#AsuultSambar :

ASUULT.NET - МОНГОЛ УЛС МАНДАН БАДРАГ!
It is currently Aug.20.19 4:33 pm

All times are UTC+09:00




Post new topic  Reply to topic  [ 224 posts ]  Go to page Previous 15 6 7 8 9 Next
Author Message
PostPosted: Nov.13.13 3:28 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Оны сүүлийн башё. Чүүүүүү
Image

_________________
MarSon \_ :-D_/


Top
   
PostPosted: Nov.14.13 9:28 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
11-р сард найз нөхдийн төрсөн өдрүүд их болох юмаа.
Өчигдөр нигдугар ситгэлын бүсгуй-нх, өнөөдөр галзуу ганц найзынх минь гээд л явж өгнө дөө.
Сайхан баярлацгаагаарай. Урт насалж, удаан зөв жаргаж яваарай найзууд минь. :happybirthday:

Image

_________________
MarSon \_ :-D_/


Top
   
PostPosted: Dec.03.13 10:58 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Он дуусахад ганц сар хүрэхгүй хугацаа үлдлээ гэж... Хурдан юмаа.

Уг нь өөр юм бичих гэж орж ирсийм.
Би гэж хүн АС-ын фото альбум-д зохицуулагч хийдэг санаатай.
АС-ын гишүүдийг хараад, ажиглаад байхад 3н янз байх шиг байна аа.
Мэдээж ихэнх нь хархан бага наснаасаа форумд орж ирж элдэв бичлэг, зураг оруулж нэг хэсэг донтох маягтай байдаг. Хэрүүл уруул хийнэ, аж амьдрал нь юм шиг л хандана. Тэр нь ч өөрсдөд нь нуль кайф.
За тэгээд сурагч эсвэл оюутан байх үеэсээ л ид бичлэгүүдээ хийчихдэг. Гэр бүлтэй ч юм уу, найз бүсгүй /залуу/-тэй болмогц тэр талаараа бичээд цаашдаа яах төлөвлөгөөтэй байгаа талаараа ч бичдэг хэсэг бүлэг байна. Ганцаараа орсоор л байна гэсэн үг.
2-рх хэсэг нь хостой болоод л амьдралд нухлагдаад юун АС-д орохтой манатай болоод хэдэн сар жилийн дараа үе үе гарч ирээд таг болдог бүлэг хүмүүс бас байна. Дийлэнх нь байх. /Жишээлбэл Фото альбум-д их тохиолддог юм. Миний зургуудыг, альбумыг тэр чигээр нь устгаад өгөөч ээ гэсэн хүсэлт их гаргадагтай холбоотой/
3-рх нь хостой боллоо. Өөрөө ч ордогоороо орно хайртыгаа АС руу уруу татаж оруулдаг хэсэг бүлэг хүмүүс байна.

Энийг юу гэж бодож байна аа гэвэл хайртыгаа оруулж чадаж байгаа нөхдүүдийг бол бие биенийхээ хүсэл сонирхлыг дэмждэг, илүү сайн ойлголцдог хосууд байж болох юм гэж бодож байна.
Өөрөө ганцаараа ордогоороо ороод, бичих юмаа бичээд явж байгаа /над мэт/ хүмүүсийн хосууд тэдний хобби сонирхлыг үгүйсгэдэггүй ч бас учир зүггүй дэмждэггүй талдаа байх гэж бодож байна.
Ор тас өөрийнхөө эзэмшлийн эд хогшил мэт үздэгүүд нь үлдсэн нь буюу хостой болмогц АС-д донтож байсан үе бол юу ч биш. АС гэж нээрээ байдаг билүү, зарим нь бүүр -Одоо хүртэл АС гэж байдымуу гэх нь ч бий.

хэхэ энэ бол миний зүгээр өнгөц ажиглалт гэх үү дээ.

_________________
MarSon \_ :-D_/


Top
   
PostPosted: Dec.30.13 2:25 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Ерөнхий газрын жуух авах байх гэж бодож байтал шууд алгасаад ЯАМНЫ ЖУУХ гардан авлаа.
:cheerleader:

_________________
MarSon \_ :-D_/


Top
   
PostPosted: Jan.02.14 12:00 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
2014 он эхэллээ.
Амьдрал ахуй, ажил төрөл өндөр байх болтугай.

_________________
MarSon \_ :-D_/


Top
   
PostPosted: Jan.04.14 11:51 pm 
Offline
Эрхэм Гишvvн
Эрхэм Гишvvн
User avatar

Joined: Jan.04.14 11:32 pm
Posts: 31
eruul enhiig husii unshij bgaa hun burt


Top
   
PostPosted: Jan.06.14 10:39 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Quote:
Quote:
Могой жилд юуг амжуулах вэ?
- Мэдээж эхний том зорилт бол ОСЗХОСБ ЭОМ орох
- Ажил дээрээ гэвэл хүлээн авсан шинэ ажилдаа дадлагажиж хурдан хугацаанд амжилт гаргах арга барилаа олж авах, туршлага хуримтлуулах
- PEARL
- Мэдээж өөрийгөө болон гэр бүлийнхнээ хөгжүүлэх тал дээр анхаарах (эрүүл бие + толгой тархи)
- Гүзээгээ багасгаж / \ хэлбэртэй биш \ / хэлбэр лүү дөхөж очих.
Эхнийх нь +
2 дахь нь +
3 дахийг 1 жилээр хойшлуулсан
4 дахь ┴
5: Ямар ч гэсэн жин хассан байна.
Ерөнхийдөө 50 онооноос одоогийн байдлаар эхний 2-оос 10, 10 3 дахь 0, 4 дээр 6 оноо, 5 дахь дээр 1 оноо нийтдээ 26 оноотой явж байна.
Боломжит дээд оноо 40 :razz:
Он ч дууслаа, могой жил ч үндсэндээ шувтарлаа. Одоо албан ёсоор дүгнэхэд болох байх аа.
1- 10 оноо
2- 10 оноо
3- 9 оноо /эхлүүлсэн байхад учир нь олдоно :frog: /
4- 6 оноо
5- 2 оноо /тогтмол зааланд тоглож байгаа учир 0 онооноос аврагдлаа :razz: /
Нийт 37 оноо буюу 74%-тай дуусгалаа.

Ирэх МОРЬ жилд 2014 онд юу хийх вэ гэвэл могой жилийн дуусаагүй ажлууд, хүрээгүй үр дүндээ хүрэх. Сүүлийн 3-ыг 100% болгох.
Морь жилийн төлөвлөгөө:
1. Жилийн ерөнхий байдалтай адил зүйл
2. ПИЭРЛ /үргэлжлүүлэх/
3. Тохижилт дуусгах
4. Мэдээж өөрийгөө болон гэр бүлийнхнээ хөгжүүлэх тал дээр анхаарах (эрүүл бие + толгой тархи)
5. Гүзээгээ багасгаж / \ хэлбэртэй биш \ / хэлбэр лүү дөхөж очих.

_________________
MarSon \_ :-D_/


Top
   
PostPosted: Jan.15.14 6:11 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Би ер нь энэ АС-ыг шүтэж амьдарья л гэж бодоод байгаа. Нээх сүрхий хүн болоод л оюутан байхдаа, сүүлд ажилд орсон хойноо ч гэсэн төлөвлөгөө гээд гаргаад явдагийн. Бүтэж байсан нь бараг үгүй. Ер нь бол огт үгүй ч гэсэн болно. Дандаа эсрэгээрээ л юм болчдог байсын. :freak:
Гэтэл АС-д блог нээгээд энд хальт төлөвлөгөөгөө гаргангуут шууд л биелээд байх юм.
Тэхээр би АС-ыг шүтсү. :morgoh02:

_________________
MarSon \_ :-D_/


Top
   
PostPosted: Jan.20.14 1:25 pm 
Offline
Эрчлэх Сумны Исгэрээ Гишvvн
Эрчлэх Сумны Исгэрээ Гишvvн
User avatar

Joined: Jul.25.13 5:30 pm
Posts: 216
Quote:
Би ер нь энэ АС-ыг шүтэж амьдарья л гэж бодоод байгаа. Нээх сүрхий хүн болоод л оюутан байхдаа, сүүлд ажилд орсон хойноо ч гэсэн төлөвлөгөө гээд гаргаад явдагийн. Бүтэж байсан нь бараг үгүй. Ер нь бол огт үгүй ч гэсэн болно. Дандаа эсрэгээрээ л юм болчдог байсын. :freak:
Гэтэл АС-д блог нээгээд энд хальт төлөвлөгөөгөө гаргангуут шууд л биелээд байх юм.
Тэхээр би АС-ыг шүтсү. :morgoh02:
хүүш сханийн :D


Top
   
PostPosted: Feb.19.14 2:53 am 
Offline
Ноёлон Ноёрхогч Гишvvн
Ноёлон Ноёрхогч Гишvvн
User avatar

Joined: Feb.20.13 6:12 pm
Posts: 1063
Мундаг байшт. Гүзээний асуудал хэний янаагүй хэцүү байна шүү.


Top
   
PostPosted: Feb.27.14 11:07 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Нэмцэн байшдээ. 90±0.5 байсан чинь 90+1 болчиж :whip:

_________________
MarSon \_ :-D_/


Top
   
PostPosted: Mar.10.14 10:44 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Хоолоо багасгасан. Гэхдээ ямар үр дүнтэйг нь мэдэхгүй байна. Ер нь зүгээр л хоолоо арай бага идээд байгаа. Тэрнээс биш өөр янз бүрийн дэглэм бариагүй.
Гүзээг багасгана аа.

_________________
MarSon \_ :-D_/


Top
   
PostPosted: Mar.20.14 1:35 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Мөнгө бол цаас болж дээ.

_________________
MarSon \_ :-D_/


Top
   
PostPosted: Mar.26.14 9:57 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Хүүхдээ цагт нь тодруулахуй
Хүүхэд эхээс төрөөд гурван нас хүртлэх хугацаанд "гэгээнтэн" байдаг. Зургаан нас хүрэх хугацаанд "суутан" байдаг. Арван нэгэн нас хүрмэгц "жирийн хүн болчихдог" гэсэн мэргэдийн гаргалга байдаг. Учир нь аливаа хүүхэд эхээс төрөхдөө хүн төрлөхтөнд заяадаг бүхий л авьяас чадвар, ухааны үндсэн өгөгдөхүүнтэй гарч ирдэг.


Эхийнхээ хэвлийд арван cap тээгдэхдээ төрсөн хойноо туулах ёстой бүх амьдралынх нь хөтөлбөрийн ул эх бүрэлддэг байна. Эхээсээ удамшлын сайн юмыг бас саар юмыг ч тэрхүү арван сард "өмчлөн" авдагаар барахгүй жирэмсэн хугацаандаа эх нь тамхи, архи, зохимжгүй хоол, эм тан хэрэглэсэн байваас тэрнийг нь мөн л ураг нь хүлээн авч хожим гажиг болж мэдэх "дагавартайгаар" төрдөг байна.


Дээр цагт хутагт, хувилгаад, гэгээнтэнгийн хойт дүрийг тодруулах зан үйлийг гурван насанд нь юм уу зургаан наснаас нь хэтрүүлэхгүй хугацаанд шинжин тодруулдаг байсан нь ерийн явдал биш байжээ. Учир нь хүүхэд хоёр насандаа урьдах амьдралаа санаж эхлээд долоон насандаа мартчихдаг.


Гэхдээ хүүхэд болгоныг ч тийнхүү шинжин тодруулдаггүй байснаас маш олон хутагт, хувилгаадын өгөгдөхүүн илрэх 3-6 насанд нь эцэг эх, ахмад хүмүүс анзааралгүй байсаар арван нэгэн нас хүргэчихдэг байсан тул хувилгаан, гэгээнтний нь өгөгдөхүүн орхигдож, "ерийн хүний" хэв шинжинд орчихдог нь түгээмэл хандлага байсаар ирэв.


Гэтэл үүнийг шинжлэх ухааны үүднээс ойлгосон барууныхан, ялангуяа Америк улсад саяхнаас “арван нэг хагасын" шалгалтыг хүүхдүүд дунд явуулдаг болжээ. Арван нэгэн нас хагастайд нь хүүхдийн авьяасыг шалгадаг болсон байна.


Тэгээд юунд авьяастай, ямар чадвартай, ямар сонирхолтойг нь тогтоож ирээдүйн мэргэжлийг нь сонгуулдаг болжээ. (Энэ тухай би нэг бус удаа бичсэн, хамгийн сүүлд "Арван нэгийн эргүүлэг" гэсэн нийтлэл "Дал" сонинд гарсан тул үл нуршму)


Арван нэгэн нас бол аливаа хүний насны анхны мөчлөгийн хугацаа юм. Нарны идэвхжилийн хугацаа ч бас 11 жилийн мөчлөгтэй байдаг. Хүний бие арван нэгэн жил дутамд өөрчлөлт үздэгийн учир тэр. Энэ нь хүний амьдралын онцгой үзэгдэл.


Гэхдээ "хувилгаан", "суутан" болох өгөгдөхүүнийг 3-6 насанд илрүүлж болох атал үүнийг анхаарч, тоодог эцэг эх бараг байдаггүй нь хүн төрлөхтний "сэтгэлгээний нийтлэг цоорхой" юм. "Нялх юм, балчир юм" гэж "хөөрхийлсөөр" байгаад хутагт, хувилгаад, суутан болох үр хүүхдээ "танилгүй" явуулсаар зүгээр л "ердийн хүн" болгочихдог нь их алдас мөн.


Түүгээр барахгүй хүүхэд төрүүлсэн эхийн "ангир шар уургийг" нь хөхүүлдэггүй болсон. Ялангуяа өнгөрсөн зууны тавиад оноос хойш төв, суурин газрын эмнэлэгт төрсөн хүүхэд нялхасыг шууд ангир уургаар нь амлуулж болохгүй гэдэг орос эмч нарын мухар сүжгийг манай эмч нар уулгамч юм шиг баримталдаг болсноос хойш төрөлхийн дархлаажилт султай хүүхэд олширсон юм.


Нялхас эхээс төрмөгц ангир уургаараа амлавал дархлаажилт болон бусад гарвал зүйн (генетик) байгалиас буй болгодог жам ёс, хөтөлбөр эвдэрч хожим муу нөлөө нь илэрдэг аюулаас сэрэмжлэгддэг байна.


Сүүн тэжээлтэн ямар ч амьтан эхээс төрмөгц эхийнхээ халуун ангир уургийг хөхөж дархлаажаад бие хамгаалах эсэргүүцэлтэй болдог нь заяамал хууль юм. Үүнийг зөрчвөөс өөрсдөө хохирдог ажээ. Эхээс сая төрсөн нялхас гэдэг бол бие махбодын хувьд


а. Минутад авах амьсгаа нь 2000 шоо сантиметр эзлэхүүнтэй байдаг. Гэтэл том хүн 6000-10 мянган сантиметр эзлэхүүнтэйгээр амьсгална.

б. Нялхсын толгой нь биеийнхээ уртын дөрөвний нэгтэй тэнцдэг том хүнийх бол наймны нэгтэй тэнцдэг. Хөл нь биеийнхээ гуравны нэгийн хэмжээтэй байдаг бол том хүнийх хоёрны нэгтэй тэнцүү байдаг.

в. Уураг тархи нь 400 грамм тул том хүнийхээс гурав гаруй дахин бага байдаг.


Эхээс сая төрсөн нялхас гэдэг бол мэдрэл, сэрэмжийн хувьд

а. Нүдээ нээх, аних, мээм хөхөх, залгилах, уйлж хашгирах, найтаах үйлдэл төрөлхийн заяамал байдаг.

б. Хоногийн ихэнх хугацаанд нойрсох "хөтөлбөртэйн" дээр юм базах, дургүйцэн түлхэх, хамгаалах үйлдэл хийж, баримжаа, зүг чигийг мэдэрдэг.

в. Хэрэгцээгээ (хоол унд)илэрхийлэх, биеийн өвдөх, ядрахыг "өгүүлэх" мэдээлэх арга нь уйлж, чарлах, сарвалзах хэлбэртэй.

г. Хоёр сартай орчмоосоо эхлээд дуу авиаг шулганах хэлбэрээр эхлэн улмаар "ав", "өг", "за", "уу", "ид" гэх богинохон үгээр хэлд орох бэлтгэлээ хийдэг.


Нэг настай болж эхлэх үедээ нялхсын үйлдэл зорилготой болж эхэлдэг

а. Гол "хөдөлмөр" нь тоглоом болдог. Тоглоомоор "хорвоотой танилцаж" эхэлдэг. Тоглоом нь нас нэмэх тусам идэвхтэй болж анхаарал, хөдөлгөөн, дүрслэн бодох, төсөөлөх сэтгэлгээ нь хөгжиж эхлэнэ. Шаламгай, зальжин чанар олж авахад нь тус болно.

б. Гол "хичээл" нь дуурайлт болдог бөгөөд том хүмүүсийн үг хэл, үйл хөдлөл, зан авир, хувцас хунарыг хүртэл дуурайж, адилхан хийхийг эрмэлзэнэ. Томчуул энэ үед нь хүүхдэд "муу үлгэр" үзүүлэх шиг хортой юм байхгүй.

в. Хүн болж хөл дээрээ босохын бэлтгэл нь "мөлхөх". Хүүхэд заавал мөлхөх шатыг дамжиж хөлд орох учиртай. Хөлд орох дасгал болсон мөлхөх нь "дөрвөн хөллөх" үйл явц учир гар нь мөн хөдлөж сурдаг ажээ. Харин сүүлийн үеийн залуу эцэг эх хүүхдийнхээ мөлхөх хөдөлгөөнийг их хязгаарладаг болсон нь буруу.


Нялхасын хараа, сонсгол үнэр (хамар) мэдрэмж амтлах, тархиа хөгжихөд гол нөлөөлөгч нь орчин ахуй, байгал

а. Сонсгол нь эцэг эхийн яриа хөөрөө, бүүвэйн дуу, гаднаас сонсдох элдэв чимээний нөлөөгөөр сэрнэ.

б. Нүдээ нээснээс хойш харагдах юмсын өнгө, хэлбэр дүрс, тоглоомынх нь байдал байгалийн үзэгдэл харааг нь сайжруулна.

в. Эхийн сүүний үнэрээс эхлээд идүүлдэг уулгадаг юмны нь үнэр, ахуй орчин, цэцэг навч бас элдэв химийн зүйлийн (спирт, бензин, архи) үнэр хүүхдийн нялх үнэрлэх эрхтэнд хүчтэй нөлөөлнө.

г. Хүүхдийг эхийн сүүнээс гадна элдэв амттан, туслах хүнс хоолоор хооллоход тэр нь мөн л амтлах эрхтэнг нь хөгжүүлэхэд нөлөөлдөг байна.


Нялхсын сэтгэхүй нь дүрс хэлбэр, өнгө зүс, дуу авиа, хүрэлцээ (мэдрэмж) зэрэг тодорхой зүйлээр эхлэн хөгждөг. Баяр, гомдол, гуниг, уур нь хаацайлалгүй ил тод бөгөөд гүн биш огцом хурдан өнгөрдөг шинжтэй юм.


Тэр үед байгалиас өгөгдсөн болон өвөг дээдсээс уламжлагдсан сайн болоод саар зүйлийнх нь гол шинж тэмдгүүд хүүхдэд үл ялих хэлбэрээр ажиглагддаг бөгөөд гэгээнтэний ч, суут хүний ч байдал цухалздагаар барахгүй авьяас, сонирхол нь ч, сэтгэхүйн онцлог нь ч зөв сонжвол цухас цухас мэдрэгддэг.


Харин тэрнийг шинжиж мэдрэх чадвар эцэг эх, ахмад хүмүүст нь дутагдахаас гадна тэр талыг нь анзаарахаасаа хоол тэжээл, хувцас хунар, эрүүл мэндэд нь голлон анхаарсаар байтал нэг л мэдсэн хүүхдийнх нь гэгээнтэн, суутан болох өгөгдөхүүн хөгжих нас нь өнгөрч "ердийн хүн" болох насандаа шилжчихдэг байна.


Ялангуяа сүүлийн үед хүүхдээ нялхсын газар (ясли) цэцэрлэгт өгч "нэгдэлжүүлчихдэг" болсноос хойш хүүхдүүд өвөрмөц чанараа алдаж цөм л нэгэн ижлэвтэр шинж төрхтэй, үг яриа нь ч ижилхэн болчихсон билээ.


Гэтэл монголчууд нялхсаа өрнөдийн суурьшсан улс орнуудынхаас огт өөр орчинд огт өөр аргаар өсгөдөг байлаа. Тэр нь юу вэ гэвэл:

Нэгд, хүүхдээ хонины нэхий өлгийд манцуйлж (синтетик биш) хоймороо юмуу зүүн орон дээрээ тавьж, дэргэд нь ээж нь бүүвэйн дуу дуулан нойрсуулахдаа аманд нь хонины уураг сүүл хийж хөхүүлнэ.


(Хонины уураг сүүл бол ханаагүй хүчил, кальци ихтэй, маш тэжээллэг чанартай хүнс юм) Тэгвэл сүүлийн үеийн эх эцэг хүүхдэдээ хойт хөршөөс авдаг хоосон хаймран соска угж аманд нь үмхүүлж (анх удаа эх нь үрээ мэхлэж буй үзэгдэл) унтуулахыг оролддогболсон.


Хоёрт: Нэхий өлгийдөө өлгийдүүлсэн хүүхэд өөдөө харж хэвтээ тул тооноор хөх тэнгэр харагдаж, гадаа хонь малын болон усны шувуудын дуун гарах нь сонсогдож, бас цэвэр агаар хамраар нь сэнгэнэн байгалтай хэлхээ (контакт) үл тасардаг байлаа.


Тэгвэл хүн амын наяад хувь нь шавар, тоосгон байшинд суух болсон өнөө үед өлгийтэй хүүхдэд хөх тэнгэр биш цагаан шохойтой адар харагдах бөгөөд цонх нь онгорхой бол элдэв том, жижиг тэрэгний цочмоор чагнаал, хүрхрэн хүржигнэх дуунаас өөр юм үл сонсогдоно.


Гуравт: Монголчууд хүүхдээ хөлд ормогц нь гэрээс арьсан бойтогтой ойр зуур явуулж байгаад дараа нь хөл нүцгэн алхах урт хугацааны (зуны дулаан цагт) аянд гаргана. Хонь хариулахад ч хөл нүцгэн, аргал түүх, ус зөөхөд ч хөл нүцгэн явуулна.


Тийнхүү эх байгалийнхаа хөрс уснаас хөлөөрөө "шим", "эрчим хүч" авч арван хэдэн нас хүртлээ байгал эхтэйгээ шууд хэлхээтэй (контакт) явж өсдөгөөс чийрэг бөгөөд эрүүл хүн болно. "Хүн хөлнөөсөө эхлэн хөрсөөр нас бардаг" гэж эртний аман хуулийн үүдэлтэй бизээ.


Харин энэ тухайд бол эртний Римд 25 нас хүртэл гутал өмсдөггүй байсан гэдэг. Тэгвэл одооны манай хүүхдүүд хөл нүцгэн явах нь байтугай хуруу зузаан ултай гутал өмсөж, болж л өгвөл машин тэрэг унаж, төмөр бетон дөрвөн хананы цаана аж төрдөг болсноос сул биетэй, дархлаа султай, богино настай хүмүүс олширсоор байгаа ч юм шиг!


Нялх үрээ 0-6 хүртлэх насанд нь "өрөөсгөл" байдлаар зөвхөн хоол унд, эрүүл мэнд, хувцас хунар төдийгөөр нь анхаарсан бол хүүхдээ "гээсэнтэй" адил юм гэдгийг эх эцэг ухаарах ёстой билээ.


Хүүхдийн хоёрдугаар дохионы тогтолцоо нь төгөлдөржиж амжаагүй байгаа нөхцөлд, амьдралын туршлага суугаагүйн улмаас бодит ахуйг шууд харснаараа тусган авч, ахмад хүмүүсийн үйлдэл бүрийг, үг яриа бүрийг дуурайж мэдээлэлждэг болой.


Гэхдээ дуурайх үйл явц хэд хэдэн үе шаттай байдаг. Хамгийн эхнийх нь шууд хуулан дуурайх, дараа нь сонгон дуурайх, эцэст нь ухамсарлан дуурайх аргаар хүн болох замдаа ордог ажээ. Үг сэггүй шууд хуулбарлан дуурайх үйлдэл нь гол төлөв хоёр насан дээрээ идэвхжиж танин мэдэх хэрэглүүр нь болдог.


Энэ үед эцэг, эх, ах, дүү, ахмадууд нь муу үлгэр үзүүлж хэрхэвч болохгүй. Тэр ч байтугай хэлсэн хараалын үгийг нь ч хүүхэд тусган авдаг. Гэтэл манайхан "учир мэдэхгүй хүүхэд" гэж дорд үзэж дэргэд нь "балайрцгаах нь" түгээмэл үзэгдэл юм.


Хоёроос гурван насан дээрээ нялхас хамгийн идэвхтэй дуурайлтын, тэгэхдээ өөрийн эрхгүй дуурайлтын үедээ байдаг. Тав зургаан насандаа бол ойрын ахмад хүмүүс, ахуй байдлаас дууриал авахаас гадна үе тэнгийнхнээ дууриах нь идэвхждэг.


Тэр насан дээр нь цэцэрлэг гэдэг хамтлагт ихэвчлэн өгдөг учраас янз бүрийн зан авир, зүс царай, хувцас хунар, үг хэллэгтэй хүүхдүүдийн өөр хоорондоо харилцан дууриах цаг эхэлдэг.


Дуу дуулдагаа дуурайх, зураг зурдагаа дагалдах, бүжиглэдэгээ юм уу хөдөлгөөнт тоглоомын авьяастай нэгнээ дуурайх гэхчилэн сайн юманд тэмүүлэхээс гадна бас муу зуршилтай болсон нэгнээсээ ч халдвар авах нь бий.


Цэцэрлэгээр орж хүмүүжихийн нийтлэг нэг сайн тал нь хамтач сэтгэлгээ, зан заншилтай болоход сайн нөлөөтэй юм. Сургуульд орж нэгэн ангийнхан болох үед энэ талын хүмүүжил нь улам бэхжих учир холбогдолтой болой.


Харин орчин үеийн залуу эх эцгүүд цэцэрлэг, сургуульд найдаад үр хүүхдээ тэдэнд даатгасан мэтээр хандаж, хүүхэдтэйгээ ажигллах талаар олигтой анхаарахаа больсон дутагдал нийтлэг байгаа юм. Энэ нь хүүхдээ "хүнийшрүүлэх" осолтой хандлага юм.


Бас зарим эцэг эх, ялангуяа ганц, хоёр хүүхэдтэй нь хэтэрхий эрхлүүлэн, асрамж, халамжийг өрөөсгөлөөр хэргэлснээр хүүхдийнхээ хөгжих үйл явцыг удаашруулах, бие даасан байдлыг нь сулруулах сөрөг нөөлөтэйг төдийлөн анзаардаггүй ажээ.


Хүүхэдтэйгээ төдийлөн ярьдаггүйгээс "үг хөгжил" муутай, ойр зуурын юм хийлгэж, аяга тавгий нь хүртэл угаалгаж, цэцэг услах мэт ажилд сургаагүйгээс "цагаан гартан", хөгжим дуу сонирхуулаагүйгээс "дүлий", цана, тэшүүрээр явж, усанд сэлж үлгэрлээгүйгээс "сул биетэн", зураг урлаг сонирхууладггүйгээс гарын дүйгүй зөвхөн "биеийг нь төрүүлсэнээс" өөр гавьяагүй эцэг, эх олширвол гунигтай, бас дахин гунигтайяа!


Хүүхдээ аль болох багаас нь цаг алдалгүй тодруулж авьяас билэг, бие бялдер, ёс суртахуун, оюун ухааны нь гайхамшигийг мэдрүүлэх анхдагч өдөөгчид нь эх эцэг гэдгийг үртэй болгон санацгаая. Эс тэгвээс арван гуравых нь агтараа ургамагц хүүхэд "хуяглачихаад" үг авахаа алгуурлаж эхэлдэг ажээ.


Зургаа хүртлэх насан дээрээ яваа хүүхэдтэй ярих юм уу эсвэл түүний яриаг анхааралтай сонсоод үзвээс үгийн баялгаар том хүнийг гүйцэхгүй ч гэсэн үнэлгээний сэтгэлгээгээр заримдаа том хүнийг гайхан бишрүүлэхээр дүнэлт гаргадаг нь цөөнгүй.


Тэр насны хүүхдийн үгийн сангийн 9 хувь нь тэмдэг нэр, 60 хувь нэг үг, 20 хувь нь үйл үг байдаг байна. Гэтэл насанд хүрэгчдийн үгийн сангийн 22 хувь нь тэмдэг нэр 60 хувь нь нэр үг, 11 хувь нь үйл үг байдаг ажээ.


Тэмдэг нэг бол юмны өнгө зүс, хэлбэр галбирыг заадаг болохоор нялх хүүхдэд тэр талын ойлголт үгийн санд нь есхөн хувь (ойролцоогоор) байдаг ажээ. Тэгвэл нэр үгийн баялагаар том хүнтэй тэнцээд ирдэг байна. Үүнийг гэрчлэж чадах хүүхдийн яриануудаас заримыг аваад үзье.


- Одхүүгийн хамраас чацга гоожоод байна! гэж нэг хүүхэд багшдаа хэлжээ. Тэгэхнээ нь тэр нь нус гоожиж буйг хэлсэн байжээ. Нус гэдгийг мэдэхгүй харин чацга гэдгийг сайн мэддэг хүүхдийн үг юм.


- Ээжээ чиний хөл яасан бүдүүн гэдэстэй юм бэ? гэж нэг жаал ээжийнхээ хөлийн булчинг заангуут хэлжээ. Тэр хүүхэд "булчин" гэдэг үгийг мэдэхгүй харин “бүдүүн гэдэс” гэдгийг мэддэг тул түүгээрээ тодорхойлсон хэрэг.


- Ээжээ, энэ гудамж халуураад өвчилжээ! гэж нэг хүүхэд ээждээ хэлжээ.

- Яаж байна? гэсэн чинь

- Тэр халууны шил зүүчихэж гэхэд нь харвал гудамжны нэг байшингийн өнцөгт том термометр бэхэлсэн байжээ.

Халууны нь үзэхээр ээж нь тэр хүүгийн суганд халууны шил хавчуулдгийг мэдэх тул түүгээрээ төсөөлөн сэтгэсэн хэрэг.


- Цонхны тавцан дээрээс буу, унаад бөгтөр болчихно шүү гэж ээж нь хүүгээ загнахад

- Тэгвэл тэмээ хоёр удаа өндөр дээрээс ойччихсон байжээ гэж хүү нь хэлжээ. Хоёр бөхийг нь өндөрөөс унаад бөгтийсөн гэж боджээ.


Хотын нэг хүүхэд хөдөө говьд очоод халуун наранд шарагдахдаа:

- Ээжээ нарыг унтраагаад өгөөч! гэжээ.

Хотын хүүхэд тул чийдэн унтраадаг шиг л нарыг унтрааж болно гэж боджээ. Бас хотын нэгэн хүүхэд ээждээ:

- Ус, сүү, улаан ус, кока уугаад л байхад цай л гараад байх юм гэж хэлжээ. Тэр нь ийм олон төрлийн өөр өөр өнгөтэй юм уусан ч шар шээс гарч байгааг хэлсэн ажээ.

- Маамуунууд ажилладаг газар ажилд ормоор байна. (цэцэрлэгийг хэлжээ)


Хүүхэд ингэж ярихад томчууд, эцэг, эх нь инээлдээд л өнгөрдөг. Тэгснээрээ хүүхдийг ичээж, мохоодог. Гэтэл балчир хүүхэд үг нь дутсан ч гэсэн хийсэн дүгнэлт нь зарим том хүний санаанд ормооргүй нарийн сэтгэсэнийг гэрчилдэг.


Өөрөөр хэлбэл суут хүн болох шинж тэмдгийн илрэл. Гэтэл доог тохуу болгоод өнгөрөөдөг тэнэглэлээс болоод хичнээн олон суутангаа бид тав, зургаан насанд нь мохоож байна вэ?

Үүндээ эцэг, эх, томчууд ноцтой дүгнэлт хийх шаардлагыг шинэ зуун тавьж байна.

Монгол улсын хөдөлмөрийн баатар, Ардын Уран Зохиолч, сэтгүүлч, доктор Л.Түдэв

_________________
MarSon \_ :-D_/


Top
   
PostPosted: Apr.02.14 10:51 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Ээ бурхан минь хордлогыг нь хурдан дуусгаж өгөөч. 17 week бараг хүрлээ :)

_________________
MarSon \_ :-D_/


Top
   
PostPosted: Apr.21.14 10:52 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Хүүгээ эмээ өвөө рүү нь явуулцан чинь 24 цаг ч болохгүй санаад, гэр эл хуль оргиод хөндий ханхайгаад эвгүй юм байна.
Өнөөх маань тэнд тоож байгаа ч шинжгүй. Том агаа болно, би Эрдэнэтийн өвөө рүүгээ явлаа гээд өөрөө шийдвэрээ гаргаад явсан хүн шүү дээ :wd:

_________________
MarSon \_ :-D_/


Top
   
PostPosted: Apr.25.14 2:40 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Image :cheerleader:

_________________
MarSon \_ :-D_/


Top
   
PostPosted: Apr.26.14 5:24 pm 
Offline
Асуулт Самбарын Хvндэт Харуул
User avatar

Joined: Jun.29.10 4:14 pm
Posts: 6566
Би яг ингэж боддог,ингэж хүссэн тэгээд одоо схан залуутай болоод 2 сарын нүүрийг үзлээ. Лараагийнх минь охин бгаасай :)

_________________
Амьдрах сайййхааан :)


Top
   
PostPosted: May.12.14 5:15 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
5555th post

Асуултад 5555 пост бичнэ гэдэг маань 1 пост бичхийн тулд доор хаяж 2 минут уншаад 1 минут бичсэн гэсэн үг тэхээр 16665 минут = 277,75 цаг = 11 өдөр 12 цаг тасралтгүй ямар ч хэрэгцээгүй зүйлд зарцуулжээ гэж өөрийгөө шүүмжилж сууна.
Эндээс сурсан, мэдсэн юм хэр их байдын бол???
Мэдээж маш их байгаа. Асуусан асуултынхаа 80%-д хариулт бүрэн дүүрэн олж авсан гэж боддог. Тэхээр үр өгөөжтэй ч юм шиг.

5555-с их пост бичсийн байна шүү нээрээ. 1 хэсэг хүмүүсийн бичлэг устаж алга болоод байсныг санаж байна тэр үед 400-500 бичлэг устсан санагдав.

_________________
MarSon \_ :-D_/


Top
   
PostPosted: May.29.14 9:45 am 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Ерөнхий газар, яамтай хамтарсан шалгалт ... Ёооооо энэ хотод байх чинь яасан дарамттайн бэээээ. Нийслэл нь бас шалгалт гэж дарамтлахын. Үндсэн ажил хийлгэхгүй тийм ч мэдээ, ийм ч судалгаа гэж нэхээд үнэн лайтай сдакууд байхымаа.
Жинкэнэ дургүй хүрчлээ. Хагас бүтэн сайнгүй л суулгах юм. Хүүхдийн баяраар эрхбиш хүүхдүүдээ баярлуулж мань мэтийгээ амраахын байгаа биз дээ.
Намчирхсан нөхдүүд л бие биенийхээ бөгсийг ухах гээд хомрогонд нь мань мэтийн албан хаагчид өртөх юм. ШЭЭЭЭЭЭТ..... Ф**********к

_________________
MarSon \_ :-D_/


Top
   
PostPosted: Jun.05.14 7:46 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Хүүгээ дахиад явуулчлаа.
Том эр болжээ миний хүү. Хүмүүсийн хүүхдийнхээ нялхынх нь үнэр, царай гээл бичсэн юмнуудыг уншаад байхаар хүүгийнхээ талаар өдрийн тэмдэглэл маягийн юм бичиж хадгалаад сүүлд өөрт нь өгье гэж бодогдохым. Над шиг худлаа их ажилтай амьтан тэгээд бичиж амжих уу?
Цаасан дээр гараараа бичсэн нь дээр үү, онлайнд бичсэн нь дээр үү? Мөнхийн линк гэж байдаггүй учраас цаас нь бараг найдвартай байх аа даа.

_________________
MarSon \_ :-D_/


Top
   
PostPosted: Jul.02.14 5:07 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
100 гаран хүнтэй байж надаас өөр хүнгүй юм шиг л байхын. Юм, юманд миний нэр цохиж явах юм. Түвэгтэй л санагдаж байна шүү. Өмнөх ажлаа яаая гэжийж 3-4, 5 ч юм уу мэдэхгүй ээ орон тооны бус зөвлөлд багтцан, 1-ийх нь бүүр дарга нь ч болцон.
Гэтэл юунд ч ордоггүй юунд ч хамааралгүй ажлын цаг дуусахаар сүүлээ хавчаад алга болдог асар олон хүмүүс, тэр дундаа залуучууд их байна шд.
Онцгой байдлын гамшгаас хамгаалах ангийн ажилтан л гэнэ, инновацийн багийн гишүүн л гэнэ, техник технологийн зөвлөлийн гишүүн л гэнэ, судалгаа, шинжилгээ, дотоод эрсдлийн зөвлөлийн гишүүн л гэнэ, тт өдрийн комиссын, сургалт сурталчилгааны ч гэх шиг ёоох бичхэд хүртэл майр даяргаатаймаа...
Юунд ч хамрагдахгүй хүмүүс нь нээх жаргацан ар өврийн баагийнууд байдымуу эсхвэл... :m6:

_________________
MarSon \_ :-D_/


Top
   
PostPosted: Jul.02.14 10:11 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Quote:
Шинэ газар шилжиж ирээд /өнөөдөр/ бүтэн 2 долоо хонож байна.
Ажлын чиг үүрэг, зорилго, зорилт нь нэг боловч өөр удирдлага, өөр хамт олны дунд ирсэн. Төлөвлөгөө норм тоо нь арай том, хамрах хүрээ нь арай том тийм газар ирсэн.
50иад хүнтэй газраас 100-гаад хүнтэй ажиллахаар болж байна. Одоогоор өрөөнийхөө 10 хүнээс эхлээд танилцаад л явж байна.
Даргын дэргэдэх орон тооны бус 1 зөвлөлд багтаж ажиллаж эхлээд байгаа. Хуучин ажилдаа хэт идэвхтэй ажиллаж байсан шиг санагдаад одоо ер нь идэвхээ багасгана аа гэж бодогдохын.
Идэвх зүтгэл багатай хүн хамт олны дунд ямраар үнэлэгддэгийг уг нь мэдэх ч өмнөхөөсөө бага далдайя гэж бодож эхэлсэн байгаа. Тэмцээн уралдаан болсон ч явж л байдаг, шоу, цэнгээний арга хэмжээ болсон ч комисс болцон л тууж явдаг, амралт зугаалга болсон ч зохион байгуулалцаад явж л байдаг. Тэгж угаасаа явах зав зай олдохгүй байх.
Ар гэртээ зарцуулах цагаа ихэсгэх үүрэг даалгавар авчаад байгааг хэлэх үү, өөрөө ч бас тэр нь зөв гэсэн бодолтой байгааг хэлэх үү.

Шинэ хамт олны тухайд одоохондоо танин мэдэхүй гайхахаас эхэлнэ гэдэг шиг гайхаад л явж байна. Зарим ажил үүргийн хуваарь нь арай өөр зохион байгуулалттай юм. Хийх ёстой хүн нь бэлээхэн байхад тэс хөндлөнгийн өөр хүнээр тухайн ажлыг нь хийлгэж байгаа тохиолдолууд мэр сэр байх юм.
Дөнгөж ирчээд ингээд байж байсан яасан байх нь уу?
Яг хуучныхаараа байгаа байх нь байна шд. Би ч их хүний анхааралд өртөмтгий юм уу? :frog: чих шиг... яг шд. Мань мэтийн дарга нарын өөдөөс юм хэлдэггүй хүмүүсийг л удирдлагууд ашигладаг байх даа хөөрхий.

_________________
MarSon \_ :-D_/


Top
   
PostPosted: Jul.24.14 3:00 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
Auto

_________________
MarSon \_ :-D_/


Top
   
PostPosted: Aug.28.14 7:14 pm 
Offline
¤ Sumo Analyst
User avatar

Joined: Oct.07.04 12:25 pm
Posts: 5859
Location: Нэг шат ахин урагшилж байна.
БОЛЦОН ШҮҮ :cheerleader: Жижкээн хөөрхөн гүнжтэй боллоо.
Хорвоо ямар сайхан юм бээ :angel:
Quote:
Image :cheerleader:

_________________
MarSon \_ :-D_/


Top
   
PostPosted: Aug.29.14 4:32 pm 
Offline
Ноёлон Ноёрхогч Гишvvн
Ноёлон Ноёрхогч Гишvvн
User avatar

Joined: Feb.20.13 6:12 pm
Posts: 1063
За баяр хүргэе ээ!


Top
   
Display posts from previous:  Sort by  
Post new topic  Reply to topic  [ 224 posts ]  Go to page Previous 15 6 7 8 9 Next

All times are UTC+09:00


Who is online

Users browsing this forum: Google [Bot] and 4 guests


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited