#AsuultSambar :

Дүүрэн хүн бужигнасан галт тэрэгний буудал дээр хүмүүс хаа нэгтээ явахыг яарцгаана. Түлхэлцсэн хүмүүсийн дундуур түрдэг тэргэн дээр ачсан хоёр том чемодан таржигнан явна. Тэднийг Жеймс Поттер, Альбус Поттер гэдэг хоёр хөвгүүн түрж араас нь тэдний ээж болох Жинни дагалджээ. Гучин долоон насыг хүрч яваа Харри бяцхан охин Лилигээ мөрөн дээрээ суулган явлаа.
– Ааваа гэж Альбус дуудав.
– Жеймс минь амар даа гэж Харри хэлэхэд:
– Би зөвхөн түүнийг Слизеринд орно гэж хэлэх гэсэн юм. Харин тэгээд тэр... гэснээ Жеймс эцгийнхээ муухай харахыг хармагц: – За за гэлээ.
Тэгтэл Альбус ээж рүүгээ харан:
– Та надад захиа бичиж байх уу? гэж асуулаа.
– Хүү минь чамайг хүсвэл өдөр бүр бичнэ гэж Жинни амлав.
– Үгүй дээ. Өдөр бүр биш. Жеймс ихэнх хүмүүс гэрээсээ сарын дараа захиа авдаг гэсэн. Би хүсэхгүй байна... гэж хүү хэлэв.
– Бид ахад чинь өнгөрсөн жил долоо хоногт гурван удаа бичсэн гэж аав нь хэллээ.
– Юу гэнэ ээ? Жеймс! гээд Альбус ах руугаа зэмлэнгүй харлаа.
– Тиймээ чи түүний Хогвартсын тухай хэлсэн бүхэнд итгэх хэрэггүй. Тэр юм бүхнийг даажигнах дуртай гэж Жинни хэллээ.
– Бид одоо явж болох уу? гээд том хүү нь инээд алдав.
Альбус аав руугаа харснаа ээж рүүгээ харц шилжүүллээ.
– Чиний хийх зүйл гэвэл ес болон аравдугаар тавцангийн хоорондох хана руу шууд чиглэн явах явдал гэж Жинни тайлбарлав. Тэгтэл:
– Ээж ээ, миний сэтгэл хөдлөөд байна гэж Лили дуу алдлаа.
– Явах замдаа бүү зогсоорой бас хана мөргөнө гэж айх хэрэггүй. Энэ хамгийн чухал. Хэрэв сэтгэл чинь их хөдлөөд байвал гүйсэн нь дээр гэж Харри зөвлөв.
– Би бэлэн гэж Альбус хэллээ.
Харри, Лилли хоёр Альбусын тэргэнцэр дээр гараа тавихад, Жинни Жеймсийн тэргэнцрээс барьж тэд хамтдаа саадыг нэвтлэн орлоо.