#AsuultSambar :

ASUULT.NET - МОНГОЛ УЛС МАНДАН БАДРАГ!
It is currently Aug.22.18 12:25 pm

All times are UTC+09:00




Post new topic  Reply to topic  [ 606 posts ]  Go to page Previous 118 19 20 21 2224 Next
Author Message
PostPosted: Nov.26.17 1:49 pm 
Offline
Хаанчлагч Гишvvн
Хаанчлагч Гишvvн
User avatar

Joined: May.21.08 2:26 am
Posts: 1118
Ойрд орж ирээгүй байж байгаад гоё номноос хоцрох гэж байсан байна шдээ. Өдөртөө гүйцээд ирлээ. Одоо хүлээхийн зовлон эхэллээ дээ.

Мундаг орчуулагч нартаа баярлалаа :angel: :angel: :angel:

_________________
:3q:


Top
   
PostPosted: Nov.26.17 8:09 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
ГУРАВДУГААР БҮЛЭГ

Зогсоол дахь машиндаа сууж буй эр гудамж уруудан ирж буй янхан руу харж байлаа. Тэр янхан өөрийгөө Чифон гэж танилцуулсан ч гэлээ мэдээж түүний жинхэнэ нэр нь биш. Бас тэр янхны талаар тэр өшөө олон зүйл мэдэхгүй.

"Тэр надад өөрийнхөө талаар хэлэх болно. Би хэлүүлж чадна. Гэхдээ энд биш, өнөөдөр биш" гэж тэр бодлоо.

Тэр угаасаа өнөөдөр энэ янхныг хөнөөхгүй. Түүний тогтмол зогсдог "Кинетик Тусгай Бялдаржуулах Төв" гэдэг нэртэй газрын ойролцоо бүр ч болохгүй. Тэр суусан газраасаа хөдлөлгүйгээр барилгын нүүрэн талын цонхноос харагдах элэгдэж хуучирсан, хэрэглэгддэггүй гурван гүйлтийн зам, хэвтээ шахалтын төхөөрөмж, хэдэн ширхэг хүндийн өргөлтийн хэрэгслийг харж байлаа. Түүний мэдэж байгаагаар энд хэн ч хэзээ ч дасгал хийхээр ирж байсан удаагүй.

"Олон нийтэд хүлээн зөвшөөрөгдсөн аргаар лав биш" гэж тэр тохуурхан бодлоо.

Тэр энд ажилладаг байсан хар үстэй хүүхнийг хэдэн жилийн өмнө авснаас хойш ийшээ дахиж ирэлгүй уджээ. Мэдээж тэр хар үстийг энд хөнөөгөөгүй. Тэр янхныг дэн буудлын өрөө рүү "тусгай үйлчилгээ" авах нэрээр их мөнгө амлан дуудаж хөнөөсөн. Аллагыг бүр төлөвлөө ч үгүй байж. Янхны толгойд гялгар уут углах үедээ тэр зөвхөн төсөөллөө л бага зэрэг хэрэгжүүлэхийг оролдсон билээ. Гэтэл бүх зүйл дууссаны дараа тэр өөрийгөө хичнээн их сэтгэл ханасныгаа мэдээд гайхжээ. Энэ бол түүний амьдралдаа урд өмнө эдлэж байгаагүй гайхалтай их сэтгэлийн таашаал байсан бөлгөө.

Гэсэн ч үүнээс хойшхи болзоонууддаа тэр илүү болгоомжтой, хяналттай ханддаг болжээ. Гэтэл өнгөрсөн долоо хоногийн болзооны хамтрагчаа тэр өнөөх тоглоомныхоо үеэр дахиад хөнөөчихсөн. Түүнийг хэн гэдэг билээ дээ?

"Аа тийм, Нанетт шүү дээ" гэж тэр саналаа.

Нанетт гэж түүний жинхэнэ нэр биш байх гэж тэр сэжиглэсэн ч харамсалтай нь одоо олж мэдэхээсээ нэгэнт өнгөрсөн. Сэтгэлийнхээ гүнд тэр эр бүсгүйн үхэл санамсаргүй алдаа биш байсан гэдгийг мэдэж байлаа. Тэр үүнийг хийхийг хүссэн, оюун ухаан нь эрүүл саруул байсан төдийгүй одоо тэр үүнийг дахиад хийхийг хүсч байв.

Чифон хоёр байшингийн наана явах бөгөөд шар өнгийн бариу цамц, бараг байхгүйтэй адил богино юбкаар гангалж, тогтохын аргагүй өндөр өсгийт дээр гунхан бялдаржуулах төвийг чиглэн утсаар ярьж явна. Өнөөх эр Чифоны жинхэнэ нэрийг мэдэхийг туйлаас их хүсч байв. Түүний өмнөх учрал бүтэлгүйтсэн хэдий ч бүсгүйн буруу болохоос түүнийх биш гэдэгт тэр итгэлтэй байлаа. Бүсгүйн юу ч юм нэг зүйл түүнийг гутааж орхижээ.

Бүсгүй хэлсэн наснаасаа хавьгүй хөгшин гэдгийг тэр эр маш сайн мэдэж байж. Насанд хүрээгүй янхнуудын арьс хүртэл хүүхэд төрүүлснээсээ болж язарсан байдаг учир энэ бүхэн ганц түүний бие галбиртай хамаагүй байлаа. Түүний нүүрэн дэх үрчлээтэй ч холбоогүй. Угаас янхнууд түүний мэдэх ямар ч эмэгтэйгээс хавьгүй хурдан хөгширдөг аж. Тэр арьсанд нь хуруугаа ч хүргэхийг хүсээгүй. Гэхдээ л тэр янхны юу нь ч юм түүнийг тэвдүүлж байжээ. Бүсгүйн хэт хиймэл эрх охины нялуун занг мэргэжлийн байтугай дөнгөж эхэлж буй шинэ янхан ч гаргадаггүй. Тэр нялх хүүхэд тоглоом тоглож байгаа мэт хэт их инээж, хэтэрхий их анхаарал хандуулж байлаа. Хамгийн хачирхалтай нь бүсгүй ажилдаа жинхнээсээ дуртай байгаа мэт түүнд санагджээ.

"Бэлгийн ажилд дуртай янхан гэж үү? Хэзээ тийм юм байсан юм бэ?" хэмээн тэр бодонгоо өнөөх бүсгүйг ойртон ирж буйг харж суулаа. Үнэндээ ирж яваа бүсгүй түүний дур хүслийг үгүй хийж орхив.

Мэдээж тэр хүүхэн нууц цагдаа биш гэдэгт тэр эр итгэлтэй байлаа. Цагдааг бол тэр нүд ирмэхийн зуур мэднэ.

Ойртон ирсэн бүсгүй рүү тэр эр машиныхаа дохиог дуугаргахад бүсгүй утсаар ярихаа болиод дуу гарсан зүг рүү саравчлан харав. Эцэст нь тэр өнөөх эрийг олж хараад гараараа даллан инээмсэглэлээ. Гайхалтай нь тэр чин сэтгэлээсээ инээмсэглэх аж.

Дараа нь бүсгүй бялдаржуулах төвийн "тусгай үйлчилгээний" хэсэг рүү орох хаалга руу чиглэн булан тойров. Бүсгүй эмсийн хүрээлэн дотор уулзалттай юм байна гэдгийг өнөөх эр ойлголоо. Тэр нэг л өдөр онцгой таашаал эдлэхийг хүсэх үедээ бүсгүйн үйлчилгээг авах болохоор одоохондоо түүний яах нь хамаагүй. Тэр хүртэл өөр өчнөөн биеэ үнэлэгчид хаа сайгүй бий.

Харин сүүлийн удаа уулзахдаа тэд юу хийснийг тэр саналаа. Бүсгүй хөгжилтэй, аятайхан биетэй, өршөөл эрсэн шинжтэй байжээ.

- Хүссэн үедээ дахин ирээрэй. Дараагийн удаа илүү сонирхолтой, илүү хөгжилтэй байх болно гэж янхан түүнд хэлсэн юм.

- Чи юу хэлснээ төсөөлөх ч үгүй байна, Чифон гэж өнөөх эр өөртөө чангаар бувтаналаа.

_________________
PEPPA PIG


Top
   
PostPosted: Nov.28.17 11:44 am 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
ДӨРӨВДҮГЭЭР БҮЛЭГ

Буун дуу Райлигийн эргэн тойронд хадна. Зүүн талд нь гар буу чахран дуугарч, баруун талд нь арай хүнд зэвсгүүд болох винтов, автомат бууны замаг, хошуу нь тачигнаж байлаа. Эх захгүй их чимээн дунд Райли Глок буугаа гэрнээс нь сугалаад хэвтээ байрлалаас зургаан удаа, өвдөглөн суусан байрлалаас гурван удаа буудав. Тэр үргэлжлүүлэн буугаа маш хурдан, авхаалжтай нь аргагүй цэнэглэнгээ босч зогсоод зургаан удаа буудсаны эцэст буцаад өвдөглөн сууж зүүн гараараа гурван удаа буудлаа.

Буудлага дууссаны тэмдэг болж Райли босоод буугаа хуйлан, гал нээх зурвасаас алхам хойш ухраад чихний бөглөөс, хамгаалалтын шилээ авав. Лонхон хэлбэртэй бай хорин таван яардын зайтай аж. Ийм зайнаас ч тэр байгаа тун гарамгай, нэг цэгт төвлөрүүлэн оносноо харж байлаа. Хажуу эгнээнүүдэд ХМТ Академийн сонсогчид зааварлагчийнхаа хяналтан дор сургалтаа үргэлжлүүлж байв.

Хэдийгээр ажлын үеэр Райли үргэлж зэвсэгтэй явдаг ч хамгийн сүүлд гал нээснээс хойш хэсэг хугацаа өнгөрчээ. Тиймээс тэр академи дэх энэ эгнээг сургуулилт хийхэд зориулан захиалсан бөгөөд бууны хүчтэй тийрэлтийг мэдрэх урьдын адил сайхан байлаа. Гэнэт тэр ард нь хүн дуугарахыг сонсов.

- Бага зэрэг хуучны хэв маяг биш үү?

Тэр эргэн тусгай мөрдөгч Билл Жеффриг ойрмогхон зогсоод инээмсэглэж байхыг харлаа. Тэр ч хариу инээмсэглэв. Түүний хэлсэн "бага зэрэг хуучны хэв маяг" гэж юу болохыг Райли маш сайн мэдэж байлаа. Хэдэн жилийн өмнө ХМТ гар буугаар галлах чадварыг сайжруулах үүднээс хэргийн газар гал нээх дүрмийг өөрчилжээ. Хэвтээ байрлалаас гал нээх нь хуучин цагт дасгал сургуулилтын салшгүй нэг хэсэг байсан бол одоо үүнийг шаардахаа больсон юм. Оронд нь орчин цагт байг ойроос буюу гурваас долоон яардын зайнаас онохыг илүү чухалчлах болжээ. Үүний дагуу виртуал сургалтын орчин бүрдүүлж, сонсогчид зэвсэглэсэн халдлагатай ойрын зайнаас тулалдаж буй нөхцлийн талаар судалдаг болсон. Сонсогчид мөн цуут Хоганы хөндий рүү явж 10 га хэмжээтэй сургуулилтын хотхонд дуураймал террористуудтай будган буугаар тулалддаг болсон билээ.

- Би заримдаа хуучин арга барилаар ажиллах дуртай. Хэзээ нэгэн өдөр би алсаас хэн нэгнийг үхтэл нь онох хэрэг гарч магад гэж боддог гэж Райли хариуллаа.

Өөрийнх нь туршлагаар бол жинхэнэ аюул үргэлж нүүр тулсан, ойрын зайнаас, ихэвчлэн гэнэтийн байдлаар тохиолддогийг Райли мэднэ. Үнэндээ тэр саяхны хоёр хэрэг дээр хүртэл гардан тулалдах хэрэг гарсан билээ. Тэр нэг хэрэгтнийг хутгаараа, нөгөөг нь гарт нь таарсан чулуугаар хөнөөсөн.

- Энэ хүүхдүүдийг бодит байдалд яг жинхнээс нь бэлддэг болов уу? гэж Билл асуунгаа сургуулилтаа дуусгаад гал нээх зурвасаас явж буй сонсогчид руу толгойгоо дохив.

- Яг ч бүрэн бэлддэггүй. Виртуал орчинд тархи чинь тухайн үзэгдлийг бодит хэмээн хүлээн зөвшөөрдөг ч тэнд аминд тулсан аюул, өвдөлт, уураа барих гэх мэт бодит асуудлууд байдаггүй. Тухайн хүн дотроо ямар нэгэн байдлаар алуулахгүй гэдгээ мэдэж байдаг гэж Райли тайлбарлалаа.

-Аан зөв. Тэд бодит амьдрал ямар байдгийг яг л чи бид хоёр олон жилийн өмнө олж мэдсэн шиг мэдэж авах байх гэж Билл хэлэв.

Райли Биллийн зогсож буй талын галын шугамууд руу харвал сонсогчид аль хэдийн холдон явжээ. Билл бол түүнтэй адил дөчин настай, хар үсэнд нь буурал сор сууж эхэлж буй нэгэн. Райли тархиныхаа гүнд түүнийг арай чийрэг, арай туранхай шөрмөслөг хөрш залуутайгаа харьцуулж буйгаа мэдмэгц ямар учиртай ийм зүйл хийж байгаагаа гайхаж байлаа.

"Түүнийг хэн гэлээ? Аан тийм, Блэйн гэсэн"

Блэйн царайлаг хэдий ч Райли Биллийг түүний мөнгөнөөс нь айна гэж бодохгүй байлаа. Билл бол биерхүү, хатуу чанга, бас ч гэж царайлаг эр билээ.

- Ийшээ ямар хэргээр ирээ вэ? гэж Райли асуулаа.
- Би чамайг энд байгаа байх гэж дуулаад ирсэн юм гэж Билл хариулав.

Райли түүн рүү сэтгэл түгшин харлаа. Билл наашаа зүгээр л найзтайгаа уулзах гэж ирээгүй нь лавтай. Райли Биллийн царайнаас яах гэж ирсэн зорилгоо хэлж чадахгүй байгааг нь мэдэв.

- Чи сургуулилтаа дуусгах болоогүй бол би чамд цаг харж өгөх үү? гэж Билл асуулаа.
- Тэгвэл ч сайн байна шүү.

Райли сонсогчдын буудсан тэнэмэл суманд оногдохгүйн тулд тусдаа зайтай буудлагын зурвас руу явцгаав. Билл цаг харж эхлэхэд Райли ХМТ-н гар бууны тусгай сургалтын хөтөлбөрийн бүх шатууд болох гурав, тав, долоон ярд, эцэст нь арван таван ярдаас бай руу галлалаа. Зөвхөн хамгийн сүүлийн тавдугаар шат л Райлигийн чадварыг үл ялиг шалгасан бөгөөд тэр хорин таван ярдын зайтай бай руу хаалтны араас буудах ёстой байв.

Бэлтгэлээ дуусгаад Райли толгойн хамгаалалтаа авч, Биллтэй хамт байнуудаа хэрхэн буудсанаа шалгахаар явав. Бүх байнуудаа тэр маш нямбай, нэг дор бууджээ.

- Та зуун хувь буюу хамгийн дээд оноог авчээ гэж Билл хэлэв.
- Би ийм л оноо авах ёстой гэж Райли хариуллаа. Түүний чадвар нь муудахыг тэр хүсэхгүй.

Билл байны цаад талд харагдах дов руу толгой дохиод

- Нэг л зохицоогүй харагдаж байгаа биз? гэлээ.

Хэд хэдэн цагаан сүүлтэй буганууд довын оройд тайван идээшилж байв. Буганууд Райлиг ид сургуулилж байх үед энд иржээ. Тэднийг гар буугаар буудсан ч онохоор зайнд харагдана. Гэсэн ч эдгээр амьтад тэдний сэлгүүцэх уулын хярын доохно талд шунгинан нисэлдэж байгаа онох хэдэн мянган сумнуудаас нэгэнт үргэхээ больсон аж.

- Тийм ээ, гэхдээ л үзэсгэлэнтэй юм гэж Райли хариулав.

Жилийн энэ үед буганууд гал нээх зурвасын энэ хавиар их идээшилдэг ажээ. Хэдийгээр ангийн улирал эхэлсэн ч амьтад ямар нэгэн байдлаар энэ хавьд аюулгүй гэдгээ мэдэрдэг бололтой. Үнэндээ ХМТ Академийн орчим үнэг, зэрлэг цацагт хяруул, тарвага зэрэг олон төрлийн, янз бүрийн зэрлэг амьтдын хувьд орогнох газар нь болсон аж.

- Хэд хоногийн өмнө манай нэг сонсогч машины зогсоолын хажууд баавгай харсан байсан гэж Райли Биллд сонирхууллаа.

Райли дов руу хэдэн алхам ойртоход буганууд толгойгоо өргөн, түүн рүү ширтсэнээ хатиран одов. Тэд буун дуунаас айдаггүй боловч хүмүүстэй хэт ойртохыг хүсдэггүй бололтой.

- Тэд энд аюулгүй гэдгийг яаж мэддэг юм бол? Бүх буун дуу адилхан сонсогддоггүй юм байх даа? гэж Билл асуулаа.

Райли зүгээр л толгой сэгсрэв. Энэ асуулт түүнд ч сонин санагдана. Түүнийг бага байхад аав нь түүнийг дагуулж анд их явдаг байжээ. Аавынх нь хувьд буганууд бол ердөө л хоол хүнс, арьс ширний эх үүсвэр байсан юм. Тэртээ олон жилийн өмнө аавынх нь буга буудаж буй нь түүнийг огтхон ч зовоодоггүй байсан хэдий ч одоо бүх зүйл өөрчлөгдсөн байлаа. Энэ талаар бодох хүртэл түүнд хачирхалтай санагдана. Шаардлагатай үед хүн рүү үхлийн сум илгээхдээ тэр нүдээ ч цавчихгүй байж чадна. Тэр амьд хүнийг хөнөөж чадна. Гэтэл өөрсдөд нь итгэсэн эдгээр амьтдыг хөнөөх түүнд бодохын ч аргагүй зүйл шиг санагдлаа.

Райли Билл хоёр ойрмогхон байх амрах хэсэгт очин сандал дээр зэрэгцэн суулаа. Билл энд ирсэн зорилго нь юу ч байлаа гэсэн тэр одоо хүртэл ам нээгээгүй л байна.

- Чи харин ямархуу байна даа? гэж Райли зөөлөн асуув.

Энэ ердөө л энгийн асуулт хэдий ч тэр Биллийг ярвайхыг харлаа. Биллийн эхнэр нь түүний ажил болон гэр бүлийн амьдралын хоорондох олон жилийн зовлонтой асуудалд цэг тавьж саяхан түүнээс салжээ. Билл бяцхан хөвгүүдтэйгээ ойр байх боломжгүй байгаадаа ихэд сэтгэл зовж байлаа. Одоогоор тэр Квантико хотын ойролцоох байранд амьдарч зөвхөн амралтын өдрүүдээр хөвгүүдтэйгээ уулзаж байгаа юм.

- Райли би мэдэхгүй байна. Би үнэндээ энэ байдалдаа хэзээ нэгэн өдөр дасах эсэхээ ч мэдэхгүй байна гэж Билл дуугарав.

Тэр үнэхээр их ганцаардсан, сэтгэлээр унасан харагдана. Райли ч саяхан нөхрөөсөө тусдаа амьдарч, дараа нь салж, энэ бүгдийг биеэрээ хангалттай үзсэн билээ. Ялангуяа тусдаа амьдарч эхэлсний дараах хэсэг хугацаа үнэхээр хэцүү, хэврэг гэдгийг тэр сайн мэдэж байв. Хосуудын харилцаа хичнээн тааруу байсан ч хамаагүй чи танихгүй хүмүүсийн дунд орж, дасал болсон амьдралынхаа он жилүүдийг үгүйлэн, одоо яах ёстойгоо огт мэдэхгүй, амьдралд хэсэгтээ л бүдчих болно.

Билл түүний гаранд нь хүрч, сэтгэл нь хөдөлсөн дуугаар

- Заримдаа надад энэ амьдралд хоргодох цорын ганц зүйл гэвэл.... чи юм шиг санагддаг гэлээ.

Райли түүнийг тэврэмээр санагдлаа. Тэд хамтран ажиллаж байх үед Билл түүнийг бие махбодь болон сэтгэл санаагаар маш олон удаа аварч байсан билээ. Гэвч тэр одоо болгоомжтой байх ёстойгоо мэднэ. Бас яг энэ үедээ хүмүүс хагас галзуурлын байдалтай байдгийг ч мэднэ. Тэр өөрөө нэг шөнө согтуу байх үедээ Билл рүү залгаж янагийн холбоо үүсгэх санал тавьсан билээ. Харин одоо нөхцөл байдал яг эсрэгээрээ эргэжээ. Тэр дөнгөж л нэг юм эрт чөлөөтэй болсноо мэдрэн, бие даан амьдарч чадахаар хүчээ олж эхлэх үед Билл түүнээс асар их хамааралтай болох гэж байгааг тэр мэдэрлээ.

- Бид гайхалтай сайн хамтрагчид байсан гэж Райли хэлэв.

Энэ хэлэхэд тэнэг зүйл хэдий ч тэр өөр юу гэж хэлэхээ мэдсэнгүй. Харин Билл урт, гүнзгий амьсгаа авлаа.

- Тиймээс л би энд ирж чамтай ярилцахаар оролдож байгаа юм. Мередит надад чамтай Финиксийн хэргийн талаар утсаар ярьсан гэж хэлсэн. Би тэр хэрэг дээр ажиллаж байгаа. Надад хамтрагч хэрэгтэй байна.

Райли хормын төдийд цухалдаж байгаагаа мэдрэв. Билл түүнийг урхидахаар зочилж ирсэн мэт санагдлаа.

- Би Мередитэд энэ талаар бодно гэж хэлсэн шүү дээ.
- Гэхдээ би чамаас гуйж байна.

Ингэж хэлээд Билл тэр хоёр хэсэг чимээгүй сууцгаалаа.

- Люси Варгас яаагаа вэ? гэж Райли асуув.

Мөрдөгч Варгас бол шинэхэн ажилтан бөгөөд хамгийн сүүлд гарсан хэрэг дээр Билл, Райли хоёртой цуг ажилласан юм. Тэд хоёул Варгасын ур чадварыг биширсэн билээ.

- Түүний шагай одоо хүртэл эдгээгүй байгаа. Ажилдаа буцаж ороход наанадаж нэг сар хэрэг болох байх гэж Билл хариулав.

Райли асуусандаа харамслаа. Райли, Билл, Люси гурав Южин Фиск буюу гинжит алуурчны хэрэг дээр ажиллаж байх үед Люси унаж шагайгаа бэртээснээс болж золтой л алуулчихаагүй билээ. Мэдээж тэр ийм хурдан ажилдаа орно гэж байхгүй.

- Мэдэхгүй юм даа Билл. Энэ амралт, ажлаас хол байгаа нь надад үнэхээр их хэрэг болж байна. Би одооноос зүгээр л хичээл заадаг ч юм билүү гэж бодож байгаа. Би чамд Мередитэд хэлснээ л хэлж чадна гэж Райли ярилаа.
- Тэгвэл дахиад сайн бодоорой.
- Тэгнэ ээ

Билл дургүйцсэн шинжтэй чимээтэй санаа алдлаа.

- Хоёул ядаж хэргийн талаар ярилцаж болох уу? Маргааш ч юм уу?

Райли дахин хором хэртэй чимээгүй болов.

- Маргааш болохгүй ээ. Маргааш би нэг хүнийг үхэхийг харна.

_________________
PEPPA PIG


Top
   
PostPosted: Nov.28.17 4:52 pm 
Offline
Хэлээд баршгvй их цолтой
Хэлээд баршгvй их цолтой

Joined: Sep.10.09 9:45 am
Posts: 490
Location: Төв цэгт
Уншиж байгаа шүү. Мундаг орчуулдаг юм байна ш дээ баярлалаа.

_________________
Энхрий хайрт эх орныхоо төлөө


Top
   
PostPosted: Nov.29.17 12:55 pm 
Offline
Хаанчлагч Гишvvн
Хаанчлагч Гишvvн
User avatar

Joined: May.21.08 2:26 am
Posts: 1118
Ingej jinxene buugaar buudaj surguulilj uzexiinsan.

Mash ix bayarlalaa Tsek-doo

_________________
:3q:


Top
   
PostPosted: Nov.29.17 2:43 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
ТАВДУГААР БҮЛЭГ

Райли Деррик Калдвелл удахгүй үхэх өрөөний цонхоор ширтэж байлаа. Тэр Калдвеллийн хамгийн сүүлийн хохирогч болох Келл Сью Басеттийн ээж Гэйл Басеттийн хажууд сууж байв. Райлиг зогсоохоос өмнө тэр этгээд таван эмэгтэйн амийг хөнөөжээ.

Райли Гэилийн цаазаар авах ажиллагаанд оролцох урилгыг аваад ихээхэн тээнэгэлзсэн юм. Тэр өмнө нь ердөө нэг л удаа сайн дурын хянагчийн хувиар сурвалжлагчид, хуульчид, хууль сахиулах хүчний ажилтнууд, сэтгэлзүйн зөвлөгч нар, ахлах шүүгч нартай хамт сууж үзжээ. Гэтэл тэр Гэйлийн хамт Калдвеллийн хөнөөсөн бусад эмэгтэйчүүдийн хамаатнууд гэх есөн хүмүүсийн хамт жижигхэн бүгчим өрөөнд, хуванцар сандалнууд дээр багтаж ядаж сууцгааж байв.

Жижигхэн биетэй, жаран настай, шувууны нүүрийг санагдуулам хэдий ч аятайхан царайтай Гэйл Райлитай хэрэг гарснаас хойш байнга холбоотой байгаа билээ. Цаазын ажиллагаа явагдах цаг нь болоход түүний нөхөр нь нэгэнт өөд болсон байсан тул тэр Райлид захидал бичин, энэ хамгийн чухал мөчийг хамт туулах хүн түүнээс өөр хэн ч үгүй гэдгээ дурджээ. Иймээс л Райли хүсэлтийг нь зөвшөөрөн, өнөөдөр энд түүнтэй хамт байгаа юм.

Цонхны цаана үхлийн өрөө харагдана. Өрөөн дэх цорын ганц тавилга нь цаазлах ор буюу хэрээс хэлбэрийн ширээ аж. Орны нэг талд цэнхэр өнгийн гялгар материалтай хөшиг зүүлттэй байлаа. Райли хөшигний цаана дуслын систем болон үхлийн тарилга байгааг мэдэж байв.

Ханан дахь улаан өнгийн утас захирагчийн албан өрөөтэй шууд холбогддог ажээ. Энэ утас зөвхөн сүүлийн мөчид өршөөл үзүүлэх шийдвэр гарсан тохиолдолд л дуугарна. Гэвч энэ удаа хэн ч энэ утас дуугарна гэж бодохгүй байлаа. Хаалганы дээр байрлах цаг энэ өрөөн дэх ганц чимэглэл шиг санагдана.

Виржиниа мужид ялтан цахилгаан сандал юм уу үхлийн тарилгын аль нэгийг сонгох эрхтэй хэдий ч тарилгыг ихэнх нь сонгодог аж. Хэрэв хэрэгтэн алийг нь ч сонгоогүй бол тарилга хийхийг шууд онооно.

Райли Калдвеллийг цахилгаан сандал сонгоогүйд бараг л гайхаж байлаа. Тэр бол хийсэн хэрэгтээ огт гэмшээгүй, өөрийнхөө үхлийг баяртайгаар хүлээн авсан аймшигтай мангас шүү дээ.

Цагийн зүү 8:55-г заах мөчид хаалга онгойлоо. Цааз гүйцэтгэх ажилтнууд Калдвеллийг өрөө рүү түлхэн оруулахад өрөөнд хүмүүс чимээгүйхэн бувтналдах дуулдав. Хоёр хамгаалагч Калдвеллийн хоёр гараас нь барьж явах бөгөөд нэг хамгаалагч ард нь алхана. Тэдний араас цэвэрхэн хувцасласан шоронгийн хянагч орж ирлээ.

Калдвелл цэнхэр өмд, цэнхэр ажлын цамц өмсч, оймсгүй хөлөндөө сандал углажээ. Түүний гар хөлийг нь гавлаж, дөнгөлсөн байв. Райли түүнийг харалгүй их олон жил болсон байлаа. Түүнтэй цуврал алуурчны хувиар харьцсан богинохон ажиллагааны үеэр Калдвелл урт сэгсийсэн үстэй, арзайсан сахалтай, далайн эргийн төрхтэй, замын хажууд сууж зурдаг зураач байсан. Харин одоо тэр сахлаа нямбайлан хуссан, энгийн төрхтэй нэгэн харагдана.

Хэдийгээр тэр эсэргүүцэл үзүүлээгүй ч ихээхэн айсан царайтай байлаа.

"Сайн байна" гэж Райли бодов.

Тэр цаазын ор руу хараад тэр дор нь харцаа бурууллаа. Тэр мөн орны толгойд байх цэнхэр хөшиг руу харахгүйг хичээж байх шиг санагдана. Дараа нь тэр хормын турш өрөөн дэх ганц цонх руу ширтэснээ гэнэт тайвширч, биеэ барьсан төрхтэй боллоо.

- Тэр биднийг харж чаддаг ч болоосой гэж Гэйл шивнэв.

Үзэгчдийн талыг зөвхөн нэг тал нь л харагддаг шилээр тусгаарласан тул Калдвелл тэднийг олж харахгүй хэдий ч Райли Гэйлтэй адил зүйл хүссэнгүй. Калдвелл түүнийг аль хэдийн хангалттай ойроос харсан. Түүнийг баривчлахын тулд Райли нууцаар ажиллах хэрэг гарчээ. Райли жуулчны дүрд хувиран Дюньс Бийчийн замаар явж түүнээс хөрөг зургаа зурж өгөхийг хүссэн юм. Түүний хөргийг зурж байхдаа Калдвелл элдвийн магтаал урсган, чихэн дээр нь цэцэг ургуулж, Райлиг удаан хугацаанд зурж байгаагүй хамгийн үзэсгэлэнтэй бүсгүй гэхчлэн зусарджээ.

Яг тэр үед Райли түүнийг өөрийг нь дараачийн хохирогчоо болгохоор төлөвлөж байгааг мэдсэн байна. Тэр шөнө нь Райли Калдвеллийг хууран, далайн эргийн дагуу араасаа мөшгүүлжээ. Калдвелл түүн рүү дайрах мөчид ажиллагааны бусад мөрдөгчид түүнийг баривчилсан билээ.

Түүний баривчилгааг үгээр илэрхийлэхийн аргагүй юм. Түүний хохирогчдоо хэрхэн мөчилж, мөчилсөн хэсгүүдээ хөлдөөгчинд хадгалдаг талаар олж мэдэх нэг хэрэг. Хөлдөөгчний яг хажууд зогсоод тагийг нь нээх мөч Райлигийн ажлын бүх замналын турш дахь хамгийн аймшигтай мөчүүдийн нэг байсан билээ. Өөрсдийнхөө хамгийн хайртай хүмүүс болох эхнэр, охин, эгч дүүсийнхээ биеийн хэсгүүдийг таних хэрэг гарсан хохирогчдын ар гэрийнхэн, тэр дундаа Гэйлийг тэр одоо ч гэсэн маш их өрөвдөж байлаа.

"Амьд оршиход дэндүү үзэсгэлэнтэй" гэж Калдвелл тэднийг хэлж байсан.

Калдвелл Райлиг ингэж тодорхойлсон бүсгүйчүүдийнхээ нэгэнд оруулсан гэдэг бодол түүнийг ихэд айлгасан юм. Тэр өөрийгөө хэзээ ч үзэсгэлэнтэй гэж бодож байгаагүй төдийгүй эрчүүд, хуучин нөхөр Райн нь хүртэл түүнд энэ үгийг тоотой хэдхэн удаа хэлсэн билээ. Калдвелл энэ үгийг үнэн голоосоо хэлсэн аймшигтай онцгой тохиолдол юм.

Энэ гажиг мангас түүнийг гайхалтай үзэсгэлэнтэй гэж бодогдуулсан юу түүнд байна вэ? Тэр Райлид өөртэй нь адил аймшигтай мангас нуугдаж буй эсэхийг олж харсан юм болов уу? Хэдэн жил үргэлжилсэн Калдвеллийн шүүх хурал, яллах явцын турш Райли түүний өөрийг нь биширсэн харц, сэтгэл булаам үгс, хөлдөөгч дүүрэн биеийн хэсгүүдийг хар даран зүүдэлсэн билээ.

Цаазын ял гүйцэтгэх ажилтнууд Калдвеллийг орон дээр суулган, гав, дөнгийг нь аваад, сандалыг нь тайлж, суудалд нь сайтар бэхлэв. Түүний цээжинд хоёр, хөлөнд нь хоёр, шагайн харалдаа хоёр, бугуй тус бүрт нь хоёр арьсан олом бэхэллээ. Түүний хөл нь цонхон тушаа харагдах бөгөөд царай нь бараг үзэгдэхгүй аж.

Гэнэт цонхны цаана хөшиг татав. Райли цаазын ажиллагааны явцад алдаа гарч болох хамгийн өндөр магадлалтай, жишээлбэл ажилтан хэрэгтний судсыг олж чадахгүй байх үеийг ч юм уу харуулахаас сэргийлэн хөшиг татаж байгааг ойлгож байлаа. Гэсэн ч түүнд ингэх нь хачин санагдана. Аль аль өрөөнд буй хүмүүс Калдвеллийн үхэхийг харах гэж байхад нэг талд нь сууж байгаа хэсэг тариурын зүү хэрэгтний биед хэрхэн шигдэн орж байгааг харах эрхгүй аж. Ажилтнуудын хэн нэгэн нь өрөөн дотуур явав бололтой, хөшиг бага зэрэг хөдлөв.

Хөшгийг нээхэд дуслын систем залгагдсан байх бөгөөд нэг үзүүр нь хэрэгтний гараас гарч цэнхэр хөшгинд гаргасан нүхээр орсон байлаа. Ажилтнуудын зарим нь хөшигний цаагуур орж үхлийн тарилгыг шахахыг хүлээн зогсоно.

Нэг ажилтан хэзээ ч ирэхгүй дуудлагыг цаг алдалгүй хүлээн авахад бэлдэн харилцуураас барьжээ. Бас нэг ажилтан Калдвеллтэй ярилцах бөгөөд тааруухан хүлээн авагчны цаанаас тэдний яриа бараг сонсогдохгүй хяхтнана. Ажилтан Калдвеллээс эцсийн үг бий эсэхийг асууж байлаа.

Гэнэт бүгдийг цочроон Калдвелл тов тодорхой хариулт өгөв.

- Мөрдөгч Пэйж энд ирсэн үү? хэмээн тэр асуух аж.

Түүний үг Райлиг цохиод авах шиг боллоо.

Ажилтан түүнд хариу өгсөнгүй. Энэ бол Калдвелл хариулт авах эрхтэй асуултуудын нэг биш билээ. Дотор зарсхийлгэм чимээгүй хормын дараа Калдвелл дахин ам нээв.

- Мөрдөгч Пэйжид миний уран бүтээл түүнд шударга ёсыг авчирсан гэж хэлээрэй.

Райли хичнээн түүний царайг олж харахгүй байлаа ч түүний хөхрөхийг сонсох шиг болов.

- Өөр зүйлгүй. Би бэлэн байна

Райлигийн уур, зэвүүцэл, айдас, төөрөгдөл нэгэн зэрэг хүрлээ. Түүнийг ингэнэ гэж төсөөлөөгүй билээ. Деррик Калдвелл өөрийнхөө амьд явах сүүлийн хормыг түүнд зориуллаа гэж үү? Гэтэл тэр энд эвдэхийн аргагүй цонхны наана юу ч хийж чадахааргүй сууж байдаг. Райли хичнээн түүнийг шударга ёсны шүүлтээр оруулсан ч гэлээ эцсийн эцэст энэ мангас өөрийнхөө гажиг, солиотой аргаар түүнээс өшөө авчээ. Тэр Гэйлийн бяцхан гар түүнийхийг атгаж байхыг мэдрэв.

"Бурхан тэнгэр минь. Тэр намайг тайвшруулж байна" гэж Райли бодлоо.

Тэр огиулах хүслээ арайхийн дарах үест Калдвелл дахин нэг юм хэлэх шиг болов.

- Энэ бүхнийг эхлэх үед би ямар нэгэн мэдрэх болов уу?

Тэр дахиад л хариулт авсангүй. Райли дуслын системийн гуурсаар шингэн урсаж буй харж байлаа. Калдвелл хэдэн удаа гүнзгий амьсгаа авсны дараа нүдээ анин унтаа байдалд шилжив. Түүний хөл татганаснаа эцэст нь хөдөлгөөнгүй боллоо.

Хормын дараа хамгаалагчдын нэг нь хоёр хөлийг нь чимхэхэд хариу байсангүй. Энэ үйлдэл нь үнэхээр жигтэй харагдаж байсан ч хамгаалагч ердөө л нойрсуулагч бүрэн үйлчилсэн эсэхийг шалгаж байгаа гэдгийг Райли ойлгож байлаа. Калдвелл бүрэн нойрсжээ.

Хамгаалагч хөшигний цаана байх хүмүүст хандан ямар нэгэн зүйл хэлэхэд өөр нэг төрлийн шингэн гуурсаар урсан орж ирэхийг Райли харав. Уг хоёр дахь тарилга Калдвеллийн уушгины ажиллагааг зогсоох зориулалттай аж. Үүний дараа тарих гурав дахь тарилга түүний зүрхийг зогсоох болно.

Калдвеллийн амьсгал удааширч эхлэхэд Райли өөрийгөө яг юу үзэж суугаагаа гэнэт бодож эхлэв. Энэ ажиллагаа түүний хийсэн үхэлд хүргэх үйлдлүүдээс юугаараа ялгаатай вэ? Үүрэг гүйцэтгэж явахдаа тэр хэд хэдэн алуурчдыг хөнөөсөн. Гэхдээ одоо болж буй энэ явц түүний авчирсан үхлүүдээс тэс ондоо аж. Харьцуулахад энэ бол нарийн хяналтан дор, цэвэр, клиникийн хүрээнд өөгүй хийж буй үйлдэл хэдий ч яагаад ч юм буруу санагдана. Райли өөрийн мэдэлгүй тэнэгдүүхэн бодолд автлаа.

"Би ийм зүйлд хүргэх ёсгүй байсан юм."

Тэр буруу бодож байгаа гэдгээ, Калдвеллийн баривчилгааг ном журмын дагуу мэргэжлийн түвшинд гүйцэтгэсэн гэдгээ мэдэж байлаа. Гэсэн хэдий ч тэр өөрийн эрхгүй бодолд автана.

"Би түүнийг өөрийн гараар хөнөөх ёстой байсан юм."

Гэйл Райлигийн гарыг дараачийн арван минутын турш тас атгав. Эцэст нь Калдвеллийн хажууд зогсох ажилтан ямар нэгэн юм хэлсэн ч Райли сонсож чадсангүй.

Харгалзагч хөшигний араас гарч ирээд бүх гэрчүүдэд дуулдахуйцаар тов тодорхой нэгэн зүйл хэллээ.

- Ялын өглөөний 9 цаг 7 минутанд амжилттай гүйцэтгэлээ.

Үүний дараа цонхны хөшиг дахин хаагдав. Гэрчүүд харах ёстой бүх зүйлээ харжээ. Хамгаалагчид өрөөнд орж ирээд тэнд байгсдыг өрөөг аль болох хурдан орхиж явахыг хүслээ. Хүмүүс гудам руу гарцгаах үед Гэйл Райлигийн гарыг дахин атгав.

- Түүний хэлсэн үгэнд би үнэхээр их харамсаж байна гэж Гэйл хэллээ.

Райли таг хөшив. Шударга ёс арайхийн өөрийх нь төрсөн охины алуурчныг шийтгэж байхад Гэйл яаж Райлигийн сэтгэл санаанд зовниж чадаж байна вэ?

- Гэйл, та ямархуу байна даа? гэж тэр хаалга руу хурдан алхах үедээ асуулаа.

Гэйл үг дуугүй хэсэг алхав. Түүний төрх юуг ч илэрхийлэх аргагүй аж.

- Бүгд дууслаа, арай гэж бүгд дууслаа гэж тэр эцэст нь хүйтэн, ямар ч сэтгэл хөдлөлгүй хоолойгоор хэллээ.

Тэд хаалгаар гармагц өглөөний наран угтан авав. Гудамжны цаана хоёр хэсэг хүмүүс байх бөгөөд хооронд нь тусгаарлаж, цагдаа нар онцгой хянаж байхыг Райли харлаа. Нэг талын хүмүүс Калдвеллийг цаазаар авсныг дэмжсэн аястай, үзэн ядсан шинжтэй, зарим нь бүр бүдүүлэг хараалын үгтэй самбар барьсан харагдана. Тэдний хөөр баярыг ойлгоход ч хэцүү биш. Харин нөгөө талд нь цаазыг ялыг эсэргүүцэгчид өөрсдийн уриа лоозонгоо барин зогсчээ. Тэд урьд шөнөжин лааны асаан жагсаал хийсэн байна. Тэдний байдал харьцангуй сул харагдана.
Райли энэ хоёр бүлэг хүмүүсийн алийг нь ч дэмжихгүй байлаа. Эдгээр хүмүүс энд зөвхөн өөрсдийнхөө төлөө, өөрсдийнхөө уур хилэн, эрх чөлөө, өчүүхэн хүслээ олон нийтийн үзүүлбэр болгохоор ирсэн билээ. Райлигийн бодлоор энэ хүмүүст жинхэнэ өвчин шаналал, уй гашууг мэдэрсэн хүмүүсийн дунд байх газар байхгүй.

Барилгын хаалга болон цугласан бүлэг хүмүүсийн хооронд бөөн сурвалжлагчид байх бөгөөд ойрмогхон мэдээллийн хэрэгслүүдийн машинууд харагдлаа. Райли сурвалжлагчид дундуур зүтгэлэн явах зуур нэгэн эмэгтэй микрофон барьсаар түүн рүү хурдавчлан ирэв. Түүний ард камер барисан зураглаач дагана.

- Мөрдөгч Пэйж? Та мөрдөгч Пэйж мөн биз дээ? гэж эмэгтэй асуулаа.

Райли хариу хэлэлгүй сурвалжлагчийн хажуугаар өнгөрөх гэж оролдов. Гэвч сурвалжлагч нойтон хамуу шиг дагасаар байлаа.

- Калдвелл эцсийн үгэндээ таны тухай дурдсан гэсэн. Та энэ талаар тайлбар хэлнэ үү?

Одоо бусад сурвалжлагч нар түүн дээр шавааралдан адилхан асуулт асууж эхлэв. Райли шүдээ заналтайяа хавираад хүмүүсийг түлхэн зайчилсаар арайхийж чөлөөлөгдлөө. Тэр машин руугаа эрчээрээ явах зуураа Мередит, Билл хоёрын талаар бодож байгаагаа гэнэт анзаарав. Тэдний хэн хэн нь түүнийг шинэ хэрэг дээр ажиллахыг царай алдан гуйсан. Харин тэр хэн хэнд нь ямар нэгэн хариулт өгөхөөс зайлсхийж яваа.

"Яагаад тэр билээ?" хэмээн тэр гайхширлаа.

Тэр дөнгөж сая сурвалжлагчдаас зугтсан. Тэр Билл, Мередит хоёроос ч гэсэн зугтаж байгаа юм болов уу? Тэр өөрөө өөрөөсөө зугтаж байгаа юм болов уу? Хийсэн хэргээсээ юу эсвэл?

Райли эцэст нь гэртээ ирсэндээ туйлгүй их баярлав. Өнөө өглөөхөн түүний өөрийн биеэр харсан үхэл түүний дотрыг цөлмөх шиг болсны дээр Фредриксбург хүртэл жолоо бариад асар их ядарчээ. Гэвч тэр гэрийнхээ хаалгыг онгойлмогц ямар нэгэн юм болохгүй болсныг мэдлээ.

Гэр нь үхмэл чимээгүй байв. Уул нь өдийд Эприл хичээлээ тараад гэртээ ирчихсэн байх ёстой. Бас Габриелла хаана байна? Райли гал тогоо руугаа явж орсон ч хэн ч байсангүй. Харин ширээн дээр зурвас байлаа.

"Me voy a la tienda"

Габриелла дэлгүүр явсан байж.

Балмагдал түүнийг нөмрөн авахад Райли сандлын түшлэгээс зуурав. Түрүүчийн удаа Габриеллаг дэлгүүр явсан хойгуур Эприлийг эцгийнх нь гэрээс хулгайлсан билээ.

"Түнэр харанхуй дахь галын дөл"

Райли өрөөнөөс гарч шат руу ухаан мэдрэлгүй гүйлээ.

- ЭПРИЛ!?!?! хэмээн тэр чадлаараа хашгирав.

Хариу байсангүй. Тэр шатны өөд хурдлав. Унтлагын өрөөнүүдийн алинд нь ч хэн ч байсангүй. Түүний ажлын өрөөнд ч хэн ч байсангүй.
Энэ бүхэн зүгээр л тэнэглэл хэмээн түүний тархи хичнээн хэлсэн ч зүрх нь аймшигтай хурдан дэлсэнэ. Тархи нь биеэ захирч дийлэхээргүй болжээ.
Райли шатаар уруудан байшингийнхаа арын тавцан руу гарч ирэв.

- Эприл хэмээн тэр дахин хашгирлаа.

Гэвч хажуу хашаанд хэн ч тоглосонгүй, нэг ч хүүхэд үзэгдсэнгүй.
Тэр дахин хашгирахаа больж биеэ барилаа. Хөршүүд нь түүнийг жинхнээсээ галзуу гэж бодох хэрэг түүнд огт байхгүй, одоохондоо л лав биш.
Райли халаасаа тэмтрэн гар утсаа гаргаж ирээд Эприл рүү зурвас бичив.
Хариу ирсэнгүй.
Райли гэртээ буцаж ороод буйдан дээр суугаад толгойгоо базлана.

"Тэр байшингийн хөндий доор, хүйтэн шороон дээр харанхуй дунд хэвтэж байсан. Гэнэт түүнийг чиглэн жижигхэн гэрэл ойртон ирсэн. Галын дөлний цаанаас тэр түүний аймшигтай хэрцгий царайг олж харсан. Гэхдээ алуурчин түүний юм уу Эприлийн хойноос ирсэн эсэхийг бүү мэд."

Райли өөрийгөө тархин дахь зураглалаас бодит байдалд арайхийн хүчлэн авчрав.

"Петерсон үхсэн. Тэр дахин хэзээ ч бидний хэнийг ч тамлан зовоохгүй" гэж тэр өөртөө хатуу чанга хэллээ.

Тэр буйдан дээр суусан чигтээ яг одоо, яг энэ цагт, бодит байдалд төвлөрөхийг оролдов. Өнөөдөр тэр өөрийнхөө шинэ гэртээ, шинэ амьдралаараа амьдарч байна. Габриелла ердөө л дэлгүүр орохоор явсан. Эприл ойрхон хаа нэгтээ яваа биз.
Түүний амьсгаа дарагдсан ч тэр хөл дээрээ босч чадсангүй. Тэр дахин гадагшаа гарч ухаан мэдрэлгүй хашгирах вий гэдгээсээ айлаа.
Бараг мөнх юм шиг удаан хугацаа өнгөрсний дараа Райли урд хаалга онгойхыг сонсов.
Эприл хаалгаар дуулсаар орж ирлээ. Райли арайхийн хөл дээрээ босчээ.

- Чи хаана байсан юм бэ, новш гэж?

Эприл цочирдсон харагдана.

- Та яачихаад байгаа юм, ээж?
- Чи хаана байсан юм? Яагаад миний зурвасанд хариу бичээгүй юм?
- Уучлаарай, би утасныхаа дууг хаачихаж. Ээж би Сисигийн гэрт л байсан. Гэр нь гудамжны нөгөө талд байдаг юм. Бид автобуснаас буух үед ээж нь биднийг зайрмагаар дайлна гэсэн.
- Чамайг хаана байсныг би яаж мэдэх болж байна аа?
- Би таныг гэртээ арай ирээгүй байх гэж бодсон юм.

Райли хоолойн чинээгээрээ хашгирч байгаагаа мэдсэн ч өөрийгөө зогсоож хүчирсэнгүй.

- Надад чиний юу гэж бодох хамаагүй. Чи ямар ч бодлогогүй үйлдэл хийсэн байна. Чи надад үргэлж хаана яваагаа...

Эприлийн нүднээс урсах нулимс түүнийг зогсоолоо.
Райли гүнзгий амьсгаа аваад охин руугаа хурдлан очиж түүнийг чанга тэврэв. Эхэндээ Эприл уурласандаа биеэ чангалсан ч Райли түүнийг аажмаар тайвшран биеэ суллахыг мэдэрлээ. Тэр өөрийгөө ч гэсэн уйлж байгаагаа анзаарав.

- Намайг уучлаарай. Үнэхээр уучлаарай. Бид зүгээр л маш их зүйлийг үзэж туулж. Хэтэрхий их муу муухайг зүйлсийг...
- Гэхдээ ээж ээ, энэ бүхэн одоо дууссан шүү дээ, бүгд дууссан гэж Эприл хэлэв.

Тэд хоёул буйдан дээр сууцгаалаа. Энэ буйданг тэд ийшээ нүүж ирэх үедээ шинээр нь худалдан авчээ. Тэр үүнийг шинэ амьдралын эхлэл болгон авсан.

- Би бүгд зүйл дууссан гэдгийг мэдэж байгаа. Петерсон үхсэн гэдгийг ч мэдэж байгаа. Би үүнд дасахыг хичээж байна гэж Райли тайлбарлав.
- Ээж ээ, бүх зүйл одоо хамаагүй дээрдсэн. Та надад цаг үргэлж санаа зовинох шаардлагагүй. Бас би урьдын тэнэг хүүхэд байхаа больсон. Би арван тавтай шүү дээ.
- Бас чи минь үнэхээр ухаантай. Би мэдэлгүй яахав. Зүгээр л би чиний талаар цаг үргэлж өөртөө сануулах шаардлага гардаг юм. Эприл, би чамд маш их хайртай. Тийм болохоор л би заримдаа галзуу мэт аашилдаг гэж Райли хэллээ.
- Би ч гэсэн таньдаа хайртай ээж ээ. Надад битгий санаа зов доо хэмээн Эприл хариулав.

Райлид охиноо дахин инээмсэглэхийг харах сайхан байлаа. Эприлийг хүн хулгайлж хорин, тэр аймшигтай галаар сүрдүүлсэн. Үүний дараа ээж нь ухаан санаагаа арайхийн олж авч байгаа хэдий ч Эприл энгийн өсвөр насны хүүхдийн байдалдаа эргэн оржээ.
Гэхдээ л Райли охиных нь тархины гүнд хаа нэгтээ тэдгээр аймшигтай хар дурсамжууд нуугдан, нэг л өдөр оргилон гарахаа хүлээн сууж байх вий дээ хэмээн айж байлаа.

Харин тэр өөрийнхөө айдас, хар дарсан зүүднүүдийн талаар хэн нэгэнтэй ярилцах ёстой, тэгэхдээ бүр даруйхан хийх ёстой гэдгээ мэдэж байв.

_________________
PEPPA PIG


Top
   
PostPosted: Dec.01.17 2:28 pm 
Offline
Өвөг Дээдсийн Сахиус Гишvvн
Өвөг Дээдсийн Сахиус Гишvvн

Joined: May.10.10 2:23 am
Posts: 734
хурдан бас сайн орчуулж байна шүү, хүн амины хэргийн мөрдөн байцаагч гэдэг эмэгтэй хүнд ахадсан ажил юм даа, хамаг нерв барсан


Top
   
PostPosted: Dec.07.17 5:38 am 
Offline
Эртний Эрдэнэ Гишvvн
Эртний Эрдэнэ Гишvvн
User avatar

Joined: Jul.30.06 7:33 am
Posts: 645
Location: Holland
Цэко маань завгүй байгаа юм уу?

_________________
Sakura


Top
   
PostPosted: Dec.07.17 9:34 am 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
Sorry, сая хэд хоног ажил ихтэй дампуурлаа шд. Би орчуулж л байгаа шүү хүмүүсээ, don't give up хэхэ

_________________
PEPPA PIG


Top
   
PostPosted: Dec.07.17 10:00 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
ЗУРГААДУГААР БҮЛЭГ

Райли Майк Невинст юу хэлэхээ олж ядан сандал дээрээ хавчигнаж байлаа. Түүнд энэ бүхэн төвөгтэй санагдаж байв.

- Тайвшир, хүссэнээрээ удаан бод хэмээн шүүхийн шинжилгээний сэтгэлзүйч зөвлөх агаад түүн рүү сандлаасаа босолгүй, хүзүүгээ сунган дөхөж хянамгай ажиглалаа.

Райли ямар ч баяр баясалгүй хий инээд алдав.

- Энэ чинь л асуудал байхгүй юу. Надад хүссэнээрээ удаан бодох цаг байхгүй. Би үүнээс чадахаараа зайлсхийж, үнэхээр ингэх эсэхээ ч шийдэж чадахгүй байна. Гэтэл би өмнө нь үүнээс хангалттай их зугтсан байдаг. Чи намайг ер нь хэзээ нэгэн цагт ийм дүлгэнэсэн байхыг харж байсан уу?

Майк асуултанд нь хариулсангүй. Тэр зүгээр л инээмсэглээд хоёр гарынхаа хуруунуудын үзүүрийг нийлүүлэн суулаа.

Райли Майкийг ингэж чимээгүй суудагт нь дасжээ. Энэ ганган хээнцэр эр олон жилийн турш түүний найз, түүний эмч, заримдаа бүр зөвлөгч нь болсоор ирсэн билээ. Сүүлийн үед Райли түүн рүү гэмт хэрэгтний харанхуй бодол санаа руу өнгийхдөө туслуулахаар залгадаг болсон. Гэвч энэ удаагийн уулзалт тэс ондоо аж. Райли цаазын ажиллагаа болсон өдрийн шөнө түүн рүү залгаж, өнөө өглөө түүний Вашингтон дахь албан тасалгаа руу иржээ.

- Тэгээд чиний шийдвэр яг юу юм бэ дээ? гэж тэр эцэст нь асуулаа.
- Би үлдсэн амьдралынхаа турш юу хийж амьдрах ёстойгоо шийдэх ёстой юм шиг санагдаж байна. Хичээл заах уу, эсвэл мөрдөгч хэвээрээ ажиллах уу? Эсвэл бүр тэс ондоо зүйл хийдэг ч юм билүү?

Майк инээд алдав.

- Байзаарай. Өнөөдөртөө чиний ирээдүйн төлөвлөгөөг гаргахаа түр азнаад яг одоо үедээ төвлөрцгөөе. Мередит Жеффри хоёр чамайг нэг хэргийг хариуцаад өгөөч гэж гуйж байгаа юм байна. Ердөө нэг л хэрэг. Эсвэл тэг, эсвэл ингэ гэсэн хүн алга. Бас хэн ч чамайг хичээл заахаа боль гэж хэлээгүй. Тэгэхээр чи ердөө л хэргийг авна, эсвэл авахгүй гэж хэлэхэд л болно. Үүнд асуудал юу байна аа?

Харин одоо Райлигийн чимээгүй суух ээлж иржээ. Тэр асуудал юунд байгааг үнэндээ мэдэхгүй байв. Тэгээд л тэр энд ирсэн хэрэг.

- Би чамайг ямар нэгэн юмнаас айж байгаа гэж ойлголоо гэж Майк хэлэв.

Райли шүлсээ гүдхийтэл залгилаа. Тийм байж. Тэр айсан байж. Тэр үүнийгээ хэнд ч, тэр бүү хэл өөртөө ч хүлээн зөвшөөрөхгүй байсан билээ. Харин Майк түүнийг эцэст нь энд авчирч чадлаа.

- Тэгвэл чи юунаас ингэтлээ айж байгаа хэрэг вэ? Чи надад хар дарж байгаа гэж хэлсэн байх аа? хэмээн Майк асуув.

Райли дахиад л юу ч хэлсэнгүй.

- Энэ чиний гэмтлийн дараах хямралтай холбоотой байх. Чамд урьдны явдлууд бодогдсоор л байгаа юу?

Райли түүнийг ингэж асууна гэж таамаглаж байсан билээ. Эцсийн эцэст хэн хүнээс илүү Майк л түүнийг энэ насандаа баймгүй аймшигтай гашуун туршлагаа даван туулахад нь тусалсан ганц хүн шүү дээ.

Райли сандлынхаа түшлэгийг налаад нүдээ анив. Нэг хормын турш тэр Петерсоны харанхуй торон дотор эргэн очиж, мангас түүнийг пропаны галаар сүрдүүлж байв. Петерсон түүнийг хулгайлснаас хойш хичнээн олон сар өнгөрсөн ч энэ муухай дурсамж түүний тархинд яаж ийгээд орсоор байгаа аж.
Гэвч тэр Петерсоныг мөшгин хөөж, өөрийн гараар хөнөөсөн шүү дээ. Үнэндээ Райли түүнийг амьгүй нялцгай мах болтол нь нүдсэн.

"Хэрвээ энэ төгсгөл нь биш юм бол өөр юу энэ бүгдийг дуусгаж чадахыг би мэдэхгүй юм байна" гэж тэр бодлоо.

Харин одоо дурсамжууд түүний өөрийнх нь биш юм шиг, тэр өөр хүний дурсамж руу нэвтрэн орсон мэт санагдана.

- Би өмнөхөөсөө дээрдсэн. Үйл явдлууд арай цөөхөн бодогддог болсон, бас богинохон гэж Райли хэлэв.
- Охины чинь асуудал харин ямархуу байгаа вэ?

Энэ асуулт Райлиг лантуугаар нүдэх шиг л боллоо. Тэр Петерсон Эприлийг хулгайлсан гэдгийг мэдсэн үеийнхээ айдсыг дахин мэдрэх шиг санагдав. Тэр бүү хэл Эприлийн тусламж гуйн хашгирч, уйлж байгааг нь сонсох шиг боллоо.

- Би одоо хүртэл тэр асуудлыг даваагүй бололтой. Би шөнө дунд гэнэт сэрж түүнийг дахиад хулгайлагдсан байх вий гэж айдаг. Тэгээд бүр түүний унтлагын өрөө рүү очиж түүнийг орондоо тайван унтаж байгаа эсэхийг шалгаж байж санаа амардаг.
- Энэ чиний дахин нэг өөр хэрэг авахгүй байгаа шалтгаан чинь мөн үү?

Райлигийн дотор зарсхийлээ.

- Би түүнийг дахин хэзээ ч тийм байдалд оруулмааргүй байна.
- Наадах чинь миний асуултын хариулт биш л байна даа.
- Мэдээж үгүй л дээ гээд Райли дахин чимээгүй болов.
- Надад үүнээс гадна дахиад өөр асуудал байгаа юм шиг санагдаад л байна даа. Чи өөр юуны талаар хар дардаг вэ? Өөр юунаас болж чи шөнө дунд сэрдэг вэ? гэж Майк улам нухацтай асуулаа.

Райли цахилгаанд цохиулсан мэт, тархинд нь аймшигт бодол харван орж ирэв. Мэдээж, үнэхээр өөр нэг юм байгаа аж.

Тэр нүдээ анилгүйгээр ч Южин Фискийн хүүхдэрхүү царай, тэнэгдүү гэмгүй төрх, жижигхэн товчин нүдийг харж байлаа. Райли түүний үхэлд хүргэсэн уулзалтын үеэр нүд рүү нь цоо ширтэж, гүнд нь нэвтэрсэн билээ.
Алуурчин Люси Варгасын хоолойнд сахлын хутга тулгасан байсан. Яг тэр аймшигт мөчид Райли түүний хамгийн аюултай айдсыг, гинжнүүдийг, түүнтэй ярилцдаг, түүнийг дахин дахин аллага хийлгэдэг, эмэгтэйчүүдийг гинжилж хоолойг нь хэрчүүлдэг тэр гинжнүүдийн талаар ярьсан.

"Гинжнүүд чамайг энэ эмэгтэйн амийг авахыг хүсэхгүй байна. Энэ эмэгтэй тэдний хүссэн хүн нь биш. Гинжнүүд чамаар юу хийлгэхийг хүсч байгааг чи мэдэж байгаа" гэж тэр хэлсэн.

Южиний нүдэнд нулимс хурж, Райлигийн хэлснийг ойлгосны тэмдэг болгон толгой дохиод өөрийн хохирогчдоо хэрхэн цээрлүүлсэнтэй яг адилаар өөрийгөө цээрлүүлсэн билээ.
Тэр Райлигийн нүдэн дээр өөрийн хоолойгоо хэрчсэн.

Харин одоо Райли Майк Невинсийн албан өрөөнд суугаад өөрийнхөө үзсэн аймшгаас болж өөрөө өөрийнхөө хоолойг боох шахлаа.

- Би Южинийг алсан хэмээн хэлэхдээ түүний амьсгаа нь давчдаж байв.
- Гинжит алуурчныг хэлж байна уу? Тэр чиний алсан анхны хүн биш шүү дээ.

Харамсалтай нь энэ үнэн байлаа. Райли тоймгүй олон удаа хүн хөнөөжээ. Гэхдээ л Южиний үхэл бусдаас огт өөр байв. Райлид түүний үхэл байнга шахуу бодогддог ч тэр энэ талаараа өнөөдрөөс өмнө хэнтэй ч хэзээ ч ярилцаж байсангүй.

- Би түүнийг буу, чулуу ч юм уу улаан гараараа хөнөөсөн юм биш. Би түүнийг ойлгосон, түүнийг зовлонг ухаарсан учраас хөнөөсөн юм. Энд миний өөрийн оюун ухаан үхлийн зэвсэг болчихоод байна. Гэтэл би үүнийг өмнө нь огт мэддэггүй явж. Би үүнээсээ үхтлээ айж байна Майк хэмээн тэр тайлбарлалаа.

Майк түүнийг ойлгосон шинжтэй толгой дохино.

- Чи ёроолгүй гүн ангал руу хэт удаан өнгийвөл юу болдог талаар хэлсэн Ницщегийн үгийг мэднэ биз дээ?
- Ёроолгүй ангал ч бас чам руу өнгийн харна гэж Райли хэлцийг дуусгаад
- Гэхдээ би хувьдаа ёроолгүй ангал руу өнгийхөөс хавьгүй илүүг хийчихээд байна. Би үнэндээ л тэнд чинь амьдарч байсан. Надад тэгж амьдрах бараг л таалагддаг байлаа. Яг л хоёр дахь гэр шиг минь байсан. Би үүнийгээ ойлгосноос хойш зүрх минь хаагдах шахдаг боллоо Майк. Хэрвээ би одоо тэр ангал руу буцвал дахиж хэзээ ч хэвийн амьдарч чадахгүй байх гэж айж байна. Эцэстээ би өөр хэнийг ч зовоож, эсвэл алчих юм билээ.
- За яахав. Ямартай ч бид тодорхой шийдэлд хүрэх шиг боллоо, тийм үү? гэж Майк хэлээд сандлаа наллаа.

Харин Райлид юу ч тодорхой байсангүй, ямар ч шийдэлд хүрэх шиг санагдсангүй.

Тэр орой нь Райли буцаж, гэрийнхээ хаалгаар ормогц Эприл шат харайлган бууж ирэн түүнийг тослоо.

- Ээж, ашгүй дээ, та надад туслах уу?

Райли Эприлийг даган дээд давхарт байх түүний унтлагын өрөө рүү орлоо. Түүний орон дээр чемодан дэлгээтэй байх бөгөөд эргэн тойрон хувцаснууд хөглөрчээ.

- Би юу авч явахаа мэдэхгүй байна, ээж. Өмнө нь хэзээ ч ийм юм хийж байсангүй хэмээн Эприл тэвдэв.

Охиныхоо сандрал, хөгжөөнтэй байдлын хослолыг харж инээд нь хүрсэн Райли түүнд хувцаснуудаа баглахад нь туслахаар зэхлээ.
Эприл маргааш өглөө сургуулийн аяллаар Вашингтон руу долоо хоногийн хугацаатай явах юм. Энэ аялал нь Америкийн түүхийн хичээлийн хүрээнд болох бөгөөд уг хичээлийг сонгосон хүүхдүүд, багш нарын хамт явах ажээ.

Райли аяллын зөвшөөрлийн хуудсанд гарын үсэг зурж, төлбөрийг нь төлөх үедээ зөв зүйл хийж байгаа эсэхдээ эргэлзэж байсан юм. Петерсон Эприлийг Вашингтонд байх үед нь хулгайлсан бөгөөд, хулгайлагдсан газар нь хотоос алслагдмал зайдуу газар байсан хэдий ч Райли энэ аялал охиных нь муухай дурсамжийг сэргээх вий гэдгээс айжээ. Гэвч Эприл сүүлийн үед хичээл номондоо ч, сэтгэл санаагаар ч гайхалтай сайн байгаа билээ. Мөн энэ аялал бол алдаж боломгүй ховор боломжуудын нэг яахын аргагүй мөн.

Эприл Райли хоёр бие биенийхээ сонголтыг дооглож байх үед Райли өөрийгөө тоглоом тохуу хийж чадаж байгаагаа анзаарав. Майк тэр хоёрын ердөө өдөр ярилцаж суусан ёроолгүй гүн ангал одоо өөрт нь хамаагүй юм шиг санагдана. Түүнд тэр ангалын гадна амьдрал байгаа аж. Тэр энэ амьдралдаа хайртай бөгөөд цаашид юу ч болох байлаа гэсэн үүнийгээ үхэн үхтлээ хамгаалж явахаар шийдлээ.
Ээж охин хоёрыг ачаагаа баглаж суух суух зуур Габриелла өрөөнд орж ирэв.

- Сениора Райли, такси pronto...одоохон ирэх гэж байна. Би бүх ачаагаа баглачихсан үүдэнд байгаа гэлээ.

Райли Габриеллаг явах гэж байгааг бараг мартах шахжээ. Габриелла Эприлийг аяллаар явах үетэй тааруулж Теннесийд байдаг хамаатнууд дээрээ зочлохоор болсон бөгөөд Райли үүнийг нь хоёр гараа өргөн дэмжсэн юм.
Райли Габриеллаг тэврээд

- Buen viaje гэлээ. (Сайн яваарай! орч.)

Габриеллагийн инээмсэглэл хоромхон зуур алга болоод

- Me preocupo гэв.
- Та надад санаа зовж байгаа юм уу? Габриелла, юунд ингэтлээ зовоо вэ? гэж Райли ихэд гайхан асуулаа.
- Танд санаа зовж байна. Та энэ шинэ байшинд ганцаараа үлдэх нь байна гэж Габриелла дуугарав.

Райли инээд алдлаа.

- Надад зоволтгүй. Би өөрийгөө арчлаад байж дөнгөнө
- Гэхдээ тэр олон муухай юм тохиолдсоноос хойш та sola (ганцаараа .орч) байгаагүй шүү дээ. Би санаа зовж байна гэж Габриелла хэлэв.

Габриеллагийн үг Райлиг бага зэрэг цочирдууллаа. Түүний хэлсэн үнэн ажээ. Райли Петерсонд тамлуулснаас хойш ядаж л Эприл хажууд нь байсан билээ. Ганцаараа үлдмэгц нь шинэ гэрийг нь түнэр харанхуй, хий хоосны аймшиг дүүргэчих юм болов уу? Нөгөө ёроолгүй гүн ангал түүн рүү одоо ч гэсэн ширтэж байгаа хэрэг үү?

- Би зүгээр дээ. Явж гэр бүлтэйгээ цагийг сайхан өнгөрүүлээрэй гэж Райли хэлэв.

Габриелла инээмсэглээд Райлид нэгэн дугтуй өглөө.

- Энэ дугтуй шуудангийн хайрцагт байсан.

Габриелла эхлээд Эприлийг, дараа нь Райлиг тэврээд таксиндаа суухаар явлаа.

- Наадах чинь юу вэ, ээж?
- Мэдэхгүй ээ, хаяг алга.

Райли дугтуйг задлахад дотроос нь пластик карт гарч ирэв. Картан дээр чамин үсгээр "Блэйний Грилл" хэмээн угалзруулан бичжээ. Райли доод буланд нь байх "Хоёр хүний оройн зоог" гэсэн бичгийг чангаар уншлаа.

- Манай хөрш бидэнд бэлэг илгээсэн бололтой. Тун ч эелдэг хэрэг байна. Чамайг аяллаасаа ирэхээр чинь хоёулаа явж оройн хоол идэцгээе гэж Райли хэлэв.
- Ээж! гэж Эприл чангаар дуу алдаад тургиллаа.
- Та бид хоёрыг гэж хэлээгүй байна шүү дээ.
- Яагаад үгүй гэж?
- Тэр таныг оройн хоолонд урьсан байна.
- Юу гэнэ ээ? Чи тэгж бодож байгаа юм уу? Энд тэгж бичээгүй л байна даа.

Эприл толгой сэгсрэв.

- Ээж, битгий тэнэглээд бай л даа. Энэ эрэгтэй танийг болзоонд урьсан байна шүү дээ. Кристал аавд нь та таалагдсан гэж хэлсэн. Угаасаа аав нь үнэхээр дажгүй залуу.

Райли нүүр нь халуун оргин төөнөж эхлэхийг мэдэрлээ. Тэр хамгийн сүүлд хэзээ болзоонд явснаа ч санахгүй байв. Тэр Райнтай маш олон жилийн өмнө гэрлэсэн. Бас түүнээс салснаас хойш удаан хугацааны турш шинэ байшиндаа нүүж орох, тохижих, ажлынхаа талаар шийдвэр гаргах зэрэгт анхаарсаар өдий хүргэжээ.

- Ээж ээ, та улайгаад байна.
- Зүгээр л чиний ачааг баглацгаая за юу. Энэ талаар дараа бодомз гэж Райли бувтаналаа.

Тэд хоёул эргэн хувцаснуудыг ялгаж эхлэв. Хэдэн минут чимээгүй өнгөрсний дараа Эприл

- Ээж ээ би ч бас танд санаа зовж байна. Габриеллагийн хэлсэн шиг... хэмээн эхэлтэл
- Би зүгээр ээ хэмээн Райли тасаллаа.
- Та үнэхээр тэгж бодож байна уу?

Райли юу гэж хариулахаа мэдсэнгүй, дэмий л цамц авч эвхлээ. Тэр саяхан л эзгүй хоосон байшингаас хавьгүй дор зүйлсүүд болох гинж, хүүхэлдэй, тэр бүү хэл бамбарын галанд донтсон мэдрэлийн өвчтэй алуурчидтай тулгарсан. Гэсэн хэдий ч түүнийг ганцаараа байхад нь дотоод ад зэтгэр нь гэтэн гарч ирвэл яах вэ? Гэнэт түүнд бүтэн долоо хоног маш урт хугацаа шиг санагдаж эхлэв. Нэмээд хажуу айлын эртэй болзоонд явж болзошгүй байгаа нь бас нэг төрлийн айдас авчрах аж.

"Би зохицуулж дөнгөнө" гэж Райли бодлоо.

Үүнээс гадна түүнд дахин нэг өөр сонголт бий. Тэгээд ч одоо нэгмөсөн шийдвэр гаргах цаг нь болсон.

- Намайг нэг хэрэг дээр ажиллаач гэсэн. Тэр хэрэг дээр ажиллавал би шууд Аризона явна гэж Райли Эприлд хэлэв.

Эприл хувцсаа эвхэхээ болиод Райли руу харлаа.

- Та тэгээд тэр хэрэг дээр ажиллах юм уу? гэж тэр асуув.
- Би үнэндээ мэдэхгүй юм, Эприл.
- Юуг нь мэдэх гэж? Энэ таны ажил биз дээ?

Райли охиныхоо нүд рүү ширтлээ. Тэдний хооронд байсан асуудал үнэхээр дууссан бололтой. Тэд Петерсоны авчирсан аймшгийг хоёул даван гарч, амьд үлдсэнээс хойш тэдний хооронд нэгэн шинэ холбоо үүсчээ.

- Би дахин мөрдөгчөөр ажиллахгүй байдаг юм билүү гэж бодож байгаа гэж Райли хэлэв.

Эприлийн нүд гайхсандаа томорлоо.

- Юу гэнэ ээ? Муу залуусыг барих чинь таны хамгийн сайн хийж чаддаг ажил шүү дээ, ээж.
- Би хичээл заахдаа ч бас сайн. Би үнэндээ маш сайн багш. Бас би хичээл заах дуртай, чин сэтгэлээсээ дуртай.

Эприл үл ойлгосон шинжтэй мөрөө хавчина.

- Тэгвэл та хичээл заа л даа. Хэн ч таныг зогсоохгүй. Гэхдээ муу залуусыг болгож өгөхөө ч бас битгий зогс. Энэ маш чухал зүйл шүү дээ

Райли толгойгоо сэгсрэв.

- Мэдэхгүй юм даа Эприл. Би чамд авчирсан тэр олон зовлонг бодохоор...

Эприл үл итгэсэн царай гарган

- Та надад зовлон авчирсан гэв үү? Та юу ярьж байгаагаа мэдэж байна уу? Надад зовлон авчирсан хүн нь та биш, сэтгэл мэдрэлийн өвчтэй Петерсон байсан. Тэр хэрвээ намайг хулгайлаагүй байлаа ч өөр хэн нэгнийг хулгайлах л байсан. Битгий өөрийгөө буруутгаад бай гэж хэлээд Эприл хормын зуур чимээ болсноо
- Ээж ээ, хоёулаа суугаад ярилцацгаая гэлээ.

Райли инээмсэглэн орон дээр суув. Одоо Райли биш Эприл ээж шиг санагдах аж.

"Магадгүй эцэг эхийнх шиг лекц л надад одоо хамгийн их хэрэг болж болох юм" гэж Райли бодов.

Эприл Райлигийн хажууд суугаад

- Би таньд Энжи Флетчер гэдэг найзынхаа тухай ярьж байсан билүү? гэж асуулаа.
- Үгүй байх аа
- Бид өмнө нь маш сайн найзууд байсан ч тэр өөр сургууль руу шилжсэн юм. Тэр надаас ердөө нэг насаар л эгч, арван тавтай хэдий ч маш ухаантай охин байсан. Гэвч би түүнийг хүн болгон л Трип гэж дууддаг нэг залуугаас хар тамхи худалдаж авч байгаа гэж сонссон. Тэр героинд асар их донтсон байсан. Тэгээд тэр мөнгөгүй болмогц нь Трип түүнийг биеэ үнэлэгч болгосон юм. Бүр өөрийн биеэр түүнийг бэлдэж, түүнтэй хамт нэг тийшээ нүүсэн гэсэн. Энжигийн ээж нь өөрөө асуудалтай байсан болохоор Энжиг яваад өгснийг ч мэдээгүй. Трип Энжигийн зургийн веб хуудсуудад тавьж, биен дээр нь үүрд түүнийх гэсэн шивээс хийлгэсэн.

Райли асар их цочирдлоо.

- Тэгээд Энжи яасан бэ?
- Трип сүүлд нь баригдаж, Энжи хар тамхины эсрэг сэргээн засах төвд эмчлүүлсэн л дээ. Энэ явдал ердөө л энэ зун, биднийг Нью Йоркийн хойд хэсэгт байх үед болсон юм. Үүнээс хойш түүнийг яасныг би мэдэхгүй байна. Миний мэдэж байгаа ганц юм гэвэл тэр одоо ердөө л арван зургаатай мөртлөө амьдрал нь тэр чигээрээ сүйрсэн явдал.
- Надад үнэхээр харамсалтай байна гэж Райли хэллээ.

Эприл цухалдан дуу алдав.

- Ээж, та миний ярьсныг ерөөсөө ойлгоогүй байна шүү дээ. Энд танд уучлал гуйх ямар ч хэрэг байхгүй. Та өөрийнхөө бүх амьдралыг иймэрхүү явдлыг зогсооход зориулсан. Та Трип шиг новшнуудыг бид бүхнээс холдуулсан, заримыг нь бүр үгүй хийсэн. Гэтэл та өөрийнхөө хамгийн сайн чаддаг зүйлийг хийхээ больчих юм бол хэн таны оронд үүнийг хийх юм бэ? Тан шиг сайн, чадварлаг нэгэн үү? Би үүнд чинь эргэлзэж л байна шүү ээж, үнэхээр их эргэлзэж байна.

Райли хормын турш чимээгүй болсны дараа инээмсэглээд, Эприлийн гарыг чанга гэгч нь атгаад

- Би бушуухан утсаар ярих хэрэгтэй юм шиг байна гэлээ.

_________________
PEPPA PIG


Top
   
PostPosted: Dec.08.17 4:18 am 
Offline
Өвөг Дээдсийн Сахиус Гишvvн
Өвөг Дээдсийн Сахиус Гишvvн

Joined: May.10.10 2:23 am
Posts: 734
заа алуурчдын араас хөөцөллдөж эхлэх нь дээ манай хүүхэн,багшлахаас хавьгүй илүү адал явдалтай даа,баярлалаа Цэкө


Top
   
PostPosted: Dec.12.17 5:01 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
ДОЛООДУГААР БҮЛЭГ

ХМТ-н онгоц Квантикогоос хөөрөх үеэс л Райли дахин нэг мангастай нүүр тулгарах гэж байгаагаа мэдэрч эхлэв. Түүнд энэ бодол нь тун таагүй санагдаж байлаа. Тэр уул нь алуурчдаас хэсэгхэн зуур ч болов холхон байхыг хичээсэн ч эцсийн эцэст тэдний араас мөшгих нь хамгийн зөв зүйл шиг санагдана. Мередит Райлиг энэ хэргийг авна гэхэд тун их талархжээ.
Тэр өглөө Эприл сургуулийн аяллаар явж, харин Райли Билл хоёр Финиксийг зорив. Онгоцны цонхоор харагдах цэлмэг тэнгэр удалгүй зангаа хувирган муухай аашилж бороо асгарч эхэллээ. Райли онгоц аадрын бараан үүлэн дундуур цойлж өндрөө авах хүртэл суудлынхаа бүснээс салсангүй. Удалгүй онгоц үүлнээс дээш хөөрч, хүмүүс магадгүй борооноос хоргодох гэж сандчин гүйж байгаа дэлхийгээс алслагдлаа. Бас магадгүй өөрсдийнхөө өдөр тутмын таашаал, айдас, эсвэл тэр хоорондох юу байдаг юм, тэр бүгдээсээ хоргодох гэж гүйж байгаа байх гэж Райли бодов.
Онгоц тогтворжмогц Райли Билл рүү эргэн

- Надад үзүүлэх юм байна уу? хэмээн асуулаа.

Билл лаптопоо асаан урдах ширээн дээрээ тавихад дэлгэцэн дээр гүехэн усанд хөвж буй том хар хогийн уутны зураг гарч ирэв. Уутны задарсан хэсгээр үхмэл цагаан өнгөтэй гар цухуйх аж.

- Нэнси Холбрукийн цогцос Финиксийн хажууханд байдаг усан сангийн хиймэл нуурнаас олдсон. Тэр гучин настай, үнэтэй үйлчилгээ үзүүлдэг бараа бологч байсан. Өөрөөр хэлбэл үнэтэй янхан гэсэн үг.
- Тэр живсэн байсан уу? гэж Райли асуулаа.
- Үгүй. Үхлийн шалтгааныг амьсгал боогдсоноос үүдэлтэй гэж дүгнэсэн. Дараа нь түүний цогцсыг зузаан хогийн уутанд хийгээд нуур руу шидсэн байна лээ. Тэр бүү хэл жин дарах гэж уутанд том чулуунууд хийсэн байсан.

Райли гэрэл зургийг нарийвчлан судалж эхлэв. Түүний тархинд аль хэдийн маш олон асуултууд эргэлдэж байлаа.

- Алуурчин ямар нэгэн ул мөр үлдээсэн үү? Хурууны хээ, эс, ДНК ч юм уу?
- Юу ч үлдээгээгүй гээд л бодчих.

Райли толгойгоо сэгсрэн

- Би энэ цогцосны талаар юу ч ойлгохгүй байна. Яагаад алуурчин дахиад жоохон газар яваагүй юм бол? Цэнгэг устай нууранд цогцос хаяхад их тохиромжтой байдаг. Цэнгэг усанд цогцос илүү хурдан живж, илүү хурдан задардаг. Мэдээж хэсэг хугацааны дараа задралаас үүссэн хийнээс болж хөвж гарч ирэх тохиолдол бий ч хангалттай чулуу хийсэн байхад энэ асуудал биш. Яагаад үүнийг гүехэн усанд хаясан юм бол доо? гэлээ.
- Бид л үүний учрыг олох хүмүүс нь байх аа гэж Билл хариулав.

Билл хэргийн газрын өөр хэдэн зураг дахин үзүүлсэн боловч тэдгээрт Райлид хэрэг болчихмоор юм байсангүй.

- Бид цуврал алуурчинтай тулгарав уу, эсвэл үгүй юу? Чи юу гэж бодож байна? хэмээн Райли асуулаа.

Билл бодолд автан хөмсгөө зангидав.

- Бүү мэд. Яг үнэндээ бид нэг л биеэ үнэлэгчийн аллагыг харж байна. Мэдээж Финикст өөр биеэ үнэлэгчид ч алга болсон л доо. Гэхдээ энэнд шинэ юм юу ч алга. Энэ улсын аль ч том хотод байнга л гардаг асуудал.

"Байнга л" гэдэг үг Райлид тун таагүй санагдлаа. Нийгмийн тухайн нэг давхрагын эмэгтэйчүүд тасралтгүй алга болж байгаа явдал яахаараа "байнга л" болдог хэрэг байж болох билээ? Гэхдээ л Биллийн хэлсэн үнэн гэдгийг тэр мэдэж байв.

- Мередит утсаар ярихдаа үүнийг тун яаралтай асуудал гэсэн. Тэгснээ одоо бүр бидэнд тусгай үйлчилгээ үзүүлэн хэргийн газар руу албаны онгоцоор шууд илгээж байна гээд Райли хормын зуур бодол болсноо
- Тэр найз нь "биднээс энэ хэрэг цуврал алуурчны хэрэг эсэхийг шалгахыг хүсч байгаа" гэж хэлсэн. Гэтэл чиний хэлснээр бол энэнд цуврал аллага гээд хэлчих юм алга гэж ярилаа.

Билл мөрөө хавчин

- Биш ч байж магадгүй. Гэхдээ Мередит Нэнси Холбрукийн ах Гарретт Холбруктай маш дотно юм шиг санагдсан шүү.
- Тэр ч тийм. Тэд академид хамтдаа суралцаж байсан гэсэн. Гэхдээ ерөнхий зургаараа энэ хэрэг нэг л сонин санагдаад байна.

Билл хариу хэлсэнгүй. Райли суудалдаа шигдэн суугаад нөхцөл байдлыг дэнсэлж үзэв. Мередит ХМТ-н дүрмийг найзынхаа тусын тулд зөрчиж байгаа гэдэг нь тун ойлгомжтой хэрэг. Гэтэл энэ үйлдэл Мередитээс огт гарахааргүй үйлдэл аж.
Гэсэн ч энэ байдал нь Райлигийн дургүйг хүргэсэнгүй. Яг үнэндээ тэр даргынхаа найзынхаа төлөө гаргаж буй сэтгэлийг биширч байв. Тэр бодолд автлаа.

"Надад өмнөөс нь дүрэм зөрчих хэн нэгэн байдаг билүү? Магадгүй Билл юм болов уу?"

Тэр маш олон жилийн турш түүний хамтрагчаас ч илүү, бүр найзаас ч илүү нэгэн байсаар ирсэн. Гэхдээ л Райли эргэлзэж байлаа. Энэ эргэлзэл нь түүнийг сүүлийн үед хамтран ажиллагсадтайгаа, тэр дундаа Биллтэй хэр ойр нөхөрлөж байгаагаа бодоход хүргэв. Тэглээ гээд одоо энэ бүхэн чухал биш санагдана. Ингээд Райли нүдээ анимагц нойронд автлаа.

***

Тэднийг Финикст газардахад нарлаг дулаахан өдөр угтав. Онгоцноос буумагцаа Билл Райлиг нудран

- Хөөх эндэхийн цаг агаар тун ч аятайхан байх чинь. Бид энд ажиллахынхаа хажуугаар жоохон амраад авч болох юм байна шүү гэлээ.

Яагаад ч юм Райли энд тийм зугаатай цаг өнгөрөөхгүй гэдгээ мэдээд байлаа. Тэр хамгийн сүүлд жинхнээсээ амралтаа авснаас хойш маш олон жил өнгөрчээ. Хамгийн сүүлд Нью Йоркод Эприлтэй хамт амрах гэсэн оролдлого нь түүний амьдралд маш том байр суурь эзэлдэг нөгөө л нэг аллага, бөөн үймээнээр төгссөн.

"Харин одоо бол надад жинхнээсээ амралт хэрэгтэй байна" гэж тэр бодлоо.

Тэднийг онгоцноос буумагц орон нутгийн мөрдөгч тосон авч Финикс дэх ХМТ-ны цоо шинэ, орчин үеийн хийцтэй барилга руу авч явав. Тэрхүү мөрдөгч машинаа Товчооны машины зогсоолд байрлуулах зуураа

- Янзын загвартай барилга байгаа биз? Бүр ямар ч гэлээ нэг шагнал авсан шүү. Манай барилгын загвар юутай адилхан байгааг та нар тааж чадах уу? гэлээ.

Райли байшингийн нүүрэн тал руу харав. Барилга тэр чигээрээ шулуун, гонзгой хэлбэртэй бөгөөд нарийхан босоо цонхнуудтай аж. Фасадны сөөм бүрийг маш нарийн тооцоолон барьсан байх ба хэлбэр дүрс нь нэг л танил байлаа. Тэр нэг хормын турш байшинг нарийн ажиглаад

- ДНК-н дараалал хэлбэртэй юм байна гэлээ.
- Яг мөн. Гэхдээ би таныг дээд талд нь байгаа чулуун төөрдөг байшин дээрээсээ юутай адилхан харагддагийг хэлж чадахгүй гэж мөрийцье гэж залуу мөрдөгч хэлэв.

Билл, Райли хоёрын хэн нь ч мөрий тавьж амжилгүй байшин руу явж орлоо. Байшингийн дотор ч шалны хавтанд өнөөх ДНК-н дарааллын торон сүлжээсийг нямбай суулгажээ. Мөрдөгч тэднийг тун нарийн хийцтэй хана, тасалгаанууд дундуур дагуулж явсаар хэрэг хариуцсан тусгай мөрдөгч Элжин Морлейгийн албан тасалгаанд хүргэж ирэв.

Райли, Билл хоёр өөрсдийгөө тавь орчим настай, өтгөн хар живэртэй, дугираг нүдний шилтэй, ихээхэн номын харагдах мөрдөгч Морлейд танилцуулав. Тасалгаанд дөч эргэм насны, янхигар өндөр, бага зэрэг бөгтөр өөр нэг хүн байлаа. Райли тэр хүнийг хармагцаа тун их ядарч, сэтгэлээр унасан байна гэж дүгнэв.

- Мөрдөгч Пэйж, Жоффри, та бүхэн мөрдөгч Гарретт Холбруктэй танилцана уу. Түүний дүү нь Нимбо нуурнаас цогцос нь олдсон хохирогч юм хэмээн Морлей яриаг эхлүүллээ.

Бүгд бие биетэйгээ гар барьцгаасны дараа дөрвөн мөрдөгч тойрон суугаад ярилцахаар зэхэв.

- Хүрэлцэн ирсэнд баярлалаа. Энэ бүхэн үнэхээр дааж давшгүй санагдаж байна гэж Холбрук хэллээ.
- Дүүгийнхээ талаар яриач хэмээн Райли хүсэв.
- Харамсалтай нь тийм ч ихийг хэлж чадахгүй нь. Үнэндээ түүнийг сайн мэддэг байсан ч гэж хэлж чадахгүй нь. Бид хоёр эцэг нэгтэй ах дүүс байсан. Манай аав гэж хормойн дон шүгэлсэн завхай новш байсан юм. Тэр ээжийг минь хаяж явснаас хойш гурван өөр эмэгтэйг хүүхэдтэй болгосон байсан даа. Нэнси надаас арван таван насаар дүү, тэгээд ч бид хоорондоо бараг холбоо барьдаггүй байсан гэж Холбрук ярив.

Тэр хормын турш шал руу ямар ч зорилгогүй ширтсэнээ сандалныхаа бариулаас өөрийн мэдэлгүй зуурч авлаа. Тэгснээ дээш харалгүйгээр

- Хамгийн сүүлд түүнээс сураг сонсоход тэр нэг офист ажиллангаа коллежид сурч байгаа гэж байсан. Энэ бол нилээн хэдэн жилийн өмнөх явдал. Түүнийг хэн болж хувирсныг дуулаад би үнэхээр их цочирдсон. Тэр талаар огт дуулаагүй байсан юм гэлээ.

Холбрук өөр зүйл ярьсангүй. Райли түүнийг ямар нэгэн юм хэлэлгүй үлдээлээ хэмээн бодсон хэдий ч магадгүй энэ хүн үнэхээр өөр юу ч мэдэхгүй байх гэж өөртөө хэллээ. Эцсийн эцэст хэн нэгэн түүний өөрийнх нь төрсөн эгчийнх нь талаар асуулаа гэхэд тэр юу хэлэхээ ч мэдэхгүй байв. Венди тэр ямар ч цусан холбоогүй хүмүүс адил хоорондоо холбоо барилгүй маш их удсан билээ.

Гэхдээ л Райли Холбрукийн байгаа байдалд уй гашуугаас гадна өөр юм байна гэж мэдрээд байлаа. Нэг л жигтэй юм болоод байна.

Морлей Райли Билл хоёрыг шүүхийн шинжилгээний эмгэг судлалын хэсэг рүү хамт явж цогцсыг харахыг санал болгов. Холбрук толгой дохиод өөрөө албан тасалгаандаа үлдэнэ гэлээ.

- Мөрдөгч Морлей, та бүхэнд үүнийг цуврал алуурчны хэрэг гэж бодох шалтгаан байгаа юу? хэмээн Билл хэрэг хариуцсан тусгай мөрдөгчийг даган явах замдаа асуув.

Морлей толгой сэгсэрлээ.

- Би тэгж бодох үндэслэлтэй шалтгаан олж харахгүй л байна. Гэвч Гарретт Нэнсигийн үхлийн талаар дуулмагцаа үүнийг зүгээр орхихыг хүсээгүй. Тэр бидний хамгийн шилдэг мөрдөгчдийн нэг учир би түүнийг тайвшруулахыг оролдсон юм. Тэр бүр өөрөө мөрдлөг эхлүүлсэн боловч юунд ч хүрээгүй. Яг үнэндээ тэр ухаанаа алдчихаад байна.

Райли Гарреттийг маш их цочирдсон гэдгийг мэдээж анзаарчээ. Олон жилийн туршлагатай мөрдөгчийн хувьд хамаатан нь хэн нэгэнд хөнөөгдсөн байлаа ч гэлээ арай л их цочирдсон байдал. Гэтэл тэр өөрөө дүүтэйгээ огт ойр дотно байгаагүй гэж хэлсэн байдаг.

Морлей Райли Билл хоёрыг шүүхийн шинжилгээний эмгэг судлалын тасаг руу дагуулж орон багийн ахлах, доктор Рэйчл Фоулертэй танилцуулав. Эмгэг судлаач Нэнси Холбрукийн цогцсыг хадгалж буй хөргөгчийг нээлээ.

Райли дөнгөж ялзарч эхэлж буй биеийн хүчтэй биш ч танил үнэрийг аваад бага зэрэг ярвайв. Бүсгүй жижигхэн биетэй, асар туранхай нэгэн байжээ.

- Түүний цогцсыг усанд хаяад удаагүй байсан. Биднийх олох үед арьс нь дөнгөж атираатаж эхэлж байсан гэж Фоулер хэлээд бугуй руу нь заалаа.
- Бугуйнд нь олсоор хүлсний ором үлдсэн байгаа. Түүнийг хөнөөх үед хүлээтэй байсан бололтой.

Райли мөн шууны нугалам дахь содон ормыг ч анзаарав.

- Энэ зүүний ором шиг харагдаж байна гэж тэр хэллээ.
- Тийм ээ. Тэр героин хэрэглэдэг байсан юм байна. Миний бодлоор тэр маш хүчтэй донтсон бололтой.

Райлид бүсгүй анорексия буюу хоолны дуршилгүй болох эмгэгтэй байсан мэт санагдсан бөгөөд Фоулерийн донтсон гэх таамаглалтай тохирч байлаа.

- Энэ төрлийн донтолт дээд зэрэглэлийн биеэ үнэлэгчдийн дунд тийм ч элбэг байдаггүй дээ. Түүнийг ийм биеэ үнэлэгч гэж яаж мэдсэн юм бэ? хэмээн Билл асуув.

Фоулер нотлох баримтын гялгар уутанд хийсэн гялгар хуванцар нэрийн хуудас гаргаж ирэв. Нэрийн хуудсан дээр нас барсан бүсгүйн өдөөн хатгасан шинжтэй зураг байх ба доор нь ердөө л Нанетт гэж бичсэн ганц нэр, бас "Иштарын Бараа Бологчид" гэсэн бичиг байлаа.

- Түүнийг олох үед энэ нэрийн хуудас олдсон. Цагдаагийн газар Иштарын Бараа Бологчидтой холбоо барьж түүний жинхэнэ нэрийг мэдсэн юм. Үүнээс хойш удалгүй мөрдөгч Холбрукийн эцэг нэгтэй дүү болохыг бас олж мэдсэн л дээ гэж Фоулер тайлбарлав.
- Түүний амьсгалыг боосныг яаж мэдсэн юм бол? гэж Райли асуулаа.
- Хүзүүг нь тойроод хөхөрсөн байсан. Алуурчин гялгар уут толгойд нь углаад боосон байж болзошгүй.

Райли хөхөрсөн хэсгийг ойроос ажиглалаа. Энэ ямар нэгэн секс тоглоом буруугаар эргэсэн тохиолдол байв уу, эсвэл санаатай аллага юм болов уу? Одоохондоо юу ч хэлэх аргагүй аж.

- Түүнийг олох үед ямар хувцастай байсан бэ? хэмээн Райли асуув.

Фоулер хохирогчийн хувцсыг хийсэн хайрцгийг онгойлголоо. Тэр ягаан даашинз, урт хүзүүний зүүлттэй байжээ. Өөрийгөө хүндэлдэг ямар ч эмэгтэй ийм хувцас өмсөхгүй ч энэ бол яалт ч үгүй гудамжинд зогсон биеэ үнэлдэг хүүхнүүдийн хувцас гэж хэлэхэд хэцүү тамтгаас хувь илүү зүйл аж. Энэ бол эмэгтэй хүн шөнийн клубт орохдоо тачаангуй мөртлөө зохимжтой гэж харагдахыг хүссэн үедээ өмсдөг хувцаслалт байлаа.
Хувцсан дээр гялгар ууттай гоёл чимэглэлийн зүйлс тавьжээ.

- Эднийг үзэж болох уу? гэж Райли Фоулераас асуув.
- Тэг тэг.

Райли ууттайг авч доторхыг нь ажиглалаа. Тэдгээрийн ихэнх нь аятайхан даруухан чимэглэлүүд бөгөөд хэлхмэл хүзүүний зүүлт, бугуйвч, энгийн ээмэгнүүд байх аж. Гэвч тэдэн дунд бусадтайгаа огт адилгүй эд болох алмазан шигтгээтэй нарийхан алтан бөгж байв. Райли түүнийг авч Биллд харууллаа.

- Жинхэнэ эд үү? гэж Билл асуув.
- Тийм ээ. Жинхэнэ алт, жинхэнэ алмаз хэмээн Фоулер хариуллаа.
- Алуурчин үүнийг хулгайлахыг оролдоогүй байж. Тэгэхээр энэ хэрэг шунахайн сэдэлтэй үйлдсэн хэрэг биш юм байна гэж Билл дүгнэв.

Райли Морлейд хандан

- Би цогцос олдсон газрыг одоо гэгээтэй байгаа дээр хармаар байна гэлээ.

Морлей бага зэрэг гайхсан шинжтэй

- Бид таныг тэнд нисдэг тэргээр хүргэж өгч чадна л даа. Гэхдээ таныг тэнд очоод юу олохыг сайн мэдэхгүй л байна. Цагдаа нар, мөрдөгчид тэр хавийг бүхэлд нь самнасан гэв.
- Түүнд итгээрэй, тэр заавал нэг юм олдог юм гэж Билл итгэлтэй хариуллаа.

_________________
PEPPA PIG


Top
   
PostPosted: Dec.12.17 7:37 pm 
Offline
Шинэков Гишvvн
Шинэков Гишvvн

Joined: Dec.01.17 7:28 pm
Posts: 1
Bayrlallaa :xi: :xi: :angel: :angel: :cheerleader:


Top
   
PostPosted: Dec.13.17 2:28 am 
Offline
Эртний Эрдэнэ Гишvvн
Эртний Эрдэнэ Гишvvн
User avatar

Joined: Jul.30.06 7:33 am
Posts: 645
Location: Holland
Thanks :cheerleader: :cheerleader: :cheerleader:

_________________
Sakura


Top
   
PostPosted: Dec.15.17 11:11 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
НАЙМДУГААР БҮЛЭГ

Нисдэг тэрэг ойртон ирэх үед Нимбо нуурын гадарга тогтуухан мэлтийж харагдлаа.

"Гэхдээ гадна төрх хэнийг ч хуурч дөнгөдөг" гэж Райли өөртөө сануулав. Нисдэг тэрэг газардахаар доошлохдоо дайвж эхлэхэд Райлигийн дотор муухайрлаа. Тэр нисдэг тэргэнд суух дургүй юм. Райли хажуудаа сууж явсан Билл рүү харахад тэр ч мөн адил дотор нь муухайрсан шинжтэй суух аж.
Гэвч тэр мөрдөгч Холбрук руу харах үед түүний царай юуг ч илэрхийлээгүй хов хоосон байлаа. Финиксээс хөдөлснөөс хойш хагас цаг гаруй өнгөрсөн ч тэр бараг юм дуугараагүй ажээ. Райли түүнийг юу бодож яваа талаар тодорхой хэлж чадахгүй л байлаа. Тэр уул нь хүмүүсийг амархан, заримдаа бүр өөртөө ч төвөгтэй санагдахаар амархан уншдаг билээ. Гэвч Холбрук яг л оньсого адил санагдана.
Нисдэг тэрэг эцэст нь газардмагц ХМТ-н гурван мөрдөгч бууж одоо хүртэл эргэлдсээр буй сэнсний салхин доогуур бөгтийн гүйлдлээ. Газардсан зам нь ердөө л өвсөн дундах нь дугуйн мөртэй бүдэг зам аж.

Райли уг зам тийм ч их ашиглагддаггүй болохыг анзаарав. Гэсэн ч өнгөрсөн долоо хоногийн турш нилээн машин энүүгээр явсан бололтой, ямартай ч алуурчин юугаар ирснийг мэдэхийн аргагүй талхилжээ.

Нисдэг тэрэгний дуу ихтэй хөдөлгүүр арайхийн унтрахад Райли Билл хоёр дагаж яваа Холбруктай ярилцах чадахаар болов.

- Энэ нуурын талаар мэддэгээ ярьж өгөөч гэж Райли Холбрукээс хүслээ.
- Энэ нуур Акасия голын дагуу барьсан далангийн нөөцлүүрүүдийн нэг юм л даа. Гэхдээ хиймэл нууруудынхаа хамгийн жижиг нь. Энд загас үржүүлдэг, бас амралт зугаалга их болдог, гэхдээ олон нийтийн талбай нуурын нөгөө талд байдаг юм. Цогцсыг энэ хавьд хар тамхи татаж байсан хоёр өсвөр насны хүүхэд олсон. Би хаана гэдгийг нь үзүүлье гэж Холбрук хэлэв.

Холбрук тэднийг дагуулан замаас гарч, нуур руу өнгийсөн эргийн хавцал дээр дагуулан ирлээ.

- Хүүхдүүд бидний яг одоо энд зогсож байгаа газар байсан гэсэн гэж тэр хэлээд нуурын эрэг рүү заан
- Тэд тийшээ өнгийж байгаад уутыг олж харсан юм билээ. Тэдний хэлснээр бол усан дотор нэг том хар юм хөвж байсан гэсэн гэлээ.
- Хүүхдүүд энд хэдийд байсан бэ? гэж Райли асуув.
- Бидний ирсэн цагаас бага зэрэг эрт байсан гэсэн. Тэд хичээлээ таслаад, энд хар тамхи татаж суусан юм билээ.

Райли эргэн тойрныг бүхэлд нь ажиглав. Нар орой дээр гараагүй, нуурын цаахна харагдах улаан хавцлын орой нарны туяанд гэрэлтэж байлаа. Нууранд хэдэн завь хөвнө. Эргийн хаялгаас доош нуурын ус хүртэл тийм ч өндөр биш, гурван метр хүрэхтэй үгүйтэй аж.
Холбрук ойролцоо харагдах тийм ч эгц биш хэсэг рүү заагаад

- Хүүхдүүд ууттайг ойроос харах гэж тэр хэсгээр доошоо буусан байна билээ. Тэгээд хүүхдүүд уутанд юу байгааг мэдсэн хэрэг гэж ярив.

"Хөөрхий хүүхдүүд" гэж Райли бодлоо. Тэр хамгийн сүүлд коллежид байхдаа марихуан татаж үзсэнээс хойш бараг хорин жил өнгөрчээ. Тэгсэн ч гэлээ тэр хүүхдүүдийн хар тамхины нөлөөн дор үзсэн зүйл нь ямархуу аймшигтай харагдсаныг маш сайн төсөөлж байлаа.

- Чи доошоо бууж үзэх үү? гэж Билл Райлигаас асуув.
- Үгүй ээ, эндээс сайн харагдаж байна.

Түүний бүхий л мэдрэмж нь түүнийг зөв газраа ирсэн гэдгийг хэлж байлаа. Алуурчин яагаад ч цогцсыг хүүхдүүдийн доош буусан хэсгээр чирч гулдран буулгасан байж таарахгүй.

"Үгүй ээ, тэр яг энд зогсож байсан" гэж тэр бодлоо.

Тэр байтугай түүний зогсож буй яг энэ газрын тачирхан ургамал хөлийн мөрөөр налсан мэт санагдав.

Райли хэдэнтээ гүнзгий амьсгал аваад алуурчны оюун бодол руу нэвтрэхийг хичээлээ. Тэр энд ямар ч эргэлзээгүй шөнө ирсэн. Гэвч шөнийн тэнгэр үүлгүй байв уу, бүрхэг байв уу? Ерөнхийдөө жилийн энэ үед Аризонагийн шөнө тэнгэр цэлмэг байдаг. Бас түрүү долоо хоногт тэнгэрт бүтэн сар гарах үе таарч байсныг Райли саналаа. Хэдийгээр шөнө байлаа ч үүлгүй тунгалаг тэнгэр дэх сарны гэрэл дор алуурчин хаана юу хийж байгаагаа маш сайн харж байсан байх ёстой. Тэр бүү хэл гар чийдэн ч хэрэглээгүй байх.
Райли алуурчныг цогцсыг энд авчирч байгаагаар төсөөлөв. Гэвч дараа нь тэр юу хийсэн байх вэ? Тэр яалт ч үгүй цогцсыг нуурын эрэг рүү өнхрүүлсэн байх нь. Цогцос ус руу шууд унажээ.
Гэвч энэ хувилбарт яалт ч үгүй нэг зүйл буруу байна гэдгийг Райли мэдрэв. Тэр дахиад л онгоцонд явахдаа бодож байсан шигээ алуурчныг яагаад ийм хайхрамжгүй байж чадсаныг гайхаж байлаа.
Магадгүй эргийн энэ хэсгээс алуурчин цогцсыг нуурын усанд гүйцэд живээгүй гэдгийг харж чадаагүй байж болох юм. Хүүхдүүд ууттайг "усан доторх хар юм" гэсэн. Энэ зэргийн өндрөөс ууттай цогцос хичнээн гэгээтэй шөнө ч үзэгдэхгүй байх боломжтой. Алуурчин магадгүй дөнгөж үхсэн хүний биеийг нэмээд чулуугаар хүндрүүлсэн болохоор цэнгэг устай нууранд дороо живнэ гэж бодсон ч байж болох юм.

Гэхдээ алуурчин яагаад яг эндэхийн ус гүнзгий гэж бодсон юм бол?

Райли нуурын ус руу өнгийн харав. Тэр их үдийн нарны гэрэлд нуурын цогцос олдсон хэсгийг маш сайн харж байлаа. Тэр хавьд ганц том бул чулуунаас өөр юу ч үгүй хэсэгхэн хоосон газар аж. Уг хэсгийг хүрээлсэн ус харин гүн бололтой, харлан харагдаж байв.
Харин нуурыг эргэн тойрон ажвал байц хадан цохио нуурын хаа сайгүй сэртийнэ. Эндээс үзэхэд далан энэ хавийг усаар дүүргэхээс өмнө гүн хадан хавцал байжээ. Райлигийн харснаар нуурын эрэг дагаад алхаж болохуйц тоотой хэдхэн газар байв. Бусад хэсгээр хадан цохионууд шууд нуурын ёроолд хүргэх аж.

Тэдний одоо зогсож буй энэ газрын хоёр талд нь одоо байгаатай яг адилхан өндөртэй эргийн хаялга оршиж байгааг Райли анзаарлаа.
Тэдгээр хэсгүүдэд нуурын ус харлан харагдах бөгөөд энэ хавийнхтай адил гүехэн ёроол байгаа шинжгүй байв.

Райли энэ юу гэсэн үг болохыг ухаармагц бүх бие нь жирвэгнэлээ.

- Тэр өмнө нь адил хэрэг үйлдэж байж. Энэ нууранд дахиад цогцос байгаа гэж тэр Билл, Холбрук хоёрт хэлэв.
***
Тэд буцаад ХМТ-н Финикс дэх салбарыг чиглэн нисч явах зуур Холбрук

- Тэгэхээр та энэ хэргийг явж явж цуврал аллага гэж дүгнэж байгаа юм уу? хэмээн Райлигаас асуулаа.
- Яг тийм хэмээн Райли батлав.
- Би тийм ч итгэлтэй байгаагүй л дээ. Тийм болохоор би энэ төрлийн хэргийн учрыг сайн олдог хүнийг ажиллуулахыг маш их хүсч байсан юм. Гэхдээ та яг юу олж харсан болоод ийм шийдвэрт хүрэв? гэж Холбрук асуулаа.
- Алуурчны цогцос хаясан эрэгтэй яг адилхан эрэг эргэн тойронд харагдаж байсан. Тэр өмнө нь тэдгээр эргүүдийн нэгээс доошоо нуурын ус руу цогцос хаяж байж. Мэдээж цогцос ямар ч ул мөргүй живж алга болсон. Харин энэ удаад тэр нөгөө газраа олоогүй байж болох юм. Эсвэл тэр зүгээр л энэ газрыг өмнөх газар мөн гэж бодсон ч байж магад. Ямартай ч тэр энэ удаа ч бас цогцос живж алга болно гэж тооцсон нь буруудсан даа гэж Райли тайлбарлав.
- Би танд Райли ямар нэгэн юм заавал олдог гэж хэлсэн дээ хэмээн Билл хажуугаас дуугарлаа.
- Нуур руу шумбагчдыг илгээж эрэл хайгуул хийлгэх хэрэгтэй гэж Райли хэлэв.
- Үүнд хугацаа шаардлагатай л даа гэж Холбрук хэлэхэд
- Ямар нэгэн аргаар заавал эрэл хийх л хэрэгтэй байна. Нуурын хаа нэгтээ зайлшгүй дахиад нэг цогцос байгаа. Та үүнд бүрэн итгэлтэй байж болно. Би тэнд хэзээ цогцос хаясныг мэдэхгүй ч байгааг нь бол маш сайн мэдэж байна гэж Райли баталлаа.

Тэр яриагаа түр завсарлаад оюун бодолдоо энэ бүхэн алуурчны зан чанарын талаар юу хэлж байгаа талаар дүгнэж үзэв. Тэр Южин Фиск шиг өрөвдөлтэй азгүй амьтан огтхон ч биш, харин ч төгс аллага хийж чадах нэгэн юм байна. Тэр бол Эприл тэр хоёрыг хулгайлж, тамлан зовоосон Петерсонтой илүү төстэй, хэрсүү, сэтгэл санааны хувьд тогтвортой, аллага хийх дуртай, сэтгэцийн өвчтэй гэхээс илүү нийгэмд заналхийлсэн аюултай хүн ажээ. Хамгийн аюултай нь тэр хийж байгаа зүйлдээ бүрэн төгс итгэлтэй байна.
"Магадгүй өөртөө гай дуудаж мэдэхээр хэт их итгэлтэй байгаа байх" гэж Райли бодов.

Энэ нь түүнийг барьж авах гол сэжим болох байх.

- Бидний хайж байгаа хүн элдэв хэрэгт орооцолддог өчүүхэн гэмт хэрэгтэн байж таарахгүй. Миний таамаглалаар бол тэр гаднаасаа энгийн иргэн, харьцангуй өндөр боловсролтой, тэр байтугай эхнэр хүүхэдтэй хүн ч байж мэднэ. Түүнийг таньдаг хэн ч түүнийг алуурчин гэж төсөөлөх ч үгүй гэж Райли бодлоо тайлбарлалаа.

Райли ярилцах зуураа Холбрукийн царайг тасралтгүй ажиглаж явав. Хэдийгээр Райли одоогийн байдлаар гарсан хэргийн талаар өмнө нь мэдэхгүй байсан зүйлээ мэдэж авсан ч Холбрукийн царайг ойлгож унших ямар ч боломжгүй хэвээрээ л байлаа.

Нисдэг тэрэг ХМТ-н барилгын дээвэр дээр газардав. Үдшийн бүрий нөмөрч, эргэн тойрон барилгын гэрэл асчээ.

- Тэрийг хараач хэмээн Билл цонхоор доош заав.

Райли түүний заасан зүг рүү харлаа. Эндээс харахад аварга том чулуун цэцэрлэгт хүрээлэн аварга том хурууны хээ шиг харагдаж байгааг анзаараад Райли тунчиг их гайхжээ. Хэн нэгэн хэвийн бус сэтгэлгээтэй тохижуулагч чулуугаар ийм дүрс хийвэл ХМТ-н шинэ барилгад энгийн цэцэрлэгт хүрээлэнгээс хувь илүү зохино гэж бодсон бололтой. Хэдэн зуун том жижиг чулуунуудыг хотгор гүдгэр, налуу зурвасыг дагуу маш нарийн байрлуулсан байв.

- Хөөх, энэ хэний хурууны хээ юм бол? Хэн нэгэн домогт хүн ч юм уу? Диллинжер юм болов уу? гэж Райли Биллээс асуулаа.
- Эсвэл Жон Уайн Гэйси ч юм уу Жеффри Дамер биз.

Райли үүнийг маш хачин үзмэр гэж бодлоо. Газар дээр бол хэн ч үүнийг ямар ч утгагүй төөрдөг байшингаас илүү зүйл гэж таахааргүй аж.

Гэнэт энэ бүхэн түүнд анхааруулга ч юм шиг санагдлаа. Энэ хэрэг түүнээс бүгдийг өөр, шинэ өнцгөөс харахыг шаардаж мэдэх нь. Тэр өмнө нь төсөөлж ч байгаагүй тэр гүн харанхуй руу орох гэж байлаа.

_________________
PEPPA PIG


Top
   
PostPosted: Dec.19.17 10:11 am 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
ЕСДҮГЭЭР БҮЛЭГ

Тэр гудамжны биеэ үнэлэгчдийг харах дуртай. Тэдний хэрхэн аль нэгэн буланд бөөгнөрөлдөж, ихэвчлэн хоёроороо явган хүний замаар нааш цааш гунхалзан алхахыг нь ажиглах дуртай. Түүний анзаарснаар гудамжны охид дуудлагын биеэ үнэлэгч юм уу бараа бологчдоос хавьгүй догшин бөгөөд түргэн ууртай аж.

Жишээ нь яг одоо тэдний нэг нь машинаа удаашруулангаа түүний зургийг дарж байгаа хэдэн бүдүүлэг залуус руу хараал урсгаж байлаа. Тэр бүсгүйг буруутгасангүй. Бүсгүй энд ажиллахаар ирсэн болохоос үзмэр болохоор зогсоогүй.

"Одооны хүүхдүүд хүн хүндэлж мэдэхээ байж ээ" хэмээн тэр тохуурхан бодлоо.

Харин одоо нөгөө залуучууд инээлдэн, бүсгүй рүү хандан ичгүүргүй бүдүүлэг хараал урсгаж эхлэв. Гэхдээ л тэд бүсгүйн зүсэн зүйлийн, хагас нь Испаниар урсах ууртай хараалуудын хаана нь ч хүрэхгүй нь илт. Түүнд бүсгүйн байгаа байдал таалагдаж байлаа.

Тэр өнөө шөнө ядуусын хорооллоор зочилж буй нь энэ бөгөөд гудамжны хүүхнүүд урд нь шавааралддаг хямд дэн буудлуудтай гудамжинд машинаа зогсоожээ. Тэнд буй бусад охид хараал урсгаж буй бүсгүй шиг амьдралын эрч хүч дүүрэн, золбоотой харагдсангүй. Бусад охидын тачаангуй харагдах гэсэн оролдлого нь түүний байгаа байдлын хажууд хөөрхийлөлтэй, бусдыг урин дуудаж байгаа байдал нь ой гутам санагдана. Түүнийг харсаар байтал охидын нэг банзлаа сөхөн хажуугаар нь аажим өнгөрч буй машины жолоочид утсан дотоожоо харуулав. Жолооч зогссонгүй.

Тэр анхаарлыг нь хамгийн түрүүнд татсан өнөөх охиныг ажигласаар байлаа. Тэр түүний дараагийн хохирогч болж болох юм. Бүсгүйн анхаарлыг татахын тулд тэр ердөө л түүний хажуугаар машинтайгаа аажим өнгөрөхөд болно.

Гэхдээ тэр ингэхийг хүссэнгүй. Тэр ер нь ч ингэж байсан удаагүй. Тэр хэзээ ч гудамжинд зогсох янхан руу өөрийн биеэр очиж байгаагүй. Бүсгүй өөрөө л түүн дээр ирэх ёстой. Тэр бүү хэл түүнтэй өмнө нь зуучлал юм уу эмсийн хүрээлэнгээр дамжуулан уулзаж байсан янхнууд ч түүн дээр өөрсдөө ирсэн билээ. Янхнууд бүр өөрсдөө түүнээс хоёулахнаа тусдаа уулзахыг гуйдаг, тэр тэднийг ингэж гуйлгаж чаддаг юм. Тэд өөрсдөө ийм санаа гаргадаг мэт харагддаг аж.

Азаар ааштай бүсгүй түүний үнэтэй машиныг анзаараад түүн рүү анхаарлаа хандуулж эхлэв. Түүний машин гайхамшигтай урхи болдог нь үнэн. Бас түүний чамин хувцаслалт ч мөн адил.

Үүнээс гадна өнөө шөнө яаж ч дуусдаг байлаа гэсэн тэр энэ удаа урьдынхаасаа болгоомжтой байхгүй бол болохгүй. Тэр ажилдаа хайнга хандан, бүсгүйн биеийг эргээс доош шидэхдээ зүгээр л живчихнэ гэж найдсан.

Гэтэл тэр хүүхэн яаж ийм их гай тарьж чадав аа! Бүр ХМТ-н мөрдөгчийн дүү гэнэ шүү! Тэгэнгүүт нөгөөдүүл Квантикогоос том нөхдүүдийг дуудчихсан. Тэр ийм юманд дургүй. Тэр олон нийтэд ил гарах, алдар нэр хөөцөлдөхийг огтхон ч хүсээгүй. Тэр зүгээр л өөрийнхөө шунал хөдөлгөсөн хорхойгоо дарахыг хүссэн билээ.

Тэгээд ч түүнд ингэх эрх байхгүй гэж үү? Ямар ч эрүүл саруул насанд хүрсэн эр хүнд шунал тачаал байдаг биз дээ?

Одоо харин тэд бүр бусад цогцоснуудыг олуулахаар нуур руу шумбагчдыг илгээх дээрээ тулсан байдаг. Тэр бүхэл бүтэн гурван жил өнгөрсөн байлаа ч шумбагчид тэндээс юу олж чадахыг маш сайн мэдэж байв. Түүнд энэ бүхэн огт таалагдсангүй.

Тэр үүнээс болж зөвхөн өөртөө санаа зовсонгүй. Хачирхалтай нь тэр нуурын өмнө буруутай юм шиг санагдана. Шумбагчид нуурын ус руу эрээ цээргүй шунгаж булан тохой, завсар зай бүрийг нь ухаж төнхөх гэж буй нь байж боломгүй эрээ цээргүй, түрэмгий үйлдэл, тэр бүү хэл уучлахыг аргагүй хүчирхийлэл яахын аргагүй мөн. Эцсийн эцэст нуур ямар ч буруугүй байтал яахаараа ингэж доромжлуулдаг билээ?

Ямартай ч тэр огтхон ч санаа зовсонгүй. Түүнийг олох ямар ч ул мөр байхгүй, хохирогчоос юу ч олж долоохгүй, зүгээр л тийм юм болохгүй. Гэхдээ тэр дахиж нөгөө нуур руу явахгүй байхаар шийджээ. Тэр дараачийн хохирогчоо хаана хаяхаа мэдэхгүй байсан ч өнөө шөнө дуусахаас өмнө учрыг нь олно гэдэгтээ итгэлтэй байв.

Нөгөө цоглог бүсгүй түүний машин руу харж байлаа. Удалгүй тэр машиныг нь чиглэн учиргүй гунхалзан алхаж эхлэв.

Тэр машиныхаа зорчигчийн талын цонхоо доошлуулмагц бүсгүй толгойгоо машин руу нь шургуулав. Бүсгүй бараан өнгийн арьстай, харваас Латин Америк гаралтай нэгэн байх ба уруулаа зузаан хүрээлж, нүдээ эрээн мяраанаар будсанаас гадна ширүүн төрхтэй харагдах хөмсгөө шивүүлсэн бололтой. Түүний ээмэг нь бүрмэл алтан загалмай хэлбэртэй ажээ.

- Гоё машин байна гэж бүсгүй хэллээ.

Тэр харин инээмсэглээд

- Өөр шиг чинь гоё охин ийм орой гадуур юу хийж явна вэ? Өдийд орондоо орчихсон байх ёстой биш билүү? гэж асуув.

- Чи намайг оронд минь оруулаад өгөхгүй биз? гэж бүсгүй хариу асуугаад мөн инээмсэглэлээ.

Бүсгүйн шүд гайхалтай цэвэрхэн, тэгш төдийгүй бие бялдрын хувьд маш эрүүл чийрэг болохыг тэр дор нь анзаарав. Гудамжинд зогсдог охидын хувьд энэ бараг онцгой гэмээр ховор бөгөөд тэдний ихэнх нь хар тамхинд ямар нэгэн хэмжээгээр донтсон байдаг билээ.

- Надад чиний хэв маяг таалагдаж байна. Үнэхээр chola юм аа.

Бүсгүй улам инээмсэглэв. Тэр Латин гаралтай, бүлэг эрчүүдтэй зэрэг бэлгийн ажил хийдэг эмэгтэйг нэрлэсэн үгийг магтаал хэмээн хүлээн авсан нь илт.

- Чамайг хэн гэдэг вэ? гэж эрэгтэй асуулаа.
- Сокорро гэдэг

"Өө за. Сокорро гэдэг чинь испаниар туслаарай гэсэн үг билүү" гэж тэр бодно. Тэгснээ

- Чи гайхалтай socorro үзүүлж чаддаг гэж мөрийцөх үү? хэмээн зальжин өнгөөр хэллээ.

Бүсгүйн гүн бор нүд түүн рүү өдсөн шинжтэй харж

- Чамд яг одоо бага ч болов socorro хэрэгтэй юм шиг харагдаж байх чинь гэв.

- Тийм ч байж магадгүй

Гэвч тэднийг тохиролцож эхлэхээс ч өмнө тэдний ард гэнэт машин ирж зогсов. Машины цонхоор нэг эрэгтэй хашгичиж гарлаа.

- Сокорро!!! Vente!!! (Нааш ир! .орч) хэмээн тэр хашгична.

Бүсгүй эгдүүцсэн байдалтай машинаас холдоод

- Porque? (Бас яав аа? .орч) гэж хариу хашгирлаа.
- Vente aqui, puta! (Наашаа ир гэж байна шүү, муу янхан минь! .орч)

Тэр бүсгүйн нүдэнд бага зэрэг айдас тодрохыг ажиглалаа. Нөгөө машинд байгаа эр түүнийг янхан гэж дуудсанаас ч биш бололтой. Харин түүний бодлоор машинтай эр түүний зуучлагч бөгөөд өнөө шөнө хичнээнийг олсныг нь шалгах гэж байгаагаас л болсон болов уу.

Бүсгүй амандаа "Pinche Pablo!" хэмээн хараагаад нөгөө машин руу явлаа.

Тэр харин машиндаа үлдээд бүсгүйг эргэн ирж түүнтэй үргэлжлүүлэн тохиролцох болов уу хэмээн бодож суув. Ямартай ч энэ бүхэн түүнд таалагдсангүй. Хэн нэгнийг хүлээх нь түүний хэв маяг биш.

Түүний сонирхол яагаад ч юм ор мөргүй алга болчихлоо. Тэр одоо бүсгүйтэй дахиж зууралдахгүй. Бүсгүй ямар их азтайгаа огтхон ч төсөөлөхгүй байна даа. Ингэхэд тэр энэ ядуусын хороололд юугаа хийж ингэж явна вэ? Түүний дараагийн хохирогч үүнээс хавьгүй дэгжин байх хэрэгтэй шүү дээ.

"Чифон" гэж тэр гэнэт саналаа. Тэр Чифоныг бараг мартжээ.

"Гэхдээ би түүнийг онцгой тохиолдолд зориулан хадгалж байж болох юм"


Тэр дахиад хүлээж чадна. Энэ бүхэн заавал өнөө шөнө болох албагүй. Иймээс тэр байгаа газраа орхин хөдлөх зуураа өөрийгөө хянаж чадсандаа баясаж явлаа. Тэр үүнийгээ өөрийнхөө хамгийн сайн чанаруудын нэг гэж боддог аж.

Тэгээд ч тэр тун ч өндөр боловсролтой, иргэншсэн нэгэн билээ.

_________________
PEPPA PIG


Top
   
PostPosted: Dec.20.17 10:48 am 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
АРАВДУГААР БҮЛЭГ

Ярилцлагын өрөөнд суух гурван бүсгүй Райлигийн төсөөлсөнтэй огт адилгүй байлаа. Хэдэн хормын турш тэр тэднийг зөвхөн нэг тал нь харагдах цонхоор ажиглажээ. Тэд бараг л өндөр цалинтай нарийн бичиг нар шиг донжтой хувцасласан бөгөөд өөрсдийнхөө нэрсийг Мичи, Корин, Тантра гэдэг гэж хэлсэн ч Райли тэдний жинхэнэ нэрс нь биш гэж мэдэж байлаа.

Райли бас тэднийг жинхэнэ ажлаа хийх үедээ ийм хүлээн зөвшөөрөгдөхүйц хувцасладаг гэдэгт ч эргэлзэнэ. Цагийн 250 доллараар цалинждаг эдэн шиг хүмүүс бүх төрлийн үйлчлүүлэгчдийнхээ мөрөөдлийг биелүүлэхийн тулд маш том хувцасны шүүгээтэй байдаг биз. Бүсгүйчүүд Нанетт гэгдэх Нэнси Холбруктэй хамт Иштарын Бараа Бологчдод ажилладаг байжээ. Эдэнтэй харьцуулахад Нэнси Холбрук алуулах үедээ өмссөн байсан хувцас нь хавьгүй задгай байсан ч Райлигийн бодлоор тэд жинхэнэ ажлаа хийгээгүй байх үедээ ёс журамтай харагдахыг хүсдэг байх.

Хэдийгээр Райлигийн өмнө нь мөрдөж байсан хэргүүдэд биеэ үнэлэгчид ямар нэгэн байдлаар оролцох тохиолдол байсан ч энэ бол тэр анх удаа тэдэнтэй шууд харьцаж буй хэрэг билээ. Эдгээр бүсгүйчүүд өөрсдөө хохирогч болох магадлалтай, тэр бүү хэл сэжигтэн ч байх магадлалтай ч чухамдаа энэ төрлийн бүх хэргийг зөвхөн эрчүүд үйлдсэн байдаг юм. Райли эдгээр эмэгтэйчүүдийг түүний агнадаг мангасууд биш гэдэгт итгэлтэй байлаа.

Өчигдөр буюу Ням гаригийн үдээс хойш Райли Билл хоёр ХМТ-н барилгын ойрхон байх зочид буудлын өрөөнүүддээ орцгоожээ. Райли Вашингтонд аяллаар яваа Эприлийн зочид буудал руу залгахад Эприл бөөн баяр хөөртэй хүн инээд алдсаар утсаа аваад ээж рүүгээ залгах ямар ч завгүй байснаа хэлсэн юм.

- Би маргааш тан руу зурвас бичнэ ээ гэж Эприл ард нь шуугилдах хүүхдүүдээс арайхийн давж хашгираад утсаа тасалжээ.

Райли өнөөдрийн ихэнхийг ямар ч үр дүнгүй өнгөрөөсөндөө бяцхан бухимдана. Тэр өдрийн ихэнхийг энэ хавийг самнан биеэ үнэлэгчдийг олж цуглуулахад зарцуулсан юм. Райли хэрэг хариуцсан тусгай мөрдөгч Элжин Морлейд бүсгүйчүүдтэй ямар ч эр хүнийг байлцуулалгүй ярилцах хэрэгтэй байгааг анхааруулжээ. Эмэгтэй мөрдөгчтэй ярилцах үедээ тэд илүү нээлттэй байж чадах байх гэж бодсон Райли асуулт тавьж эхлэхээсээ өмнө тэдэнд харагдалгүй тэднийг хэдэн минутын турш ажиглаж, сонсож байгаа нь энэ. Чанга яригчаар Райли тэдний яриаг сонсож байлаа.

Тэдний хэв маяг, зан чанар нь харилцан адилгүй аж. Жижиг биетэй, хөгжилтэй, шаргал үст Мичи жижигхэн хотын, хөрш айлын охиныг санагдуулам байлаа.

- Кип чамаас өнөөхөө асуусан уу? гэж Мичи Кориноос асуув.
- Арай асуугаагүй байгаа. Гэхдээ тэр бөгж авчихсан юм шиг санагдаад байгаа гэж Корин нууцлаг шинжтэй инээмсэглэлээ. Тэр бол бараан үстэй, туранхай гоолиг, бараг л балетчин шиг нэгэн аж.
- Тэр дөрвөн хүүхэдтэй болох хүсэлтэй гэлүү? гэж Мичи асууна.

Корин түсхийтэл чанга гэгч нь инээлээ.

- Би гурван хүүхэд болгож бууруулж чадсан. Гэхдээ энүүхэндээ л гэхэд би түүнд хоёрыг л төрүүлж өгнө.

Мичи Коринтой нийлэн инээлдэв.

Тантра Коринийг нударлаа. Тэр бол цайвар бор арьстай, Африк гаралтай, супер модель шиг биетэй өндөр нуруулаг бүсгүй байв.

- Чи зүгээр л түүнийг чамайг юу хийж мөнгө олдог талаар битгий мэдээсэй гэж залбирсан нь дээр байх даа гэж тэр хэллээ.

Гурван бүсгүй үнэн сэтгэлээсээ хөгжилтэй инээлдэв. Райли үүнд маш их гайхаж байлаа. Эдгээр гурван биеэ үнэлэгчид бусад энгийн бүсгүйчүүд гоо сайхны газар зэрэгцэн суугаад ярилцаж буй адил гэр бүлтэй болох талаар ярилцаж байна. Ийм энгийн амьдралын хэв маяг үнэхээр тэдний санаанд багтаж байна гэж үү? Райли зүгээр л үүнд бүрэн итгэж чадахгүй байлаа.

Тэр эцэст нь бүсгүйчүүдийг хангалттай удаан хүлээлгэсэн гэж шийдэв. Түүнийг ярилцлагын өрөөний босго давмагц түрүүний хөгжилтэй байдал шаар хагарах шиг гэнэт үгүй болохыг тэр мэдэрлээ. Бүсгүйчүүд биеэ огцом биеэ барьж эхлэв.

- Намайг мөрдөгч Райли Пэйж гэдэг, би та бүхнээс хэдэн асуулт асуух гэсэн юм гэж тэр эхэллээ.

Бүсгүйчүүд зэрэг дуу алдан гаслах нь тэр.

- Бурхан минь гэж, дахиад бөөн асуулт уу? Цагдаа нар аль хэдийн бид нарыг байцаачихсан гэж Мичи хэлэв.

- Та бүхэн дургүйцэхгүй бол би өөрийнхөө зүгээс асуулт тавих юм гэж Райли хариуллаа.

Мичи толгой сэгсрэн

- Наадах чинь нэг л сүрдүүлэг шиг санагдаад байна даа гэв.
- Бид хуулийн дагуу ажилладаг юм шүү гэж Корин нэмэрлэнэ.
- Надад та бүхний ажил сонин биш л дээ. Би бол ХМТ-н мөрдөгч, шүүгч биш гэж Райли хэллээ.
- Там юм даа гэж Корин аман дотроо бувтнав.

Мичи бугуйн цагаа харан

- Хэдүүлээ үүнийг гялс дуусгаж болох уу? Би өнөөдөр гурван хичээлтэй гэлээ.
- Энэ семестерт чи хэдэн кредит хичээлтэй билээ? гэж Корин асуув.
- Хорь.
- Зөндөө их хичээлтэй юм байна шүү дээ гэж Корин дуу алдана.
- Тийм ээ, би дээд боловсролын зэргээ аль болох хурдан авах хэрэгтэй байгаа юм л даа.

Райли дахин гайхширлаа.

"Мичи коллежид сурдаг юм байна шүү дээ" гэж тэр бодов.

Боловсролтой болохоор суралцаж буй бүсгүйчүүд сургалтынхаа төлбөрийг төлөхийн тулд заримдаа биеэ үнэлдэг гэдгийг тэр өмнө нь дуулсан байжээ. Мичигийн одоо олж байгаа мөнгө нь түүний сургалтын төлбөрийн өрийг нилээн хөнгөлж чадах юм. Гэхдээ л энэ бүхэн түүний санааг нэг л хачин зовооно.

- Би аль болох хурдан дуусгана. Надад Нанеттийн талаар арай тодорхой мэдээлэл л хэрэгтэй байгаа юм гэж Райли хэллээ.

Корины царай гэнэт гунигтай болов.

- Хөөрхий Нанетт

Харин Мичи огт тоосонгүй.

- Нанеттэд тохиолдсон зүйл бидэнд огт хамаагүй шүү дээ.
- Харамсалтай нь би хамаатай гэж бодож байна. Бидэнд түүний алуурчныг цуврал алуурчин гэж итгэх шалтгаан бий. Бас миний олон жилийн туршлагаас үзэхэд цуврал алуурчид огт зогсдоггүй. Тэр дахин хэн нэгнийг хөнөөх болно. Магадгүй та бүхний хэн нэгэн нь түүний хохирогч болж ч мэднэ.

Мичи зэвүү нь хүрсэн байртай хөмсгөө зангидав.

- Тэгэх ямар ч боломжгүй. Бид Нанеттэй адилгүй.

Харин Райли одоо бүр цочирдлоо. Энэ бүсгүйчүүд үнэхээр тэдний хийдэг ажил нь аюулгүй гэж итгэхээр тийм гэнэн гэж үү дээ?

- Гэхдээ та бүхэн түүнтэй адилхан салбарт адилхан ажил хийдэг шүү дээ гэж тэр хэлэв.

Мичи биеэ өмгөөлж эхэллээ.

- Хөөе чи биднийг шүүх гээгүй гээ биз дээ. Чи хүсвэл биднийг өөрөөсөө доогуур зиндааных гэж бодно л биз. Тэрэн дээрээ тулбал бид энэ төрлийн ажлыг хамгийн хүлээн зөвшөөрөхүйцээр хийдэг юм шүү. Бас хамгийн аюулгүй нөхцөлд. Үйлчлүүлэгч бидэнд таалагдахгүй бол бид татгалзсан ч болно. Бид хамгаалалттай бэлгийн ажил хийдэг, тогтмол үзлэгт ордог учраас ямар ч өвчин авдаггүй. Хэрэв хэн нэгэн эр бидэнтэй бүдүүлэг, доромжилсон өнгөөр харьцвал бид шууд ажлаа зогсоож ч болно. Гэхдээ бидэнтэй ихэвчлэн тийм хүмүүс таардаггүй.

Райли "ихэвчлэн" гэж яг ямар нөхцлийг хэлж байгаа талаар гайхширав. Мэдээж тэдний хийдэг ажил заримдаа тэднийг аймшигтай хар бараан байдалд хүргэдэг. Тэгээд ч мөнгө төлж хийдэг бэлгийн ажил хэр "аюулгүй" байж чадах вэ? Тэд ДОХ тусалгүйгээр энэ ажлаа хэдий хүртэл хийж чадах бол?

- Харин Нанетт бол биднээс тусдаа өөр байдлаар ажилладаг байсан. Тэр бүр өөрийн зиндаанаасаа ч доошилсон. Тэр манай байгууллагаас гадуур үйлчлүүлэгчидтэй уулзаж, хар тамхи татаж, эрүүл мэнд, гоо үзэмжээ алдаж эхэлсэн. Энэ маягаараа тэр угаасаа Иштарт удах ч үгүй халагдах байсан гэж Мичи үргэлжлүүллээ.

Райли тэмдэглэл хөтлөх зуураа бүсгүйчүүдийг ажиглан, тэднийг илүү сайн ойлгохыг хичээж байв. Тэдний тайван, биеэ хянаж буй мэт төрхийн цаана өөр нэг зүйл нуугдаж байгааг тэр бага багаар олж харлаа. Энэ бол үгүйсгэл, тэд ямар нэгэн хэмжээгээр амьдралаа алдаж байгаагаа, хэзээ нэгэн цагт Нанетт шиг болно гэдгээ хүлээн зөвшөөрөхөөс айсан татгалзал аж. Бүсгүйчүүдийн гэр бүл, боловсрол, амжилттай болох гэсэн мөрөөдөл нэг л өдөр үгүй болох болно. Хамгийн аймшигтай нь тэд сэтгэлийнхээ гүнд энэ бүгдийг мэдэж байлаа.

Райли Тантраг чимээгүй болж, хоосон зай руу хий гөлрөн сууж байгааг анзаарав. Тэр ямар нэгэн зүйл хэлэх гээд чадахгүй байгаа бололтой.

- Бид Нанеттийг долоо хоног орчмын өмнө, барагцаагаар Бямба гаригт хөнөөгдсөн гэж үзэж байгаа юм. Тэр шөнө түүний үйлчлүүлэгч хэн байсан талаар та бүхэн мэдэхгүй биз? гэж Райли асуулаа.
- Мэдэх юм алга гээд Корин мөрөө хавчив.
- Би ч бас мэдэхгүй. Үнэндээ энэ бидэнд огт хамаагүй, чи Иштараас асуусан нь дээр гэж Мичи нэмлээ.

Райли орон нутгийн мөрдөгчид бараа бологчдын үйлчилгээний эзнийг хайж байгааг мэдэж байв.

- Бусад байгууллагуудын талаар та бүхэн юу мэдэх вэ?
- Бид Иштартай гэрээ байгуулдаг юм. Гэрээний дагуу бид өөр нэг газартай хамтран ажиллах ч юм уу эсвэл өөрсдөө үйлчлүүлэгчтэй харьцах ёсгүй гэж Мичи тайлбарлалаа.

Нөгөө хоёр бүсгүй газар шагайн, Райлитай харц тулгарахаас зайлсхийж байв. Райли одоо асуултаа шууд тавьж эхэллээ.

- Нанетт өөр газар давхар ажиллаж байсан удаа бий юу? Тэр Иштараас гадуур өөрөө үйлчлүүлэгчидтэй харилцаж байсан уу?

Өрөөнд нам гүм боллоо. Эцэст нь дөнгөж дуулдахуйцаар Тантра

- Тэр надад нэг удаа Хэнкийн уралдаанд ажиллаж байгаа гэж хэлсэн гэлээ.
- Юу гэнэ ээ? гэж Мичи гайхсан шинжтэй дуу алдав.
- Тэр намайг хэнд ч битгий хэлээрэй гэсэн гэж Тантра нөгөө хоёртоо тайлбарлалаа.
- Гэгээн эцэг минь. Тэгвэл тэр гүрвэл болчихсон байна шүү дээ. Миний бодсоноос ч долоо дор байж гэж Мичи гаслав.

Райлигийн толгойд түмэн асуулт эргэлдэнэ.

- Гүрвэл гэж юу билээ?
- Энэ бол хамгийн доод зэрэглэлийн янхнуудын нэршил юм л даа. Тэд Хэнкийн уралдаан гэх мэт ачааны машины зогсоолуудад ажилладаг. Амьдрал чинь сүйрсэн л гэсэн үг л дээ хэмээн Корин ярив.
- Тэр үнэндээ л аргаа барсан байсан. Түүнд Иштараар дамжуулж үйлчлүүлэгчид өмнөх шигээ олдохоо байсан. Тэр надад зуршлаа дарж хүрэхүйц мөнгө олж чадахгүй байгаа болохоор зүгээр л нэмэлт маягаар ажиллаж байгаа гэж ярьж байсан юм. Би түүнд үүнийг нь хичнээн аюултай болохыг хэлсэн. Яагаад гэхээр ачааны машины зогсоолууд дээрээс биеэ үнэлэгчид байнга ямар ч ул мөргүй алга болдог. Гэхдээ тэр намайг огт сонсоогүй гэж Тантра учирлалаа.

Бүсгүйчүүдийг дүнсгэр гуниг бүрхжээ. Райли тэднийг үүнээс илүү мэдээлэл өгч чадна гэж бодсонгүй. Тэгээд ч тэд аль хэдийн маш чухал сэжим гаргаж ирсэн.

- Өөр асуух зүйл байхгүй тул ингээд дуусгая гэж Райли тэдэнд хандан хэллээ.

Хачирхалтай нь эмэгтэйчүүд өрөөг орхин явах зуураа дахиад л юу ч болоогүй мэт чалчицгааж эхлэв.

"Тэд үнэхээр юу ч ойлгохгүй байна. Эсвэл ойлгохыг хүсэхгүй байна" гэж Райли бодлоо.

- Аан гээч. Энэ алуурчин аюултай. Бас түүн шиг өчнөөн эрчүүд хаа сайгүй бий. Та нар өөрсдийгөө бай болгож байна гэдгээ сайн ойлгох хэрэгтэй. Хэрвээ та нар одоо хийж байгаагаа аюулгүй гэж бодож байвал өөрсөддөө худлаа хэлж байна гэсэн үг гэж Райли тэднийг ятгахыг оролдов.
- Тэгээд таны ажил хэр их аюулгүй юм бэ дээ мөрдөгч Пэйж? гэж Мичи асуулаа.

Энэ сөргөө үг Райлигийн амыг таглах шиг болов.

"Тэр үнэхээр өөрийнхөө хийж байгааг миний ажилтай харьцуулж чадаж байна гэж үү?"

Райли тэднийг ярилцлагын өрөөнөөс дагуулан гарахдаа сэтгэлээр унав. Тэд яг л гудамжны биеэ үнэлэгчид шиг горьдлого тасарсан амьдралаар амьдарч буй мэт, зарим талаараа бүр дор байлаа. Тэдний өнгөцхөн гадаад үзэмж, өөрсдийгөө хүндэлж буй мэт төрх нь нүдийг нь таглаж амьдрал нь хэрхэн доройтож байгаагаа өөрсдөө ч ухаарахаа больжээ. Харамсалтай нь Райли тэднийг үнэнтэй нүүр тулгарах юу ч хийж, хэлж чадахгүй.

Райли энэ алуурчин биеэ үнэлэгчдийг хөнөөхөө зогсоогүй гэдэгт туйлын итгэлтэй байлаа. Түүний дараачийн хохирогч яг энд байгаа болов уу, эсвэл уулзаж, анхааруулж чадаагүй өөр хэн нэгэн болов уу?

***

Райли албаны барилга дотор Биллийг хайж явтал утас нь дуугарав. Дуудлага Нимбо нууранд хайгуул хийж буй шумбагчдын ахлагч Квентин Рознерээс ирж байлаа.

Түүний зүрх маш хүчтэй цохилов. Түүний шумбагчид өдийд хоёр дахь цогцсыг олсон байх ёстой.

- Сайн байна уу ноён Рознер? гэж тэр горьдлого тээсэн өнгөөр дуудлагыг авлаа.
- Би хэрэг хариуцсан тусгай мөрдөгч Морлей руу залгахад өөрт чинь шууд мэдээлээрэй гэсэн юм гэж утасны цаадах хүн хариулав.
- Сайн байна. Та нар нуурнаас дахин цогцос олов уу?

Утасны цаана харамссан шинжтэй санаа алдах дуулдаад

- Мөрдөгч Пэйж, танд ч энэ таалагдахгүй дээ гэлээ.
- Тэгээд?
- Нууранд ямар ч цогцос алга. Нуур том л доо, гэхдээ бид хаа сайгүй үзсэн.

Райли сонссондоо итгэсэнгүй. Түүний совин буруу байна гэж байх уу?

Үгүй, Нэнси Холбрукийн алуурчин өмнө нь тэр нууранд яалт ч үгүй өөр нэг цогцос хаясан байх ёстой. Энэ л ганцаараа яагаад алуурчин сүүлийнхээ хохирогчийн цогцсын нуурын гүн рүү живсэн эсэхийг шалгалгүй орхисныг тайлбарлаж чадаж байгаа.

Түүнийг юу гэж хариулахаа мэдэхгүй тээнэгэлзэж байх зуур Билл хонгилоор уруудан ирж байгаа нь харагдав.

- Би Иштар Хэйнстэй ажлын байран дээр нь ярилцчихаад ирлээ. Хамт явах уу? гэж тэр асуулаа.

Райли толгой дохьсон ч эхлээд Рознертэй учраа олох хэрэгтэй байв.

- Үзэгдэх орчин хэр байсан бэ? гэж Райли утасны цаадах хүнээс асуулаа.
- Би танд худлаа хэлээд яахав, үнэхээр хогийн байсан. Хавцал үерлэснээс болж ус руу баахан өвстэй хөрс, үхмэл ногоо, ургамал урсаж орсон байсан, цэвэрлэх гэж хэдэн жил болно биз. Нуур шинэхэн байгуулагдсаны дараахан хаягдсан юу ч бай өдийд хог шороонд дарагдсан байх гэж Рознер ярив.
- Миний хайлгаж буй цогцсыг хэдэн ч жилийн өмнө хаясан байж мэднэ.
- Тэгвэл энэ чинь асуудал даа. Гэхдээ бид хийж буй ажлаа мэднэ, мөрдөгч Пэйж. Манай албаныхан сайн сургагдсан. Тэгээд ч бид нуурнаас ямар ч цогцос олдохгүй гэдэгт итгэлтэй байна.

Райли хормын турш бодлогширлоо. Морлей ХМТ-н шумбагчдыг дуудсан ч болоосой. Усны Эрэл Хайгуул, Нотлох Баримт Боловсруулах Багийнхан гайхалтай ажилладаг бөгөөд тэдний шумбагчид боломжит бүх нөхцлийг шалгадаг юм. Гэтэл Морлей оронд нь орон нутгийн шумбагчдын сургуулиас тусламж хүссэн аж. Түүний хэлснээр угаасаа энэ хэрэгт ХМТ оролцох бодитой шалтгаан ч үгүй гэнэ. Бүр ХМТ-н багийнхныг Лос Анжелосоос энэ хүртэл дуудах ч шаардлагагүй байж.

Райли Морлейд юу ч гэж хэлж, ямар ч тайлан өгдөг байлаа ч Морлей үүнийг таньдаг мөрдөгчдөө тус хүргэж буй төдий ганц аллага гэж итгэсээр байх болно гэдгийг ухаарав. Тиймээс Райли одоо байгаа багийнхантай зохицож ажиллахаас өөр замгүй. Гэхдээ энэ залуус юуг орхисон байж болох вэ?

- Та нар хавцлын нуур үерлэхээс өмнөх газрын зургийг үзсэн үү? гэж тэр утсаар асуулаа.

Рознер хормын турш чимээгүй болсноо

- Үгүй ээ, тэр гэхдээ ямар хэрэгтэй билээ? гэж хариу асуув.

Райли сонссондоо итгэсэнгүй, байж ядаж дуу алдах шахлаа.

"Энэ залуу яг яаж бэлтгэгдсэн хэрэг вэ? Би түүнд ажлаа яаж хийхийг заах хэрэгтэй юм байх даа?" гэж тэр уурсан бодов.

- Та нар тухайн орчны газар нутгийг бүрэн мэдэхгүй бол яаж бүх хадны завсар, ангал бүрийг шалгасан гэж мэдэж байгаа юм бэ?

Дахиад л чимээгүй боллоо.

- Зөөврийн компьютер дээрээсээ үүнийг харах бүрэн боломжтой гэж Райли нэмж тайлбарлав.
- Бид шалгая гэж Рознер эцэст нь арайхийн дүнсгэр дуугарлаа.
- Тэгсэн нь дээр.

Тэр утсаа таслаад юунд итгэх ёстойгоо гайхан хэсэг зогсов. Үнэхээр хоёр дахь цогцос байхгүй бол яах вэ? Хэрвээ байхгүй бол энэ үнэхээр цуврал хэрэг биш ч байж мэднэ. Түүний тархинд зүсэн зүйлийн юмс бодогдож байлаа. Тэр алдаа хийхийг үзэн яддаг ч Нэнси Холбрукийн аллага цуврал алуурчны хийсэн ажил биш байж болох магадлал сайн мэдээ ч байж болох юм.

Гэхдээ л Райлигийн мэдрэмж нууранд дахиад нэг цогцос байгаа гэж хэлээд байлаа. Бас энэ бол нөгөө л нэг танил мангастай хөөцөлдөх ажил ч гэж хэлж байв.

_________________
PEPPA PIG


Top
   
PostPosted: Dec.20.17 12:42 pm 
Offline
Шөнийн Тэнгэрт Сvvмэлзэх Саран
Шөнийн Тэнгэрт Сvvмэлзэх Саран
User avatar

Joined: May.08.11 8:05 pm
Posts: 290
Баярлалаа Цэко. Энэ цуврал дажгүй шүү.

_________________
:haha: :hihi: :haha: :hihi:


Top
   
PostPosted: Dec.21.17 4:00 pm 
Offline
Өвөг Дээдсийн Сахиус Гишvvн
Өвөг Дээдсийн Сахиус Гишvvн

Joined: May.10.10 2:23 am
Posts: 734
сонирхолтой байна шүү, хэзээнээсээ л цуврал алуурчдын хамгийн амар, элбэг бай нь биеэ үнэлэгчид байсаар ирсэн нь гэмт хэргийн түүхээс харагддагийн, Райли ч авьяасаа гаргах бололой, баярлалаа Цэкө


Top
   
PostPosted: Dec.22.17 7:01 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
АРВАННЭГДҮГЭЭР БҮЛЭГ

Райли Биллтэй хамт Иштарын Бараа Бологчдын офис руу ормогцоо өндөр зэрэглэлийн аяллын агентлагтай адилхан харагдаж байна гэж бодов. Ханын самбарт Финиксийн музей, урлагийн үзэсгэлэн, паркууд, ботаникийн цэцэрлэгт хүрээлэнгүүдээр зочлохыг уриалсан зурагт хуудсууд дүүрэн өлгөсөн байх аж. Нэг ширээн дээр төрөл бүрийн газруудын талаар дүүрэн сурталчилгааны хуудсууд тавигдсан байна. Энэ газрын жинхэнэ аяллын агентлагаас ялгарах ганц зүйл гэвэл бараа бологчдын зурагтай хоёр дахь ханын самбар байлаа. Райли тэндээс түрүүн ярилцсан бүсгүйчүүдийн зургийг олж танив. Зурагнууд дээр тэд бүгд чамин үдэшлэгт зориулсан мэт хувцасласан байх бөгөөд зураг нь энд тэндээ багахан нугаларсан харагдана.

Угтах ширээн дэх бүсгүй ХМТ-н мөрдөгчид ирж буй явдалд санаа нь огт зовоогүй бололтой. Хүлээн авагч бүсгүйн хэлснээр эндэхийн олон үйлчлүүлэгч ердөө л жуулчид байдаг бөгөөд соёл урлаг, амралт зугаалгын үйл ажиллагаануудын талаар олигтой мэдээлэлгүй ирдэг гэнэ.

- Бид тэдэнд олон талаар тусалдаг. Жишээлбэл театр, спортын өдөрлөгүүдийн тасалбар захиалж өгнө. Зочид манай хотод цагийг сайхан өнгөрүүлэхэд бид санаа тавьдаг шүү.

Ингэж ярингаа хүлээн авагч бүсгүй товчлуур даран утсаар

- Мөрдөгчид таньтай уулзахаар ирчихсэн байна гэж хэлээд эзнийхээ албан тасалгаа руу дагуулж явлаа.

Иштар Хэйнс тэдэнтэй мэндчилээд суухыг урив. Райлид түүний гадаад үзэмж түрүүхэн ярилцсан бараа бологчдоос ч илүү гайхалтай сайхан юм шиг харагджээ. Тэр маш үнэтэй хослол өмсөж, үсээ төгс янзалсан байлаа. Харааны шил нь түүний урт, шулуун хамар дээр тогтоно. Иштар Хэйнс бусад хуулийн дагуу ажилладаг байгууллагуудын захиралуудаас юугаараа ч дутахгүй аж.

- Надтай уулзалт товлосон гол шалтгааныг чинь би зөвөөр ойлгосон эсэхээ магадлах гэсэн юм. Та бүхэн надаас Нанеттийн хүнд хөнөөгддөг шөнөө уулзсан үйлчлүүлэгчийн нэрийг өгөхийг хүсч байгаа, зөв үү? гэж тэр Билл рүү хандан ярингаа урт ширээнийхээ ард суув.

Билл толгой дохилоо. Райли түүнд ярилцлага хийх боломж олгоод өөрөө үнэтэй албан тасалгааг сонжихоор болов.

- Яг зөв хэмээн Биллийг хэлэхэд Иштар Хэйнс инээмсэглэв.

Райли түүний мэргэжлийн гэмээр инээмсэглэлд хүйтэн хөндий байдал нуугдаж буйг анзаарлаа. Энэ бол мэргэжлийн бизнес эрхлэгч хатагтайн чанга хатуу шинжээ илтгэсэн инээмсэглэл биш харин олон жилийн турш бүх мэдрэмжээ нуун дарсан хүний ямар ч сэтгэл хөдлөлгүй царайны хувирал ажээ.

- Мөрдөгч Жеффрис, та намайг яг ямар төрлийн бизнес эрхэлдэг гэж бодоо вэ? Би үүнийг асуудал гарсан шөнө Нанетт болон түүний үйлчлүүлэгч хоёр ямар нэгэн онцгой хориотой зүйл үйлдсэнд биш, хэрвээ жишээ нь дотно зүйл үйлдсэн байлаа гэж бодоход тэдний хооронд асуудал учраас, бас миний үйлчлүүлэгчид надад бүх мэдээллийг хатуу чанд нууцлана гэдэгт итгэдэг учраас асууж байгаа юм гэж тэр хэллээ.
- Гэхдээ та үйлчлүүлэгчдийнхээ мэдээллийг бүртгэдэг биз дээ? гэж Билл асуув.

Иштар Хэйнс мөрөө хавчин

- Мэдээж тийм. Бид зураг бүхий бичиг баримт шаарддаг бөгөөд хуулбарлан авч өөрсдийн мэдээллийн санд хадгалдаг. Гэхдээ би та бүхэнд нэгжих зөвшөөрлийн бичиггүйгээр уг мэдээллээс хумсын төдий ч өгөхгүй гэлээ.

Райли түүнийг илүү ч үгүй дутуу ч үгүй яг ингэж хэлнэ гэж мэдэж байжээ. Билл ч бас үүнийг мэдэж байсан байх ёстой. Ням гаригийн үдээс хойш гэхэд л тэд ямар нэгэн байдлаар зөвшөөрлийн бичиг авч чаддаг юм аа гэхэд гар дээрээ авах процесс асар удаан гэдгийг олж мэджээ. Иймээс Райли хамтрагчаа түүнд ямар хариу өгөхийг сонирхож байв.

Билл хуруугаараа ширээг товшингоо

- Яахав бид зүгээр л таныг бидэнтэй ярилцахдаа тун таатай байсан, бас танай гурван ч охид бидэнд мэдүүлэг өгсөн гэж гадуур үг тарааж чадна. Таны үйлчлүүлэгчид энэ талаар олж мэдвэл танд хэр их итгэх бол? гэлээ.

Хэйнс хүйтэн инээмсэглэлээ тодруулан

- Тийм тийм, би энэ бүгдийг өмнө нь сонссон. Одоо та бүхэн надад хууль сахиулах хүчнийхэн бизнесээ эрхлэхэд хэцүү болгож чадна гэж хэлнэ тийм үү? Уучлаарай, энэ өчүүхэн сүрдүүлэг чинь надад юу ч биш. Би үнэнч шударга, бүрэн хууль ёсны байгууллага ажиллуулдаг бөгөөд манайх ёс журамтай үйл ажиллагаа явуулдаг юм шүү гэв.

Райли эмэгтэйн царайг шинжих тусам түүний хүйтэн хөндий байдал, сэтгэл зүрхгүй хэрцгий чанар улам тодорч байлаа. Бас тэр эмэгтэй ямар ч хөгжил цэнгээнгүй инээмсэглэж байна.

Хэйнс ширээн дээгүүрээ өнгийн Билл рүү ойртож

- Гэхдээ та надад бяцхан тусламж үзүүлбэл би ч өөрт чинь хариу туслалцаа үзүүлж болох юм. Орон нутгийн цагдаагийнхан надад яаж ханддагийг мэдвэл та ч гайхна даа. Тэд намайг яг л нэг зэрлэг гэмт хэрэгтэн шиг үздэг. Яршигтай новшнууд байгаа юм гээд тэмдэглэлийн цаасан дээр ямар нэгэн бичив.
- Би өөрт чинь хэдэн нэр өгье. Харин та миний тэр жижигхэн асуудалд анхаарлаа хандуулбал ч... гээд цаасаа Билл рүү чиглүүлэн ширээн дээгүүр гулгууллаа.

Энэ бяцхан мэх Райлиг цочирдуулав. Билл ч бас гайхав бололтой. Цагдаа нарын түмэн асуулт ямартай ч Хэйнсэд тодорхой хэмжээгээр нөлөөлж хахууль, онцгой хүсэлт гэх мэт зүйл ярихад нөлөөлсөн ч байж болох юм. Алуурчдыг гудамжнаас үгүй хийх нь түүнд төдийгүй нутгийн хууль сахиулах хүчнийхэнд ч хэрэгтэй учраас түүний энэ үйлдэл ичгүүргүй хэдий ч маш ухаантай алхам болжээ.

- Би үүнийг заавал шалгах болно гээд Билл цаасыг авч хармаалав.

Хэйдсийн инээмсэглэл улам томорлоо. Одоо энэ нь бүр чөтгөрийн ч гэмээр харагдана.

- За тэгвэл хэдүүлээ ажил хэрэгтээ орцгоож болох юм гэж тэр хэллээ.

Тэр компьютерээ асаан мэдээллийн сангаа шалгасаар хайсан юмаа олж

- Би үйлчлүүлэгчийн нэрийг олчихлоо. Та нарт нэрийг нь өгөхөд дургүйцэх юм алга. Та бүхэн Кэлвин Рабб гэдэг нэрийг дуулсан ч байж мэднэ. Түүний өвөө нь сүлжээ ресторан нээж асар их баяжсан юм. Кэлвин гэр бүлийнхээ их хөрөнгийг өвлөж үлдсэн болохоор амьдралдаа нэг ч өдөр үнэнч шударга ажил хийж үзээгүй хүн. Би угаасаа энэ хүнд үйлчилгээ үзүүлэхээсээ татгалзах гэж байсан. Манай охид түүний дур сонирхлын талаар гомдоллоод байгаа юм гэж хэллээ.
- Тэгэхээр тэр хүн Нанеттийн алуулдаг шөнө үйлчлүүлэгч нь байсан байх нь ээ? гэж Билл асуув.
- Тийм бас үгүй. Тэр Бямба гаригийн орой Нанеттэй уулзахаар төлбөрөө төлсөн боловч түүнийг огт ирээгүй гэж хэлсэн. Тиймээс би тэр үйлчлүүлэгчид мөнгийг нь эргүүлж өгөх хэрэг гарсан юм. Эндээс харахад тэр бүсгүйд тохиолдсон явдал манай компанийн ажилтай огт хамааралгүй болж байгаа юм даа гэж тэр хариуллаа.

Хэйнс зөөврийн компьютерээ хаагаад цүнхлэв.

- Та бүхэн надаас шаардлагатай бүх мэдээллээ авсан байх гэж бодож байна. Харин одоо та нар дургүйцэхгүй бол би ажлаа хийх хэрэгтэй байна. Ингэхэд мөрдөгч Жеффрис, та Квантикогоос энд хэдэн өдрийн хугацаатай ажиллахаар нисч ирсэн байх аа?

Билл толгой дохилоо. Хэйнс инээмсэглэсэн хэвээр түүнд нэрийн хуудсаа гардуулав.

- За тэгвэл та энэ хэргийг шийдвэрлэсэн хойноо бидэн рүү залгаарай. Бид танд баруун өмнөд мужийн зочломтгой зангаар үйлчилнэ шүү.

Билл Райли хоёр байгууллагыг орхин явах үед Райли энэ бүсгүйн өөртөө итгэлтэй байдалд тавгүйцэж байв.

"Түүнийг зогсоох хэрэгтэй" гэж тэр бодно.

Райлигийн хувьд Хэйнс түүний хөнөөсөн, нийгмээс зайлуулсан олон олон алуурчидтай адил жигшмээр зэвүүн, аюултай нэгэн байлаа. Зарим талаар бүр тэднээс ч дор, эмэгтэйчүүдийг ямар ч өрөвдөх сэтгэлгүйгээр боолчилж, муу муухай бүхнийг тарааж буй нэгэн аж.
Мичи, Корин, Тантра нарын ирээдүй ямар байх бол? Тэд ямар нэгэн байдлаар энэ бүхнээс бүрэн бүтэн үлдэж гарлаа гэхэд яваандаа ажил олгогч шигээ цэвдэг хүмүүс болж мэднэ. Гэхдээ энэ бодол хүртэл "хэрвээ" гэдэг нөхцөлтэй аж. Тэд Нэнси Холбрук шиг донтож, цөхөрч, тэр байтугай түүнтэй адил тавилантай дуусч ч мэднэ.

- Кэлвин Рабб сэжигтэн байж болох юм. Бүсгүйг уулзалтанд ирээгүй гэж гомдоллох хийсэн хэргийнхээ ул мөрийг баллах сайхан шалтаг л даа гэж Райли машин руугаа явах зуураа ярилаа.
- Магадгүй. Хөлөөрөө толгой хийсэн баян новш бидний тодорхойлолтонд тун дөхнө. Чи ярилцсан бүсгүйчүүдээсээ ямар нэгэн мэдээлэл олж авч чадсан уу? гэж Билл асуув.
- Нэнси Холбрук Хэнкийн Уралдаан гэж нэрлэдэг ачааны машины зогсоолд биеэ үнэлж байсан тухай мэдээлэл авсан. Тэр алуулах үедээ тэр хавьд ажиллаж байсан болох юм.
- Хоёул байгаа бүх мэдээллүүдээ шалгах хэрэгтэй. Тэр машины зогсоолыг ч гэсэн шалгах ёстой болох нь.
- Чи Раббтай уулз, би Хэнкийн Уралдаан руу явлаа гэж Райли зөвшөөрөн хэлээд хоёул тус тусынхаа замаар явж эхэлтэл
- Болгоомжтой байгаарай гэж Билл араас нь чанга хэлэв.

Энэ тун ч хэрэгтэй зөвлөгөө шиг санагдлаа. Охидын ярьснаас үзвэл Райли өөрөө хүртэл өмнө нь таарч байгаагүй ад чөтгөртэй тулгарч тун болзошгүй ажээ.

_________________
PEPPA PIG


Top
   
PostPosted: Dec.23.17 4:18 am 
Offline
Давамгайлагч Гишvvн
Давамгайлагч Гишvvн

Joined: Feb.27.13 5:20 pm
Posts: 884
Баярлалаа

_________________
Х Ү С


Top
   
PostPosted: Dec.27.17 2:45 pm 
Offline
Шөнийн Тэнгэрт Сvvмэлзэх Саран
Шөнийн Тэнгэрт Сvvмэлзэх Саран
User avatar

Joined: May.08.11 8:05 pm
Posts: 290
Баярлалаа. Шинэ жил болоод бүгд завгүй байгаа байхдаа...

_________________
:haha: :hihi: :haha: :hihi:


Top
   
PostPosted: Dec.28.17 8:14 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
АРВАН ХОЁРДУГААР БҮЛЭГ

Райли хоёр эмэгтэй тэднийг чиглэн ирж яваа аварга том ачааны машин руу хандан, машинд дайгдах гэж буй адил эрхий хуруугаа өргөн зогсохыг харлаа. Тэр хоёр бараг ихэр юм шиг хувцасласан байх бөгөөд бэлхүүсээ гаргасан богинохон футболкийг дотуур нь хөхөвч зүүлгүй углаж, бараг үзэгдэхгүй шахам богинохон жинсэн юбка өмсчээ. Тэднийг биеэ үнэлэгчид биш гэж эндүүрэхгүй байхын аргагүй бөгөөд байгаа байдлаас нь үзвэл өөрсдийгөө багцаар нь санал болгож буй бололтой.

Машин дуу ихтэй тормослон зогсмогц жолооч цонхоо буулган охид руу тонгойлоо. Охид зорчигчийн талын хаалга руу гүйлдэн очиж онгойлгоод машин руу үсрэн ормогц жолооч машинаа хөдөлгөн үргэлжлүүлэн явах нь тэр. Райли энэ гурвал юу хийж болох талаар бодмогц тавгүйрэхэж эхэлсэн ч яг одоо иймэрхүү зүйлд анхаарлаа хандуулах цаг нь биш байлаа. Тэр Нэнси Холбрук алуурчинтай энд уулзсан эсэхийг олж мэдэх ёстой.

Райлиг Хэнкийн Уралдаанд ирэх үед нар жаргаж байв. Бүр хурдны зам дээрээс ч энэ газар бусад орчин үеийн ачааны машины зогсоолуудыг бодвол хавьгүй хуучных гэдэг нь харагдана. Зогсоолыг тэмдэглэсэн неон гэрэл энд тэндээ анивчих бөгөөд зоогийн болон уушийн газрын аль аль нь их олон жилийн өмнөөс ийм ёозгүй байсан гэмээр ажээ.

Райли машинаа зогсоолд байрлуулаад уралдааны газрын гол барилга руу шууд чиглэв. Илт өдөөн хатгасан шинжтэй хувцасласан хэдэн эмэгтэйчүүд тэр хавьд эргэлдэнэ. Биеэ үнэлэлт харваас хүнс, шатахуун адил сайн борлуулалттай бизнес болох нь тодорхой. Райлигийн мэдэхээр энэ улсад болдог хамгийн бохир, бузар хүний наймаа ачааны машины зогсоолуудад болдог төдийгүй харамсалтай нь гэрээсээ зугтсан хүүхдүүд золиос болох нь хэтэрхий элбэг аж.

Райли энд ирэхээсээ өмнө интернетээр бага зэрэг судалгаа хийжээ. Ялангуяа Аризонад өмнө нь нөхцөл байдал туйлын тааруухан байсан бөгөөд ХМТ орон нутгийн засаг захиргаатай хамтран муж даяар биеэ үнэлэх явдлыг багасгаж чадсан байж. Тэд онцгойлон иймэрхүү газруудыг хараандаа авч, насанд хүрээгүй охидыг энэ бузар бизнесээс аврахад ихээхэн хүчин чармайлт гаргасан байна.

Гэвч Хэнкийн уралдаан гэх мэт иймэрхүү хөгийн газрууд ямар нэгэн аргаар тэсч үлдэж чаджээ. Райли үүнд огтхон ч гайхсангүй. Тэр олон жилийн өмнөөс л иймэрхүү бузар булайн үүр уурхай яг л хогийн ургамал адил хичнээн зайлуулсан ч дахин бий болох аргаа олдог болохыг мэдэж авсан юм.

Райли хогийн цэгийн хажуугаар өнгөрөх зуураа өсвөр насны охины цогцос эндэхтэй адилхан ачааны машины зогсоолын хогийн цэгээс олдож байсныг санав. Нэг цуврал алуурчин орон даяарх машины зогсоолуудаас замын машинд дайгддаг охидыг ангуучилдаг байжээ. Тэдний заримыг нь хэзээ ч хаанаас ч олоогүй юм.

Райли тэр хэрэг дээр ажиллаагүй, бас алуурчин аль эрт шийтгүүлсэн хэдий ч зөвхөн хогийн цэгийн хажуугаар өнгөрөхөд л бүх бие нь арзайж байлаа. Энэ хогнууд дунд хэн нэгний цогцосны хэсэг байвал яах вэ? Райли энэ бодлоосоо болж том төмөр савнуудыг ухаж эхлэхгүйг байдгаараа хичээлээ. Тэр яг одоо гол зүйлдээ л төвлөрөх хэрэгтэй.

Гэрэлтүүлэг сайтай гол барилгатай зэрэгцэн Юкка Лоунж гэх жижигхэн уушийн газар харагдана. Райли тийшээ орж мөрдлөг явуулах ёстойгоо мэдэж байсан ч ороод юу болох бол гэхээс тэр айж байлаа. Тэр өмнө нь асар их дарамттай явах үедээ тасралтгүй архи ууж байсныгаа арайхийн даван туулж эргээд хэвийн амьдарч эхэлсэн ч бар руу явж орох нь өөрөө өөрийгөө занганд оруулж байгаагаас өөрцгүй санагдана.

Тэр өөрийгөө биеэ барьж чадах хэмжээний хүчтэй, мэргэжлийн хүн гэдгээ өөртөө сануулсны эцэст барилга руу явж оров. Юкка Лоунж сүүмийх төдий гэрэлтэй, автомат тоглуулагчаар каунтри хөгжим эгшиглэсэн нүх шиг жижигхэн газар аж. Дотор хүн цөөтэй байх агаад хэдхэн тооны ачааны машины жолооч нар, тэднээс ч цөөн тооны нүцгэн гэхэд хилсдэхгүй эмэгтэйчүүд сууж харагдав.

Райли хаанаас яаж эхлэхээ шийдээгүй байлаа. Тэр авч яваа Нэнси Холбрукийн хэвлэмэл зургаа хүмүүст үзүүлж болох юм. Гэвч тэмдгээ харуулж, зураг үзүүлээд явбал энд буй хүн бүр сандарч, бүр өөдөөс нь гал нээж ч мэднэ.

Тэр эргэн тойрноо ажигласаар биерхүү, сахалтай эрэгтэй хаалганы ойролцоо сууж байхыг харав. Байгаа төрхөөс нь ажвал тэр яалт ч үгүй зуучлагч бололтой. Райли түүн рүү чимээгүйхэн дөхөж очоод тэмдгээ үзүүллээ.

- Намайг ХМТ-н мөрдөгч Райли Пэйж гэдэг гэхэд нөгөө эрийн нүд нь томров. Райли хурдхан
- Бүү санаа зов. Би энд асуудал үүсгэхээр ирээгүй гээд цүнхнээсээ зургийг гарган түүнд үзүүллээ.
- Чи энэ эмэгтэйг таних уу? Би түүнийг энд өнгөрсөн Бямба гаригт байсан байх гэж бодож байна.
- Би энд тийм удаан ажиллаагүй гэж нөгөө эр бувтнав.

Райли түрийвчнээсээ хорин долларын дэвсгэрт гаргаад түүн рүү сарвайн

- Чи надад энэ талаар жоохон юм мэдээд өгч чадах уу? Тэгвэл эндэхийнхнийг айлгахгүй байх. Зүгээр л энэ хавиар эргэлдээд хүмүүсээс энэ эмэгтэйг харсан эсэхийг мэдээд өгчих. Хэрэвзээ хэн нэгэн харсан бол надтай ярилц гээд хэлчихээрэй гэлээ.

Нөгөө эр мөнгийг авч халааслаад бар руу явж одов. Райли харанхуйд чимээгүйхэн суугаад түүнийг хүмүүстэй ярилцан, зургийг үзүүлж байхыг ажиглаж байлаа. Ихэнх хүмүүс толгой сэгсрэх ажээ.

Эцэст нь барны сандал дээр сууж байсан нэг эмэгтэй толгой дохив. Зуучлагч Райли руу заахад эмэгтэй түүнийг хажуудаа суухыг заан зангалаа. Эмэгтэй тэнд байсан бусад охидтой адилхан хувцасласан хэдий ч ядарч туйлдсан харагдах бөгөөд насны хувьд Райлитай ойролцоо бололтой, энэ төрлийн ажилд хэтэрхий хөгшдөх нэгэн аж.

Райли түүнтэй зэрэгцэн суулаа. Эмэгтэйн урд хоосон хундаганууд, талдаа орсон шар айрагтай аяга өрөөтэй байх агаад вискиний үнэр Райлигийн архинд согтох хүслийг эрхгүй өдөөсөн ч бармен түүнээс юу авахыг нь асуусангүй. Гэтэл өнөөх эмэгтэй сөөнгө хоолойгоор барменийг дуудан

- Кабот, энэ ХМТ-н охинд миний авсныг авчраад өгчих, би даана. Бас чи байгаа дээрээ надад дахиад хэдийг хундагалачих гэлээ.

Райлиг татгалзаж амжихаас өмнө захиалга урд нь ирэв. Кабот хоёр хундага дүүрэн архи, нэг аяга шар айрагны хамт авчирлаа.

- Намайг Жастин гэдэг гэж эмэгтэй хэлээд хундагатайгаа ганцхан хөнтөрч, араас нь шар айраг залгилав.
- Энийг Галт бөмбөгт шанцтай виски гэдэг юм. Өмнө нь ууж үзсэн үү? Үгүй бол чи өөрийгөө амьдраагүйд тооц. Хоолойг чинь шатаах ч яг л чихэр шиг амтагдана. Ямар вэ дээ?

Чихэр шиг амттай виски хэмээн бодох төдийд Райлигийн ходоод мушгирах шиг боллоо. Архи уухаас татгалзах тийм ч хэцүү биш аж.

- Би ажлаа хийж явна гэж тэр хэлэв.
- Өөрөө л мэд, надад наадахыг чинь шингээх зай бий гэж эмэгтэй хэлээд гэдсээ алгадлаа.

Тэр Райлид зургийг эргүүлэн өгөөд

- Би түүнийг энэ хавьд харж байсан юм байна. Нэрийг нь Нанетт гэдэг ч билүү дээ.
- Тийм ээ мөн.
- Тэр ямархуу байна даа?

Райли юу гэхээ мэдэхгүй хормын турш тээнэгэлзэв. Жастин түүнийг үг хэлж амжихаас өмнө таслан

- Нанетт үхчихсэн юм байна, тийм үү? гэж асуулаа.

Райли асуултанд цочсон ч Жастин тайван харагдах аж.

- Чи яаж мэдээ вэ? гэж Райли асуухад Жастин сөөнгө хоолойгоор инээхчээ аядаад
- Мэдэж ядах юу байхав. Хүн бүр л эрт, орой хэзээ нэгэн цагт үхдэг. Иймэрхүү газар ажилладаг бидэн шиг охид бол эрт үхчихдэг хүмүүсийн тоонд ордог юм. Заримдаа бүр тун эрт үхнэ, тэгээд тэр нь хэзээ ч аятайхан үхэл байдаггүй гээд шар айргаа үргэлжлүүлэн залгиллаа. Тэгснээ
- Миний үхэх цаг аль хэдийн болсон байх. Би зүгээр л цагаа хүлээж сууна даа гэж нэмлээ.

Энэ эмэгтэй хувь тавилантайгаа эвлэрсэн аятай сонсогдох ч зовсон шинжгүй харагдана. Райли түүнийг ихээхэн өрөвдөв. Тэр өнөөдөр өдөр дунд ярилцсан бараа бологчид нар шиг худал хуурмаг дунд амьдрах, эсвэл Жастин шиг гашуун үнэнтэй тулгарахын аль нь дор болохыг мэдсэнгүй. Райли энэ эмэгтэйг яаж яваад ингэж амьдрах болсныг төсөөлж ч чадсангүй. Яаж энэ эмэгтэйн амьдрал өөрийгөө эндээс аваад гарах чадалгүй болтол нь бусниж болдог байна вэ?

- Нанеттийн талаар юу мэдэх вэ? гэж Райли эмэгтэйгээс асуув.
- Би түүнийг ганц хоёр удаа л харсан. Саяхнаас энүүгээр эргэлдэж эхэлсэн юм. Түүнийг нэг харахад л энд угаас удахгүй нь тодорхой байсан.
- Бид түүнийг өнгөрсөн Бямба гаригт хөнөөгдсөн гэж үзэж байгаа. Чи түүнийг тэр орой харсан уу?

Жастин хормын турш бодлогширсноо

- Би түүнийг хамгийн сүүлд Баасан гаригт л харсан шиг санагдаж байна. Бямба гаригт бол харсан эсэхээ санахгүй байна. Тэр магадгүй энэ хавьд байсан байгаад, би түүнийг олж хараагүй ч байж мэднэ. Эсвэл би завгүй байсан байж ч болох юм. Миний санааг ойлгож байгаа бол, би хөгшин эмэгтэйн хувьд тун завгүй ажилладаг хүн л дээ гэлээ.

Тэр биеэ бага зэрэг суллав. Райли түүнийг уйтгар гуниг, зүдгүүрээ суллан тавьж байна уу даа хэмээн бодлоо. Жастин үргэлжлүүлэн сөөнгө хоолойгоор

- Энэ бол та нар шиг хүмүүсийн байх газар биш. Чи эндээс эртхэн зайлж, түүнийг хөнөөсөн новшийг олсон чинь дээр гэж хэлэв.
- Би яг одоо явлаа Жастин, баярлалаа гэж Райли хэлээд сандлаасаа бослоо.

Тэр эндээс тэр новшийг олохгүй нь бололтой. Гэвч тэр явахаасаа өмнө энэ хавийг шалгаж үзмээр санагдлаа. Энэ гол барилга агуулах, жолооч нарт зориулсан шүршүүртэй байх ёстой. Бас гаднаа асар олон ачааны машин бүхий зогсоолтой. Тэгэхээр тэр эндээс юу олж чадах бол? Юу ч байлаа гэсэн тэр нь ой гутам заваан зүйл байх нь гарцаагүй.

_________________
PEPPA PIG


Top
   
PostPosted: Dec.28.17 9:40 pm 
Offline
Гишvvн
User avatar

Joined: Aug.25.03 11:36 am
Posts: 6433
Баярлалаа, уншиж байгаа шүү :cheerleader:.

_________________
:f01:


Top
   
PostPosted: Dec.29.17 9:00 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
АРВАН ГУРАВДУГААР БҮЛЭГ

Райли дотроо айдаст автсаар Хэнкийн Уралдааны газрын сүүлийн хэсгийг шалгахаар явав. Тэр барнаас гараад Нанеттийн зургийг машины зогсоолын хажуудах дэлгүүр хавиар харуулж явсан боловч олигтой юм болсонгүй. Тиймээс тэр одоо зогсоол дээр байгаа ачааны машинууд дундуур явахаар шийдсэн хэдий ч мөн л урьдын адил хэрэгт нэмэр болчих юм олдоно гэж найдахгүй байлаа.

Түүнийг барнаас гарч ирэх үед ойр хавьд нь ямар ч биеэ үнэлэгч харагдаагүй билээ. Магадгүй тэд ХМТ-н мөрдөгч энэ хавиар эргэлдэж буйг дуулаад зайлан одоцгоосон ч байж мэднэ.

Асар том цардмал замаар нэг ачааны машинуудыг эгнүүлэн зогсоожээ. Зогсоолын тэмдэг заасан гэрэлнүүдийн ихэнх нь ажиллахгүй байх бөгөөд ажиллаж буй хэд нь аварга том сүүдэр татуулна. Райли нүдэнд нь өртсөн аварга машиныг чиглэн аажуухан алхав.
Эргэн тойронд анир чимээгүй байсан тул тэр анхандаа энэ хавьд хүнгүй гэж боджээ. Гэвч Райлиг хоёр том машины голоор гарч ирэх үед нэгнийх нь хаалга савагдан онгойв. Хоёр гарынхаа булчиндаа бараг нүүр таглам аварга том шивээстэй бадриун эр машинаас бууж ирээд түүний замыг хөндөлсөн зогслоо.

- За чи чинь хэн билээ? Манай эндэхийн охидын нэг лав бишдэг, дэндүү зохистой хувцастай юм байна. Хөөрхий бүсгүй, төөрчихсөн үү? Би чамайг гэрт чинь хүргээд өгөх үү?
- Тэгэх шаардлага байхгүй гээд Райли түүний хажуугаар гарахыг оролдов.

Гэтэл өнөөх эр Райлигийн гарнаас нь барьж авч эргүүлээд, машин руу түлхмэгц түүн рүү дөхөж, хоёр талаас нь гараараа хаалаа. Райлид зайлсхийх арга байсангүй ч иймэрхүү эрчүүд эмэгтэйчүүдийг үргэлж олз гэж хардгийг мэдэх Райлигийн уур хүрэв.

- Яагаад үгүй гэж хонгор минь? Чи бодвол шинээр ирсэн болохоор энэ хавьд юу болдгийг мэдэхгүй байх шиг байна. Чи зүгээр надтай хамт машинд суухад болно. Би чамайг гэрт чинь ямар ч аюул осолгүй хүргэж өгнө. Нээрээ шүү.

Райли ганц ч үг дуугаралгүй өвдгөө нугалан өнөөх эрийн цавь руу чиглүүлэн өшиглөхийг оролдов. Гэвч тэр шалмаг гэгч нь хөлөө зайлуулан бултлаа. Тэр харваас хүчтэйн дээрээс Райлигаас багаар бодоход хоёр дахин их жинтэй нэгэн байх нь тэр.

- Чи надтай зодолдмоор байгаа юм уу? Надад таалагдаж байна хэмээн нөгөө эр архираад Райлигийн гарнаас нь шүүрэн авч зууралдав. Түүнээс амнаас нь шар айрагны өмхий үнэр ханхалж байлаа.

Райлигийн уур хилэн дээд цэгтээ хүртэл бадарчээ. Одоо түүний нүдэнд согтуу машины жолооч биш Эприл тэр хоёрыг хулгайлан тамлаж байсан, бусад эмэгтэйчүүдийг ч хөнөөж, сайн найзыг нь амиа хорлоход хүргэсэн ад зэтгэрийн эр харагдаж эхлэв. Тэр энэ хүнийг дэндүү сайн танина...

"Петерсон"

Райли уурандаа багтран хашгирч согтуу эрийг толгойгоороо хүчтэй мөргөөд буугаа гарган нүүрэнд нь тулгав. Өнөөх эр цочирдсон, айсандаа арайхийн гуйвж дайван ухраад

- Хөөе! Хөөе! Ингэх хэрэггүй ээ! хэмээн чарлалаа.

Петерсоны царай замхран алга болж оронд нь сүнсээ зайлтал айсан дээрэлхүү эр л түүний өмнө зогсож байх нь тэр.

"Энэ алуурчин биш. Чи Петерсоныг аль хэдийн хөнөөсөн" гэж Райли өөртөө хэллээ.

Түүний гар салгална. Тэр бараг л өөрийн мэдэлгүй гал нээж, хүн хөнөөх дөхжээ. Райли буугаа аажмаар буулган, урд нь зогсож буй хүн ердөө л нэг жолооч болохыг ухаарсан ч уур нь гарсангүй тул түүний салтаанд нь гутлынхаа хоншоороор нэг сайн өшиглөж өглөө. Өнөөх нь өвдөө нугалан хавчиж, байдгаараа хашгиран ёолов.

Райли нэмж бууныхаа бөгсөөр ар дагз руу нэг хүчтэй буулгахад жолооч нүүрээрээ газар харуулдан уналаа. Тэр буугаа хуйлаад хажууд нь өвдөглөн сууж үснээс нь атган угзарч царайг нь харвал нил цус болсон харагдана. Райли амьсгаагаа дараад түүнийг дуурайн элэглэсэн өнгөөр

- Намайг ХМТ-н мөрдөгч Райли Пэйж гэдэг. Би энд шинээр ирсэн, чи надад жоохон тус хүргэхгүй биз? гээд хэвлэмэл зургийг нүүрэнд нь тулгав.
- Энэ эмэгтэйг өмнө нь харж байсан уу? Нанетт гэдэг нэрээр энэ хавьд байдаг байсан.
- Тийм тийм

Райли түүний үснээс нь улам зулгаахад хэсэг үс атганд нь үлдэв.

- Үнэн үү?
- Үнэн үнэн
- За за, баярлалаа

Райли түүнийг тавьж явуулав. Жолооч хөл дээрээ арайхийн босоод машины зогсоол руу салгалан явах зуураа аман дотроо хараал урсгаж дуулдлаа. Гэтэл хажуугийн ачааны машинаас

- Хөөе ХМТ-н ширүүн хатагтай гэж дуудах сонсогдов.

Райли дээшээ харвал залуухан охин зорчигчийн талын цонхоор шагайн түүн рүү харж эрхий хуруугаа гозойлгож байлаа.

- Ёстой зэвүүн.

Райлигийн өөрийнх нь охины амнаас нэг иймэрхүү үг гардаг билээ.

- Намайг сайнаар хэлж байгаа гэж ойлголоо гэж тэр охинд хандан хэлэв.
- Тийм ээ, арваас арав гэсэн үг гэж мэд. Надад биеэ хамгаалах хичээл заахгүй биз?

Райли янгинан өвдөх духаа үрээд

- Хамгийн түрүүнд санаж явах зүйл гэвэл өөр аргагүй болсон үедээ л духаараа мөргөдөг юм гээд охиныг сайн харахаар дөхлөө.
- Чамайг хэн гэдэг вэ?
- Тэд нар намайг Тринда л гэж дууддаг юм.

Охин дэндүү залуухан аж.

- Чи хэдэн настай вэ?
- Чамд хамаагүй ээ, хөгшин хатагтай.

Тринда яг л бяцхан охид том хүн шиг харагдах гэж хичээдгийн адил нүүрээ хэтэрхий их буджээ. Гэхдээ л тэр Эприлийн үеийнх бололтой харагдана.

- Харахад бол арван таваас хэтрээгүй бололтой гэж Райли дүгнэлээ.

Тринда хариу хэлээгүй боловч түүний царайны хувирлаас Райли өөрийгөө зөв хэлсэн гэдгийг мэдэв. Тэр машины гишгүүрээр дээш авиран гарч бүхээг рүү шагайн харвал арын суудал дээр гудас дэвссэн байх бөгөөд хажууд нь хос гав үзэгдлээ.

- Бурхан минь, чи энд юу хийж байгаа юм бэ?
- Чиний бодлоор би юу хийж байгаа юм шиг байна? Би эндэхийн бусад охидын хийдгийг л хийж байна. Харин чи бол эндээс хурдхан арилж өгсөн нь дээр. Миний залуу шар айраг уухаар явсан. Гэхдээ одоохон хүрээд ирнэ. Тэр чамд ч ахдахаар том биетэй, муухай ааштай шүү.
- Тэр чамайг яахыг мэдэж байна уу?

Тринда мөрөө хавчаад

- Тэр юу хүссэнээ л хийдэг. Надад зууг өгнө гэсэн.

Райлигийн дотор үнэхээр эвгүйрхэж байлаа.

- Надтай хамт яв. Би чамайг эндээс гаргаж, хоол хувцас өгч, амьдрах аятайхан газар олж өгье.

Тринда ёжтой инээгээд

- Амьдрах аятайхан газар гэж байдаггүй шүү дээ. Би бүгдэнд нь амьдарч үзсэн. Тэгээд ч би энэний оронд юу хийнэ гэж? Цагийн найман доллараар бургер савлах уу? Тэгэхэд би энд сайн олдог шөнөө ачааны машинуудаар хэсээд гурван зууг олдог юм. Ихэнхдээ амархаан олдчихдог гэснээ дахин мөрөө хавчиж
- Яахав амархан биш үедээ бол... би чанга охин болохоор тэсээд гарчихдаг юм гэлээ.

Райли уур хилэндээ шатсандаа бараг дэлбэрэх шахав.

- Чи бургер савлах ч, цагийн найман доллараар ажиллах ч, нэг шөнийн дотор гурван зууг олох ч, бүр энд байх ч ёсгүй. Чи сургуульд сурах ёстой.
- Тэгээд хичээлээ тараад хайрт аав ээждээ очихоор тохилог гэр рүүгээ харих уу? Зүгээр л надад итгэ, тийм юм байхгүй. Чи надад ийм номлол уншмаар байгаа бол одоо болиод намайг тайван орхи за юу. Явж ажлаа хий. Чамд энд ажиллаж байгаа охидуудыг залхаахаас өөр чухал ажил байдаг л байлгүй.

Райли машины хаалгыг угз татан онгойлгоод

- Надтай хамт яв гэтэл охин хаалгыг тас саван хаав.
- Ёстой тийм юм байхгүй шүү. Дахиад ингэвэл чинь би хашгирна. Тэгээд чам дээр энэ хавийн бүх машины жолооч нар ирээд юу хүссэнээ хийж дуусангуутаа чамайг ална мэдэв үү.

Райли яах учраа олсонгүй. Глок буу, өөрийнх нь харьцангуй сайн тулалдах чадвартай нийлээд овоо хэдэн согтуу жолооч нарыг өлхөн зохицуулж чадах ч ийм юм хийх хэнд хэрэгтэй гэж? Түүнийг бөөн зодооны үзүүлбэр үзүүлж байх хооронд Тринда сэмхэн алга болохоо мэднэ. Хэдий тийм ч Райли заавал ямар нэгэн юм хийх ёстойгоо мэдэж байсан тул ачааны машиныг тойрон явав.

- Арилж үз хатагтай! гэж Тринда түүнийг үдлээ.

Гэвч Райли машины бүртгэлийн дугаарыг тэмдэглэж эхлэхэд охин хашгиран

- Хөөе, хэрвээ чи тийм л их асуудалд орсон хүүхдэд тусалмаар байгаа юм бол тэр машин руу оч гэв.

Райли толгойгоо өндийлгөн Триндаг өөр нэг эгнээ машин руу зааж байхыг харлаа.

- Энэ эгнээний хамгийн захад байгаа машинд Жилли гэж охин байгаа. Түүнд бол үнэхээр тусламж хэрэгтэй байгаа юм. Тэр өмнө нь ийм юм хийж үзээ ч үгүй, энэ хавьд байх хэрэг ч үгүй.

Тринда цонхоо хаагаад бүхээг дотор үзэгдэхгүй болоход Райли түүний заасан эгнээг чиглэн явлаа.

- Жилли?
- Яах гэсэн юм? гэж хариугүй нарийхан, айдас дүүрэн хоолой дуугарав.

Райли машины гишгүүрээр зүтгэн авирч онгорхой цонхоор бүхээг рүү шагайн харвал гудсан дээр туранхай, бараан арьстай, арван гурваас хэтрээгүй байрын жижигхэн охин эвхрэн хэвтэж байлаа. Тэр биеэ үнэлэгчтэй огтхон ч төсгүй бөгөөд үеийнхээ энгийн охидын адил пүүз, шорт, футболка өмсчээ. Райли харсан зүйлдээ хиртхийн цочлоо.

- Чи Жилли мөн үү?

Охин толгой дохив.

- Чи энд юу хийж байгаа юм бэ?
- Рексийг хүлээж байна гэж охин арайхийн дуулдахаар шивнэлээ.
- Рекс гэж хэн бэ?

Охин юу ч хэлээгүй боловч үхтлээ айсан харагдана.

- Рекс гэж хэн бэ? гэж Райли дахин асуулаа.
- Би мэдэхгүй. Гэхдээ мөнгө хураах цэг дээр байсан эрэгтэй нэг хүн зугаацах хэрэгтэй байгаа гэж хэлсэн. Тэгээд намайг энд ирээд хүлээж бай гэсэн юм.

Райли хаалгыг онгойлгон бүхээг рүү авиран орлоо.

- Би чамайг эндээс авч явна гэж тэр хэлээд Жилли рүү гараа сунгав.
- Та хэн бэ? хэмээн Жилли асуухад Райли түүнд тэмдгээ харуулаад
- Намайг Райли гэдэг, би ХМТ-н мөрдөгч. Чи надтай байхдаа аюулгүй байх болно, амлая гэлээ.

Охин Райлиг эгцлэн ширтсэнээ түүн рүү дөхөн мөрөн дээрээ гараа тавих үед Райли түүнийг дагжтал чичирч байхыг мэдрэв. Гэтэл тэднийг бүхээгнээс гарахаас өмнө Райли доор нь дуу гарахыг сонслоо.

- Хөөе, ямар новш нь миний машин дотор байна вэ?

Райли доошоо харвал дунд эргэм насны бүдүүн эр үзэгдэв.

- Чи Рекс мөн үү?
- Мөн, чамд ямар хамаатай юм?

Райли түүнд тэмдгээ харуулах гэсэн ч охиныг тавьж чадсангүй. Харин бүдүүн эр Жиллиг олж хараад

- Чи энэ өрөвдөлтэй бяцхан амьтныг яах гэж байгаа юм? гэж асуулаа.
- Харин чи түүнийг яах гэж байгаа юм?

Рексийн ам гайхсанаа хагас ангайж

- Гэгээн эцэг минь гэж! Би түүнийг яах ч гээгүй, энэ чинь ердөө хүүхэд. Чи харин хэн гээчийн новш юугаа сэдээд яваа юм? гэв.

Түүнийг ингэж хэлмэгц Райли охиноос мултраад, тэмдгээ гарган

- ХМТ-н мөрдөгч Райли Пэйж гэж хариуллаа.

Рекс үнэнээсээ санаа амарсан байртай инээмсэглэн

- Ямар сайн мэдээ вэ? Хоёул энэ охиныг гэрт нь хүргэж өгцгөөе гэлээ.
- Би гэртээ харихгүй. Намайг харивал аав үхтэл зодно гэж Жилли дуугарав.

Рекс Райли руу хандан

- Тэгвэл чи түүнийг Хүүхэд хамгааллын төв рүү хүргэж өгч чадна биз дээ? гэж асуулаа.

Райли Жиллигийн гарнаас барьж бүхээгнээс буух үедээ Рексийг яахаа шийдээгүй л байв. Гэсэн ч

- Би түүнийг хүргэж өгнө. Гэхдээ Жиллигийн хэлснээр нэг эрэгтэй түүнийг энд ир гэж хэлсэн гэсэн. Бас чамайг зугаацах хэрэгтэй байгаа гэж хэлсэн гэсэн гэлээ.

Рекс мөрөө хавчин

- Би бусдын л адил янхан авч зугаацах дуртай нь үнэн, гэхдээ зөвхөн насанд хүрсэн эмэгтэйтэй болохоос ийм бяцхан охидод хурууны үзүүрээ ч хүргэдэггүй. Чи энэ жижигхэн оргодол жаалыг авч явсан чинь дээр гэв.

Райли Жиллиг дагуулан машин руугаа явах зуураа хэзээ хэзээнээс илүү балмагдсан байлаа. Рекс харваас сайхан сэтгэлтэй нэгэн бололтой. Гэхдээ л тэр янхантай зугаацах дуртай гэнэ. Гэтэл энэ хавьд ажилладаг бусад бүх эмэгтэйчүүд өмнө нь яг л Жилли шиг бяцхан охид байсан гэдгийг тэр ойлгохгүй байна гэж үү? Энэ бүхэн түүнийг солиоруулах шахаж байлаа.

Райли Жиллиг машиндаа оруулаад, өөрөө жолооны ард сууж орон нутгийн цагдаа руу ярив. Тэр мөн тэмдэглэж авсан ачааны машиныхаа бүртгэлийн дугаар, гадаад хэлбэр дүрсийг хэлж өглөө.

- Би Хэнкийн Уралдаан гэдэг ачааны машины зогсоол дээр байна. Ачааны машины жолоочтой хамт Тринда гэдэг өсвөр насны нэг охин бий. Түүнийг тэр ачааны машины жолооч эндээс авч явахаас нь өмнө аль болох хурдан олж аваад жолоочийг хүүхдийн наймааны хэргээр баривчил.

Утасны цаана дуулдах эмэгтэй цагдаа хүн явуулна гэдгээ хэлэх үест Райли нэмж

- Дахиад нэг юм. Надтай хамт арван дөрөв орчим насны, гэртээ харьж чадахааргүй оргодол хүүхэд байна. Надад Хүүхэд хамгааллын төвийн хаяг, эсвэл яг одоо онгорхой газрын мэдээлэл хэрэгтэй байна гэлээ.

Цагдаа Райлид Финиксийн төвд байдаг яаралтай түр орогнуулах газрын хаягийг өгөөд тэдэн рүү залгаж мэдэгдэнэ гэж хэлэв.

Райли Жилли рүү харвал охин түүн рүү санаа нь зовсон шинжтэй ширтэж байлаа.

- Суудлын бүсээ зүүгээрэй. Би чамайг чамд тусалж чадах хүмүүс рүү аваачих гэж байна.

Жилли одоо хүртэл чичрэн буй гараараа суудлын бүстэй ноцолдох тул Райли түүнийг бүсээ зүүхэд нь туслах хэрэг гарав. Эцэст нь тэд арайхийн хөдөллөө.

- Бид хаашаа явж байгаа юм бэ? гэж Жилли түрүүнийхээсээ арай тод асуув.
- Чамд амьдрах газар өгч чадах хүмүүс бий. Тэд нар чамайг хүсвэл шинэ гэртэй ч болгож чадна гэж Райли хариуллаа.

Жиллиг энэ үг бодолд оруулав бололтой.

- Тэгэхээр би гэртээ харьж чадахгүй болох нь гэж тэр эцэст нь дуугарав.
- Чи надад аав чинь чамайг зодно гэж хэлсэн. Ээж чинь яасан юм бэ?
- Ээж байхгүй. Олон жилийн өмнө гэрээ орхиод явсан. Миний ах ч бас явсан.
- Тэгэхээр чи аавтайгаа хоёулахнаа байдаг юм уу?
- Тийм, аав сүүлийн үед маш их архи уудаг болсон.

Райли орогнох газрыг чиглүүлсэн зааврыг даган машинаа жолоодож явлаа. Хажууд нь Жилли суудалд шигдэн унтана. Райли энэ хүүхэд цаашдаа яах бол хэмээн гайхаж байв. Тэр дахиад л зугтах болов уу? Тэр нэг л өдөр Жастин шиг дуусах болов уу? Эсвэл бүр түүн шиг урт амьдарч чадахгүй ч юм билүү?

Яаралтай орогнох газрын үүдний хонхыг дарснаас хойш нилээн хэдэн минутын дараа чанга яригчаар хэн нэгэн Райлигаас энд ирсэн хэргийг асуулаа. Райли өөрийгөө танилцуулахад ядарсан боловч энэрэнгүй төрхтэй эмэгтэй хаалга онгойлгон тэднийг оруулав.

Жилли Райлигийн гарнаас барьсан хэвээр орогнох газрын албан өрөө рүү явцгаалаа. Райлигийн анзаарснаас энэ газар боломжийн цэвэрхэн, түрүүний эмэгтэй охинд үнэхээр санаа тавьж байгаа бололтой харагдана. Эцэст нь Жилли Райлигийн гарнаас тавьж ширээний хажуудах сандалд суухад Райли эмэгтэйд нэрийн хуудсаа өгөөд маргааш эргэж ирэхээ амлалаа. Түүнийг өрөөг орхих үед Жилли эмэгтэйн тавьсан асуултанд идэвхтэй хариулж, эмэгтэй хариултыг нь компьютерт шивэн оруулж байв.

Райли машиндаа ирэх үедээ Нэнси Холбрукийн үхлийн талаар юу ч олж мэдээгүй болохоо ухаарлаа. Тэр Хэнкийн Уралдаан руу явж мөрдлөгөө үргэлжлүүлж болох ч одоо бүх зүйл Билл өөрийнхөө сэжигтэн Калвин Раббаас юу олж мэдэхээс ихээхэн шалтгаалах болжээ. Тэр боломж гарангуут Биллтэй холбогдох хэрэгтэй байв.

Гэнэт Райли үзсэн харсан зүйлээсээ болж дотор нь муухай оргилоо.

"Билл ямар нэгэн зүйл олсон байгаасай. Энэ хэргийг бушуухан дуусгах юмсан" гэж тэр бодов.

_________________
PEPPA PIG


Top
   
PostPosted: Dec.29.17 9:05 pm 
Offline
Дархлагдсан Гишvvн
Дархлагдсан Гишvvн
User avatar

Joined: Dec.12.03 3:18 pm
Posts: 1211
Location: In the end
АРВАН ДӨРӨВДҮГЭЭР БҮЛЭГ

Билл Калвин Раббын колончлолын үеийн Испани загварын байшингийн дааман хаалганд тулж ирэх үедээ байж ядаж байгаагаа мэдрэв. Энэ хашааны цаана амьдрагч хүн тэр эмэгтэйн амийг хөнөөж цогцсыг нь нуур руу шидэж тун ч мэдэхээр нэгэн байж болох юм. Билл тийм эсэхийг нь заавал мэдэхээр шулууджээ.

Тэр наашаа ирэхээс өмнө Калвин Раббыг нилээд судалсан юм. Иштар Хэйнсийн хэлсэн үг бүр үнэн байсан агаад энэ хөлөөрөө толгой хийж туйлсан нөхөр амьдралдаа ганц ч өдөр үнэнч шударгаар ажил хийж үзээгүй аж. Тэр хүүхэд насныхаа арван жилийг сургуулиас сургууль руу хөөгдөн өнгөрүүлж, дараа нь Айви Лигийн бүх шилдэг их сургуулиудаас ганц ч боловсролын зэрэг авч чадалгүй хасагджээ.

Одоо тэр энэ аварга харшдаа эцгээс нь салсан ээжтэйгээ амьдарч байгаа юм байна.

"Яг л таарч байна" гэж Билл бодно.

Гэр бүлд нь эхийн эрхт ёс давамгайлсан шинжтэй байдал Биллд улам ч их сэжиг төрүүлж байв. Сонсох тусам Рабб мөнгөөр туйлсан ээждээ өширхөж гомдсон хорсон зэвүүцэл нь хуримтлагдсан нэгэн бололтой. Билл энэ залууг зайлуулахсан гэхээс байж ядаж байлаа.

Гэвч түүнийг хаалганы хажуугаар өнгөрөх үеэс л Раббтай уулзах тун ч бэрхшээлтэй юм шиг санагдаж эхлэв. Ердөө л энэ харш руу орох зөвшөөрөл авахад хүртэл тэр бүхэл бүтэн намтар бичих шахуу ажил шаардагдах нь. Харшийн эргэн тойрныг ажиглалтын камер хянаж, хаалгаар орохын тулд хонх даран, өөрийгөө танилцуулах хэрэгтэй болно. Билл цаашид яаж үргэлжлүүлэхээ сайн мэдэхгүй л байв.

Тэр өөрөө хонх дарж, өөрийгөө ХМТ-н мөрдөгч гэж танилцуулбал юу болох бол? Хаалгаар нь ордог юм аа гэхэд түүнтэй хэн уулзах бол? Гадаа бүрэнхий болсон тул харш энд тэндгүй гэрлээ асаасан байх бөгөөд дотор нь олон хүн байж ч мэднэ. Гэвч тэдэн дунд Калвин Рабб байна гэх баталгаа үгүй.

Иймээс Билл эргэлтэн дээр машинаа эргүүлэн урд хаалгыг дахин нэг удаа өнгөрөв. Гэтэл харшийн сайн гэрэлтүүлэгтэй машин замаар спорт загварын дээвэр нь онгорхой хээнцэр машин дааман хаалгыг чиглэн ирж явав. Машины онгорхой хэсгээр харагдах жолооч элсний өнгөтэй цайвар шаргал үстэй, захтай футболка өмссөн залуу эр харагдав. Түүний гадаад төрх Биллийн харсан Калвин Раббын зурагтай яв цав таарч байлаа. Тэр гаднаасаа дунд насны кино одтой адилхан харагдах ч эрх чөлөөтэй, залуу хэв маягтай ажээ.

Билл гэнэт өөрийгөө хичнээн азтай яваагаа ухаарлаа. Одоо тэр харш руу орох гэж худлаа ярих шаардлагагүй. Рабб магадгүй зугаацахаар гарч яваа байх. Билл ердөө л түүнийг мөр алдахгүй дагавал тэр өөрөө өөрийгөө бариад өгчих ч юм билүү? Дааман хаалга нээгдэж, жижиг машин хурдаа аван одоход Билл араас нь анзаарагдалгүй, зай барин дагалаа.

Билл спорт машиныг даган өндөр үнэтэй хороолол дундуур явах зуур шөнө болов. Тэр Райлиг одоо юу хийж байгаа талаар гайхан, түүнийг машины зогсоол руу ганцааранг нь явуулсан нь зөв шийдвэр эсэхэд эргэлзэж эхэллээ. Хэнкийн Уралдаан бузар булай хуралдсан, эмэгтэй хүнд туйлын аюултай газар шиг сонсогдсон шүү дээ.

Гэхдээ Билл яагаад Райлид санаа зовж байгаагаа ойлгосонгүй. Райли бол түүний мэдэх бүх эмэгтэйчүүдийг нийлүүлснээс ч хэд дахин илүү хатуу чанга, асар их чадвартай эмэгтэй. Тэр өөрийн нүдээр Райлиг аминд халтай, хамгийн аюултай гэмт хэрэгтнүүдийг дарж авч байхыг харж байсан. Хэн ч байлаа гэсэн Райли бол тийм ч амархан дийлдэх хүн биш.

Билл эцэст нь энэ хэрэг түүний санааг зовоож байгаа болохоор өөрийгөө Райлид санаа зовж байгаа юм байна гэж дүгнэв. Райли ч бас энэ хэргээс болж санаа нь зовж байгаа байх. Тэдний аль аль нь энэ хэргийн алуурчныг оллоо ч гэсэн сэтгэл нь ханах эсэхэд Билл тун ч их эргэлзэж байлаа. Нэнси Холбрукийг хөнөөсөн хэнбугай ч бай ердөө л мөсөн уулын орой төдий, бузар булайн үүр уурхайн үнэрээс цаашгүй. Түүнээс өөр хичнээн эмэгтэй боолчлогдож, хохирогч болж, амиа алдаж байгааг бурхан л мэдэх байх. Тэд энд ердөө нэг л эрийг зогсоохоор тэмцэж байхад цаана нь гутамшигт үйлийн бүхэл бүтэн үе үргэлжилсээр л байгаа хэрэг.

Удалгүй Билл Калвин Раббыг энэ хавьдаа таагүй нэртэй хороолол руу эргэхийг анзаарлаа. Гудамжны хоёр талаар дотор нь юу болдог нь эргэлзээтэй уушийн газрууд, дэн буудлууд, тайчих клубүүд дүүрэн харагдана. Рабб машинаа "Бугуйл Тайчих Клуб" нэртэй газрын гадаа байрлуулав.

Клубийн гаднах гэрэлт самбарт неон гэрлэн бугуйл нүцгэн эмэгтэйн дүрсний гадуур эргэлдэн бууж, бэлхүүсээр нь чангарч байгаагаар дүрслэгдэх агаад доор нь арай жижгэвтэр үсгээр "НҮЦГЭН БҮСГҮЙЧҮҮД" гэж бичсэн байлаа. Нэнси Холбрукийн нүцгэн цогцсыг хараад удаагүй байтал ийм зарлал олж харсан нь Биллд дотор эвгүйцүүлэм егөөдөл аятай санагдана. Алуурчин энд ирж өөр нүцгэн хэн нэгнийг агнасан юм биш биз?

Тэр Раббын машинаа тавьсан газраас хэдэн зогсоолын цаана зогсоод түүнийг машинаасаа бууж байгааг ажиглав. Рабб тэр хавийн шаар шавхруунууд болох хар тамхинд донтогчид, гудамжны биеэ үнэлэгчдээс өөрийн ганган футболка, чанартай шорт, асар үнэтэй пүүзээр эрхгүй ялгарна. Гэвч Биллийг харсаар байтал Рабб клубийн хаалгаар орохын оронд хажуугийн булан тойрч байшингууд дундуур орон алга болов.

Билл машинаасаа үсрэн буугаад түргэн алхсаар барилгын хажууд очих үедээ Раббыг тайчих клубийн арын гудам руу орж явахыг олж харлаа. Билл олзоо гудам руу бүрэн орж харагдахгүй болтол нь хүлээсний дараа араас нь дагаж эхлэв. Гудам руу ормогцоо Билл хогийн савны ард нуугдан Раббын юу хийж явааг ажиглавал тэрээр тайчих клубийн арын хаалгыг тогшин зогсох ажээ. Хаалга онгойн Раббыг оруулмагцаа тасхийн хаагдлаа.

Билл байдлыг анхааралдаа улам их авав. Хэрэв Рабб хар тамхины наймаа хийж байвал Биллд түүнийг баривчлах сайхан шалтаг гарч ирнэ. Гэхдээ тэр баталгаатай болгохын тулд тэвчээртэй хүлээх хэрэгтэй.

Таван минут орчмын дараа Рабб гудманд гарч ирээд урд халааснаасаа жижигхэн ууттай зүйл гаргаж задлав. Тэгснээ доторхыг нь хуруундаа түрхэн амандаа хийж буйландаа няллаа. Тэр бүтээгдэхүүнийг шалгаж байгаа хэрэг ажээ.

"Бинго!" хэмээн Билл бодоод хогийн савны араас гарч тэмдгээ гартаа авав.

- ХМТ! Чамайг баривчиллаа.

Рабб боодолтойг яаран эвхээд халаас руугаа бушуухан чихэв. Тэр хормын турш Билл рүү гэнэт гэрэлд орж ирсэн буга адил гайхан ширтсэнээ гэнэт толгойгоо гэдийлгэн чангаар хөхөрлөө.

- ХМТ? Тоглоод байгаа юм уу? Тоглож байгаа байлгүй дээ.
- Тоглоом биш, гараа ардаа ав гэж Билл хариуллаа.

Билл хэрэг болно гэж авчирсан гаваа бүснээсээ сугалах зуур зэвсгээ бас гаргах эсэхээ гайхан тээнэгэлзэв.

Рабб үүнд итгэхгүй байгаа нь илт толгойгоо сэгсэрсээр гараа ардаа авангаа

- Үнэнээсээ тоглоом байж таарна. Би мэдээд байна. Хэн чамайг ингэ гэж явуулаа вэ? гэлээ.

Билл түүнийг гавлаад, эрхийг нь уншиж эхлэтэл Рабб яриаг нь таслан

- Би эрхээ мэднэ. Орон нутгийн цагдаа нар ингэж л байдаг юм, гэхдээ ХМТ гэдэг чинь юу гэсэн үг вэ? Үнэндээ итгэхгүй нь, намайг юуны төлөө баривчилж байгаа юм ингэхэд? гэж асуув.
- Цаасаар боосон эд Раббын өмдний халааснаас цухуйх бөгөд Билл түүнийг нь сугалан авч Раббын нүүрний урд даллан харууллаа.
- Үүний төлөө баривчилж байна.
- За арай ч дээ, үгүй байлгүй дээ.

Билл эрхийг нь үргэлжлүүлэн уншив.

- Би эрхээ мэднэ гэж хэлээ биз дээ гэсээр Рабб дахиад л түүнийг тасалдууллаа.
- Намайг зугаацуул л даа гэж Билл хэлээд түүний эрхийг нь тодруулж дуусган, эцэст нь машиндаа суулгав.

Түүнд энэ хүн алуурчин мөн гэсэн бодол төрөөд байлаа. Түүнийг ХМТ-н орон нутгийн салбарт очих үед Райли ирж сэжгийг нь баталгаажуулах байх гэж тэр найдав.

_________________
PEPPA PIG


Top
   
Display posts from previous:  Sort by  
Post new topic  Reply to topic  [ 606 posts ]  Go to page Previous 118 19 20 21 2224 Next

All times are UTC+09:00


Who is online

Users browsing this forum: No registered users and 2 guests


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited