улсын төлөө зүтгэе

Үндэсний их баяр наадмын тухай хуулиас

6 дугаар зүйл. Үндэсний бөхийн барилдаан
7.1. Улсын баяр наадамд 5 давсан бөхөд улсын начин, 6 давсан бөхөд улсын
харцага, 7 давсан бөхөд улсын заан, 8 давсан бөхөд улсын гарьд, 9 ба түүнээс
дээш давсан бөхөд улсын арслан, улсын арслан цолтон түрүүлбэл улсын аварга,
улсын аварга цолтон түрүүлбэл улсын далай аварга, улсын далай аварга цолтон
түрүүлбэл улсын даян аварга, улсын даян аварга цолтон түрүүлбэл улсын дархан
аварга цол олгоно.
7.2. Аймгийн баяр наадамд 5 давсан бөхөд аймгийн начин, үзүүрлэсэн бөхөд
аймгийн заан, түрүүлсэн бөхөд аймгийн арслан цол олгоно.
7.3. Зэвсэгт хүчний хэмжээнд зохион байгуулах цэргийн наадмаар уламжлалыг
харгалзан аймгийн баяр наадмынхтай ижил нөхцлөөр цэргийн начин, цэргийн заан,
цэргийн арслан цолыг батлан хамгаалахын асуудал эрхэлсэн Засгийн газрын
гишүүн олгож болно.
7.4. Сумын баяр наадамд үзүүрлэсэн бөхөд сумын начин, түрүүлсэн бөхөд сумын
заан цол олгоно.
7.5. Үндэсний бөхийн барилдааны гурвын даваанаас эхлэн бөхчүүд цолны
эрэмбээр ам авах бөгөөд амжилтын эрэмбээр ам авах нь аварга цолтонд
хамаарахгүй. Дөрвийн даваанд бөхчүүдийг цолны эрэмбээр тулгаж барилдуулна.

_________________
Монгол Улсын төлөө зүтгэе

Монгол туургатны vндэсний бєхийн наадмын эхний єдєр 256 бєхийн барилдаан болсон. Монгол Улсын харцага Є.Даваабаатар тvрvvлж, харцага Т.Мєнгєнцоож vзvvрлэсэн юм. Барилдааны шєвгийн дєрєвт улсын харцага Є.Даваабаатар, Т.Амартvвшин, Т.Мєнгєнцоож, цэргийн арслан Т.Санжаадамба нар vлдсэн. Энэхvv барилдаанаас шалгарсан 64 бєх хоёр дахь єдрийн шигшээ барилдаанд оролцох эрхтэй болсон юм. Тэмцээний хоёр дахь єдрийн барилдаан нэгийн даваанаас л vзэгчдийг шуугиулав. ОХУ-ын Тува улсын 16, Халимаг улсаас дєрєв, Буриадаас 10, ЄвєрМонголоос 30, Япон улсаас нэг бєх барилдлаа. Монгол Улсын арслан Б.Мєнхбаатар, До. Ганхуяг, Д.Азжаргал, гарьд И.Доржсамбуу, заан С.Баяржавхлан, Б.Соронзонболд, харцага Т.Мєнгєнцоож, Л.Пvрэвжав тэргvvтэй 64 бєх зодоглолоо.

Цолны эрэмбээр залуу бєхчvvдийг авч барилдаад сурчихсан цолтнуудад сугалаа vнэхээр хvнд таарч байлаа. Нэгийн даваанд арслан Б.Мєнхбаатар, С.Жамъянпvрэвтэй таарсан бол хоёрын даваанд улсын начин Ц.Сумъяабэйс начин Д.Лхагвадоржтой, улсын начин Ш.Уламбаяр, харцага Л.Пvрэвжавтай, харцага Є.Даваабаатар, начин Н.Бvрэнбаатартай оноолт таарсан юм. Нэг даваа авахад 50, хоёр давахад 150 мянга, дєрєв давахад нэг сая, тав давахад 2.5 сая тєгрєг бєхчvvдэд очсон юм. Дєрвийн даваа эхлэхэд зочин бєхчvvдээс Буриадын С.Ренчин, ЄвєрМонголын Аянга нар vлдсэн байлаа. ЄвєрМонголын бєх Аянга, єсєх ирээдvйтэй начин Ш.Уламбаярт, Ренчин цэргийн арслан Т.Санжаадамба нарт євдєг шороодсоноор Монгол бєх тvрvvлэх нь тодорхой болов. Шигшээ барилдаанд цэргийн арслан Т.Санжаадамба улсын арслан До.Ганхуягаар долоо давж тvрvvллээ.

Өө тийм үү, Одоо наадмаар Монгол туургатнуудаа барилдуулдаг болмоор юм. Тэгвэл эртнээс хүсэж байсан мөрөөдөл минь биелэх нь. хэхэ Дээхэн үеийн бөхчүүд ачаа жин тээж, мал хуйтай ноцолдож бие ийн хүчний хөдөлмөр эрхэлдэг байсан болохоор бие хаа сайтай, уран хурц барилдаантай байж дээ. Одооны суурин амьдралын хэв маягаас болж бөхчүүдийн жин ихсэж, барилдаан удааширч, уяа бөхчүүд нэмэгдсэн гэж боддын.
Дэвээ шавааг одооны бөхчүүд гурилддаг болсон нь харамсалтай. Бөхчүүд ёс жаягаа дээдлэх, баримтлах, дэвээ шавааг үзэмжтэй хийх, сайн засуул бэлдэх... гм өчнөөн хийх ажлууд байх шиг л байх юм. Бөхийн холбоо нь даанч бас нэг үл бүтэх байгууллага байх юм.

Наадмаар ирж барилдаж болно ш дээ. Мангууш ирж барилдаад 2 давж байсан. Гэхдээ ах мангууш нь бишүү дүү нь билүү санахгүй байна. Нилээн дээр.

_________________
Монгол Улсын төлөө зүтгэе

Sumyabazar avarga K1 iin durmeer.

http://www.youtube.com/watch?v=qhwDhTCz ... re=related

_________________
Inflation is hidden tax

Үндэсний бөхөөр барилдсан учраас манайхан түрүүллээ гэж боджийно.
Одоо үнэхээр мундаг уу эсвэл үү гэдгээ өвөрмонголд очиж тэдний дүрмээр, тува-д очиж тэдний дүрмээр барилдаж байж нотлох байх.
гэснээс ах Мангууш нь сайн барилдаж байна лээшд.
Даваабаатар 3-н даваанд унацан ч байх шиг...

_________________
eMSMo \_ :-D_/

Монгол үндэсний бөх монгол туургантан дортоо хөгжлийн хувьд хамаагүй илүү байгаа. Өвөрмонголын бөхөөр барилдаж байгаа барилдааныг нь үзсэн. Бие билдар арга техникийн хувьд илүү юм байна лээ.

Тувагийн бөхөөр бол барилдаж байхыг нь бол хараагүй гэхдээ чөлөөт бөхийн дэвжээн дээр барилддаг гээд байсан байх шүү.

_________________
Монгол Улсын төлөө зүтгэе

Tuwa barildaani bichleg youtube deer baidag bz dee. Stadiond, yag l mongol buh shig haragdaad bdiishd. Gehdee gar n gazar hurvel unasand tootsdog. Uul n 4 holtei boh baidaggui deed deer ued Mongol buhod gar gazar hurvel unasand tootsdog bsan yum bish uu. Odoo ter durmiig hereglej bas bolohgui n yu baihav. Barildaan ulam sonirholtoi boloh baih daa.

Талий эгч Баяраа гарьд ах тэгж ярьж байсан. Чөлөөтийн дэвжээн дээр барилддаг гар хүрвэл унадаг бөх байна гээд. Зааланд л барилдуулсан юм байлгүй дээ.

Монгол бөх гар хүрвэл унадаг болчих юм бол харин ч сонирхолгүй болох байх аа. Гүйцээнэ гэдэг үг хэрэглэгдэхгүй болно ш дээ.

Зураадай орж ирж асуудал шийдэх нь үү яах нь уу

_________________
Монгол Улсын төлөө зүтгэе

Өнгөрөөд 2 жил болж байна ш дээ. Дэлгэр мөрнийг гатлах гэж сэлж байгаад живсэн. Бага байх даа хэд хэдэн удаа нааш цаашаа гаталдаг байсан гэсэн.

_________________
Монгол Улсын төлөө зүтгэе

_________________
Nope…

Meh hiih bolomj haagdana gej bodohgui baina. Garaaraa tulj baigada hiideg meh gej baihgui shuu dee. Odoo chini harin hugatsaandaa barildahgui shodoho huleegeed meh hiihgui, mehiin torol bagatai sumotoi tostei bolson.

Ер нь гар хүрээд байдаггүй ч Гараа тулж байгаад даацтай хөмрөх, Шагайгаар тойрч хөлд орох, Тавхайлдах гэх мэтнүүдийг хийх боломжгүй болоод ирнэ. Тэгхээр яах аргагүй Монгол үндэсний бөхийн мэхийн төрлийг багасгах болоод байна даа. Бас мэхнийг гүйцэт хийх гэдэг зүйл үгүйлэгдэж эхэлнэ.

Гар хүрэхээр унадаг болох юм бол Монгол үндэсний бөхийн нэг онцлог шинжээ алдах байх даа.

_________________
Монгол Улсын төлөө зүтгэе

Наадахь чинь бол барилдаж байгаа бөхийнхөө сэтгэлээс л шалтгаалах эд шиг байгаа юм, чадвар муутай бөх л тэгж азанд найдах байх. Арслан Азжаргал бол том жишээ, зүгээр начин байхад бол сайн л бөх байсан, арслан болоод худлаа гар...
Үнэхээр өөртөө итгэлтэй бол мэхээ хийгээд л хаях л хэрэгтэй л дээ, даанч тэгж сэтгэх бөх ховор болсон юм байлгүй дээ. Би тэгэхдээ сайн мэдэхгүймаа, сүүлийн үед бөх ямар болж байгааг. Ер нь бол тэгдгийг нь болиулмаар байна гэж байгаа бол бөхчүүдийнхээ сэтгэхүйг л сайн хөгжүүлэх хэрэгтэй байх. Ер нь манай үндэсний бөхийн холбоо энэтэр тамирчиддаа анхаарал тавьдагым бол уу???

_________________
Nope…