#AsuultSambar :

ASUULT.NET - МОНГОЛ УЛС МАНДАН БАДРАГ!
It is currently Mar.25.19 3:03 am

All times are UTC+09:00




Post new topic  This topic is locked, you cannot edit posts or make further replies.  [ 80 posts ]  Go to page 1 2 3 4 Next
Author Message
PostPosted: Feb.25.05 1:56 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
Image

Энэхvv Шvрэн Бугуйвч зохиол нь Хулан туужийн зохиогч Шvvдэрцэцэг-ийн 2 дахь тууж ном юм. Орчин уеийн залуусын хайр дурлал, мєнгє, хар санааны тухай уг зохиолд тусгасан болно.

1-r huudas

---Намуун найз охин Жавхаагаа хvлээн тв-нийхээ сувгуудыг солин буйдан дээр хэвтэж байлаа. Нээлттэй гэгээвчээр намрын халуун оройн зєєлєн сэвшээ салхи vлээн цонхны сиймгэр шаргал хєшгийг сэм сэмхэн хєвєлзvvлэн vлээх нь цаана нь нэгэн vл vзэгдэх шидтэн нуугдчихаад тоглоом хийгээд байгаа ч юм шиг. Намуун багадаа салхинд ийнхvv хєшиг сэвэлзэн хєдлєх тоолонд их айдаг, цаана нь хорон санаатан байгаа гэдэгт чин сэтгэлээсээ итгэдэг байж билээ. Гэвч одоо юун тэр ид шидтэн энээ тэрээ манатай. Найз залуугийнх нь зурагтай сонин ємнєх ширээн дээр нь хэвтэж байлаа. Аав ээж 2 нь мєд ирэхгvй гэдэг бол ойлгомжтой. Ирээд ч Тєрийн ємчийн хорооны хурлыг гэртээ vргэжлvvлэх шахам ажлаа ярьж гардаг тул Намуун бушуухан єрєє рvvгээ зугтдаг сан. Намуун ємнєх сониныг ширээн дээрээс шvvрэн авч нєгєє мэдээг дахин уншаад шидчихлээ. "Томоохон businessman-ий ирээдvйн хvргэн Хасар єсєх ирээдvйтэй загвар ємсєгч Энхэрмаатай явдаг уу?" гэнэ шvv. Гvтгэлэг гэхэээр яaх аргагvй гэрэл зурагтай нь тавьчихаж ээ. Энхэрмаа гэдэг нь ширvvхэн салхинд хийсчихмээр чєрийсєн єндєр туранхай охин харагдана. Хасар, Намуун хоёр 8-н настайгаасаа бие биенээ мэднэ. Ээжийнх нь найз хvvхэн Эсэлмаагийнх Гeрманд байж байгаад Монголд буцаж ирсэн цагаас хойш л Намуун тэр 2-ын vерхэл эхэлсэн. Бодоод байхнаа ердєє л тэр єєрийгєє Хасарт хайртай байх ёстой гээд итгэчихсэн байсан юм шиг ээ. Ямар ч гэсэн ээж, аавууд нь "Энэ 2-ыгоо том болохоор нь суулгана аа" гэж ярьцгаахад нь нэг бодлын ичмээр, нєгєє бодлын тэгэх л ёстой мэт санагддаг байсан. Тийнхvv 2 гэрийнхнийх нь нєлєє, vргэлж ойр дотно байснаас болж л Намуун Хасартай vерхсэн, дараа нь сууна гэж бодсоор єдий хvрсэн болохоос дvрэлзэн шатсан гал халуун хайр тэдний дунд байсангvй.

Гэтэл сүүлийн үед Хасар нэг л хачин болоод байсан нь ийм учиртай байж. Өнгөрсөн Валентиний өдрөөр алга болж болж бүүр орой шөнө болчихсон хойно үнгэгдсэн ганц сарнайтай ирсэнийг нь саналаа. Бас халааснаас нь Кензо анхилуулсан ганган алчуур гарч ирсэнийг юу гэлээ дээ байз? Ангирмаагийнх гээд л өнгөрөөсөн шүү дээ. Ангирмаа гэдэг нь Хасарийн дүү. Ангираа шиг 10 настай жаахан хүүхэд юу гэж Кензо түрхэх билээ дээ. Одоо бодоод байхад тэр хоёрын явдал их эрт эхэлсэн бололтой. Арай ч дээ. Ингээд бодоод байхад ёстой галзуурмаар л юм. Тэр харандаа аваад Хасарын нүүрийг танигдахгүй болтол нь эрээчиж орхив. Яг одоо тэр хоёрыг хамт байж байхад нь очоод тэр өөдгүй амьтны хацрыг нь халцарч улайтал нь алгадаад авах юм сан. Үгүй ээ, алгадаад дэмий юм байна. Аавынхаа бие хамгаалагчтай хамт очоод тэр охинийх нь нүдэн дээр Хасарыг буланд шахаж байгаад... Үгүй ээ, Шал тэнэг юм бодож байх юм.
Хасар танай аавын хөрөнгөнд л болж чамтай үерхдэг шдээ гэсэн энэ үгийг ангийнхаа нэг охиноос 3 жилийн өмнө сонсоод таг мартах гэж их л зовсонсон. Тэгэхэд Намуун яг АНУ явах гээд билетээ хүртэл авчихсан байсан. Охин АНУ-д очсон хойноо ч тэр гашуун үгийг бодон бодон удаан шаналж билээ. Харин тэгэхэд Хасараас үргэлж e-mail ирж байсны хүчинд " тэр үг худлаа ч юм болов уу " хэмээн мартаж орхисонсон.
Ер нь аав нь том компаний эзэн гэдгээс болж Намууны амьдралд үргэлж төвөг учирна. Ганцхан манай сонинд ярилцлага өгчих гээд сурвалжлагч нар утасдахаас өгсүүлээд багш нар нэг л өөрөөр ханлах гээд, эсвэл баян айлын хүүхдэд долигонодоггүй хүн болж чангалах гээд л, ангийнхан нь бол байнгын мөнгө зээлдүүлчих гэж гуйна.
Жаахан байхад ямар сайхан байж вэ? Зун Шарга Моритын зусланд гарч өдөржин хүүхдүүдтэй ухаангүй тоглосоор зусдагсан. Борооны дараа ойд явж, тослог шар мөөг түүнэ. Сод өвс зулгаан бондгор толгойгоор нь сум хийн буудалцана. Эсвэл хэн нэгнийдээ цуглаад кекс хийх гэж байгаа нь энэ гээд баахан гурил түлж хаяна. Ирис, чихэр хйинэ гэж цөцгийн тос, элсэн чихэртэй хутган түлэнхий шар юм болгоод хувааж иднэ. Халуун өдөр гол дээр очиж хөвгүүд жараахай шүүрдэн охид усаар байлдацгаана. Намууныг 8-тай байхад зуслангийнх нь хөрш айлын охин Уранаа гэж нэг залдаг хүүхэд байв. Тэр нэг удаа голын усанд шумбаад, усан дотор нүдээ анихгүй харж чадвал үсэндээ алтан титэмтэй, загасан хөлтэй лусын дагина харагддаг гэж ярьж билээ. Намуун тэр лусын дагиныг харах гэж хэдэн өдөр голд зогсон усан дотор нүдээ анихгүй харах гэж хичээгээд чадаагүйсэн. Ингэж тэгсээр нэг л мэдэхэд орой 6 болж ажилчдын автобусаар аав ээжүүд нь ирцгээгээд хүүхдүүд бүгдээрээ тосон гүйлдэнэ. Хармсалтай тэр олон дотор Намуун л айлын ганц хүүхэд байсан. Бусад айлын хүүхдүүд аав, ээжээ тосохоор том нь жижгээ хөтлөн гүйцгээхэд Намуун л гав ганцаараа торойн зогсдогсон. Айлууд доод тал нь 3 хүүхэдтэй байхад тэднийх л ганц охинтой айл байсан. Гэтэл том болно гэдэг нялх бага насандаа айлын хүүхэдтэй муудалцаад мөрөөддөг байсан шиг тийм ч сайхан юм биш байжээ. Хорин насанд нь тохирсон зовлонг бурхан түүнд бэлдчихсэн байдаг байжээ. Үе үехэн сэвэлзэх салхин хөшгөөр сэм сэмхэн наадсаар л.
Бүсгүй нэг том санаа алдаад хөргөгчнөөс хүйтэн цэвэр ус авчирч залгилав. Цэв хүйтэн ус хоолойг нь цочроон, цээж цэлмээхэд нь сэтгэл сэргэх шиг. Усаа ууж дуусаад сувгаа солив. Тв-ийн бүх сувгуудаар Мянганы замын бүтээн босголт үргэлжилж байна. Ерөнхий сайд орон нутагт айлчлав хэмээн тоть шиг давтах тул залхсандаа MTV Asia дээр тавин F4-ийн ярилцлагыг үзэнгээ эмээ рүүгээ залгав. Эмээ нь хөдөө явах гээд их л сэтгэл хөөрүү байсан тул зээ охинийхоо хоолойд илрээ байгаа гунигтай өнгийг анзаарсангүй.
Түүнээс биш миний охин яагаад хусмаа голсон хүүхэн шиг унжийчихаа вэ гээд л утасны цаанаас түүнийг нэвт мэдчихдэг айхтар хүн билээ. Гадаа хаалганы хонх дуугарах чимээнээр Miki хав нь буйдан доороос гарч ирэн сүүлээ сөхөж байгаад боргож гарлаа. Энэ бол мэдээж Жавхаа. Тэдний гэрийн үйлчлэгч Дооёо эгч амралтаа авсан тул Намуун өөрөө хаалга тайлж өгөхөөр бослоо. Намуун хашааныхаа хаалгыг онгойлгоод HI гэж найзтайгаа мэндлээд сүүлний ормоо модгонуулан хуцсаар байгаа нохойгоо авч " Энэ одоо чамайг таньсан мөртлөө мундаг нохой болох гэж хуцсаар байгаан байх даа. " гээд хаваа тэвэрсээр гэр рүүгээ түрүүлэн алхав. Хав эзнийхээ суганд наалдан шургаад чимээгүй болов. Жавхаа чихэвчний хөгжмөө унтраагаад " Ёхх, халууцаж үхлээ. Микронд суусан чинь яг буузны жигнүүр л гэсэн үг. Ядахдаа танай Miki ямар ядаргаатай юм бэ " хэмээн үглэсээр араас нь дагав. Энэ халуунд биеэ зовоолгүй таксидах мөнгөтэй мөртлөө албатай юм шиг микронд суучихаад дараа нь ийнхүү гомдол тавьж байгаад нь Намуун инээд нь хүрч явлаа.
Хаалгаар оронгуут сэрүү татсан саруулхан зочны өрөө угтсан нь Жавхаад их таатай байгаа бололтой. Углаашаа тайлж үүдний өрөөнд орхиод памбагар зөөлөн буйдан дээр хадуулсан өвс мэт навсхийн уналаа. Тэгээд " Алив хүйтэн юм өгөөч " хэмээн гараа сарвайхад нь Намуун – Хүйтэн юм одоохон аваад ирье. Харин чи энийг хараач, гээд нөгөө сонинг гар дээр нь шидчихлээ. Тэр өнөөх гайтай зургийг харангуутаа " Хүүшээ, алчхийн байна л даа. Энэ чинь тэгээд үнэн юм уу? " хэмээн шигшроод дуугүй болов. Тэр уншиж дуусаад урдаа байгаа сэтгүүлийн ширээн дээр сонинг тавьснаа
- Энэ чинь тэдний сургуулийн нэг л маягтай амьтан байна шдээ. " Хаврын Гоёл " –оор миний нэг гоёлын даашинзыг өмсөж байсан юм. Тэврэлдчихсэн байгааг бодоход үнэн юм болов уу? Цаадах чинь Бээжингээс ирсэн үү? Ингэж пакталснаа мэдэхгүй л яваа даа гэлээ. Намуун түүнд ус хийж өгөх зуураа:
- Харин тийм, ичихгүй өчигдөр утсаар ярихдаа чамайг санаж байна энээ тэрээ гээд байгаа юм даа. Ёстой шог юм гээд хоолой нь зангираад явчихлаа. Тэгснээ нүүрээ дарж байгаад асгартал уйлчихлаа. " Жавхаа, Тэр муу яагаад намайг ингэж доромжилж байгаа юм бэ, яагаад? Би ямар гэм хийсийн бэ? Би энэ муу загвар өмсөгчөөс нь юугаараа дутуу юм? Хэмээн хашгиарн уйлж байснаа гэнэт таг дуугүй болж, нүүрээ угаахаар угаалгын өрөө рүүгээ орлоо. Хана дүүрэн том толинд туссан дүрээ хараад тэр цочих шиг болов. Сэгсийсэн үс, бүлцийсэн нүд... хамгийн гол нь нүд нь ямар уйтгартай юм бэ? Толинд харахдаа дандаа инээж бай, тэгвэл сайн энерги шингээж аваад дараа нь түүнийгээ эргээд цацдаг гэж нэг сэтгүүлээс хэзээ ч юм уншсанаа санажээ.
Тэр нүүр цэвэрлэдэг хөвөнгөөр зовхио арчаад таиур дээрээс хавчаар авч үсээ боочоод инээмсэглэв. Гэвч нүднийх нь харц гунигтай хэвээрээ үлдэв. Яг тэрхэн мºчид " Өнөө орой зад шоудвал яасан юм" гэсэн бодол тархинд нь харван орж ирлээ. Тэгээд Жавхаад уруу дорой харагдахгүйн тулд Хаа ч явсан цуг гэж мэдээрэй хэмээн амандаа дуу аялсаар инээмсэглэн гарч ирэв.
Хэдхэн хормын өмнө уйлан хайлан угаалгын өрөөндөө орсон хүн инээмсэглэн гарч ирсэнд найз нь огтхон ч гайхсангүй. Минут тутамд хэд хэд хувирдаг хаврын тэнгэр шиг аашийг нь Жавхаа шиг сайн мэдэх хүн байхгүй юм чинь.
Цаадах чинь чамаас холдож чадахгүй дээ хэмээн тайтгаруулах санаатай хэлсэн үгэнд нь Намуун их л эгдүүцэж
---Холдвол холдоно л биз дээ. Би Хасараар дутах ч үгүй. Хоёулаа өнөө орой гоё дискодох уу? Гээд ширээн дээрээс утас шүүрэн авч ээж рүүгээ залгав.
---Ээж, Би Жавхаатай хамт Палас явж дискодлоо. Тэгээд эмээгийнд хононо шүү. Та 2 мэдээж мөд ирэхгүй л биз дээ? Гэхэд ээж нь утасны цаанаас " Битгий оройтоорой. Самбууг явуулчих уу? Өөрөө машинаа барих юм уу? Гэхчлэн далан долоон юм асууснаа Төв аймаг орох зам дээр байдаг benzin klonk маргааш дуудлага худалдаанд орох гээд аав, ээж 2 нь авчих санаатай нэг хүнтэй уулзаж байна. Хэмээн нөгөө дуусдаггүй ажлаа ярих гэхээр нь Намуун бушуухан
---За, за, Санасан бүхнээ бүтээж, сарвайсан бүхнээ аваарай. Би өөрөө таксидаад явчихна" гээд утсаа тавив. Үнэндээ ч ээж нь сарвайсан бүхнээ авах гэдэг хүүхэн билээ. Харин НИК-ийг хувьчилж авах гээд чадаагүй юм. Тэрэнд ч Намуун их баярладаг юм. Ямар сайндаа аав, ээж 2-ыгоо НИК-ийн хувьчлалд ялагдаад ирэхэд нь " Хүссэн бүхнээ авч чадахгүй байна гэдэг заримдаа гайхмашигтай аз байдгийг сана" гэж Далай лам сургасан байдаг юм гээд хэлчихсэн чинь ээж нь их гомдож билээ. Түүнээс хойш Намуун ээждээ " Сарвайсан бүхнээ аваарай " гэж тоглоомоор хэлдэг болжээ.
--- Мэдээж дискодох санал шууд таалагдаж хань болох банди нар дуудах гэж утас руу ухас хийхэд нь Намуун болиулав. Олон хүнтэй мэнд ус мэдэлцэх, ямар нэг сэдвээр ярилцахаас Намуун залхаж байв. Ингээд тэр 2 зуны амралт дуусаж байгааг тэмдэглэх, Хасараас болж хямарсан Намууны сэтгэлийг тайтгаруулах зорилгоор дискодох болов. 2 найз хувцасаа сонгохоор Намууны хувцасны өрөө рүү оров. Хүн байхгүй юмаа мөрөөдөх дуртай мөртлөө өөртөө байгаа юмыг юман чинээнд бодохоо больдог амьтан билээ. Намууны хувцасны өрөө гэж 20 настай охидын жинхэнэ мөрөөдлийн орон билээ. Элбэг 10-н охиныг гоёхоор тэр олон хувцас харамсалтай нь эзэндээ огтхон ч сонин санагддаггүй тул өлгүүрийн нэг захаас таарсанг нь шууд татан гаргаж ирвэл Nina Reiss-ийн гоёмсог үүлэн цэнхэр даашинз байлаа. Энэ даашинзыг Намуун өнгөрсөн жил ээжтэйгээ Парист амрахдаа их л шохоорхон 200 еврогоор хэдалдан авсан мөртлөө ганц ч өмсөөгүй өлгүүрт өлгөн мартжээ.
---Жавхаа гутлын тавиур дээрээс тэр даашинзтай өнгө таарах ганган цэнхэр сандал авч наад даашинзтай чинь энэ сандал яг зохих юм байна гэхэд Намуун зүгээр дискодоход ингэж гангалаад ч яахав гээд нөгөө даашинзаа буцаан өлгөв. Тэгээд "Levis"-ийн нарийхан жийнсээ даруухан хар майктай өмсөөд үсээ ардаа шуун уруулаа өнгөлөөд за боллоо гэхэд нь Жавхаа ---Тэгвэл би чиний энэ гоё даашинзыг чинь өмслөө шүү гээд нөгөө өд шиг хөнгөн үүл мэт сиймгэр эдээр урласан цэнхэр даашинзыг шүүрэн авч углав. Тэгээд Намууны өрөөнд орж гоёлын хайрцгийг нь өөрийн юм шиг дураараа уудлан өнгө хослох оюу ээмэг зүүлт гарган зүүж PUPA-ийн тэниэр зовхио будан удган мод шиг дэгжин амьтан болон хувирав. Харин Намуун утсаа гаргаж мэссэж бичсэн шиг суув.
Тэр 2-ийг гарахад намрын оройн бүрий тасарч өдрийн халуун нилээд намджээ. Мики хав нь эзнээ даган боргосоор үлдэв. Наран авхай үүлийн цаагуур час улаан туяа татуулан жаргаж байлаа. Одоо бол өндөр гоолиг биетэй Жавхаа алдартай фирмийн ганган хувцасны хүчээр жинхэнэ хатагтай шиг л харагдана. Харин Намуун түүнээс арай намханг хэлэхүү, даруухан хувцас өмссөнг хэлэх үү зүгээр л нэг сургуулийн годгор охин мэт доожоо муутайхан харагдаж байгаадаа өөрөө их л инээд нь хүрч байв. Намуун бол дунд зэргийн нуруутай нүдээрээ инээсэн цэвэрхэн охин билээ. Царайг нь зэрвэсхэн харахад онцгой юм үгүй мэт атал хараад байх тусам улам хөөрхөн санагддаг билээ. Ялангуяа давхраагүй мөртлөө урт сормуустай нүд, өргөн дух, түүний царайд нэг л ухаалаг шинж оруулна. Тэр 2-ийг таксигаар Паласт ирэхэд дисконд нилээд хүн цөөтэй байлаа. Мань 2 ч хүн цөөтэйг нь ашиглан нилээд бүжиглэн нэг нэг лааз ундаа авч сууцгаав. Намуун халууцсандаа жийнсэн хүрмээ тайлан сандлын түшлэг дээрээ тавиад ундаагаа уунгаа дэвэн дэлхийн юмыг хаман ярьж суулаа.
---Тэр 2-ын яриа нэг л мэдэхэд загвар өмсөгч охинтой явж Намууныг араар нь тавьсан өөдгүй муу Хасарын тухай болов. Жавхаа бол хаягдахын зовлонг үзсэн хүн. Түүний үерхэж байсан хайрын хүү Ганаа нь Герман явж сураг алдарсан билээ. Энэ муу залуучууд ямар хогийн байдгийг би мэднээ, зохиолд гардаг шиг үнэнч дурладаг залуу байдаг юмуу гэж Жавхааг ярихад Намуун нүд рүү нь эгцлэн ширтээд
----Жавхаа манай төгсөлтийн үдэшлэг дээр Хасар согтоод – Би Намууны аавын хөрөнгөнд болж охинтой нь үерхдэг юм гэж хэлсэн нь үнэн юм уу? Хэмээн ноцтой асуулаа. Жавхаа энэ гэнэтийн асуултад эхлээд тулгамдаснаа уг нь үнэн шдээ, хэлсэн хүн нь л нөгөө муу Номин болохоос ер нь Хасар муу санаатай өөдгүй амьтан шдээ гэхэд Намуун --Манай ангийхан надаас мөнгө зээлэх гэж л сүйд болох юм. Ёстой зэвүүн. Би ямар банк биш дээ. Хасар ч гэсэн надтай биш, аавын түрийвчтэй үерхэж байсан юм байна. Аав ээж нь мөнгөтэй гэж мэдэхгүй зүгээр л намайг хайрлах залуу тааралдвал гоё гээд Намуун бугуйвчаараа оролдов. Тэрхүү бугуйвч бол эмээгийнх нь түүнд өгсөн бугуйвч билээ. Индиан яагаан шүр хэлхэж хийсэн энэ бугуйвч бүүр өндөр эмээгийнх нь эрх бййжээ.
--Намууны эмээ Дулмаа шүтлэггүй, өөрийнхөө хэлдгээр "улаан хувьсгалч "хүн тул ээжийнхээ эрхийг таслан шүрийг нь гээсээр бүр богинохон юм болгочихоод бугуйвч хийсэн нь энэ. Намууныг 16 нас хүрэхэд эмээ нь энэ бугуйвчийг бэлэглэн, дүнчүүр маань уншсан эрхний үлдэгдэл юм болохоор охинд минь ээлтэй шүү зүүж яваарай гэж билээ. Энэ үеэр нь тэр 2-ийн ширээнээс холгүй суусан 4-н залуу, нэг охин нирхийтэл инээлдэв. Тэд бол "M-4" компаний 4-н залуу байлаа. Үсээ гелдэж Дизел фирмийн хувцас өмссөн, дүрэлзсэн нүдтэй, өтгөн хөмсөгтэй ганган залууг Итгэл гэнэ. Компьютерийн мэргэжлээр 3-р курсэд сурдаг мань эр хүүхэмсэгээрээ, ганган дэгжнээрээ, бас хичээлдээ сайнаараа Технийкийн Их Сургуульдаа толгой цохидог оюутнуудын нэг. Түүний найз Жаргалан буюу Жака бол Итгэлээс дутахгүй ганган хувцасладаг, аятайхан харагдсан охидыг эргүүлчихдэг, салхин сэнс мэт хөнгөмсөг, бадарчингийн үлгэрт гардаг "Бэлэн Сэнгэ" мэт хэзээ ч ам хуурай байдаггүй нүүрэмгий амьтан. Харин Батбаяр нь нүд хөмсөг болсон царайлаг мөртлөө хүүхэлдэйн киноны баатар сайхан сэтгэлт баавгай шиг номхон, бас ичэмхий залуу. Аянга бол Ня-Бо-ийн мэргэжлээр сурдаг болоод ч тэр үү, тооны машин мэт дандаа тооцоо хийж, юм бүхнийг тоолж, бүртгэж явдаг хүн. Харин түүний дэргэд суугаа нилээд сэрэмжилсэн харцтай, шингэхэн үстэй, урт сормуустай, алаг нүдтэй жижигхэн охин бол Аянгын найз охин Заяа. Энэ 4-н залуугаас ганцаараа найз охинтой буюу, хайрын охин тэнгэртэйгээ учирсан нь Аянга билээ. Хамгийн инээдтэй нь түүний тэр тооцоотой нарийн харамч зан нь ганцхан Заяагийн өмнө бууж өгдөг юм. Түүний өөрөөсөө харамлан харамлан цуглуулсан мөнгөө Заяатай хамт 3-р хорооллын дэлгүүрээр хэсэн ганцхан цагийн дотор хаврын цас хайлах мэт амархан үрчихээд урвуу царайлан ирэхэд нь нөгөө 3 хөхрөлдөн "чиний хорголоо тоолсон нарийн занг хашраах гэж бурхан Заяаг чам руу илгээсэн байхаа" хэмээн явуулдаг билээ.
----Тэр 4 нэгэн шинэ дэлгүүрийн компьютерийн системд тооцооны шинэ програм суулгах захиалга авснаа тэмдэглэхээр ирсэн нь энэ. Бүхэл бүтэн супермаркетийн компьютеруудыг сүлжээнд холбон програм суулгах захиалга гэдэг бол мань 4-н оюутанд тэнгэрийн умдаг атгана л гэсэн үг. Тэгээд хүн бүрд сая таван зуун мянган төгрөг оногдохоор гэрээ хийсэн нь гавьятан Аянга, Итгэл 2 байлаа. "M-4" гэж компаниа нэрлэсэн нь учиртай. Тэр 4-ийн шүтээн нь яг адилхан Bill Gates байлаа. Тэгээд ирээдүйд түүний байгуулсан алдарт Mickrosoft шиг агуу том компани болохыг бэлгэдэн эхний үсгийг нь авч 4-н гишүүн гэдгээ багтаан тэр нэрийг сонгожээ. Disco танхимын хүн нь нэмэгдсээр зөгийн үүр мэт шуугиантай боллоо. 4-н найзын ам халж, хажуудаа байгаа Заяаг бараг мартчихсан эрчүүдийн ярианы мөнхийн сэдэвт шилжив. Хаа явсан газраа аятайхан охин харж өлөн нүдэлж явдаг Жака аль хэдийн Намуун, Жавхаа 2-ыг олоод харчихсан байжээ.
----Хүүш, тэр ширээнд 2 аятайхан охин сууж байгааг хараач, таминээ гэж түүнийг хэлэхэд бүгд тийшээ харцгаав. Гэтэл Заяа их л эгдүүцэн,
----Чи юун ч хэрэгт дуртай юм бэ? Хүн хажууд нь улаан цайм харж байхад эд нартай нийлчихээд охин хүүхэн гөлрөөд байхдаа яадаг юм. Намайг байхгүй бол бүүр дагаад гүйх нь ээ. Хүүш, наад нүд чинь аяганаасаа бүлтэрлээ хэмээн Аянгыг нударснаар хайртай 2-ийн ээлжит хэрүүл дэгдэв.
----Би хаашаа харахаа чамаар заалгах уу? Гэж Аянгын уурлахад Итгэл өлгөж аваад
----яг зөв. Өдий 20-тойдоо авгайнхаа атганд орвол эр хүн болсны хэрэг байхгүй шүү гэхэд Заяа
---Чи нэртэйгээр нь тэр 2-ийн хажууд наад Жакатайгаа хамт очоод гөлрөөд суухгүй юу хэмээн тас ширвэлээ. Аянга ч мөчөөгөө өгсөнгүй
----Чи тэр 2 охиныг очиж харж болно гэж өөрөө надад зөвшөөрсөн шүү гэхэд нь Заяа уурлан босоод явчихав. Аянга тэссэнгүй араас нь очин аргадах гэхэд Жака гараас нь татан суулгаад
---Хэрэггүй ээ, цаадах чинь чамайг араас нь очихгүй бол шараа болно. Тэгээд маргааш доошоо орчихсон амьтан өөрөө гүйгээд л ирнэ гэж мэд. Хүүхнүүд аргадах тусам давардаг юм. Эмэгтэйчүүдийн сэтгэл зүйг нэвтэрхий мэдэх хэрэгтэй. Миний найз ганц удаа Заяагүйгээр эрх чөлөөгөө эдэл л дээ гэхэд Итгэл
---Чи одоо энэ Заяагийн юунд нь болдог байна аа? Ядаж тэрнийх нь ааштай гэдэг нь гэв.
---Би Заяагийн юунд нь болсон нь чамд ямар хамаатай юм? Хэмээн Аянга уурсахад Итгэл
---За юундаа уурласан юм. Чиний төлөө л сайн санаад л хэллээдэг. Ер нь үнэнч хайр майр, Romeo, Juliat-ийн домог энэ тэр чинь аль дундад зууны ойлголт юм биш үү? Гэхэд Жака шилэн аягатай пивоо нэг амьсгаагаар залгилаад дахин нөгөө 2-ийн ширээ рүү харснаа
---Тэнд 2 хөөрхөн охин суугаад байх юм. Тэр цэнхэр даашинзтай нь илүү хөөрхөн юм уу? Ингэхэд Аянгаа, ямар ч охиныг панаалдах их амархан шдээ. Чи цаад Заяагаа давруулах хэрэггүй. Хөөрхөн охид хааяагүй л байна шүү, намайг алдчихав аа гэж айлгавал л зүгээр байдаг юм шиг. Жишээ нь би чамд тэр ширээний 2 охины цэнхэр хувцастайг нь хөтлөөд ирэх үү? Гээд Намуун, Жавхаа 2-ийн ширээ рүү алхлаа.
----Түрүүнээс хойш нирхийтэл инээлдээд байн байн харцгаагаад байсан залуучуудын нэг нь тэднийг чиглэн ирж явааг харсан Намуун " нөгөө арзаганасан юмнуудын чинь нэг нь хүрээд ирлээ. За 2-уулаа явъя" гээд бослоо. Жака ч ширээнд нь хүрч ирээд Жавхаагийн бугуйнаас барин " хөөе охион, танилцах уу? Гэтэл Намуун нэг гараараа хүрмээ барин нөгөө гараараа найзынхаа гараас татан " Чи одоо яах гээд байгаа амьтан бэ?" гээд ухасхийн гарлаа. Харин сандрахдаа бугуйвчаа мултран унахыг тэр мэдсэнгүй. Яг энэ мөчид Итгэл, Намуун 2-ийн харц тулгарч билээ. Үргэсэн янзаганых шиг айсан, цочсон, өмгөөлөл хамгаалал эрсэн мэт харц нь Итгэлийн зүрхийг тэрхэн мөчид аргамжаад авах шиг санагджээ. Гэвч залууг сэхээ авахын зуургүй нөгөө 2 охин танхимаас гараад явчихлаа. Бардам ам, шалдан гуя болон хоцорсон Жака л харин мөрөө хавчин инээсээр ширээндээ хүрч ирэв. Бүгд түүнийг дооглон угтахад ганцхан Итгэл л мөчийн өмнө харц тулгарсан хар майк, жийнсэн өмдтэй турьхан охин нэг юмаа унагачих шиг болохыг тэр анзаарчээ.
---Нээрээ л сандал доогуур Намууны шүрэн бугуйвч хэвтэж байлаа. Тэр бугуйвчийг авлаа. Жижигхэн жижигхэн ягаан шүрнүүд нь саяхан зүүж байсан эзнийхээ гарын дулаан илчийг дамжуулах мэт бүлээхнээрээ байлаа. Итгэл тэр бугуйвчийг хэсэг зуур барьж зогссоноо 2 охины хойноос ухасхийн гарлаа. Намрын шөнийн тэнгэрт аальгүй одод жирвэлзэн байлаа. Хойноос нь Батбаяр бас гараад ирэв. Харамсалтай нь Намуун, Жавхаа 2-ийн суусан такси яг хөдөлж байлаа. Итгэл ч машинаа асаан араас нь дагав. Тэр охины даруухан төрх, айсан юм шиг сортолзсон нүд нь сэтгэлээс нь гарахгүй л байлаа. Хэдхэн хормын өмнө үнэнч дурлал дундад зууны үед л байсан юм биш үү энэ тэр гээд бүлтэрч байсан нь ч яалаа. Шар таксины хойноос өсгий даран давхиж явахдаа Итгэл тэр л харцыг нь санан санасаар явав. Аз болоход бараг цохиод авсан ч амнаасаа үг унагадаггүй Батбаяр хамт яваа нь яамай. Тэгээгүй бол өнөө хагархай амт Жака, хорон үгт Аянга 2 бол элдвээр баалаад амар заяа үзүүлэхгүй нь ойлгомжтой. Ээ халаг, 4-н замын уулзвар дээр осол гарснаас түгжрээнд орсон 2 өнөөх шар таксиг гүйцэхээ дөхөөд бараагүй хоцорчихов. Цагдаагийн шүглийн дуугаар хурдаа саан зогссон Итгэл машиныхаа жолоог дэрлэн унав. Алганд нь тэр охины шүрэн бугуйвч бүв бүлээнээрээ атгаастай байж байлаа. Харин эзнийг нь хаанаас олж уулзах юм бүү мэд. Тэр жолоон дээрээсээ толгой өндийлгөн
---Чи нээрээ битгий шоолоорой. Би тэр охинтой л яг одоо танилцмаар байна гээд гүнзгий санаа алдав.
---Би таксинийх нь дугаарыг тэмдэглээд авчихсан л даа.
--Нээрээ, дугаар нь хэд байсан бэ? Би ердөө ч анзаараагүй байгаа юм байна. Баагий чи ёстой чика залуу шүү.
--Баярлаж хөөрөх яахав. Чи утсаа өгөөдөх. Би City taxi руу яриад тэр жолоочийн утсыг олоодохъё.
--Май, ийм найзтай байх сайхан юмаа. Чи ёстой алт шиг сайн залуу шүү.
--Батбаяр такси компаний жижүүртэй яриад өнөө жолоочийн утсыг олсноор барахгүй, 2 охины хаана буусныг нь мэдээд авчээ.
Өнөөх 2 охин Их Дэлгүүрийн урд талд байдаг 40 мянгатын нэгэн байрны дэргэд буужээ. Манай 2-ыг тэр байрны дэргэд очих үеэр Аянга, Жака 2 ч гүйцэж ирэв.
---Та нар чинь хэл чимээгүй хааччихдаг байнаа гэсээр Жака машинаасаа бууж ирэв. Харин Аянга Заяа руугаа мэссэж бичээд машинд үлджээ. Гудамжны гэрэл, сарны мөнгөн туяатай сүлэлдсэн сайхан үдэш байлаа. Намрын эхэн сарын дулаахан үдэш. Ихэнх айлууд унтсан тул гэрэлтэй цонх хэдхэн үлджээ. Итгэл ташаа тулан зогсоод гэрэл нь асаалттай цөөхөн айлуудын цонх руу горьдлого тээсэн нүдээр харсаар. Жака хүүхдийн тоглоомний талбайи элсний хашлага дээр суугаа Батбаяраас
---Цаадхи чинь яачаа вэ? Гэж хэрэгт дурлахаас илүү гайхан асуув.
---Дурлачихсан юм байгаа биз.
---Юу?? За худлаа байлгүй дээ. Тэгээд хэнд?
---Нөгөө дискон дээрээс чамаас зугтаадаг 2 охины нэгд нь биз.
---Та 2 тэгээд араас нь хөөгөө юу? Шал балай юм. Харьж унтацгааяаа, хөөе
---Түрүүнээс хойш ганц ч үг амнаасаа унагаагүй Итгэл сая эргэн хараад
---Чи өөрөө харьж унтахгүй юу. Чамайг энд бариад, Жака Чи минь битгий яваач гээд байгаа хүн хэн байгаан бэ?
---Хүүе, хүүе, Хараач чи чинь ёстой дурласан Romeo болоо шивдээ. Нүд мүд чинь бүр шаналчихсан харцтай гээд тас тас хөхөрснөө хэн ч дагаж инээхгүй болохоор үсээ илээд машин руугаа алхав. Тэгээд машиндаа суухийн өмнө
---За тоглосон шүү гэхэд Итгэл бас машиндаа суугаад
---Та нар юу гэх нь хамаагүй. Би тэр охиныг л олмоор байна гээд ухасхийн давхин одлоо.


