#AsuultSambar :

ASUULT.NET - ШИНЭ ЖИЛИЙН БАЯРЫН МЭНД ХҮРГЭЕ! 2017-2018
It is currently Jan.18.18 9:08 am

All times are UTC+09:00




Post new topic  Reply to topic  [ 33 posts ]  Go to page 1 2 Next
Author Message
PostPosted: Jul.30.10 11:36 pm 
Offline
• NBA Analyst
User avatar

Joined: Jul.18.07 3:33 am
Posts: 13219
Дэлхийн Түүх форум дээр улс төрийн философийн сэдвүүдийг нээхээр боллоо.
Удалгүй дэлгэрэнгүй сэдвийн дагуу мэдээлэл солилцоо, үзэл бодлын мэтгэлцээнүүд тавигдна.


Top
   
PostPosted: Jul.30.10 11:54 pm 
Offline
• NBA Analyst
User avatar

Joined: Jul.18.07 3:33 am
Posts: 13219
Маш товчоор:

`Ардчилал` нь улстөрийн бүтэц юм. Иргэд төрийг барихыг ардчилал гэж нэрлэнэ. Иргэд хоёр янзаар төр барьна.
-Төлөөллөө сонгож төр барих эрхийг өгнө. (төлөөллийн ардчилал)
-Шууд өөрсдөө асуудал болгон дээр саналаа өгч төр барьна. (шууд ардчилал)

Ардчилалын тулгуур үзэл санаа нь хүн бүр тэгш эрхтэй гэсэн ойлголт юм. Тийм ч учраас хүн бүр улсыг удирдах эрхийг эзэмшнэ. Гэвч бодит байдал нь гэвэл төрд нэгэнт төлөөлөл болж гарсан хүмүүс бусад хүмүүсээс хол давуу эрх мэдэл олж авдаг. Энэ нь төлөөллийн ардчилалын зайлшгүй нэгэн шинж чанар.
Нөгөөтэйгүүр шууд ардчилал нь иргэдийн мэдлэгийн чадавхи болон зав зайнаас шууд шалтгаалах учраас бараг хэрэглэгддэггүй юм. Төлөөллийн ардчилал л голчлон хэрэглэгддэг.

Ардчилал нь Демократиа хэмээх Грек үгнээс үүсэлтэй.
Демо = ард түмэн, хүмүүс
Кратиа = хүч, эрх мэдэл.

Ардчилалын түүхийн дараа удахгүй бичнэ. .....


Top
   
PostPosted: Jul.31.10 12:14 am 
Offline
• NBA Analyst
User avatar

Joined: Jul.18.07 3:33 am
Posts: 13219
Афины Ардчилал


Эртний Афинд байсан ардчилсан систем нь Шууд Ардчилал байжээ.

Афинд Албан ёсны Иргэн гэж тооцогдохын тулд хүн өсвөр насандаа цэргийн алба хаасан байх шаардлагатай байсан байна. Эмэгтэй иргэд болон боолууд албан ёсоор Иргэн биш байжээ.

Афины Ардчилсан системд Иргэд цуглаж асуудал болгон дээр шууд саналаа өгөөд олонхийн саналаар бүгдийг шийддэг байв. Аливаа хүн Иргэн л бол өөрийн иргэний эрхээ эдлэж Чуулган дээр очиж саналаа өгдөг байжээ.
Одоогийн Сонгогдох гэсэн ойлголт байсангүй.

Цугласан Иргэд (ойролцоогоор 50000 хүн) Иргэдийн Чуулганы гишүүн болох 6000 хүнийг сугалаагаар сонгоод Иргэдийн Чуулган нь хууль боловсруулах, гэрээ байгуулах, гэх мэт эрхтэй байсан байна.

Цугласан иргэдээс 500 хүн нь `500-гийн Консул` гэгчид сонгогддог байжээ.
500-гийн Консул нь Афины өдөр тутмын үйл хэрэг, хяналт зэргийг харж үзэх үүрэгтэй байлаа.

Мөн цэргийн магистрат, иргэдийн магистрат зэрэг хүмүүс сонгогдож шаардагдах ажлыг хийдэг байжээ.
Ахмад насны иргэдийн магистратын гишүүд хүн амины хэргийг шүүх эрхтэй байв.

