Ишлэл:
japan ii tetgelegt oroh talaar medeelel bna u?yaaj orvol gaigui ve?
Японы тэтгэлэг гэж Монбушог хэлж байгаа байх гэж бодож байна. Өөрөө хэддүгээр ангийн хүүхэд вэ? Хэрвээ 9-р ангиас доош бол Шинэ Монгол ахлах сургуульд орвол зүгээр гэж хэлмээр байна. Учир нь гэвэл Шинэ Монгол сургууль Японы хөрөнгө оруулалттайгаар барахгүй ер нь өөрөө Японы ахлах сургуулийн хэв шинжийг ихээр агуулсан байдаг. Бүх ангиуддаа Япон хэлний тохирсон сургалтыг явуулах бөгөөд төгсөх ангид буюу 12-р ангид оронгуут Японы шалгалтуудад бэлддэг юм. Засгийн газрын тэтгэлгийн Монбушогаас гадна Рьюгакүшикэн буюу Японд суралцах хүсэлтэй бүх гадны оюутнууд өгөх ёстой энэ шалгалтанд маш сайн бэлдэнэ. Эргээд энэ шалгалтаа сайн өгсөн тохиолдолд манай сургуультай хамтран ажилладаг спонсоруудын тэтгэлгээр Японд суралцах үүд хаалга нээгдэж байгаа гэсэн үг юм.
За тэгээд ахлах сургуулиа аль хэзээ төгссөн тохиолдолд хувиараа apply хийе гэвэл бас л тэр дээр дурдсан шалгалтыг өгөх хэрэгтэй болно. Гэхдээ хувиараа гэсэн учраас тэнцсэн тохиолдолд өөрөө л мөнгө зардлаа зохицуулах хэрэг гарах байх.
Бас нэг сайхан жаргалын үүд хаалга нь Монбушо гэж бодож байна. Даанч тэр хаалгыг нээж ороход тийм ч амар биш байх. Шалгалтууд нэлээдгүй чанга. Би ч өөрөө өгч байлаа нэгэнтээ. Гэхдээ сайн бэлдсэн байхад тэнцдэг юм байна гэдгийг манай олон ч найзууд харуулсан. Асуусан асуулт чинь Японы тэтгэлэгт яаж орох вэ гэсэн байна. Яаж орох вэ гэхээр заавал ч үгүй тэр шалгалтыг нь өгч байж л орно доо. Энэхүү шалгалтанд жил бүрийн за байз 3 ч билүү 4 сард бүртгэж авдаг юм. Сайн санахгүй байгаа боловч их сургуульд явдаг бол голч дүн нь 3.2-с дээш, мөн багшийн ч тодорхойлолт гэх мэт зүйлс шаардана. Тэгээд яг шалгалт нь бол 6 сарын дундуур авагдана. Монголдоо тэнцсэн эсэх нь 7, 8 сар дотроо гарна. Гэхдээ энэ нь баярлах цаг болсон гэсэн үг биш. Энэхүү шалгалт нь Монгол шиг Азийн хөгжиж буй олон орнуудад авагддаг болохоор эргээд Монгол шалгарсан хүүхдүүд маань олон орны хүүхдүүдтэй хамт шигшигддэг юм байна. Тэгсний дараа 12 сар, зарим үед шинэ он дөнгөж гараад албан ёсны хариу нь ирдэг. Их л хүлээлгэж, олон хүмүүсийн нойр хоолыг удаан хасдаг эд байгаа юм. Гэхдээ мэдээж нэгэнт тэнцсэн тохиолдолд Японд байж сургуулиа төгсөх хүртэлх чинь бүх л сургуультай холбоотой зардлыг чинь (онгоцны билет хүртэл багтдаг байх) Японы Боловсрол ШУ-ы Яам нь төлж өгөх юм. Стипенд нь нэлээд хангалттай байдаг гэж сонссон. Дээхэн үед бүр ч их байхад нь хүмүүс хадгалсаар байгаад Монголд ирж байр авч байсан гэсэх яриа ч байдаг. Гэхдээ тэр нь хаашаа юм сайхан юмаар дутахгүй сураад ирэхэд л болоо байх.
Би доор линк тавьсан байгааг харж байгаа байх. Тэрэн доор өнгөрсөн оны болон онуудын шалгалтын материалууд нь байгаа. Тэд нарыг хийж өөрийг сорино биз.
http://www.studyjapan.go.jp/en/toj/toj0308e.html#1
Амжилт! Ганбаттэ нэ!
Бүртгүүлэх
Нэвтрэх
Түгээмэл асуултууд
Хайх