Last edited by california on Mar.31.05 10:30 am, edited 1 time in total.

Top
   
 
 Post subject:
PostPosted: Mar.06.05 12:08 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
3-r huudas
---- Жака Аянга 2 єєд єєдєєсєє хараад мєрєє хавчицгаав. Харин тэднийг Намуун цонхоороо харсаар зогслоо. Тэр єнєєдєр эмээгийндээ хонохоор иржээ. Дискон дээрээс сандран гарахдаа бугуйвчаа хаясанаа бvvр таксинаас буусан хойноо л мэджэээ. Тэгээд эмээгийнхээ єгсєн нандин бэлгийг хаясандаа харамсаx, араас нь даган давхисан залуугаас бултаж чадсандаа баярлах 2 нь зэрэгцэж билээ. Гэтэл шvршvvрт орчихоод гарч ирээд санамсаргvй хєшигний завсраар шагайтал нєгєє айхтар цоргисон харцтай нvдээрээ єєрийг нь хараад байсан єндєр залуу нь байрны гадаа ирчихсэн найзтайгаа хоюулаа айлуудын цонх руу хараад зогсож байх нь тэр.
--- "Бурхан минь, ямар сонин залуу бэ? надаар яaх гээд байгаа юм бол? ямар азаар гэртээ харилгvй эмээгийндээ ирэв ээ. хэрвээ гэртээ очсон бол манайхыг мэдэж авчихаад яах ч гээд байх юм билээ. Эмээгийн эндээс бол намайг олтлоо л єдий биз. Шєнє дунд болчоод байхад яасан явдаггvй амьтан бэ?" гэсэн юм бодон харж зогстол дахиад 2 найз нь машинтайгаа хvрээд ирэв. Бvсгvй буйдан дээр суугаад єрєєний гэрлийг унтраав. Харанхуйд юм бодож суух сайхан. Єдєр бvр заавал ганцаараа байж юм бодож бай гэсэн Далай ламын сургаалыг тэр давтах дуртай. "Юун залуу бэ? ер нь яагаад тэр дискон дээр намайг єдєх гээд байсан юм бол?" тэр утсаа авч Жавхаа руу залган дискон дээр маяглаад байсан залуучууд танай гадаа очоогvй биз гэж асуув. Тэднийх эмээгийнх нь хажуугийн байранд байдаг билээ. Шал нойрмог Жавхаа "чи нойр сэргээчихлээ. єдийд унтахгvй юугаа хийж байгаа юм бэ?" гэж vглэсээр цонхоороо хараад "хэн ч алга л байна даа. Танай гадаа тэд нар байгаа юмуу, хаашаа юм?" хэмээн уцаартай гэгч нь асуув.
-- Харин тийм. Манай гадаа 4-vvлээ байж бна. Эмээгийнхийг яаж олж ирэв ээ
-за ингэсгээд явчих байлгvй дээ.
--явах нь ч явах л байх л да. За за, чи сайхан нойрсоорой. Намуун утсаа ширээн дээр тавиад босч цонхоор харав. Нєгєє хэд ашгvй машинд хуваагдан суугаад хєдєлж байгаа харагдав. Цаг харвал шєнийн 2 цаг болчихжээ. Бvсгvй євєєгийнхєє зургийн ємнє зул асаагаад орондоо орлоо.
Харин Итгэл гэртээ хариад хоолоо хvйтнээр нь идчихээд, зочны єрєєнийхєє буйдан дээр бодолд автан vvр цайтал суужээ. Анхны харцаар дурлана гэдэгт тэр урьд нь хэзээ ч итгэдэггvй байсан нь vнэн. Тэр 21 нас хvртлээ хэд хэдэн охинтой vерхэж , дажгvй гоё охидыг уйлуулж уяраан євєртєє оруулж явсан ч, хангал зvрх нь хайр амсаагvй яваа билээ. Тvvнтэй хэдэн сараар vерхсэн, уулзаж учирдаг, амрагийн жаргал эдэлж явсан олон олон охид, хvvхнvvдээс хэн нь ч єнєєдрийн сортолзсон нvдтэй охин шиг сэтгэл зvрхийг нь донсолгож явсангvй.
Хайр гэдэг тvvний тєсєєлж байсан шиг дэмий ч эд биш, бас шvлэг зохиолд гардаг шиг, хосгvй сайхан ч мэдрэмж бас биш бололтой. Нэрийг нь хэн гэдэг юм бол? Лав л гоё нэртэй охин байгаа даа. Сонин юм даа . Би яагаад тэр охиныг мартаж чадахгvй байна аа? Заа байз маргааш гэрийнх нь тэнд очоод сураглавал олдох бол уу? Хайр майр гэдэг чинь дундад зууны юм гээд томроод байсан чинь єєрє ингээд дурлачихдаг байж ээ.
-- Тэгээд тэр охин намайг тоох бол уу? Энэ бол Итгэлийн хувьд єєрєє єєртєє эргэлзсэн анхны тохиолдол байлаа. Урьд нь тэр ямар ч охинтой танилцахдаа єєртєє итгэлтэй байж чаддаг, хараад єєрт нь таалагдсан л бол ирлээ, vзлээ, яллаа гэдэг шиг ямар ч зовлонгvй гартаа оруулаад авдаг байсан билээ. Итгэлийн эргvvлсэн ганц ч охин тvvнд татгалзаж байсан удаагvй. Эр хvнд амархан хvvхнvvд vнэгvй санагддаг болхоор Итгэл ч тэдний хэнд нь ч сэтгэл алдарч явсангvй. Єнєєдєр сайхан харагдаад, шохоорхоод, маргааш нь танилцан хоолонд ороод, хэд хоног амраглаад л тvvний хувьд бvх юм тєгсдєг байв. Тvvнийг ийнхvv бодолд автан амьдралдаа анх удаа эмэгтэй хvнээс болж харанхуй єрєєнд буйдан дээр хэвтэж байх энэ мєчид Намуун ч бас тvvний тухай бодон vvр цайлгаж байлаа.
--- Тэр ийнхvv оройтож ирэх бvрдээ ээжийгээ сэрээхгvйн тулд єлмий дээрээ гишгэн гэт сээр гэртээ ордог ч ээж нь заавал сэрчихсэн байдаг юм.


Last edited by california on Mar.31.05 10:31 am, edited 2 times in total.

Top
   
 
 Post subject:
PostPosted: Mar.06.05 12:23 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
4-r huudas
Энэ удаа ч гэсэн ээж нь унталгын хувцсан дээрээ нимгэн шөнийн халад нөмөрчихсөн зочний өрөөний үүдэнд -*Миний хүү унтахгүй яагаав? Гэчихсэн зогсож байв. –Ээж та яагаад сэрээ вэ?
-Чамайг унтаж уу гүй юу, гээд өрөөг нь шагайсан чинь ор нь хоосон байхаар нь
-Нойр хүрдэггүй ээ, та унт л даа, өглөө хар үүрээр босдог байж.
-Миний хүү хоолоо идсэн үү? -Идсээн. Гоё хуушуур байна лээ. –Одоо миний хүү орондоо очиж унт даа гэж ээж нь хүүгийнхээ дэргэд суун үсийг нь илэнгээ хэлэв. – За ээжээ. Ээж хүү 2 өрөө өрөө рүүгээ очиж ор орондоо оров. Тэр охин зүүдэнд ороосой гэж Итгэл орондоо орон бурханаас ингэж гуйх шахав. Гэвч зүүдэнд нь өнөөх охин орсонгүй харин ээж охин дүү 2тойгоо нил их нэлийсэн усан дундуур туучаад явна. Тэгснээ ойд гав ганцаараа төөрчихсөн байна гэхчлэн утга учиргүй юм зүүдлэн их л муу унтаад сэржээ. Намууны хувьд өглөө нойрноосоо их л сэргэлэн сэрэв. Эмээг нь онгоцны буудал хүргэж өгөхөөр аав ээж 2 нь хүрээд иржээ. Ээж нь гал тогооны өрөөнд цай ууж сууснаа охиноо хараад – Хүүе миний охин ээж нь үнсье хэмээн нялуурахыг бодвол өчигдрийн ажлаа бүтээн сарвайснаа авч чадсан бололтой. – За над шиг хөгшин юмыг үнсэж мүнсээд байхдаа яадгийн. Ээж зүгээр дахиж нэг жоохон хүүхэд гаргаад тэгэж нялуурахгүй юу гэлээ. – Хүүхэд том болохоороо дэмий юмаа, тийм ээ өвгөөн. – Намуун ингээд л аав ээж 2-ыгоо үгээр идээд байдаг шдээ. өнөө нохой чинь чамайг ирэхгүй болохоор шөнөжин худлаа боргоод, хаалга сахиж хононолээ гэж аав нь янзгүй хэллээ.
- Мики юу? Тэр чинь Америк яваад ирэхэд ээжийн нохой болчихсон байсан муу урвагч, худлаа тэгэж байгаа юм. Миний Чука байсан бол тэгэхгүй л дээ. Чука гэдэг нь түүний багадаа тэжээж байсан овчарка нохой. Хэдэн жилийн өмнө гудрага тусаад үхчихсэн юм. Хээ цэссс... Нохойд хүний нэр өгчихсөн болохоор ямар олиг байдаг юм, нэр нь хүнддээ биз гэж Самбуу хэлдэг юм. – Ортой л байх гэж аав нь хэллээ. Гэтэл мухрынхаа өрөөнд түнтэгнэж байсан эмээ нь орж ирэн – Алив хөдлөе, хүүхдүүд минь. Онгоцноос хоцрох нь гэсээр тэдний яриаг таслав. Эмээгээ гаргаж өгчихөөд Намуун гэрийг нь янзлахаар буцаж ирэв. Эмээгийнх нь хөрш байранд суудаг болохоор Жавхаа ч ороод ирлээ. 2 охин ч өчигдрийн залуусын тухай яриа дэлгэж байгаад санамсаргүй цонхоор хартал өнөө өндөр залуу бас л ирчихсэн тоглоомны талбайн сүүдрэвчинд байгаа хэсэг жаалуудыг шалгааж байгаа харагдав. – Хөөе, нөгөө зөдуу чинь ирчихэж, хэмээн дуу алдахад Жавхаа ч нээлттэй цонхоор хараад нүдээ бүлтийлгэн мөрөө хавчив. – Энэ одоо яах гээд энүүгээр эргэлдээд байгаа юм бол? –Чи л таалагдсан юм байгаа биз дээ. – Ямар сонин залуу вэ? Өчигдөр шөнө энэ чинь бас энд байж байж явсан шдээ.. хэмээн Намууныг хэлээд буйдан дээр суухад Жавхаа – Хөөрхий амьтан, чамд дурлачихсан ч юм билүү, юундаа маяглаад байгаан, танилцал даа, таалагдахгүй бол танилцахгүй гэнэ биз хэмээн цонхоор харан зогссоноо би өчигдөр нээх сайхан унтаж байсан чинь эд нараас болоод чи намайг сэрээчихсэн биз дээ, тэгээд миний нойр сэрчихээд баахан хэвтсэн гээч.
- Чөтгөр өө, нөгөө манай ширээнд хүрч ирээд намайг татаад байсан урт үстэй нь бас тэр гулсуурын хажууд зогсож байна гээд хажуу тийш үсрэн, хөшигний араар орсоноо эсвэл энэ залуу нь бас намайг эргээд байгаан бол уу? Би ерөөсөө гараад байдлыг нь үзчихээд ирэх үү? Гээд Намууны юу хэлэхийг ч хүлээлгүй үүд рүү гүйлээ.