Афины Ардчилалын талаар удахгүй үргэлжлүүлнэ. .......


Top
   
PostPosted: Jul.31.10 11:35 am 
Offline
• NBA Analyst
User avatar

Joined: Jul.18.07 3:33 am
Posts: 13219
Афины Ардчилалын сул талууд

Суу билэгт философич Платон ардчилал нь анархизм үүсгэх эх үүсвэр болдог гэж үзэж байжээ.
Олон хүн хөл толгойгоо олохоо болих магдлалаас гадна, хэт олон хүн шийдвэр гаргахад оролцсоноос ганцхан мэргэн хүн удирдагч хийх нь зүйтэй гэж Платон үзсэн байна. Тэрээр тэрхүү хүн нь Философич Хаан байх ёстой гэж хэлсэн байна.

Афины Ардчилалд өгсөн нэгэн том цохилт бол Суутан Сократ-ын яллагдаж амиа егүүтгэхэд хүргэсэн тохиолдол байв.
Сократ залуу үеийнхний тархийг угаасан, шашныг хүндлээгүй гэсэн шалтгаанаар яллагдсан юм. Түүнийг ялласан нь шууд ардчилсан тогтолцооны үр дүн байсан нь Афины Ардчилан буюу шууд ардчилал нь төгс систем биш байсан гэж хүмүүсийг үзэхэд хүргэдэг.

Афины ардчилалын маш том сул тал нь мэдээллийн хэрэгслийн зонхилол болон эрх мэдэл байжээ.
Тухайн үеийн хүний сэтгэл оюунд нөлөөлөх гол хэрэгсэл нь Театр, Драм байжээ. Драмаар дамжуулан аливаа хүнийг шоолсон, шүүмжилсэн, элдэв улстөрийн агуулгатай зүйлс олноор явагдаж байсан нь Афиныг шууд удирдах Иргэдэд сөргөөр нөлөөлж байсан гэж үздэг.

Үүнийг одоогийн Ардчилсан системүүдийг шүүмжилэхэд ч хэрэглэдэг. Адолф Гитлер Германы сул байдлыг болон хүчгүй ардчилалыг шүүмжлэн `хэвлэл мэдээллийн гарт бүх хүч байдаг` гэж хэлэн тэрхүү мэдээллийн хэрэгслийн ард талд нь Еврэй нар байдаг гэдгээр ухуулж байлаа.

Одоогийн аль ч ардчилсан орны сонгуульд хэвлэлийн хэрэгсэл гартаа авсан дэвшигч л ялдаг нь бичигдээгүй хууль.


Платон хэлэхдээ Ардчилал нь анархизмыг авчирч анархизмаас залхсан хүмүүс дарангуйлагчыг гаргаж ирнэ гэж хэлж байсан нь Орос, Германы түүхнээс бэлхнээ харагддаг билээ.


Top
   
PostPosted: Aug.02.10 9:58 pm 
Offline
• NBA Analyst
User avatar

Joined: Jul.18.07 3:33 am
Posts: 13219
Коммунизм ардчилал мөн үү?

Анги, давхрага үгүй, эрх тэгш эрхт нийгэмд бүх юмыг нийтийн болгож хуваах нь онолын хувьд коммунизмын тодорхойлолт мөн юм.

Давтан хэлэхэд Ардчилал нь нийт иргэд төр барихыг хэлнэ. Ингэж төр барихдаа төлөөллөөр эсвэл шууд өөрсдөө асуудал болгон дээр саналаа өгч төр барьна.

Коммунизм нь онолын хувьд эрх тэгш нийгэм учраас ардчилал мөн юм.
Гэвч практик, бодит байдлын хувьд энэ нь бараг боломжгүй зүйл.

Коммунизм нь нийтийн баялгийг нэгтгэн тараах учраас эд баялаг ихтэй хүмүүсийн хөрөнгийг хураах шаардлага үүсгэдэг. Энэ нь тайван аргаар хийгдэх бараг боломжгүй учраас засаг нь эрх дарх ихтэй болж тоталитари тогтолцоог үүсгэх шаардлага үүсгэнэ.

ТОТАЛИТАРИ тогтолцоо. Тоталитари тогтолцоо бол ардчилалын нөгөө туйл нь юм.
Аливаа нэгэн улстөрийн хүчин буюу хүн төрийн эрхийг бүрэн атгаж эсрэг талын сөрөг хүчин өгөй болгох нь нь тоталитари тогтолцооны онцлог. Нацист Герман, ЗХУ, БНХАУ, Муссолинигийн Итали зэрэг нь тоталитаризмийн жишээнүүд.

Тиймээс коммунизм тоталитари тогтолцоогүй байсан нөхцөлд л нэгэн төрлийн ардчилал болох боломжтой. Гэхдээ энэ нь практикийн хувьд бараг боломжгүй зүйл гэдэг нь харагдсан билээ.


Top
   
PostPosted: Aug.02.10 10:38 pm 
Offline
• NBA Analyst
User avatar

Joined: Jul.18.07 3:33 am
Posts: 13219
Бүгд Найрамдах Засаглал


Рес-Публика хэмээх латин үг нь `нийтийн асуудал` гэсэн утгатай.
Үүнийг Монгол хэлэнд Бүгд Найрамдах гэж орчуулжээ. Ихэнх орнууд Республика, Репаблик гэх мэтээр нь орчуулгагүй хэрэглэдэг юм.

Бүгд Найрамдах засаглал нь түүхийн турш маш олон янзаар ойлгогдож байсан бөгөөд одоогийн нийтлэг ойлголтоор бол төлөөллийн ардчилал юм. Үндсэн Хууль дээр тулгуурлан хуулинд заасан системээр удирдлага сонгогдох нь БН засаглалын онцлог.

Эрт дээр үед БНУ гэдэг нь хаангүй улсыг хэлдэг байжээ. Сонгогдсон төлөөллөөр удирдагдсан улс нь БНУ болно. Эртний БНУ-ын хамгийн тод жишээ нь Ромын БНУ байв.

Эртний Ромчууд анх хаант засагтай байсан боловч нийтийн тэгш эрх яригдаж эхэлснээр Хаан нь дарангуйлагч мөн гэсэн бат ойлголттой болсон гэдэг. Тиймээс ч Ромчууд үндсэн хууль зохион боловсронгуй төрийн системээр удирдах зөвлөлөө сонгож, ээлжлэн солигдох цаг хугацааг нь зааж өгсөн байдаг.

Гэвч Ромчууд хүн ардаа язгууртан ба ард гэж ялган, тэр ялгаанаас шалтгаалж хэн нь удирдах эрх авах нь бараг бичигдээгүй хууль болж байсны улмаас Ромын БНУ нь ардчилал гэхээсээ илүү Олигархи болж хувирсан юм. Гэвч Ромчууд Хаантай байхыг хамгийн том аюул гэж үзэж байсан. Хаан болох гэж оролдсон хүнийг алах нь ариун үйл хэрэг гэсэн ойлголт байсан нь Юлий Цезарийг алсан аллага харуулдаг юм.

Ромын БНУ хэтэрхий хүчирхэгжин тэлээд газар нутгийг нэг цэгээс ардчилсан зөвлөлөөр захирах хэцүү болж эхэлснээс үүдэн Ромын БНУ-д генералууд, жанжинууд хүчирхэг болсноороо БНУ алга болж хаант засаг эргэлт буцалтгүйгээр үүсэхийн суурь тавигдсан юм.

Ромын БНУ-аас хойш дэлхийн түүхийг Хаант засаглал маш олон зуун жилээр давамгайлсан юм.

Англичуудын шинэчлэлт, Америкийн тусгаарлалт, Францын хувьсгал, гэх мэт үйл явдлуудаар Бүгд Найрамдах засаглалууд ахин тогтож 20-р зууны эхэнд БН засаглалууд дэлхийд буцаад давамгайлах болсон юм.


Top
   
PostPosted: Aug.12.10 11:19 pm 
Offline
Yзэсгэлэнт Гишvvн
Yзэсгэлэнт Гишvvн
User avatar

Joined: Sep.23.09 8:34 pm
Posts: 333
Quote:
Коммунизм нь онолын хувьд эрх тэгш нийгэм учраас ардчилал мөн юм.
Гэвч практик, бодит байдлын хувьд энэ нь бараг боломжгүй зүйл.

Коммунизм нь нийтийн баялгийг нэгтгэн тараах учраас эд баялаг ихтэй хүмүүсийн хөрөнгийг хураах шаардлага үүсгэдэг. Энэ нь тайван аргаар хийгдэх бараг боломжгүй учраас засаг нь эрх дарх ихтэй болж тоталитари тогтолцоог үүсгэх шаардлага үүсгэнэ.
Оргилын дээр бичсэн дээр нэмээд бичье:
Зүгээр л нэг хурааж буй явдал биш.

Коммунизм ба одооны барууны "ардчилал" хоёр өөр нөхцөл байдлаар үүссэн. Тэр цагт массын шийдвэрт маш олон хүчин зүйлс нөлөөлж байсан. Хамаагүй шүүж хэлж болохгүй.

Баялгийг хураах биш. Ихэвчлэн баялаг байгалийн жамаар нэг хүний эсвэл бүлэг хүний гарт тогтдог- үүгээр эрх тэгш байдал, адил боломжийг дахин бий болгох, нийгмийн баялгийн тогтолцоог тэнцвэрт байдалд оруулж буй юм.

Ихэвчлэн эрх чөлөөг хэт дээдэлсэн нийгмийн баялгийг олигарх атгаад эхэлдэг. Тэр их хураагдсан баялгийг ашиглахын тулд, өөрийн дур сонирхолдоо нийцүүлэн хуулийг мөн нийгмийг өөрчилж эхэлдэг. Нийгэм ялзардаг. Баялаг нь зөвхөн олигархын эрх ашгийг хамгаалахын тулд урсаж эхэлдэг болохоор, хувьсгалын тохироо бага багаар бүрдэж эхэлдэг. Үүнд коммунизм хамаагүй- баялаг хураах бол бүх төрийн системийн эргэлтийн үед гардаг.


Top
   
PostPosted: Aug.12.10 11:24 pm 
Offline
Хэлээд баршгvй их цолтой
Хэлээд баршгvй их цолтой
User avatar

Joined: Jul.17.10 7:03 pm
Posts: 483
Location: germany
sonirholtoi sedev bn


Top
   
PostPosted: Aug.14.10 11:54 pm 
Offline
Yзэсгэлэнт Гишvvн
Yзэсгэлэнт Гишvvн
User avatar

Joined: Sep.23.09 8:34 pm
Posts: 333
Ардчилал ба ардчилсан хүний тухай хэлсэн Платоны үг их сонирхолтой байдаг:

Анх харахад ардчилал гоё- хүн бүр өөрийн эрх чөлөө, хувийн сонирхлыг хэрэгжүүлэх, мөрдөх эрхтэй гэж. Гэвч анх харахад тийм. Хүн бүр өөр өөр, эрээн алаг даавуу шиг нийгэм бүрдэнэ гэж. Гэвч хүүхэд эмэгтэйчүүд өнгөлөг царайлаг юманд дуртай. Учир нь хүн нийгмийг бүрдүүлж, нийгэм нь төрөө бүрдүүлдэг.

Ардчилсан нийгэм нь тууштай биш, мөн адил хүн нь нэг чиг барин амьдарч чаддаггүй гэж. Нэг бол согтууран бүжиглэж, нэг бол ус ууж бие сэтгэлээ зовоон, гүн ухаан шиг боловч, үнэн чанартаа хоосон яриа өдөх дуртай. Мөн байс хийж нийгмийн асуудалд анхаарлаа хандуулан туйлширч, амандаа орсноо хийгээд эхэлдэг. Мөн тэр даруй ухаан нь өөр чигт чиглэж, дайны эрдэм сураад эхэлдэг гэх мэт- ардчилсан хүний зан араншин ба ардчилсан төрийн захиргааг таниулдаг.

Ер нь Платоны "Төр" орчуулагдсан болов уу?


Top
   
PostPosted: Feb.09.11 3:24 am 
Offline
Asuult Precious Member
User avatar

Joined: Apr.28.03 11:14 am
Posts: 7321
Location: устгагдсан сэтгэхүйн сэргээлт
Ардчилал Монголд


Барууныхан задгайгаас бүхэл рүү сэтгэдэг.
8.2.2011 гэх мэтээр хүн, хот-улс, нийгэм, төр зэрэг шатлалаар барууны ертөнцийг үзэх үзлийн эрэмбэлэл явна.
Монголчууд бүхлээс задгай руу хардаг.
2011.2.8 адилаар Мөнх тэнгэр, Монгол улс, эгэл ард гэж явдаг.

Монгол улс хүний эрхийг дээдэлсэн ардчилсан зарчимаар цаашид хөгжилөө тодорхойлоход юу нь болохгүй билээ?
Манай орон бол Грекээс улбаатай Англи, Франц тэмцэлийн замналтай, Америк маягийн хөгжилтэй ардчилсан системээр төр улсаа удирдахад зохимжгүй.
Учир нь бид цөөн хүн амтай. Хүчирхэг хоёр улсын дунд амь тэмцэн амьдардаг. Нүүдэлчин соёл иргэншилийн сүүлчийн тусгаар улс учраас улс төрд хандахдаа нухацтай шийдэл эрэлхийлэхгүй байгаагаас өнөөдрийн нийгмийн харилцан үл ойлголцол нэг ундарга авч байна.

Өөрөөр хэлбэл ардчилсан улсын иргэн эрх чөлөөтэй, түүнийгээ эрхэмлэн дээдлэх нь өөрийн амьдралын туйлын үнэн тул "Төрийн төлөө огтоно боож үхэх шаардлагагүй". Иймд харь ойлголтын "иргэн" гэдэг нэрийг өөртөө зүүж юу ч хийсэн хувь хүний дур байх нь. Дашрамд хэлэхэд монгол хэлнээ "иргэн" гэдэг үгийг харь гадаад улсын хүн гэж ойлгодог. Түүнчлэн Дундад Иргэн улс буюу урд хөрш маань өөрсдийгөө нэрлэсэн ийм нэртэйн тул монголчууд өөрсдийгөө саяхныг болтол иргэн бус ард гэж нэрлэж ирсэн. Цаашид ч ард гэвэл зохилтой. Харин ард хэмээх үгний язгуур утгыг одоогоор сурвалжилж мэдсэн зүйлгүй тул энд сул орхъё.

Дээр хэлсэнчлэн бид ардчилсан тогтолцоог дангаар нь туйлшран шүтэх нь зохимжгүй байна.
Бид өөрийн улсын ирээдүй, хэтийн төлөв, геостратеги, иргэншилийн тухай өргөн цараар харж сэтгэж, түүндээ хүрэхийн тулд нэгэн санаатай байх хэрэгтэй мэт. Үүнд хүн бүрийн чадах ядах бүхнээ өөрөө гойд сайн хийдэг байхаас эхлээд хувь нэмрээ оруулж чадах зүйлс алхам тутамд нэн олон. Санааны үзүүр хаана зангилаатай вэ гэдгээ сайн бодох хэрэгтэй мэт. Үндэс гарал уу? Эсвэл шинэ тутам хүн бол дэлхийн "иргэн" гэж ойлгосоор буй даяршил, түүнд өөрийгөө бүрэн захирч авч чадахад уналга болсон мөнгө хөрөнгө үү?

Чингис хааны төрийн байгуулалтыг ажиглахад ийм нэгэн зураглал харагддаг. Их хаантан 95 мянганыг байгуулаад өөрийн шууд удирдлагад түмэн хишигтэн цэрэгтэй байсан.
Түмэн хишигтэнд ямар хүн элсэх журамтай байв?
Арван гурван нас буюу эрийн цээнд хүрсэн,
- мянганы ноёны хүүхэд гурван дүү, арван андаа дагуулж ирэх
- зуутын ноёны хүүхэд нэг дүү, таван андаа дагуулж ирэх
- аравны ноёны хүүхэд нэг дүү, гурван андаа дагуулж ирэх
түүнчлэн урт дурын болон, сайн дурын элсэхийг хүссэн хүнийг эс хориглох учиртай байв. Харин хишигтэн цэрэгт элсэх нөхцөлтэй этгээд цааргалан зайлсхийвээс хуулиар цээрлүүлэх ба алс хязгаарт цөлөх шийтгэлтэй байжээ.

Яагаад түмэн хишигтэнг дурдах болов?

Түмэн хишигтэнд багтсан ардууд энхийн цагт бичээч, заргач, дархад, урчууд, заншлаач /тагнуул/ гэх мэтээр оёж хатгахаас эхлээд хатгалдан дайтах зэр зэвсэг үйлдвэрлэх хүртэл бүх ажил үйлсэд оролцох учиртай. Нэгэн хэлбэрийн удирдлагын институт байжээ.
Хамгийн гол нь хааны шууд захиргаанд хишигтэн цэрэгт буй бүх хүмүүс 95 мянганы ноёдын үр хүүхэд, хүүхдүүдийх нь анд нөхөд байдаг учраас хаан эрх мэдлийг өөртөө бүрэн атгаж чадсан хэрэг байна.
Хэрэв хэн нэгэн ноён урвах бол түүний хүү болон эргэн тойрныхон нь хааны шууд барьцаанд байгаа гэсэн үг. Тийм учраас урвахыг санаархагч ноёны албатууд ч үр хүүхдээ алдахаас эмээж урвах бодол огт агуулахгүй учиртай.
Ийм хүчирхэг итгэлцэл, үнэнч байдлыг нэгэнт бий болгож чадсан цагт мөнх тэнгэрийн зарлигаар их улсыг байгуулсан түмэн ардын санаа нэгэн дор зангилагдаж, хаан жинхэнэ ёсоор улсын жолоог атгаж түүний гар хэрхэн хөдлөнө улс мөн адил тэр аясаар байх нь.

Харин өнөөдөр ардчилсан тогтолцоогоор бий болсон засаглалд буй хүмүүс надад ямар ч хамааралгүй, тэр хүнд ч би огт хүртээлгүй тогтолцоо үйлчилж байна. Хэн нэгэн нь ерөнхийлөгч боллоо гэхэд тэр хүн надад барьцаалагдахгүй, харин тэр өөрөө эрх мэдэл, илүү хөрөнгөний бололцоонд хүрсэн бол эргээд намайг боомилох чөлөөт боломжинд сууж байна гэсэн үг.

Дахин санахад монгол орон нүүдэлчдийн сүүлчийн тусгаар гал голомтыг сахиж буйн хувьд хүн бүр дур дураар өөрийн эрх чөлөөг тунхаглахаас илүүтэй хэдэн нүүдэл илүү харсан бодолтой байх учиртай. Хамгийн гол нь ардчилсан тогтолцоог үгүйсгээгүй, түүнийг одоо халъя гэж хэлэхдээн бус харин хэрхэн засаглал надад хамааралтай, би өөрөө ямар байдлаар түүнд шударгаар харъяалагдах учиртайгаа олоход анхаарлаа хандуулмаар.
Урд монголчуудын төр барьж байсан туршлагыг харахад муйхарлан өөрийн бодлоор зүтгэхээс илүүтэй нөхцөл байдалд тохирсон арга хэрэгслээс авахыг нь авч, гээхийг нь гээж дан ганц өөрийн зорилгод чадамгаар ашиглаж чаддаг байжээ.

Үүнийг орчин үед "интерперьер" гэж нэрлэж байх шиг. /буруу бичсэн байж магад/. Өөрөөр хэлбэл хөрвөмтгий, хувьсамтгай арга барилаар ашигтай байрлалыг дамжин, нэг газраа шигдэлгүй эрх чөлөөтэй, хүчтэйгээр байр сэлгэн таатай амьдрагч нүүдэлчин сэтгэхүй бидний генийн кодонд хадгалагдсаар буй. Харин ганц л асуулт би дэлхийн хүмүүсийн нэгэн адил хүн байх уу? Эсвэл монгол хүний адил монгол хүн байх уу?

_________________
www.eliihouse.blogspot.com


Top
   
PostPosted: Feb.09.11 3:33 am 
Offline
Yнэн Дийлцэн Гишvvн
Yнэн Дийлцэн Гишvvн
User avatar

Joined: Apr.10.08 5:05 pm
Posts: 833
Location: Тэр мөрөөдөөд байдаг том байшин, үнэтэй машин,царайлаг эхнэрээ авмаар байгаа бол ӨӨҮ-ийн дүрмийг сур
Ардчилал - Демократ гэдэг грек үг мүг гээд хичээл дээр үзжийсан санагдчихлаа

ууг нь утгаар нь явбал бас зүээр л эд юм шиг байгаан.


_________________
ӨӨҮ-өгзөгөө өндийлгөж үз


Top
   
PostPosted: Feb.22.11 11:31 am 
Offline
Цээлхэн Цангинах Дууч Гишvvн
Цээлхэн Цангинах Дууч Гишvvн
User avatar

Joined: Feb.13.10 12:26 am
Posts: 442
mongol hunii setgehui ardchilaliig huleej awahdaa muu yu sainu??

ene biye unelelt,arhidan sogtuuralt,ajilguidel,owchin emgeg ene bugd ardchilalin gawiya yum bishu??

yugej bodoj bn


Top
   
PostPosted: Feb.22.11 8:23 pm 
Offline
Yзэсгэлэнт Гишvvн
Yзэсгэлэнт Гишvvн
User avatar

Joined: Sep.23.09 8:34 pm
Posts: 333
APBAHXOPOM wrote:
Ардчилал - Демократ гэдэг грек үг мүг гээд хичээл дээр үзжийсан санагдчихлаа

ууг нь утгаар нь явбал бас зүээр л эд юм шиг байгаан.


Бид одоо утгаар нь явж байгаа шд- эртний Афины зарчмаар:
Хөрөнгөтнүүд сонгуульд оролцож, боолууд тэд нарт татвар төлж, сонгуулийг нь санхүүжүүлдэг. Бас тэжээдэг.


Top
   
PostPosted: Feb.22.11 8:29 pm 
Offline
Yзэсгэлэнт Гишvvн
Yзэсгэлэнт Гишvvн
User avatar

Joined: Sep.23.09 8:34 pm
Posts: 333
HUKAZA wrote:
mongol hunii setgehui ardchilaliig huleej awahdaa muu yu sainu??

ene biye unelelt,arhidan sogtuuralt,ajilguidel,owchin emgeg ene bugd ardchilalin gawiya yum bishu??

yugej bodoj bn

Монгол хүн сайн дураараа боол болоод, өөрийн хувь заяаныхаа эзэн байхаа болиод удаж байгаа шд. Тиймд ардчилал яг тохирно.


Top
   
PostPosted: Mar.26.11 2:54 am 
Offline
Mister
User avatar

Joined: Jun.30.07 9:18 pm
Posts: 3873
монголын ардчилалын 20н жилийн ой боллоо..анхдагч гишүүд нь үүнээс хойш ардчилалын шинэ үе шат эхэлж байгаа гэцгээх юм (эдийн засгийн шинэ үе , монголчууд үүнээс хойш сайхан амьдрана гнээ)..та бүхэн юу гэж бодож байна?

_________________
....`


Top
   
PostPosted: Mar.26.11 3:10 am 
Offline
• NBA Analyst
User avatar

Joined: Jul.18.07 3:33 am
Posts: 13219
Чингис меритокраци, хурилдайгаар засаг барьж байсан нь бас л ардчилалын хэлбэр шдээ хө,
тэгээд тооцвол ардчилал Монголд дор хаяж 800-аад настай байх нь,

үндсэн хууль батлана гэдэг чинь л ардчилал шүү дээ, сонгуулийн тогтолцоо орж ирж байна гэсэн үг,
тэгж тооцвол бас 1920-оод оноос Монголд ардчилал эхтэй гэж тооцож болно,

ер нь угсаа гарал харгалзалгүй төрд орж ирэх механизм бүрэлднэ гэдэг чинь л ардчилал шүү дээ,
тэгж тооцвол ардчилал 20-р зуунаас эхтэй байгаам биш үү?

либерал ардчилал гэвэл бас өөр хэрэг байх.


Top
   
PostPosted: Mar.26.11 3:16 am 
Offline
Mister
User avatar

Joined: Jun.30.07 9:18 pm
Posts: 3873
бодоод байхад нээрэ чиний зөв юм байна..20р зуунд л коммунист систем-д түр зуур баригдсан гэхээс биш..

_________________
....`


Top
   
PostPosted: Mar.26.11 3:24 am 
Offline
• NBA Analyst
User avatar

Joined: Jul.18.07 3:33 am
Posts: 13219
муу нэртэй луу данстай ком/соц нийгэмд энгийн ардын хүүхэд төр барилцаж, гадаад дотоодод үнэгүй боловсрол олж, бүүр сансарт хүртэл ниссэн гэж үзвэл бас л ардчилалын нэг хэлбэр юм биш үү? :hihi:

гол нь тэр үед олон ургалч үзэл л хориотой байсан байна.
:hihi:


Top
   
PostPosted: Mar.26.11 3:28 am 
Offline
Mister
User avatar

Joined: Jun.30.07 9:18 pm
Posts: 3873
+ шашин шүтлэг гэж totally bullsh*t гэцгээж байсан том том соц. ах нар лам нарыг сайхан хядаж өгсөн дөө.. :hihi:
өө бас монгол орон халхын голоо япончуудаас хамгаалж чадсан нь тодорхой хэмжээний хувьсгал гэж ойлгох уу? :razz:

_________________
....`


Top
   
PostPosted: Mar.26.11 3:33 am 
Offline
• NBA Analyst
User avatar

Joined: Jul.18.07 3:33 am
Posts: 13219
чангалал, цензурдалт, энэ тэр чинь тусдаа ойлголт шдээ,

Либерал Ардчилалын симбол болсон Америкт хүртэл коммунизм ярьсан нөхдүүдийг FBI барьж авдаг байваа хө. Бас Япон гаралтнуудыг дайны үеээр хомроглоод шоронд чихэж ч байваа хө. :hihi:

Аан тийм бас Индианчуудыг нутгаас нь хүчээр цөлрүү нүүлгэж ерөнхийлөгч Жексон гарын үсэг зурж байваа хө.

:hihi:


Top
   
PostPosted: Mar.26.11 3:36 am 
Offline
Mister
User avatar

Joined: Jun.30.07 9:18 pm
Posts: 3873
хэлэх үггүй болтол нь дуугуй болголоо чи намайг хө.. :lol:

_________________
....`


Top
   
PostPosted: Jul.26.11 2:12 pm 
Offline
Дархан Гишvvн
Дархан Гишvvн
User avatar

Joined: Mar.26.09 11:15 pm
Posts: 202
Ard chi lal-r gej haa negteegees unshsan yum bna.


Top
   
PostPosted: Jul.26.11 3:18 pm 
Offline
Хавар Цагийн Анхны Яргуй
User avatar

Joined: Nov.01.08 3:39 am
Posts: 3043
Ардчилал нэрэн дор ерөнхий шинжийг нь агуулдаг ч, улс орон бүр өөрийн гэсэн онцлогт л ардчилагдаж вайнда хө


Top
   
PostPosted: Jul.26.11 3:39 pm 
Offline
Хаанчлагч Гишvvн
Хаанчлагч Гишvvн

Joined: Apr.18.07 12:17 pm
Posts: 1143
Location: nmaig toirh ohidin too chini amdralsn niit sekundeesch ih
меритокраци гэж яг юу ин? барууны орнууд меритокрацируу шилжиж бгаа гээд яриад бгаа биздэ? шинэ тогтолцоо биш юму

_________________
mission accomplished


Top
   
PostPosted: Jul.26.11 5:24 pm 
Offline
• Moderator
<b><font color=#000099>• Moderator</font></b>
User avatar

Joined: Mar.06.09 11:45 am
Posts: 13616
Location: God did not create man, man created god.
Америк, Англи мэтийн өрнөдийн том гүрнүүд ардчилал нэрээр газрын тос, байгалийн баялаг, стратегийн чухал алхмуудаа хийгээд л, тэрний хохирогч нь Ветнам, Ирак, Кувэйт, Афганистан болж таарлаа ш д, магадгүй Ираны ээлж ирж байгаа биз. Ардчилалд би л лав хувьдаа нэг их итгэхээ байсан. Монголд бол зүгээр л ялзрал явагдаж байна, ямар юмных нь ардчилал байхав...

_________________
Science, bitсh!


Top
   
PostPosted: Jul.27.11 12:53 am 
Offline
Хавар Цагийн Анхны Яргуй
User avatar

Joined: Nov.01.08 3:39 am
Posts: 3043
С.Баяр wrote:
меритокраци гэж яг юу ин? барууны орнууд меритокрацируу шилжиж бгаа гээд яриад бгаа биздэ? шинэ тогтолцоо биш юму

http://en.wikipedia.org/wiki/Meritocracy
манай хаан хүртэл үлгэр жишээ ай


Top
   
Display posts from previous:  Sort by  
Post new topic  Reply to topic  [ 33 posts ]  Go to page 1 2 Next

All times are UTC+09:00


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited