#AsuultSambar :

* * *
Либби Кларк том ах, үеэл эгч хоёроо дагаж явсаар байрны арын цэцэрлэгүүдийн ард ургасан харанхуй ойн төгөл рүү орлоо. Охин энд байхыг хүссэнгүй. Тэр гэртээ дулаан орондоо хэвтэхийг хүзэж байжээ.
Охины ах Гэри гар чийдэн бариад хамгийн урд явна. Аалзан хүн шиг хувцасласан ах нэг л аймаар харагдах ажээ. Муур эмэгтэйн хувцастай үеэл эгч Денис Гэригийн ард явж байлаа. Харин Либби тэднийг даган хамгийн сүүлд явах ажээ.
- Алив та хоёр бушуулаач гэж хэлээд Гэри урагшаа алхлаа.
Хүү хоёр бутны дундуур шургаж гарлаа. Денис ч гэсэн төвөггүй гарчихав. Харин Либбигийн том бөмбөг шиг хувцас мөчрөнд тээглэв. Охин одоо шинэ зүйлээс айж эхэллээ.
Хэрэв зөгийн хувцас урагдчихвал ээж нь яаж ч мэднэ. Либби хувцсаа тээглэсэн мөчирнөөс салгахыг оролдон амьсгаадах зуураа
- Би гэртээ харимаар байна гэж хэлэв. Гэтэл Гэри
- Зүгээр дагаад яв хэмээн хариулаад улам цаашаа явлаа.
Либби мэдээж буцаж явахаасаа ч айжээ. Тэд дэндүү хол явчихсан байлаа, Охин ганцаархнаа буцаад явчихаж чадсангүй.
- Бид магадгүй буцах хэрэгтэй байх. Либби айгаад байна гэж Денисийг хэлэхэд Гэри дороо зогсож эргэж харав. Либби багны ард нуугдсан ахынхаа царайг харахыг хүсэж байлаа.
- Денис, яасан бэ? Чи бас айгаад байгаа юм уу?
Дэнис сандарсан байртай инээх аядаад
- Үгүй гэсэнд
- Тэгвэл та хоёр бушуулж үз хэмээн Гэри хэлэв.
Бяцxан баг урагшаа явлаа. Газар нойтон гулгамтгай болжээ. Либби нойтон өвсөн дээр өвдөглөжээ. Ашгүй бороо зогсож, үүлний завсраар сарны гэрэл тусаж харагдана. Гэвч улам хүйтэрч, хувцас нь нэвт норсон Либби дагжин чичирч байлаа. Тэр үнэхээр их айжээ.
Эцэст нь модод сийрэгшсээр тэд ойн цоорхойд гарч ирэв. Нойтон газраас манан хөөрч харагдана. Гэри Денис, Либби хоёртой хамт ойн цоорхойн захад зогслоо. Тэрбээр
- Тэр байна гэж шивнэснээ
- Байшин ч юм уу, нэг зүйл байх ёстой юм шиг тэр дөрвөлжин талбайг хар даа. Гэтэл энд байшин алга. Мод бут ч ургаагүй, энд зөвхөн хогийн ургамлаас өөр юу ч байхгүй. Яагаад гэвэл энэ бол хараагдсан газар. Энд зөвхөн сүнснүүд л байгаа.
Либби аавынхаа хэлсэн үгийг санав.
Сүнс гэж байдаггүй.
Гэвч охины өвдөг чичирлээ. Үхтлээ айсан тэрбээр өмдөндөө шээс алдчихав. Ээжид нь энэ таалагдахгүй гэдэг нь ойлгомжтой.
- Тэр юу вэ? гэж Денис асуугаад газраас цухуйж буй хоёр дүрс рүү заалаа. Тэр зүйлс Либбид дээд үзүүрийг нь тахийлгаж нугалсан том яндан хоолой шиг харагдав. Хоолойнууд мөлхөө ургамалд битүү хучигдсан байлаа. Гэри
- Би мэдэхгүй байна. Тэд надад усанд шумбагч онгоцны яндан дуранг санагдуулж байна. Сүнснүүд магадгүй биднийг энүүгээр харж байгаа байх. Денис, чи очоод хар даа.
Денис үхтлээ айж нэг хачин инээснээ
- Чи өөрөө хар! гэлээ.
- Болж байна, би очиж харлаа гэж Гэри хэлэв.
Хүү нөгөө дүрсэнд дөхөж очихоор ойн цоорхой руу гэтэж, гурван метр орчим алхаад дороо зогсчихов. Тэгтэл тэр гэнэт эргэж дүү, үеэл хоёр луугаа буцаж ирлээ. Тэрбээр
- Тэр юу болохыг би хэлж чадахгүй нь гэж Гэрийг хэлэхэд Денис дахиад хачин инээснээ
- Чи харж чадаагүй болохоор л тэр хэмээн хэлэв.
- Үгүй, би харсан.
- Чи хараагүй! Чи бүр ойртож ч очоогүй.
- Би их ойрхон байсан. Сонирхоод байгаа юм бол чи өөрөө очиж хар.
Денис нэг хэсэг дуугүй зогсож байснаа хоосон талбай руу алхав. Гэриг бодвол тэр дүрсэнд нилээд дөхсөн боловч дороо зогсолгүй гэнэт эргэж гүйлээ.
- Энэ юу болохыг би ч гэсэн мэдэж чадсангүй гэж тэр хэлэв.
- Либби, одоо чиний харах ээлж гэж Гэриг хэлэхэд үхтлээ айсан охин хоолой нь бачуурахыг мэдэрлээ.
- Түүнийг явуулаад хэрэггүй. Тэр дэндүү жаахан гэж Денисийг хэлэхэд
- Тэр жаахан биш. Тэр хангалттай том болсон. Одоо тэр бие даах цаг болсон гэж Гэри хариу хэлэв.
Гэри Либбиг урагшаа хүчтэй түлхлээ. Охинд ойн цоорхойд хэдэн метр хол үсэрчих шиг санагдав. Либби буцаж гүйх гэтэл Гэри түүнийг хориглож зогсоохоор гараа урагш нь сунгаад
- Хөөе хөөе, Дэнис бид хоёр тийшээ очсон. Чи ч гэсэн очих ёстой гэж хэллээ.
Либби уртаар шүүрс алдаад хоосон талбай дээр байгаа хоёр тахир зүйл рүү эргэж харав. Сүнснүүд араас нь хараад байгаа юм шиг түүнд аймшигтай санагдаж байлаа. Гэвч тэр аавынхаа хэлснийг дахиж санав...
- Сүнс гээч зүйл огт байдаггүй.
Аав ийм зүйлийн талаар худлаа ярихгүй. Ингэхэд тэр юунаас айсан юм бол?
Түүнээс гадна охин өөдгүй новшийн зан гаргасан Гэрид маш их уурлажээ. Тэр бүр айдсаа марттал уурласан байлаа.
Би түүнд хариуг нь барихдаа л барина гэж охин бодлоо.
Хoёр хөл нь салган чичрэх хэдий ч тэр дөрвөлжин талбай руу алхам алхмаар ойрсоор. Охин төмөр зүйлд ойртох тусам улам зоригтой болов.
Нөгөө зүйлд Гэри, Денис хоёроос хамаагүй ойрхон очиж чадсандаа тэр өөрөөрөө маш их бахархаж байлаа. Гэвч тэр энэ юу болохыг мэдэж чадсангүй.
Охин зориг гарган нөгөө зүйл рүү гараа сунгаж мөлхөө ургамлын завсраар хуруугаа шургуулав. Тэрбээр хурууг нь хазах ч юм уу, эсвэл илүү аймшигтай зүйл битгий болоосой гэж найдаж байлаа. Хуруу нь хүйтэн төмөр хоолойнд хүрэв.
Энэ юу вэ? хэмээн охин өөрөөсөө асуулаа.
Хоолой үл мэдэг чичирхийлэхийг тэр мэдрэв.
Тэр бас чимээ гарахыг сонслоо. Чимээ хоолойноос гарах шиг түүнд санагдав.
Либби хоолойнд улам ойртож зогслоо. Чимээ маш сулхан сонсогдож байсан ч тэр хий хоосон зүйл сонсоогүй гэдгээ сайн мэдэж байв. Тэр үнэхээр эмэгтэй хүн гиншиж уйлахыг сонсжээ.
Либби гараа угз татаж хоолойноос холдууллаа. Тэр хөдөлж, ярьж, хашгирч чадахгүй болтлоо маш их айжээ. Охин амьсгал авч чадсангүй. Энэ яг түүнийг модноос гэдэргээ харан унах үед уушигнаас нь бүх агаар шахагдаж гарсантай адилхан мэдрэгдэх ажээ.
Эндээс зугтах хэрэгтэй гэж мэдэж байсан ч тэр хөдөлж чадсангүй. Яг л өөрийнхөө биед яаж хөдлөх ёстойг нь хэлж өгөх ёстой юм шиг.
Эргэж хараад хурдан гүй, хэмээн тэр өөртөө хэллээ.
Гэвч охин байрнаасаа хөдөлж чадсангүй, тэрбээр аймшигтай хэдэн хормыг өнгөрөөв.
Гэнэт хоёр хөл нь амь оров уу гэлтэй гүйж эхлэхэд охин өөрөө ойн цоорхойн зах руу гүйж байгаагаа анзаарлаа. Араас нь ямар нэг аймшигтай зүйл бариад авах вий хэмээн тэр үхтлээ айжээ.
Либби ойн захад хүрч, амьсгаа авахаар урагшаа бөхийлөө. Одоо л тэр амьсгаа авч чадахгүй удсанаа мэдлээ.
- Юу болсон юм бэ? хэмээн Денис асуулаа.
Амьсгалнь давчдаж багтрах шахаж байсан ч Либби
- Сүнс! Би сүнс дуугарахыг сонссон гэж арайхийж хэлэв.
Тэр хариу үг ч хүлээсэнгүй. Охин тэндээс зугтаж, ирсэн газар луугаа аль болох хурдан буцаж очихсын тулд гүйж эхэллээ. Ард нь ах, үеэл хоёр нь гүйх сонсогдоно.
- Хөөе, Либби зогсооч! Түр хүлээгээч дээ! хэмээн ах нь дуудлаа.
Гэвч тэр аюул осолгүй гэртээ гүйж хүртлээ зогсож чадахгүй болжээ.

_________________
Sakura

Намайг энд санасан хүмүүс байгаа гэж найдсан чинь хоёр партизанаас өөр хүн энд алга даа. Уул нь бүлэг бүлгээр оруулна гэж бодсон юмсан. Бараг жил орчуулга хийгээгүй болохоор их удаан явж байна. Яваандаа сайжрах байх аа, кккк
Манай Эприл ямархуу охин болсныг сонирхож байгаа хүн байгаа биз дээ?




Бүлэг 4

Райли Эприлийн унтлагын өрөөний хаалгыг тогшлоо. Аль хэдийн арван хоёр болсон тул охин нь босох цаг болчихсон ажээ. Гэвч тэр сонсоно гэж найдсан хариугаа авсангүй.
- Та юу хүссэн юм бэ? гэсэн нойрмоглож ундууцсан дуу өрөөнөөс сонсогдлоо.
- Чи өдөржин унтах гэж байгаа юм уу? гэж Райли асуув.
- Би дөнгөж сэрж байна. Одоохон бослоо.
Райли санаа алдаад шатаар доошоо уруудав. Энд Габриэла байсан ч болоосой гэж тэр бодлоо. Гэвч Габриэла ням гариг бүр өөртөө цаг гаргаж гадагшаа явдаг ажээ.
Райли буйдандаа шигдэж суулаа. Эприл өчигдөр өдөржингөө гуниглаж, түүнээс хол хөндий, зайгаа барьж байсан. Тэдний хооронд үүссэн учир битүүлэг түгшүүртэй байдлыг яаж зохицуулахаа Райли мэдэхгүй байжээ. Эприлийг Халловины баярт оролцохоор явсан хойно тэр бага зэрэг тайвширч билээ. Охин нь шөнийн нэг цаг болсон хойно гэртээ ирээгүй байсан ч тэр баяраа хэдхэн гудамжны цаана найзындаа тэмдэглэж байсан болохоор Райли нэг их санаа зовсонгүй.
Райли охиныхоо араас очих эсэхээ шийдэж чадахгүй эргэлзэж байтал Эприл ашгүй гэртээ харьж иржээ. Гэвч Эприл орж ирсэн хойноо ээжтэйгээ бараг үг солилгүй, шууд ор луугаа явжээ. Тэрбээр өнөө өглөө одоо хүртэл ээжтэйгээ ярилцахад ямар ч асуудал байгаагүй юм шиг аашилж байв.
Түүний чухам юу нь болохгүй байгааг мэдэхийг хүсэж байсан учраас Райли гэртээ байгаадаа их баяртай байлаа. Шинэ хэргийг хариуцаж ажиллахыг зөвшөөрөөгүй тул тэр дотроо маш их шаналж байжээ. Билл түүнд байнга зурвас илгээж байсан учраас өчигдөр Люси тэр хоёр Миэра Кэганы сураггүй алга болсон хэргийг мөрдөхөөр гадагшаа явсан гэдгийг мэджээ. Тэд Миэрагийн ажиллаж байсан айлын хүмүүс болон амьдардаг байрных нь хөршүүдтэй уулзаж ярилцсан байна. Гэвч тэдэнд ямар ч сэжүүр олдсонгүй.
Өнөөдөр Люси мөрдөлтийг ерөнхийд нь хариуцаж, Билл Миэрагийн зурагтай хуудсыг тарааж буй мөрдөгчидтэй хамтарч ажиллав. Энэ хооронд Билл Райлигийн хэргийг хариуцаж авлаа гэсэн шийдвэрийг тэсэн ядан хүлээж байлаа.
Гэхдээ Райлид шийдвэрээ хурдан гаргах шаардлага байсангүй. Квантикогийн ажилтнууд Райлиг маргааш ажилдаа ирэхгүй гэж ойлгожээ. Райлигийн шүүхийн өмнө аваачсан анхны алуурчдын нэг Мэриландад суллагдах гэж байгаа бөгөөд хоригдлыг хугацаанаас нь өмнө суллах хурлын үеэр гэрч оролцохыг зөвшөөрсөн ажээ.
Райлиг ямар боломж байгааг тунгааж суутал Эприл бүрэн хувцаслачихсан бууж ирлээ. Тэрбээр ээж рүүгээ харсангүй, шууд гал зуухны өрөөнд оров. Райл суудлаасаа босож охиныхоо араас дагалаа.
- Бидэнд идчихмээр юм байна уу? хэмээн Эприл асуугаад хөргөгчөө онгойлгоход
- Би чамд өглөөний цай бэлдээд өгье гэж Райлиг хэлэв.
- Зүгээр дээ. Би өөрөө нэг юм олоод идчихье.
Эприл бяслаг аваад хөргөгчний хаалгыг хаалаа. Тэр бяслагаа гал тогооны тавиур дээр зүсч, өөртөө кофе аягалав. Кофендоо сүү, элсэн чихэр нэмээд тэр хоолны ширээнд сууж бяслагаа идэв.
Райли охинтойгоо зэрэгцэж суулаа.
- Баяр чинь ямар болов?
- Дажгүй.
- Чи их оройтож ирсэн.
- Үгүй, би оройтоогүй.
Райли хэрүүл хийхийг хүссэнгүй. Одоо үед магадгүй арван тавтай хүүхдүүд баярын найраас шөнийн нэг цагт гэртээ харьж ирэх нь тийм ч орой биш байж мэдэх юм. Тэр үүнийг яаж ч мэдэх вэ дээ.
- Кристал чамайг найз хөвгүүнтэй болсон гэж надад хэлсэн гэж Райлиг хэлэхэд Эприл
- Тийм ээ гэж хариулаад кофеноосоо оочлов.
- Түүнийг хэн гэдэг юм бэ?
- Жоу.
Райли хэсэг дуугүй сууж байснаа
- Тэр хэдэн настай вэ? гэж асуув.
- Мэдэхгүй.
Дотор нь түгшиж эхэлсэн Райлигийн хоолойд нэг юм торох шиг боллоо.
- Тэр хэдэн настай юм вэ? хэмээн тэр дахиад асуув.
- Арван тавтай, ойлгосон уу? Надтай чацуу.
Эприл худлаа хэлж байгааг Райли шууд гадарлав.
- Би түүнтэй уулзаж үзмээр байна гэж түүнийг хэлэхэд Эприл нүдээ эргэлдүүлж
- Исүс Христ минь. Ээж ээ, ингэхэд та хэзээ насанд хүрэх хүн бэ? Тавьтай даа юу эсвэл...?


Үргэлжлэл бий........................
Чадвал маргааш оруулна аав

_________________
Sakura

Sainu? Bi bas baigaa shu, goy nom dandaa oruuldagt ih bayrladag shu, buund n unshih geed tesch yadan huleej bn. Udur bur l orj shalgaj bn kkk. Dahin bayrlalaa.

Эприл нүдээ эргэлдүүлж
- Исүс Христ минь. Ээж ээ, ингэхэд та хэзээ насанд хүрэх хүн бэ? Тавьтай даа юу, эсвэл...? гэж хэллээ.
Райлид гомдолтой санагдав.
- Энэ хүмүүжилтэй хүний хэлдэг үг биш шиг санагдах юм. Найзыгаа авчирч надтай танилцуул.
Эприл кофены аягаа бараг хага үсэртэл ширээн дээр чанга тавилаа.
- Та яагаад намайг байнга хяналтандаа байлгах гээд байдаг юм бэ? гэж тэр ууртай хэлэв.
- Би чамайг хянах гээгүй. Би зүгээр л чиний найзтай уулзахыг хүссэн.
Эприл хэдэн хором уурласан харцаар кофегоо чимээгүй ширтэж суулаа. Тэр гэнэт ширээнээс ухасxийж босоод гал зуухны өрөөнөөс гарав.
- Эприл! хэмээн Райли дуудлаа.
Тэрбээр Эприлийн араас дагав. Эприл гарах хаалга руу очиж, өлгүүрт өлгөсөн цүнхээ шүүрч авав.
- Чи хаачих гэж байгаа юм бэ? гэж Райлиг асуухад Эприл хариу хэлсэнгүй.
Тэр шууд хаалга онгойлгож гараад гаднаас нь хаачихав.
Райли мэл гайхан нэг хэсэг таг хөдлөлгүй зогслоо.
Тийм дээ, Эрпил одоохон буцаад ирнэ гэж тэр бодлоо.
Райли хэдэн хором хүлээснээ хаалгаа онгойлгож гудамжны эх адаг өөд хараа бэлчээв. Гэвч Эприл харагдсангүй.
Райлид их гомдолтой санагдаж, хоолой руу нь юм огшиж ам нь гашуу оргис. Тэд яагаад ийм байдалд орчихсоноо тэр өөрөөсөө асууж байлаа. Хэдэн сарын өмнө тэр Эприлтэй хүндхэн цаг хугацааг туулж өнгөрүүлсэн. Гэхдээ энэ зун Райли, Эприл, Габриэла гурав өөр байшинд нүүж орсны дараа Эприл их жаргалтай байсан. Тэр Кристалтай найзалж, есдүгээр сард сургуульдаа явахдаа ч түүний бүх зүйл хэвийн байх шиг байсан.
Гэтэл одоо, хоёрхон сарын дараа нөгөө аз жаргалтай өсвөр насны охин дахиад л уйтгар гунигт автсан нэгэн болсон байлаа. Арай нөгөө ГДСX (гэмтлийн дараахь сэтгэцийн хямрал) нь сэдэрчихсэн юм биш байгаа? Эприлийг алуурчин Петерсон барьж хорин алахаар завдсаны дараагаас охин их гунигтай, хаалттай болчихсон ажээ. Гэхдээ нэг сайн эмчтэй уулзсаны ачаар тэр хүнд байдлаасаа гарах шиг санагдсан юмсан.
Райли онгорхой хаалганы дэргэд зогссоор байлаа. Тэр гар утсаа гаргаж Эприл рүү зурвас илгээв.
Гэртээ буцаж ир. Яг одоо.
Зурвас "илгээгдсэн" гэсэн бичиг гарч ирсэнд Райли нэг хэсэг хүлээв. Гэвч хариу зурвас ирсэнгүй. Эприл гар утсаа гэртээ орхичихсон юм болов уу? Үгүй, ингэх боломжгүй. Эприл гэрээс гарахдаа цүнхээ авсан. Тэр гар утсаа авалгүй хаашаа ч явдаггүй.
Гэвч Райли утас руугаа харсаар байлаа. Зурвас "илгээгдсэн" гэж байгаа ч "уншсан" гэсэн бичиг харагдсангүй. Эприл зүгээр л зурвасыг нь нээж уншихаас татгалзсан юм болов уу?
Яг тэр мөчид Эприл хаана байгааг Райли мэдэх шиг боллоо. Тэр хаалганы хажууд тавьсан ширээн дээрээс түлхүүрээ авч гадаа хаалганы урд байдаг жижиг тавцан руу гарав. Тэрбээр Блэйн, Кристал хоёрын амьдардаг байшин руу очихоор шатаар бууж, зүлэгтэй талбайг дайрч гарлаа. Райли гар утас руугаа дахиж нэг харснаа хаалганы хонх дарав.
Блэйн хаалгаа онгойлгож Райлиг хараад нүүр дүүрэн инээмсэглэлээ.
- Хөөх, үнэхээр гайхалтай. Чамайг энд юу авчрах нь энэ вэ?
Райли жаахан сандарчээ.
- Би нөгөө юу... Эприл танайд байгаа юм биш биз? Кристалтай уулзсан уу?
- Үгүй, Кристал бас гэртээ байхгүй. Тэр энүүхэн ойр байдаг нэг кофе-шоп руу явна гэж хэлсэн. Хаана байдгийг нь чи мэдэх байх.
Блэйн санаа нь зовсон байртай духаа атирууллаа.
- Юу болсон бэ? Чамд хүндхэн асуудал тулгараа юу? гэж түүнийг асуухад Райли өөрийн эрхгүй гиншлээ.
- Бид хоёр маргалдсан. Тэр гэнэтхэн гүйгээд гарчихсан. Би түүнийг энд ирсэн байх гэж бодсон юмсан. Тэр миний илгээсэн зурвасыг ч тоохгүй байх шиг надад санагдаад байна.
- Манайд ор л доо хэмээн Блэйн хэлэв.
- Райли гэрийн эзнийг дагаж зочдын өрөөнд орлоо. Тэр хоёр буйдан дээр хамт суув.
- Охин маань яагаад би мэдэхгүй байна гэж Райли хэлснээ
- Бидэнд яг юу тохиолдоод байгааг мэдэхгүй байна гэлээ.
Блэйн гунигтай инээмсэглэв. Тэрбээр
- Би энэ мэдрэмжийг сайн мэднэ гэж хэлэхэд Райли бага зэрэг гайхлаа.
- Чи ч гэсэн үү? Кристал та хоёр бие биенээ сайн ойлгодог юм шиг надад санагдсан.
- Ихэнхдээ тийм байдаг. Гэхдээ л тэр шилжилтийн насан дээрээ байгаа болохоор заримдаа маш их тогтворгүй болдог.
Блэйн Райлиг хэсэг зуур талархсан харцаар харж сууснаа
- Хэлээд хэрэггүй дээ. Энэ ямар нэг найз хөвгүүнээс болсон байх гэж хэллээ.
- Хэлэх ч юм биш. Эприл найз хөвгүүнийхээ талаар надтай ярихгүй байна. Бас түүнийг надтай танилцуулахаас татгалзсан.
Блэйн толгойгоо сэгсэрлээ.
- Тэр хоёр яг ийм насан дээрээ байгаа. Найз хөвгүүнтэй болох нь тэдний хувьд үхэл амьдралыг шийдэхтэй адилхан гэсэн үг. Кристалд одоогоор найз хөвгүүн байхгүй. Энэ надад таалагдаж байгаа ч харин түүнд таалагддаггүй. Тэр дотроо их шаналж байгаа.
- Тэдний насан дээр би бас адилхан байсан юм шиг надад санагдаж байна гэж Райлиг хэлэхэд Блэйн аяархан инээлээ.
- Итгэж үз. Намайг арван тавтай байхад бүх охид адилхан ингэж боддог байсан гэж би бодож байна. Кофе уумаар байна уу?
- Би ууя, баярлалаа. Хар кофе байвал сайн байна.
Блэйн гал зуухны өрөө рүү явлаа. Райли эргэн тойрноо ажиглаж харав. Түүнд энэ өрөө дахиад таалагдлаа. Блэйн гоо сайхны мэдрэмжтэй гэдэг нь илт харагдана.
Блэйн буцаж ирэхдээ хоёр кофе авчрав. Райли кофеноос балгалаа. Кофе их сайхан амттай ажээ.
- Ээж болох үедээ би юу хийж байгаагаа мэддэггүй байсан. Энэ үнэн шүү гэж тэр хэлээд
- Тэр үед би хэтэрхий залуу байжээ гэж бодож байна.
- Чи хэдтэй байсан юм бэ?
- Хорин дөрөвтэй.
Блэйн толгойгоо арагш нь гэдийлгэж чанга хөхөрлөө.
- Би чамаас илүү залуухан байжээ. Би хорин нэгтэйдээ гэрлэсэн. Фебэг би урьд өмнө харж байгаагүй хамгийн хөөрхөн охин гэж бодож байлаа. Бас их тачаангуй. Түүнийг архинд донтсон, бас солио өвчтэй гэдгийг ч ухаарахгүй болтлоо би түүнд дурлачихсан байсан.
Райлигийн сониуч зан хөдөлжээ. Тэр Блэйний талаар эхнэрээсээ салсан гэдгээс өөр зүйл мэддэггүй байжээ. Ажаад байхад тэр хоёрт хоёуланд нь залуу насны гэнэн алдаа байдаг бололтой. Тэд өнгөцхөн сайхан харагддаг бүхэнд амархан татагддаг байжээ.
- Чигий гэрлэлт хэр удаан үргэлжилсэн бэ? гэж Райли асуулаа.
- Бараг есөн жил. Бид уул нь бүр эрт салах хэрэгтэй байсан юм. Би үүнийг өөрөө л дуусгах ёстой байсан. Фебэг аварч чадна гэж бодсон маань үнэхээр тэнэг санаа байсан. Кристал маань Фебэг хорин нэгтэй, намайг хорин хоёртой, тогоочийн сургуульд сурч байхад төрсөн. Бид дэндүү залуухан, бас ядуу байлаа. Хоёр дахь хүүхэд маань төрөхдөө аль хэдийн үхчихсэн байсан. Фебэ уйтгар гунигаа давж гарч чадалгүй архинд орж, сүүлдээ архаг архичин болсон.
Блэйн харцаа бурууллаа. Дотор нь бусдад илэн далангүй ярихыг хүсдэггүй гашуун дурсамжууд сэргэсэн бололтой.
- Би Эприлийг төрөх үед ХМТ-ны мөрдөгчдийн сургуульд сурдаг байсан гэж Райли хэлээд
- Райан намайг сургуулиа орхи гэсэн боловч би түүний үгэнд ороогүй. Тэр амжилттай өмгөөлөгч болоход бэлэн болоогүй байсан. Бид хоёр хоёулаа карьер хөөх сонирхолтой байлаа. Удаан хугацааны туршид энэ тал дээр бид бараг адилхан байсан. Бидэнд гэр бүл болоход шаардлагатай наад захын суурь мэдлэг байгаагүй гэлээ.
Блэйн өөрийг нь эелдэг зөөлөн харцаар ширтэхийг анзаараад Райли дуугүй болов. Ийм сэдвээр насанд хүрсэн өөр нэгэнтэй ярилцаж чадсандаа дотор нь онгойж жаахан тайвширчээ. Блэйний дэргэд биеэ барих шаардлагагүй гэж түүнд санагдаж байлаа. Райлид түүнтэй бараг бүх зүйлийн талаар ярьж болно гэсэн бодол төржээ.
- Блэйн, яг одоо би бүр уймарчихаад байна. Би нэг маш чухал хэргийг мөрдөхөд оролцох ёстой. Гэтэл гэр орон маань эх толгой нь мэдэгдэхгүй нэг иймэрхүү байдалд орчихсон байдаг. Би Эприлтэй хамт хангалттай удаан байсангүй гэсэн бодол надад төрөх боллоо.
Блэйн инээмсэглэлээ.
- Өө, энэ чинь хуучнаар бол ажлаа сонгох уу эсвэл гэр бүлээ сонгох уу гэдэгтэй адилхан. Би үүнийг мэднэ. Надад итгээрэй. Ресторан хариуцаж ажиллахад итгэмээргүй их цаг зарцуулах хэрэгтэй болдог. Кристалд цаг гаргах үнэхээр хэцүү гэж тэр хэлэв.
Райли Блэйний цэнхэр нүд рүү эгцэлж хараад
- Үүнийг тэгээд яаж зохицуулах вэ? гэж асуулаа.
Блэйн мөрөө хавчив.
- Чи үүнийг чадахгүй. Бүх зүйлийг зохицуулахад чамд хангалттай цаг байхгүй. Боломжгүй зүйлийг хийж чадсангүй гээд өөрийгөө зэмлэх нь ямар ч ашиггүй. Надад итгэж үз, карьераа орхих нь зөв шийдвэр биш. Фебэ сайн ээж байх гэж их хичээсэн. Энэ бас түүний солиорох шалтгаануудын нэг болсон гэж би боддог. Чи зүгээр үүнтэйгээ эвлэрэх хэрэгтэй.
Райли инээмсэглэв. Нөхцөл байдалтайгаа эвлэрэх- энэ түүнд үнэхээр гайхалтай санаа юм шиг санагдав. Магадгүй тэр ингэж чадах ч юм бил үү.
Райли урагшаа тонгойхдоо Блэйний гарыг шүргэчихэв. Блэйн түүний гараас барьж зөөлөн атгалаа. Тэдний хооронд нэг таатай нөхцөл бий болохыг Райли анзаарав. Хүүхдүүд нь хаа нэг тийшээ явчихсан болохоор Блэйний дэргэд түр зуур баймаар санагдлаа. Магадгүй тэр...
Таны зурвасыг дөнгөж сая харлаа. Намайг муухай ааш гаргасанд үнэхээр уучлаарай. Би кофе-шопт байна. Удахгүй харина.
Райли санаа алдлаа. Тэр зурвас бичих эсэхээ мэдсэнгүй. Хариу зурвас бичихгүй байсан нь дээр байж ч мэдэх юм. Эприл тэр хоёр сүүлд сайн ярилцаж болно.
Райли гэр лүүгээ алхаж байтал утас нь дахиад дуугарав. Райан залгажээ. Түүний хувьд салсан нөхөр нь энэ дэлхий дээр хамгийн сүүлд сонсохыг хүсэх хүн ажээ. Гэвч одоо түүнтэй ярихгүй бол тэр зурвас илгээгээд салахгүй гэдгийг Райли сайн мэдэж байлаа. Тэр утасны дуудлагыг авав.
- Райан, чи юу хүсээ вэ? гэж тэр товчхон асуулаа.
- Би тохиромжгүй үеэр чинь залгачихав уу?
Райли чиний хувьд тохиромжтой цаг гэж байхгүй гэж хэлмээр санагдав. Гэвч тэр энэ бодлоо дотроо хадгалж үлдлээ.
- Одоо ярьж болно гэж би бодож байна.
- Би Эприл та хёртой уулзахаар очдог юм уу гэж бодсон юм. Би та хоёртой ярилцмаар байна гэж Райан хэллээ.
Райлигийн амьсгал бараг бөглөрөх шахав.
- Чамайг битгий ингээсэй гэж би бодож байна.
- Чи өөрөө тохиромжгүй үе биш гэж хэлсэн шиг санагдах юм.
Райли хариу хэлсэнгүй. Энэ хүн бол түүний хэлсэн үгийг мушгин гуйвуулж өөртөө ашигтайгаар эргүүлж чаддаг Райан мөн байлаа.
- Эприл сайн байгаа юу? гэж Райан асуув.
Райлигийн хөх инээд хүрч бараг амаараа тургилах шахлаа. Райан зөвхөн яриагаа үргэлжлүүлэхийг хүсэж байгааг тэр мэджээ.
- Асуусанд баярлалаа гэж Райли егөөдсөн өнгөөр хэлээд
- Тэр сайн байгаа гэв.
Мэдээж энэ худлаа. Гэхдээ тэр Райанд боломж өгөхгүйн тулд сүүлийн аргаа хэрэглэжээ.
- Райл, сонсооч... Райан түгдэрч байлаа.
- Би маш олон алдаа гаргасан.
Тэр тоглоогүй юм байна гэж Райли бодсон боловч хариу дуугарсангүй.
Хэсэг хугацааны дараа Райан яриагаа үргэлжлүүлэв.
- Сүүлийн үед би тийм ч сайн биш байгаа.
Райли дахиад дуугарсангүй.
- Би зүгээр Эприл та хоёрын сайн байгаа эсэхийг мэдэх гэсэн юм.
Райан тэдний төлөө санаа зовсон гэдэгт тэр итгэж чадсангүй.
- Бид сайн байгаа. Чи яагаад үүнийг мэдэх гэсэн юм бэ? Райан, чи шинэ найз хүүхнүүдийнхээ нэгт хаягдчихаа юу? Эсвэл ажил дээр чинь ямар нэг хэцүү асуудал гарсан юм уу?
Толгой дотор нь нэг хачин бодол орж ирэх мөчид тэр гараа өөрийн эрхгүй угз татлаа. Тэр ийм шинэ мэдрэмжийг хүлээж авахад бэлэн биш байжээ. Райли гараа болгоомжтой татаж холдуулав.
- Баярлалаа. Би гэртээ харьсан нь дээр юм шиг байна. Эприл буцаад ирсэн гэж бодогдоод байна.
Тэр Блэйнтэй салах ёс хийгээд босгоор алхаж гартал гар утас нь чичирхийлэв. Эприлээс зурвас иржээ.
- Райли, чи надад дандаа хатуурхах юм.
Райли үнэндээ биеэ барьж аль болох зөөлнөөр хандаж байлаа, Тэр нөхцөл байдлыг сайн ойлгожээ. Райан одоо ганцаараа байгаа. Гэр бүл салалтын дараа түүний нийгэмд эзэлдэг нэр нөлөө багассан, эсвэл түүнд ямар нэг ичмээр зүйл тохиолдсон биз.
Райан ганцаараа байж тэвчдэггүйг Райли сайн мэднэ. Тэрбээр Эприл, Райли хоёрыг түүний хамгийн сүүлчийн аврал мэтээр үзэж буцаж ирэхэд бэлэн байгаа. Хэрэв Райли түүний буцаж ирэхийг зөвшөөрвөл тэдний харилцаа зөвхөн Райаны анхааралд өөр нэг эмэгтэй өртөх хүртэл л үргэлжлэх болно.
- Чи энэ асуудлаа хамгийн сүүлийн найз бүсгүйтэйгээ хамт зохицуулсан нь дээр байх даа.
Эсвэл түүний өмнөх бүсгүйтэй ч юм уу. Биднийг салснаас хойш чамд хичнээн бүсгүй байсныг би үнэндээ мэдэхгүй юм. Хэд байсан бэ, Райан?
Утасны цаана хөнгөхөн санаа алдах чимээ гарахыг тэр сонслоо. Райли байгаа яг зөв оножээ.
- Райан, яг үнэндээ энэ тохиромжгүй цаг байна.
Энэ үнэн байлаа. Дөнгөж сая тэр өөрт нь таалагдсан нэг эртэй уулзсан билээ. Чи яагаад үүнийг нурааж хаях ёстой гэж?
- Тэгвэл чамд хэзээ цаг гарах бол? гэж Райан асуулаа.
- Би мэдэхгүй байна. Чамд дуулгамз, баяртай.
Райли утсаа таслав. Тэрбээр Райантай ярьж байхдаа дороо нааш цааш холхисоор байжээ. Тэр тайвшрахаар сандал дээр сууж, хэдэн удаа гүнзгий амьсгал авлаа.
Дараа нь тэр Эприлд зурвас илгээв.
Чи гэртээ ирсэн нь дээр бололтой.
Хэдхэн хормын дараа тэр хариу зурвас авлаа.
За, би гэртээ харихаар явж байна. Уучлаарай, ээж ээ.
Райли санаа алдав. Эприл зүгээр байгаа бололтой. Магадгүй тэр одоохондоо зүгээр байгаа мэт боловч энд нэг болохгүй зүйл байгаа бололтой.
Түүнд яг юу тохиолдсон юм бол?

_________________
Sakura

орчуулсан хэсгээ хяналгүй оруулж байгаа шүү, уучлаарай

_________________
Sakura

Бүлэг 5

Маажуур бүх зүйлийг цагт нь амжуулахаар бүдэг гэрэлтэй зоорин дотор хэдэн зуун цагийн хооронд нааш цааш үсчиж байлаа. Шөнө дунд болоход хэдхэн минут үлджээ.

- Тэр морьтой цагийг тааруул! Тэр бүтэн нэг минутаар хоцорч байна! хэмээн өвөө нь хашгирахад Маажуур
- Би одоохон очлоо гэж хариулав.
Хэрэв энэ бүгдийг цагт нь хийж амжихгүй бол өвөө нь түүнийг шийтгэнэ гэдгийг Маажуур сайн мэднэ. Яг одоо түүнд тааруулах өчнөөн олон цаг байлаа.
Тэр бүтэн таван минутаар хоцорч яваа мушгиралдсан төмөр цэцэгтэй цагийг тааруулав. Дараа нь тэр "өвөөгийн цаг" (хуучны босоо модон цаг, баадууг нь чангалахын тулд найман өдөрт нэг удаа гинжнээс нь татдаг. орч)-ийг онгойлгож минутны зүүг бага зэрэг дээшлүүллээ.
Маажуур байнга хоцорч байдаг, дээрээ бугын эвэртэй цагаа шалгавал цаг энэ удаа харин зөв зааж байлаа. Эцэст нь тэр дээшээ цовхорч буй морины дүрстэй цагаа харвал цаг бүр долоон минутаар хоцорч байв. Энэ уул нь их сайхан цаг юм санжээ.
- Наадах чинь одоо болсон. Дараа нь юу хийхээ чи мэдэж байгаа хэмээн өвөө нь бувтнав.
Маажуур дуулгавартай нь аргагүй ширээ рүү очиж ташуур авлаа. Түүнийг жаахан байхад өвөө нь энэхүү "есөн сүүлт муур" хэмээх ташуураар байнга ороолгодог байжээ.
Маажуур зоорины буланд гинжээр торон хашилт хийж тусгаарласан хэсэг рүү очлоо. Хашилтны цаана дөрвөн эмэгтэй хоригдол байх бөгөөд тэнд дэвсгэр хучлагагүй модон орноос өөр тавилга гэхээр зүйл байсангүй. Тэдний ард жорлон болгож ашигладаг шүүгээ харагдана. Шүүгээнээс ханхлах өмхий үнэрт Маажуур аль хэдийн дасжээ.
Хэд хоногийн өмнө барьж авчирсан Ирланд бүсгүй түүнийг их хянамгай ажиглаж харна. Бусад охид удаан хугацааны туршид зөвхөн талхны үйрмэг, усаар амь зогоож байгаа учраас бүр ядарч туйлджээ. Тэдний хоёр уйлж гомдоллохоос өөр бараг юу ч хийхээ больжээ. Хашилтны дэргэд сууж буй дөрөв дэх охин бүр турж эцэн үхдэл шиг цонхигор харагдана. Тэрбээр дуу авиа ч гаргахгүй, бараг амьдын шинжгүй болсон ажээ.
Маажуур торны хаалгыг онгойлготол Ирланд бүсгүй зугтахыг оролдон урагшаа үсэрлээ. Тэгтэл Маажуур бүсгүйн нүүрэн дундуур ташуураараа ороолгов. Атиралдаж унасан бүсгүй цохилтоос зайлсxийхийг оролдоно. Маажуур бүсгүйг нүүр нүдгүй ороолгосоор. Бүсгүй одоо урж тасдаж буй мэт өвдөлтийг мэдэрч байгаа, ялангуяа урьд нь ороолгуулснаас бий болсон шарх сорви нь бүр ч их өвдөж байгаа гэдгийг өөрийнхөө туршлагаар тэр сайн мэдэж байлаа.
Тэгтэл бүх цаг нэгэн зэрэг хангинаж жингэнэн шөнө дунд болж буйг зарлах чимээ агаарт хадав. Маажуур одоо юу хийх ёстойгоо мэдэж байлаа.
Чих дөжрөм шуугиан дундуур тэр хамгийн туранхай, эцэж туйлдан бараг амьдын шинжгүй болсон охин руу яаравчлан очив. Охин түүнийг нэг хачин харцаар харлаа. Тэрбээр энд хамгийн удаан хугацаагаар хоригдсон тул одоо Маажуур юу хийх гэж байгааг сайн мэдэж байжээ. Охин үүнд бэлэн байгаа гэдгээ илэрхийлэх мэт, тэрбээр үүнийг бараг өөрөө хүсэж байна уу гэлтэй харагдана.
Маажуурт өөр сонголт байсангүй.
Тэр бүсгүйн дэргэд явган суугаад хүзүүг нь хуга мушгилаа.
Охиныг амьсгаа хурааж байх үед Маажуур хашилтны цаана харагдах нэгэн өвөрмөц хийцтэй цаг руу гөлөрч суув. Цаган дээрх бүрх малгайн доороос гавлын яс нь цухуйж харагдаж, хар нөмрөгөөр биеэ битүүлж ороосон Эрлэгийн элчийг гараар сийлбэрлэж хийсэн ажээ. Тэрбээр хаад, хатад, хүлэг баатрууд, үгээгүй ядуусыг ч ялгаагүй тасар татаж байлаа. Энэ бол Маажуурын хамгийн дуртай цаг билээ.
Эргэнд тойрны дуу чимээ алгуурхан намдлаа. Тун удалгүй цагнуудын дуу нийлүүлэн цохилох, одоогоор амьд байгаа эмэгтэйчүүдийн гиншин уйлахаас өөр чимээ сонсогдохоо болив.
Маажуур үхсэн охины цогцсыг мөрөн дээрээ тохлоо. Охины бие өд шиг хөнгөн учраас түүнд хэцүү санагдсангүй. Тэр хаалга онгойлгож гараад буцааж хаав.
Цаг нь болжээ гэдгийг тэр мэдэж байлаа.

_________________
Sakura

Баярлалаа

bayrlalaa unshij bgaa shuu

Баярлалаа. Уншиж байгаа хүн цөөхөн юм шиг санагдаад байсан. Дурандаа орчуулж байгаа болохоор оруулж дуусгана аа. Өнөөдөр нэг бүлэг нэмэх санаатай, одоо дундаа ороод явж байна. Дөрөв таван хуудас үлдсэн.

_________________
Sakura

Бүлэг 6

Сайн жүжиглэж байх шив хэмээн Райли бодлоо.
Ларри Муллинсын хоолой бага зэрэг чичирхийлж сонсогдоно. Тэрбээр бэлтгэж ирсэн үгээ хохирогчдын гэр бүл болон хоригдлыг хугацаанаас нь өмнө батлан даалтанд гаргах хурлын өмнө уйлагнасан өнгөөр ярьж дуусаж байлаа.
- Надад хийсэн гэмт үйлдлээ эргэж харах бүхэл бүтэн арван таван жил байлаа. Надад харамсаагүй өдөр нэг ч байсангүй. Би буцаж очоод өнгөрсөн бүгдийг өөрчилж чадахгүй. Би Натан Беттс, Ян Хартер нарыг буцааж амилуулж чадахгүй. Гэхдээ надад нийгэмд хувь нэмрээ оруулж чадах олон жил үлдсэн. Надад энэ боломжийг олгож өгөөч.
Муллинс байрандаа эргэж суухад өмгөөлөгч нь түүнд нусны алчуур өгч харагдав. Гэвч Райли түүний нүдээс нулимс дуслахыг үнэхээр хараагүй ажээ.
Шүүхийн зөвлөх- сонсголын ажилтан, хэргийг хариуцсан менежер хоёр зөвлөлдөхөөр хоорондоо шивнэлдэж сууна. Батлан даалтын хурлын гишүүд хоорондоо ингэж ярилцдаг ажээ.
Райли хэргийн гэрчийн хувиар удахгүй дуудагдана гэдгээ мэдэж байлаа. Энэ хооронд тэр Муллинсын байдал төрхийг ажиглаж суув.
Райли түүнийг сайн санаж байсан бөгөөд тэрбээр огт өөрчлөгдөөгүй юм шиг санагджээ. Тэр ч бүү хэл хийсэн гэмт үйлдлээ ухаарч тэрбээр гэм зэмгүй нэгэн болчихсон аятай ярьж байлаа. Хэрэв тэр улам харгис хэрцгий нэгэн болсон бол энэ төрхөө гэмшсэн мэт харагдах царайныхаа цаана сайтар нууж далдалсан нь мэдээж. Тэр үед Муллинс "нанни" (хүүхэд асрагч) буюу өмгөөлөгчийнх нь хэлснээр "манни"- гаар (эрэгтэй хүүхэд асрагч) ажиллаж байжээ.
Райлигийн анзаарснаар тэр огт хөгшрөөгүй байлаа. Муллинс шоронд орох үедээ хорин тавтай байсан ажээ. Тэрбээр урьдын адил эелдэг зантай залуу хөвгүүн шиг харагдана.
Гэтэл хохирогчдын эцэг эхийн хувьд энэ огтхон ч адилгүй байлаа. Сэтгэл зүрх нь хүнд шархалсан хоёр гэр бүлийн хосууд наснаасаа овортой, эрт хөгширсөн харагдах ажээ. Тэдний олон жилийн турш тээж ирсэн уй гашуу Райлигийн сэтгэлийг хөндөж дотроос нь шаналгаж байлаа.
Би тэдний төлөө бүр анхнаасаа илүү ихийг хийх хэрэгтэй байжээ гэж тэр дотроо бодов. Бас түүний анхны хамтрагч, ХМТ-ны мөрдөгч Жэйк Криваро ч гэсэн тэгж хийх ёстой байсан. Энэ бол Райлиг анх мөрдөгчөөр ажиллаад шалгаж байсан анхны хэргүүдийн нэг ажээ. Жэйк бол сайн сургагч байсан.
Ларри Муллинсыг тоглоомын талбай дээр нэг хүүхдийн амь хөнөөсөн хэрэгт буруутгаж баривчилжээ. Хэргийг мөрдөх явцад Райли, Жэйк хоёр Муллинсын амьдарч байсан өөр нэг хотод яг үүнтэй адилхан хэрэг гарсныг илрүүлж тогтоосон билээ. Хүүхдүүд хоёулаа боомилуулж нас баржээ.
Райли Муллинсыг баривчлан эдлэх эрхийг нь хэлж, гав зүүж байх үед тэр бараг хийсэн хэргээ хүлээж байна уу гэлтэй бах тав нь ханасан аятай хүйтнээр инээмсэглэж байжээ. Тэрбээр
- Амжилт хүсье хэмээн Райлиг тохуурхсан өнгө аястай хэлж билээ.
Үнэндээ Райли, Жэйк хоёрыг аз ивээж, тун удалгүй Муллинс шоронд хоригджээ. Тэр хүн амины хэрэг үйлдсэн гэдгээ огт хүлээн зөвшөөрөөгүй. Хэдийгээр Райли, Жэйк хоёр их чармайлт гаргасан боловч түүнийг хэрэг үйлдсэн гэдгийг батлах нотолгоо, эд мөрийн баримтууд маш хомс байжээ. Түүнийг хүүхдүүдийг боомилж алсан гэж нотлох боломжгүй байсан бөгөөд бас хүн амины хэрэг үйлдэхэд ашигласан зэвсэг олдоогүй. Муллинс зөвхөн хүүхдүүдийг хараанаасаа алдчихсан гэж мэдүүлж, хүүхдүүдийн аль нэгийг алсан гэдгээ үгүйсгэсээр байжээ.
Жэйк тэр хоёрт ахлах прокурорын хэлж байсан үг Райлигийн санаанд орлоо.
- Бид маш болгоомжтой байхгүй бол тэр муу новш хэргээс мултарчихаж мэднэ. Хэрвээ бид сэжигтэй санагдсан бүх зүйлийг батлах гэж улайрвал бүгдийг алдчихаж магадгүй. Хүүхдүүдийг алагдах үед тэдэнд хүрч чадах хүн ганцxан Муллинс байсан гэдгийг бид нотолж чадахгүй.
Tэгтэл харилцан тохиролцох гэрээ гараад иржээ. Райли ийм гэрээг үнэхээр үзэж чаддаггүй. Энэхүү гэрээг үзэн ядах эхлэл энэ хэргээс улбаатай ажээ. Хоёр тал тохиролцож буулт хийх саналыг Муллинсын өмгөөлөгч гаргажээ. Муллинс хоёр хүн амины хэргийн хариуцлагыг үүрэх боловч эдгээр хэргийг урьдчилан төлөвлөж үйлдсэн гэж хэлэх шаардлагагүй боллоо гэсэн үг.
Тохиролцооны гэрээ гэгч үнэхээр ойлгомжгүй новшийн зүйл байсан. Муллинс хүүхдүүдийг үнэхээр алчихсан юм бол тэр яагаад ийм гэрээнд цалгар наазгай хандсан байхав? Хоёр дүгнэлт хоорондоо огт тохирохгүй байлаа. Гэвч шүүх хурлын дарга энэ гэрээг зөвшөөрөхөөс өөр сонголтыг олж харсангүй. Эцэст нь Муллинс хоригдох хугацаанд засарч буйгаа харуулж чадвал хугацаанаасаа өмнө суллагдаж батлан даалтанд гарах боломжтойгоор гучин жилийн хорих ял авсан билээ.
Хохирогчдын гэр бүл сэтгэл санаагаар унаж, тэд маш их гомдол тээж үлдсэн. Тэд Райли, Жэйк хоёрыг ажлаа сайн хийж чадаагүй хэмээн үзэж, бүх бурууг тэр хоёрт тохож байжээ. Энэ хэргийг дууссаны дараа Жэйк тэтгэвэртээ гарсан бөгөөд тэрбээр маш их уур бухимдалтай хоцорчээ.
Тэр үед Райли хохирогчдын ар гэрийнхэнд Муллинсыг торны цаана үлдээхийн тулд чадах бүхнээ хийнэ хэмээн амласан ажээ. Хэд хоногийн өмнө Натан Беттсийн эцэг эх Райли руу утасдаж, энэхүү батлан даалтын хурлын тухай дуулгаж билээ. Түүний амлалтаа биелүүлэх цаг болжээ.
Хурлын гишүүд шивнэлдэж дууслаа. Сонсголын ажилтан Жюли Симмонс Райлиг хараад
- Миний ойлгосноор ХМТ-ны тусгай мөрдөгч Райли Пэйж дүгнэлтээ хэлэхийг хүссэн гэсэн гэж хэлэв.
Райли уртаар санаа алдлаа. Бүтэн арван таван жилийн турш хүлээж байсан мөч иржээ. Батлан даалтын хурлын гишүүд хэргийн нотлох баримт хангалтгүй байсан гэдгийг аль хэдийн мэдсэн гэдгийг тэр сайн мэдэж байлаа. Одоо энэ талаар дурьдах нь утгагүй хэрэг. Ийм учраас өөртөө найдах хэрэгтэй.
Райли суудлаасаа босож ярьж эхэллээ.
- Миний ойлгож авснаар Ларри Муллинс "бусдад үлгэр жишээ болсон сайн хүмүүжигч" байсан учраас хугацаанаасаа өмнө суллагдах гэж байгаа гэсэн.
Тэрбээр хоолой нь егөөдсөн өнгөтэй сонсогдоно.
- Ноён Муллинс, би таны хэлсэн үгэнд талархаж байна.
Муллинс толгой дохилоо. Тэрбээр нүүрэн дээр нь ямар ч сэтгэл хөдлөл илэрсэнгүй. Райли яригаа үргэлжлүүлэв.
- "Үлгэр жишээ болсон хүмүүжил". Энэ яг юу гэсэн утгатай юм бэ? Тэр ямар ч хэрэг өдүүлээгүй гэснээс илүүтэй харин үйлдэж байсан хэргээсээ бага зүйл хийсэн гэж байгаа юм шиг надад санагдаж байна. Тэр хорих ангийн дүрэм журмыг зөрчөөгүй, биеэ зөв авч байсан гэсэн. Зөвхөн ингээд л боллоо.
Райли дууныхаа өнгийг өөрчлөхгүй хэвийн хадгалах гэж их хичээж байлаа.
- Үнэнийг хэлэхэд би үүнхд огтхон ч гайхаагүй. Учир нь түүнд шоронд алчихаар хүүхдүүд байхгүй.
Танхимд санаа алдах, өөр хоорондоо шивнэлдэх чимээ сонсогдоно. Муллинс одоо инээмсэглэхээ болиод харц нь тас гөлөрчээ.
- Намайг өршөөгөөрэй гэж хэлээд Райли
- Муллинс үйлдсэн хүн амины хэргээ урьдчилж төлөвлөсөн гэдгээ хүлээгээгүй, бас энэ таамаглалыг прокурор үгүйсгэж чадаагүй. Гэвч тэр өөрийгөө буруутай гэж хэлээгүй мөртлөө хэргийн хариуцлагыг өөртөө үүрсэн. Түүнийг сайн санааны үүднээс ингэсэн гэж үзэх боломжгүй.
Райли дараагийн хэлэх үгээ сайтар тунгаахаар түр дуугүй болов. Тэр Муллинсын уурыг хүргэж, түүний жинхэнэ төрхийг ил гаргахыг хүсэж байлаа. Гэвч тэр эр хэрвээ одоо уурлавал хичээж хийсэн бүхэн нь салхинд хийсэж шоронгоос суллагдаж чадахгүй гэдгээ сайн мэдэж байжээ. Райлигийн гол санаа нь хурлыг даргалж буй гишүүдэд түүний үйлдсэн хэргийн жинхэнэ үнэнийг харуулах явдал байлаа.
- Би түүний амийг нь хороож алсан дөрвөн настай Ян Хартерын амьгүй болсон цогцсыг харсан. Нүд нь нээлттэй байсан хүү унтаж байгаа юм шиг харагдаж байсан. Үхэл хүүгийн царай төрхийг өөрчилсөн боловч би түүний харцыг хараад маш их цочирдсон. Амьсгал хураах сүүлчийн мөчид түүний амссан бүх айдас нүдэнд нь хурсан байсан. Бас бяцxан Натан Беттс ч гэсэн үүнтэй адилхан харагдаж байсан.
Райли хохирогчдын ээж нар мэгшин уйлахыг сонслоо. Тэрхүү аймшигтай явдлуудыг эргэж санахад маш хүнд байсан ч түүнд өөр сонголт байсангүй.
- Бид тэдний амссан зовлон, айдсыг мартах учиргүй. Бас мөрдөлтийн явцад Муллинс үйлдсэн хэрэгтээ огт гэмшсэн шинжгүй, үл тоомсорлон хэнэггүй царайлж байсныг бид мартаж болохгүй. Тэр одоо үнэхээр харамссан байлаа ч хэтэрхий оройтжээ.
Райли амьсгалаа урт авлаа.
- Тэр бяцxан хөвгүүдээс нийлбэр дүнгээр хичнээн жилийг булааж авсан бэ? Маш их, бүр зуугаас илүү жил гэж надад бодогдож байна. Гэтэл тэр гучин жилийн хорих ял авч, шоронд зөвхөн арван таван жилийг өнгөрүүлсэн. Энэ үнэхээр хангалтгүй байна. Хүүхдүүдээс булааж авсан нас, жилийг тэр эргүүлж төлөхийн тулд удаан амьдарч болохгүй.
Райлигийн хоойлой чичирч эхэллээ. Тэрбээр нулимс урсгах ч юм уу, эсвэл орилж хашгирч болохгүй, биеэ барих ёстой гэдгийг мэдэж байлаа.
- Одоо Ларри Муллинсыг өршөөж уучлах цаг болчихсон гэж үү? Би үүнийг хохирогч хүүхдүүдийн ар гэрийнхэнд үлдээмээр байна. Өршөөл, уучлал бол энэ батлан даалтын хурлын шийдэх асуудал биш. Энэ бас хурлаар хэлэлцэх гол асуудал биш. Хамгийн гол нь тэр бусдад аюултай хэвээрээ байгаа. Түүний гарт дахиад өөр олон хүүхэд амиа алдахаас бид урьдчилан сэргийлэх ёстой.
Хурлын индэрт сууж буй хүмүүсээс зарим нэг нь цаг руугаа харахыг Райли олж хараад бага зэрэг сандарлаа.
Хурлын удирдлага өнөө өглөө хоёр хэрэг авч хэлэлцсэн бөгөөд үд хүртэл дахиад дөрвөн хэрэг хэлэлцэх ёстой ажээ. Тэд их яарч байгаа бололтой. Райли хурдан дуусгах хэрэгтэй болжээ. Тэрбээр хурлын гишүүд рүү эгцэлж харлаа.
- Ноёд хатагтай нар аа, та бүхнийг энэхүү хугацаанаас өмнө суллах асуудлыг битгий зөвшөөрөөч гэж би гуймаар байна. Одоо хоригдлын нэрийн өмнөөс үг хэлэх зарим нэг хүн байж магадгүй гэж хэлээд Райли суудалдаа эргэж суулаа.
Түүний хэлсэн сүүлчийн үг хоёрдмол утгатай ажээ. Энд Муллинсыг хамгаалж үг хэлэх хүн нэг ч байхгүй гэдгийг тэр маш сайн мэдэж байлаа. Хэдийгээр тэр "сайн хүмүүжсэн" гэж байгаа ч энэ ертөнцөд түүнийг өмгөөлж хамгаалах нэг ч найз нөхөр байхгүй. Тэр ийм гавьяатай гэдэгт Райли бас эргэлзэж байлаа.
- Өөр үг хэлэх хүн байна уу? гэж сонсголын ажилтан асуув. Тэгтэл танхимын арын хэсгээс
- Надад нэмж хэлэх хэдэн үг байна хэмээн хэлэх сонсогдлоо.
Танил дуу гарахыг сонссон Райлигийн амьсгал давчдав. Тэр суудал дээрээ хурдан эргэж танхимын хойно зогсож буй тэвхгэр цээжтэй намхан эрийг олж харлаа. Тэр хүн түүний өнөөдөр энд уулзана гэж хүлээж байсан Жэйк Криваро мөн болохыг таниад Райли маш их баярлав.
Жэйк урагшаа алхаж хурлын гишүүдийн урд очоод нэрээ хэллээ. Тэрбээр
- Энэ хүн бусдыг залилахдаа гаргууд нэгэн гэдгийг би та нарт хэлж чадна. Түүнд битгий итгээрэй. Тэр худлаа ярьж байгаа, Түүнийг баривчилж байхад тэр огтхон ч харамссан шинжгүй байсан. Одоо та нарын харж байгаа бүхэн бүгд хуурамч гэж хэлэв.
Жэйк Муллинст бүр ойртохоор сууж буй ширээн дээр нь тохойлдлоо.
- Намайг өнөөдөр энд харна гэж чи бодоогүй гэдэгт би мөрийцөхөд ч бэлэн байна хэмээн үл тоомсорлосон өнгөөр хэлэв.
- Хүүхэд алдаг өөдгүй гаж амьтан, чи сонс. Би яаж үүнийг зүгээр өнгөрүүлж болох билээ.
Тэгтэл хурлын дарга алхаараа нүдэж
- Дүрмээ баримтал! хэмээн хэлэх сонсогдсонд Жэйк өршөөл эрсэн маягтай
- Өө, намайг уучлаарай гэж хэлээд
- Би уул нь бидэнд үлгэр жишээ болтлоо хүмүүжиж чадсан хоригдлоо гутаан доромжлохыг хүсээгүй юмсан. Эцсийн дүнд тэр одоо оготны хамраас ч цус гаргаж зүрхлэхээргүй болтлоо засарч хүмүүжсэн шүү дээ гэв.
Жэйк Муллинсыг тас ширтэн дэргэд нь зогссоор байлаа. Райли ялтны нүүрийг ажиглав. Жэйк Муллинсыг биеэ барьж чадахгүй болтол өдөөн хатгаж байгаа гэдгийг тэр мэдэж байлаа. Гэвч ялтны нүүрэн дээр ямар ч хувирал илэрсэнгүй, тэрбээр маш тайван харагдах ажээ.
- Ноён Криваро, та сууж болно. Одоо хурлын гишүүд шийдвэрээ гаргана гэж сонсголын ажилтан хэллээ.
Хурлын гишүүд бичсэн тэмдэглэл, санал бодлоо солилцохоор хоорондоо шахаж суув. Тэдний шивнэлдэж ярилцах нь байдлыг улам түгшүүртэй болгох ажээ. Энэ хооронд Райлид хүлээхээс өөр хийж чадах зүйл байсангүй.
Доналд, Мелани Беттс нар мэгшин уйлсаар байлаа. Уйлж суугаа Дарла Хартерын гарыг Росс хэмээх нөхөр нь атгасан харагдана. Тэр эр Райлиг харцаараа нэвт шувт бүлэх гэсэн мэт цоо ширтэж байлаа. Райлигийн гэрчилж хэлсэн үг түүнд ямар санагдсан юм бол? Түүнийг олон жилийн өмнө гаргасан алдаагаа засаж байна гэж тэр бодож байгаа юм болов уу?
Танхимын агаар бүгчим болж, Райли духан дээр нь хөлс бурзайхыг анзаарав. Тэрбээр их түгшиж сандарсанаас зүрх нь хүчтэй, хурдан хурдан цохилно.
Шийдвэрээ сонсгох хүртэл ердөө хэдхэн минут өнгөрчээ. Хурлын гишүүдийн нэг сонсголын ажилтны чихэнд шивнэж харагдав. Сонсголын ажилтан эмэгтэй
- Батлан даалтанд гаргахаас татгалзсан хэмээн хэлснээ үргэлжлүүлэн
- Одоо дараагийн хэргийг хэлэлцэнэ гэлээ.
Машины зогсоолын тасалбарын талаар ярьж байгаа аятай ямар ч сэтгэл хөдлөлгүй, чанга хатуу эмэгтэйг харж суусан Райли уртаар шүүрс алдлаа. Хурлын гишүүд өнөө өглөө үлдсэн бусад ажлаа хийж дуусгахаар яарч байгаа гэдгийг тэр гэнэт саналаа.
Хоёр гэр бүлийнхэн өөр лүү нь ирж явааг хараад Райли сандалнаасаа босов. Мелани Райлигийн энгэрт наалдаж
- Танд маш их баярлалаа, баярлалаа, баярлалаа... гэж давтсаар байлаа. Түүнийг тойрч зогссон бусад эцэг эхчүүд бас нүдэндээ нулимс цийлэгнүүлэн "танд баярлалаа" гэж давтаж хэлж байлаа.
Райли хонгилд хананы дэргэд зогсож буй Жэйкийг харжээ. Тэрбээр эцэг эхчүүдээс арайхийж салаад Жэйк рүү гүйж хүрэв.
- Жэйк! Райли Жэйкийг тэвэрлээ.
- Хичнээн удаан хугацаа өнгөрөө вэ?
- Их удаан хэмээн хариулаад тэр урьдын адил уруулаа мушийлгав.
- Одоогийн залуус захиа занаа бичиж, утсаар ярихаа бүр больжээ.
Райли санаа алдлаа. Жэйк түүнийг төрсөн охин шигээ санаж халамжилдаг байжээ. Тэрбээр Жэйктэй байнга холбоо барих ёстой байсан юм.
- Та ямаршуу байна даа? гэж түүнийг асуухад
- Би одоо далан тав хүрч байна гэж хэлээд Жэйк
- Би хоёр өвдөг, нэг дунд чөмөгнийхөө толгойгоо солиулсан. Нүд маань муудаж, сонсголын аппарат, пэйсмэйкэр (зүрхний хэмнэл тохируулдаг аппарат. орч) зүүж явдаг болсон. Бас чамаас бусад хуучны танилууд маань хий дэмий үглэж яншихаас хэтрэхгүй болж дээ. Би чамд ямар харагдаж байна? гэлээ.
Райли инээмсэглэв. Хамгийн сүүлд уулзаж байснаас хойш тэр их хөгширсөн харагдана. Гэвч Жэйкийн хэлснээр тэр тийм ч сул дорой, эмзэг болсон гэж харагдсангүй. Хэрвээ шаардлага гарвал тэр хуучин ажлаа хийж чадна гэдэгт Райли огт эргэлзсэнгүй.
- Таныг энд ирж гэрчийн хувьд үг хэлсэнд би их баяртай байна.
- Намайг тэр муу Муллинс шиг авирлахад чи нэг их гайхаад байх хэрэггүй.
- Гэхдээ таны тодорхойлолт их тус болсон.
Жэйк мөрөө хавчлаа.
- Би өөрөөс нь хувь илүү дээр гэдгээ түүнд харуулах гэсэн юм. Батлан даалтын хурал дээр түүний ялагдаж байгааг харах надад сайхан санагдсан. Гэхдээ тэр миний санаж байснаас илүү хүйтэн цэвдэг, ухаалаг болсон байна лээ. Магадгүй тэр үүнийг шоронгоос суралцсан биз. Ямартай ч бид түүнийг нэг их цочирдуулж чадаагүй ч зөв шийдвэр гаргуулж чадлаа. Тэр нэг хэсэгтээ л торны цаана сууж таарна.
Райли нэг хэсэг дуугарсангүй. Жэйк түүнийг сониучирхсан харцаар харснаа
- Чамд хэлээгүй ямар нэг юм байгаа юм уу? гэж асуулаа.
- Энэ тийм ч хялбархан зүйл биш гэж Райли хэлээд
- Хэрвээ Муллинс хүмүүжил сайтай хоригдолд олгодог гэсэн оноонууд цуглуулсаар байвал дараа жил дахиад л хугацаанаас өмнө суллагдах хурлаар орж таарна. Тэгвэл та бид хоёр юу ч хийж чадахгүйд хүрнэ гэв.
- Исүс минь хэмээн Жэйк дуу алдлаа. Тэрбээр тэртээх олон жилийн өмнө харагдаж байсан шиг маш их уурлаж бухимдсан харагдана.
Түүнд ямар санагдаж байгааг Райли сайн ойлгож байлаа. Муллинс эрх чөлөөтэй болно гэж бодоход л түүний зүрх шимширч байжээ. Өнөөдрийн бяцxан ялалт тийм ч баярлаж хөөрөөд байхаар зүйл биш ажээ.
- Би явах хэрэгтэй. Чамтай уулзах үнэхээр сайхан байлаа гэж Жэйк хэллээ.
Райли холдож яваа хуучин хамтрагчийнхаа араас харамсаж халагласан харцаар харж зогсов. Жэйк уур бухимдлаа ил харуулахыг хүсээгүй учраас дэргэд нь үлдээгүй гэдгийг тэр ойлгожээ. Энэ бол Жэйкээс гарах араншин биш байлаа. Түүнтэй удахгүй холбоо барина хэмээн бодоод Райли энэхүү бодлоо ой ухаандаа сайн тогтоож авлаа.
Райли сая болж өнгөрсөн зүйлд сайн тал байсан эсэхийг мэдэхээр оролдов. Бүхэл бүтэн арван таван жилийн дараа Бетсс болон Хартерынхан түүнийг эцэст нь уучилсан ажээ. Гэвч Райлид Ларри Муллинсын нэг адил өршөөл уучлал хүртэх эрхтэй гэж бодогдсонгүй.
Яг тэр үед гартаа гав зүүсэн Ларри Муллинс хажуугаар нь явж өнгөрөв.
Ялтан Райлигийн зүг толгойгоо эргүүлж инээмсэглэснээ дуу гаргалгүй заналтайгаар ингэж хэллээ.
- Дараа жил уулзацгаая.

_________________
Sakura

Уншиж байгаа шүү. Сонирхолтой ном оруулж байгаад баярлалаа.

давхар орчихжээ.

_________________
Sakura

Бүлэг 7

Райлиг гэртээ харихаар машинаа барьж явтал Билл утасдлаа. Тэр гар утасныхаа чанга яригч дээр дарлаа.
- Чамаар юу байна? Хэмээн түүнийг асуусанд Билл
- Бид Делаверт дахиад нэг цогцос олсон гэж хариуллаа.
- Миэра Кэганых уу? гэж Райли асуув.
- Үгүй. Бид хэний цогцос болохыг тодруулаагүй байна. Энэ нөгөө хоёр цогцостой адилхан харагдаж байгаа ч илүү их бэртэж гэмтжээ.
Байдал сайнгүй байгааг Райли шууд ойлгов. Миэра Кэган хоригдсоор байгаа ажээ. Алуурчин магадгүй олон эмэгтэй хорьж байж ч мэдэх юм. Тэгэхээр дахиад хүн амины хэрэг гарах нь ойлгомжтой. Тэрбээр хичнээн хүний амь хороохыг тааварлах аргагүй байлаа.
Биллийн хоолой их түгшсэн өнгөтэй сонсогдов.
- Райли, би энд галзуурахад ганц хуруу дутуу байна. Би бүр бодож сэтгэж чадахаа ч болилоо. Люси чадах чинээгээрээ тусалж байгаа ч тэр шал ногооноороо байна.
Биллд ямар байгааг Райли сайн ойлгож байлаа. Тэрбээр өөрийгөө егөөдөж байгааг тэр мэдрэв. Rайлиг энд Ларри Муллинсын хэргээс болж бухимдаж байх үед Делаверт байгаа Билл өнгөрсөнд хийсэн алдаанаас нь болж гурав дахь эмэгтэй амиа алдчихлаа хэмээн өөрийгөө буруутгаж байлаа.
Райли Билл рүү хүрч очиход хэр их зай байгааг тооцоолж үзэв. Тэнд хүртэл бараг гурван цаг зарцуулах ажээ.
- Чиний ажил дууссан уу? хэмээн Билл асуулаа.
Райли өнөөдөр Мэриландад хугацаанаас өмнө суллах хуралд сууна гэдгээ Билл, Брент Мередит хоёрт хэлсэн ажээ.
- Тийм ээ.
- Сайн байна. Би чамайг авахуулахаар нисдэг тэрэг явуулсан.
- Юу гэнэ ээ? хэмээн хэлэхдээ Райли шүүрс алдлаа.
- Чиний байгаа газрын ойролцоо нэг хувийн онгоцны буудал байгаа. Би чам руу байрлалыг нь илгээе. Нисдэг тэрэг бараг оччихсон байх. Буудал дээр машиныг чинь буцааж хүргэх сургагч хүлээж байгаа.
Билл өөр зүйл нэмж хэлэлгүй, утсаа шууд таслав. Райли нэг хэсэг дуугүй машинаа жолоодож явлаа. Өглөө суусан хугацаанаас өмнө суллах хурал дуусахад тэр бага зэрэг тайвширчээ. Тэрбээр охиноо хичээлээсээ тарж ирэхэд гэртээ байхыг хүсжээ. Райли өчигдөр Эприлтэй ярилцахаар оролдсон боловч тэр олигтой зүйл ярьж өгөөгүй ажээ. Өнөө өглөө тэр Эприлийг сэрэхээс өмнө явжээ.
Гэвч одоо түүний өмнөөс аль хэдийн шийдвэр гарчихсан байлаа. Тэр бэлэн эсэх нь огт хамаагүй, түүнийг одоо шинэ хэрэг хүлээж байгаа. Райли Эприлтэй сүүлд ярилцах хэрэгтэй болжээ.
Райли Биллээс хүлээж авсан байрлал руу очихоор машинаа эргүүллээ. Хийсэн алдаагаа засаж өөрийгөө эмчлэх арга бол өөр нэг алуурчныг барьж шударга шүүхийн өмнө аваачих явдал гэсэн бодол түүнд төржээ.
Одоо цаг нь болсон.

_________________
Sakura

Энэ цувралыг уншиж байгаа хүмүүст сонирхуулахад Райлид тохиолдсон хэргээр нийт 15 цуврал ном гарсан. Надад одоогоор 14 цуврал нь байгаа. Би 9 хүртэл нь уншсан. Бас Райлигийн өмнөх амьдралын талаар нэмэлт гурван цуврал гарсан байна лээ. Олж авах санаатай л байна.

_________________
Sakura

14 uuleng oruulaarai tegul :)

_________________
beyond

Хахахаха. Миний нас хүрэхгүй биз дээ. Чи англи хэлэндээ их сайн юм байна лээ. Орчуулахгүй юм уу? Өөр орчуулах хүн байвал хэлээрэй.

_________________
Sakura

zalhuu :))))
bi unshih l durtai
naad croft chin orchuuldagsht shahaach 1,2 iig haha

_________________
beyond

Крофтыг ажил ихтэй, маш завгүй гэж би ойлгодог ш дээ. Мундаг орчуулагч. Би бол нэг эхлэн суралцагч. кккккк
still left a bad taste in her mouth гэсэн зүйрлэлийг яаж орчуулах вэ? ам нь гашуу оргидог, аманд нь цөс амтагддаг гэх үү? Хэлээд өгөөч.

_________________
Sakura

ene Mullins daraa iin nomon dr sullagddag gsn tee goy yum boloh bhdaa

_________________
beyond

Amnaas n muuhai amt saldgui

_________________
beyond

Үгүй, нөгөө Шин Шин шоронд хоригдож байсан өөр алуурчин суллагддаг, бас тэнд Райлигийн очиж уулзаж зөвлөлгөө авдаг байсан нөхөр шоронгоос оргодог.

Чиний орчуулга үгчилсэн орчуулга. энэ нэг тиймэрхүү зүйрлэл байгаа юм.
Чамайг бодохоор ам заваараад байна гэх ч юм уу. Монгол хэлээ мартчихсан бололтой. Ямартай ч бараг жил нэг ч удаа монголоор яриагүй, кккк

_________________
Sakura

erunhii utga n heregtei l dee uwchin ch yumuu
paa Ter tusaldag sullagddiinmuu tegul bvr cool
bi deer nomuudiig erunhii d harj bsiin tehed riley iin huuchin barij bsan horigdol sullagdana gsn bhaar n say unshij bgaad ene suga yum boluu gsn bvr changa n sullagdhiin bn sweeeet

_________________
beyond

* * *
Хөгжмийн асрын модон шалан дээр хэвтэх нас барсан охиныг Райли харж зогсоно. Цэлмэг, хүйтэн сэрүүхэн өглөө байлаа. Хөгжмийн асар нь сайхан арчилж тордсон мод, зүлэг ногоогоор хүрээлсэн тосгоны төв талбайн голд босгосон зуны асарт байрладаг ажээ. Хохирогч охин Райлигийн харж байсан өмнөх саруудад олдсон хоёр хохирогчийн зурган дээрх охид шиг аймшигтай харагдаж байлаа. Нүүрээ дээш нь харуулан хэвтэж буй турж эцсэн охин сайн давсалж хатаасан муммитай адилхан харагдана. Магадгүй урьд нь таардаг байсан, одоо харин бохир заваан болж урагдаж цоорсон хувцас охинд хэлхийж томдсон байлаа. Охиныг ташуураар ороолгодог байсан бололтой биен дээр нь шинэ, хуучин олон тооны шарх сорви харагдана.
Райли хохирогч охиныг өмнөх хоёр хүн амины хэргийн хохирогчид шиг, арван долоотой болов уу хэмээн таамаглав.
Гэхдээ тийм биш байж магадгүй.
Учир нь Миэра Кэган хорин дөрөвтэй байсан. Алуурчин баримталдаг зарчмаа өөрчилсөн байж мэднэ. Охины насыг тодорхойлж хэлэхийн аргагүй, түүнийг аймшигтай тамлаж зэрэмдэглэжээ.
Райли Билл, Люси хоёрын дунд орж зогсов.
- Oхиныг нөгөө хоёр хохирогчоос илүү их өлсгөж байсан бололтой. Алуурчин түүнийг илүү удаан хугацаагаар хорьсон байх гэж Билл бодлоо хэллээ.
Билл өөрийгөө буруутгаж зэмлэсэн өнгөөр хэлэхийг сонссон Райли хамтрагч руугаа харвал энэ эвгүй гашуун мэдрэмж нүүрэнд нь тодорсон харагдав. Тэр юу бодож байгааг Райли сайн мэдэж байлаа. Түүнийг энэ хэргийг мөрдөж байгаад орхих үед охин амьд байсан. Тэр үед охин хоригдож байжээ. Билл охины үхэлд өөрийгөө буруутгаж байлаа.
Өөрийгөө зэмлээд хэрэггүй гэдгийг мэдэж байсан ч Райли түүний сэтгэлийг хэрхэн засахаа мэдсэнгүй. Тэрбээр Ларри Муллинсын хэргийг санах бүрт ам нь заваарч гашуун амт амтагдах шиг болдог ажээ.
Райли эргэн тойрноо ажиглахаар эргэж харлаа. Хамгийн түрүүнд гудамжны эсрэг талд харагдах дээрээ цагтай цамхаг бүхий хотын захиргааны том тоосгон барилга нүдэнд нь өртөв. Rеддитч бол колоничид суурьшдаг байсан, одоо ч үзэсгэлэнтэй харагддаг жижиг хотхон ажээ. Цогцсыг шөнийн цагаар хэнд ч мэдэгдэлгүй энд авчирч тавьсан нь Райлид огтхон ч гайхмаар зүйл биш байлаа. Тэр үед хот тэр чигээрээ нойрсож байсан. Талбай дээр олон хүн холхидог болохоор алуурчин мөрөө үлдээсэн байлаа ч олох боломжгүй.
Орон нутгийн цагдаа нар талбайг хэрэгт дурлагсдаас тусгаарлаж тууз татжээ. Туузны цаана цугласан олны дунд зогсож буй хэвлэл мэдээллийнхэнийг олж харсан Райлигийн санаа зовж эхэллээ.
Урьд гарсан хоёр хүн амины хэрэг, Миэра Кэганы сураггүй алга болсон хэргүүд бүгд хоорондоо холбоотой гэдгийг хэвлэл мэдээллийнхэн одоохондоо мэдээгүй байгаа. Гэвч энэ шинэ хүн амины хэрэг хэн нэгэнд энэ бүгд холбоотой гэсэн сэжиг төрүүлж мэдэх юм. Олон нийт үүнийг эрт орой, хэзээ нэгэн цагт мэдэж таарна. Тэгвэл хэргийг мөрдөхөд хүндрэлтэй болно гэсэн үг.
Райли ойрхон зогсож буй Реддитч хотын цагдаагийн газрын дарга Аарон Померойгоос
- Цогцсыг хэзээ, яаж олсон юм бэ? гэж асуулаа.
- Манайд нар мандахаар ажилдаа гардаг хотын цэвэрлэгч байдаг. Тэр охиныг олсон гэсэн.
Померой их сандарч тэвдсэн харагдана. Тэр эр хэт таргалалттай, бас нилээд ахимаг настай ажээ. Иймэрхүү жижиг хотод гарсан аллагын хэргийг өдий насны цагдаа мөрдөж чадах болов уу хэмээн Райли дотроо бодлоо. Гэхдээ тэр ийм төвөгтэй хэргийг мөрдөж үзээгүй биз.
Мөрдөгч Люси Варгас цогцсыг сайн ажиглаж харахаар дэргэд нь явган суулаа.
- Бидний алуурчин өөртөө их итгэлтэй юм байна гэж түүнийг хэлэхэд
- Чи яагаад тэгж санагдав? гэж Райли асуув.
- Тэр цогцсоор нэг юм илэрхийлэхийг оролдсон байна. Метта Лунойг ил задгай газраас олсон. Валери Брунер замын дэргэд хэвтэж байсан. Бүх цуврал алуурчдаас зөвхөн тал хувь нь хохирогчдынхоо амийг хороосон газраас тэднийг зөөвөрлөсөн байдаг. Тэдний тал нь цогцсыг нууж далдлах гэж оролддог. Ил задгай орхисон цогцоснуудын ихэнхийг зүгээр л хаячихсан байдаг. Харин энэ дүр зураг түүний хичнээн ичгүүргүй нэгэн болохыг харуулж байна.
Люси ажилдаа сайн төвлөрч байгааг хараад Райли их баяртай байлаа. Гэхдээ алуурчинг ичгүүргүй нэгэн гэсэнтэй яагаад ч юм санал нийлсэнгүй. Алуурчин олны танил болох гэж хичээгээгүй. Түүнд өөр төлөвлөгөө байгаа. Тэр нь юу болохыг Райли мэдэхгүй байлаа.
Гэвч цогцсыг хэвтүүлж тавьсан байрлалаар тэр ямар нэг юм илэрхийлсэн гэдгийг сайн мэдэж байв. Энэ бол зориуд санаатайгаар хийсэн нэг аймшигтай утга агуулсан зүйл байж таарна. Охины зүүн гар дээшээ толгойноос нь дээр сунгасан байрлалтай , харин баруун гарыг нь их биеийн дагуу боловч биенээс нь бага зэрэг холдуулж тавьсан байлаа. Түүний хугарсан хүзүү, толгой болон биеийн үлдсэн хэсгийг аль болох цэх шулуун шугамд тавихыг оролджээ.
Бусад хохирогчдын зургийг санах гэж оролдож байсан Райли Люсигийн гарт байгаа таблет компьютерыг харлаа.
- Люси, чи нөгөө хоёр цогцосны зургийг харуулж чадах уу?
Үүнийг хийхэд Люси хэдхэн хором зарцуулав. Райли, Билл хоёр зурагнуудыг харахаар Люсид ойртож зогслоо. Билл зурагнууд руу заагаад
- Метта Лунойгийн баруун гарыг дээшээ өргөж, зүүн гарыг хажууд нь тавьсан байгаа нь яг энэ цогцосны толины тусгал шиг харагдаж байна. Валери Брунерын баруун гарыг чанх дээшээ, зүүн гарыг нь их биеийн дагуу доош нь унжуулсан байна гэж хэлэв.
Райли тонгойж цогцосны бугуйнаас барьж хөдөлгөх гэж оролдтол гар байрнаасаа хөдөлсөнгүй. Үхлийн дараахь хөшилтийн процесс бүх биеийг бүрэн хамарсан үед шүүх эмнэлгийн шинжээчдэд нас барсан цагийг төгс тогтооход хүндрэл гардаг ажээ. Гэхдээ охин хамгийн багадаа есөн цагийн өмнө нас барсан гэдэгт Райли итгэлтэй байлаа. Бас бусад хохирогч охидын нэг адил охины амийг хороосны дөнгөж дараахан цогцсыг зөөвөрлөж энд авчирч тавьсан биз.
Олон зүйл харж мэдэх тусам Райлид энэ хэрэг улам төвөгтэй санагдаж байлаа. Алуурчин цогцсыг энд авчрахын тулд их чармайлт гаргажээ. Тэрбээр энэ талбайгаар үүрч дүүрэн дээшээ зургаан шат өгсөж гаргасан цогцсоо хичээнгүйлэн байрлуулжээ. Гэхдээ цогцосны байрлалд нэг асуудал байлаа.
Цогцосны байрлал зуны асрын ханатай нэг шугамд байрлаагүй бөгөөд бас ойр хавьд харагдах захиргааны байр, асар байрласан талбай ч юмуу эсвэл өөр нэг юмтай харьцуулсан гэх сэжүүрийг Райли олж харсангүй. Цогцсыг тохиолдлоор ингэж тавьсан болов уу гэмээр харагдана.
Тэр нөхөр үүнийг тохиолдлоор ингэж тавиагүй гэсэн бодол түүнд төржээ.
Райли алуурчин энүүгээрээ ямар нэг юм илэрхийлэхийг оролдсон гэж бодож байгаа ч чухам юу илэрхийлэх гэснийг нь мэдэж чадсангүй.
- Цогцосны байрлалыг хараад чамд ямар санаа төрж байна? гэж Райли Люсигаас асуулаа.
- Мэдэхгүй байна. Цогцсыг ингэж байрлуулдаг алуурчин тийм ч олон биш. Энэ үнэхээр хачин байна.
Тэр ажилдаа дадах яагаа ч үгүй, шинээрээ байна даа гэж Райли дотроо бодов.
Люсид урьд өмнө нь ийм хачирхалтай хэргийг мөрдөх тохиолдол гарч байгаагүй учраас тэр их догдолж байлаа. Харин хал үзэж халуун чулуу долоосон Райли, Билл мэтийн мөрдөгчид иймэрхүү хэрэгт бараг дөжирчихсөн байдаг ажээ.
- Люси надад газрын зургаа харуулаач хэмээн Райли гуйлаа.
Люси дээр нь хоёр цогцсын олдсон байрлалыг тэмдэглэсэн газрын зургаа авчрав.
- Цогцоснуудыг хооронд нь маш нарийн холбоотой байрлуулсан гэж Люси хэлээд зураг руу заалаа.
- Валери Брунер Метта Лунойгийн байсан газраас арван мод арай хүрэхгүй газраас олдсон. Харин энэ газар Валеригийн байсан газраас арав хүрэхгүй мод газарт байгаа.
Люсигийн зөв байлаа. Гэтэл Миэра Кэган эндээс умард зүгт, бүр нилээд хэдэн километр хол байдаг Вестрид алга болжээ.
- Энэ газрууд хоорондоо холбоотой гэж харагдаж байна уу? гэж Райли Билл, Люси хоёроос асуусанд
- Үгүй гэж Люси хариулаад
- Метта Лунойгийн цогцсыг Моубрэйгийн гадна задгай талбай дээрээс олсон. Валери Брунер хурдны замын дэргэд байсан. Харин энэ цогцос жижиг хотын төвд байна. Энэ яг алуурчин өөр хоорондоо адилхан биш газруудыг сонгосон юм шиг харагдаж байна гэлээ.
Яг тэр мөчид цугласан хүмүүсийн дундаас хүн орилох сонсогдов.
- Энэ хэргийг хэн хийснийг би мэднэ! Тэр хүнийг би мэднэ!
Райли, Билл, Люси гурав зэрэг эргэж харвал туузны ард зогсож буй нэг залуухан эр гараа даллан орилж байлаа.
- Үүнийг хэн хийснийг би мэднэ! гэж тэр дахиж орилов.

_________________
Sakura

Бүлэг 8

Райли нөгөө хашгирсан эрийг анхааралтай ажиглав. Тэр эрийн ойр зогсож буй зарим хүмүүс толгой дохин хоорондоо шивнэлдэж харагдана.
- Үүнийг хэн хийснийг би мэднэ! Бид бүгдээрээ үүүнийг мэдэж байгаа!
- Жошийн зөв гэж дэргэд нь зогсож байсан нэг эмэгтэй хэлээд
- Тэр бол Деннис гэлээ.
- Тэр их хачин хүн гэж бас нэг эр хэлснээ
- Тэр яг л нэг хэзээ хэзээгүй дэлбэрэх гэж байгаа цагтай бөмбөг шиг санагддаг хэмээн нэмж хэлэв.
Билл, Люси хоёр хашгирсан эрийн зогсож буй хоёр талбайн зах руу хурдаллаа. Харин Райли байрандаа үлдэж, туузны урд зогсож байсан нэг цагдаад хандаж хашгирсаар байгаа эр лүү заагаад
- Түнийг нааш нь аваад ир гэж хэлэв.
Тэр эрийг цугласан хүмүүсээс холдуулах нь дээр гэдгийг Райли мэдэж байжээ. Хэрэв хүн болгон энэ талаар яриад эхэлвэл хэргийн үнэн мөн баларч алга болдог. Хэрэв тэд үнэхээр үнэнийг хэлж байгаа бол...
Түүнчлэн нөгөө эрийг хэвлэл мэдээллийнхэн бүчээд авлаа.Тэдний хамар доор тэр эр ярилцлага өгөхийг Райли хэзээ ч зөвшөөрч чадахгүй.
Цагдаа тусгаарласан туузыг дээш нь сөхөж нөгөө эрийг тэдэн рүү дагуулж ирэв. Энэ хооронд тэр эр
- Энэ хэргийг хэн үйлдсэнийг бид бүгдээрээ мэдэж байгаа! Үүнийг бид бүгдээрээ мэднэ! хэмээн орилсоор байлаа. Райли түүнийг цугларсан хүмүүсээс холхон аваачиж ярилцахаар бугуйнаас нь барьж
- Тайвширч үз хэмээн хэлэв.
- Деннисийн талаар хүмүүсээс асуу гэж хөөрч догдолсон эр хэлээд
- Тэр ганц бие, их хачин хүн. Тэр охидыг айлгадаг. Эмэгтэйчүүд түүнээс маш их жийрхдэг юм гэв.
Райли тэмдэглэл хөтөлдөг дэвтрээ гаргалаа. Билл ч мөн адил. Биллийн нүдэнд сониучирхсан харц илэрснийг тэр анзаарав. Гэхдээ бүгдийг тайван ёс журмаар нь хийх хэрэгтэй гэдгийг тэр мэдэж байлаа. Одоогоор тэд юу ч мэдэж амжаагүй. Дээр нь хэт их хөөрч догдолсон эрийг хэвийн байдалд оруулсны дараа байцааж асуух хэрэгтэй байлаа. Тэрбээр тайван бодож сэтгэдэг хүнтэй ярилцахыг хүсжээ.
- Түүний бүтэн нэрийг хэн гэдэг юм бэ? гэж Райлиг асуухад
- Деннис Воун хэмээн тэр эр хариулав.
Райли Биллд хандаж
- Түүнтэй ярилцаж бай гэж хэллээ.
Билл толгой дохиод тэмдэглэлээ үргэлжлүүлэв. Райли зуны асарт цогцосны дэргэд зогссоор байгаа цагдаагийн газрын дарга Аарон Померой руу очлоо.
- Померой дарга аа, Деннис Воуны талаар танд хэлэх зүйл байна уу?
Померойд энэ нэр аль хэдийнээс танил болсон гэдэг нь илт харагдана.
- Түүний талаар чи юу мэдмээр байна?
- Түүнийг хүний аминд хүрч чадахаар аюултай нөхөр гэж танд санагддаг уу?
Померой зулайгаа маажиж зогссоноо
- Таны хэлж байгаагаар бол тийм байж ч магадгүй. Түүнийг байцаагаад үзэхэд илүүдэхгүй гэж хэллээ.
- Яагаад?
- Тэр бидэнд олон жил төвөг учруулж байгаа. Садар самуун явдлыг сурталчилсан, бүдүүлэг зан авир гаргасан гэх мэтийн зүйл. Хэдэн жилийн өмнө цонхоор шагайасан хэрэг гарсны дараа түүнийг Делаверын Сэтгэцийн эмгэг судлалын төв рүү явуулж, тэндээ нэг хэсэг байсан. Өнгөрсөн жил тэр дунд сургуулийн хөгжөөн дэмжих багийн нэг охиныг салахгүй дагаж, захидал бичсэн хэргээр шалгагдсан. Тэр хэдийгээр энэ хэргийг үгүйсгэж байсан ч шүүх хурал охины гэр бүлийн талд шийдвэрээ гаргасан. Тийм учраас тэр шоронд зургаан сар суусан.
- Тэр шоронгоос хэзээ суллагдсан юм бэ?
- Өнгөрсөн хоёрдугаар сард.
Райлигийн сонирхол улам асаж ирлээ. Деннис Воун анхны хүн амины хэрэг гарахын өмнө шоронгоос суллагджээ. Энэ тохиолдол гэж үү?
- Хотын охид, бүсгүйчүүд дахиад л гомдоллож эхэлсэн гэж Померой хэлээд
- Учир нь тэр тэдний зургийг авдаг байжээ. Гэхдээ энэ түүнийг баривчлах шалтгаан биш байсан гэв.
- Түүний талаар өөр хэлэх зүйл танд байна уу? гэж Райлиг асуусанд Померой мөрөө хавчлаа.
- Ингэхэд байна аа, тэр бол зүгээр л тэнүүлчин байгаа юм. Одоо гуч орчим настай, бидний санаж байгаагаар түүнд эрхэлсэн ажил байхгүй. Түүний гэр бүл болох өвөө эмээ, авга ах, эгч нар нь энэ хотод амьдардаг ч түүнтэй огт харьцдаггүй. Түүнийг сүүлийн үед их гунигладаг болсон гэж би сонссон. Тэр хүмүүст "энэ өдрүүдийн нэгэнд" гэж байнга хэлдэг болсон гэнэ.
- "Энэ өдрүүдийн нэгэнд" юу болно гэж? хэмээн Райли асуулаа.
- Ёстой бүү мэд. Хүмүүс түүнийг "цагтай бөмбөг" гэж хочилдог. Дараагийн удаа тэр юу хийхийг тэд мэдэхгүй болоод л тэр. Гэхдээ бидний мэдэж байгаагаар тэр танхайн сэдэлтэй гэмт хэрэг нэг ч удаа үйлдэж байгаагүй.
Rайли эдгээр шинээр олж мэдсэн зүйлс ямар утгатай болохыг ойлгохыг хичээн дотроо тунгааж үзэв.
Энэ хооронд Билл, Люси хоёр нөгөө эрийг байцааж дуусаад Померой, Райли хоёрын дэргэд хүрч ирлээ. Биллийн уйтгар гунигт автсан царайны төрх эрс өөрчлөгдөж, тэрбээр өөртөө их л итгэлтэй харагдана.
- Деннис Воун бол бидний эрж байгаа алуурчин яг мөн. Тэр хүний бидэнд хэлсэн бүхэн алуурчны шинж тэмдэгтэй яг тохирч байна хэмээн тэр Райлид хандаж хэлэв.
Гэвч Райли хариу хэлсэнгүй. Анхандаа түүний хэлсэн шиг санагдсан ч дүгнэлт гаргах арай эрт байлаа.
Түүнчлэн Биллийн өөртөө итгэлтэй сонсогдох хоолойны өнгө түүний санааг зовоож байлаа. Өнөө өглөө түүнийг энд ирсэн цагаас хойш Биллийн сэтгэл санаа тогтворгүй байгааг тэр анзаарсан ажээ.
Хэргийг илрүүлж чадаагүй хэмээн өөрийгөө буруутгаж байгаа хүнээс ийм араншин гарах нь мэдээжийн хэрэг. Гэхдээ энэ асуудлыг хүнд байдалд оруулж мэднэ. Түүнийг биеэ барьж чадахгүйд хүрвэл түүнд Райлигийн тусламж хэрэгтэй.
Райли Померой руу эргэж харлаа.
- Түүнийг хаанаас олж болохыг та бидэнд хэлж өгч чадах уу?
- Мэдээж. Гол гудамжаар чигээрээ Братлборо хүртэл яв. Дараа нь зүүн тийшээ эргэ. Баруун гар талын гурав дахь байшин бол түүний гэр.
Райли Люсид хандаж
- Чи эндээ үлдэж шүүх эмнэлгийн шинжээчдийг хүлээ. Тэд цогцсыг эндээс авч явсан ч болно. Бидэнд хангалттай зураг байгаа гэж хэлэв.
Люси толгой дохилоо.
Билл тэр хоёр туузан доогуур шургаж, хэвлэл мэдээллийнхэн болон тэнд цугласан хүмүүсийн дундуур гарахаар зүтгэв.
- Энэ аллагын хэрэг Метта Луной, Валери Брунер нарын хүн амины хэрэгтэй холбоотой юу? хэмээн сурвалжлагчдын нэг хашгирлаа.
- Эсвэл Миэра Кэганы алга болсон хэрэгтэй холбоотой юм уу? гэж өөр нэг нь асуув.
Райлигийн бүх шар үс босоод ирлээ. Тун удахгүй Делавер мужид нэг цуврал алуурчин аллага үйлдэж байна гэсэн мэдээ тарах нь дамжиггүй.
- Ярилцлага өгөхгүй хэмээн тэр сурвалжлагчдад хэлэхдээ дуугаа өндөрсгөв.
- Хэрвээ та нар биднийг дагаад салахгүй бол мөрдлөгө хийхэд хүндрэл учруулсан гэж баривчлуулна. Үүнийг мөрдөх ажиллагаанд санаатайгаар саад учруулсан хэрэг гэж үздэг.
Райли, Билл хоёрт зам тавьж өгөхөөр сурвалжлагчид арагшаа ухарлаа. Тэр хоёр цугларсан хүмүүсээс хурдан холдож, замаа хөөв. Ухарч няцахаа мэддэггүй, зөрүүд сурвалжлагчдыг ирж амжихаас өмнө энэ хэргийн учрыг олоход хугацаа бага үлдсэн гэдгийг Райли сайн мэдэж байлаа. Магадгүй тэд олон нийтийн сүлжээг ашиглаж мэдээг тарааж ч мэднэ.
Деннис Воуны гэр хүртэл удаан явах шаардлага гарсангүй. Гурван гудамж өнгөрөөд тэд Братлбород хүрч, тэндээсээ зүүн гар тийш эргэв.
Воуны байшин жижигхэн эвдэрхий балгас шиг харагдах ажээ. Байшингийн төмөр дээвэр бараг тэр чигээрээ цөмөрч, гадна талын цагаан будаг нь халцарсан харагдах бөгөөд хаалганы өмнөх тавцан доошоо цөмөрч, зэрлэгшсэн зүлэг нь өвдөг шүргэтэл урт ургажээ. Замын дэргэд нэг хуучирч элэгдсэн Плаймот Валиант маркийн машин зогсож байлаа. Машин зэрэмдэглэсэн цогцсыг зөөвөрлөж болохоор хангалттай том ажээ.
Билл, Райли хоёр тавцан руу гарч хаалга тогшлоо.
- Надаас юу хүсээ вэ? гэх дуу байшин дотроос сонсогдсонд
- Бид Деннис Воонтой ярилцаж байна уу? хэмээн Билл хариу асуув.
- Магадгүй л юм. Яах гэсэн юм?
- Бид ХМТ-ноос явж байна. Тантай ярилцах гэсэн юм гэж Райли хэллээ.
Хаалга онгойж, дутуу онгойсон хаалганы завсраар Деннис Воуны нойрмоглосон царай харагдав. Тэрбээр хэт таргалсан, өтгөн хууз сахалтай, бүдүүлэг нэгэн ажээ. Хоолонд бохирдож халтартсан, энгэрийг нь задгайлж орхисон цамцны цаанаас цухуйх цээж нь бараг сармагчин гэлтэй дэндүү үсэрхэг ажээ.
- Ямар хэргээр явж байгаа юм бэ? Та нар намайг барих гэж ирсэн юм уу, эсвэл...? гэж Воун илт сандарч тэвдсэн өнгөөр асуусанд Райли мөрдөгчийн тэмдгээ харуулж
- Бид тантай зөвхөн ярилцахаар ирсэн. Гэрт чинь орж болох уу? гэлээ.
- Би яагаад та нарыг оруулна гэж?
- Яагаад оруулж болохгүй гэж? Танд биднээс нуух зүйл байхгүй биз дээ, эсвэл байгаа юм уу? гэж Райлиг асуухад
- Бид нэгжих зөвшөөрөлтэй буцаад ирж чадна хэмээн Билл нэмж хэлэв.
Воун толгойгоо сэгсрэн амандаа бувтнаж байснаа хаалгаа нээж Билл, Райли хоёрыг гэртээ оруулав.
Байшин дотроо бүр аймшигтай харагдаж байлаа. Ханын цаас хууларч унан, шал нь олон тооны нүхтэй болжээ. Энд бүрээс нь урагдсан нэг буйдан, түшлэгтэй хатуу модон хос сандлаас өөр тавилга гэх зүйл байсангүй.
Аяга тавагнуудаа хаа сайгүй тарааж хаясан байх бөгөөд зарим нэг нь дотроо хөгцөрч муудсан хоолны үлдэгдэлтэй байлаа. Өрөөний агаарт дотор эвгүй оргиулсан муухай үнэр нэгшиж тогтжээ.
Райлигийн харсан бас нэг зүйл гэвэл ханан дээр кнопоор тогтоосон хэдэн арван гэрэл зураг байлаа. Зурган дээрх охид бүсгүйчүүд ямар нэг сэжиг төрүүлэхээр пооз аваагүй ажээ.
Боун зурагнуудыг сонирхож байгаа Райлиг харлаа
- Энэ миний хобби байгаа юм. Ямар нэг болохгүй зүйл харсан юм уу?
Райли асуултанд хариулсангүй, Билл ч гэсэн дуугарсангүй. Райли зурган дээр сэжигтэй зүйл байгаа эсэхэд өөрөө ч эргэлзсэн ажээ. Үнэндээ өдрийн цагаар ил задгай газар авсан зурагнууд садар самууныг сурталчилсан гэж хэлэхээргүй харагдана. Гэхдээ л эдгээр охид бүсгүйчүүдийн зургийг зөвшөөрөлгүй авсан нь Райлид огтхон ч таалагдсангүй.
Воуныг модон сандал дээр суутал хүнд жинд дарагдсан сандал нь чахарч дуугарлаа.
- Та нар намайг ямар нэг юманд буруутгах гэж л энд ирсэн биз дээ. Тэгээд яагаад хэлэхгүй байгаа юм бэ?
Райли нэг яйжгий сандал авч урдаас нь харж суув. Билл дэргэд нь ирж зогсов.
- Биднийг яагаад чамайг буруутгахаар ирсэн гэж бодов?
Энэ бол урьд нь байцаалтын үед үр дүнгээ өгч байсан Райлигийн хэрэглэдэг арга барилуудын нэг ажээ. Заримдаа хэрэгт холбогдолтой асуулт шууд тавилгүй, сэжигтнийг яриулах нь үр дүнтэй байх тал бий.
Воун мөрөө хавчлаа.
- Дандаа нэг зүйл болж байх юм. Намайг хүн бүр буруугаар ойлгодог.
- Яагаад гэдгийг чи мэдэх үү? хэмээн асуух үедээ Райли ярианаас нь ямар нэг сэжим олохыг хичээж байлаа.
- Надад залуу охид таалагддаг, ойлгож байна уу? Миний насан дээр байгаа залууст ийм зүйл таалагддаггүй гэж үү? Хүмүүс яагаад зөвхөн миний хийж байгаа зүйлд дургүй байдаг юм бэ?
Тэрбээр зурган дээрх хүмүүс өөрийг нь өмгөөлж хамгаалах үг хэлээсэй гэсэн байртай зурагнууд руугаа харав. Райли түүний яриаг зүгээр л сонсож суулаа. Тэр Биллийг ч гэсэн мөн адил ингээсэй гэж хүсэж байсан ч тэр бараг биеэ барьж дийлэхгүй болсон харагдана.
- Би охидод сайн хандаж, тэдэнтэй нөхөрлөхийг боддог. Тэд намайг ойлгохгүй байгаа нь тэгээд миний буруу болж байна уу?
Тэр үгээ зөөж удаан ярих ажээ. Райли түүнийг архи уусан, эсвэл мансуурсан гэж бодохгүй байлаа. Магадгүй энэ эр удаан бодож сэтгэдэг, эсвэл ямар нэг мэдрэлийн асуудалтай байж мэднэ.
- Хүмүүс чамайг буруугаар ойлгодог гэж чи яагаад бодсон юм бэ? хэмээн асуухдаа Райли аль болох эелдэгхэн дуугарахыг хичээв.
- Би үүнийг яаж мэдэх вэ? хэмээн хэлээд Воун дахиад мөрөө хавчлаа. Гэнэт түүний хоолойн өнгө өөрчлөгдөж тэрбээр дуулдахгүй шахам сүрдүүлсэн өнгөөр ийнхүү нэмж хэлэв.
- Энэ өдрүүдийн нэгэнд...
- Энэ өдрүүдийн нэгэнд юу болох юм бэ? гэж Райлиг асуухад Воун дахиж мөрөө хавчаад
- Юу ч биш. Би юу ч хэлэх гээгүй. Гэхдээ л энэ өдрүүдийн нэгэнд... Миний хэлэх гэсэн юм гүйцлээ.
Түүний утга учиргүй яриаг сонссоор Райли залхаж эхэлжээ. Сэжигтнүүд өөрийгөө илчлэхээс өмнө иймэрхүү зүйл байнга тохиолддог ажээ.
Гэвч Воуныг ярьж эхлэхээс өмнө Билл урагшаа ухасxийв.
- Метта Луной, Валери Бтунер хоёрын үхлийн талаар чи юу мэдэх бэ?
- Би тэдний талаар огт сонсож байгаагүй юм байна.
Билл Воуны нүд рүү эгцэлж харахаар улам доошоо тонгойв. Санаа нь зовж эхэлсэн Райли Биллийг хориглож зогсоохыг хүсэж байлаа. Гэвч шууд хориглох нь асуудлыг улам хүндрүүлдэг талтай.
- Чи Миэра Кеганыг яасан бэ? гэж Билл асуув.
- Энэ нэрийг хэзээ ч сонсож байгаагүй.
Билл дуугаа өндөрсгөлөө.
- Өнгөрсөн дөрөв дэх өдрийн орой чи хаана байсан бэ?
- Мэдэхгүй байна аа.
- Тэгэхээр чи гэртээ байгаагүй байх нь ээ?
Воун их сандарч хөлс нь цувж эхлэв. Тэрбээр их айснаас нүд нь дүрлийж томорчээ.
- Магадгүй би гэртээ байгаагүй байх. Би сайн санахгүй байна. Би заримдаа гадагшаа гардаг.
- Чи хаашаа явдаг юм бэ?
- Би машинаараа ойр зуурхан явдаг. Би хотоос гарах дуртай. Би энэ хотыг үзэн яддаг. Болдогсон бол би өөр хаа нэгтээ амьдармаар байна.
Билл дараагийнхаа асуултыг тавихдаа түүний нүүр лүү бараг нулимах шахав.
- Өнгөрсөн дөрөв дэх өдөр чи машинаараа хаашаа явсан юм бэ?
- Мэдэхгүй. Би тэр орой машин унасан эсэхээ ч санахгүй байна.
- Чи худлаа ярьж байна. Чи Вестри рүү явсан биз дээ, үгүй гээч? Тэнд чи нэг аятайхан бүсгүй олсон биз дээ , үгүй гэж үү? хэмээн Билл ориллоо.
Райли суудлаасаа ухасxийж босов. Билл биеэ барьж чадахгүй болсныг харсан тэрбээр түүнийг хориглох хэрэгтэй байлаа.
- Билл хэмээн аяархан дуудаад мөрнөөс нь татсан боловч Билл Райлигийн гарыг түлхэж холдуулав. Тэрбээр Воуныг хүчтэй түлхтэл сандал хэдэн хэсэг салж бутран Воун шалан дээр ойчлоо.
Тэгтэл Билл цамцнаас нь зуурч өрөөгөөр чирж гулдран эцэст нь хананд шахаж зогсоов.
- Билл, одоохон боль гэж Райли хашгирсан боловч тэр Воуныг хананд шахаж зогссоор байлаа. Тэр гар буугаа гаргах вий гэхээс Райли их болгоомжилж байжээ.
- Чи үүнийгээ нотол! хэмээн Билл хашгирлаа.
Райли тэр хоёрыг салгахаар дундуур нь орж Биллийг арагшаа хүчтэй түлхэв.
- Одоо болно! гэж тэр уурсан хэлээд
- Эндээс явцгаая! гэлээ.
Билл Райлиг уурлаж бухимдсан харцаар гөлөрч зогслоо.
Райли Воунд хандаж
- Надад их харамсалтай байна. Хамтрагчийг маань өршөөж уучлаарай. Бид одоо явлаа гэж хэлэв.
Тэрбээр Воуны хариу үг хэлэхийг ч хүлээлгүй Биллийг чирч гулдран үүд рүү явлаа. Эцэст нь тэд хаалганы өмнөх тавцан дээр гарч ирэв.
- Чи чинь одоо яачихаад байгаа юм бэ? гэж Райлиг шивнэсэнд Билл
- Чи харин өөрөө яагаад байгаа юм бэ? Намайг буцааж оруул. Бид алуурчныг олсон. Тэр мөн гэдгийг би мэдэж байна. Түүний хоёр дахь нэрийг харахын тулд жолооных нь үнэмлэхийг асуух хэрэгтэй хэмээн хэллээ.
- Үгүй. Бид түүнийг оролдохгүй. Исүс минь, Билл, чи ингэсээр байвал мөрдөгчийн тэмдгээ алдаж ч мэднэ шүү. Чи үүнийг сайн мэдэж байгаа.
Билл сонссон зүйлдээ итгэж ч чадахгүй байгаа бололтой.
- Яагаад? Бид алуурчныг олсон. Бид түүний хийсэн хэргийг хүлээлгэж чадна.
- Бид үүнийг мэдэхгүй. Тэр магадгүй бидний эрж байгаа хүн мөн байх, гэхдээ би тэгж бодохгүй байна.
- Яагаад биш гэж?
- Юуны өмнө түүний машин нүдэнд шууд тусахаар харагдаж байна.
Билл хэсэг бодолхийлж зогссоноо
- Тэгвэл тэр өөр машин ашигласан байх гэлээ.
- Магадгүй. Гэхдээ би түүнийг баригдалгүйгээр олон хүн амины хэрэг үйлдэж чадах төлөвлөгөө боловсруулж чадна гэж бодохгүй байна.
- Энэ зүгээр нэг тохиолдол байж мэднэ шүү дээ.
Райли Биллийг эсэргүүцэхээс бүр залхаж эхлэв.
- Билл, цогцоснуудыг тавихдаа хичнээн их хичээсэн байсныг чи бодоод үзээч. Их нямбай хандсан байсан. Гарнуудыг яг зохих байранд нь тавьсан.
- Тэр үүнийг хийж чадна.
Райли чанга шүүрс алдлаа. Билл үнэхээр их зөрүүдэлж байлаа.
- Тэр ингэж чадахгүй гэж би бодож байина. Түүний гэрийг бодоод үз. Нэг ч зүйлийг нямбайлж тавиагүй байсан. Тэр ч бүү хэл зурагнуудыг ч гэсэн. Тэнд хэвийн харагдах нэг ч зүйл байгаагүй.
- Тэр аллага хийхээс бусдад хайнга ханддаг байлгүй гэж Билл хэллээ. Тэр маш их уурласан ажээ. Тэрбээр дороо суучихав.
- Билл, алуурчныг хэрэг үйлдэхэд хүргэдэг нэг шалтгаан байдаг. Бид харин одоо болтол тэр шалтгааныг олоогүй байна. Би үүнийг заавал олж илрүүлэх болно.
Тэд буцаж иртлээ хоорондоо ярилцсангүй. Хотын төв талбайн бараа харагдах үед хохирогчийн цогцсыг авахаар ирсэн шүүх эмнэлгийн машиныг Райли олж харав.
Гэнэт Райли маш их айж сандарлаа. Байцаалт ямар ч үр дүнгүй болж, тэрбээр Деннис Воун тэдний сэжигтэн мөн эсэхийг ч мэдсэнгүй.
Райли айж сандрахаас илүүтэй санаа нь маш их зовж байлаа.
Хэрэв би Биллд итгэж найдахгүй юм бол, өөр хэнд найдах болж байна аа?

_________________
Sakura

Бүлэг 9

Райли Биллийг ямар нэг асуудал тарихаас өмнө Реддитчээс авч гарахыг хүсэж байлаа. Гэвч түүнд ингэх шалтаг гарчээ. Райли хохирогчдын цогцсыг авч явсан байсан ч хэргийн газар дээр байнга өөрийн биеэр очиж шалгахыг хүсдэг билээ. Тэндээс тэр хэргийг илрүүлэх сэжүүрийг ихэвчлэн олдог ажээ. Заримдаа тэр бүр алуурчны ой ухаанд нэвтэрч чаддаг.
Байцаалт амжилтгүй болсноос хойш нэг цагийн дараа Райлиг хоёр хохирогчийн цогцос олдсон газар луу хүргэж өгөхөөр Билл машинаа жолоодож явлаа. Тэрбээр амнаасаа нэг ч үг унагалгүй, зөвхөн жолооноосоо тас зууран урдахь замаа харж явна.
Райли түрүүн болж өнгөрсөн хэргийн талаар түүнтэй ярилцахаар замын туршид хэд хэдэн удаа оролджээ. Гэвч Билл Деннис Воунаас салгаж холдууллаа хэмээн Райлид уурласан учир ярилцахаас татгалзжээ. Хамтрагч нь юунд хүрч болохоо мэдсээр байж Воуныг айлгаж сүрдүүлсний учрыг Райли огт ойлгохгүй байлаа.
Биллийг өөрт нь халдсан хэргээр Деннис Воун цагдаагийн газарт гомдол гаргахгүй гэдэгт Райли найдаж байлаа. Реддитч хотод тэр нэр хүндээ алдсан учраас хэлсэн үгэнд нь итгэх хүн нэг ч байхгүй. Гэвч Райлигийн санаа амарсангүй.
Тэд Реддитч хотоос зүүн тийшээ гарч хөдөөний замуудыг дайрч өнгөрдөг хурдны зам руу орлоо. Тэднийг нэг замын уулзварт дөхөж ирэх үед эцэст нь Билл ам нээв.
- Энэ зам умард болон өмнө зүгийг чиглэсэн учраас нутгийн хүмүүс үүнийг "Зургаан цагийн Гол зам" гэж нэрлэдэг.
Түүнийг ярьж эхэлсэнд Райлигийн санаа амарлаа.
Билл баруун тийшээ эргэж хурдны замаас гараад тэр дороо хурдаа хасаж, машинаа замын хажууд зогсоов. Тэд машинаас бууж, Билл Райлиг шууд товлосон газар луу дагуулж очлоо.
- Энэ бол Валери Брунерын цогцсыг олсон газар.
Түүний энэхүү нягт нямбай зан Райлид их таалагддаг ажээ. Хурдны замын энэ хэсэгт анхааралд өртчихөөр ямар нэг онцгой тэмдэг ажиглагдсангүй. Билл энэ хавийн мод бут нэг бүрийг цээжилсэн нь мэдээж. Тэр бүх зүйлийг нэг бүрчлэн тэмдэглэж авчээ.
Райли нэг их гайхсангүй. Зургадугаар сард Валери Брунерын цогцсыг авч явахаас өмнө Билл энд ирж байжээ. Тэр үеийн дүр зураг Биллийн ой ухаанд хадагдаж үлдсэн гэдгийг тэр сайн мэдэж байлаа.
Райли уг газрыг судалж байхдаа урьд нь Люсигийн үзүүлж байсан зургийг санав. Валери Брунерын цогцос замын хашлагаас зургаан тохой хэртээ газар хэвтэж байсан бөгөөд түүний гар хөлийг Д үсгээр тэмдэглэсэн байрлалд чиглүүлж тавьсан байжээ.
- Алуурчин түүний цогцсыг замын хашлагын дагуу хэвтүүлж тавьсан байна. Түрүүн бидний харсан цогцсыг харин ингэж байрлуулж тавиагүй байсан. Тэгэхээр энд хувийн чанартай гэчихмээр онцгой зүйл алга гэж Райлиг хэлэхэд
- Тэгээд юу гэж? хэмээн Билл бараг дуулдахгүй шахам амандаа бувтнав.
Райли тэр газрын ойр хавийг судалж ажиглахаар нэг хэсэг нааш цааш холхив. Дараа нь тэр алуурчны үлдээсэн ул мөрийг мэдрэхээр нүдээ аньж дороо зогслоо.Тэрбээр хэдэн удаа гүнзгий амьсгал авч хүлээсэн боловч юу ч мэдэрсэнгүй. Эцэст нь тэр Биллд хандаж
- Эндээс явцгаая гэж хэлэв.
Тэд машиндаа эргэж суулаа. Билл ирсэн замаараа буцаж явснаа мужийн гол замаас гарч зүүн тийшээ явав. Тэд үг солилгүй нилээд удлаа.
- Билл, хэрвээ бид ажлынхаа талаар ярилцаж чадахгүй юм бол бидэнд асуудал үүснэ гэж Райлиг хэлэхэд Билл
- Биднийг ярилцаж чадахгүй гэж хэн хэлээд байгаа юм? Би ажлынхаа талаар сайн ярьж чадна. Одоо харин зүгээр л яриад байхаар зүйл бараг алга гэж хэлэв.
Түүний энэ зөрүүд зан хэр удаан үргэлжлэх бол хэмээн Райли өөрөөсөө асуугаад санаа алдлаа. Билл тэр хоёр урьд нь нилээд хэдэн удаа ширүүн маргалдсан ч хоёр биенээ сайн ойлгодог болсон цагаас хойш ажлаа цалгардуулах хүртлээ маргалдсан нь тун ховор.
Тэднийг Атлантийн далайн эрэгт дөхөх тусам газар орны байдал өөрчлөгдөж, намрын улаан шаргал навчис бүхий ой мод өндөр өвс ногоо ургасан элсэрхэг хөрстэй нүцгэн толгод, тал хөндийгөөр солигдов. Алсад аварга том араатны араг ясыг санагдуулам хачин хэлбэртэй, өндөр цамхагт барилга байгууламж харагдана. Атлантийн далайгаас хэдхэн километрын зайд орших Делавер мужийн энэхүү элсэн толгодын доор гэмт хэргийн золиос болсон хичнээн олон хүний араг яс нуугдаж байдаг бол хэмээн Райли дотроо бодлоо.
Райлигийн харсан араг яс шиг барилга байгууламж бол далайн эргийн Мовбрэй хотод байдаг тоглоомын парк ажээ.
Тэд хотын захад дөнгөж хүртэл Билл буцаж эргээд машинаа зогсоов.
- Энэ бол хэргийн газар. Цогцос элсэн дээр хэвтэж байсан.
Тэд машинаас бууж, элсэн дээгүүр явлаа. Тоглоомын парк байгаа зүгээс тоглоом нүргэлэх чимээ, дуу хөгжим хангинаж сонсогдоно. Тэр хоёр хурдны замын дагуу дээр нь салхины халхавч босгосон хашлагыг дагаж алхлаа. Хашлаганы цаана холгүйхэн хэдэн байшин харагдана. Тэд зуугаад метр яваад зогсов. Билл хашлаганаас уясан салхинд хийсэж буй нусны алчуур луу заагаад
- Хэргийн газрыг энүүгээр тэмдэглэсэн юм гэж хэллээ.
Тэрбээр хэргийн газар луу харах үед царай нь барайгаад ирэв. Тэр дотроо юу мэдэрч байгааг Райли сайн ойлгож байлаа. Тавдугаар сард Метта Лунойгийн цогцсыг олдох үед тэр энд байгаагүй ч дараа нь ирж байжээ. Тэр энэ газрын тухай өнгөрсөн хэдэн сарын турш бодож явсан биз.
Райли нүдээ аньж алуурчны энд үлдээсэн мөрийг мэдрэхээр амьсгалаа урт авав. Энэ удаа түүнд салхины аясаар энд хүртэл сонсогдох хөгжмийн аялгуу тус боллоо. Алуурчин цогцсыг энд авчрах үедээ энэ дууг бас сонссон нь эргэлзээгүй.
Тэрбээр Биллийн машин тавьсан газар машинаа зогсоохыг Райли харав. Тэр машиныхаа тээшийг онгойлгож, Метта Лунойгийн туранхай цогцсыг өргөж мөрөн дээрээ тохоод элсэнд хучигдсан замаар сажилж явлаа.
Тэр шөнө сартай байсан болов уу? хэмээн Райли өөрөөсөө асуув.
Энд ирэхээс өмнө үүнийг шалгаж мэдэх байсан юм. Сарны гэрэл тусаж байсан ч тэр гар чийдэнтэй байсан биз. Замын хашлага дээр туссан хачин хэлбэр дүрс бүхий сүүдрийг Райли дотроо төсөөлөв. Энэ хуучны дууг тэр бас сонсож байсан, магадгүй үйлдсэн аймшигт хэргээ гүйцээж байхдаа даган аялсан эсвэл амандаа исгэрч байсан болов уу? Үгүй. Алуурчин ингээгүй гэдгийг Райли мэдэрч байлаа. Тэр яг Билл Райли хоёр шиг зөвхөн хийж буй ажилдаа л төвлөрч байсан.
Гэхдээ шөнө байсан болохоор энэ хашлаганы цаана харагдаж байгаа байшингуудын гэрэл асаалттай байсан. Байшингийнхаа урд, тавцан дээр сууж байсан хэн нэгэн түүний юу хийж байгааг харсан байж мэднэ. Гэхдээ алуурчин үүнд санаа зовсон болов уу? Тэгсэн байж болох ч түүнд өөр тийшээ явах бодол төрөөгүй биз. Тэр зөвхөн энд ирэх шалтгаантай байсан болохоор төлөвлөгөөгөө өөрчлөх бодолгүй байсан.
Түүний толгойд зөвхөн цогцосны баруун гарыг дээш нь өргөж, зүүн гарыг нь их биенийх нь дагуу байрлуулж тавина гэхээс өөр бодол байгаагүй.
Алуурчин цогцсыг газар хэвтүүлж тавих үед нэг хачин зүйл болсныг Райли мэдэрлээ.

_________________
Sakura

Тэр цогцосны биеийг нягт нямбай, ялангуяа хүрээлэн буй орчинтойгоо харьцуулж тавих ёстой байсан. Хэрвээ цогцсыг замын хашлагын дагуу, эсвэл эгц хөндлөн шугамд байрлуулж тавьсан бол жинхэнэ бодитой харагдах байжээ. Гэтэл тэр ингэсэнгүй. Райли зурагнуудыг саналаа. Цогцосны хөл хашлаганд их ойрхон байсан. Харин толгойг нь хашлаганаас бага зэрэг холдуулж тавьсан. Толгойны ар талаас нэг хогийн ургамал цухуйсан нь цогцосны байрлалыг улам эвгүй харагдуулах ажээ.
Яагаад? хэмээн Райли өөрөөсөө асуутал гэнэт гэдэс дотор нь хөрвөх мэт таагүй мэдрэмж төрлөө.
Энэ алуурчны санаа биш байжээ.
Яагаад ч юм Райли үүнд итгэлтэй байлаа. Цогцосны гарын байрлал, хачин жигтэй гэмээр өнцөгдүүлж тавьсан байдал, магадгүй хүний амь хороосон арга барил гээд тэр энэ бүгдийг өөрөө хийгээгүй юм байна.
Тэр зөвхөн тушаал биелүүлж байжээ.
Райли нүдээ нээв. Билл түүнийг хараад зогсож байлаа.
- Чи ямар нэг юм мэдэрч чадав уу? гэж тэр асуув.
Райлиг хэргийн газар дээр бясалгал хийдгийг Билл мэдээд их удаж байгаа ажээ. Заримдаа Райлигийн энэ үйлдэл үнэхээр тус болдгийг тэр сайн мэддэг.
- Энд ганцxан алуурчин байгаа гэдэг нь баттай юу? гэж Райлиг асуухад Билл хэсэг бодолхийлснээ
- Баттай. Энд түүний үлдээсэн хөлийн мөр байсан. Тэр шөнө бүгд элсэнд дарагдсан арилсан учраас бид юу ч олж чадаагүй. Гэхдээ энд ирээд буцсан ганц хүний мөр олсон. Яагаад?
Райли хариулах гэж яарсангүй. Тэр магадгүй алдсан байж ч мэднэ. Энэ зөвхөн дотроо мэдэрсэн зүйл учраас тэр үүнийг батлах аргагүй. Гэхдээ тэр үүнийг жинхэнэ юм шиг маш тод мэдэрсэн.
- Райли, намайг уучлаарай хэмээн Билл гэнэт хэллээ.
Райлигийн санаа амрав. Биллийн хувьд тэр тайвшрах цаг аль хэдийн болсон байжээ.
- Би алдаа гаргажээ. Яг үнэндээ тэнд надад юу тохиолдсоныг би хэлж мэдэхгүй байна.
- Чамд юу тохиолдсоныг би мэдэж байна. Энэ хэргийг мөрдөж илрүүлэхийн тулд чи байж ядаж байсан. Чи өөрийгөө амь үрэгдсэн болон одоогоор амьд байгаа хохирогчдын өмнө буруутай гэж бодсон. Бас чи тэдний төлөө юу ч хийгээгүй гэж өөрийгөө буруутгаж байсан. Би өөрөө ч гэсэн ийм байдалд орж байсан болохоор үүнийг сайн ойлгож байна.
Билл толгой дохилоо.
- Гэхдээ Билл, хэрвээ бид энэ хэргийг хурдан илрүүлнэ гэж хэт хичээснээс болж буруу хүн барьчихвал хэргийг илрүүлээгүй байснаас илүү долоон дор зүйл болно. Үүнээс болж өөр олон эмэгтэй үхэж мэднэ. Тэр одоогоор нэг эмэгтэйг хорьж байгаа гэдгийг бид мэдэж байгаа. Бид үүнийг сайн хийх ёстой. Бид бас дүрмийн дагуу ажиллана.
- Мэдэж байна аа. Ийм зүйл дахиж болохгүй гэж Билл хэлэв.
Гэвч Райли түүнд итгэсэнгүй. Гэхдээ одоо энэ талаар дахиж ярилцахгүй байсан нь дээр.
- Алив явцгаая. Би энд хангалттай зүйлийг олж харлаа. Хоёулаа Реддитч рүү буцъя гэж Райли хэллээ.
Тэд машин руугаа буцаж, Билл тэндээс хөдөллөө. Райли гар утсаа гаргаж бөтэн өдрийн турш Эприл рүү илгээсэн зурваснуудаа шалгав. Зурваснуудыг "илгээсэн" гэж тэмдэглэсэн ч харин нээж уншаагүй байлаа. Райлигийн санаа зовж тэрбээр гэр лүүгээ залгатал харилцуурыг Габриэла авлаа.
- Байна уу, Габриэла. Би юу болж байгааг мэдэх гэсэн юм. Бүх юм зүгээр биз дээ?
Гэнэт Билл
- Райли, намайг уучлаарай гэж хэлэв.
Райлигийн санаа амарчээ. Биллийн хувьд тэр тайвшрах цаг аль хэдийн болсон байжээ.
- Би алдаа гаргажээ. Яг үнэндээ тэнд надад юу тохиолдсоныг би хэлж мэдэхгүй байна.
- Чамд юу тохиолдсоныг би мэдэж байна. Энэ хэргийг мөрдөж илрүүлэхийн тулд чи байж ядаж байсан. Чи өөрийгөө амь үрэгдсэн болон одоогоор амьд байгаа хохирогчдын өмнө буруутай гэж бодсон. Бас чи тэдний төлөө юу ч хийгээгүй гэж өөрийгөө буруутгаж байсан. Би өөрөө ч гэсэн ийм байдалд орж байсан болохоор үүнийг сайн ойлгож байна.
Билл толгой дохилоо.
- Гэхдээ Билл, хэрвээ бид энэ хэргийг хурдан илрүүлнэ гэж хэт хичээснээс болж буруу хүн барьчихвал хэргийг илрүүлээгүй байснаас илүү долоон дор зүйл болно. Үүнээс болж өөр олон эмэгтэй үхэж мэднэ. Тэр одоогоор нэг эмэгтэйг хорьж байгаа гэдгийг бид мэдэж байгаа. Бид үүнийг сайн хийх ёстой. Бид бас дүрмийн дагуу ажиллана.
- Мэдэж байна аа. Ийм зүйл дахиж болохгүй гэж Билл хэлэв.
Гэвч Райли түүнд итгэсэнгүй. Гэхдээ одоо энэ талаар дахиж ярилцахгүй байсан нь дээр.
- Алив явцгаая. Би энд хангалттай зүйлийг олж харлаа. Хоёулаа Реддитч рүү буцъя гэж Райли хэллээ.
Тэд машин руугаа буцаж, Билл тэндээс хөдөллөө. Райли гар утсаа гаргаж бөтэн өдрийн турш Эприл рүү илгээсэн зурваснуудаа шалгав. Зурваснуудыг "илгээсэн" гэж тэмдэглэсэн ч харин нээж уншаагүй байлаа. Райлигийн санаа зовж тэрбээр гэр лүүгээ залгатал харилцуурыг Габриэла авлаа.
- Байна уу, Габриэла. Би юу болж байгааг мэдэх гэсэн юм. Бүгд зүгээр биз дээ?
Габриэлагийн хоолой түгшсэн шинжтэй сонсогдоно.
- Сенора Райли, таныг залгасанд би их баяртай байна! Би сая тан руу залгах гэж байлаа. Би Эприлийн сургуулиас утасны дуудлага хүлээж авсан. Тэр сургуулиасаа эрт явсан гэнэ. Гэтэл тэр гэр ирээгүй. Би Эприл рүү олон удаа залгасан боловч тэр хариу өгөхгүй байна. Тэр одоо хаана байгаа, эсвэл юу хийж байгааг би мэдэхгүй байна. Бас тэр хичээл тарсны дараа эмч рүүгээ явах ёстой байсан.
- Un momentito, Габриэла гэж хэлээд Райли гар утсаа буулгаж Билл рүү харлаа.
- Намайг Реддитч рүү хүргэж ирсэн нисдэг тэрэг одоо ч энд байгаа юу? гэж түүнийг асуусанд Билл толгой дохив.
- Тэгэлгүй яахав. Яасан?
Райли Биллд хариу хэлсэнгүй, дахиад утсаа авлаа.
- Санаа зовох хэрэггүй, Габриэла. Би яг одоо гэртээ очлоо.
Райлигийн зүрх шимширч байлаа. Тэр уурлах уу ёстой юу, эсвэл үхтлээ айж түгших ёстой юу гэдгээ мэдэж чадсангүй. Гэдээ тэр Эприлд юу тохиолдоод байгааг мэдэхийн тулд хурдан харих хэрэгтэй гэдгийг мэдэж байлаа.
Эхлээд гэр орныхоо асуудлыг хурдан цэгцэлсэн нь зөв.
Түүнийг энд байхгүй хооронд алуурчны дахиад үйлдэж мэдэх хэргүүдийн аймшигтай дүр зураг Райлигийн толгойд эргэлдэж байлаа.

_________________
Sakura