Last edited by california on Mar.31.05 10:32 am, edited 1 time in total.

Top
   
 
 Post subject:
PostPosted: Mar.07.05 5:06 am 
Offline
Эрхэм Гишvvн
Эрхэм Гишvvн

Joined: Sep.10.04 11:23 am
Posts: 33
Location: usa
Жавхаа, чи байж бай л даа. Чамайг тэр 2 чинь хараад л танина. Чи юу гэж хэлэх гээд байгаа хүн бэ? Яах санаатай ч яваад байгаа юм билээ? – За яав л гэж гээд тэр углаашандаа хөлөө шургуулав. – Хоёулаа цаад хоёртой чинь муур хулгана болж тоглочихвол яаж байна? Тэр 2 чамайг хараад шууд л танилцъя энэ тэр гэнэ биз. ЧИ нэрээ хэлнэ үү, байна уу өөрөө л мэд. ХАрин намайг асуувал битгий хэлээрэй. – Мэдээж чамайг асууж л таараа шдээ. Тэгээд би улайм цайм хамт явж байсан найзынхаа нэрийг мэдэхгүй гэх юм уу? – Намайг Алтаа гэдэг. Энд ахындаа түр байсан юм. Гэр нь биш гэд л хэлчихгүй юу. Жинхэнэ гэр нь хашаанд байдаг юмаа, хөөрхий гэвэл цаадах чинь дахиж наашаа зүглэхгүй биз. – Тэгээд л хэлчихвэл наашаа зүглэхээ больчихно гэж чи яаж мэдсэн юм бэ? Ер нь би тэгэж худлаа хэлж чадахгүй ээ. Дараа нь тэр чинь үнэнийг нь мэдчихвэл би л худалч болж таарна, зүгээр. Чи юундаа тэгэж нуугаад бариад байгаа юм? – Хасараас болж хангалттай шаналлаа. Одоо энэ ч бас юу билээ дээ. Чи миний найз л юм бол тэгээд л хэлчих л дээ. Энэ чинь хэрэв манай гэрийг мэдчихвэл бүр салахгүй. Углаашаа өмсч байсан Жавхаагийн нүдэнд дүрсгүй инээмсэглэл тодорч – Хүүшээ, энэ чинь харин тэр залууг чамд дурласан юм уу, үгүй юм уу гэдгийг мэдэх гоё арга биш үү? Чамайг гэрт байдаг гэж надаас сонсоод яахыг нь үзье, тэгэх үү? Хэрэв чамд жинхэнээсээ сайн л юм бол гэр хороололд хаана байдгийг чинь бас асууна ш дээ. Тэгвэл яах юм? – Ямар яршигтай юм бэ? Би сайн танихгүй. Эмнэлэгт ажил хйидэг гэнэ лээ гээд л хэлчих. Энэ үеэр үнэндээ Намууны сэтгэлд Хасарын өөдгүй явдал бодогдоод байсан тул Жавхаагийн сэдсэн зугаатай тоглоомонд оролцох, Итгэлийг сонирхох сөхөө ч байсангүй. Намрын нар илчтэйеэ ээсэн сайхан өглөө абйлаа. Бага үд дөхөж гудамж хүн машины дуу чмээнд умбаж байлаа. Хүүхдийн тоглоомны талбайн модон сүүдрэвчэн доор суусан Жака ийш тийш залхуутай гэгч нь хараачилж байснаа Жавхааг олоод харчихлаа. Тэр найзыгаа нудран – Хараач, нөгөө өчигдрийн цэнхэр даашинзтай охин явж байна гээд үсрэн босож – Хөөе охион, юм асууя гэсээр гүйж очоод – За сайн уу? Өчигдөр найзтайгаа хоёулаа нээх мангасаас зугтаж байгаа юм шиг гүйлдээд гарсан охин мөн биз дээ? – Тэгээд яах гээд байгаа юм? – Танилцъя, болдоггүй юм уу? – Болдоггүй юм гээд бүсгүй яарч байгаа хүн болж явахаар зүтгэв. Сүүдрэвчийн доороос Итгэл ч хүрээд ирлээ. - Өчигдөр хамт явж байсан найз охинтой чинь танилцах гэсэн юм. Намайг Итгэл гэдэг. ЧИ гэрийг нь заагаад өгчих л дөө гэж тэр Жавхаагийн нүд рүү ширтэж байгаад шаардангуй хэллээ. Тэр шаардангуй дуу, нухацтай харц нь түүнийг бүүр балмагдуулчихав. – 1-рт тэр чинь миний найз биш. Зүгээр л танил охин. 2-рт тэднийх энд байдаггүй юм. Тэгэхээр та 2 энүүгээр битгий эргэлдээд бай. Жавхаа биеэ барьж чадалгүй нэгэн амьсгаагаар энэ хэдэн үгийг хэлчихээд явах гэсэн хүн болж урагшаа зүтгэв. Ер нь шалтаг л гарвал маргачих гээд байдаг нь түүний зан билээ. Итгэл түүний урдуур нь хэрж зогсоод – Тэгвэл чи танил охиныхоо нэрийг нь хэлчих л дээ гэж нөгөө л шаардангуй өнгөөрөө асуулаа. – Алтан зул гэдгийн. – Гэр нь хаана байдаг юм бэ? – Мэдэхгүй ээ, Гэр хороололд л байдаг ш дээ. Хайлаастад бил үү, Толгойтод билүү. – Тэгвэл яагаад өчигдөр энд буусан юм бэ? – Аан юу л даа. Алтаа энд айлын хүүхэд хардаг байсан юм аа. Одоогоор гэртээ харьчихсан. Ажилдаа орно л гэж байсан. Сургалтын төлбөрөө дийлдэггүй болохоор сургуулиасаа гарчихсан юм. Аа тийм, нэг хувийн эмнэлэгт асрагчаар орох гэж байгаа гэсэн. Заа би явъя хөөе. Жавхаа цүнхээ савласаар Их дэлгүүр рүү гунхлан одлоо. 2 залуу араас нь өөд өөдөөсөө харалцан мөрөө хавчаад машин руугаа алхав. Араас нь Итгэл – Хөөе, чи өөрийнхөө утсыг өгөөч гэсэн ч тэр сонсоогүй юм шиг хурдлан алга болов. Намуун тэднийг цонхоороо харсаар зогсов. Өөрийнх нь хувьд харь танихгүй ертөнц мэт санагдах тэр өндөр залуу хэн юм бол? Үнэхээр Намуунд дурлачихаад хөөцөлдөөд байгаа юм уу? Аль эсвэл аавыг нь баян гэдгийг мэдчихээд хүргэн орох гэсэн амьтан уу? Хэн мэдэх билээ? Хар багаасаа үерхсэн Хасар тийм хогийн зан гаргаж байхад дөнгөж өчигдөр дискон дээр л бараагий нь халти хасан залуугийн юунд нь итгэх билээ. Энэ бодол нь Хасараас болж зүрхийг нь базсан шархыг нь сэдрээчихэв. Хэдийгээр унан тусан дурлаагүй ч зуны бороонд норон алхаж, өвлийн цастай үдэш хөтлөлцөн гүйлдэж, 4-н жил үерхсэн Хасар нь шүү дээ. Анхны болзоо, анхны үнсэлт, анхны шөнө гээд л ер нь түүний хувьд анхны юм бүхэн нь Хасартай холбоотой. Эмэгтэй хүн дасч хайрладаг гэдэг үнэн. Ямар ч гэсэн Намуун түүнд өөрийнхөөрөө л хайртай байсан. Гэтэл өөрийнх нь хажуугаар загвар өмсөгч охинтой... Энэ тухай бодохоос л дургүй нь хүрсэн тул тэр цонхноосоо холдон буйдан дээрээ суулаа. Маргааш Хасар Бээжингээс ирнэ. Ямар нүүрээрээ өөртэй нь уулзаж яаж хуурамч зан гаргах бол? Гэж бодохоос дургүй нь хүрнэ.


Top
   
 
 Post subject:
PostPosted: Mar.07.05 5:30 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
6-r huudas
Гэхдээ нэг л юм түүнийг тайвшруулж байлаа. Хэдийгээр Хасартай олон жил үерхсэн ч тэр Намууны жинхэнэ мөрөөдлийн залуу биш юм байна гэдгийг өчигдөр л ойлгожээ. Тийм ээ, тэр Хасарт хайргүй. Тийм болохоор хэд хоног шаналаад л мартана гэсэн үг. Тэгэхээр жинхэнэ гал халуун дурлалтай хэзээ нэгэн цагт учирна шүү дээ. Харин тэр хайрын эзэн нь Намууны аавын хөрөнгөнд биш зөвхөн өөрт нь дурласан байгаасай гэж бүсгүй чин сэтгэлээсээ хүсч байлаа. Хаалганы хонх тасхийхэд тэр бондгосхийн цочив. Эмээ нь өөрөө ямагт цочин уулга алдаж суудаг хэрнээ энэ чанга дуутай дээр үеийн Орос хонхоо солих тун дургүй байдаг хүн. Энэ хуучны байр, энэ орилоо дуутай хонх, энэ том хүрэн номын шүүгээ нь бүгд өнгөрсөн амьдралынх нь гэрэл гэгээтэй дурсамж, талийгаач өвгөнтэй нь мөнхөд холбогдож байдаг болохоор тэр биз. Хонх орилуулсан хүн бол мэдээж Жавхаа байлаа. Тэр мөрнөөсөө цүнхээ мултлаад инээд алдсаар орж ирэв. Нөгөө 2 залууг яаж хуурсанаа бодохоос л инээд нь хүрээд байгаа бололтой. – Ёстой гоё юм боллоо. Тэр өндөр залууг нь Итгэл гэдэг юм байна. Чамтай таницах гээд л эргэлдээд байгаа юм гэнээ. Найзынхаа нэрийг хэлчих, гэрийг нь заагаад өгчих гээд л намайг өчнөөн хоргоолоо. Тэгэхээр нь чамайг Алтанзул гэдэг. Гэр хороололд байдаг гээд буудаж гарсан. Бас чамайг сургуулийн төлбөрөө төлж чадахгүй ажил хийдэг, хувийн эмнэлэгт ажилладаг гээд л хэлчихсэн шүү гээд тэр жингэнэтэл инээсээр ширээн дээрх цүндгэр шилтэй уснаас аяганд хийж авлаа. Түүний яриаг нэг их анзааралгүй шал өөр юм бодож суусан Намуун сая л сэхээ орж – Аан, тэгэж ярихаар чинь яаж байна? Гэж урмыг нь бодож л асуужээ. – Нөгөө урт үстэй нь сонин болоод явчихсан. Харин тэр Итгэл нь гайхаад л байна лээ. Тэр залуу чамайг үнэхээр сонирхоод байсан. Анхны харцаар дурлачихсан юм биш үү?
- Тийм юм кинон дээр л гардаг байх. – Чи анхны харцаар дурлана гэдэгт итгэдэггүй юм уу? – Үгүй ээ, Яаж хүнийг огт мэдэхгүй байж ганц хараад л дурлах юм бэ? Гэмт хэрэгтэн ч юм билүү? Аавын өрсөлдөгчийн явууллага ч юм билүү? Тийм биз дээ? - За боль доо, чи юм болгоныг тэгэж хардаж сэжиглээд байж болохгүй шдээ. Чи ямар Жэмс Бонд биш дээ. Тэр залуу жинхэнэ хайр чинь байсан бол яахийн? Би л байсан бол танилцах л байсан. Надад бол ямар тийм юм байх биш. НЭг бодлын ядуу аав ээжтэй байх сайхан ч юм уу? Даанч гэрт орохоор мөнгөний хэрүүл болж байдаг нь хогийн. 2 бүсгүйг ийн яриа дэлгэж суух үед Итгэл бодолд дарагдан жолоо барьж явлаа. – Сонин л юм даа. Тэр охин тийм боломжгүй айлын хүүхэд юм байх даа. Өчигдөр анх дискон дээр харахад тийм ч ядуу хүний шинжгүй л байсан шдээ. Ер нь ядуу байсан ч ямар хамаатай юм. Хотын бүх эмнэлгээр эрж хайж байгаад ч хамаагүй түүнийг олохдоо л олно хэмээн шийдэв. Харин дөнгөж саяхан энэ мэдээг сонсоод Жакагийн хэлсэн үг юу билээ.


Last edited by california on Mar.31.05 10:32 am, edited 1 time in total.

Top
   
 
 Post subject:
PostPosted: Mar.07.05 11:14 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
7-r huudas
За боль боль, чи хэзээ тийм дурламтгай болчихсон юм бэ? Хашааны охиноор яах гэсэн юм? Өчигдөрхөн л дурлал мурлалд итгэдэггүй гээд бүлтрээд байсан биш үү гэж билээ. Хэдийгээр найз нь үнэн үг хэлсэн боловч *Үнэн үг хэлсэн хүнд хүн өшөөтэй, үхэр унасан хүнд нохой өшөөтэй* гэгчээр – Солиор, чамд ямар хамаатай юм? Гэчихээд машиндаа суусан билээ. Уг нь тэр 2 жилдээ ганц хоёроос илүү ам муруйж байсангүй. Ялангуяа Итгэл охид хүүхнүүдээс болж ингэж найз нартаа үг хаяж байсан явдал хэзээ ч байгаагүй билээ. Жака бол өнгөн дээрээ хөнгөн, саваагүй зантай юм шиг харагддаг болохоос цаагуураа найз нараа хулхидаад байдаггүй, юмыг нухацтай боддог хүүхэд. Үүнийг ч Итгэл үнэлдэгтээ л 4,5-н жил салахгүй найзалж байгаа билээ. * Алтанзул, Алтаа чи одоо хаана явна вэ? Би чамайг олж уулзахгүй бол* залуу өврөөсөө нөгөө шүрэн бугуйвчийг гарган үзлээ. Япон хийцийн мөнгөн мэлхий түгжээтэй энэ бугуйвч эзнийхээ бүх нууцийг өөрийнхөө хэлээр хүүрнээд ч байгаа юм шиг. Гэр хорооллийн охинд мэлхий түгжээтэй шүрэн бугуйвч байх гэж үү? Тэр цочсон мөртлөө цаанаа л нэг бардам харц, тэр даруухан мөртлөө чансаатай хувцас, энэ хөөрхөн бугуйвч хайрыг нь булаасан тэр нэгэн охины тухай саяхан сонссон нь шал өөр охины дүрийг сэтгэлд нь дүрслээд байлаа. Тэр сэтгэл дотроо бугуйвчны эзнийг Янзага гэж нэрлэхээр шийдлээ. Ямар ч гэсэн түүнийг Алтаа гэдэг нэртэй баймааргүй юм шиг санагдаадбайлаа. Хэрэв энэ тухай найзууддаа хэлбэл Батбаяраас бусад нь шоолно. Ер нь ч тэр Батбаярт ч хэлэхгүй нь мэдээж л дээ. Гэтэл нь утас нь дуугарч энэ уянгын бодлыг нь сэргээчихэв. – Татварын хэлтэст очоод үйл ажиллагаагаа эхлээгүй гээд 0 тайлан гаргаад тамгалаад өгчихлөө шүү гэж байна. Татвар, тайлан, тамга. Ажил хэргийн энэ яриа түүнийг хайрын гэгээн ертөнцөөс нь хүчээр бодит хорвоо дэлхийн амьдралд буулгаад ирэв. Залуу өдөржин ажлаа хөөцөлдөж яваад орой гэртээ хариад лавлах утаснууд руу ёстой утаа гартал залгаж байгаад 30 гаруй хүвийн эмнэлгийн хаяг олж аваад унтахаар хэвтжээ.
Нэг л мэдэхэд 9 сарын 1-н болчихсон байлаа. Намуун, Итгэл 2-ыг учруулсан тэр нэгэн үдшээс хойш 10-аад хоног урсан оджээ.


Last edited by california on Mar.31.05 10:33 am, edited 1 time in total.

Top
   
 
 Post subject:
PostPosted: Mar.08.05 5:24 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
8-r huudas
Хичээл эхэлж зунжин уулзаагүй ангийнхан нь Итгэлийн санаашрангуй, томоотой болж урьдынх шигээ шинэ курсын хөөрхөн охидыг ангуучлахгүй байгаад хамгийн их гайхав. ХАрин Жака яаж тэсэх билээ. Ангийнхаа охидын тунд орчихсон Итгэлийн домогт дурлалын богинохон түүхийг нэмж хачирлан ёстой *Титаник*-ийн Роза, Жэк 2-ийнх шиг болгон өнгөтөөр яричихжээ. Тэдний ангийн охидын дунд Итгэлийг нүдээ хөхөртөл харж явдаг ч харцыг нь булаахгүйдээ сэтгэлээр унасан охин нэг биш байдаг юм хойно. Тэр дурлаад унаад байгаа охин нь хэн юм бол? Гэж хэд хоног хэл амаа билүүдээд чимээгүй болцгоосон юм. Итгэл урьд нь дандаа л мисс юм уу, загвар өмсөгчидтэй яюдаг байсан ч хэнд нь ч хайраа өгөөгүй болохоор галзуурсан дурлалын эзэн нь хэн бэ гэдэг ганцхан тэдний ангийнхан ч биш, сургууль даяар охидын ярианы сэдэв болсоор байв. Эцэст нь эрэл мухардаж зэргэлдээ ангийх нь бас нэгэн фэн охиных нь өгсөн дурласан Шэкспир гэсэн хоч л үлдэж билээ. Харин Итгэл энэ бүгдийг нь тоосон ч үгүй. Дискон дээр харц тулгаран хайраа өгсөн тормон нүдтэй охиноо бодсоор л явлаа. Ёстой л нөгөө дээр үеийн нэг зохиолын дуунд гардаг шиг *Хаана яваа болдоо тэр минь хаана яваа боол?* хэмээн дуулж, зурагт фм-ээр зарлуулах нь дутаад байв. Найзууд нь түүнийг шоолж ханажээ. Одоо түүний хувьд Аянга, Заяа 2-ын нэг бол нялуурч, нэг бол хэрэлдэх нь урьдынх шиг яршигтай биш харин ч атаархмаар харагдах болжээ. М4-ынхны хувьд хамгийн анхны том захиалгат ажил нь амжилттай байлаа. Хүнсний супермаркетын сүлжээний программаа хийсээр мань 3 хэд хэдэн шөнө нойргүй хоносных урьдчилгаандаа гайгүй мөнгө авчээ. Урьд нь бол Итгэл үүнд хамгийн их баярлах байсан. Гэтэл мөнгөө хуваагаад уламжлал ёсоор найзуудынхаа наргианд оролцох ч сонирхол төрсөнгүй. Жака – За манай *дурласан Шэкспир* өнөө орой паласын шоунд очихгүй юм биш биз дээ? Гэхэд дуугарсан ч үгүй. Урьд нь бол тэгэж хочилсонд дүрэлзтэл уурлах байсан нь мэдээж. Тэгээд очиж очиж Жака өөрийг нь хочлох юм бол зүгээр өнгөрүүлэх ч үгүй байсан юм. Одоо бол тийм юмыг тоохоо больж, түүнийг нь ч Жака ашиглан сэм сэм давраад байх болсон нь энэ. Харин Аянга энэ үеэр Заяа руугаа мэссэж бичиж дуусаад инээмсэглэн босож – Манай захирал хайртыгаа олохгүй мөн хэцүүдэж байнаа хэмээн тоглох шоглохийн хооронд долигоноод авав. Тэгээд өөртөө оногдсон мөнгөнөөсөө Заяад өгөх, өнөө оройн шоунд үрэхийгээ ялган тоолж гарав. Харин *Командо* тоглоод ухаангүй байсан Батбаяр л компьютерийн дэлгэцнээсээ түр хөндийрөн эргэж хараад – Итгэл ээ, чи Ачлал ч гэнэ үү, Ачтан ч гэнэ үү тэр эмнэлэг дээр очиж үзэв үү? Хэмээн санаа тавилаа.
Харин Намуун өнгөрсөн хэд хоногт сэтгэлийн дарамтнаасаа салсангүй. Хасар Бээжингээс ирээд өнөөх сонин дээр гарсан хов живнээс мултрах санаатай Намуунтай уулзах гэж өдөр бүр гэрт нь ирнэ. Харин бүсгүй өрөөндөө шигдчихээд гэрийн үйлчлэгчээрээ байхгүй гэж хэлүүлнэ. Тэгээд залууг явсны дараа цонхоороо харж тэсэхгүй уйлна. Ингэсээр хичээл эхэлж өдөр хоног овоо хөгжилтэй өнгөрөх болж Хасарыг ч бодох нь багасав. Гэвч 4-н жилийн үерхлийг ул мөргүй сэтгэлээсээ авч хаяхад амар байсангүй. НЭг удаа Хасарын сургууль дээр очив. Тэдний ангийнхан тарж байв. Намуун яг бие даалттай өдөр нь очиж таарчээ. Ангийн онгорхой хаалгаар тэр сэмхэн шагайлаа. Хасар сонин дээр гарсан нөгөө өндөр охинтойгоо тэврэлдэн сууж байв. Тэр охины намирсан урт задгай үсийг илэн хүзүүнд нь уруулаа нааснаа – Миний хайр яагаад анги руу ороод ирээв? – Чамайг санаад л ...- гэхдээ манай ангийнхан намайг Намуунтай үерхдэг гэж мэднэ ш дээ. – Та 2 муудалцчихсан биз дээ? – ЧИ бид 2-ийн зураг сонин монинд гарснаас болоод л жаахан тар түр хийчихсэн. Эвлэрэхгүй бол ээж мээж бөөн юм болно. - Өө, чи ямар өөдгүй амьтан бэ? Тэр Намуунаасаа больно гэж надад амлаа биз дээ? –Шууд больчихож болохгүй байнаа. Манай аавын компани тэднийхээс баахан зээл авчихсан. Бас манай ээж тэдний ээж 2 найз. Ээж намайг баян айлын охинтой суугаарай гэдэг юм. Тэрнээс биш би чамд л хайртай юм чинь.
Намуун үүнээс цааш сонсож чадсангүй... Шатаар ухаангүй юм шиг салхи татуулан уруудлаа.


Last edited by california on Mar.31.05 10:33 am, edited 1 time in total.

Top
   
 
 Post subject:
PostPosted: Mar.08.05 5:47 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
9-r huudas
Уур гомдол 2 нь цээжинд нь багтахгүй дэлбэ үсрэх гэж байгаа юм шиг л санагдана. Охин хонгор сэтгэлдээ хайрлаж явсан энэ залууг ийм адгийн амьтан гэж тэр өдий хүртэл даанч бодож явсангүй. *Юу гэнэ үү? Ааваас зээл авах гэж өөртэй нь үерхдэг байсан байх нээ? Даанч өчигдөр Хасарын ээж утасдаад худлаа манжлаад байсан юм. Намуун гэдэг хүн тэднийхний хувьд дүүрэн мөнгөтэй алтан карт юмуу, хаашаа юм...* Тэр шуугилдаж, шаагилдсан олон оюутан дундуур хага зүсэн зүтгэсээр гадаа гарч гүнзгий амьсгаа аваад машиндаа суулаа. Түлхүүрдээд араагаа залгах гэтэл гар нь чичрээд байв. Хорондоо тэр өөдгүй амьтны төлөө уйлахгүй юмсан гэж тэр шүд зууж байв. Тэгээд ухасхийн хөдлөв. Бурхан хүн бүхэнд таарсан таарсан зовлонг нь бодоод олчих юм даа. Түүн шиг зуун охины лав 99 % нь тэдний аав шиг баян аавтай байхыг мөрөөдөх биз. Гэтэл Намуунд тэр баян аав нь ингээд л зовлон авчирч байдаг. Чимэд гэдэг хүний хөрөнгийг биш өөрийг нь, Намуун гэдэг нэртэй бол нэртэй, шартай бол шартай, хэнд ч гологдохооргүй царай зүстэй, өөрийн бодолтой охинд л дурлах залуу байдаггүй юм уу? Жавхаа яг энэ үеэр мэссэж бичэв. 2 найз байнга очдог кафедаа очиж мухрын жижиг ширээнд суув. Намуун ганц аяга кофе захиалаад цонх руу ширтэн чимээгүй боллоо. Тэгснээ хоолны цэс шүүрэн авч мөөгний зутан шөл, нарийн махан хуурга захиалав. Түрүүнээс хойш найзыгаа дуугүйхэн ажиглаж суусан Жавхаа үйлчлэгчийг явангуут Намууны нүүр рүү анхааралтай ширтээд – Чи чинь юу болоо вэ? Хэзээдээ шөл мөл идэх дуртай болчихоов? Гэж асуухад – Яахав дээ, хүн өөрчлөгдөж болно биз дээ? – ЧИ Хасартай өнөөдөр уулзаа юу? Намуун шанаа тулан сууснаа толгойгоо базлан чахарсан хоолойгоор – Тааралдсан юм. Нөгөө нэг юмтайгаа тэврэлдчихсэн явж байналээ. 2 нүүртэй балиар амьтан. Жавхаа кофе уунгаа – Ер нь Хасар баян хадамтай болох гэж л чамтай үерхдэг нь үнэн байхаа гээд царай руу нь сэм харснаа – Хүүшээ нөгөө Итгэл гэдэг залуу, яагаав дээр дискон дээр явж байсан 4-ийн нэг өндөр нь... Өнөөдөр надтай тааралдаад бас чамайг асуугаад байналээ. Тэгээд чамайг нээрээ тийм ядуу айлын хүүхэд юм уу? Аль эмнэлэгт ажилладгийг нь хэлээд өгчих энэ тэр гэж шалаад л байсан. Тэр чамд ёстой дурлачихсан юм шигээ. Кофегоо ганц нэг балган хажуугийн ширээн дээрх савтай цэцгийг л хараад байна уу гэмээр гөлөрч суусан Намуун тас тас хөхөрч- Ямар амьтан хүнийг ганц хараад л дурлаж байсан юм? Тэгээд ч би ямар Синди Крофорд биш. Жавхаа чи байсан бол тэр залууд итгэх үү? Гэлээ. – Итгэнээ. Чи тэрний нүдийг харсан бол, хүүш ээ, чи аавийнхаа нөгөө найзын эмнэлэгт түр ажилд орчихооч. Тэгээд Итгэлтэй үерхээд үз л д ээ. Хорондоо Хасараас гоё залуутай үерхэхгүй юу. – Эмнэлэгт ажилд ордог нь яаж байгаан? – Юу яаж байгаан гэж? Тэрэнд чамайг эмнэлэгт ажилладаг гээд хэлчихсэн юм чинь. Чи жинхэнээсээ эмнэлэгт ажиллахгүй юу. Тэгээд Итгэлтэй үерхээд үз. Үнэхээр чамд сайн уу, үгүй юу гэдгийг нь шалгахгүй юу. – Нээрээ тэгвэл сонин ч юм уу? Ямар нэг юм хийхээр шийдсэн л бол тэр дороо хөдөлж эхэлдэг нь Намууны зан. Ээж нь ч бас тийм зантай. Харин аав нь их л удаан бодож ёстой л дотроо бодолтой, дороо суурьтай хөдөлдөг хүн билээ. Намуун ээжээсээ шийдэмгий ч гэмээр, адгуу ч гэмээр занг нь авч төржээ. Бүсгүй Хасарын тэр зэвүү хүргэм яриаг санахаар л дургүй нь хүрээд чөтгөртэй ч үерхсэн бэлэн байв. Тэгээд ч Жавхаагийн хэлснээр тэр үнэхээр өөрт нь сайн болчихсон ч юм билүү? Байз, ямархуу залуу байлаа даа, тэр Итгэл? 10-аад хоногийн өмнөх дүр зургийг тодруулах гэж тэр оролдов. Өндөр нуруу, омголон харцтай гоё нүд нь юуны түрүүнд санаанд нь бууж байлаа. Тйим ээ, өндөр залуучууд НАмуунд үргэлж таалагддаг билээ. Нээрээ түүнтэй үерхээд үзэхэд яагаад болохгүй гэж?


Last edited by california on Mar.31.05 10:33 am, edited 1 time in total.

Top
   
 
 Post subject:
PostPosted: Mar.08.05 10:55 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
10-r huudas
Намуун гэртээ харингуутаа Ачлал хувийн эмнэлгийн ерөнхий эмч хийдэг аавынхаа найз руу ярьж – Танай эмнэлэгт асрагч хйиж үзмээр байна , аавын компанид ажилласнаас илүү амьдрал ойлгох байх гэж бодсон юм. Харин та аав, ээж 2-т битгий хэлээрэй хэмээн ятгалаа. Мэдээж ийм гэгээн хүсэлд хэн татгалзах билээ. Маргаашнаас нь эхлэн НАмуун хичээл тараад л эмнэлэг рүү гүйх боллоо. Эхний үед ажил нь тийм ч амар байсангүй. Гэртээ аягаа угаахаас өөрөөр гараа усанд хүргэж үзээгүй шахам танхил амьтан резинэн бээлий хйигээд гар шазрам халуун усаар шал угаана. Тоос арчина. Ууртай хүмүүс өрөө удаан цэвэрлэлээ гэж загнана. Хамт ажилладаг хүүхнүүдтэйгээ ярих ч юм үл олдоно. Ялангуяа ажилд орсон эхний өдрөөс л шууд дайсантай болсон нь сувилагч Сараа хэмээх шингэн үстэй, нүд нь нүүрэндээ томдчихсон гэмээр харагддаг, туранхай өөнтөгч хүүхэн. Намуун эмнэлэг дээр хамгийн даруухан хувцасаа өмсдөг ч тэр анх уулзаад л түүний өмссөн зүүснийг сонжсон харцаар хөлөөс нь толгой хүртэл нь харснаа – За шинэ асрагч эхлээд 00 цэвэрлэнэ шүү гэжээ. – Намайг тасаг цэвэрлэ гэсэн ш дээ. – Тэгвэл би чамайг 00 цэвэрлэ гэж байна гэхэд нь Намуун – Би тасгийн эрхлэгчид хэлнэ гээд гараад явчихжээ. Мэдээж тасгийн эрхлэгч нь Сааа сувилагчийг дуудаж загнаа биз. Түүнээс хойш тэр хүүхэн Намууныг харахаараа тас ширвэдэг болсон билээ. Тэгээд ч Сараа түүнийг өөрөөсөө илүү гэдгийг анх уулзахдаа л мэдэрчээ. Харин Хажид гэдэг бага эмч авгай Намуунд их сайн. Өөрөө охингүй болохоор охидод хайртай гэж ярьна. Түүнд гэрээсээ авчирсан боорцогоо өгөх гэж дуудах ч юм уу, өчигдрийнхөө үзсэн солонгос киноны тухай хууч хөөрөх дуртай билээ. Намуун энэ эмнэлэгт ажиллах болсноосоо хойш л амьдрал гэдэг ихэнх хүмүүсийн хувьд ямар хатуухан боорцог байдгийг , өчүүхэн бага цалинтай, ядуу зүдүү байхын зовлонг ойлгож эхэлсэн билээ. Үргэлж мөнгөөр дутагдсан, хоосон нойтон явахын зовлон ямар байдгийг тэр урьд нь үнэхээр төсөөлдөг ч үгүй байжээ. Гэтэл өөрөө жаргалдаа ташуурсан амьтан өөхөнд ороосон бөөр мэт энхрий өсгөсөнд нь аавдаа талархах гэгчийг мэддэг ч үгүй явсандаа үнэхээр ичих болжээ. Тийм ээ, Намуун дутагдах гачигдахын зовлонг төсөөлдөг ч үгүй байсан. 50-60 мянгын цалин. Хүн чихэлдсэн автобус, муухай үнэртэй хуушуур, хямдхан хувцастай ийм хүмүүс Монголд ямар олон байдаг юм бэ? Хэмээн гайхаж билээ. Намуун ажил дээрээ ирэхээрээ гар утсаа унтраачихна. Тасагт нь гадагшаа ярьж болдоггүй битүү аппараттай ганц утас л бий. Тэгээд л ертөнцөөс тасраа. НАмуун хэдий хүртэл эмнэлэгт Алтанзул гэдэг асрагчийн дүрд тоглохоо мэдэхгүй л байв. Ямар ч гэсэн Хасараас болж шархалсан сэтгэл нь энд маш амархан тайтгарч байлаа. Бас урьд нь түүний амьдрал усны тогтуун мандал дээрх бадам цэцэг мэт нэгэн хэвийн, санаа зовох юмгүй өнгөрч байжээ. Одоо бол өдөржин шал угаагаад ядарсан ч амьдралыг шинээр харах болсондоо их л урамтай явах болсноос гадна нэг л мэдэхэд Итгэлийг боддог, хүрээд ирээсэй хэмээн сэм сэм харуулддаг болсноо өөрөө ч анзаарсангүй.
Хандаа ямар гоё гуталтай болоо вэ? – Захаас 70-аар авсан гэсэн – За байз, энэ цалин дээрээсээ ганц гутал авмаар байдаг. Утасны карт авчихаар мөнгө гуталд хүрэхгүй болох нь ээ. ЧИ найздаа 20 мянгыг зээлэхгүй юм уу? – Чамд зээлдүүлэх нь битгий хэл өөрөө хамаг өрөө дараад хоосон хоцрох нь – Баян нөхөртэй л болох юм сан. – Баян нь бидэн шиг юмыг нь тоогоо ч уу, үгүй ч үү. Ядаж байртай залуу тааралддаг бол ч ... Хувцас солих өрөөнд өглөө бүхэн л тийм яриа болно. Үдээс хойш хичээлийнхээ дараа ирээд л ажилдаа түүртэн шал угааж байгаад л алга болчихдог, юу санаж боддог, гэр орон нь хаана байдаг тухайгаа ганц ч үг цухуйлгахгүй болохоор нь хүүхнүүд түүнд нэг л хөндий хандана. Харин Отгоо гэдэг жаахан охин л Намуунд дотно ханддаг юм. Намууны ажилд орсны дараагийн долоо хоног байлаа. Аянгын найз бүсгүй Заяа ээжийнхээ шинжилгээний хариуг авах гэж яваад түүнтэй эмнэлгийн хонгилд яг мөргөлдчихлөө. Хувинтай юм барьчихсан тэр охиныг нэг л үзсэн юм шиг санагдахад Заяа түр бодосхийснээ нөгөө Итгэлийн хайгаад байсан охинийг гэнэт саналаа. Тэгээд угийн хашир зангаараа шалгахаар шийдэв. – Хүүе охион, шинжилгээний хариу хаанаас авдаг юм бэ? Гэсээр тэр хойноос нь гүйцэж очив. Нөгөө бүсгүй эргэж харав. Яг мөн. Эмнэлгийн ногоон хувцас л өмсчихсөн болохоос. Өндөр ч биш, намхан ч биш дунд зэргийн нуруутай, сортолзсон нүдтэй цагаан охин байв. – Доод давхарт 101 номероос авдаг юмаа. – Баярлалаа гээд эргэхдээ Заяа энэ охинд ямар нэгэн сэтгэл татах увидас байгааг мэдэрчээ. Манай Итгэлийг тэгэж сэтгэлээр унагачихаад мэдээ ч үгүй явдаг. Урьд нь загвар өмсөгч, бүжигчин гоё гоё охидыг бээлий шигээ л сольдог байсан Итгэл энэ охины юунд нь болсон юм болоо? Тийм ч хөөрхөн биш мөртлөө нэг л аятайхан охин юм гээч. Аймар ихэмсэг харцтай. Тэгсэн мөртлөө асрагч хийдэг. За ямар ч гэсэн өнөөдөр Итгэлд ёстой сурприз барина даа гэж бодсоор тэр шатаар урууджээ.


Last edited by california on Mar.31.05 10:34 am, edited 1 time in total.

Top
   
 
 Post subject:
PostPosted: Mar.09.05 12:42 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
11-r huudas
Намууныг эрж хувийн эмнэлгүүдээр гүйсэн энэ хэдэн хоногт Итгэл ёстой шаналж гүйцэв. Нөгөө шүрэн бугуйвчийг үргэлж халаасандаа авч явна. Эзэн нь олдохгүй л байлаа. Найз нар нь яаж ч хэлээд тоосонгүй. Эцэст нь Заяа – Чи дэндүү олон охин гомдоосны чинь шийтгэл болж дээ гэхэд ч дуугараагүй билээ. Итгэл ийнхүү дурлалын боол болсонд Жака л маш их харамсч байлаа. Хүүхэн эргүүлэхдээ хань татах хүнгүй болсон болохоор тэр. Урьд нь бол тэр 2 хамт л явах юм бол хажуу хавиргаараа өнгөрсөн гоё охидод нүд унагавал найралгүй өнгөрдөггүйсэн. Харин Итгэлийн ийнхүү хүмүүжсэнд хамгийн их баярласан хүн бол Заяа билээ. Бүсгүй эхлээд Итгэлийг хүүхэн эргүүлэхээ болиод хайртыг нь уруу татчих вий гэж айх юмгүй болсонд баярласандаа инээд нь хүрээд л сууж байсан юм. Гэвч сүүлдээ Итгэлд тэр охиныг нь олоход туслах юмсан гэж үнэн сэтгэлээсээ бодох болсон билээ. Гэтэл найзынх нь нөгөө өдрийн бодол шөнийн зүүд болсон охин ингээд явж байдаг. Гэвч хашир нь дээрээ. Заяа жижүүр сувилагчаас лавлаж байж Алтанзул гэдэг сувилагч энд ажилладагийг лавтай мэдэж аваад эмнэлгээс сэтгэл тэнэгэр гарч одлоо. Итгэл нэгэн сонинд компъютер дуудлагаар засна гэсэн зар өгснөөсөө болж татварын байцаагчид дуудагджээ. Ширээгээрээ дүүрэн цаас хөглөрүүлсэн муухай ааштай хүүхэн сууж байв. Байцаагч гэдгийг хүн байцаахийн нэр гээд шууд утгаар нь ойлгочихсон бололтой. Залууг хөлөөс нь толгой хүртэл ширтсэнээ – Миний дүү оюутан хүн татвар төлдөггүй гээд ойлгочихсон юм биш биз дээ? Гэснээ дуу нь албархуу ширүүн болж – Та нар үйл ажиллагаагаа эхлээгүй гээд байсан. Данс руу чинь мөнгө орсон байна лээ. Өнөөдөр энэ сонинд зар гарчихсан байна. Төрөх нь үнэн, татвар хураалгах нь үнэн гэж дуулсан уу? Балансаа гаргаад ирээрэй. Тэгэхгүй бол өөрөөр ярина шүү хэмээн тачигнав. Тэр хэл амтай айхтар байцаагчийн өмнөөс А гэж дугарч ч амжсангүй гарч ирээд хөлсөө арчсанаа дансанд бас юун хөдөлгөөн орчихов оо? Хэмээн гайхав. Утсаа авах гээд энгэрээ тэмтрэхэд нь нөгөө шүрэн бугуйвч гарт нь өртжээ. Тэр бугуйвчийг гарган гартаа атгаж зогсохдоо сэтгэл нь үүлтэй тэнгэр онгойх шиг гэнэтхэн цэлмээд явчихлаа. Урьд нь бурхан шашин, ямар нэгэн сүсэг бишрэлийн тухай ярих нь гарахад хөх инээд нь хүрдэг байсан Итгэл одоо энэ бугуйвчтай ярих нь халаг болж сэтгэл санаа тайвшруулж, ажил үйлс бүтээдэг ид шидтэйд нь эргэлзэхээ больсон билээ. Бугуйвчийг харах бүрд эзнийх нь нөгөө л харц усных шиг мэлтэлзсэн нүд санаанд нь орж тэр хайрын цэнхэр ертөнцөд оччихдог билээ. Гэтэл гэнэт утас нь дуугарахад утасныхаа клипээ харвал дүү охин нь залгаж байна. Энэ Навчаа одоо яах гээд дандаа над руу дохиж байдаг байнаа хэмээн төвөгшөөн үглэсээр эргэж залгавал – Ах аа, Сэни гэнэ үү хэн гэнэ бэ? Тийм хүүхэн таньдаг юм уу? Над руу баахан мэссэж явуулаад ахтайгаа яриулаад өгөөч ч гэх шиг. Гэр рүү ч дандаа залгаж байх юм. Ямар яршигтай юм бэ? Хэмээн дуржигануулав. Тэгснээ – би тэгэхээр нь ёстой горьдвоо. Чам шиг хүүхнүүдийг манай ах тоодоггүй гээд мэссэж явуулчихсан. Зөв биз дээ? Хүүшээ, ахаа миний нэгж дуусчихлаа. Одоо би ажил дээр чинь очоод картны мөнгө авчихъя тэгэх үү? Хэмээн панаалдлаа. Итгэл зальтай амьтан гээд за за өөрийгөө Сэни гээд байдаг өнөөх нойтон хамуу шиг хүүхнийг бодохоос дургүй нь хүрэв. Тэр бол сарын өмнө Жакатай жуулчны бааз явж байгаад танилцсан бүсгүй. Ээжийнхээ найзын бааз дээр гар компъютерийг нь засахаар залагдаж очсон 2 ажлаа хийчихээд шөнө нь говийн тэнгэрт гялалзах саатай хоргой шиг хээнцэр тодхон оддыг шохоорхон хэвтэж байтал- Гал байна уу? 2-оо гэсээр нэг бүсгүй дөхөж ирсэн нь Сэлэнгэ байсан юм. Богинохон шорт, бариуй майк өмссөн, урт хөлтэй өндөр нуруутай Сэлэнгээ эль хуль жуулчны бааз дээр ёстой согоо гэхээс аргагүй байснаас гадна ойр хавьд нь бүсгүй шингэн дуут харагдахгүйд уйтгарлаж хэвтсэн мань 2-т ийм бүсгүйтэй танилцсан нь бөөн аз байлаа. Гал байна уу? Гэдэг ч эрчүүдийг өөрөө өддөг хүүхнүүдийн дэндүү улиг болсон арга байсан ч тэр 2 чихэр харсан нусгай жаалууд шиг халаас руугаа зэрэг гараа явуулж билээ. Мэдээж тэр шөнө мань 3 говийн тэнгэрт гялалзах тодхон, гоёхон оддыг удаан шохоорхсон ч гүй. 2 залуугийн компьютер засаад олсон мөнгө нь тэр чигээрээ ч эргээд эзнийхээ санд орж билээ. Харин дараа нь Сэлэнгээ гуйлгаж барьсан ч үгүй, Итгэлийн өвөрт шурган орсонсон. Монгол бүсгүй гэхэд Холливудын шаргал үст, урт хөлт хүүхнүүдээс дутахгүй гоолиг биетэй тэр хүүхэн өөрийгөө Сэни гэж дуудуулах, хэтэвч зузаантай эрчүүдийг сэгсрэх, ууж наргиад л, бодож санах юмгүй хөнгөхөн амьдрах нүгэлгүй дуртай, бас хааяахан жижиг шоунд загвар өмсчихдөг, хамгийн гол нь таалагдсан эрийнхээ өвөрт эрээлж цээрлэх юмгүй шуудхан гулсаад орчихдогийг нь Итгэл танилцсан шөнөө л мэдсэн ч сурсан зангаараа хагас сар үерхсэн юм. Хэдийгээр Сэлэнгээ түүнээс салах бодолгүй байсан ч Итгэлийн хувьд тэр муужгайтай түүнээс илүү удаан зууралдах сонирхол төрөөгүй юм. Хамгийн сүүлд хамт хоноод өглөө нь яаж өөрөөс нь төвөг багатайхан шиг салдаг билээ гэж бодож хэвтэхэд нь тэр муур мэт суганд нь шигдэн хоёулаа маргааш уулзах юм уу? Хэмээн нялуурахад амнаас нь ханхийсэн тамхины үнэрт дургүй нь хүрсэн Итгэл нөгөөдөр нөгөөдөр гэж хэлээд л тэр чигээрээ бултчихжээ.


Last edited by california on Mar.31.05 10:34 am, edited 1 time in total.

Top
   
 
 Post subject:
PostPosted: Mar.09.05 1:36 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
12-r huudas
Тэр өдрөөс хойш Сэни залуу руу залхтал залгасан ч Итгэл ганц ч хариу өгсөнгүй. Дараа нь хувь тавилан түүнийг үйлийн үрт дурлалтай нь учруулснаас хойш бол мэдээж Сэниг ор тас мартсан билээ. Тэр татварын хэлтсийн шатаар уруудахдаа ядаж байхад бас юун Сэни мэни вэ? Хэмээн бухимдсаар машиндаа оров. Түүнийг галзуу юм шиг давхисаар жижигхэн өрөөндөө очтол Батбаяр, Жака 2 нь хуучин компьютертэй ноцолдчихсон дүү нь утасныхаа тоглоомоор зугаацаж суулаа. Буланд байдаг ширээндээ суугаад л урьдынх шигээ овоорсон бичиг цаасийг нь зайчилсан ч үгүй шуудхан Аянга хаачваа, татвар матвараас дуудаад байхад алга болчих юм гээд хэтэвчээ гарган дүүдээ мөнгө гаргаж өгөв. Охин ч манай ах ийм сайн гэсээр гарч одлоо. Жака засч байсан компьютерийнхээ цаанаас цухуйн доогтой хараад – Манай захирал яасан ууртай байхийн? Тэгээд татварын байцаагч юу гэж байна? Хэмээн хэрэгт дурлахад Батбаяр хийж байгаа юмнаасаа харц салгалгүйгээр – Чи данснаас мөнгө авах гэж байгаагаа Итгэлд хэлээгүй юм биш биз дээ? Аягүй бол тэгээд л татвараас дуудаа биз хэмээхэд Жака браьж байсан дискээ унаган толгойгоо барьж – Ээжийг гуйгаад байхаар нь компаны дансыг өгчихсөн юм байна ш дээ. Таг мартчихаж. Тэгээд мөнгө орчихсон байна уу? Би чамд хэлэх гэж байгаад мартчихжээ хэмээн гаслав. Сая л ширээн дээрхи эмх замбараагүй цаасыг анзаарсан Итгэл түргэн түргэн нэг тийш нь овоолох зуур – Дансанд хөдөлгөөн оруулахгүй байсан бол татвараас дуудахгүй ганц улирал болох байсан юм. Чамаас болж байгаа юм, чи өөрөө учрыг нь олоорой гээд тооны машин шүүрч авлаа. Гаднаас Аянга, Заяа 2 ч ороод ирлээ. Аянга цүнхээ Итгэлийн ширээн дээр шидээд – Хэн дансанд мөнгө хийсэн бэ? Одоо татвараас.. гэж хэлж дуусаагүй байхад Заяа – Хүүш ээ, Итгэл ээ Чи аан гээд уун гэж бай. Татвар матвар ёстой сонин биш байна. Би чамд жинхэнэ сурприз барих гэж байна гээд учиртайхан инээмсэглэж Итгэлийн өмнө очиж – Хайртыг чинь олоод өгвөл намайг юугаар шагнах вэ? Гэлээ. Итгэлийн харцанд найдварын гэрэл асаж – Дуртай юмыг чинь өгье. Нээрээ чи тэр охинтой тааралдсан юм уу? Эсвэл худлаа яриад байгаа юм уу? Гээд босоод ирэв. Аянга хажуунаас нь – Чи эхлээд Заяаг юугаар шагнахаа хэл. Юм баталгаатай нь дээр гэхэд Батбаяр ёжтой инээмсэглэн – Наад Аянга чинь аягүй бол Заяатай чамайг гэрээ хий гэх нь шивдээ, бушуухан нэг юм амлаж байгаад хэлүүлчихдэг байгаа гэлээ. Итгэл ч нүд нь сэргэчихсэн – За Заяа тэгээд чи юу авах юм бэ? – Үнэртэй ус гээд Заяа тас тас хөхрөн - - Би чамд тэгвэл янзын гоё Босс авч өгье – Үгүй ээ, Christian Dior л гоё. – За за тэгье ээ, тэр эмнэлгийг нь бушуухан хэлээд өгчих гээд Итгэлийг Заяагийн мөрөөр тэврэн дотночилоход Заяа – Тоголсон юмаа. Чамаас юу гэж үнэртэй ус мус авч байх юм. Тэр охин чинь Ачлал эмнэлэгт ажилладаг юм билээ. Асрагч гэсэн. Би өнөөдөр ээжийн шинжилгээний хариуг авах гэж яваад тааралдсан. Яг мөн л байна лээ. Чамайг хүүхэн эргүүлэхдээ манай Аянгыг уруу татахаа больсоныг бодохоор харин би л чамайг шагнамаар байна гэлээ. Татварын тайлангийн хүснэгт шагайж суусан Аянга – Заяа ямар тэнэг юм бэ? Хүн юм авч өгье гэж байхад Итгэл ээ, Заяа өөрөө хэрэггүй гэсэн ч чи нэгэнт эмэгтэй хүнд амалсан юм чинь тэр үнэртэй усыг нь авч өгөөрэй. Хэдэн мянган төгрөг хэмнэгдчихлээ надад сайхан л байна гэж хэлэхээ мартсангүй. Тэгэхэд нь Заяа - Өөдгүй амьтан чинь чи надад үнэртэй ус авч өгөхөөсөө нарийлаад байгаа юм уу хаашаа юм? Хэмээн хэрэлдэж эхлэхэд Итгэл машинийхаа түлхүүрийг шүүрч аваад үгийн солиогүй ухасхийн гарахад үнэнчээрээ Батбаяр хойноос нь хүрмээ сугавчлан гарлаа. Ажил тарах дөхөж, бараг алхам бүрд зам бөглөрөх нь залуугийн яарсан сэтгэлээр даажин хийх шиг...


Last edited by california on Mar.31.05 10:34 am, edited 1 time in total.

Top
   
 
 Post subject:
PostPosted: Mar.10.05 2:23 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
13-r buleg
Тэгэж бөглөрөн зогсч байхдаа Итгэл – Баагий, мань нь та нарт шал тэнэг харагдаж байгаа байхдаа , чи яг үнэнийг нь хэлээч гэж зуур зам товчлох санаатай хашлага даван харайлгав. Гэтэл тээр тэнд замын нөгөө талд халуунд нозоорон зогссон цагдаа яг энэ мөчид шүгэл тачигнуулан хүрээд ирлээ. – Хүлээж л байхгүй, ингэж байгаа хүн чинь тэнэг харагдахгүй ядаг юм гэж Батбяар үглэв. Энэ бол түүний хувьд дээд зэргээр бухимдсаны илрэл билээ. Ингээд мань 2 торгуулчихав. Ийн мунгинасаар эмнэлэг дээр очиход нь өнөө мөрөөдлийн бүсгүй нь аль хэдийн тараад явчихсан байсанд Итгэл золтой л уйлсангүй. Ядаж байхад өнөө жуулчны бааз дээр танилцсан Сэни утасдсанд Итгэл - Итгэл утсаа сольчихсон. Битгий утастаад бай, мэдэв үү гээд машиндаа сууж хаазаа гишгэлээ.
Энэ өдөр Итгэлийн хувьд хайртай бүсгүйнхээ сургийг гаргаж баярласан ч ам мөлтөс зөрж, бас татварын байцаагчид дуудагдан уураа барсан сонин өдөр болж өнгөрөв. Тэр 2-ийг урам муутайхан буцаж явтал Аянга залгалаа. – Итгэл ээ, манай данс руу энэ Жака гэдэг юм чинь 560 мянган төгрөг оруулчихсан байнашдээ. Одоо ирэх сард тайлангаа татварт гаргаж өгөх боллоо. – Тэгээд хэдэн төгрөгний татвар төлнө гэсэн үг вэ? – Энэ 560-аас 10% нь гэж үзэхэд 56 мянга, тэгээд нэгэнт үйл ажиллагаа эхэлчихсэн гэж үзээд бид 4-ын цалингаас хүн амын орлогын 10% төлнө. – За за больё, намайг машин барьж явахад муу мэдээ дуулгаж байхаа болиоч гээд Итгэл утсаа хажуу тийш нь шидчихлээ.
Харин Намуун ажлаа тараад эмээгийндээ очлоо. Ажилдаа орсноосоо хойш тэр эмээгийндээ байгаа билээ. Тэр аав ээж 2-тоо ажил хийж байгаагаа хэлэлгүй тас нуужээ. Түүнийг ороход өдрийн сонин гарчиглан суусан эмээ нь – Миний охин тараад ирэв үү? Эмээ нь будаатай цай чанасан , суу даа гээд гал тогооныхоо өрөө рүү оров. Намууныг гараа угаагаад ирэхэд эмээ нь цай аягалчихсан сууж байснаа – Охин минь, царай чинь ядрангуй харагдана. Хичээлээ л сайн хийхгүй ажилд орох хэрэг байсан юм уу даа? Эмээ нь чамтай хуйвалдсанаараа дараа нь хэрэгт орохвийдээ. Ээж чинь өдөр утасдаад л байна лээ. Чамайг өдөр утсаа салгачихдаг боллоо. Ээж та Намууны юу хийгээд явааг мэдэж байгаа юм уу энээ тэр гээд л байналээ. Сэжиг авчихсан байж магадгүй шүү. Охин минь ээждээ үнэнээ хэлчихгүй юм уу? Эмээ нь зээ охиныхоо нүд рүү нэг талаар хуйвалдагчийн, нөгөө талаар үнэнээ хэлчихээч гэж гуйсан харцаар харан байж хэлэв. – Эмээ, ингээд хуйвалдсан шиг хуйвалдчихаж чадахгүй нууц алдах гээд байдаг шдээ гэж бүсгүйг тунирхуу хэлэхэд эмгэн инээмсэглэн өөрийнхөө аяганд цай хийнгээ – Энэ хөгшин толгой худлаа хэлж сурахгүй юм аа, хүүе хүүхээ эмээгийнхээ өгсөн бугуйвчийг яагаад зүүж харагдахаа болио вэ? Дүнчүүр маани уишсан эрхний үлдэгдэл миний охинд сайн л байх учиртай гээд гар руу нь харжээ. Баларсаан гэж Намуун бодоод – Ажил хийж байгаад хаячих байх гэж бодоод л гэсэнээ яриаг нь дүйвүүлэн – Эмээ, та манайд очоод бид 3-тай байж болдоггүй юм уу? Хасаа эгчийнхийг бодвол манайх хамаагүй зайтай юм чинь, танийг ганцаараа болохоор би санаа зовоод байх юм. Тэгээд дандаа таньтай байгаал байхаа ээж, аав 2 бас гомдчих юм. Ээж зүгээр ядаж 2 хүүхэд гаргачихгүй...- Танайх ч үнэхээр сайхан том байшинтай л даа гэснээ эмгэн санаа алдан цайгаа тавьж – Гэхдээ миний хүү, хар гэртээ хаан, бор гэртээ богд гэдэг. Өвгөн бид 2 энэ байранд насаа элээсэн. Талийгаачаас хойш ганцаараа ч гэсэн өөрийн гэсэн гэр орондоо дураараа байх нь эмээд нь сайхан байдаг юм. Ээж чинь хүргэн ч бас намайг хамт байя гэдэг. Яхав, эмээ нь танагаа тасраагүй дээр гэртээ л байя. Энэ гадаа өвөөгийн чинь тарьсан мод хүртэл байж байна. Тэрийг нь би л услах юм хэмээн хуучилснаа гэнэт ухаан орсон мэт аяганд нь дахин цай аягалж толгойг нь илжээ. Намууны ээж Наран энэ яриаг дуулбал * Ээж зөнөж байна. Өвгөний тарьсан мод ч гэх шиг. Аавын чинь өөрөө авчирсан хонх гээд энэ аймар орос хонхоо ч солихгүй. Бас элэг муутай хүн хуурсан хйарсан тостой юм идэж болохгүй гээд байхад будаатай цай уугаад л . Үгэнд ерөөсөө орохгүй юм. * гээд л үглэх байсан билээ. Үнэндээ эмээгийн нь элэг муутай болохоор будаатай цай чанаж уухийг эмч тас хориглосон ч ийнхүү сэм сэмхэн чанаж уудаг хэвээрээ. Түүнийг нь Намуун болиулахын оронд хуваагаад л уучихна. Хариуд нь эмгэн зээ охиныхоо элдэв нууцыг хадгалах үүрэг хүлээнэ.
Бүсгүй өрөөндөө нэг мэдэхэд Итгэлийн тухай бодчихсон хэвтэж байлаа. Уг нь ааvынхаа зөвлөсноор банк-нд дадлага хийж байх ёстой хүн ингээд эмнэлэгт худлаа нэрээр асрагч хийгээд ээж, ааваасаа бүх үнэнээ нуудаг нь юу билээ? Арай тэр залууд сайн болчихсон юм биш биз дээ?тэгээд л түүнтэй танилцах гээд тэр эмнэлэгт асрагч хийж жүжиглээд түүнийг ирэхийг сэтгэлдээ харуулдаад... за за больё шал тэнэг юм. Ер нь хэд хоногоос ажлаасаа гардаг ч юм бил үү?харин хайран бугуйвч Жавхаагаас л болж байгаа юм гэж элдвийг хаман бодож хэвтсэн чинь өвөөгийнх нь өнөө орилоо хонх тасхийн бодол нь тасарчихлаа. Эмээтэй нь мэндэлж байгаа дуу Жавхаа мөөн.


Last edited by california on Mar.31.05 10:35 am, edited 1 time in total.

Top
   
 
 Post subject:
PostPosted: Mar.10.05 5:55 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
14-r buleg
- Алтаа, юу хийж байна гэсээр тэр инээчихсэн орж ирэв. - яахав дээ. Пушкиний *тариачин авхай* болох гэж үйлээ үзэж байна. чи бид 2 шал тэнэг юм хийчихсэн ч юм шиг. ээж гайхаад л байгаа. би ч худлаа хэлэхээс залхаж гүйцлээ зүгээр. - Нараа эгч чамайг эмнэлэгт асрагч хийж байхийг харах юм бол шууд ухаан алдаад унана даа гээд Жавхаа тас тас инээснээ буйдангийн хажууд тавиастай хөгжим рүү ухасхийн долгионийг нь тааруулах зуураа - сонин ихтэй. одоо сонс доо гээд ФМ-ийн хотлогч залуугийн ялдамхан мөртлөө нялуун мэндчилгээ хөвөрлөө - за энэ биш, одоо яг гэж Жавхаа үглэн долгионийг нь солино. *Хамгаас хайрт, олноос онцгой хөөрхөн найз бүсгүй Намуундаа намайгаа уучлаач, би чинийхээ наргүй өдрийн нар нь, саргүй шөнийн сар нь болж явъя* гээд Х гэдэг нэгэн залуугаас цаг тутамд *намайг битгий уучил* дуугаар мэндчилгээ хургэж байна гэх нь тэр.. Хасар Намуунийг зүгээр орхихийг хүсэхгүй байгаа бололтой. Намууний дургүй хүрч хөгжмийнхөө товчлуурийг таг хийтэл нь дарлаа..
Жаьхаа найзийнхаа дургүйцлийг мартагнуулах санаатай - за тэгээд ажил хийх ямар байна даа? Нөгөө ууртай сувилагч чамайг хорлож байна уу? гэхэд - яахав дээ, аймаар хэцүү юм аа. Энэ сараа дуусгаад больё гэж бодож байна. Бодоод байсан чинь би одоо тэр нэг юмтай / Итгэлийг хэлж байгаа бололтой/ танилцах гээд л аягүй баярлачихсан тэнд асрагч хийгээд байгаа юмуу хаашаа юм. - за яадаг юм бэ, Хасараас сайхан залуутай яваад шээсийг нь гоожуулах хэрэгтэй ш дээ. тийм биз дээ? цаадах чинь өнөө маргаашгүй л чамайг олоод очно харж л байгаарай. Надад тийм залуу дурладаг ч болоосой. За за больё, найздаа атаархсан болох нь. Чи надад энэ сэтгүүлийн материалийг орчуулаад өгөөч - Алив үзье, хэзээ хэрэгтэй юм бэ? - Маргааш найз нь эдийн засаг дээр рефераттай. - Чи дандаа цагийг нь тулгаж байх юм
- чи мундаг юм чинь ганцхан цагт л орчуулчихна даа...
Жавхаа нэгэн хувийн дээд сургуульд дэзайн загвар зохион бүтээгчийн мэргэжлээр сурдаг билээ. Тэр таараар нэхсэн чамин цүнхнээсээ "Far eastern economic review" сэтгүүлийн нэг дугаар гарган сарвайлаа. Тэр Намууний занг дэндүү сайн мэднэ. Намуун өөрөөс нь мөнгө зээлдүүлэхийг гуйсан хүүхдуудэд маш их уурлан *би ямар бнак юмуу* гэдгийг нь мэддэг болохоороо үе үе иймэрхүү тусламж гуйчихна. Намуун сэтгүүлийг аvв зүүн өмнөд Азийн эдийн засгийн сэргэлтийн тухай өгүүллийг гүйлгэн хараад - Хүнд хүнд үгтэй л юм байна. За яйхав, би орой л суухаас. Хариуд нь чи надтай хамт бассэйн явна даа гээд залхинаар инээлээ. Энэ үеэр Намууний гар утас дуугарав. Харвал ээж нь дугаар нь гардаггүй утаснаас залгаж байлаа. - За баларсаан. Ээж намайг сэжиглэж байгаа юм гэсээр Намуун утсаа авлаа. Ээж нь миний охин юу хийж байна хэмээн өнгөн дээрээ их л зөөлөн дуугарсан ч цаанаа нилээд шүд зууж байгаа бололтой. Тэр охинтойгоо харилцахдаа дандаа 2-дмол ааш гаргана. Нэг талаар угийн хатуу зан нь илрэн Намуунийг тас барих гээд байдаг мөртлөө, нөгөө талаар хорвоо дээр төрүүлсэн ганц үр гэсэн халуун хайраа дийлдэггүй юм. Тийм зан нь хөдлөхөөрөө гадаад яваад ирэхдээ нэртэй том том фирмийн үнэтэй хувцаснуудийг бөөн бөөнөөр нь авчирч өгнө.Тэгснээ л гарч орохийг нь цагдаад л сар бүр картанд нь хийж өгдөг мөнгөө багасгаад, юунд зарцуулснийг нь байцааж багахан галзуураарай гэж байгаад загнаж гарна. Намуун харин ажилд орсон энэ хэдхэн хоногт картнаасаа ганц ч төгрөг авсангүй. Тэр мөнгөний үнэ цэнийг урьдийнхаасаа илүү ойлгодог болжээ. Түүний нэг л орой найзуудтайгаа үрчихдэг мөнгийг бусад хүмүүс бүтэн сар шал угааж, ээлжинд гарч байж олдгийг мэдэх болсон юм чинь. - Ээж би Жавхаатай хамт бассэйнд орох л гэж байна. - Утсаа яагаад салгачихаад байна? – Юу, манайх сэминартай байсан юм. - За боль боль. Би Оргилийг явуулсан чинь танай анги тарчихсан л байх чинь билээ. Хэрэг бишдээд ирэв. Намуун найз руугаа нүд ирмээд – Ээж ээ, 2-уулаа орой тухтай ярья тэгэх үү? Та битгий бухимд л даа, ядарчихна. Би орой хариад танд мөөгтэй хуурга хийгээд тавьчихнаа. Ээж нь энэ үгэнд нэлээд зөөлрөв бололтой. Инээд алдаад - Эмээгийндээ бүгчихээд л юу л хийгээд байна даа.


Last edited by california on Mar.31.05 10:35 am, edited 1 time in total.

