NIKO BELLIC
Нас: 30 (1978 онд төрсөн)
Төрсөн Газар: Югослав
Үндэс Угсаа: Серби
Гэр Бүл: Milica Bellic (ээж)
Josef Bellic (дүү)
Roman Bellic (үеэл)
Хоч: Nikolai, Nicky, NB, Jimmy
За ингээд Niko Bellic-ийн намтрыг товчхон сийрүүлье.
Өмнөх Амьдрал
Тэрээр 1978 онд Югослав буюу одоогийн Серби улсад нэгэн бяцхан тосгонд мэндэлжээ. Хүүхэд ахуй насаа төрөлх тосгондоо дүү Josef Bellic, үеэл Roman Bellic-ийн хамтаар өнгөрүүлсэн байна. Тэрээр сансрын нисгэгч болохыг мөрөөддөг байжээ. Түүний эцэг нь тосгоноор нэг хэрэн хэсүүчилсэн найгүй архичин байж гэнээ. Мэдээжийн хэрэг агсам тавьж эхнэр хүүхдээ зодно. Харин эх Milica Bellic нь Niko-г халамжлах агаад хүүхдүүдээ ийм балмад газарт өсгөж байгаадаа үргэлж сэтгэл дундуур байдаг байж. Бусадтайгаа тоглож наадаж байх ёстой өсвөр насандаа Niko цэрэгт татагдан Югослав-Боснийн дайнд оролцох болов. Хараал идсэн энэ дайн түүнийг эвдэж, мөнхөд өөрчилсөн бөгөөд дүү Josef Bellic-ийнх нь амийг мөн авч оджээ. Харин тосгондоо эргэн ирэхэд тосгоных хашаануудаас тосгоны 50 хүүхдийг цовдлон алсан байхыг харжээ, мөн авга эгч нь (Roman-ы ээж) өөрийн гэртээ Боснийн цэргүүдэд хүчиндүүлэн алуулсан байхыг тэрээр олж гэнэ. Аз болж эх нь эсэн мэнд байж. Харин Niko Roman-д хэлэхдээ түүний ээжийг гэртээ галд өртөн нас барсан юм хэмээн үнэнийг хэлэлгүй нууцалсан аж.
Боснийн Дайн (1991-1995)
Дайнд тэрээр давхар нисдэг тэрэгний жолооч хийдэг байжээ. Түүний салаа 15 хүний бүрэлдэхүүнтэй байсан агаад ихэнх нь хар багаасаа нөхөрлөж ирсэн тосгоных нь найзууд байж.
Нэгэн удаа салаа нь дайсны отолтонд орж Niko арай гэж амьд мултаржээ. Дайснуудыг өнгөрсөн хойно цор ганцаар үлдсэн тэрээр эргэн ирж нас барсан нөхдийнхөө цогцсыг оршуулжээ. Тэнд 12 цогцос байлаа. Харин Florian Cravic, Darko Brevic нарынх байсангүй. Тэр 2 ердөө 1000-хан доллараар нөхдийнхөө амийг худалдсан болохыг мэдсэн Niko заавал нөхдийнхөө өшөөг авах болно хэмээн найзуудынаа булшин дээр андгайлсан байна.
Дайны Дараа
Дайны дараа Niko-д ажил олох тун хэцүү байж. Арга ч үгүйдээ улс эх орон тэр чигээрээ хямарсан юм чинь. Үеэл Roman энэ их хагарал мөргөлдөөнөөс залхаж, сайхан амьдралыг мөрөөдөж эрх чөлөөний эх орон Америкыг зорьсон байлаа. Дайны хүнд үед өсөж торнисон түүний ганц чадах зүйл нь тулалдах байлаа. Иймээс тэрээр удалгүй Балканы гэмт хэргийн ертөнцөд хөл тавьж энэ амьдралаар 10 гаруй жил амьдарчээ. Энэ үедээ өнөөх урвасан хоёрын тухай сураг ажиг тавьж, хайсаар л байлаа. Нэгэн удаа аз дутаж цагдаад баригдан хэсэг хугацааг торны цаана өнгөрүүлсэн байна. Шоронгоос суллагдсаныхаа дараагаар Родислав Булгарин (TBOGT дээр Louis Lopez ч болгож өгдөгдөө муу хогийг хаха) гэгч зартай Орос дээрэмчний дор хүний наймаанд оролцож байж.
Нэгэн удаа түүний сууж явсан, Итали руу явах ёстой байсан хөлөг онгоц Адриатын тэнгист осолдож ганцаараа амьд мултаржээ. Энэ бүхэнд хорссон Булгарин NIko-г буруутгах болов. Аргагүйн эрхэнд Niko Булгаринаас зугатаж Platypus хэмээх худалдааны онгоцонд нууцаар сууж далайд гарчээ. Энэ үедээ багийн гишүүдтэй дотноссон бөгөөд Атлантын далайд 7 сарыг өнгөрүүлсний эцэст үеэл Романыхаа урилгаар Liberty City-д хөл тавьжээ. Мөн тэрээр өөрийн хайж байсан 2 хүний нэг болох Florian Cravic Liberty City-д байгаа гэдгийг мэдсэн тул татгалзсангүй.
Liberty City дахь амьдрал
Үүнийг та бүхэн хэлүүлэлтгүй сайн мэдэж байгаа гэдэгт итгэлтэй байна. Тоглож үзээгүй бол заавал тоглож үзэхийг зөвлье. Зохиол үндсэндээ хоёр янзын төгсгөлтэй байгаа, яаж дуусгах нь таны л сонголт.
Дуу Оруулалт
Түүнд Michael Hollick гэгч дуу оруулжээ. Үүнийхээ хөлсөнд 100 мянган $ авсан байна. Никод дуу оруулахын тулд нилээд хэдэн сар бэлтгэл хийсэн гэдэг. Тоглоомонд дуу оруулсан өдөр бүртээ $1,050 авдаг байж. Энэ нь зарим кино урлагийн жүжигчдийн хөлснөөс даруй 50% илүү байгаа юм.
Сонирхуулахад:
+Үнэнийг хэлэхэд Niko Bellic бол GTA-ийн бусад дүрүүд дундаа хамгийн цайлган, сайхан сэтгэлтэй нь юм шүү. Жишээ нь сайн ажиглах юм бол Niko машин дээрэмдэхдээ ерөөсөө эмэгтэй хүнд гар хүрдэггүй. Харин "I'll Take Her" гэдэг үе дээр л арга буюу Ancelotti-ийн мафийн толгойлогчийн охин Gracie-г дуугүй болгохын тулд цохиж ухаан алдуулдаг.
+NIKO гэдэг нь Босни, Серби хэлэнд бол "Хэн ч биш" гэсэн утгатай юм байна
+Niko-ийн эцгийг Drago Bellic гэдэг байсан гэх бөгөөд армийн генерал байсан гэлцэх нь бий, гэхдээ энэ нь баталгаагүй юм
+2001 онд гарсан Owen Wilson-ы тоглосон "Behind Enemy Lines" дээр гардаг дайсны мэргэн буудагч Сашатай үнэхээр төстэй. Магадгүй Rockstar-ийнхан түүнээс сэдэвлэн Niko-г хийсэн байж магадгүйэ. Сашагийн өмсдөг хувцастай тун адилхан загвар бүхий хувцас хүртэл тоглоомон дотор байгаа (Russian Shop).
+Niko зүүн хөмсөг дээрээ соривтой
+Тоглоом гарахаас өмнөх бүхий л зурагт хуудас, trailer-үүд дээр Niko хоёр гартаа хуруугүй бээлий өмссөн байдаг. Харин тоглоомон дээрээ тэр бээлийгүй байдаг. Энэ нь Niko-г илүү харгис мэт харагдуулж байсан тул арилгасан гэнэлээ
+GTA-ийн бусад гол дүрүүдээс Niko хамгийн удаан хөдөлгөөнтэй бөгөөд хүнд жинтэй нь
+Түүх,намтар болоод зан араншингаараа Niko GTA-ийн цувралуудаас хамгийн шилдэг гэх тодотголыг фенүүдээсээ авжээ.
+Владимир Глебов Никог үргэлж "Yokel" гэж дууддаг. Буурай хөгжилтэй орны иргэдийг ингэж нэрлэдэг байна.
+Нутагтаа тэрээр тун гаргууд жолооч байсныг Roman ярьсан байдаг.
+Түүний нэгэн найз охин Alexandra Chilton нь нет дэх блогтоо Никог үнэхээр том эрхтэнтэй хэмээн бичсэн байдаг гэнэ.
Эх Сурвалж: wikipedia, gta.wikia
дараа манай Gangsta залуу CJ-ийн тухай оруулнаа
Бүртгүүлэх
Нэвтрэх
Түгээмэл асуултууд
Хайх
