#AsuultSambar :

Намайг жаргах үедээ мартаад, зовох үедээ санадаг тийм нөхөрлөл гэж юу байхав дээ! Дахиж найзаа, найз нь гэсэн нялуун үгс битгийн унагацгаа!

_________________
Амьдрах сайхан.

Өөрийн гэр бүлдээ энх тайван, амар амгаланг бүрдүүлж чадсан бол тэр жинхэнэ аз жаргал билээ.

_________________
Амьдрах сайхан.

Баяртай сайхан мэдээтэй

Миний ажил маш урагштай байгаа. Маш их амжилттай. Ирээдүй маань одоо л арай гэгээтэй харагдаж эхэлж байх шиг байна шүү. Хонгилын үзүүрт гэрэл харагдахыг би олж харлаа.

Цаанаа л нэг сэтгэлд тайван мэдрэмж төрүүлдэг, сэтгэлийг минь эмчлэх тийм сайхан энергитэй хүн бас байх юм аа. Тэр найздаа маш их баярлалаа.

_________________
Амьдрах сайхан.

Ажлын бүтэмж маш муу.
Анх энэ ажилд орсноосоо хойш энэ төсөл дээр над шиг ингэж их суусан хүн байна уу?. Одоо л яг үр дүнгээ үзэх гээд чухал хэсэг рүүгээ орох гээд байхад хамтдаа жаахан хичээгээд үзэх хэрэгтэй шүү дээ. Хүний нөөцийн менежэр маань ганц олигтой хүн олоод надтай ханьсуулчихаасай. Би яг дэлбэрлээ. Бурхан тэнгэр минь энэ төслийг 2 сарын эхний 2 долоо хоногийн дотор дуусгаж чадахгүй бол би үнэхээр итгэл найдвараа алдах гээд байна. Надад туслаач дээ. Гуйж байна. Гуйж байна. Гуйжииииийштэээ.

Миний бодлоор бурхан миний хэр их тэвчээртэй эсэхийг шалгаж байгаа байх. Тийм биз дээ? Гуйж байна. Яг хоёр долоо хоног шүү. Хэрвээ бүтэхгүй бол би насан туршдаа гуньж, гутарч амьдрана...

_________________
Амьдрах сайхан.

Юм бүхэн хүссэн шиг минь, аль эсвэл яг төлөвлөж байсан шиг минь төгс биелж чадахгүй тохиолдол бас байна аа байна. Байна шүү байна. За надаар сонин сайхан ихтэй шүү.
Хүн хүнд хэтэрхий их найдлага тавьж, ямар нэгэн зүйл хүсэн хүлээж, эсвэл маш их ач холбогдол өгөхгүйгээр хөнгөхөн хүлээж авбал ямар их өөрчлөлт авчирч болдогийг сүүлийн хагас сарын дотор ойлгож авлаа. Сэтгэл маш их хөнгөрч, зөрчилдөөнтэй асуудлууд ч үгүй болж, бусдыг уучилж өршөөж, уужуу болдог юм байна. Тэр чинээгээрээ сэтгэл санаа минь тайвширч, өөрөө өөрийгөө гуниг, гутрал, ганцаардал, гомдол, цөхрөлөөс ангижруулах тийм шидтэй аж. Ёстой сэтгэлийн минь буланд байсан хөндүүрийг арилгачихсан шүү.
За нэг асуудал маань шийдэгдсэн боловч өөр нэг асуудал байсаар л... Энэ бол тодорхой бус байдал. Зорилгоо үл ойлгох ч гэх юм уу даа. Гэхдээ би удахгүй өөрийн тойрогтоо эргээд орчихно оо.

_________________
Амьдрах сайхан.

Би өөрөө өөрийнхөө өөртөө итгэх итгэл, урам зориг, эрч хүчээ хайж байна.

Би их тэнэг. Миний хамгийн том сул тал бол миний юмыг хэтэрхий төгс байлгах гэж хичээдэг явдал. Өөртөө хэтэрхий өндөр шалгуур тавьж, бүх юманд төгс байх гэж хичээж, бүхнийг төгс гүйцэтгэлтэй хийх гэж зүтгэдэг. Тэр чинээгээрээ бусдад ч гэсэн өндөр шалгуур тавьж, бусдаас төгс байхыг шаарддаг. Шаардлагад минь нийцэхгүй бол бухимдаж, өөрийгөө ядрааж, бүхнийг өөрөө хийх гэж оролдоно. Өөрөө ямар нэг юмыг 100%-н гүйцэтгэлтэй, өндөр хэмжээнд, сэтгэлдээ нийцтэл хийж чадахгүй бол сэтгэлээр унаж, арчаагаа алдана. Бүх юм мэдээж миний хүссэнээр төгс байж чадахгүй штэ.

_________________
Амьдрах сайхан.

Хэрвээ чи хөгшин болчихоод, өөрийнхөө ач, гуч, дөч нарт "Амьдрах үнэхээр сайхан" гэж өөртөө итгэлтэйгээр, цээж дүүрэн баяр баясгалантайгаар хэлж чадаж байвал чи өөрийгөө аз жаргалтай, сайхан амьдарч чаджээ гэж дүгнэж болно.

_________________
Амьдрах сайхан.

Хүмүүс ажил хийхдээ тэр ажлаа өөрт нь өгч байгаа ял мэт хүлээж авч байгаа юм чинь яаж ажил нь урагшлах юм бэ! Тэнгэр ширтээд хэвтээд байвал тэнгэрээс мөнгө унаад ирдэг байсан бол энэ дэлхийн бүх хүмүүс баян байх байсан юм. Энэ хорвоо дээр эрсдэл хүлээдэггүй ажил гэж байхгүй. Хүнээс хүч хөдөлмөр, тэвчээр, хатуужил шаарддаггүй ямар ч ажил байхгүй. Нэг жаахан бэрхшээл гарч ирэнгүүт шантраад байхаар яаж цаашаа хөгжиж, ахих юм!

_________________
Амьдрах сайхан.

Би харсан чинь Бурханд нилээд их гомдоллосон бололтой. Бүр сүүлийн өгүүлбэрүүдэд нилээн их сүрдүүлгийн өнгө аястай юм бичсэн байна. Ямартай ч бурхан миний хүслийг сонссон шүү. Баярлалаа.

_________________
Амьдрах сайхан.

_________________
Амьдрах сайхан.

Хүмүүс надтай уулзах, ярих их дуртай байдаг нь ажиглагдлаа. Надтай уулзахаар янз бүрийн хүмүүс ирдэг. Тэдгээрийг доорх байдлаар ангилав.
1. Зовлонгоо хуваалцаж, зөвлөгөө авах болон санаа авах гэсэн хүмүүс.
2. Намайг яг юу хийж, юу бодож байгааг мэдэж авах гэсэн сониуч хүмүүс.
3. Надтай уулзаж, намайг доош нь хийх гэсэн хүмүүс.
4. Нэг юман дээр надаас илүү гарангуутаа баярлаад надад өөрийгөө гайхуулах гэсэн хүмүүс.

Эдгээр хүмүүсийн аль нь ч надад тийм ч их нөлөө үзүүлж чадахгүй. Яагаад гэвэл тэдний юу хийх, ямар байх нь надад огт хамаагүй. Гэхдээ энэ хүмүүс надтай яаж ч уулзаж намайг юу гэж ч доош, дээш нь хийх гэж байсан би бүгдэнд л адилхан ханддаг. Би тэднийг халуун, дулаан сэтгэлээр хүлээн авч, чин сэтгэлийн яриа өрнүүлж чаддаг. Яагаад гэвэл намайг үзэн яддаг ч бай хайрладаг ч бай ямар ч тохиолдолд тэд нар миний талаар ямар нэгэн байдлаар бодож, би тэдэнд тодорхой хэмжээгээр нөлөөлж чадаж байна шүү дээ.

_________________
Амьдрах сайхан.

Сайн уу? гэж өөртөө хэлье. Сүүлийн үед өрөөл бусдыг бодоод өөрийгөө бүүр мартчихсан байжээ би. Нөгөө "Keep calm and...." гээд үгс байдаг даа тэр л санаанд орлоо. Санаанд минь орж ирж байгаа бодлуудаа нэг цэгцэлж бичмээр санагдаад унтахынхаа өмнө компьютерээ асаалаа.

МӨРӨӨДӨЛ гэж юу вэ? Мөрөөдөл гэдэг бол атаархал биш юм. Мөрөөдөл цагаахан, гэгээлэг байх ёстой. Мөрөөдөл бол хэн нэгний бусдад хараар атаархаж, хорссон сэтгэлээс үүдэж гардаг тачаал биш юм. Мөрөөдөл гэнэн, итгэмтгий, гэгээлэг, цагаахан байдаг юм. Мөрөөдөл бол хэн нэгний шунал тачаал биш ирээдүйд болгоно оо, бүтээнэ ээ, чадна аа гэсэн хүсэл сэтгэлийнх нь жигүүр нь байдаг юм. Тэгэхээр мөрөөдөл, шунал 2-оо ялгаж салгаж сураарай гэж зарим хүмүүст хэлмээр байх юм.

Амьдралд нэг ялгаа заавал байж гэмээн амьдрал утга учиртай байх ёстой. Би чамайг унтаж байхад сэрж байлаа. Би чамайг зүүрмэглэж байхад хөлсөө дуслуулж байлаа. Би чамайг тоглож байхад гараа чилтэл бичиж, бодож, шугамдаж, гортиглож байлаа. Би чамайг ээжээсээ халаасны мөнгө авч байхад чинь анхныхаа цалингаар ээждээ шоколад авч өгч байлаа. Би чамайг зурагтаар тэмцээн үзэж байхад чинь тэмцээнд ялагдсандаа шаралхаад тайзны ард уйлж байлаа. Би чамайг дөнгөж ойлгож эхэлж байхад чинь бусдад ойлгуулж байлаа. Тэгэхээр юу гээч. Хүн хэн нэгнээс илүү их тэвчээр зааж, илүү их хөдөлмөрлөснийхөөө төлөө, илүү их хөдөлмөрийн хөлс дуслуулсныхаа төлөө бусдаас илүү гавьяа хүртэх "бүрэн эрхтэй" байдгыг үүрд санаж яв. Тийм болохоор хэн нэгэнд атаархаад байлгүй тэр өнөөгийн нөхцөл байдалд хүрэхийн тулд ямар их хүчин чармайлт гаргасныг эхлээд үнэлж бай. Чи өөрийгөө гайхна. Би бусдаас яагаад доор юм бэ? гэж. Чи эхлээд түүнээс асуу. Чи яаж ийм болсон юм бэ? гэж. Ядаж чи түүнийг ажигла. Түүнээс суралц! Харин бүү атаарх.

........................................______________________________.....................................................................................

Зиа тэгээд Валентин хэмээх гэгээлэг сайхан баярын араас Март 8 хэмээх баяр үргэлжилж интернэтээр дүүрэн бэлэг сэлт, романтик мөчүүдээ хуваалцсан зурагнууд хаа сайгүй. Сүүлдээ бүр залхах шиг. За тэр буудалд байгаа зургаа тавьдаг хосууд бол арай дэндэнэ шүү. Бага зэрэг гэгэлзсэнээ бол нуухгүй ээ Надад ч гэсэн тийм мөч ирнэ. Би ч гэсэн хайртай хүнтэй болно хэзээ нэгэн цагт. Би ч гэсэн баглаа дүүрэн улаан сарнайг өөрийнхөө хайрладаг хүнээс авна. Хэзээ нэгэн цагт би ч гэсэн хайрладаг залуугаа өвчсөн юм шиг дуурайсан үртэй болно. Би ч гэсэн ээж болохын гайхамшгийг мэдэрнэ. Тэглээ гээд би яаран дааран сонголт хийж, ганцаардсан сэтгэлээ тайтгаруулах гэж бааранд залуу эргүүлэх эмэгтэй биш. Амьдрал улам илүү утга учиртай, аз жаргалтай болох цаг ирнэ. Гэхдээ туулах амьдрал минь урт болохоор дурлалд би яарахгүй байна.

За за нэг ингэсгээд орхилоо. Унтах цаг болжээ.

_________________
Амьдрах сайхан.

Пөөөөөөөөөөх 2014 он болоод бүхэл бүтэн 3 сар аль хэдийн болчихсон байна штээээ................ Цаг хугацаа ямар худан юм бэээээээ........................

_________________
Амьдрах сайхан.

надтай ижилхэн юмаа надад хүмүүсийн хийсэн зүйл таалагддаггүй өөрөө их нямбай. Ээж минь ингэж сургасан. Хэтэрхий.шаардлага өндөртэй гэхүү дээ иймдээ олон найз охины дундаас ганцаараа үлдсэн биз гэж боддог. Надад таалагдахгүй бол шууд л болидог хэхэ

хайр гэдэг гоё сонголт бүүр хариуцлагатай учрах учрал гэдэг бас сонин

_________________
Амьдрах сайхан.

You're changed.
Or
You gave up on me.

_________________
Амьдрах сайхан.

Yu bichih be

Сэтгэлийн амар амгалан.

Нэг тийм сэтгэл амар, юунд ч санаа зовохгүй, юунд ч хариуцлага үүрэхгүй, зүгээр л өнөөдрөөрөө амьдарч үзэх юм сан. Зүгээр л инээгээд л, инээгээд л... Хошин шог үзэж байхдаа хүртэл маргааш яах, юу хийх, юуг хийх ёстой гээд л цаанаа нэг зовиуртай инээх боллоо сүүлийн үед. Магадгүй би насанд хүрч байгаа болохоор тэгж байгаа байх л даа. Мэдээж 22 нас гэдэг хүүхдийн тоонд юу гэж орох билээ. Гэхдээ энэ бол нэг тийм шилжилтийн үе юм. Хүүхэд наснаас том хүн болох шилжилтийн үе. Орчин тойрноо жинхэнэ утгаараа ойлгож эхлэх үе. Гэр бүлийн ачааг хамтдаа үүрч эхлэх үе. Энэ бол хичээл дээрээ муу авчихаад маргааш онц авчихад болох зүйл биш. Энэ бол амьдрал. Миний хийх сонголт бүр миний амьдралыг тодорхойлно. Миний хэн байх вэ гэдгийг хэлнэ. Би алхам тутамдаа хариуцлага үүрч байна. Надад бас энэ чинь хэцүү санагдаж байна.
Миний бодлоор жинхэнэ аз жаргал гэдэг бол “сэтгэлийн амар амгалан” юм шиг ээ. Сэтгэл санаа амар амгалан, санаа зовнил багатай, зовлонд баригдаж, шаналалгүй байх л гоё. Заримдаа бас хэтэрхий их өөрийн үүргээ ухамсарлаж, тэрнийхээ төлөө хэтэрхий их хичээж, хэтэрхий их бусдын төлөө шаналах тусмаа өөрийгөө их зовоох юмаа. Яамаар ч юм бэ дээ. Ер нь сайхан амьдралын томъёолол их амархан ч юм шиг. Эрүүл энх байж, хайртай хүмүүстэйгээ хамт сэтгэлийн амар амгаланг эдлэх.

_________________
Амьдрах сайхан.

сэтгэлийн их амгалан гэдэг чинь шашныханы оруулж ирсэн нэг тиймэрхүү нэр байгаа маа.. эрх биш мэднэ биз дээ..

_________________
Хубилай Хааны Их Мэргэн Гүнтэн

Шашиндаа гол нь биш л дээ.

_________________
Амьдрах сайхан.

Ер нь эргэлзээгээ арилгах шиг хэрэгтэй юм алга аа. Өөрөө бага зэрэг ичмээр, тэнэг, эвгүй байдалд орсон ч гэсэн тэр тийм болов уу ийм болов уу гэж мянга бодож, гашилгаж, төрөл бүрийн юм энд тэндээс хийсвэрлэн түүж байснаас зүгээр л байдлыг гартаа аваад эргэлзээгээ арилгах алхамаа хийчих. Тэгээд л болоо. Сэтгэл санаа маш их хөнгөрнө. Хэдий ичмээр ч гэсэн... Хэзээ нэгэн цагт ийм зүйл хийснийхээ төлөө өөртөө баярлах цаг мөч ирж л таараа.

_________________
Амьдрах сайхан.

Хэнд нь түрүүлж дурласнаа санадаггүй. Тэгэхээр одоо хэнд нь хайртай гэсэн үг үү?

_________________
Амьдрах сайхан.

Би хэн юм бэ?

Би өөрөө өөрийгөө бүтээж байгаа. Миний үйлдэл, миний сонголт бүгд намайг хэн бэ гэдгийг минь тодорхойлж байгаа. Би өөртөө гутарч байна. Би хэн ч биш юм байна. Жижигхэн Монголд сэтгэл хангалуун, аз жаргалтай амьдрах хэцүү юм. Хүрээлж байгаа найз нөхдүүд нь бүгд худлаа манжилсан юмнууд. Хажууд байгаа хайртай хүмүүс минь сэтгэлдээ нэг л зовиуртай. Нэг л сэтгэл хангалуун бус шинжтэй. Нэг л сэтгэлдээ хөндүүртэй мэт энэ амьдрал... Тийм л юм бол гээд цааш нь хэлэх гэхээр дэндүү гомдоочих гээд, нүгэл хийх гээд ч байгаа юм шиг...
Заримдаа хэтэрхий өөртөө харьцуулалт хийдэг болчихож. Бусдын амьдралтай өөрийнхийгөө харьцуулаад л... Би нэг л аквариумд хорогдсон өргөдөлтэй загас шиг л санагдах юм. Эрх чөлөөтэй юм шиг мөртлөө нэг л хоргондоо эргэлдсээр насан эцэслэх гунигтай...Хуурамч инээмсэглэлтэй, хөнгөн гуниг тээсэн энгийн л нэг эмэгтэй. Бусдын нүдээр азтай, аз жаргалтай эмэгтэй. Өөрийн нүдээр аквариумны загас...
Нэг үеэ бодвол би бас ч гэж хуурамч хөгийн хүмүүсийг ойлгож, тиймэрхүү хүмүүстэй хэрхэн харьцах арга барилаа олдог болоод байгаа шүү. Ай мэдкүмдаа би хичнээн дорой явсан ч бусдад худлаа хэлж, хүнийг цусгүй алж хэзээ ч хэзээ ч чадахгүй. Би үүгээрээ л бахархдаг. Үхэхдээ би олсон эд хөрөнгөө аваад үхэхгүй ч өөрөө өөртөө тууштай, үнэнч, чин шударга амьдарсан бахдалаа тээгээд сэтгэлийн шаналалгүйгээр үхэхийн төлөө л амьдарна. Нэгэнт л дуусах амьдрал штээ.

_________________
Амьдрах сайхан.

_________________
#!@$%

Спасибо...

_________________
Амьдрах сайхан.