Top
   
 
 Post subject:
PostPosted: Mar.10.05 11:26 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
15-r buleg
Санаа зовоочих юм. 5-6 настай байхдаа л ямар сайхан байсан юм бэ? Элдэв хэл ам татлахгүй. За орой гэртээ ирээрэй гээд утсаа тавьлаа. Намуун бүр багаасаа ээжийнхээ дуртай мөөгтэй хуургийг янзын сайхан хийдэг юм. Цонхоор харахад Богд уулийн мод шав шарлаад нэг л уйтгартай. Эмээгийнх нь байрны урдахь хөгшин улиас том том шар навчаар уйлж байна уу даа гэмээр харагдана. Намуун хөнгөн санаа алдаад цонхноосоо холдов. Тэр 2 Намууний 2 хаалгатай машинд суун хөдлөв. Жавхаа машинд суух зууртаа хэдэн том навч түүчихжээ. - 2-уулаа маргааш парк орж навч түүнэ шүү. Би дан навчаар чимэглэсэн нэг авангард загвар хийх гэж байгаа юм. Харин нэр олдоггуй ээ. Ээждээ худлаа хэлээд тэр дороо ёстой л газар дээрээ баригдсандаа сэтгэл нь шаналсаар явсан Намуун найзийнхаа навч түүснийг анзаарсан ч үгүй. Тэр сая л Жавхаагийн гар дахь навчийг харж - Тийм үү, сайхан л санаа байна. Даанч би ажилтай ш дээ... - Өө тийм, мартчихаж.
Тэр 2 багадаа 2-уулаа зургийн дугуйланд явдаг байж билээ. Тэдний ангид зургийн хичээл заадаг Ганаа гэж залуухан багш мань 2 охинийг зурганд дуртай болгочихсон юм. Ялангуяа Намуунийг дугуйлангийнх нь багш ч, Ганаа багш нь ч *гартаа хоосонгүй, өнгөнд нүдтэй* гэж магтдаг байсан тул зураач болохийг мөрөөддөг хүүхэд байсан юм. Даанч ээж нь эрс дургүйцэн 8-р ангиас нь эхлээд дугуйлангаас нь гаргачихаж билээ. Ээжийнх нь боддогоор зураач нар бүгд дампуу, бас мангар улс. Энд тэнд уншсан, сонссоноосоо өөртөө хэрэгтэйг нь марталгүй үлдээж чаддаг ээж нь Орост сурч байхдаа Гойя, Ван Гог гээд лав 2 зураач галзуурсан юм гэнэ лээ гэж тогтоожээ. Түүнийхээр бол охин нь элдэв хачин хувцас өмссөн бийр будаг үүрч явдаг зураач лав болох ёсгүй бөгөөд өөртэй нь адилхан эдийн засагч эсвэл бараа судлаач байх ёстой. Одоо Намуунд Шишкин, Пэпинний зургийн албум, хатсан гуаш л үлдсэн. Гэхдээ үе үе уйтгартай байхдаа ганц нэг таталбар хийчихдэг нь хэвээрээ. Харин Жавхаа нь дугуйландаа явсаар хувцас загварийн ангид орсон. Өөрөө ч урьд нь зураг сонирхож явсан болохоор Намуун найзийнхаа элдэв загвар зохиоход нь туслах дуртай.
Тэр шөнө Итгэл нойргүй хоножээ. Сарын турш сэтгэлд нь уяатай байж, анхны хайрын гэгээн тамлалыг амсуулсан тэр охинтой маргааш уулзана гэхээс л цурам хийсэнгүй. Шөнийн 3 хүртэл хөл бөмбөг үзэж суугаад орондоо орсон ч эргэж хөрвөөсоор өглөө 6 болгочихов. Өглөө яагаа ч үгүй босоод хувцасны шүүгээгээ ухаж гарахад нь ээж нь шагайлаа. Уг нь нойронд янзын сайн хүү нь ойрд ийнхүү яагаа ч үгүй босчихдог болсонд ээж нь нэлээд гайхаж байлаа. Нэг бодлын өглөө бүр татуулж чангаалган бараг л ус цацуулах шахаж байж арай гэж босдог хүн ингэж хүмүүжсэнд баярламаар ч , найз охинтой болж, нэг л өдөр авгай авна гэх вий гэхээс санаа зовмоор.
Тэр нь ямаршуу айлын хүүхэд байгаа бол доо? Нөгөө загвар магвар өмсдөг айхтар охидуудын нэг байвал яанаа гээд ээжийнх нь санаа зовохгүй юм гэж үгүй... - Миний хүү настай эмээ шиг өглөө яагаа ч үгүй босчихдог болоо юу?
- Би өглөө эрт жаахан юм хийх санаатай гээд Итгэл янз бүрийн цамц гарган үзсээр зогсов. - За за, ганган хүний үхэл хавар намартаа гэгчээр дулаахан л явж үзээрэй гээд хаалгыг нь зөөлхөн хаагаад охиноо сэрээхээр нөгөө өрөө рүүгээ орохдоо *яг л нэг охинтой болсноос зайлахгүй, дүүгээс нь асуувал мэдэх бол уу* гэсэн бодол орж ирэв. Гэвч нойрмог нүдэлсэн охин нь ахынхаа найзын тухай юу ч мэдэхгүй байлаа. Итгэл ч ээжийнхээ хэрэгт дуртай зан хөдөлснийг анзаарсан ч үгүй. Дүүгээ өрөөндоо дуудан - Ах нь өнөөдөр нэг охинтой уулзах юм. Яаж хувцаслах бэ? хэмээн асуув. Охин дүү нь - Ааа, ах найз охинтой болчихож. Тэгээд хөөрхөн юмуу? хэмээн хэрэгт дурлахад - За за ээжид битгий хэлээрэй дээ, хурдхан шиг нэг цамц сонгоод өг хэмээн шавдуулав. Гэвч охин дүүгийнх нь сонгож өгсөн цамц нэг л сэтгэлд нь таалагдсангүй тул өөртөө таалагдсан нэг улаан цамц гарган өмсөөд тольдож тольдож гэрээсээ гарчээ. Өглөө гэрээсээ гарахаасаа эхлээд л тэр охинтой уулзаад юу гэж хэлэхээ бодсоор явжээ. Урьд нь хүүхнүүдтэй үг хэлээ ололцож ядах юмгүй л байсан санагдах боловч одоо тэр бүсгүйтэй уулзаад яриагаа яаж эхлэхээ бодоод бодоод олсонгүй. Сайн байна уу, би бугуйвчийг чинь өгөх гэсэн юм. Үгүй ээ, сайн байна уу, намайг Итгэл гэдэг, 2-уулаа танилцъя. Үгүй ээ, ингэж лав хэлэхгүй. Жака хажууд байвал яаж татаж унах болоо. Сургууль дээр очоод 3-н паар хичээл яаж өнгөрснийг ч мэдсэнгүй. Англи хэл, мэргэжлийн хичээл орсон, цаг өнгөрч өгөхгүй зовсоноо л санаж байлаа. Байн байн нөгөө шүрэн бугуйвчийг хийсэн энгэрийнхээ халаасыг тэмтэрсээр байгааг нь Жака аль хэдийн харчихсан
- Хайр майр гэж байдаггүй гэж олны өмнө ам гарчихгүй л юм сан. Манай Итгэлийг дурлалын бурхан хашрааж байгаа бололтой хэмээн ангийнхандаа ярьж байлаа. Хичээл тараад тэр 3-ийг гарч явтал Аянга ярив. Бүүр Адам, Ева, Юндэн Нансалмаагийн үеэс л эрчүүдийг зовоож ирсэн түгшүүрт аз жаргал. Сэтгэлээ нээнэ гэдэг нууцхан даваа Итгэлийн өмнө дунхийж байлаа. Ихэнх эрчүүд хайрын үгээ хэлэхдээ зүрх алдан найз нараа хань татан дагуулдаг бичэгдээгүй хуультай байдгийг мань эр ч зөрчсөнгүй. Үнэнч дагуул Баагийгаа дагуулан эмнэлэг рүү хөдлөв.


Last edited by california on Mar.31.05 10:35 am, edited 1 time in total.

Top
   
 
 Post subject:
PostPosted: Mar.11.05 3:22 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
16-r buleg
Ингээд сэтгэлийнх нь шүтээн болсон тэх охинтой уулзах мөч тулаад ирэхээр дэндүү барьц алдаж байгаагаа л мэдэрч байв. Хайр гэж үнэхээр сонин эд бололтой. Замын 2 талаар эрээлжлэх сурталчилгааны самбарууд дээрхи будмал солонгос хүүхнүүд бүгдээр зөвхөн түүнд зориулан ялдамхнаар инээгээд ч байгаа юм шиг, сэтгэлд нь багтаж ядсан баяр хөөр бялхан нэг ирснээ, яаж ногоо халуун үгийг хэлнэ дээ гэж бодохоос хэдэн мянган хүний өмнө нүцгэн гарах гэж байгаа юм шиг зурх нь цээжиндээ багтахгүй цовхчин дэлсээд л явтал нэг мэдэхэд нөгөө эмнэлгийн гадаа ирчихжээ. Өглөө гэрээсээ гарахдаа ямар хувцас өмсөхөө мэдэхгүй гайхаж гайхаж сүүлдээ Дизэл фирмийн шинэ цамц угласан билээ. Гэтэл одоо анзаарсан чинь час улаан цамц сонгоод өмсчихсөн нь нэг л тэнэг санагдана. Харамсалтай нь шүрэн бугуйвчны эзний булбарай гарыг атгах аз бас л дутах ёстой байжээ.
Эмнэлэг дээр очоод яхир зантай нь харваас л илт жижүүр өвгөнөөс Алтаа асрагчийг асууж байхад Намуун аавийнхаа туслах Оргилийн хамт шив шинэхэн Форд Экспэдишн тэрэгний арын суудалд хөмсөг зангидан сууж явлаа. Түүнийг хичээл тараад эмнэлэг рүүгээ гарах гэтэл ээж нь утасдан яаралтай ирж уулзах лүндэн буулгаж аавийнх нь туслахыг илгээсэн нь энэ. Өөртэй нь насаар ойролцоо, хэнтэй ч эвлэгхэн харилцаж чаддаг болохоор Намуун Оргилоос асууя гэсэн юмаа асуучихдаг билээ.
- Оргил оо, ээж яах гэж намайг дуудсан юм бол? гэж бүсгүй нухацтай асуув. Жолоочийн хажууд суугаад гар компъютерээ шагайж явсан Оргил толгой өндийлгөн нүдний шилээ зассанаа - за би ч нарийн мэдэхгүй л байна. Наран захирал ойрдоо чамайг их анхаардаг болоод байгааг л сайн мэдэж байна.
- Ээжийн ямар зан хөдөлсөн юм бол доо. Эсвэл миний тухай ямар нэг юм сонссон юм болов уу? Чамайг сургууль руу явуулахдаа юу гэж байна? гэж Намуун улам хэрэгт дурлав. - Мэдэхгүй ээ, Намууныг олоод ир гэснээс өөр юм хэлээгүй. Ер нь ч юм хэллээ гэхэд амаа цоожтой л байлгах үүрэгтэй хүн шүү дээ би. Залуу үүгээр яриа дууссаны тэмдэг болгон компъютерээ шагайв. Тэр бол өөрийнхөө ажил хэрэгч хүн гэдгийг байнга батлахыг оролддог зантай хүн. Хамгийн сүүлийн үеийн Сони маркийн гар компъютерээсээ сална гэж үгүй. Компаний бүх ажил хэргийг зохицуулах, Намууны аав, ээж 2-ийн өдөр тутмын ажлын хуваарийг гаргах, захирлийн туслахын ажлаасаа гадна маркетингийн төлөвлөлтийн хэлтсийг давхар удирдах гээд түүний хүрэлцэхгүй, оролцохгүй юм гэж үгүй. Насаар Намуунаас 2-3 ах мөртлөө костюм, зангианаас сална гэж байхгүй, үргэлж ажил ярьж явдаг , үнэтэй шилнийхээ цаанаас бүх юмыг гярхай нүдээр ажиглаж , өрөмдөх мэт цоо ширтэж явдаг энэ залууг компанийхан захирлийн сүүдэр гэж далдуур хочилно.
Харин Намуунд бол тэр юу бодоод байгаа нь мэдэгдэхгүй, наснаасаа эрт муу санаа суучихсан залуу шиг санагддаг. Оргил түүнтэй захирлын охин учраас л овоо нэг залуу шиг элэн далангүй ярилцдагаас биш толгойд нь дандаа л компаний ажлын хүснэгт зураастай мэт санагддаг билээ. Намуун ажил руугаа залган шүд өвдөөд өнөөдөр очиж чадахгүй болсон тухайгаа хэлж чөлөө авч амжлаа. Тэгээд л аавынхаа компаний шинэхэн саарал байшингийн гадаа ирчихсэн байв. Намуунийг энд ирэхэд үүдний харуулаас эхлээд л бүгд захирлын охин, ирээдүйн эзэн гэж биширсэн, зарим нь атаархсан нүдээр харцгаадаг тул бүсгүй энд ирэх төдийлөн дуртай байдаггүй билээ. Яг түүний ард чив чимээгүй явж байсан Оргил ээжийнх нь өрөөний үүдэнд ирээд хаалгыг нь онгойлгон шагайж - Намуун ирчихлээ гээд түүнд зам тавьж өгөв. Гэтэл ээжийнх нь өрөөнд хэн хүлээж байсан гэж бодно.


Last edited by california on Mar.31.05 10:36 am, edited 1 time in total.

Top
   
 
 Post subject:
PostPosted: Mar.11.05 6:22 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
17-r buleg
- Хасарын ээж Нансалмаа тамхи татан сууж байснаа Намууныг хараад тамхиа үнсний саванд шидчихээд нүднийх нь харцанд илрээд байгаа хүйтэн гялбааг хүчээр арилган инээмсэглэн - За, Намуунаа охин сайн уу? гэж мэндлэв. Намууныг хариу мэндэлж амжаа ч үгүй байхад ээж нь утсаар ярьж байснаа тасалчихаад охин руугаа ширүүн дуугаар харж
- Хасар та 2 муудалцаа юу? Нансаа та 2-ыг эвлэрүүлэх гээд гуйж явдаг нь ямар учиртай юм? гэлээ. Хамаг учир Хасар тэр 2-ын муудалцсанд ч биш, өөрөөс нь нууцаар нэг хачин юм хийгээд яваад байгаад л ундууцсандаа ингэж Оргилоор дуудуулж барьж сүржигнэж байгааг нь бүсгүй сайн ойлгож байлаа. Мэдээж Хасарын ээж хүүгээ буруутган баахан үглэж, - Охин минь, цаадах чинь гэнэхэн амьтан. Та 2 хар нялхаасаа үерхэж бараг л нэг гэрт орох дөхсөн улс. Учраа ололц хэмээн ятгачихаад явав. Харин Намууны сэтгэл нэгэнт эзэндээ захирагдахаас өнгөрснийг яг тэр мөчид л тэр ойлгож билээ. Ээж нь ч бас баахан лекц уншаад Хасартай эргэж үерх, хичээлийн дараа утсаа таслаад хачин юм хийхээ болихыг шаардав. Ээж нь дургүйгээ хүрэхээр хачин юм гэдэг үгийг хэлдэг зантай. Аавыг нь заримдаа компанийхаа залуухан хүүхнүүдтэй хардахаараа тэр хачин юмаа маргааш гэхэд зайлуулаарай гэнэ. Тэгээд л маргааш нь хөөрхий тэр хүүхэн ажилгүй болж байсан удаа нэг биш гарсан билээ. Үнэндээ ч баян нөхөртэй болчих далдын санаатай тэдний компанид шургалаад аавд нь сээтэн хаяж байсан хүүхэн нэгээр тогтоогүй гэлцдэг юм. Бүсгүй ээжийнхээ өрөөнөөс гараад сургуулийнхаа номын санд очиж рефератаа бичиж баахан суув. Хачирхалтай нь сэтгэл зүрх нь дэнслээд нэг л сонин байлаа. Үнэхээр далдын нөлөө, зөн совин гэж байдаг бол Итгэл ч бас түүнийг бодон компъютерийнхаа ард дүнхийж суусаар өдрийг өнгөрөөсөн билээ. Тэр 2-ын учралыг бурхан яагаад хойшлуулаад байгааг чөтгөр л мэдэх биз ээ.
Намууныг номын сангаас ирэхэд гайхалтай юм болов. Юу гэвэл ээж нь аль эрт ирчихсэн гал тогооны өрөөндөө салат хийчихсэн сууж байв. Ээж гэртээ ирээд гарын салатаа хийнэ гэдэг түүний хувьд эрт багын дурсамжинд л байсан явдал билээ. Ээж нь өнөөдөр гэрийн үйчлэгчээ явуулчихаад өөрөө хормогч зүүчихсэн будаа агшаагаад зогсч байхыг харсан Намуун эхлээд нүдэндээ ч итгэмээргүй санагдаж - Юу вэ энэ чинь, та мөн үү? Арай аав бас ирчихсэн юм биш биз дээ? хэмээн хөгжилтэй байгаа дүр үзүүлэхийг оролдов. Ээж нь хормогчоо тайлан том хүнхэр тавганд хийгээд - Гараа угаагаад хоолоо ид. Ааv чинь нутгийн зөвлөлийн хуралд явсан ээжид нь чамтай ярих юм байна гэв. Хэдийгээр тэр хоол идмээргүй байсан ч ээжийнхээ урмыг бодоод алимтай, загастай салатнаас ганц тавгийг цааш нь хийж дөнгөв. Түүнийг салатаа идэж дуусангуут ээж нь нүд рүү нь цоргитол ширтэж
- Хасартай яагаад муудаа вэ? Өдөр Нансалмаагийн хажууд хамаагүй юм ярихаасаа санаа зовоод л дуугүй өнгөрсөн шүү гэлээ. Намуунд хэлэх үг олдсонгүй. Ширээний цасан цагаан бүтээлэгний нэг буланг имрэн хэсэг сууснаа - Энэ тухай мэдэх хэрэг байгаа юмуу? Би яримааргүй байна гээд бослоо. - Суу, эхтэйгээ хэдэн үг солиодох.
Намуун ээжийгээ ингэж аашлахийг их л ховор үзсэн билээ. Тэгээд ширээний дэргэд хөшөө мэт хөдөлгөөнгүй зогсон юу ярихыг нь хүлэээлээ. - Чи Хасартай хар нялхаасаа нэг дор шахуу өссөн биз дээ? Одоо тэгээд юу нь болохоо боличихоод байгаа юм? Тэр хүүхдээс зугтах гээд л утсаа тасалж алга болоод байгаа юмуу? хэмээн асууснаа хариуг нь хүлээлгүй - Удам судраар нь мэдэхгүй ч гэсэн эцэг эхтэй нь сайн танил, нялхаас нь мэдэх болохоор би Хасарыг чамд таарах хань чинь болчихно гэж боддог. Аавыгаа дууриагаад эмэгтэй хүнд халамжтай, элдэв зангүй сайн л хүү шдээ. Эсвэл өөр хүүхэдтэй үерхээд байгаа юмуу, миний охин? гэж дуугаа зөөлрүүлэн ганцаараа яриад байгаа ч юм шиг асуухад нь Намуун - Ээж ээ, та миний амьдралд оролцох хэрэггүй юм биш үү? Тэгээд ч Хасар чинь шал хүүхэмсэг амьтан. Бас мөнгөнд дуртай гэснээ уурандаа хоолой нь зангирангуут угаалгын өрөө рүү алхчихлаа.


Last edited by california on Mar.31.05 10:36 am, edited 1 time in total.

Top
   
 
 Post subject:
PostPosted: Mar.11.05 3:10 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
18-r buleg
Уг нь ээждээ бүхнийг яричихвал дотор нь онгоймоор л байв. Даанч сүүлийн хэдэн жилд ээж охин 2-ийн хооронд боссон хана хэрмийг нураагаад сэтгэлээ онгойтол яричихаж чадсангүй. Аавынх нь хөрөнгөөс болж өөрийнх нь амьдралд бий болоод байгаа зовлонг ярьлаа гэхэд ээж нь яагаад ч ойлгохгүй. *чиний төлөө гэж хуруу хумсаа хуйхлан явж энэ бүхнийг босгосон нь гай болоо юу* гэж л хэлнэ. Түүнээс биш баян айлын охин гэж эргэн тойрных нь хүмүүс нэг бол улыг нь долоох шахан долгиноод л, эсвэл атаархсандаа маргааш л эндхийх дампуураад модоо баричихаасай гэх шиг хүйтэн харцаар харж, багш нар ганц удаа даалгавраа хийхээ мартчихаад ирэхэд нь чамд мөнгөноос гадна мэдлэг хэрэгтэй л байх шүү гэх мэтээр хорон үг хэлэхэд хичнээн хэцүү байдгийг ээж нь ойлгоно гэж үү. Бүсгүй дээд давхарт гарч өөрийнхоо угаалгын өрөөнд ороод түгжчихэв. Тас хар гялалзсан хавтангаар өнгөлсөн хана, шал босоо хүний өндөртэй ханын толь, 3-н том хүнийг элбэг багтаах банн, душ бүхий энэ угаалгын өрөө түүний хувьд сэтгэл тавгүй үедээ хоргодох орон л гэсэн үг. Намуун бүүр 6-н настайдаа л ээжтэйгээ муудалцахаараа угаалгын өрөөндөө ороод түгжчихдэг хүүхэд байж билээ. Тэгэхэд нь ээж нь түүнийг угаалгын өрөөнөөс гаргахын тулд гэрлийг нь унтраачихдаг байсан юм. Охин харанхуйгаас их айдаг хүүхэд байсан болохоор хэсэг зөруудлэж байгаад айхын эрхэнд гараад ирдэг байж билээ. Сүүлдээ нилээн том болж 2,3-р ангид орсноосоо хойш Намуун угаалгын өрөөндөө гар чийдэн, лаа гэрэл аваачиж тавих болсонг ээж нь удтал мэдээгүй билээ. Тэгээд угаалгын өрөөндөө дотроос нь түгжээд гар чийдэнгийн гэрэлд зураг зураад суучихдаг байсан юм. Охиноо харанхуй өрөөнд удаад гарч ирэхгүй болохоор ээж нь сүүлдээ аргаа барж, миний хөөрхөн охин гараад ир, ээж нь сникерс өгнө шүү гэх мэтээр өөрөө аргадаж эхэлдэг сэн. Ер нь ээж нь хэзээ ч охиндоо гар хүрч байсангүй. Гэхдээ ганц охиноо ангийнхан дотор нь бүх юмаараа тэргүүлдэг мундаг онц сурлагатан байлгахыг хүснэ. Намууун 1-р ангиасаа хойш дахин онц гарч чадсангүй ээжийнхээ урмыг их хугалсан билээ. Бүсгүй том босоо толинд өөрийгөө зэрвэс хараад онгоцонд ус дүүрэхийг хүлээн эвхмэл сандал дэлгэн суулаа. Өнөөдөр тэр Хасарын ээж Нансалмаа авгай яах гэж ээж дээр очдог байна аа? Шал хийх юмаа олж ядсан юм. Баян худтай болох мөрөөдөл нь замхарахаас айсан юм байх даа. Тэр Хасар гэж шог амьтан ээжийгээ явуулаад байхдаа яахав дээ. Бага байхын л хөвгүүд зодолдох болохоор ээжийнхээ араар ордог хулчгар амьтан байсан одоо ч хэвээрээ л байгаа юм. Намуун бол бүх талаараа биеэ даасан хүнийг л үнэлдэг. Харин тэр Итгэл ямархуу залуу бол? Арай Хасар шиг аав, ээжийнхээ араар ордог, дараа нь баян хадмын хаяа бараадах хүсэлтэй амьтан биш байгаа даа. Анх харахад хөлөөсөө толгой хүртлээ фирмийн хувцас өмссөн ганган амьтан байсан, бас мобикомын дугаартай. Үгүй ээ, хэрвээ Итгэл тийм байсан бол хувийн эмнэлэгт асрагч хийдэг ядуу охинтой танилцах гэж хөл алдан гүйх байсан гэж үү? Намуун бүлээн ус дүүргэсэн хөөстэй онгоцонд ийнхүү бодолд автан хэвтсээр нилээн уджээ. Түүнийг уснаас гарахад ааv нь ирчихсэн зочны том өрөөндөө хэвтэж байж. Аав ирнэ гэдэг охины хувьд орой бүхэн сюрприз болдог байv. Одоо ч хэвээрээ. Тэр аавдаа үнсүүлээд хажууд нь суулаа. Ээж нь нүүрэндээ бигнүүр тавьж байгаа бололтой таг чиг. Ааv нь чамд бэлэг авчирсан гээд - нүдээ ань даа гэв. Аав нь Намууны алган дээр юуг нь таахад хэцүү хүйтэн юм алган дээр нь тавьлаа. Нүдээ нээгээд харвал бяцхан саарал чулуу байв. Түүнийг аавынхаа царай руу асуунгуй харцаар харахад
- Дотроо устай чулуу, миний охин эргүүлээд үз, хол хол гэж дуугарна гээд ааv нь инээлээ.


Last edited by california on Mar.31.05 10:38 am, edited 1 time in total.

Top
   
 
 Post subject:
PostPosted: Mar.11.05 3:21 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
19-r buleg
Нээрээ дотроо устай чулуу байлаа. - Баярлалаа аав аа. Аав нь буйдангаас өндийгөөд хуйвалдагчдын харцаар охин руугаа харж - Аав нь чиний нууцыг мэдсэн сайн байна, гэхдээ энэ сарыг дуусгаад ажлаасаа гараарай, ээж чинь мэдвэл бөөн юм болно шүү хэмээн шивнэх шахам хэлэв. Яг энэ мөчид ээж нь ороод ирэв. - Та 2 юугаа нуугаад надаас шивнэлдээд байна аа гэхэд аав охин 2 нүдээ ирмэлдэв. Энэ нь нууцаа хадгална шүү гэсэн дохио байлаа. Намууны аав Чимэд бол насаараа хангалуун элбэг дэлбэг амьдрах зураг төөрөгтэй төрсөн хүний нэг. Зах зээлээс л өмнө ганц хүүхэдтэй мөртлөө 3-н өрөө байранд тохилог амьдардаг нилээн овжин залуу байсан. Авгайтайгаа 2-уулаа нэг нэг яаманд ажилладаг тул цалин хангалттай хүрдэг. Гадаад яваад ирэхээрээ хөөрхөн наймаа хийнэ. Амьдралаас авахыгаа авч, хэрэглэхийгээ хэрэглэж үзээд л дуусна гэсэн хатуу үзэлтэй. Бурхан ч нэг их шүтээд байдаггүй. Энэ хүнд ганц шүтээн байдаг нь Намуун. Ганц охин үрийнхээ өмнө л түүний нугаршгүй хатуу зан хайлсан тугалга мэт зөөлөрч эхэлдэг юм. Ээж нь энэ орой охиноосоо ганц үг алдуулж чадсангүй. Гэхдээ үргэлж ажилтай гээд оройтож ирдэг аав ээж 2 нь урьдныхаасаа эрт ирж охин ч эмээгийнх рүүгээ гүйлгүй, халуун ам бүлээрээ сайхан байлаа. Бүсгүй унтахаар хэвтэхдээ аавынхаа өгсөн устай чулууг дэрнийхээ дэргэд тавиад гэрлээ унтраав. Зүүдэнд нь Итгэл оров. Тэр 2 өөд өөдөөсөө гүйсээр яг уулзах гэтэл дундуур нь гал тэрэгний уртаас урт цуваа ороод ирэх юм. Ачааны галт тэрэгнүүд тасралтгүй явсаар л. Салхи татуулан явах тэр цувааны 2 талаас бие бие рүүгээ тэмүүлсээр арай гэж цуваа дуусахад Итгэл алга болчихсон байв. Ингээд уулзаж чадаагүйдээ харамсан зогссоор байна хэмээн зүүдэлжээ. Хачирхалтай нь тэр шөнө Итгэл ч яг тийм зүүд зүүдэлжээ. Намуун маргааш өглөө нь нэг л тавгүй сэрэв. Тэр дэрнийхээ хажууд байсан устай чулууг нэг хараад орноосоо үсрэн босов. Тагтан дээрээ гарахад Мики хав нь хаалга самардан орж ирээд тэврүүлэв. Цаг 8 өнгөрч байв. Тэдний хашаандаа тарьсан сахлаг өвсийг мөнгөн хяруу тарж, 2 жилийн өмнө ойгоос авчирч суулгасан залуу улиаснууд навчаа гөвж цаанаа л нэг уйтгартай харагдана. Нимгэн халат нөмөрсөн болохоор, намрын өглөө, эртийн сэрүүнд хүйтэн байсан ч бүсгүй нохойгоо тэврэн зогссоор байв. Өглөөний тунгалаг агаарт ийнхүү зогсохдоо тэр өдрийнхөө хийх ажлын тухай бодож амждаг билээ. Гэвч энэ өглөө тэгэж чадсангүй. Сэтгэл нь нэг л тогтож өгөхгүй үймрээд, урьд шөнийн зүүдэнд нь харагдсан өндөр сайхан залуу бодлоос нь гарч өгөхгүй байв. Тийнхүү зогссоор ээжийгээ дуудахад л сая сэхээ оров.


Last edited by california on Mar.31.05 10:38 am, edited 1 time in total.

Top
   
 
 Post subject:
PostPosted: Mar.13.05 4:13 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
20-r buleg
- Миний охин сэрчихээ юу? Доошоо бууж цайгаа уухгүй юмуу? Дооёо эгч нь гоё өглөөний цай бэлтгэсэн байна гээд ээж нь араас нь тагтан дээр гарч ирэв. Мики хав нь тагтны хаалга онгойх чимээнээр Намууны гараас мулт үсрэн бууж өрөө рүү хурдлан гүйлээ.
- Нохойгоо гадаа гаргахгүй, юу гэж тагтан дээр тэвэрч зогссийн одоо наадах чинь хивсэн дээр шээчихнэ гэж ээжийг нь хэлж дуусаагүй байхад Мики Намууны өрөөний хивсэн дээр шээчихээд доошоо зугтав.
- Энэ муу золиг ингээд гэрт шээгээд байх юм гэж ээж нь үглэв. Тэр 2-ыг доошоо бууж хоолны өрөөндоо ороход хэрэг тарьсан хав нохой нь буйдан доогуур орж нуугдаж амжив. Ээж охин 2-ыг дөнгөж ширээнд суутал гэрийн эзэн дээрээс бууж ирэв. Чимэд ихэвчлэн орой болтол ажилладаг болохоор өглөө их л орой босдог билээ.
- Ооё, аав өглөө яасан эрт босоо вэ гэж охин нь түүнийг цаашлуулав. Ингэж халуун ам бүлээрээ цайлсан нь бүсгүйн сэтгэлийг сэргээж өглөөний нөгөө тавгүй сэтгэгдлийг нь баллуурдах мэт арилгачихав. Аав, ээж 2 нь гаалийн татвар төлөхгүй бол гааль дээр АУ95 саатсан, авч чадахгүй, тэгвэл нөөцгүй болох нь ч гэх шиг ажлаа ярилцсаар хамтдаа гарч одов. Намуун хичээлийн 4-н цаг яаж өнгөрснийг ч мэдсэнгүй нэг л мэдэхэд тарах болчихжээ. Гэтэл сургуулийнх нь гадаа түүнийг Хасар хүлээж байв. Гэмшсэн царай гаргах гэж оролдоод байгаа нь илт санагдсан тул бүсгүй зэвүү нь улам хүрч танихгүй хүн шиг хажуугаар нь дээгүүр харан өнгөрөх гэтэл ханцуй дээрээс нь бариад авчээ.
Тавьчих.
- Намуунаа, хүлээж бай л даа. 2-уулаа учраа ололцъё.
- Ямар учир? Би яараад байна. Тавихийг гуйя.
- Би чамаас яаж гуйвал чи хүлээж авах юм бэ?
- Яаж гуйгаад ч хэрэггүй. Ялангуяа ээжийгээ дахиж битгий явуулаарай. Чиний хулчгар зан хэвээрээ шив дээ. Намуун сургуулийнхаа гаднаас такси бариад ажилдаа очлоо. Түүнийг хувцасаа солих өрөөнөөс дөнгөж гарч иртэл Сараа сувилагч дуудуулжээ.
- За баян айлын охин ямар зорилгоор эмнэлгийн шал угааж яваагаа сонирхуулаач.
- Юу яриад байгаа юм бэ?
- Битгий жүжиглээд бай. Чамайг баян айлын хүүхэд гэдгийгчинь энд мэдэх хүн байхгүй гэж бодоо юу?
- Миний хэн байх нь танд ямар хамаатай юм бэ? гээд Намуун хаалгыг нь саван гарчээ. Тэгээд давхрын шалаа угааж байхдаа *энэ хүүхэн миний тухай яаж мэддэг байна аа?* хэмээн гайхсаар байлаа. Түүнийг уртаас урт хонгилийн шалыг угааж дуусаад резинэн бээлийгээ тайлах гэтэл яг ард нь
- Сайн уу? гэх танил ч юм шиг дуу гарав. Эргээд хартал Итгэл, сүүлийн үед зүүд нойрноос нь салахаа болиод байсан , өндөр залуу зогсч байв. Намуун балмагдсандаа дуугарч ч чадсангүй доош харчихав. Одоо юугаа хэлнээ. Намайг олоод ирж шүү, олоод ирж. Үнэхээр хайртай юм байна. Тэр бээлийтэйгээ ноцолдох зуур ингэж бодож амжив. Сандраад мэндийн хариуд нь сайн гээд ганц үг ч хэлчихэж чадсангүй доошоо харан зогссоор байлаа.
- Бугуйвчийг чинь өгөх гэсэн юм.
- Баярлалаа. Намуун ороосон бээлийгээ яагаад ч тайлж чадсангүй. Нойтон гарт нь резинэн бээлий зууралдаад салах шинжгүй. Бээлийгүй гараа сунган нөгөө дискон дээр гээчихсэн гэж бодож явсан шүрэн бугуйвчаа авлаа. Итгэл ч бас балмагдаад хэдэн өдрийн турш бодсон, бэлдсэн үгнүүдээ ганцыг нь ч хэлж чадсангүй. Эмнэлгийн цайvар ногоон хувцастай энэ турьхан бүсгүй, сар гаруйн турш эрж хайж, гээсэн бугуйвчийг нь энгэрийнхээ халаасанд хийчихээд уулзах сан, дууг нь сонсож, үргэсэн янзагынх шиг нүд рүү нь ширтэх сэн гэж мөрөөдөж явсан тэр мөрөөдлийн охин нь байлаа.
Гэтэл хайртай хүнтэйгээ тулаад уулзана гэдэг нүүр рүүгээ халуун уураар үлээлгэх мэт халуухан юм байдгийг тэр тооцоолоогүй байжээ. Юун бэлтгэсэн үг, юун хайраа илчлэх байхав. Тэр нэгэн орой диско баарний анивчсан гэрэл, үсчиж цовхчсон адтай хөгжим хангинасан шуугиант танхимд ганцхан удаа харсан оч мэт 2 хөөрхөн нүд.... Ердөө энэ нүдийг нь хараад л зогсоод баймаар болж нөгөө хэлэх үг, болзоонд урих зоригтой мөрөөдлөө ор тас мартчихжээ.
- Миний бугуйвч мөн байна, баярлалаа.
- Зүгээр зүгээр.. чи дискон дээр унагачихсан гараад явчихсан ш дээ..
- Би дахиад олдохгүй л байх гэж бодсон..
- Алтанзул аа, юу.. би чамайг зөндөө эрээд, арай гэж л оллоо.. Бугуйвчийг чинь өгөх гэтэл чи нөгөө охинтой хамт таксинд суугаад явчихсан байсан..


Last edited by california on Mar.31.05 10:38 am, edited 1 time in total.

Top
   
 
 Post subject:
PostPosted: Mar.13.05 4:38 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
21-r buleg
--Харин тийм, бид 2 яараад л..
--2-уулаа тvр гарах уу?
--Юу, миний ажил тарах болоогvй байна л даа. Намуун ингэж хэлээд Итгэл рvv харав. Єтгєн тод хємсєг, єндєр шулуун хамартай, урт ургуулсан дэгжин vстэй, шулуухан vнэнч харцтай гоё нvд...
Итгэл vнэхээр сайхан залуу юм гэж бодчихоод ичсэндээ vснийхээ угийг хvртэл улайж харцаа тvргэхэн шиг буруулав.
--Алтаа, чамайг тарианы єрєє цэвэрлэ гэнээ гэх дуунаар бvсгvй давхийн цочиж дєнгєж сая тайлж гvйцсэн 2 бээлийгээ мушгин байж:
--Намайг дуудаад байна, би 6-гаагаас нааш тарахгvй байх аа, за баяртай гээд хувингаа авлаа.
--Би тэгвэл 6 гээд хvрээд ирэх vv?

Итгэл эмнэлгийн чулуун шатаар нисэх мэт vсрэн бууж гадаа тvvнийг хvлээн цаашаа харан зогсож байсан Батбаярыг араас нь тэврэн авч:

--Ёоох, уузлчихлаа, ёстой халуун байдаг юм байна. Жака макаг дагуулж ирсэн бол насны онигоонд орох байсан байх. Яг нєгєє охинтойгоо уулзсан чин толгойд юу ч орж ирдэггvй.
--Манай Жака ч марзаганахдаа л сайн юм чинь.. за тэгээд юу гэж байна?
--Би уулзангуутаа тэнэг юм шиг бугуйвчийг чинь єгєх гэсэн юм гэчихсэн юм чинь.. баярлалаа л гэж бна лээ. Тэгээд сvvлдээ овоо нvvр хагараад ирсэн чинь цаанаас нь дуудаад. Орой 6-д тарна гэсэн.
--Тэгвэл 2-уулаа хамт ирий..
--Тэгий. Ямар гоё юм бэ?
Тэр дуу аялсаар машиндаа суулаа. Одоо тvvнд тэнгэрт гэрэлтэн байгаа нар зєвхєн єєрт нь зориулан мишилзээд байгаа ч юм шиг замын голд зогсоо цувтай цагдааг тэврээд vнсчихмээр ч юм шиг, хажууд нь хань болон суугаа Батбаярыгаа vvрээд гvймээр ч юм шиг цээжинд нь баяр хєєр багтаж ядан байлаа.

Итгэлийг явангуут бvсгvй сая л нэг тайвширлаа. Сэхээ оронгуутаа, би сая тvvнд ямаршуу харагдсан бол гэсэн бодол орж ирэн тарианы єрєєний толинд єєрийгєє харав. Нvvрнийх нь энгэсэг бараг арилчихаж. Ажил хийхэд саадтай гээд санд мэнд шуучихсан vс нь хэсэг хэсгээрээ унжиж, хамар дээр нь хєлс бєнжигнєж, нvд нь харин баяртай гэгч нь гялалзаж байлаа. Шал тэнэг харагдсан байна. Итгэл миний юунд нь болсон юм бол оо. Гаргууд хєєрхєн царайтай ч биш, нэг их гоё биетэй ч биш. Тэгээд ядарсан нэг асрагч охинд шvv. Нэр нь хvртэл Алтанзул шvv дээ гэж бодсоноо єєрийн эрхгvй цаг руугаа харав. Залууг явснаас хойш дєнгєж 5 минут л єнгєрчээ. Хаячихаад дахин олдоно гэж зvvдлээ ч vгvй шvрэн бугуйвчаа гарган vзээд буцааж далд хийв. Бvсгvй тарианы єрєє цэвэрлэж, кvарцийн гэрлээр єрєєнvvдийг ариутган, хонгилын цонх арчиж тасралтгvй ажиллах зуураа хэдэн ч удаа цагаа харсныг бvv мэд. Урд нь нисэх мэт єнгєрдєг байсан цаг хугацаа л харин єнєєдєр тийнхvv яст мэлхий мєлхєж байгаа мэт явж єгсєнгvй.

6 цаг болов уу vгvй юу 2 хаалгатай жижиг улаан Тоёота джип эмнэлгийн гадаа ирчихсэн зогсож байв. Намуун цонхоор Итгэлийн машиныг хармагц зvрх нь дэлбэ vсрэх дєхєн цохилоход хувцасны єрєє рvv сандран гvйлээ. Асрагчийн ногоон хувцсаа санд мэнд тайчиж байхдаа л Алтаагийн дvрд тоглох ёстойгоо санав. Одоо тэр урьдын адил их дэлгvvрийн урд 40н мянгатад буух биш, зайсан толгойн євєрт байх аавынхаа тансаг байшинд ч бус, Хайлааст руу явах ёстой. Алтанзул бол гэр хороололд амьдардаг асрагч охин шvv дээ. Ашгvй Хажид эгчийнхийг єєрийнхєє гэр гээд заагаад єгчий гэж дор нь сэтгэв. Хувцаслаж дуусаад тарианы єрєє рvv шагайж хvнд дусал хийж байсан Хажид авгайгаас:
--Танайх Хайлаастын яг хаана байдаг билээ гэж сандчин асуув.
--Хуучин эцэс дээр. Миний охин бvтэн сайнд очоорой.
--За за.
Тэр яаран гvйсээр гол хаалган дээр очвол Итгэл хvлээн зогсож байв. Тэнэг юм шиг яах гэж гvйв ээ. Єдрийнх шиг хєлрєєд шал тэнэг харагдаж байгаа байх даа гэж бvсгvй тvvнтэй яг уулзахдаа єєртєє уур нь хvрэв.
--Ашгvй найзаа дагуулалгvй ганцаараа ирээ юу?
--Харин тийм, манай 3 сумо узэж байгаа л даа.
Итгэл єдєр ємссєн байсан улаан цамцаа сольж єєрт нь илvv зохьсон, захтай саарал цамц ємсєн улам л гангалчихсан иржээ. Тэр 2 машинд орж суугаад юу ярихаа мэдэхгvй таг болцгоов. Намуун єєрєє машин бариагvй vедээ хэзээ ч жолоочийн хажуу дахь "хадмын" суудалд суудаггvй зантай. Энэ удаа ч хойд суудал дээр нь суучихлаа. Энэ нь залууд их л таалагджээ. Урьд нь элдэв хєнгєн охид эзэгнэж байсан урд суудалд хайртай бvсгvйгээ суулгахаас тэр бяцхан эвгvйцэж байжээ. Ялангуяа нєгєє Сэни жуулчны баазаас буцахдаа л энэ суудлыг тавтай гэгч нь эзэгнэн Батбаярын хэлснээр тэргvvн хатагтай мэт эрхэмсэгээр суугаад авсан билээ. Сэни гэснээс сvvлийн vед гар руу нь ч, гэр рvv нь ч байнга утасдан нойтон хамуу шиг наалдсаар байгаа тэр хvvхнийг єєр рvv нь залгах вий гэж айсан залуу яг энэ мєчид утсаа яаран салгаад хєдєллєє.

Vе vе шаргал, хvрэн хавчис хийснэ. Модод хавчсаар уйлан, буцах цагийн зэвэргэн салхи vлээсэн энэ орой шиг жаргалтай єдєр амьдралд нь байгаагvй мэт санагдана. Гайхалтай нь єнєєдєр энэ охинтой уулзсанаас хойш уурлах уцаарлахыг ч мэдэхээ больж, хvнд нэр хоч єгєх донтой Жакагаас инээмтгий хvн гэсэн шинэ нэр сонсоод нэг их тоогоогvй билээ.


Last edited by california on Mar.31.05 10:39 am, edited 1 time in total.

Top
   
 
 Post subject:
PostPosted: Mar.13.05 4:53 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
22-r buleg
0доо ингээд Намууныгаа суулган явахдаа ч гарцгvй газраар зам хєндлєн гарсан хvмvvсд урьдын адил уурласан ч vгvй. Бараг л машинаа зогсоон "гар гар" гээд инээх нь холгvй сайхан ааштай амьтан явж байлаа. Тэр 2 нэг мэдэхэд хотын тєв рvv ороод иржээ. Энэ таагvй нам гvмийг эвдэн "2-уулаа нэг газар хоол идэх vv, хаана очих уу" гэсэн Итгэлийн асуултанд бvсгvй шууд хариулчихаж чадаcaнгvй. Намуун бол ийрэмхvv vед Сити ч юмуу Вэнэрц-д орж хєнгєн зууш, мєхєєлдєс захиалдаг байсан. Гэтэл тэр бол сарын 50н мянгын цалинтай, Хайлаастад амидардаг, Алтаагийн дvрд тоглох ёстой шvv дээ. Алтаа эмнэлэгт хамт ажилладаг хvvхнvvдийнхээ бишрэн ярьцгаадгийг нь санаад бушуухан шиг л Берлин бургэр гэж хэлээд дотроо инээд нь хvрлээ. Тэдний хувьд Бэрлин бургэрт орно гэдэг мєрєєдлийн тансаглал байдаг аж. Энэ удаа бол Итгэлийн инээд хvрэх дєхєв. Одоо ажил тарах цаг, Бэрлинд хvн ихтэй байгаа л даа. 2-уулаа жаахан ярьж суух нам гvм газар очъё, Сити кафед суух уу?

Тэр бас Сити-д дуртай юм байна гэж Намуун бодоод vvргэвчнээсээ уруул єнгєлєгч гарган инээдээ барьж ядан нуух гэж оролдов. Хэдий болтол ингэж жvжиглэх юм бэ, эрт орой хэзээ нэгэн цагт Итгэл vvнийг мэдэх л болно. Тэр энэ vед бvх жvжиг сайн дурын уран сайханчийн тоглолтоо юу гэж тайлбарлах бол. Ядаж л кафэ-д сууж байхад нь таньдаг хvн тааралдах юм бол жинхэнэ онигоо болно ш дээ. Би харилаа гээд Намуун бууж зугтах гэв.
--Алтаа би чамайг хvргээд єгье л дєє гэж Итгэл гуйлаа.

Тvvнийг буух гэж хаалганы бариулд хvрэхэд нь Итгэл шvрэн бугуйвчаа зvvснийг нь ажиглажээ. Анх танилцахдаа л нэрийг нь асууж чадахгvй хоцорчихоод энэ бугуйвчаас эзнийх нь тухай бvхнийг мэдэх гэж явсан тэр єдрvvдэд Итгэл оддын зурхайн ном хvртэл уншиж шvрний тухай судалж билээ. Тэгээд шvр хилэнцийн ордод ээлтэй гэж мэдээд тvvнийг хилэнцийн орд юм болов уу гэж хvртэл бодсон. Шvр муу санаа, аянгын аюулыг зайлуулж, ад зэтгэрийг тонилгож, элдэвт хорхойсох сэтгэлийг дарна. Ой ухааныг бэхжvvлнэ. Мэрэгч тєлєгчдийн сайн сахиус болдог гэж тэр номонд бичсэн байсан. Зvvж явсан эзнээ орлон сэтгэлийг нь зогоож байсан энэ бугуйвч эзнийхээ нарийхан бугуйнд байхийг хараад тэссэнгvй гараас нь бариад авлаа.

Яг энэ мєчид тэр 2-ын харц тулгарлаа. Анх чих дєжрєм чимээтэй диско танхимд зєгийн vvр шиг дvнгэнэлдэн, vvрээ хєндvvлсэн шоргоолж шиг хvн бужигнасан тэр их хєлийн газар шууд л харцийг нь булаасан тэр тунгалаг нvд, гэрэвшvv харц...

Итгэл бvсгvйд битгий буу л даа гэж аяархан хэлээд гарыг нь барьсаар л байлаа. Хоромхон зуур нvvр нь улсхийсэн бvсгvй, цочихдоо гараа огцом татаж аваад Манайх Хайлаастад ш дээ гэж шивнэх шахам хэлэв.


Last edited by california on Mar.31.05 10:39 am, edited 1 time in total.

Top
   
 
 Post subject:
PostPosted: Mar.13.05 6:35 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
23-r buleg
Эндээс Хайлааст хvртэл зєндєє хол байгаа нь ямар их аз вэ гэж Итгэл бодлоо.
--Чи бугуйвчаа хаясанаа хэзээ мэдсэн бэ?
--Тэр дороо ч мэдээгvй л дээ. Эмээ надад єгсєн болохоор би их хайртай байдаг юм. Гэртээ ороод л гараа угаах гэсэн чинь бугуйвч байхгvй байсан.
--Та 2 плаcаас яaгаад тийм хурдан гараад явчихсан юм бэ? Би бугуйвчийг чинь олонгуутаа хойноос чинь гараад гvйцээгvй...
--Алтаа? чи хилэнцийн орд юмуу?
--Vгvй. Би яагаад хилэнцийн орд байх ёстой юм? гээд Намуун инээд алдсанаа
--Би vхрийн орд ш дээ. Ууртай болхоор нь хилэнцийн орд гэж байгаа юмуу гэлээ
--Vгvй л дээ. Би чамайг олох гэж дэнvv удаан хайсан. Тэгээд яагаад шvрэн бугуйвч зvvдэг юм бол гэж бодоод л.. Хилэнцийн ордныхонд хамгийн ээлтэй чулуу нь шvр гэж сонссон юм. Би єєрєє хонины орд л доо. Чиний тєрсєн єдєр хэзээ болдог бэ?
--5н сарын 1нд. Дээр vед майн баярын єдєр байсан ш дээ.
--Би тэгвэл 4н сарын 12нд тєрсєн. Бид 2 чинь 2 уулаа баярын єдєр тєрсєн юм байна. Би монгол хvн сансарт анх ниссэн єдрєєр тєрсєн. Аав намайг жаахан байхад Гагарины зурагтай тэмдэг цуглуулж єгдєг байж билээ. Ээж одоо тэр тэмдэгнvvдэд их дургvй байдаг юм. Тэр 2 салаад их удаж байгаа л даа.

Залуу єєрийн эрхгvй санаа алдчихлаа. Тvvний сэтгэлийн тэр гуниг Намуунд ч гэсэн нєлєєчихєв. Уг нь Итгэл хэзээ ч энэ сэдвийг хєндєх дургvй байдаг байлээ. Гэтэл энэ бvсгvйд болхоор бодож санаж, эмзэглэж явдаг бvхнээ ярьж, сэтгэл зvрхээ тэр чигээр нь нээчихмээр санагдаад байлаа. Машиных нь арын суудалд шигдэн явсан Намуун vсээ нэг илээд:
--Чи аавтайгаа уулздаг уу? гэж асуулаа
--Vгvй ээ. Аав одоо Польшд байдаг гэсэн. Уулзаагvй олон жил болж байна. Ээж амьдралаа ганцаараа авч яваа болохоор аавд их гомддог юм шиг байна лээ. Тэгээд би аавын тухай ярьдаг ч vгvй. Миний дvv охин л ээжээс аавын тухай асуугаад байдаг юм. Би ээж дvv 2 тойгоо байдаг. Миний дvv гэж хэл ам сугалчих шахсан нэг айхтар амьтан бий. Бас надаас дандаа мєнгє шаналгана хэмээн ярьсаар явлаа. Тvvний тэр илэн далангvй, сая буух гэхэд нь гарнаас нь барьчихаад ширтсэн харц зэрэг нь бvсгvйд гvнзгий сэтгэгдэл тєрvvлжээ. Итгэл яриагаа таслан толь руугаа харж:
--Би дэндvv их яриад байна уу? Уг нь би тийм чалчаа амьтан биш л дээ. Чамд л хамаг юмаа яриад баймаар санагдах юм. Чи єєрийнхєє тухай ярь л даа гэж гуйсан єнгєєр хэлжээ.
Бvсгvй толинд тvvнтэй харц тулгарчихаад ичэнгvйрэн цонх руу нvvр буруулж:
--Би аав, ээж 2 тойгоо байдаг. Энэ жил ажил хийчихээд дараа жил Анагаахд орно доо. Эмээ намайг эмч болгох дуртай байдаг юм гэчихээд тvр тvгдрэн чимээгvй боллоо.


Last edited by california on Mar.31.05 10:39 am, edited 1 time in total.

Top
   
 
 Post subject:
PostPosted: Mar.13.05 1:54 pm 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
24-r buleg
--Єєрийнхєє тухай биш хvний ємнєєс худлаа ярих нь тийм ч амаргvй ажил болохыг ойлгожээ. Намуун багадаа юм юманд сонирхолтой аавынхаа нєлєєгєєр уран зурагт дурлаад зураач юмуу, загвар зохион бvтээгч болохыг мєрєєддєг байсан. Гэтэл хуучний vзэлтэй, багш ажилтай эмээ нь зээ охиноо эмч бол гэж их ятгана. Харин ээж нь л єєрийнхєє мэргэжлийг охиндоо тулгасаар дийлсэн билээ. Нэг юм хийе л гэж бодсон бол тэр дороо ханцуй шамлан дайрдаг, хvссэндээ хvрч байж салдаг Нарангийн хvссэнээр л тэдний амьдрал явдаг болхоор ааv нь "Манайх чинь эхийн эрхт ёс тогтсон айл шvv дээ" гэж ярьдаг билээ.

Тэр 2 тийнхvv ард, урд суудлын дунд толиор дамжуулан харц солилцон яриа нь тийм ч сайн эвлэж єгєхгvй, тэгсэн мєртлєє ингээд л тvг тагхийгээд толинд ширтэлцээд л яваад баймаар санагдах ажээ. Нэг л мэдхэд Хайлааст руу ороод иржээ.
--Танайх яг хаана юм бэ? гэсэн Итгэлийн асуултанд бvсгvй бондгоcxийтэл цочоод сэхээ орж
--Хуучин эцэст, автобусны буудал дээр л зогсчих гэлээ.

Энэ vеэр дууг нь хааж чичиргээн дээр тавьсан Намууны утсанд дуудлага ирэв. Анхнаасаа л баахан худлаа дvрд тоглочихсон хvн чинь нэг мєсєн л амьдрал дээр ядуухан охин болж жvжиглэх хэрэгтэй байлаа. Гэр хороололд суудаг, сургалтын тєлбєрєє ч хийх чадваргvй айлын охин 9911-тэй дугаартай хамгийн сvvлийн vеийн Мотораллатай байна гэхэд хэн vнэмших билээ. Ер нь тэдний эмнэлгийн хэдэн асрагч дотроос Эрка гэдэг охин л ганцаараа 9977-той дугаартай луу гар баян нь билээ. Клипээ харвал Намуун руу Жавхаа дохиж байв. Бvсгvй утсаа салгаад сэмхэн цvнхэндээ хийлээ. Ашгуй Итгэл гар утсыг нь анзаарсангvй. Тэр эргэж хараад хуучин эцэс гэдэг чинь энэ мєн уу? гэлээ.
Намуун сайн мэдэхгvй мєртлєє мєн мєн, би ингээд буучихъя хэмээн зогсоогvй байхад нь хаалганы бариул тэмтэчлээ. Итгэл хаалгануудаа тvгжчихээд
--Алтаа, энд битгий буу л дааа. Би хашааны чинь гадаа л буулгаад єгье.. Тэгээд 2-уулаа маргааш хэзээ уулзах бэ? Ер нь гэрийхэнд чинь утас бий юу? Чамтай яаж холбоо барих вэ? гэж нэхэл хатуутай асуув. Намуун толгой дээрээ тэгнэчихсэн нарны шилээ зvvгээд уруулаа хазлан чимээгvй болов. Тэр сандарсан vедээ ууруулаа хазалдаг зуршилтай. Тэгээд чичирхийлсэн хоолойгоор
--Чи хаалгаа онгойлгoчих л доо. Би энд л буучихъя. Манай гэрийхэнд утас байдаггvй ээ. Ажил руу л ярьж болно. Тэгэхдээ намайг бараг дуудаж єгєхгvй байх аа даа, чи тарахад хvрээд ирэхгvй юу гэчихээд нvvр нь бас л улайлаа.
Итгэл яаж ч чадсангvй.. за за баяртай гээд хаалганыхаа тvгжээг татлаа.


Last edited by california on Mar.31.05 10:40 am, edited 2 times in total.

Top
   
 
 Post subject:
PostPosted: Mar.14.05 6:04 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
25-r buleg
---Бvсгvйг буугаад явахад араас нь тэр ширтсээр хоцров. Нарийхан джинс турьхан биетэй, vсээ даруухан шуусан энэ жижигхэн цагаан охины юунд нь болж тэмvvлээд байгаагаа тэр ойлгохгvй л байлаа. Ойлгохыг ч vнэндээ хvссэнгvй. Уг нь Жака тэр 2 баян айлд хvргэн орж хурдхан шиг л хєл дээрээ босно гэж тоглоом шоглоомоор ярьдаг байсан. Гэтэл Итгэл ингээд нэг л єдєр дурлалдаа жолоо алдууран Хайлаастад амьдардаг жирийн нэг асрагч охинд хайртай болчих гэж. Тvvнийг сая Алтаатай уулзах гээд бєєн баяр хєєртэй амьтан ажлаасаа гарахад Жака л ганцаараа дуу муутай их янзгvйхэн суусан билээ. Одоо цаашдаа ээж гэж нэг сєрєг хvчин гарч ирнэ. Яаж ч бодсон ээж нь хvvгээ сургууль соёл ч vгvй, амьдрал тарчигхан ийм асрагч охин дагуулаад очход баярлахгvй нь тодорхой.
--За хvv минь толгой хоосон их ганган эрвээхэй шиг юмтай суучихав даа. Тийм хvvхнvvд хvнд хань болдоггvй юм. За нэг их баян тарганаараа гайхуулсан айлын охин ч хэрэггvй. Эцэг эх нь нэртэй тєртэй, хvнд илvvчилхээргvй, хvнээс ч гуйхааргvй, єєртэйгєє нэг зиндааны дундаж амьдралтай охин зvгээр шvv. Амьдрал их ядуу айлын хvvхэд бол ч бас л дэмий. Чи насаараа хадмынхыгаа чирч явах болно шvv гэж ээж нь ярьдаг билээ. Vнэндээ ч аавыг нь 10 гаруй жилийн ємнє ээжээс нь салаад явчихад орон гэрээ толгойлон vлдэж, хvv охин 2-оо хvнээс дутаахгvй єсгєх гэж хамаг залуу насаа ганцаараа єнгєрєєж яваа ээж нь оргvй ч юм яриагvй нь мэдээж. Гэвч Итгэл одоо энэ бvсгvйгээс сэтгэлээ татаж авах хєг нь єнгєрсєн гэдгээ л тов тодорхой мэдэрч байлаа. Тэр машинаа асааж энэ бvх таагvй бодлоо vргээх гэсэн мэт нэг гvнзгийхэн санаа алдаад цонхоороо цухуйж Алтаа, маргааш болтол баяртай гэж хашгирлаа. Гэр хорооллын тоос шороотой гудамжаар торойтол алхаж явсан бvсгvй эргэж хараад гар даллав. Анхны уулзалт нь тєлєвлснєєр нь болоогvй ч сэтгэл дvvрэн байв. Залуу єєрийн эрхгvй инээмсэглээд хєдєллєє. Намуун ч тоос манарган хєдєлж буй машины араас гар далласаар хоцров. Тvvнд Итгэл vнэхээр таалагдаж байлаа. Анх тэр дискон дээр хараад бодсон шиг тийм танхил, эрх жаал биш байсан нь сайн хэрэг. Байгаа байдлаараа бол Итгэл Хасарыг бодвол жинхэнэ эр хvн байх нь. Гэтэл єєрєє тvvнийг хуураад Алтаа асрагч, Хайлаастад амьдардаг энэ тэр гээд жvжиглэж байдаг. Цаг харвал долоо єнгєрчихєж ээ. Гэртээ харьж хийх юм их байлаа. Тэр Итгэлийн машиныг далд оронгуут утсаа гарган аавынхаа жолоочийг дуудах гэснээ болилоо. Шал балай юм. Хайлаастад юу хийж яваагаа Самбуу ахад тайлбарлах болно. Аягvй бол аавынх нь туслах Оргил яаж ийгээд нэг юм шиншилчихнэ. Больё. Тэгээд бvсгvй ирсэн замаараа гудамж уруудан явсаар такси барихаар шийдэв. Энд нээрээ амьдардаг байсан бол яанаа. Аймаар юм, ер нь энэ жvжгээ яаж дуусгах вэ? Гэхдээ бас сонирхолтой ч юмуу, боломжтой амьдралтай залуу, гэр хорооллын бvсгvй 2.


Last edited by california on Mar.31.05 10:40 am, edited 1 time in total.

Top
   
 
 Post subject:
PostPosted: Mar.14.05 6:21 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
26-r buleg
--Энэтхэг киноны дурлал шиг юм болох нь ээ. Ээж намайг энд ингэж явааг харах юм бол зугаатай юм болно доо гэж бодон такси хvлээж зогслоо. Тvvний дэргэдхэн байх худгийг хэд ороосон урт оочир vvсч эндхийн оршин суугчид ус чандмань эрднийн тєлєє алалцахаа дєхєн шуугилдана. Гэтэл такси баригддаггvй ээ. Гэр хороололд такси барина гэдэг худгаас ус оочэргvй авахтай адил ховрын ховор юмны нэг ажээ. Ашгуй ганц золбин шар ирэв. Хайлаастаас хотын тєв рvv хоосон явах нь хэмээн гонсгор явсан хєгшин жолооч Намууныг хараад дугуйнаасаа гал гартал тоормослон зогслоо. Машинд суугаад л тэр гар утсаа гарган Жавхаа руу залгав. 2 найз єнєєдрийн уулзалтын тухай ярьж баахан хєхрєлдєв. Намуун эмээгийндээ хонох тул Жавхаа орж ирж яриагаа чєлєєтэй vргэжлvvлхээр болж 2 найз урт яриагаа дуусгасан юм. Тvvнийг таксинаас бууж эмээгийнхээ чарлаа хонхыг дарж зогстол ээж нь залгав. Чи сvvлийн vед юу л хийгээд явнаа? Єнєєдєр бас гэртээ ирэхгvй юм биш биз дээ? гэхэд нь Жавхаагийн англи хэлний курсийн ажилд туслах гээд эмээгийнд хонох гэсэн юм гэж аргалаад хаалга онгойлгож єгсєн эмээгийнхээ хажуугаар зvтгэлээ. Тэгээд гутлаа сольж байхдаа єєрийнх нь тухай ямар нэг юм шиншилчихсэн шинжтэй байсан Сараа сувилагчийг гэнэт саналаа. Хэрвээ ээж нь нэг л сэжиг авчихвал учрыг нь олохоос нааш сална гэж байхгvй дээ. ажлаасаа гарчихъя гэхээр Итгэлд юу гэж хэлэх билээ гэдгийг бодох хэрэгтэй байдаг.
Ядаж ганц долоо хоног аргалчихмаар байлаа. Асрагч Алтаа ганцхан єдрийн дотор баян айлын охин Намуун болоод хувирчихна гэдэг дэндvv утгагvй явдал байлаа. Удалгvй Жавхаа инээд алдсаар орж ирэв. Нvд нь гэрэлтэж vснийх нь ширхэг бvр гялалзаад байгаа мэт баяр хєєрєє нууж ядсан Намуухан ч найзийгаа єрєєндєє оруулаад буйдан дээр зэрэгцэн сууж аваад оноодрийн болсон яvдалийг ёстой л єнгєтєєр ярьж гарлаа. Найзынх нь яриа Жавхаад эхлээд сонин байснаа гэнэт гуниг тєрvvлчихэв. Яагаад? Уг нь тvvний санаачилсан туршилт амжилттай болж шинэ vеийн vнсгэлжингийн дvрд хувирсан Намуун хан хvvгийнхээ зvрхийг булааж чадлаа. Уг нь энэ мєрєєдлийн залуу Жавхаагийнх байсан бол найзынхаа яриаг сонсож суухдаа сэтгэлд нь ийнхvv бауц хан атаархлын дєл манас хийхийг мэдэрч єєрєє бяц хан дургуйтсэв. Хэдэн сарын ємнє хэдэн сар ч гэж дээ яг 3-н сарын ємнє тэр хаягдахын гашууныг ойлгосон. Тэр 2-ын хайр жинхэнэ хайр байсан vгvйг бvv мэд. Тэгээд ер нь энэ бол асуудлын гол нь биш шvv дээ. Хамгийн гол нь хvнд хаугдана гэдэг эмэгтэй хvний хувьд хамгийн гашуун зовлон байдгийг тэр мэдсээн. Тэр хор шар нь буцлахдаа Ганаагаас мянга дахин илvv баян илvv царайлаг залуутай хєтлєлцєн алхаж хайрын мсж бичэлцэн нvд vсийг нь энхрийлэн vнсэж хамаг халуун сэтгэлээ харамгvй єгєхсєн. Тэгээд тэр 2-ын тэр гал халуун хайрын тухай Германд байгаа Ганаа заавал олж сонсоосой. Эсvэл тэр амралтаараа ирээд санаандгvй тааралдаасай гэж тэр ямар их мєрєєддєг байлаа. Гэтэл тэр сайхан хайр єєрт нь ч биш найзад нь ирчихээд сэтгэлийнх нь гvнд бяц хан бяц хан атаартал тєрvvлээд байдаг . Vнэндээ хамгийн анх дискон дээр хараад л Итгэл єєрт нь таалагдсан, гэтэл тэр сайхан залуу Жавхааг биш Намууныг хайрласан нь харамсмаар.
--Цаадах чинь чамайг хайлаастад байдаг гээд нvvр буруурахгvй байгааг бодход vнэхээр хайртай юм аа. За би ч явъя даа гээд Жавхаа хэлэхдээ хоолойных нь єнгєнд атаархал байгааг нуусангvй. Аль бага байхын л Жавхаад байхгvй юм бvхэн тvнд л байдаг байсан. Єєрийн гэсэн єрєє, том том зєєлєн тоглом, чихэвчний хєгжим, гоё гоё хувцас гээд л бурхан яагаад дандаа Намуунд илvv юм заяадаг юм бол?


Last edited by california on Mar.31.05 10:40 am, edited 1 time in total.

Top
   
 
 Post subject:
PostPosted: Mar.14.05 7:17 am 
Offline
Уянгат Дууч Гишvvн
Уянгат Дууч Гишvvн

Joined: Oct.30.02 8:21 am
Posts: 432
Location: usa
27-r buleg
--- За байз л даа. Тэр орчуулсан юмаа аваад яв. Хvvе, би маргааш юу ємсєж явахыг зєвлєєд єгєоч гэж асуугаад Намуун босож суниав. Суниаж байгаа нь хvртэл жаргалтай харагдаж бана шvv гэж Жавхаа бодоод "би чинь яаж байна аа, найздаа атаархаж vхэх гээд, унтахдаа бурханд гэмшлээ єчихгvй бол нvгэл болох нь" хэмээн бодоод орчуулсан юмаа авч чи єєрєє л сонгочих, бид 2-ын вкус таардаггvй юм чинь гэчихээд дуу муутайхан гарч одлоо. Жавхааг гарсны дараа Намуун цонхны дэргэд очин зогслоо. Тэнгэрт 15-ны сар гарчээ. Тэргэл саран мэлтийн гудамжны гэрэлтэй сvvн цагаан туяа нь сvлэлдэн гадаа сав саарал гэгээтэй байв. Орцны хаалга дуугаран сугандаа юм хавчуулсан Жавхаа хар гvйхээрээ гараад эргэж ч харалгvй яваад єгєх нь харагдав. Одоо Итгэл юу хийж байгаа бол. Намайг бодож байгаа бол уу? Лав л энэ том сарыг харж байгаа бх даа. Унтахынхаа ємнє утасдаад дуугий нь сонсох юм сан гэж бодсоноо гэнэт энэ бодлоосоо ичих шиг болж утсаа шvvрч аваад ээжрvvгээ залгaлаа. Шєнийн 1 цаг болж байлаа. Аав ээж 2 нь хэдэн хvнтэй оройн зоог барьж яваа аж. Бид 2 оройтох юм шиг байна. Чи маргааш ээжрvvгээ яриарай аавтайгаа ярих уу? гэж ээжийгээ хэлхэд тэр баяртай гээд утсаа тасаллаа. Цаана нь олон хvний дуу шуугиан, хєл хєдєлгєєн сонсогдох нь том хvлээн авалт болж байгаа бололтой. Тэр 2-ын элдэв хvлээн авалт, хандив буяны зоог ямар дуусах биш дээ. Намуун тийм хєлтэй найр, олон хvн цугларсан газраар явах дургvй. Єрєєндєє ганцаараа зураг зурах юм уу, ном уншиж, эсвэл юм бодож суух нь хамаагvй тавтай санагддаг тул аав, ээжтэйгээ хамт явах дургvй гэртээ vлдэхийг илvvд vздэг хvvхэд билээ.
Уг нь єнєєдрийн энэ баяртай явдлаа ээждээ ярьсан бол сайхан байхсан. Гэвч ээж нь газар дээрх ганц охинтойгоо хэзээ ч тийм ойр дотно байсангvй. Яриад ч ойлгохгvй биз дээ. Юун Хайлааст, юун асрагч хийх. Хасар яасан бэ? гэх нь мэдээж юм чинь. Тvvнд аав, ээж 2-ынх нь амьдрал нэг л сонин санагддаг юм. Гаравч оровч бие биенээсээ холдоно гэж vгvй. Гэртээ байхдаа ч єр тєлбєр, гэрээ хэлэлцээр, маркэтингийн хэлтсийн шинэ захирал, хил гаалийн татвар гэхчилэн ажлаа ярьж байдгаас нь болоод эхнэр нєхєр 2 биш ажил хэргийн тvншvvд мэт санагдана. Аав нь яахав дээ уулзах хvн нь, хийх ажил нь барагдах биш. Гэтэл ээж нь нєхрєє vргэлж дагаж явах ямар хэрэг байна гэдгийг ойлгоход бэрх. Нэг удаа эмээ нь ээжийг нь зэмлэхдээ Юндэнгийн хажууд зангуу овс шиг наалдаж явахаар охиноо асраад орон гэрээ єєд нь татахад яадаг байна аа гэж билээ. Нээрээ л ээж нь ааваас нь яг зангуу овс шиг зуурч явдаг хvн. Уг нь єглєє сайхан унд бэлтгээд охин нєхєр 2-оо vдэж єгєєд, орой ирхэд нь гэртээ хоол хийчихсэн гэгээ татуулаад сууж байдаг бол сайхан аа. Тэгээд бас тэдний тэр том байшинд Намуунаас гадна дахиад 2 охин байдаг сан бол хичнээн хєгжилтэй, єнєр єтгєн айл байх сан бол гэж боддог юм. Хэрэв тэднийх 3 байг гэхэд 2 хvvхэдтэй, Намуун нэг дvvтэй байсан ч болоосой. Гэтэл ээж нь мєнхєд мєнгє тєгрєг, ажил хэрэг хєєцєлдєн, нєхрєє сvvдэр мэт дагасаар газар дээрх ганц охин нь гэрээсээ, эцэг эхээээ аажмаар хєндийрч байгааг, єсч єндийн єєрийн гэсэн бодолтой бvсгvй болж байгааг ч ажиглах сэхээгvй явсаар єдий хvрчээ. Жавхаад байдаггvй олон юм тvvнд бий. Гэvч Намууны мєрєєдєєд ч бvтэхгvй олон юм найзад нь бий. Жавхаагийн ээж нь хvvхдvvддээ маш их анхаардаг, багаас нь сэкц дугуйланд єєрєє хєтлєєд л явдаг байсан хvн. Тэднийх 3-н хvvхэдтэй. Тvvний эрэгтэй, эмэгтэй 2 хєєрхєн дvv нь Намуунд байгаа бvхнээс vнэтэй мэт санагддаг юм. Гэтэл найз нь єєрийнхєє аз жаргалыг vнэлж мэдэхгvй, аав ээжийгээ мєнгєгvй хэмээн vргэлж сэтгэл дундуур явдгийг яана.


Last edited by california on Mar.31.05 10:41 am, edited 1 time in total.

Top
   
 
Display posts from previous:  Sort by  
Post new topic  This topic is locked, you cannot edit posts or make further replies.  [ 80 posts ]  Go to page 1 2 3 4 Next

All times are UTC+09:00


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  
cron

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited