БҮГД НАЙРАМДАХ СОЛОНГОС УЛСАД
ОЮУТАН, МАГИСТРАНТ СУРАЛЦУУЛНА
Монгол Улс, БНСУ хоорондын найрамдалт харилцаа, боловсрол, шинжлэх ухааны салбарын хамтын ажиллагаанд хувь нэмрээ оруулж, Монгол улсад шинэ залуу боловсон хүчин бэлтгэх зорилгоор БНСУ-ын “XXI зуун Солонгос судлалын сан” нь Монгол Улсын Боловсрол, соёл, шинжлэх ухааны яамтай хамтран “C.H.CHO” нэрэмжит тэтгэлгээр суралцах 8 хүнийг (4 бакалаврын оюутан, 4 магистрант) дараах болзлоор сонгон шалгаруулна.
1. Элсүүлэх мэргэжил, тоо:
№ Суралцуулах мэргэжлийн чиглэл Бакалавр Магистр
1 Барилгын инженер / Архитектур 1 1
2 Байгаль орчны инженер 1 1
3 Мэдээллийн технологи 1 1
4 Бизнесийн удирдлага / Эдийн засаг 1 1
Бүгд 4 4
2. Шалгуулагчид тавих шаардлага:
Сонгон шалгаруулалтад орох хүмүүс нь англи хэлний сайн мэдлэгтэй, бие бялдар, оюун ухааны хувьд эрүүл байх бөгөөд бакалаврын оюутан нь их, дээд сургууль, коллежийн 1, 2 дугаар ангид амжилттай сурч байгаа (голч дүн 3 ба түүнээс дээш) 22-оос доош насны, магистрант нь бакалаврын боловсролтой эсвэл 2008 оны 6 сард их, дээд сургуулиа төгсөж байгаа (голч дүн 3 ба түүнээс дээш) 25-аас доош насны Монгол улсын иргэд байна.
3. Бүртгэл:
2008 оны 6 сарын 14-15ны өдрүүдийн 9:30-17:30 цагийн хооронд Хүмүүнлэгийн ухааны их сургуулийн хичээлийн 3-р байрны 1 давхарт явагдана.
4. Бүрдүүлэх бичиг баримт:
Оюутан: а/ Анкет (анкетын маягтыг бүртгэх явцад олгоно);
б/ Сургуулийн тодорхойлолт;
в/ Бүрэн дунд боловсролын гэрчилгээ, дүнгийн хавсралтын нотариатаар
баталгаажуулсан хуулбар;
г/ Их, дээд сургууль, коллежийн I, II дугаар ангийн дүнгийн одорхойлолт;
д/ Иргэний үнэмлэхийн нотариатаар баталгаажуулсан хуулбар;
е/ 4*5 хэмжээтэй өнгөт цээж зураг;
ж/ Хураамж 3000 төгрөг.
Магистрант: а/ Анкет (анкетын маягтыг бүртгэх явцад олгоно);
б/ Суралцаж буй сургуулийн профессорын эсвэл ажлын газрын
тодорхойлолт;
в/ Бүрэн дунд боловсролын гэрчилгээ, дүнгийн хавсралтын нотариатаар
баталгаажуулсан хуулбар;
г/ Бакалаврын диплом, дүнгийн хавсралтын нотариатаар
баталгаажуулсан хуулбар;
д/ Иргэний үнэмлэхийн нотариатаар баталгаажуулсан хуулбар;
е/ 4*5 хэмжээтэй өнгөт цээж зураг;
ж/ Хураамж 5000 төгрөг.
Бүх бичиг баримтыг англи хэл дээр бүрдүүлэх бөгөөд бичиг баримтын хуулбарыг нотариатаар баталгаажуулсан байна. Материалаа дутуу буюу буруу бүрдүүлсэн, бүртгэлийн хугацаанаас хоцорсон хүнийг бүртгэхгүй.
5. Шалгаруулалт:
Бичгийн шалгалт: Математик, англи хэлний шалгалтыг тестийн хэлбэрээр авна
Хугацаа: 2008 оны 6 сарын 23-ны өдрийн 09:00 цаг
Байр: МУИС-ийн хичээлийн 2-р байрны өргөтгөлийн 2, 3 дугаар давхарын уншлагын танхим
Ярилцлага: Хугацаа: 2008 оны 6 сарын 24-ний өдрийн 14:00 цаг
Байр: Чингис зочид буудлын 3 давхар
Шалгуулагчдыг эхний бичгийн 2 шалгалтын нийлбэр оноогоор нь жагсааж, зарлагдсан хуваарь тус бүр дээр 3 бакалаврын оюутан болон 3 магистрантыг тус тус шалгаруулан (12 бакалаврын оюутан, 12 магистрант буюу нийт 24 хүн) дараагийн шатны шалгалт болох ярилцлагад оруулна. Бичгийн шалгалтын оноо болон ярилцлагад орох хүмүүсийн нэрсийг 2008 оны 6 сарын 23-ны өдрийн 13.00 цагаас шалгалт авсан газарт зарлана. Иргэний үнэмлэхгүй хүнийг шалгалтад оруулахгүй.
6. Хэлний бэлтгэл сургалт:
Ярилцлагад тэнцсэн хүмүүсийг 2008 оны 7 сарын 1-нээс 2009 оны 1 сарын 31-ний өдрийг хүртэл Сежонг хэлний сургуульд солонгос хэлний бэлтгэл сургалтад хамруулна. Бэлтгэл сургалтад хамрагдсан хүмүүсээс 2009 оны 1 сард солонгос хэлний түвшин тогтоох шалгалт авч, 3 дугаар түвшингээс дээш амжилт үзүүлсэн хүмүүсийг БНСУ-д үргэлжлүүүлэн суралцуулна.
7. Тэтгэлгийн хэмжээ, хугацаа:
Оюутнуудын сургалтын болон эрүүл мэндийн даатгалын төлбөрийг хариуцаж, сар бүр амьжиргааны тэтгэлэг (500 ам.доллар) олгоно. Бакалаврын оюутанд 4 жилийн, магистрантад 2 жилийн тэтгэлэг олгоно.
8. Суралцагчдын үүрэг:
Суралцагчид нь Монгол Улс, БНСУ хоорондын найрамдалт харилцаа, боловсрол, шинжлэх ухааны салбарын хамтын ажиллагаанд хувь нэмрээ оруулж, “XXI зуун Солонгос судлалын сан” болон Монгол улсын Боловсрол, соёл, шинжлэх ухааны яамны журам, холбогдох хууль, дүрмийг ёсчлон биелүүлнэ. Хэлний бэлтгэл сургалт болон үндсэн ангидаа хангалтгүй үнэлгээтэй суралцсан эсвэл хууль, дүрэм зөрчсөн тохиолдолд суралцагчийн суралцах эрхийг нь хасах, суралцсан хугацааны төлбөрийг нь буцаан төлүүлэх хүртэл арга хэмжээ авна.
Энэ зарлалыг Боловсрол, соёл, шинжлэх ухааны яамны вэб сайт (
http://mecs.pmis.gov.mn/)-ын “мэдээлэл” гэсэн хэсгийн “гадаадад суралцахыг хүсэгчдэд” зориулсан булангаас уншиж болно.
БНСУ-ын “ХАНЖИН” группын “XXI зуун Солонгос судлалын сан”
Монгол улсын Боловсрол, соёл, шинжлэх ухааны яам
Бүртгүүлэх
Нэвтрэх
Түгээмэл асуултууд
Хайх
