#AsuultSambar :

МОНГОЛ УЛС МАНДАН БАДРАГ!
It is currently Sep.25.17 2:58 pm

All times are UTC+09:00




Post new topic  Reply to topic  [ 99 posts ]  Go to page Previous 1 2 3 4 Next
Author Message
PostPosted: Oct.09.16 4:32 am 
Offline
Өсөх Ирээдvйтэй Гишvvн
Өсөх Ирээдvйтэй Гишvvн

Joined: Oct.09.16 4:28 am
Posts: 6
Unshij bgaa. Bayarlalo


Top
   
PostPosted: Oct.11.16 8:06 pm 
Offline
Дархан Гишvvн
Дархан Гишvvн
User avatar

Joined: Apr.24.12 1:04 pm
Posts: 208
||someone|| wrote:
Tsolmon.B wrote:
THE DOOMSDAY CONSPIRACY зохиолыг нь ийм нэртэйгээр орос хэлнээс орчуулж гаргасан юм байна. Ойрд Шелдон уншсангүй шүү тээ. :brows:

Их ажлын хажуугаар оруулах зав гардаг байгаа даа. Скандсан хувилбарыг текст болгож янзлаад постлох завтай хүн байвал хэлээрэй. Би номноосоо скандаад явуулаад байя. :cheerleader:

Nadruu finereader projectoo yavuulchih. Bi text bolgood spellcheck hiie.


someone-оооо амжихгүй байгаа бол 17-19 бүлгийг tested рүү явуулчих уууу


Top
   
PostPosted: Oct.12.16 10:38 am 
Offline
Өвөг Дээдсийн Сахиус Гишvvн
Өвөг Дээдсийн Сахиус Гишvvн

Joined: May.10.10 2:23 am
Posts: 706
хөөх ямар гоё вэ, шинэ сонирхолтой ном орж байгаан байна ш дээ, бас их олон бүлэгтэй урт ном бололтой.Болсон явдлаас сэдэвлэсэн юм биш үү хагалгааны ширээн дээрх харь гаригийн хүний зургууд байдаг биз дээ, хурдан оруулаад байгаарай


Top
   
PostPosted: Oct.12.16 10:48 am 
Offline
Цээлхэн Цангинах Дууч Гишvvн
Цээлхэн Цангинах Дууч Гишvvн
User avatar

Joined: Nov.05.14 6:58 pm
Posts: 442
Tsolmon.B wrote:
||someone|| wrote:
Tsolmon.B wrote:
THE DOOMSDAY CONSPIRACY зохиолыг нь ийм нэртэйгээр орос хэлнээс орчуулж гаргасан юм байна. Ойрд Шелдон уншсангүй шүү тээ. :brows:

Их ажлын хажуугаар оруулах зав гардаг байгаа даа. Скандсан хувилбарыг текст болгож янзлаад постлох завтай хүн байвал хэлээрэй. Би номноосоо скандаад явуулаад байя. :cheerleader:

Nadruu finereader projectoo yavuulchih. Bi text bolgood spellcheck hiie.


someone-оооо амжихгүй байгаа бол 17-19 бүлгийг tested рүү явуулчих уууу

Teg teg. Nadad buten saind l yag hed ni taarahnuu yavuulchih. Bi gantshan buten saind amardiin.

_________________
Avatar by Someone


Top
   
PostPosted: Oct.12.16 11:01 am 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Би авсан шүү Цолмоон удахгүй орууллаа.


Top
   
PostPosted: Oct.12.16 12:50 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 17.

Даваа гаригийн өглөө Роберт Пентагон дахь Тэнгисийн Цэргийн 17-р тойргийн захиргаанд хүрэлцэн ирэв.
Адмирал Уиттакер түүнийг элэгсэгээр угтан авч,
-Гэртээ тавтай морил, Роберт. Чөтгөр ав гэж, чи хурандаа Жонсонд аятайхан сэтгэгдэл төрүүлсэн байна шүү гэхэд,
-Мань эр өөрөө ч бас аятайхан сэтгэгдэл төрүүлсэн гээд
Роберт инээмсэглэв.
Адмирал кофегоор дайлах зуур,
-Ажилдаа ороход бэлэн үү? гэж сонирхон асуухад тэрээр,
-Бэлэн гэхэд нь,
-Сайн байна. Родезид хүндхэн байдал буй болчихоод байна гэсээр хурандаа ч ажилдаа шуранхайлан оржээ.
Тэнгисийн цэргийн тагнуулын ажил Робертын төсөөлж байснаас хавьгүй илүү сонирхолтой байлаа. Янз бүрийн даалгавар ундарч, тэднээс Робертод маш нарийн, хүндийг даалгана. Мань эр Панамын хар тамхины хил давуулан наймаалагчидтай явуулсан Норьеги ажиллагааны тухай ярьж чадах тагнуулчийг злсүүлэн, Марнил дахь америкийн консулд ажиллаж байсан Маркосын урвагчийг илрүүлэн, мөн Мароккод нууцаар чагнах хэрэгсэл суулгахад тусалжээ.
Түүнийг даалгавар гүйцэтгүүлэхээр Өмнөд Америк, Энэтхэгийн зүүн тийш илгээнэ. Ийнхүү урт удаан хугацаагаар Сюзанаас хол байх нь түүнийг үргэлж зовоож байлаа. Роберт түүнээс холдохыг эс тэвчивч, явах бүрдээ маш ихээр санах аж. Тэрээр сонирхлыг нь татсан борви бохис хийх чөлөө завгүй эрхэлсэн ажилтай байтал, Сюзан тиймгүй байв. Даалгавар улам бүр нэмэгдэж тэрээр гэртээ эзгүй байх нь улам бүр нэмэгдэж, эхнэртэйгээ тун ноцтой асуудалтай байх болжээ.
Робертыг гэртээ ирэхэд тэд тэсгэл алдан тэврэлдэн халуун янагаар амраглан цэнгэдэг байсан мөч нь цөөрсөөр, улам бүр цөөрсөөр байлаа.
Роберт ээлжит даалгавраа гүйцэтгэж амжаагүй шахам байхад нь шинэ даалгавар биелүүлэхээр томилож байх шиг Сюзанд санагдана.
Роберт түүнтэй ажил хэргээ зөвшин хэлэлцэж чадахгүй нь тун гачлантай. Сюзан түүний хаана, юу хийж байгааг нь төсөөлж чадахгүй байсан хэдий ч түүний ажил нь хичнээн осолтойг нь гадарлан, азгүй нэгэн өдөр тэрээр гэртээ эргэж ирэхгүй болчих вий гэж айсандаа дагжин чичирдаг байлаа. Бүсгүй түүнээс элдэв шалдвийн асуултаар булахгүйг хичээж, өөрөө түүний амьдралын чухал үед нь илүүдэл хүн болсноо мэдэрчээ. Сюзан цаашид ингэж үргэлжилж болохгүй хэмээн шийдэв. Роберт Төв Америкт ээлжит даалгавраа гүйцэтгэн cap эзгүй байгаад эргэн ирэхэд Сюзан түүнд,
-Роберт бидэнд нухацтай ярилцах хэрэг байна гэж би бодож байна гэлээ.
-Юу болоов? гэж учрыг сайн мэдсэн атлаа асууж орхив.
-Бид бие биенээсээ улам хөндийрч байгаа нь надад аймшигтай байна. Бид хөндийрч, хүнийрхэхийг би хүсэхгүй байна, би үүнийг тэсвэрлэхгүй нь гэлээ.
-Сюзан...
-Хүлээгээч, намайг дуусгахыг хүлээ. Сүүлийн дөрвөн сард бид хэдий хугацаагаар хамт байсныг чи мэдэх үү? Хоёр долоо хоногоос бага. Чи гэртээ эргэж ирэхэд миний нөхөр биш, харин ердийн нэг зочин шиг надад санагдах боллоо.
Тэрээр эхнэрийнхээ гараас барин, түүнийг энхрийлэн илэв.
-Би чамд ямар их хайртайг чи мэднэ шүү дээ.
Сюзан түүний мөрийг дэрлэн налаад,
-Чамайг гуйя. Бидний дунд ямар нэг юм болж гэж битгий бодоорой.
-Үгүй дээ. Би адмирал Уиттакертэй ярья гэлээ.
-Хэзээ?
-Даруйхан.
Адмирал таныг одоохон хүлээж авна, захирагч аа.
-Танд баярлалаа.
Адмирал Уиттакер ширээний ард гарын үсэг зуран сууж байлаа. Робертыг орж ирэхийг харан инээмсэглэн угтав.
-Гэртээ тавтай морил, Роберт, миний талархлыг хүлээж аваарай. Чи Сальвадорт гойд ажиллаа гэв.
-Танд баярлалаа, эрхэм ээ.
-Суугаач. Кофе уух уу?
-Үгүй, танд баярлалаа, адмирал.
-Чи надтай ярилцах гээ юу? Нарийн бичгийн дарга яаралтай гэж хэлсэн. Чиний төлөө би юу хийж чадахсан бол?
Робертод яриагаа эхлэхэд ам нь эвлэхгүй тун хэцүү байлаа.
-Эрхэм ээ, энэ хувийн хэрэг л дээ. Би хоёр жилийн өмнөхөн гэрлэсэн тэгээд...
-Чи гайхалтай сонголт хийсэн, Роберт. Сюзан бол эрхэм сайн хүүхэн гэлээ.
-Тийм ээ, би тантай санал нэг байна. Асуудлын гол нь би гэртээ тун бага хугацаагаар байх болсон нь эхнэрийг маань гомдоох болж. Энэ нь түүний зөв л дөө. Энэ хэвийн биш байна гэж Роберт хурдан нэмж хэллээ.
Адмирал буйдан сандалдаа гэдрэг налан бодолхийлснээ,
-Тэгэлгүй яахав, энэ хэвийн биш гэхдээ юугаар ч юм өргөл барих хэрэгтэй болно доо гэвэл,
-Би ойлгож байна, гэвч би гэрлэлтээрээ хохирол амсахыг хүсэхгүй. Амьдрал минь надад ихээхэн чухал учир утгатай гэлээ.
Адмирал түүнийг анхааралтай харж,
-Би ойлгож байна. Чи тэгээд юу хүсээв?
-Хэрэв та надад бага хугацаа зарах даалгавар өгвөл би жаргалтай байх сан. Гэртээ ойр байж хийх ажил зөндөө бий шүү дээ.
-Гэртээ ойр.
-Тийм ээ, эрхэм ээ.
-Чи үнэхээр үүнийг эдлэх эрхтэй. Зохицуулж ядах шалтаг алга хэмээн адмирал намуухан дуугаар өгүүлэв.
Робертын сэтгэл тэнийн хөнгөн санаа алдан инээмсэглээд,
Та их өгөөмөр сэтгэлтэй шүү, адмиралаа, би үүнийг мартахгүй гэлээ.
-Тийм ээ бид үүнийг амархан зохицуулчихна. Миний өмнөөс Сюзанд мэнд хүргээрэй, асуудал шийдэгдлээ гэв.
Робертын царай нь гэрэлтээд явчихав.
-Танд хэрхэн талархахаа мэдэхгүй байна эрхэм ээ гэв.
Адмирал түүний чөлөөтэй болсныг илтгэн дохилоо.
-Чи үнэтэй ажилтан учраас би чамд ямар нэг юм тохиолдохыг огт зөвшөөрөхгүй. Харин одоо гэр рүүгээ, эхнэртээ оч гэжээ.
Роберт Сюзанд адмиралтай ярьснаа хэлэхэд бүсгүй баярлан, түүнийг тэврэн авлаа.
-Өө хонгор минь, ямар сайхан юм бэ?
-Би хэдэн долоо хоногийн амралт авч, хоёул аялая. Энэ нь бидний хоёрдахь бал cap болог.
-Ай хөө, бал cap гэж юу болохыг би бүр мартаж орхиж. Надад сануулаадхаач хэмээн Сюзан гэншигнэв.
Роберт түүнийг сануулж өгчээ.
Маргааш өглөө адмирал Уиттакер Робертыг дуудав.
-Өчигдрийн бидний ярьсан хэргийн талаар чамтай ярих гэсэн юм.
-Танд баярлалаа, эрхэм ээ гээд одоо амралтын тухай дурсах цаг нь болжээ.
-Роберт оо гэх адмиралын дуунд сэтгэл түгшсэн байдал сонсогдож, -Дөнгөж сая надад ТТГ-т дайсны туршуул ажиллаж, маш нууц мэдээлэл алдагдах болсныг мэдэгдлээ. Тэдэнд мэдэгдэж байгаа ганц зүйл нь тагнуулын нууц нэр нь Үнэг. Тэрээр одоо Аргентинд байгаа гэнэ. Түүнийг илрүүлэх ажиллагаанд ТТГ тэднийд ажилладаггүй тагнуулыг шаардаж байна. ТТГ-ын захирал, чамайг өөрийн мэдэлд өгч, чи туршуулыг илрүүлэн АНУ-д авчрахыг хүсч байна. Би захиралд асуудал шийдэх нь чамаас хамаарна гэдгийг хэлсэн. Чи энэ хэргийг авахыг хүсэж байна уу? гэх нь тэрээ.
Роберт мэгдэн сандарч,
-Би татгалзах эрхгүй гэдгээ мэдэж байна гэлээ.
-Би чамайг ойлгож байна, Роберт. Чи ийш тийш байнга хэрэн хэсэж, хэзээ ч даалгавараас татгалзаж байгаагүй ч энэ нь гэр бүлийн амьдралд чинь сайнаар тусахгүй гэдгийг.
-Эрхэм ээ, би энэ хэргийг авахыг хүсч байвч, гэвч...
-Тайлбарлахгүй байж болно, Роберт. Би үргэлж чиний ажлыг шагшин гайхдаг, чиний тухай миний бодол хэзээ ч хувирахгүй. Тэгвэя би чамаас ганц зүйл хүсье.
-Юун тухай, адмирал аа?
-ТТГ-ын захирлын орлогч чамтай уулзуулж өгөхийг надаас хүссэн юм. Чи татгалзахгүй биз? гэлээ.
-Үгүй, эрхэм ээ.
Маргааш нь Роберт Лэнглид ТТГ-ын захирлын орлогчтой уулзахаар ирлээ.
-Суугаач, захирагч аа хэмээн Робертыг түүний том албан тасалгаанд ормогц уриад,
-Би таны тухай олон юм сонссон. Мэдээж, сайныг гэлээ.
-Баярлалаа, эрхэм ээ.
Захирлын орлогч жар шүргэж яваа, тэгш цэмцгэр биетэй, үсэнд нь мөнгөлөг сор суусан эр ажээ. Цэвэрхэн засуулсан шингэн сахал нь гаансаар тамхилах тоолонд нь дээш доош хөдлөх нь зугаатай. Нельскийн их сургуулийн төгсөгч Дэлхийн 2-р дайны үед Стратегийн албаны захиргаанд ажилд орж, улмаар ТТГ байгуулагдахад шинэ албанд хүрэлцэн иржээ. Албан тушаалын шатаар амжилттай авирсаар тэрээр дэлхийд хамгийн хүчирхэг тагнуулын албаны удирдлагад, өөрийн өнөөгийн сууринд заларч чаджээ.
-Таны шийдвэрийг би гүнээ хүндэтгэж байна гэдгийг таныг мэдээсэй гэж би хүсэж байна.
Роберт Беллам үг дуугаралгүй толгой дохин сууна.
-Гэвч надад танд дуулгах нэг баримт байна.
-Сонсож байна, эрхэм ээ.
-Ерөнхийлөгч Үнэгийг илрүүлэх ажиллагааг биечлэн сонирхож байгаа гэлээ.
-Үүнийг би мэдээгүй, эрхэм ээ.
-Тэрээр над шиг, энэ даалгаврыг ТТГ-ын чухал ажиллагаа гэж үзэж байгаа юм. Танай гэрт ямар уур амьсгалтай байгааг би мэдэж байгаа, өөрөө үлгэр жишээ гэр бүлсэг хүн тул ерөнхийлөгч үүнийг ойлгох болно, Гэсэн хэдий ч энэ даалгавараас татгалзсан явдлыг юу гэж хэлмээр юм бэ дээ, Тэнгисийн цэргийн тагнуулыг, адмирал Уиттакерын алдар нэрийг гутаах хар сүүдэр нөмрөх нь дээ.
-Миний шийдвэрт адмирал ямар ч хамаагүй, эрхэм ээ.
-Би ойлгож байна, харин ерөнхийлөгч ойлгох болов уу даа, Роберт оо.
Роберт "Бал сараа хойшлуулах болох нь ээ” хэмээн уйтгартайгаар бодлоо.
Роберт энэ тухайгаа Сюзантай ярилцав.
-Хилийн чанад дахь миний хамгийн сүүлчийн даалгавар. Үүнийг гүйцэтгэчихээд чамайг залхтал чинь гэртээ суух болно гэж Роберт эелдэгээр хэллээ.
-Үнэхээр дахиж явахгүй, бид үргэлж хамт байх нь хэмээн Сюзан инээмсэглэлээ.
Үнэгийг авлах ажиллагаа Робертын хувьд хамгийн хүнд даалгавар байлаа. Тэрээр Аргентинд түүний мөрийг олсон ч, алдаж орхижээ. Дараа нь ул мөр Робертыг Турк, Хятад руу эцэст нь Малайз руу хөтлөв. Роберт түүний араас шил даран ирэхэд Үнэг тэр орноос аль хэдийнэ арилж өгсөн байлаа. Роберт бараг өдөр болгон Сюзан руу утасдан, "Би хэдхэн хоноод очно, хонгор минь" дараа нь "Би дараагийн долоо хоногт очноо", гэснээ эцэст нь нэг өдөр "Би хэдийд очихоо хэлж мэдэхгүй нь" гэж хэлжээ. Хоёр cap хагасын турш Үнэгийн анд амжилтгүй явсаар Роберт бууж өглөө. Түүнийг гэртээ эргэж ирэхэд Сюзан өөрчлөгдсөн мэт санагдан, түүнд хүйтэн хөндий хандах болжээ.
-Намайг уучлаарай, хонгор минь. Хэрэг явдал ингэж сунжрах юм гэж би бодсонгүй , энэ. . .
-Тэд чиний амар заяаг үзүүлэхгүй нь, Роберт оо, тийм биш үү?
-Юу ? За үгүй дээ.
Сюзан толгой сэгсрэв.
-Би тэгж бодохгүй байна, тийм учраас намайг "Мемориал"- ийн цэргийн эмнэлэгт ажилд оруулсан гэлээ.
Энэ нь Робертыг гайхширалд оруулж орхив.
-Чи ажилд орчихоо юу?
-Би сувилагчаар ажиллах болсон. Би чиний хаана юу хийж яваа, ер нь амьд, үхсэн нь мэдэгдэхгүй, чамайг гэртээ ирэхийг хүлээн элгээ тэврэн сууж чадахгүй нь гэлээ.
-Сюзан, би. . .
-Бүх юм зүгээр, хайрт минь, ямар ч байсан чиний эзгүйд би хэрэгтэй үйл хийж байя. Ингэсэн нь чамайг хүлээхэд арай амар байх болно.
Робертод үүнд хэлэх хариу олдсонгүй.
Роберт адмирал Уиттакерт амжилтгүй явснаа илтгэхэд,
-Чамайг энэ даалгаврыг гүйцэтгүүлэх гэдэг миний буруу. ТТГ чөтгөр авсан асуудлаа өөрсдөө шийдэг гэснээ гараа занган, Уучлаарай, намайг, Роберт гэв.
Роберт түүнд Сюзаныг сувилагчийн ажилд орсныг хэлэв.
-Сайхан санаа байна. Энэ нь танай гэр бүлийг бататган, чи гадагш явах болоход Сюзан ганцаардахгүй нь гэжээ.
Томилолт тасарсангүй бүр ч үргэлжилсээр, энэ мөчөөс эхлэн тэдний гэрлэлтэнд ан цав гарчээ.
Сюзан мэс заслын сувилагчаар ажиллаж, Робертыг гэртээ байх үед нь тэрээр амран түүнтэй хамт байхыг хичээвч, ажил нь даанч их барагдашгүй байлаа.
-Миний ажил надад, үнэхээр баяр баясгалан авчирч байна, хонгор минь. Би хэрэгтэй ажил хийж байгаагаа мэдэж байна гэж Сюзан бахдан хэлнэ.
Бүсгүй Робертод өвчтөнүүдийнхээ тухай ярихад тэрээр түүнийг халамжлан сувилж амьдралд эргүүлж авчирсныг нь дурсан саналаа. Мань эр эхнэр нь өөрт таалагдсан чухал ажлаа хийж байгаад сэтгэл хангалуун байсан ч одоо тэд тун ховор уулзалдах болжээ. Тэд сэтгэл зүрхээрээ бие биеэсээ хөндийрөн, одоо бүх юм илэрхий болов. Тэд яриа хөөр дэлгэх гэж зүдэрч байгаа танихгүй улс шиг болжээ.
Туркэд зургаан долоо хоногийн турш даалгавар гүйцэтгээд Вашинггонд эргэж ирээд Роберт Сюзаныг "Сан-Суси" ресторанд хооллохоор урьжээ.
Сюзан хооллох зуур түүнд,
-Манайд нисэх онгоцны аймшигтай осолд өртсөн нэг шинэ өвчтөн ирсэн, эмч нар түүнийг амьд гарахгүй гэсэн, гэвч би өөр бодолтой байгаа гэж хэлэхдээ Сюзаны нүд нь гялалзан байв.
"Яг л над шиг" гэж Роберт бодлоо. Сюзан шинэ өвчтөний дээрээс тонгойн, "Эдгэрээч дээ. Би чамайг хүлээж байна" гэж хэлсэн болов уу гэсэн бодол түүнийг зовоож эхлэв. Энэ бодлоо уураг тархинаасаа хөөхийг тэрээр хичээлээ.
-Роберт оо, тэр сайхан эр юм билээ. Бүх сувилагчид түүнд үхэлдэн гүйцгээж байгаа гэв.
"Бүх сувилагчид ий? " гэж Роберт өөрөөсөө асуув.
Робертын сэтгэлийн гүнд өчүүхэн эргэлзээ төрж, гэвч мань эр түүнээ дарахыг хичээжээ.
Дараагийн бямба гаригт Роберт Португали руу нисэн, гурван долоо хоногийн дараа эргэж ирэхэд нь Сюзан сэтгэлийг нь хөдөлгөсөн нэг сонинг түүнд дуулгав.
-Өнөөдөр Монте хөл дээрээ боссон гээд,
Түүнийг хайхрамжгүйхан үнсэв.
-Монте гэнэ ээ?
-Түүнийг Монте Бенкс гэдэг юм. Тэр эдгэрч байгаа, эмч нар үүнд итгэж чадахгүй байгаа, хэдий ч бид бууж өгөхгүй гэлээ.
"Бид" гэсэн үгийг сонсоод Робертын яс нь хавталзав.
-Түүний тухай яриач гэхэд нь Сюзан,
-Тэр үнэхээр сайн хүн, бидэнд үргэлж бэлэг өгдөг. Ихээхэн чинээлэг хөрөнгөтэй хүн юм билээ. Энэ аймшигт осол гарахад тэр өөрийнхөө онгоцоор нисэж явсан...
-Ямар бэлэг өгөөв?

-Чихэр, цэцэг, ном, пянз гээд жижигхэн бэлэг. Тэр бидэнд үнэтэй цаг өгөх гэсэн, гэхдээ бид авахаас татгалзсан гэлээ.
-Тэгэлгүй дээ.
-Түүнд дарвуулт онгоц, поло тоглодог пони морьхон. . .
Энэ өдрөөс эхлэн Роберт түүнийг "мөнгөний шуудай" гэж нэрлэх болжээ.
Эмнэлгээс эргэж ирмэгц Сюзан өнөө л өвчтөнийхөө талаар яриа дэлгэх болжээ.
-Роберт, тэр үнэхээр агуу хүн юм.
"Агуу хүн, энэ чинь аюултай".
-Тэр бас их овжин эр. Тэр өнөөдөр яасан гээч? Бүх сувилагчдад "Жокей" клубээс үдийн хоол захиалсан гээч гэлээ.
"Өвчтэй хүн биш билүү?" гэж Роберт бодсоноо, гэнэт өөрийн мэдэлгүй хор шар нь буцлаад ирэв.
-Чиний гайхалтай өвчтөн чинь эхнэртэй юу?
-Үгүй, хонгор минь. Юу гэж?
-Би зүгээр сонирхсон юм.
Сюзан инээд алдав.
-Бурхан минь. Чи хардаж байна уу?
-Явалдахыг сурч байгаа хөгшин төгцөгтэй юу? Үгүй дээ гэхдээ Роберт Сюзаныг хардаж байгаагаа хүлээхийг хүссэнгүй.
Робертыг гэртээ байхад нь Сюзан өвчтөнийхөө тухай ярихгүйг хичээж, харин Роберт яриа үүсгэх болжээ.
-Хөгшин мөнгөний шуудай яаж байна?
-Түүнийг Монте Бэнкс гэдэг юм хэмээн эхнэр нь гомдонгуй эсэргүүцэв.
-Тэр нь ямар хамаатай юм.
"Энэ хараал идмэр осолд ороод үхчихээгүй нь ямар харамсмаар юм".
Маргааш нь Сюзаны төрсөн өдөр байлаа.
-Бид чиний төрсөн өдрийг тэмдэглэнэ. Хаашаа ч юм явж,
сайхан хооллоно, тэгээд. . . гэж Роберт урамтай гэгч нь хэлбэл,
-Би найм хүртэл ажилтай гэлээ.
-За яахав, би чамайг очиж авья.
-Тэгээч. Монте чамтай танилцахыг их хүсч байгаа. Би түүнд чиний тухай бүгдийг ярьсан.
-Би ч гэсэн тэр хөгшинтэй танилцах юмсан гэж Poбept хэлэв.
Робертыг эмнэлэгт ирэхэд хүлээн авахын сувилагч,
-Өдрийн мэнд, захирагч аа. Сюзан гурван давхарт мэс заслын тасагт ажиллаж байгаа. Таныг хүлээж байгаа шүү гээд сувилагч харилцуураа авлаа.
Робертыг лифтнээс буухад цагаан халаадтай Сюзан түүнийг гудамд хүлээж байв. Зургийн хуар шиг сайхан харагдах эхнэрээ хармагц Робертын зүрх нь хүчтэй цохилов.
-Мэнд үү, чи гойд сайхан харагдаж байна шүү.
Сюзан Робертыг харан нэг л жигтэй хачин инээмсэглэлээ.
-Сайн уу, Роберт оо, би одоохон дуусна. Явья, би чамайг Монтетой танилцуулья гэв.
Тэрээр Робертыг ном, цэцэг, сагстай жимсээр дүүрсэн тусгай том өрөөнд дагуулан орлоо.
-Монте, миний нөхөр Роберт.
Роберт орон дээр хэвтээ эрийг харан зогтуслаа. Тэр Робертоос ердөө л гурав дөрвөн нас ах бөгөөд жүжигчин Пол Ньюментэй тун төстэй харагджээ.
-Тантай танилцсандаа баяртай байна, захирагч аа. Сюзан таны тухай надад зөндөө ярьсан гэлээ.
"Эхнэр нь шөнөжин түүний орны дэргэд суун энэ тухай ярьдаг байх нь уу?"
-Эхнэр тань танаар их бахархдаг.
Сюзан Робертыг эелдэг байхыг харцаараа гуйж байлаа.
Робертод биеэ эзэмдэх хэрэгтэй болжээ.
-Таныг удахгүй гаргах байх аа.
-Тийм ээ. Танай эхнэрийн ачаар л. Тэрээр гайхалтай сувилагч.
"Сонсооч, далайчин минь. Энд хэн нэгэн сувилагч энэ сайхан биеийг чинь асран халамжлахыг зөвшөөрнө гэж бодож байна уу"
Тийм ээ, энэ түүний мэргэжил гэх Робертын дуунд эелдэг байж, биеэ барих хүч дутсан сонсогдоно.
Төрсөн өдрийн цайллага сэтгэл гонсойлгом таагүй өнгөрлөө Сюзан зөвхөн өнөө өвчтөнийхөө тухай ярихыг хүсэх ажээ.
-Хонгор минь, тэр чамд хэн нэгнийг санагдуулахгүй байна
уу?
Борис Карлоффийг санагдуулж байна.
Чи яагаад түүнтэй бүдүүлэг хандсан бэ?
-Би биеэ тийм ч муугуй авч явсан гэж бодож байгаа шүү, харин би түүнийг хайрлаж өрөвдөх албагүй биз гэж Роберт хүйтэн хөндий хариуллаа.
Сюзан нөхрөө анхааралтай гэгч нь харлаа.
Чи түүнийг сайн мэдэхгүй шүү дээ. Түүний юу нь чамд таалагдахгүй байна?
" Түүний чамайг цоолтон ширтэх нь, чи түүнийг хариу ширтэх нь надад огт таалагдахгүй байна. Бидний гэрлэлт чөтгөр шулмын хорлолд автчихсан юм биш үү. Бурхан минь би чамайг алдахыг хүсэхгүй" хэмээн Роберт бодон,
-Уучлаарай, би ядарчээ гэж дуулдах төдий хэллээ.
Тэд дуу шуугүй хооллож дуусгалаа.
Маргааш өглөө Роберт ажилдаа явах гэтэл Сюзан түүнд
хандан,
-Роберт, би чамд нэг юм хэлэх . . .
Түүний үг элэгдээд авсан мэт гэдэс дотрыг нь урвуулах шиг өвтгөж, энэ тухай одоо ярихыг нь хүсэхгүй байлаа.
-Сюзан...
Би чамд хайртай, үргэлж хайрлах болно гэдгийг чи мэднэ. Миний уулзсан хүмүүсээс чи хамгийн сайхан нь.
Чамайг гуйя. . .
Үгүй, намайг дуустал яриулаач. Надад одоо тун хэцүү байна, сүүлийн нэг жилд бидний хамт байсан хугацаа минутаар тооцогдож болох нь. Бид эхнэр нөхөр байхаа больж, өөр өөрийнхөөрөө амьдрах болжээ.
Түүний үг бүр нь хурц иртэй хутгаар хатгах шиг.
-Чиний зөв, гэвч би өөрчлөгдөнө. Би албанаасаа гарья Өнөөдөр, одоохон нэн даруй. Тэгээд хамтдаа хаашаа ч юм явья, бас... гэвэл Сюзан толгой сэгсрэв.
-Үгүй, Роберт. Ингэлээ гээд өчүүхэн тус болохгүйг бид мэдэж байгаа. Чи хийх ёстой ажлаа хий. Хэрэв надаас болж өөрийн ажлаа орхивол, хожим чи намайг уучлахгүй Хэний ч буруу байхгүй, ердөө л ийм юм болчихлоо. Би салахыг хүсч байна гэв.
Робертод хорвоо ертөнц галав юүлчих шиг санагдан гэнэт гэдэс нь хүчтэй базлан өвдөв.
-Ингэх хэрэггүй, Сюзан, гарах гарц... Олох. . .
-Дэндүү оройтжээ. Чиний эзгүйд ганцаардан суусан тэр бүх мөчүүдэд би энэ тухай бодсон. Бид өөр амьдралтай байж, чиний надад өгч чадахгүйг би хүсч байна.
Роберт түүнийг харан зогсохдоо,
биеэ барихыг ихэд хичээлээ.
-Энэ. .. энэ мөнгөний шуудайтай ямар нэг холбоотой юу?
Сюзан түгдчиж эхлэв.
-Монте надтай суугаач гэсэн гэв.
Тэрээр энэ удаад дотор гэдэс нь буцлаад ирэхийг мэдэрчээ.
-Чи тэгээд түүнтэй суух гээ юу?
-Тийм.
Энэ нь солиорол байлаа.
Роберт "Ийм байж болохгүй, огт болохгүй" хэмээн гансран бодлоо. Түүний нүдийг нь нулимс бүрхээд ирлээ.
Сюзан түүнийг чангаар тэврэв.
-Чамтай амссан сайхан мэдрэмжийг би өөр нэг ч эрээс амсахгүй. Бүх зүрх, сэтгэлээрээ би чамд хайртай, үргэлж хайрлах болно. Чи миний хамгийн эрхэм найз. Гэвч бүх юм дууссан. Чи ойлгож байна уу? гээд Сюзан түүний нүдийг эгцлэн ширтэв.
Мань эр гагцхүү эхнэр нь салж явах гэж байгааг л ойлгож байлаа.
Бид бүгдийг эхнээс нь. . .
Надад тун харамсалтай байна, Роберт оо. Тун харамсалтай бүгд өнгөрсөн гэх Сюзаны хоолой нь чичигнэх дуулдав.
Сюзан гзрлэлтээ цуцлуулахаар Рим рүү нисэж, захирагч Роберт Беллам арав хоногийн турш архидах өвчинд нэрвэгджээ.
Бүгдийг мартахад тийм ч амаргүй байлаа. Роберт ХМТ-нд ажилладаг анд руугаа утасдав. Урд өмнө Роберт, Эл Трейнор хоёрын гар нэг бус удаа нийлэн хамтран ажиллаж байсан бөгөөд Роберт түүнд итгэдэг ажээ.
Эл, надад нэг тус болохгүй юу? .
Туслах ий? Чамд сэтгэл заслын эмч хэрэгтэй. Ямар чөтгөр нь чамд Сюзаныг явуулахыг зөвшөөрөв өө? гэлээ.
Тэдний гэр бүл цуцлалтын тухай мэдээлэл бүх хотоор тархаж амжсан бололтой.
-Энэ их урт түүх.
Надад үнзхээр харамсалтай байна, Роберт. Тэр жинхэнэ хатагтай байсан юм шүү. За яах вэ, би чиний төлөө юу хийж чадах байна вэ?
-Компьютер дээр хэн нэгнийг шалгах хэрэгтэй байна.
-Тохирлоо, нэрийг нь өгөөдөх гэж Эл шийдэмгийгээр хэллээ.
-Монте Бэнкс. Ердийн лавлагаа.
-Ойлгомжтой. Чухам юу мэдэх гээв?
-Танай файлд байхгүй байж магад, хэрэв байвал, буруу зогссон торгуулсан, нохой зодсон, эсвэл улаан гэрлээр гарч явсан ч юм уу ямар нэг үл ялих иймэрхүү юм гэлээ.
-Ойлгомжтой.
-Мөнгөний эх үүсвэрийг нь мэдэхийг хүсч байна. Түүний хамаг нууцыг нь мэдмээр байна гэлээ.
-Аа-х- аан, ердийн лавлагаа, тийм үү?
-Эл ээ! энэ зөвхөн бидний дунд үлдэх юм шүү, за юу?
-Асуудал алгаа, өглөө утасдья гэжээ.
-Баярлалаа, надаас өглөөний унд хүртэх үү?
-Үдийн хоол.
-За яахав, өдрийн хоол идээрэй.
Роберт харилцуураа тавин:
"Би сүрэлнээс зүүгдэхээр оролдох шив. Би юунд найдаа вэ? Мань эр гэдэс хүүлэгч Жек болж Сюзан миний нөмөр нөөлгөнд гүйж ирэх үү?"
Маргааш нь Дастин Торнтон Робертыг өрөөндөө дууджээ.
-Юу эрхэлж байна, захирагч аа?
"Миний юу эрхэлж байгааг тэр тун сайн мэдэж байгаа" гэж Роберт бодлоо.
-Сингапураас дипломат мэдээ цуглуулж, бас. . .
-Энэ ажил чинь дэндүү сунжирч байх шиг байна.
-Өршөөгөөрэй юу гэв ээ?
-Хэрэв захирагч та мартсан бол би танд сануулахаас даа, Тэнгисийн цэргийн тагнуулын үүрэгт америкийн иргэний хувийн амьдралыг судлах явдал ороогүй шүү.
Роберт түүнийг гайхан харлаа.
-Та юу...
-ХМТ-ноос таныг манай эрх мэдэлд огтын хамааралгүй мэдээлэл авахыг оролдсон гэж надад мэдээлсэн гэлээ.
Робертын уур хилэн гэнэт буцлаад ирлээ. Новшийн амьтан Эл түүнд хэлж. Найз гээд байгаа шүү.
-Энэ миний хувийн хүсэлт байсан юм, эрхэм ээ, тэгээд ч. . .
-ХМТ-ны компьютерийг иргэдэд төвөг учруулах гэсэн хувийн зорилгод ашигладаггүй юм. Та надыг ойлгов уу?
-Бүрэн дүүрэн ойлголоо.
-Тэгвэл явж болно.
Роберт өрөөндөө эргэн ирж салганан чичрэх хуруугаараа 202-324-300 гэсэн дугаарт залгалаа.
-ХМТ сонсож байна гэх дуу харилцуурт сонсогдов.
-Эл Трейнортой холбооч гэж Робертын хэлэхэд,
-Түр хүлээгээрэй гэв.
Төдхөн хэдэн минутын дараа харилцуурт эрэгтэй хүний дуу гарч,
-Сайн байна уу, танд юугаар туслах вэ? гэлээ.
-Би Эл Трейнортой ярих гэсэн юм гэвэл,
-Харамсалтай нь төлөөлөгч Трейнор энд ажиллахаа больсон гэлээ.
Роберт энэ хариултанд цочирдов.
-Юу- уу?
-Төлөөлөгч Трейнорыг өөр газар руу шилжүүлсэн.
-Шилжүүлсээн?
-Тийм ээ.
-Хаашаа тэр вэ?
-Бойст. Гэвч тэрээр тэнд очихгүй удах байх, тун их удах байх гэж айх юм гэж нөгөө эр харамсангуй хэлэв.
-Та юу гэв ээ?
-Өчигдөр орой тэр Рок-Крик цэцэрлэгт хүрээлэнгээр гүйж явтал машин дайрчихсан. Жолооч мал болтлоо уучихсан байсан, тэрээр шууд явган хүний зам руу орж ирсэн гэнэ. Грейнорын бие дөчин футээс хол шидэгдсэн тэр амьд гарахгүй ч байж магад.
Роберт харилцуураа тавин, толгойд нь зүсэн зүйлийн бодол эргэлдэж эхлэв. Чөтгөр ав, юу болох нь энэ вэ? Цэнхэр нүдэлсэн америк эр Монте Бэнксийн арьсыг сайтар хамгаалж байх шив.
Гэвч юунаас? хэнээс? Тэр вэ?
"Тэнгэр минь, Сюзан хэнтэй орооцолдчихов оо?"
Бүсгүй М-стритэд шинэ хоёр давхар байранд амьдарч байв. Байрны хөлсийг мөнгөний шуудай төлж байгаа гэнэ. Роберт хэдэн долоо хоног Сюзантай уулзалгүй байснаа уулзан түүний царайг хармагцаа амьсгаа нь давчдаад иржээ.
-Төвөг удсанд уучлаарай. Ингэхгүй гэж амласан л даа.
-Чи чухал хэрэгтэй гэж хэлсэн шүү дээ.
-Тийм ээ, чухал гээд тэрээр юунаас эхэлж ярихаа мэдэхээ байлаа. Түүнд: "Сюзан. би чамайг аврахаар ирлээ" гэх үү? Тэр даажигнан инээх болно.
-Юу болоов? гэж Сюзан асуулаа.
-Энэ Монтед хамаатай гэвэл хүүхэн хөмсөг атируулан байж,
-Юу? хэмээн гайхав.
Робертын өмнө хүндхэн даалгавар тулгарчээ. Өөрөө сайтар мэдэхгүй байж, түүнд юу гэж тайлбарлах учраа олсонгүй. Нэг л шударга бус юм байна гэдэг нь түүнд тодорхой байлаа. ХМТ- ны компьютерт Монте Бэнксийн мэдээлэл байсан, гэвч "Мэдээллийг зөвхөн тусгай зөвшөөрлөөр олгоно" гэсэн цохолттой байжээ. Түүний лавлагааны талаар Тэнгисийн цэргийн тагнуулын удирдах газарт хэдийнэ мэдээлжээ. Яагаад?
-Миний бодоход тэр. . . тэр энгийн хүн биш гэвэл,
-Би чамайг ойлгосонгүй гэж Сюзан бас л гайхав.
-Сюзан...түүнд хаанаас энэ их мөнгө байх вэ?
Энэ асуулт түүнийг нэг их цочроогоогүй нь илт байв.
-Монте бол экспорт импортын салбарт амжилттай бизнес эрхэлдэг гэлээ.
"Энэ ч хамгийн хуучирсан халхавч шүү дээ".
Тийм ээ, эхлээд сайтар тодруулах хэрэгтэй байж. Роберт өөрийн ухаангүй, мулгуу загнаснаа ойлголоо. Сюзан хариу хүлээсэн хэдий ч, түүнд хэлэх ганц ч үг олдсонгүй.
-Чи яагаад асууж байгаа юм бэ?
-Би. . . би ердөө л чамайг сайн сайхан байгаад итгэлтэй байх гэсэн юм хэмээн Роберт түгдчин хариулав.
-Өө, Роберт гэх Сюзаны дуунд урам хугарсан шинж илрэв.
-Наашаа ирэх хэрэггүй байжээ. Уучлаарай.
Сюзан түүнд дөхөн ирж тэврэн.
-Би ойлгож байна гэж зөөлөн дуугаар хэлэв.
Гэвч тэр ойлгосонгүй. Монте Бэнкст хамаатай ердийн лавлагаа нь битүү хана мөргөн, энэ тухай Тэнгисийн цэргийн удирдах газарт дуулган, мэдээлэл авахаар оролдсон хүнийг бөглүү газар руу цөлчихсөн, тэр ч бүү хэл амь нь үхэл сэхлийн дэнсэн дээр дэнжигнэж байдаг.
Робертод мэдээлэл авах өөр боломж байсан тул тэрээр "Форбс" сэтгүүлд ажилладаг найз руугаа утасдлаа.
-Роберт! Уулзалгүй удлаа, чамд юугаар тус болох вэ?
Роберт юу хэрэгтэйгээ тайлбарлав.
-Монте Бэнкс ээ? Хачин юм, чи юуг нь сонирхоо вэ? Бид түүний талаар мэдээлэл олж чадахгүй байгаа ч гэсэн хамгийн бэл бэнчинтэй дөрвөн зуун хүний нэрсийн жагсаалтанд байдаг. Чи бидэнд ямар нэг юм илүүчлэх юм биш биз?
Бас л амжилтгүй.
Роберт нийтийн санд орон "Хэн нь хэн бэ?" гэдэг цуглуулганд Монтегийн талаар хайж үзвэл түүний нэр нь ч олдсонгүй. Монтегийн онгоцны ослын үеийн "Вашингтон пост" сонины дугаарыг шүүж үзвэл эзэмшигч нь Бэнкс гэж нэрлэсэн ослын тухай хэдхэн мөр тэмдэглэл олжээ.
Шиншилж үзсэн бүгд нь өө сэвгүй байсанд Роберт өөрийгөө ташаарсан байж болох юм гэж үзэх болжээ.
"Засгийн газар түүнийг хамгаалахаа болих юм бол, хэрэв тэр тагнуул, гэмт хэрэгтэн, хар тамхины наймаа эрхлэгч. . . Хамгийн гол нь Сюзаныг түүнтэй гэрлэхийг нь болиулах хзрэгтэй байна".
Роберт дахин гон бие гозон толгой оргин амьдрал нь хоосон ганцаардал, завгүй ажлын өдрүүд, мөн нойргүй өнгөрөөх харанхуй шөнө болон хувирчээ.
Сюзаныг алдан уйлан, уй гашуу болоход түүнийг цөхрөл гунигийн харанхуй хар дайрлага нөмрөн авав. Сюзан түүний амьдралд байгаа хэвээрээ юм шиг, гэр орон нь бүхэлдээ түүнийг санагдуулан, өрөө тасалгаа бүр түүний дуу хоолой, инээж хөхрөхийг нь хадгалан үлджээ. Тэрээр орон дээрээ түүнийг хүлээн шалдлан хэвтэх биеийн нь тэг зураас бүрийг санаж, энэ тухай бодох бүр түүнийг тэсвэрлэшгүй шаналгаа эзэмдэнэ.
Нөхөд нь түүнийг тайтгаруулахыг хичээцгээнэ.
-Роберт, чи ганцаараа үлдэх хэрэггүй.
-Чамтай танилцуулах бүсгүй бидэнд бий шүү.
Танилцуулах бүсгүйчүүд нь өндөр, гуалиг биетэй үзэсгэлэнтэй, зарим нь жижигхэн мертлөө тачаангуй. Эд бүгд загвар өмсөгч, нарийн бичгийн дарга, зарлал сурталчилгааны агентлагын бүсгүйчүүд, нөхөргүй зсвэл салсан хүүхнүүд байлаа. Гэвч тэдний нэгээхэн нь ч Сюзантай дүйх нь үгүй, ер нь хүүхнүүдтэй харьцах асуудал түүний сонирхлыг татсангүй, гагцхүү ганцаардал нь улам нэмэгдсээр байв.
Роберт тэдний хэн нэгэнтэй хоног төөрүүлэхийг хүссэнгүй, үргэлж ганцаараа байхыг эрхэмлэнэ. Тэрээр Сюзантай амьдарсан үеийн кино зураглалыг буцааж хураан, дахин найруулан тавихсан хэмээн мөрөөднө. . .
Адмирал Уиттакертай ярилцан, өөрийн гаргасан алдаагаа хялбархан олж болох байв.
"ТТГ-т Үнэг гэдэг нууц нэртэй тагнуул гарч ирсэн, захирлын орлогч чамайг түүнийг хайж олохыг хүсэж байна".
"Үгүй адмирал, уучлаарай. Эхнэр бид хоёр хоёрдахь бал сараа тэмдэглэх гэж байна".
Амьдралаа аз жаргалтай байлгах гэсэндээ тэрээр дахин шинээр эхлэхээр шийдсэн байв. Гэвч дэндүү хожимдож, хувь заяа нь түүнд хоёр дахь боломжийг олгосонгүй. Тэр гоонь эр болжээ. Өөрөө дэлгүүр явж, өөртөө ууш бэлтгэн, долоо хоногт ганц удаа гэртээ байвал угаалгын газарт өнждөг болов.
Энэ нь түүний амьдралын аймшигтай мөч бөгөөд үүнээс ч илүү таагүй явдал түүнийг алга тосон хүлээж буй нь илт. Вашингтонд танилцсан үзэсгэлэнтэй зураач бүсгүй түүн рүү хэд хэд утасдан хоолонд урьжээ. Роберт татгалзсан боловч хүүхний дэндүү цөхрөлтгүй занд автсан аж. Бүсгүй лаагаар чимэглэсэн ширээний ард амттайхан зоог бэлтгэн тэд хооллож суув.
-Чи хоол сайхан хийх юм гэж Робертыг бүсгүйд урам хайрлан хэлэхэд хүүхэн аалигүйтэн,
-Миний бүх юм сайхан болдог гэж хэлэх хүүхний үгний утга санаа илт ойлгомжтой байсан ч хүүхэн Роберт рүү дөхөн ирээд, -Үүнийгээ батлая л даа гэснээ гуяыг нь илэн уруулыг нь шимэн үнсжээ.
"Ийм явдал тэртээ нэгэн цагт байсан сан".
Тэд ор руу явсан ч энэ удаа хагссан биеийнх нь цангааг тайлж чадсангүй өнгөрчээ.
Анх удаа тэр ичгэвтэр байдалд орох нь тэр.
-Хонгор минь, битгий санаа зов, бүх юм гойд сайхан болно гэж зураач бүсгүй тайвшруулав.
Бүсгүй андуурчээ. Сюзанаас урваж болохгүй гэсэн солиотой бодол нь өөр эмэгтэйг хайрлаж чадахгүйд хүргэснийг Роберт ойлгон цөхөрсен амьтан гэртээ эргэж ирэв.
Хэдэн долоо хоногийн дараа мань эр эм хүнтэй үүл борооны явдал үүсгэх оролдлого хийв. Энэ нь Тэнгисийн цэргийн удирдах газрын сонирхол татам нарийн бичгийн дарга эмэгтэй байлаа. Хүүхэн дэндүү тачаангуй байн түүний сэрлийг өдөөх гэж аль байдгаараа оролдсон ч тус болсонгүй, тэрээр зөвхөн Сюзаныг бодсоор.
Энэ явдлаас хойш тэрээр хүүхнүүдтэй ойртох бүх оролдлогоо зогсоожээ. Эмчид үзүүлэн зөвлөгөө авах бодол үе үе бодогдовч, энэ бодлоосоо ичнэ. Түүнд эмнэлгийн ямар ч эм бэлдмэл тус болохгүй, учир юунд байгааг өөрөө сайн мэдэх билээ. Тэгээд Роберт шургуу хөдөлмөрлөхөөр ажил руугаа шуранхайлан оржээ.
Сюзан долоо хоногт дор хаяж нэг удаа утасдан, "Угаалгын газраас цамцаа авахаа мартав", эсвэл "Би гэрийг чинь цэвэрлүүлэхээр цэвэрлэгч явуулья. Чамайг дэндүү эмх замбараагүй байгаа гэж мөрий тавихад ч бэлэн байна" гэдэг байлаа.
Түүнийг утасдах бүрд ганцаардал нь улам нэмэгдэнэ.
Сюзан хурим хийхийнхээ урд орой нь утасдлаа.
-Роберт, маргааш би гэрлэнэ гэжзэ.
Түүнд амьсгалахад хэцүү болж, амьсгаа нь давчдав.
-Сюзан. . .
-Би Монтед хайртай, чамд ч гэсэн хайртай, үхэн үхтлээ хайрлах болно. Чамайг энэ тухай үргэлж санаж явахыг би хүсч байна гэлээ.
Үүнд нь юу гэж хариулах билээ?
-Роберт чи зүгээр үү?
"Тийм ээ, бүгд маш сайн байна, дутагдаж гачигдсан тэр зүйлээсээ болоод би тайган эр болон хувирсан”
-Роберт оо?
Тэр өөрийн энэхүү гачландаа түүнийг буруутгаж зүрхэлсэнгүй.
-Зүгээр, бүгд сайн. Чи надад ганц тус үзүүлж чадах уу? гэлээ.
-Чадах л бүхнээ хийнэ.
-Хуримын аялалдаа бидний явсан газруудаар чамайг авч явахыг түүнд.. . түүндээ бүү зөвшөөрөөрэй.
Тэр харилцуураа тавин дахин архидах өвчинд автжээ.
Энэ бүхэн жилийн өмнө болж, бүх юм өнгөрчээ. Тэрээр Сюзан хүний эхнэр болсон гэсэн бодолдоо дасах гэж өөрийгөө албадана. Роберт жинхэнэ ёсоор амьдрах хэрэгтэй байлаа. Түүнийг олох ёстой гэрчүүдийн нэр хаягийг авсан зурагчин Лесли Модершедтэй уулзах онц чухал ажил хүлээж байв.


Top
   
PostPosted: Oct.12.16 1:05 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 18.

Лесли Модершедийн сэтгэл гүн хөөрлийн байдалтай байв. Өөрийн үнэт хальсаа аван Лондонд зургийн лаборатори болгосон жижигхэн амбаар руугаараа яаравчлан ирж, хальс угаах хэрэгсэл, термометр, хавчаар, граммын хуваарьт дөрвөн том шилэн сав, хугацаа хэмжигч, зургийн хор, бэхжүүлэгч гэхчилэн хэрэгтэй бүхэн нь байгааг нягтлан үзлээ. Тэрээр гэрлээ унтраан, жижигхэн улаан гэрэл асаалаа. Мань эр кассет онгойлгон хальсаа гаргаж ирэхэд гар нь салганан чичирсэнгүй, харин тайвшрах гэж хэдэнтээ гүн амьсгаа авлаа.
"Бүх юм хэвийн байх болно. Ямар ч алдаа байх ёсгүй. Ээжийн минь нэрийн өмнөөс" хэмээн бодлоо.
Лесли дамарт хальсаа ороон угаах савандаа хийн нэгдүгээр хороор дүүргэв. Хор нь Фаренгейтын 68 градустай байгааг сайтар хянан хэмжиж, дамраа эргүүлэн, арван нэгэн минутын дараа хорноос гарган, бэхжүүлэгчид хийлээ.
Тэрээр алдаа хийчих вий гэсэндээ айн бухимдана. Лесли хальсаа бэхжүүлэгчээс гарган, арван минут усаар зайлснаа дахин цэвэрлэгч шингэн уусмалд сойн, дараа нь дахин хоёр минутын турш цоргоны хүйтэн усанд барилаа.
Эцэст нь тун болгоомжтойгоор хальсаа дамраас салган, хавчаараар өлгөн жижиг голтой резинэн өнхрүүшээр хальсанд үлдсэн усыг арчлаа.
Одоо зөвхөн хальс хатахыг хүлээх үлдлээ.
Хальсаа үзэх цаг нэгэнт болжээ. Амьсгаагаа түгжин, зүрхнийхээ цохилтыг сонссоор Модершед эхний хальсыг авч гэрэлд харлаа, Гайхалтай!
Кадр бүр үнэлж барамгүй, ийм зургаар бахархахгүй ганц ч зурагчин энэ дэлхийд үгүй. Оньсогын юм шиг сансрын хөлгийн хэсэг бүр, дотор нь байгаа харийн хүний бие хаа тод томруун харагдана.
Хальсыг нягтлан үзсээр урьд өмнө ажиглаагүй хоёр зүйлийг олж харжээ. Эвдэрхий хөлөгт гурван сандал байгаа атлаа, зураг дээр хоёр харийн хүний цогцос байв. Бас нэг хачин зүйл харсан нь, харийн зочны нэгэнд нь гар байхгүй байгаа нь зураг дээр тод гарчээ. "Энэ амьтан ганц гартай юм болов уу?" хэмээн Модершед бодлоо. "Бурхан минь, зурагнууд яахын аргагүй үнэн баримтыг харуулжээ! Ээжийн зөв байж, би суут хүн юм". Тэрээр өөрийн хавчиг оромжоо харснаа: "Дараагийн удаа, Итон-скверт өөрийн харшдаа, сайтар тоноглосон, асар том лабораторид хальсаа боловсруулах болно" гэсэн хийрхүү нэгэн санаа түүний толгойд зурсхийн орж ирэв.
Мань хүн шаазгай зүү олоод гэгчийн үлгэрээр авсан зургаа илэн таалсаар. Ийм ховор нандин зурагнаас татгалзах нэг ч сэтгүүл, сонины газар байхгүй. Энэ бүх хугацаанд өөдгүй амьтад түүний зургийг "Бидэнд илгээсэн зургийг буцаалаа, баярлалаа. Одоогоор зургийн хэрэг бидэнд алга", эсвэл "Зураг явуулсанд талархая, бидний аль хэдийнэ хэвлэсэн зурагтай их адил байна", "Таны ирүүлсэн зургийг бүцаалаа" гэсэн тэс- вэрлэшгүй зурваснуудын хамт буцаадаг байжээ.
Энэ бүх хугацаанд тэр алга тосон ажил гуйн, тэднийг шалж байсан бол, одоо тэд өерсдөө түүний өмнө ӨВДӨГ сөхрөн мөлхөх болж, мань хүн энэ бүгдийн төлөө их мөнгө төлөхийг шаардана. Модершед цаашид хүлээж тэссэнгүй, алгуур эхлэхээр шийдлээ. Чөтгөр авсан холбооны компани төлбөр удаасны төлөө утсыг нь тасалж орхисон тул Лесли гадагш гарч утасдах хэрэгтэй болов.
Тэрээр гэнэт ер бусын бүх л мэдээ мэдээллийг тэмдэглэн өнгөрүүлдэг "Ланган" орж, өглөөний тансаг хоол захихаар шийджээ. "Ланган"-д мэдээжээр түүний бэл бэнчин хүрэхгүй ч тэнд очиж шинэ мэдээллээ түмэнд зарлан тунхаглаж тэмдэглэх хэрэгтэй санагджээ. Эд баялаг, алдар хүндийн босгыг алхан орж чадсан билүү дээ?
Үйлчлэгч Модершедийг булангийн ширээнд суулгажээ. Лесли өөрийнх нь суусан ширээнээс арван футийн зайд хоёр танил царай суухыг олж харав. Сайхь эр гэнэт тэдний хэн болохыг танимагц, хамаг бие нь чичрэх шиг болов.
Майкл Кейн, Рожер Мур нь өөрийн биеэрээ байх чинь! Ээж нь амьд мзнд байсан бол энэ уулзалтын тухай ам мэдэн ярихсан. Эх нь кино оддын тухай унших мөн ч дуртай байсан аж. Жүжигчид амарлингуй инээлдэн, тун зугаатай харагдахад Модершед тэднийг харахгүй байж тэвчсэнгүй.
"Маадгар новшнууд. Магадгүй надыг очиж гарын үсгийг нь авахыг хүлээж байгаа даа За яахав, хэд хоногийн дараа та нар миний гарын үсгийг гуйн, найз нөхөддеө: "Лесли чамайг Чарльз, Ди хоёртой танилцуулах гэсэн юм. Энэ Ферги, Эндрю нар. Харин энэ бол ҮМНБ-ийн зургийг нөгөө залуу, Лесли шүү дээ" гэж баяр ёслолын байдалтай танилцуулах болно доо".
Лесли цайлж дуусаад кино жүжигчдийн сууж буй ширээний дэргэдүүр өнгөрөн утасны бүхээг рүү бяцхан шатаар дээш өгсөв. Тэрээр лавлахаас "Сан" сэтгүүлийн утасны дугаарыг авлаа.
-Би гэрэл зургийн хэлтсийн редактортой ярих гэсэн юм.
-Чалман сонсож байна гэх эрэгтэй хүний дуу харилцуурт сонсогдов.
-Харийн хоёр зочинтой, ҮМНБ-ийн зурганд та хэдийг төлөх вэ?
-Хэрэв зургийг үнэхээр сайн эвлүүлсэн бол бид ончтой мэХЛЭГЧ зургийн хэлбэрээр тавьж болох юм, тэгээд. . .
-Мэхлэн төөрүүлээгүйд хэргийн учир байгаа юм. Надад энэ зургийн үнэн мөнийг батлах гэгээнтэн лам бүхий арвын зэрэг эрчүүдийн нэр хаяг бий шүү гэж Модершед хорсолтой хэллээ.
Редакторын дууны өнгө илт өөрчлөгдөв.
-Тийм үү? Та энэ зургийг хаана авсан бэ?
-Энэ танд падгүй хэрэг. Та зураг сонирхох уу? гэж Модершед үгийг нь бүдүүлгээр таслав.Тэдэнд маллуулахыг хүсэхгүй учраас илүү дутуу үг ярьсангүй.
Энэ удаад редакторын дуунд сониуч зан илэрчээ.
-Зургаа хуурамч биш гэж нотлож чадвал бид ихэд сонирхох болно гэв.
"Чөтгөр ав гэж, чадалгүй яах билээ" гэж Лесли баясан бодов.
-Би тан руу дараа яримз гээд Лесли харилцуураа өлгөлөө.
Дараагийн хоёр яриа мөн л амжилттай өндөрлөв. Модер- шед гэрчүүдийн нэр усыг авч тун зөв алхам хийснээ ойлгожээ. Хуурамч зураг гэж хэн ч түүнийг зэмлэн буруутгаж зүрхлэхгүй. Эдгээр зураг бүх дэлхий даяар сонин сэтгүүлийн эхний нүүрэнд "Фото зурагчин Лесли Модершедийн зургууд" гэсэн тайлбартай хэвлэгдэх болно.
Ресторанаас гарахын өмнө Лесли хоёр жүжигчний ширээнд ойртон очоод,
-Төвөг удсанд уучлаарай, надад гарын үсгээ өгөхгүй юу? гэв.
Майкл Кейн, Рожер Мур хоёр эелдэгээр инээмсэглэн цаасны булан дээр өөрсдийн нэрийг сараачаад Лесли рүү сарвайв.
-Баярлалаа,эрхмүүд ээ.
Модершед гудамжинд гарснаа гарын үсэгтэй цаасыг ууртайгаар тасар татан хаялаа.
"Чөтгөр шулам руугаа тонилтугай. Одоо би та нараас дээгүүр зогсох болно"


Top
   
PostPosted: Oct.12.16 1:19 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 19.

Роберт такси барин Уайтчепелийг зүглэв.
Машин хотын дэргэдүүр өнгөрөн зуугаад жилийн тэртээ гэдэс хүүлэгч Жекээр алдаршсан Уайтчепелийн дүүргийг чиглэн давхилаа. Уайтчепелийн дагууд хувцаснаас эхлэн, шинэхэн ногоо, хивс хүртэл зарах хэдэн арван мухлаг байрлажээ. Модершедийн суудаг дүүрэг тийш ойртох тусам улам бүр ядуу дорой болж, хүрэн өнгийн чулуугаар барьсан хамуурсан тэмээ шиг зулгарч халцарч гүйцсэн байшингууд харагдаж эхлэв. Такси "Виверз армз" пивоны мухлагийн дэргэдүүр өнгөрөхөд магадгүй Модершед ийшээ орж гарч, Уолтерийн "Бооцооны контор" гэсэн хаягийг харснаа, Модершед энд морин уралдаанд бооцоо тавьдаг байж магад гэж Роберт бодлоо.
Ингээд такси Гров-роудын 213-А байрны үүдэнд ирлээ. Роберт мөнгөө төлөн, машинаас буугаад өмнөө байгаа байшинг анхааралтай гэгч нь харав. Тэр нь хэв загвар муутай, жижигхэн тасалгаа болгон хуваасан хоёр давхар байшин байлаа. Энд Робертын хайж буй гэрчүүдийн нэр хаяг бүхий жагсаалттай хүн байх учиртай.
Лесли Модершед тэнгэрээс бууж ирсэн аз хишгээ эргэцүүлэн бодож зочдын өрөөндөө сууж байлаа. Гэнэт хонх дуугарахад толгой өндийлгөн хөшиж орхисноо тайлбарлаж боломгүй гэнэтийн аймшиг нөмрөн авахыг мэдэрлээ.
Модершед үнэлж барамгүй зургаа шүүрэн авч лаборатори руу хурдлан очиж хуучин зургаар дүүргэсэн цүнх рүү чихэж орхиод эргэн ирж үүдээ нээв. Босгон дээр нь үл таних хүн зогсож харагдав.
-Танд юу хэрэгтэй вэ?
-Та Лесли Модершед үү?
-Тийм ээ. Танд юу хэрэгтэй вэ?
-Орохыг зөвшөөрнө үү?
-Мэдэхгүй дээ. Та ер нь яах гээв?
Роберт батлан хамгаалах яамны ажилтны үнэмлэхээ гарган Леслид үзүүлэв.
-Би тусгай хэргээр явж байна, ноён Модершед. Хоёулаа энд ярилцах уу эсвэл яаман дээр уулзалдах болж байна уу хэмээн Роберт бардамнан хэлээд, зурагчны царайд айдас төрөхийг
ажив.
Модершед балмагдан сандарч шүлсээ гүдхийтэл залгив.
-Таны юу хүсээд байгааг мэдэхгүй юм, гэвч. . . та орооч гэлээ.
Роберт ядуу хоосноо далдлан нуусан уйтгартай, бохир заваан өрөө рүү орлоо. Хэн ч сайн дураараа ийм оромжид амьдрахгүйсэн.
-Танд юу хэрэгтэйгээ тайлбарлаж болохсон болов уу гэж Лесли Модершед цухалдсан аяс тодруулахыг чармайн асуув.
-Би танаас хэдэн гэрэл зургийн талаар асуух гэж ирсэн юм.
Тэр мэдээд байсан юмаа! Хонх дуугармагц л энэ тухай мэдсэн юм. "Өөдгүй новшнууд намайг мөнгөнөөс минь салгахыг оролдож байх шив. За яахав, тэгэх ч үгүй шүү".
-Та ямар зургийн тухай ярьж байгаа билээ?
-ҮМНБ унасан газарт авсан гэрэл зургийн талаар хэмээн Роберт тун тайван өгүүлэв.
Модершед Робертыг харан, чихэндээ ч итгэсэнгүй гайхсанаа дараа нь инээмсэглэх гэж оролджээ.
-Аан, тэр үү? Хэрэв надад байсан бол танд өгөхсөн.
-Та зураг авсан биз дээ?
-Оролдсон.
-Энэ чинь ... оролдсон гэдэг чинь юу гэсэн үг вэ?
-Гайхал зурагнууд юм болсонгүй. . . Аппарат эвдэрчихэж, хоёр дахь удаагаа ийм явдал тохиолдож байгаа нь энэ. Би бүр хальсаа хаячихсан шүү. Шал дэмий хальс үрж орхисон, хальс ямар үнэтэй байгааг та мэднэ биз дээ хэмээв.
"Тааруухан худлаа хэлж байх шив, тэвдэж байгаа нь илт байна" гэж бодсон Роберт харамссан дүр үзүүлэхээр шийдлээ.
-Тун харамсалтай, зураг их хэрэгтэй байсан сан гэлээ.
Роберт зорчигчдийн нэрсийн жагсаалтын талаар дурссангүй өнгөрлөө. Модершед зургийн тухай худал хэлж байгаа юм чинь жагсаалтын тухай мэлзэж л таараа. Роберт тасалгааг гүйлгэн харав. Зурагнууд болон нэрсийн жагсаалт энэ өрөөнд хаа нэг газар л байгаа, хайж олоход төвөггүй. Байр нь бага шиг зочлох өрөө, унтлагын өрөө, угаалгын өрөө, бас агуулах руу ордог бололтой хаалга харагдана. Робертод зурагчнаас хувийн материалаа өгөхийг шаардах эрх байсангүй, гагцхүү британийн аюулгүй албаныхан савраа сунган авч болох биз.
-Тийм ээ. Тэр зураг овоо үнэ хүрэх байлаа гэж Модершед санаа алдан хэллээ.
-Надад сансрын хөлгийн тухай ярьж өгөөч хэмээн Роберт түүнээс гуйв. Модершедийн хамаг биеэр нь жихүүдэс гүйх шиг болов. Айдас хүрэм энэ зураглал түүний ой ухаанд хоногшжээ.
-Би үүнийг хэзээ ч мартахгүй. Надад хөлөг амьд амьтан шиг санагдсан. Тэр ад шулам шүглэсэн мэт, дотор нь харийн хоёр хүний бие цогцос хүртэл байсан.
-Автобусны зорчигчдын тухай юу гэмээр байна?
"Мэдээж, мэдэлгүй яах вэ? Надад тэдний нэр ус, хаяг нь бий л дээ" гэж Модершед дотроо бодлоо.
-Тэдний тухай юу ч хэлж чадахгүй байх гэж айж байна. Би автобусанд яваагүй шүү дээ, тэдний хэнийг ч мэдэхгүй гэж хэдийнэ тайвширсан янзтай хэллээ.
-Ойлголоо. Тусласанд талархая, ноён Модершед. Зураг бүтэлгүйтсэн нь тун харамсалтай байна гэж Роберт өгүүлэв.
-Би ч бас гээд Модершед үл таних зочноо үдэн хаалгаа хаагаад: "Энэ өөдгүй амьтанг мэхэлж дөнгөлөө шүү" гэж баясан боджээ.
Роберт байрнаас гарахдаа хаалганы цоожийг сайтар харж авав. Хуучин юм. Онгойлгож ядах юм огт алга, цоожийг онгойл- гоход хэдхэн секунд хангалттай. Тэрээр шөнөжин байшинг ажиглаад, өглөө нь зурагчинг гэрээсээ гарч явахыг хүлээжээ. "Зорчигчдын нэрсийн жагсаалтыг олж авбал, даалгаврыг тун амархан гүйцэтгэнэ.
Роберт Модершедийн гэрийн ойр жижгэвтэр буудалд өрөө хөлслөн аваад генерал Хиллиардтай ярилаа.
-Англи гэрчийн нэр, хаяг надад байна, генерал аа.
-Сайн байна, түр хүлээ... таныг сонсож байна, захирагч аа.
-Лесли Модершед Уайтчепел, Гроуд-роуд, 213А-Д амьдардаг.
-Сайн байна, би Британийн засгийн газартай холбоо барья, тэд түүнтэй ярилцаг гэлээ.
Роберт автобусны зорчигчдын нэрсийн жагсаалт болон гэрэл зургийн талаар нэг ч үг дурссангүй. Энэ түүний хожлын хөзөр байх болно.
Реггийн загасны дэлгүүр нь Бромптон-роудын зэргэлдээх нарийхан бөглөө гудамжинд байрлана. Дэлгүүр тийм ч том биш, үйлчлүүлэгчид нь гол төлөв ойр хавьд нь ажилладаг үйлчлэгч, нарийн бичгийн дарга бүсгүйчүүд ажээ. Дэлгүүрийн ханыг хөл бөмбөгийн тэмцээний гоёмсог плакатаар эргэн тойронд наасан байх бөгөөд зураг наагаагүй хэсэг ханыг харахад лавтай бүхэл зууны турш будаагүй гэлтэй.
Лангуун дээрх утасны хонх хоёронтоо жингэнэн дуугарахад хир тосондоо дарайсан ноосон улаан цамцтай махпаг эр харилцуурыг авлаа. Зүүн нүдэндээ өрөөсөн нүдний шил зүүгээгүй бол тэр хүн Ист-Эндийн жирийн оршин суугчдын нэг мэт харагдахсан. Сайхь эрийн цэнхэр шилэн нүдийг харсан хэн боловч өрөөсөн нүдний шил зүүдэг учрыг нь тайлах буй заа.
-Регги сонсож байна.
-Бишоп байна.
-Сонсож байна, эрхэм ээ хэмээн Регги шивнэх шахам дуугаа намсгав.
-Манай үйлчлүүлэгч Лесли Модершед, Гроув-роуд, 213-А. Энэ захиалгыг нэн даруй гүйцэтгэ. Ойлгов уу?
-Хэдийнэ гүйцэтгэсэнд тооцож болно, эрхэм ээ.


Top
   
PostPosted: Oct.13.16 7:11 am 
Offline
Асуулт Самбарын Хvндэт Харуул
User avatar

Joined: Sep.21.09 1:02 pm
Posts: 6273
Location: Энд
Харамсалтай юм. Ядаж бхад Сюзан олиггүй амьтантай суусан бололтой. Роберт юун ч гэнэн юм дээ тусгай ажилтан бж хамаг амьтны хаяг нтр-ийг өгөөл.

Баярлалаа :cheerleader: :cheerleader:

_________________
:wink:


Top
   
PostPosted: Oct.14.16 1:58 am 
Offline
Өвөг Дээдсийн Сахиус Гишvvн
Өвөг Дээдсийн Сахиус Гишvvн

Joined: May.10.10 2:23 am
Posts: 706
за манайхан завгүй байна уу, хүлээж байгаа шүү, зүгээр суухаар цаашаа юу болохыг зөгнөөд үзье, мань Роберт зорчигчийн нэрийн жагсаалт, зургийг хулгайлахаар зурагчны хаалганы цоожийг онгойлгоод гэрт нь байж байтал зурагчинг устгах ёстой нууц албаныхан орж ирээд андуурч Р...за Сидни ах ямар нэг арга бодож олоо байлгүй...ном оруулж байгаа сайхан сэтгэлтэй, хөдөлмөрч нөхдөдөө гүнээ талархаж байгаа шүүүүү


Top
   
PostPosted: Oct.14.16 2:09 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 20.

Гэрэл зурагчин Лесли Модершед бүх дэлхийн хэвлэлийн төлөөлөгчид надаас ярилцлага авах болно доо гэсэн амттайхан мөрөөдөлдөө автсаар. Тэд түүний саяхан эзэн суусан Шотланд дахь, Францийн өмнө зүгт орших харшийнх нь тухай асууцгаана.
"Английн хатан хаан танаас хатан хааны албан ёсны гэрэл зурагчинаа болгох санал тавьсан гэдэг нь үнэн үү? ", "Тийм ээ, би түүнд энэ саналыг бодолцоё гэсэн л дээ. Харин одоо ноёд, хатагтай нараа та бүхнээс хүлцэл өчье, Би-Би-Сигийн нэвтрүүлгээс хожимдох нь байна".
Ухаан бодолдоо ургуулан бодож байсан ярилцлага нь хонхны дуугаар замхран ариллаа. Лесли цаг руугаа хяламхийн харвал 11.00-ыг зааж байв. Нөгөө эр дахин ирж байна гэж үү? Үүд рүү очсоноо болгоомжтойхон нээсэнд, хаалганы цаана өөрөөс нь атигар биетэй, зузаан шил зүүсэн, хатсан борц шиг хорчийсон, цонхийж цайсан царайтай нэгэн эр зогсох үзэгдэв.
-Өршөөгөөрэй, ийм цагаар ирж таны тав тухыг алдуулсанд уучлаарай. Би таны зэргэлдээ байранд суудаг л даа, таны хаяган дээр гэрэл зурагчин гэж бичсэн байна хэмээн хулчиганан хэллээ.
-Тэгээд юу гэж?
-Та паспортны зураг авах уу?
Лесли Модершед паспортын зураг авах бил үү? Дэлхий даяар алдар цуутай болох гэж буй эр үү дээ? Ийм амжилттай байхад Микеланжелогоор угаалгын өрөөнийхөө ханыг будуулахаар гуйх байлгүй дээ!.
-Үгүй шүү гэж Лесли бүдүүлгээр хариулаад хаалгаа хаахаар завдав.
-Надад танд төвөг удах тийм ч таатай биш байна л даа, гэвч би эвгүй байдалд орчихлоо. Маргааш өглөөний 8 цагт миний онгоц Токио руу нисэх гээд, дөнгөж сая паспортоо авч үзвэл зураг нь алга гэлээ. Ёстой аймшигтай юм, гэр орноо орвонгоор нь эргүүлэх шахам эрлээ. Гэрэл зураггүй паспорттой намайг онгоц руу оруулахгүй дээ гэх газрын бэтэг шиг эр уйлагнах нь уу гэлтэй болов.
-Тун харамсалтай, гэвч яаж ч тус болж чадахгүй нь хэмээн Модершед хариулав.
-Би танд зуун фунт төлье л дөө.
"Зуун фунт уу? Гоёмсог харш, дарвуулт хөлгийн ззэнд үү дээ? Хөх инээд хүргэчихлээ шүү!"
Бяцхан эр бууж өгсөнгүй.
-Би илүүг ч, хоёр зуу, гурван зууг ч төлж чадна. Би заавал нисэх ёстой, тэгэхгүй бол ажпаасаа мултрах нь гэлээ.
"Гурван зуун фунт, зөвхөн паспортын зургийн төлөө юу?" Угаахыг эс тооцвол арван секундын ажил.
Модершед 1 минутанд 1800 фунт, цагт 10800 фунт, өдөрт 44400 фунт, долоо хоногт... хэмээн тархиндаа тооцоолж эхлэв. -Та надад тус болохгүй юу?
Леслигийн биеэ тоосон зан нь ховдог шунахай сэтгэлтэйгээ Тэмцэлдэж, эцсийн дүнд шунахай сэтгэл нь дийлжээ. Лесли цайны мөнгө юунд илүүдэх билээ хэмээн боджээ.
-Ороод, ийшээ хана руу зогс гэж Модершед хэлэв. -Баярлалаа, танд тун их баярлалаа.
Лесли "Полариод" гэдэг аппаратгүйдээ харамсав. Байсан бол тун хялбар байх сан. Тэрээр "Вивитар" аппаратаа авчирлаа.
-Тайван зогсоорой.
Арван секундийн дараа бүгд дууслаа.
-Хальс угаахад хэдхэн минут хэрэгтэй. Та багцаагаар. . . гэж Модершедийн хэлэхэд зочин эр,
-Та татгалзахгүй бол би энд хүлээж байя гэлээ.
-За тэг дээ. Дураараа бол.
Модершед лабораторид орж улаан гэрэл асаан, аппаратаа хар ханцуй руу шургуулан хальсаа авлаа. Түргэхэн хийх хэрэгтэй, тэртэй тэргүй энэ зураг паспортон дээр үзлийн муухай харагдана. Таван минутын дараа хальс бэлэн болоход тэрээр гэнэт утааны үнэр хамрыг нь цоргихыг мэдрэв. Хэдэн агшны дараа үнэр бүр нэмэгдэв. Мань эр сандран хаалгаа онгойлгохоор оролдтол үүд онгойсонгүй. Модершед хамаг хүчээрээ түлхээд ч онгойлгож эс чадав.
-Хөөе! Наана чинь юу болоод байна? гэж хашгирвал хэн ч хариулсангүй.
-Хөөе! гээд тэрээр мөрөөрөө хүчлэн хаалгыг мөргөвөл ямар нэгэн хүнд зүйлээр хаалгыг нь дарж орхижээ.
-Эрхэм ээ?
Хариу байдаггүй, гагцхүү тас няс хийх чимээ сонсогдон, утааны үнэр тэсвэрлэхийн аргагүй болж, гэрт нь ямар нэг зүйл шатаж байгаа нь ойлгомжтой боллоо. "Нөгөө хүн тусламж дуудахаар явсан байх" гэж Лесли бодоод дахин хаалгаа мөрөөрөө хүчтэй түлхсэн атал хаалга нээгдсэнгүй.
-Туслаарай! Намайг эндээс гаргаач! гэж бачимдан xaшгирав.
Хаалган доогуур утаа уугин орж ирэхэд Лесли дөл нь мөдхөн дүрэлзээд ирэхийг ойлгожээ. Гашуун утаа хоолой хорсгон, хахаж цацан ханиалгаж, амьсгалахад бүр ч хэцүү боллоо. Модершед цамцны захаа хуу татан авч ам хамраа таглан шуналтайгаар амьсгалсанд халуун агаар даавуун захыг цаанаас нэвт сорогдон төөнөж, ухаан алдан, өвдөг сөхрөн уналаа.
“Ээ Бурхан минь, намайг битгий үхүүлээч. Алдар хүнд, баян чинээлэг амьдралын замд орох гэж байхад минь битгий үхүүлээч...”
-Регги ярьж байна. Захиалга биелүүлсэн үү?
-Тийм ээ, эрхэм ээ. Бага зэрэг шарагдсан, гэвч хугацаандаа диваажинд хүргэгдсэн.
-Сайн байна.
Роберт шөнийн 2 цагийн орчим Модершедийн гэрийг ажиглаж эхлэхээр иртэл гахалдсан машин тэрэг түүнийг гайхшруулж орхив. Гудамж гал командын машин, "түргэн тусламж"-ийн тэрэг, цагдаагийн машинаар дүүрчээ. Мань эр цугларсан
хүмүүсийн дундуур чихсээр гал гарсан газар рүү яаран дөхөж
очлоо
Гэрэл зурагчны сууж байсан давхар бүхэлдээ галд өртжээ. Юунаас болоо вэ? гэж Роберт дэргэдэх цагдаагаас асуувал
-Одоохондоо мэдэхгүй, алив хойшоо болооч гэв.
Энд миний хамаатан залуу амьдардаг юм. Тэр зүгээр үү?
гэвэл,
Үгүй байх аа. Түүнийг дөнгөж сая гаргаж ирсэн гэх түүний дуунд харамсал илэрхийлэх өнгө илт ажээ.
Роберт хоёр сувилагч дамнуурга дамнан "түргэн тусламж"- ийн машин руу явахыг харлаа.
Би түүнтэй хамт амьдардаг байсан юм. Тэнд миний бүх л хувцас байгаа, түүнийгээ авахыг. . . гэвэл нөгөө эр толгой сэгсрэн,
Энэ бүтэхгүй байх, эрхэм ээ. Үнс нурамнаас өөр юм үлдээгүй гэлээ.
"Үнс нурамнаас өөр юм үлдээгүй. Зураг, зорчигчдын нэрс, хаяг бүхий үнэт зурвас үлдсэнгүй. Чөтгөр ав, цаашид тааж мэдэхийн аргагүй боллоо" хэмээн Роберт гашуудан бодлоо.

***


Дастин Торнтон Вашингтон дахь Стоуны өрөөнд зассан тансаг ширээний ард хадамын хамт цайлж суулаа. Дастин агуу их сүр хүчин төгөлдөр хадмынхаа дэргэд үргэлж сэтгэл нь хөдлөн тэвдэх ажээ.
Уиллард Стоун тун сайхан ааштай байлаа.
Өчигдөр орой би ерөнхийлөгчтэй зоог барьсан, Дастин, тэр чамд тун сэтгэл ханамжтай байгаа гэсэн шүү.
Би баяртай байна.
Чи чухал үүрэг гүйцэтгэн, олиггүй этгээдүүдээс хамгаалахад туслаж байна гэж хадам өвгөн хуучлав.
Олиггүй этгээдүүд гэнэ ээ?
Тийм, агуу орныг минь сөхрүүлэхийг эрмэлзсэн хэн бүгдээс
Гадны дайсан этгээдээс гадна дотоодын дайсан этгээдүүд бишгүй бий.
-Тэрслүү этгээдүүд.
-Зөв дөө, Дастин, тэрслүү этгээдүүд. Тэд заавал шийтгэл амсах ёстой, хэрэв...
Зоогийн танхимд нь нэгэн эр орж ирэв.
-Эрхэм Стоун, уучлал эрье, нөгөөдүүл ирээд таныг хүлээж байна.
-За, надад чухал ажил гарлаа, Дастин. Чи ганцаар хооллож дуусга. Нэгэн сайхан өдөр энэ бүгдийн тухай чамд хэлж магад.


Top
   
PostPosted: Oct.14.16 2:19 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг21.

Цюрихийн гудамж хэлбэр дүрсгүй асар том биетэй, загасны нүд шиг жижигхэн нүдтэй, чанасан загасны мах шиг өнгөт арьстай хачин амьтнаар дүүрэн байх агаад эдгээр амьтад махаар хооллодог тул тэдний биенээс ханхлах өмхий үнэр түүнийг цухалдуулна. Зарим змэгтэйчүүд алсан амьтныхаа арьсыг нөмөрчээ. Тэр амьдралын эрч хүчийг нь сэлбэж байсан хиймэл дагуулд нь учирсан осолд ихээхэн цочирджээ.
Тэр Дэлхий дээр дөрвөн мөчлөгийн туршид амьдран энэ хугацаанд юу ч идэж уусангүй.
Шинэхэн борооны ус ууж чадах түүний ам нь цанган зовоох авч, Дэлхий дээр ирсэн тэр нэгэн шөнөөс хойш дусал бороо ч орсонгүй. Энд борооны уснаас өөр ус ууж болохгүй. Бүсгүй идэш ууш зарж буй газар орох гэсэн боловч өмхий үнэрийг нь тэсэж чадахгүй байлаа. Тэрээр шинэхэн ногоо, жимс идэхийг оролдсон атал, ямар ч амтгүй, өөрийн гаригийнх нь амттай, шүүслэг жимс ногоотой эн зэрэгцэх нэгээхэн ч зүйл байсангүй.
Түүний нэрийг Грация гэдэг.
Тэрээр өндөр, сүрлэг бие хаатай, гэрэл цацарсан сайхан ногоон нүдтэй ажээ. Хөлөг осолд орсон газраас ам мөлтөс мултарч гараад, дэлхийн хүн төрхөнд шилжин, одоогоор илчлэгдчихээгүйхэн шиг хүмүүсийн дунд яваа нь энэ.
Тэрээр ширээний ард дэлхийн хүн зонд зориулсан тав тухгүй сандалд суун эргэн тойронд байгаа хүмүүсийн санааг уншина.
Хажуугийн ширээнд суугаа хоёр хүний нэгний нь,
-Амьдралд ганц удаа л ийм боломж олдоно, Франц аа! Эхлэхэд ердөө л тавин мянган франк хүрэлцэх үү? Чамд 50000 франк бий биз дээ? гэж чангаар орилох хийгээд түүний дотроо "Зөвшөөрч үз, гахай минь. Надад шан харамж нь хэрэгтэй байна" гэх бодлыг нь уншив.
-Тийм ээ, гэвч би мэдэхгүй. . ."Эхнэрээсээ мөнгө зээлэх болох нь"
-Хөрөнгө оруулах талаар би чамд муу зөвлөгөө өгч байл уу? "Алив, шийдээч дээ гахай минь".
-Энэ ч их мөнгө шүү. "Тэр надад хэзээ ч мөнгө өгөхгүй"
-Хэтийн төлөв яалаа? Энэ чинь саяыг олох боломж.
"За гэж хэлээч".
-За яах вэ, зөвшөөрлөө.
"Түүний үнэт эдлэлээс нь нэг юм заруулж дөнгөх байх"
"Болчихлоо!"
-Франц аа, чи хэзээ ч харамсахгүй шүү.
Грация энэ нь юун тухай яриа болохыг гадарласангуй.
Рестораны тэртээ буланд эр, эм хоёр суун, өөр хоорондоо намуухан ярилцана. Грация тэдний яриаг сонсохоор шийдлээ. Бас бодлыг нь.
-Бурхан минь! Чи яагаад жирэмсэлчихдэг байна аа?
"Тэнэг, гичий".
-Яагаад ийм болсныг харин чи юу гэж бодож байна вэ?
"Энэ чиний ичимхий эрхтэний хийсэн хэрэг!"
Жирэмслэлт гэдэг чинь энэ амьтдын үржих арга байтал тэд амьтад адил бүдүүлгээр хэлэх нь юу билээ.
-Чи тэгээд яах гэж байна, Тина? "Чи үр хөндүүлэх ёстой".
-Чи надаас юу хүсээв? Эхнэртээ миний тухай хэлнэ гэсэн биз дээ. "Худалч новш."
-Сонсооч, хайрт минь, одоо цаг нь биш. "Чамтай учирч байдаг би мөн ч мулгуу юмаа. Таагүй уршиг гарч болно гэдгийг ухаарах хэрэгтэй байж".
-Надад ч хэцүү байна, Пол. Чи надад хайргүй юм шиг санагдах боллоо. "Алив, хайртай гэж хэлээч дээ".
-Мэдээж, би чамд хайртай. Гагцхүү эхнэрт маань хүндхэн үе тохиолдчихоод байна. "Гэвч би түүнээсээ салахгүй л дээ".
-Надад ч бас хүндхэн үе тохиочихоод байна. Чи ойлгож байна уу? "Чөтгөр ав гэж, чи надтай гэрлэх болно доо" эмэгтэйн нүдэнд нулимс цийлэгнээд ирлээ.
-Тайвшир, хонгор минь. Бүх юм ёсоороо болно гэж чамд амлая. Би чам шиг бас хүүхэдтэй болохыг хүсч байна. "Түүнд үр хөндүүлэхийг нь ятгах л болно доо".
Эл хосын дэргэдэх ширээний ард ганцаардсан нэгэн эр сууна. "Тэд морьдод сэргээш хэрэглэчихсэн хэзээ ч хожигдохгүй гэж амласан биш үү, би тэдний аманд багтаж хамаг мөнгөө тавьж байдаг. Шүүхийн гүйцэтгэгчийн тусламжаар мөнгөө авч болно. Тэд намайг шоронд суулгах юм бол би тэсвэрлэхгүй. Би амиа хорлоно. Бурханы нэрийг барин тангараглая, амиа хорлоно".
Бас нэг ширээний ард эр эм хоёр суун ярилцана.
энэ ч яг тийм биш. Ууланд очиж амралтын үеэрээ амарч болох аятайхан байр надад бий шүү. "Хонгор минь, бид орондоо цагаа сайхан өнгөрөөн амрах болно".
-Мэдэхгүй, Клод. Би эрчүүлтэй хамт амрахаар явж үзээгүй. "Мань эр үүнд минь итгэх болов уу".
-Энд хэргийн учир нь сексдэхэд байгаа юм биш. Чамд амрах хэрэгтэй гэж энэ байрны тухай бодож олсон юм. Чи ахтайгаа харьцаж байгаа юм шиг надад хандаж болно.
"Бид цагийг сайхан өнгөрөөнө өө".
Грация тэдний чухам юу яриад байгааг нь огт ойлгосонгүй, ердөө л ярьж байгааг нь оюун санаагаараа дамжуулж сонсож байлаа.
"Хөлөгтэй холбоо барих арга олох хэрэгтэй" гэж тэрээр бодно. Грация алганд багтсан мөнгөлөг дамжуулагч гаргаж ирэв. Тэр нь нэг хэсэг нь амьд органик материалаас, нөгөө нь энэ гариг дээр байхгүй метал хайлшнаас бүтсэн хоёр тусдаа мэдрэлийн системтэй аж. Органик материал нь мянгаад тусгай эсээс тоггох бөгөөд зарим нэг нь үхэхэд нөгөө хэсэг нь үржиж өөр хоорондоо харилцан ажилладаг байна.
Бүсгүй хөлөгтэй холбоо барихыг оролдсон авч талстгүй дамжуулагч ажилласангүй.
Грация салатны навч идэхийг оролдсон авч өмхий үнэр нь тэсвэрлэхийн эцэсгүй байлаа. Хүүхэн гарахаар завдан үүд рүү чиглэтэл үйлчлэгч түүнийг дуудан,
-Түр хүлээгээрэй, та мөнгөө төлсөнгүй гэвэл,
-Өршөөгөөрэй, надад танай мөнгө алга гэлээ.
-Та цагдаагийн газар үүнийгээ тайлбарлах болж дээ.
Грация үйлчлэгчийн нүдийг эгцлэн ширтвэл тэрээр шалдаа буун зөөлөрч хөшиж орхив. Бүсгүй цааш эргэн, гудамжинд гарлаа. "Би талстыг олох ёстой, тэд намайг холбоо барихыг хүлээж байгаа. Тэрээр анхаарлаа төвлөрүүлэхийг хичээсэн атал эргэн тойрон бүгд бүдгэрэн бүүдийх мэт санагдав. Усгүй бол мөдхөн үхнэ гэдгээ Грация сайн мэдэж байлаа.


Top
   
PostPosted: Oct.14.16 2:48 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 22.

Тав дахь өдөр. Швейцар, Берн.

Даалгавар нь мухардалд орлоо.
Роберт Модершедэд байсан зорчигчдын нэрсийн жагсаалтанд их найдвар тавьж байтал, өнөөх нь галд шатаж, ул мөр нь тасарчээ. "Модершедийн гэрт очихдоо л жагсаалтыг авдаг байж. За яахав, энэ надад сургамж болог" хэмээн бодлоо. Ой ухааны нь тэртээ нэгэн буланд нуугдаж байсан тэр нэгэн санаа гэнэт харван орж ирлээ. Ганс Бекерман "Бүх зорчигчид нисдэг биет, үхсэн амьтдыг хараад хөөрөн байхад, тэр хөгшин түргэхэн шиг Берн ороод, маргааш их сургуульд унших лекцэнд бэлтгэх ёстой гэж гомдоллож байсан" гэж хэлсэн биш үү. Энэ бүхэн бүүдгэр, тун бүүдгэр байсан хэдий ч үүнээс өөр учиг Робертод байсангүй.
Тэрээр Бернийн нисэх буудлаас машин хөлслөн, их сургууль руу явлаа. Бернийн төв гудамжнаас Бернийн их сургууль байрлах Люнгассештрасс руу эргэв.
Сургуулийн цогцолбор нь хэд хэдэн жигүүрээс бүрдэх бөгөөд төв байр нь хоёр жигүүртэй дөрвөн давхар чулуун том байр байлаа. Барилгын дээврийг ус гоожуулах сонин жигтэй хэлбэртэй чулуун хашлагаар чимэглэжээ.
Сургуулийн цогцолборын ардхан талд нь Ааре голын эрэгт орших асар том цэцэрлэгт хүрээлэн байрлана.
Роберт захиргааны байрны шатаар өгссөөр үүдний танхимд орлоо. Бекерманаас мэдэж авсан зүйл нь гэвэл тэр зорчигч даваа гаригт лекц унших ёстой, немц хүн гэдэг л юм.
Нэгэн оюутан Робертод ректорын газар руу хэрхэн очихыг нь зааж өглөө. Ректорын үүдэнд захиалгаар хийсэн костюм өмссөн, аварга биетэй, хар хүрээтэй нүдний шилтэй, үсээ овоолсон нэгэн эмэгтэй сууж байв. Эмэгтэй Робертыг харан,
-Таныг сонсож байна? гэв.
Роберт үнэмлэхээ гарган үзүүлж,
-Интерполиос явж байна. Би мөрдлөг хийж явна, таныг надад тус болно уу гэх гэсэн юм, хатагтай . . .
-Фрау. Фрау Шрайбер. Юун мөрдлөг билээ?
-Би нэг профессорыг хайж байна гэсэнд эмэгтэй хөмсөг зангидан,
-Түүний нэр нь хэн бэ? гэлээ.
-Би мэдэхгүй.
-Та түүний нэрийг мэдэхгүй юм уу?
-Үгүй. Тэр орон тооны бус ажилтан, хэд хоногийн өмнө даваа гаригт лекц уншсан байх ёстой гэлээ.
-Орон тооны бус олон профессор өдөр болгон ирж лекц уншдаг. Ямар хичээлээр лекц уншдаг юм бэ?
-Өршөөгөөрэй, юу гэв ээ?
-Юу л даа, оюутнуудад юу заадаг юм бэ гэж байна. Ямар салбарт заадаг юм бэ? гэх түүний дуунд цухалдах шинж тодров.
-Мэдэхгүй.
Хүүхэн тэсвэр алдан,
-Тэгвэл танд юугаар ч тус болж чадахгүй нь. Надад таны мангуу асуултанд хариулж суух зав алга гээд нүүр бурууллаа.
-Хөөе, энэ мангуу асуулт биш шүү. Танд хэлж чадах нууц бол Бид янхан хүүхнүүдтэй холбогдсон профессорыг хайж байгаа юм гэж хэлсэнд,
Фрау Шрайбер гайхсандаа дуу алдав.
-Интерпол хэдэн сарын турш түүнийг хайж байгаа, одоогоор бидэнд мэдэгдэж байгаа юм гэвэл тэр немц хүн, энэ сарын 15-нд танай сургуульд лекц уншсан гэнэ. Хэрэв та бидэнд туслахыг хүсэхгүй байгаа бол бид сургууль даяар тусгай мөрдлөг явуулах болж байна. Хэрэг ийм дээрээ тулбал, хэвлэлийнхэн. . .
-Үгүй, үгүй! хэмээн Фрау Шрайбер дуу алдаснаа,
-Их сургууль иймэрхүү юманд хутгалдах ёсгүй гэх түүний царайд сэтгэл нь түгшсэн байдал илэрлээ.
-Та тэр энд лекц уншсан гэл үү.. . Хэдийд гэлээ?
-Арван таванд, нэг дэх өдөр.
Фрау Шрайбер босон шүүгээ рүү очин бичиг цаас онгичин ухаснаа нэг хавтаснаас хэдэн хуудас цаас сугалан авлаа.
-Энэ байна. 15-нд орон тооны бус гурван профессор лекц уншсан байна гэж хэллээ.
-Миний сонирхож байгаа хүн немц хүн гэж Роберт хэллээ.
-Тэд бүгд немц, нэг нь эдийн засаг, нөгөө нь хими, гурав дахь нь сэтгэл судлалын лекц уншдаг.
-Үзэж болох уу?
Эмэгтэй дурамжхан гэгч нь Робертод цаасаа сарвайлаа.
Тэрээр цаасыг авч үзвэл нэр, гэрийн хаяг утасны дугаар нь бүгд бичээстэй байв.
-Хэрэв та хүсвэл би танд хувилж өгье гэв.
-Үгүй, баярлалаа. Тэдний дунд миний хайсан хүн алга гэж хэлэв. Гэвч тэрээр нэр утасны дугаарыг хэдийнэ цээжилж амжжээ.
Фрау Шрайбер сэтгэл нь амран санаа алдлаа.
-Ээ бурхны минь аврал. Янхандалт! Манайд иймэрхүү явдал гардаггүй сэн гэв.
-Уучлаарай, таныг дэмий сандаргачихлаа гээд Роберт сургуулиас гаран утасны бүхээг рүү орлоо.
Эхлээд Берлин руу ярьжээ.
-Профессор Штробель уу?
-Тийм ээ.
-"Саншайн турз" жуулчдын компаниас ярьж байна. Өнгөрсөн ням гаригт Швейцариар явж байхдаа та манай автобусанд нүдний шилээ орхижээ, тэгээд бид.. .
-Юу ч ойлгосонгүй, та юу ярина вэ гэж профессор гайхан асуулаа.
-14-нд та Швейцарид байсан уу, профессор оо?
-Үгүй, би 15-нд очиж Бернд лекц уншсан.
-Та автобусаар аялалд явсан уу?
-Надад иймэрхүү тэнэг явдалд гаргах цаг зав байдаггүй гээд профессор харилцуураа өлгөж орхилоо.
Дараагийн удаад Гамбург руу ярилаа.
-Профессор Хейнрих уу?
-Профессор Хейнрих сонсож байна.
-"Саншайн турз" жуулчдын компаниас ярьж байна. Та энэ сарын 14-нд Швейцарид байсан уу?
-Та яах гээв?
-Бид танай цүнх манай нэг автобусанд байхыг олсон юм, тэгээд...
-Та андуурч. Би жуулчдын маршрутын автобусаар яваагүй.
-Та манай маршрутаар Юнг-Фрау руу яваагүй гэж үү?
-Би танд үгүй гэж хэлж байна.
-Төвөг удсан бол уучлаарай.
Тэрээр гуравдахь профессор руу ярих үлджээ.
-Профессор Отто Шмидт үү?
-Тийм байна.
Профессор Шмидт "Саншайн турз" жуулчдын компаниас ярьж байна. Бид хэд хоногийн өмнө манай автобусанд орхисон таны нүдний шилийг олсон юм, тэгээд. . .
-Энд нэг эндүүрэл гарчээ.
Робертын зүрх нь дэлсээд ирлээ. Бүх юм хэмхрэн нурж, түүнд юу ч үлдсэнгүй.
-Миний шил байх ёстой газраа байна, би юу ч хаяагүй.
-Профессор оо, та 14-нд жуулчдын автобусаар явсан уу?
-Тийм, тийм, гэхдээ би юу ч хаяагүй гэж танд хэллээ шүү
дээ.
-Баярлалаа, профессор оо.
Роберт харилцуураа тавилаа. Аз нь шовойжээ! Амжилт!
Роберт нэг дугаарт залган генерал Хиллиардтай ярьлаа.
-Би танд хоёр зүйл мэдээлэх гэсэн юм. Танд дуулгасан Лондонгийн гэрчийг санаж байна уу?
-Санаж байна.
-Өчигдөр тэрээр амь үрэгдсэн.
-Өө тийм үү? Тун харамсалтай байна.
-Тийм ээ, эрхэм ээ, би бас нэгэн гэрчийг олох шиг боллоо. Шалгамагц, танд мэдэгдэнэ.
-Утасдахыг чинь хүлээж байя, захирагч аа.

***


Генерал Хиллиард Януст мэдээллээ.
-Захирагч Беллам бас нэгэн гэрч олжээ.
-Сайн байна, бүгд сансрын зэвсэг хийхээс өмнө энэ хэрэг илэрчих вий гэхээс бүгд түгшин, болгоомжилж байна.
-Тун удахгүй, танд мэдээлэл өгөх байх.
-Надад мэдээлэл биш, үр дүн хэрэгтэй.
-Ойлгомжтой.
Платтенштрасс дахь Мюнхений гудамж нь хүрэн чулуугаар барьсан барилгуудтай нам гүм газар ажээ. Тавдугаар байр нь бусдаасаа ялгагдах зүйлгүй юмсанж. Үүдний танхимын хананд эгнүүлэн өрсөн шуудангийн хайрцагийн жижигхэн нүдний нэгэнд "Профессор Отто Шмидт" гэж бичээстэй харагдана.
Роберт хонхыг нь дарлаа.
Өндөр туранхай, даахирч сэгсийсэн буурал үстэй эр үүдээ нээв. Сайхь эр уранхай цамц эгэлдрэглэн, гаанс зуужээ. Робертод энэ нь коллежийн эрхэм профессоруудын нийтлэг төрхийг үзүүлж байна уу эсвэл өөрийн үнэн дүр төрх нь юм болов уу? гэсэн бодол сонирхлыг нь татав.
-Профессор Шмидт уу?
-Тийм ээ.
-Тантай ярилцаж болох уу? Би. . .
-Би тантай ярилцаж байна шүү дээ. Та өглөө надтай ярьсан хүн мөн үү. Би дуу авиа таньж мэдэх шинжээч хүн. Орооч.
-Баярлалаа, танд гээд Роберт зочдын өрөөнд орлоо. Өрөөний хана шалнаасаа тааз хүртэл номын тавиур байрлуулан олон боть номоор дүүргэн, ширээ, шал, буйдан сандал дээр энд тэндгүй ном тавилжээ.
Өрөөнд тавилга гэхээр зүйл байсангүй.
-Тэгэхээр та швейцарийн жуулчдын компаниас яваагүй, тийм үү?
-Тийм, би. . .
-Та америк хүн байна.
-Тийм ээ.
-Тэгэхээр таны айлчлал миний хаяж гээгдүүлээгүй нүдний шилтэй огтын хамаагүй биз.
-Тийм ээ. . . огт хамаагүй, эрхэм ээ.
-Миний ойлгож байгаагаар та ҮМНБ-ийг сонирхож яваа. Энэ нь намайг ихээхэн цочиролд оруулсан. Би тэднийг оршин байдаггүй гэдэгт үргэлж итгэж, хоёр нүдээрээ харахын чинээ огт бодоогүй явсан юмсан.
-Энэ аюумшигтай зураглал байх ёстой.
-Тийм ээ.
-Та энэ хөлгийн тухай бага сага зүйл ярьж өгөхгүй юу?
-Тэр жинхэнэ. . . амьд, эргэн тойрон гэрэл цацарч байсан. Хөх, үгүй ногоон ч юм уу эсвэл саарал, би. . . би бүрэн итгэлтэй биш байна гэлээ.
Роберт Манделийн "Тэр хөх, дараа нь ногоон болон өнгөө өөрчилж байсан" гэж ярьж байсныг саналаа.
-Хөлөг унахдаа газарт цохигдон эвдэрсэн, дотор нь байсан хоёр биетийг нүд хальтраад сайн харж чадаагүй. Жижигхэн. . . том нүдтэй. Тэд мөнгөлөг өмсгөлтэй байсан.
-Та зорчигчдын тухай ямар нэг юм хэлж чадах уу?
-Та автобусны зорчигчдын тухай ярьж байна уу?
-Тийм ээ.
Профессор мөрөө хавчисхийв.
-Тэдний тухай юу ч мэдэхгүй бүгд танихгүй хүмүүс байсан. Би маргааш өглөө нь унших лекцийнхээ тухай бодоод зорчигчдыг анзаараагүй л дээ.
Роберт түүнийг хүлээзнэн харсаар байв.
-Хэрэв танд хэрэг болох юм бол тэд аль улсаас ирснийг би хэлж чадах байна. Би хэдийгээр хими заадаг ч гэсэн хэлний авиа зүйг сонирхдог юм.
-Таны санаж байгаа юм бүхэн хэрэг болж магадгүй.
-Италийн гэгээнтэн, венгер, техас аялгуутай америк эр,
англи эр, орос бүсгүй байсан даа.
-Орос оо?
-Тийм ээ, бүсгүй Москвагаас л лав ирээгүй. Түүний аялгууг сонсоод Киев юм уу эсвэл тэр орчмоос ирсэн гэж бодсон.
Роберт профессорыг хүлээсээр, профессор дуугүй суусаар.
-Тэдний хэн нэг нь нэр ус, ажил мэргэжилээ ярьж хөөрөхийг та сонсоогүй биз?
-Өршөөгөөрэй, би лекцээ бодоод тун завгүй байсан гэж танд хэлсэн шүү дээ. Би сайн санахгүй байна аа, техас эр,
гэгээнтэн хоёр хамт сууж байсан, техас эр зогсоо зайгүй чалчиж явсан. Бодоод байхад гэгээнтэн түүнийг бүрэн ойлгосон гэдэгт итгэхгүй байна.
-Харин гэгээнтэн.. .
-Тэрээр римийн аялагаар ярьж байсан шүү.
-Та тэдний тухай өөр юм хэлж чадахгүй биз?
Профессор дахин мөрөө хавчисхийгээд,
-Үгүй л болов уу даа. Танд тус болж чадахгүйдээ тун их харамсаж байна гээд гаансаа зуун шуналтайгаар сорлоо.
Яг энэ мөчид Робертод гэнэт нэгэн санаа төрлөө.
-Та химич гэсэн үү?
-Тийм ээ.
-Та үүнийг үз дээ, профессор оо. Энэ юу болохыг хэлж чадах уу? гээд Ганс Бекерманы өгсөн металлын өөдсийг халааснаасаа гарган өглөө.
Профессор Шмидт өнөөх зүйлийг авч сайтар нягтлан үзэх зуур царай нь огт хувирсангүй.
-Та хаанаас. .. үүнийг хаанаас аваа вэ?
-Танд хэлж чадахгүй. Энэ юу болохыг та мэдэж байна уу?
-Дамжуулах төхөөрөмжийн нэг хэсэг байж болох юм.
-Та итгэлтэй байна уу?
Профессор гартаа эргүүлж тойруулан үзсээр сууснаа,
-Тун ховор талст байна. Энэ ховилыг харж байна уу? Энэ зүйл нэг том зүйлтэй холбогдон угсрагдах ёстой бололтой. Ямар нэг металлтай. . . Бурхан минь, ийм зүйл урьд өмнө огт үззэгүй юм байна. Та надад үүнийгээ хэд хоног үлдээж болох уу? Би спектр шинжилгээ хийе гэж хэлэх профессорын дуу сэтгэл нь хөөрсөндөө чичирхийлэн сонсогдов.
-Чадахгүй л болов уу гэж Роберт хариулав.
-Гэхдээ...
-Уучлаарай гээд Роберт өнөө зүйлээ эргүүлэн авч халааслав.
Арга нь тасарсан профессор байдлыг өөрчлөхийг оролдож эхлэв.
-Та дараа нь үүнийгээ авчирч чадах уу? Та надад нэрийн хуудсаа яагаад орхиж болохгүй билээ? Би ямар нэг юм санавал танд утасдья гэлээ.
Роберт халаасандаа гараа шургуулж ухаж эхлэв.
-Биед минь нэрийн хуудас алга.
-Тиймээ, би ч бас тэгж бодсон юм хэмээн професор Шмидт намуухан өгүүлэв.
-Захирагч Беллам утсанд холбогджээ.
Генерал Хиллиард харилцуураа авлаа.
-Сонсож байна, захирагч аа.
-Дараагийн гэрч Отто Шмидт, профессор, Мюнхен хотын Плат тенштрассын 5-д амьдардаг гэлээ.
-Баярлалаа, танд захирагч аа. Германы засгийн газарт нэн даруй дуулгая.
Роберт дараагийн гэрчийг эрж хайх боломжгүй, энэ сүүлчийн гэрч гэдгийг хэлэх гэтэл ямар нэг далдын хүч түүнийг тогтоон барьлаа. Тэрээр ялагдал хүлээх тун дургүй ажээ. Одоогийн ул мөр тун балархай байлаа. Техас эр, гэгээнтэн хоёр. Гэгээнтэн Римээс ирсэн гэх боловч тэнд нь хэдэн саяараа байгаа. "Надад сонголт алга. Би бүгдийг орхин Вашингтон руу буцах эсвэл Рим руу мордон эцсийн оролдлогоо хийх..." хэмээн Роберт бодлоо.
Хууль хамгаалан сахиулах захиргааны штаб нь Берлины төвд Ноймарктерштрасст байрладаг ажээ. Энэ нь барилгуудаар хүрээлзгдсэн үл анзаарагдам үзэмж муутай саарал байшин байлаа. Хоёр давхрын хурлын зааланд хэсгийн дарга Отто Йохим өөрт ирсэн бичгийг уншиж сууна. Хоёронтоо уншсаны дараа тэрээр ширээн дээрх улаан утас руу гар сунгав.

Зургаа дахь өдөр. Герман, Мюнхен

Маргааш өглөө нь Отто Шмидт химийн лаборатори руугаа явах зуур өчигдөр орой америк эртэй ярьсан яриагаа эргэцүүлэн бодож явлаа. Тэр металлыг хаанаас олсон байна аа. Иймэрхүү зүйлийг тэр амьдралдаа огт үзсэнгүй. Америк эр ч түүнийг гайхширалд хүргэжээ. Тэр автобусны зорчигчдыг сонирхож байгаа гэсэн. Яах гэж тэр вэ? Яагаад гэвэл тэд бүгд ҮМБН-ийг харсан учраас уу? Үзсэн харснаа далан долоон үг дэлгэн цааш тараахгүй байхыг сануулах гэсэн юм болов уу? Тэгвэл америк эр өөрт нь яагаад сануулсангүй вэ? Нэг л хачин юм болоод байна даа. Профессор лаборторидоо орж, пиджаакаа бохирдуулахгүйн тулд тайлан өлгүүрт өлгөөд, хормогч зүүлээ. Тэрээр хэдэн долоо хоногийн турш химийн туршилт хийн ажиллаж байсан ширээ рүүгээ очив.
Профессор туршилт амжилттай явагдах аваас энэ нь түүнийг Нобелийн шагналд хүргэх учиртай сан. Тэрээр нэрмэл устай шилэн сав авч түүнийг юүлэн, шар өнгийн бодисоор дүүргэлээ. "Хачин юм даа, ийм тод шар өнгөтэй байсныг нь санахгүй юм" хэмээн профессор бодлоо.
Дэлбэрэх хүчтэй чанга дуу гарч, бүх лабортарийг бүхэлд нь бут үсэргэн тарааж хаялаа. Шилний хэлтэрхий хүний яс махны тасархай хаа сайгүй цацагдан шидэгдэх нь тэр.
"АЯНГА” ЦАХИЛГААН МЭДЭЭ.
МАШ НУУЦ.
ХУУЛЬ САХИУЛАН ХАМГААЛАХ УДИРДАХ ГАЗАР ҮНДЭСНИЙ АЮУЛГҮЙ АГЕНТЛАГИЙН ЗАХИРЛЫН ТУСЛАХАД.
НЭГ ХУВЬ.
ЗӨВХӨН УНШ.
АГУУЛГА: "ЕРТӨНЦИЙН ТӨГСГӨЛ” АЖИЛЛАГАА.
4. ОТТО ШМИДТ УСТГАГДСАН.
ТӨГСӨВ.

Роберт Рим руу нисэх онгоцонд сууж явсан тул профессорийн үхлийн тухай хэвлэлийн мэдээллээс хоцорч орхижээ.


Top
   
PostPosted: Oct.14.16 3:02 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 23.

Дастин Торнтоны сэтгэл тун тавгүй байлаа.
Тэрээр эрх мэдэлтэй болохын тулд хар тамхичин лугаа адил улайрсан билээ. Гэвч өнөөгийнхөөсөө илүүг хүсэж байв. Хадам эцэг Уиллиард Стоун нь оньсого мэт хүмүүсийн хүрээнд оруулж өгнө гэсэн боловч өдийг хүртэл ганц үг ган хийхгүй явсаар.
Торнтон хадам эцэг нь баасан гариг бүрд гэнэт хаашаа ч юм алга болчихдогийг нь санамсаргүй мэдэж авчээ.
Тэрээр хамт хооллохоор түүн рүү утасдвал,
-Харамсалтай нь ноён Стоун өнөөдөр ирэхгүй гэж Уиллиард Стоуны хувийн нарийн бичгийн дарга нь хариулав.
-Өө, тун харамсалтай байна. Ирэх баасан гаригийн тухайд ямар ажилтай байх бол оо?
-Уучлал эрье, эрхэм Торнтон. Ноён Стоун ирэх баасан гаригт эзгүй байх болно гэлээ.
Хачин юм даа. Хоёр долоо хоногийн дараа утасдсанд Горнтон нарийн бичгийн даргаас мөн л урьдын адил хариуг сонсчээ. Мань хөгшин баасан гариг болгон хаачдаг байна аа? Гольф л лав тоглодоггүйсэн, өөр сонирхдог юм байдаггүйсэн.
Байж болох хамгийн ухаалаг тайлбар нь бүсгүй хүн байлаа. Уиллиардын эхнэр эр нөхөртэйгээ эн тэнцүү эрх мэдэл, хөрөнгө чинээтэй нэгэн байжээ. Тэр эр нөхрийнхөө янаг амрагийн явдлыг тэвчдэггүй байв. Торнтон "Хэрэв энэ нь зөвхөн янаг амрагийн явдал байх аваас би түүнийг оронд нь барина" хэмээн бодов. Тэрээр бүгдийг магадлан учрыг олох ёстой гэдгийг сайтар ойлгож байлаа. Дастин Торнтоны мэдэлд хадам эцгийнхээ алга болоод байгаа учрыг магадлах олон арга байсан ч, Торнтон тэнэг хүн биш ажээ. Болгоомжгүйхэн нэг л алхам нь түүнийг томоохон эвгүй байдалд унагах болно гэдгийг хашир хандгай юу эс андах билээ. Уиллиард Стоун хувийнх нь амьдралд хөндлөнгөөс хушуу дүрэхэд дургүй хүмүүсийн нэгэн тул Торнтон өөрөө биечлэн мөрдөхөөр шийджээ.
Дараагийн баасан гаригийн өглөөний таван цагт Дастин Торнтон, хадам Уиллиард Стоуны гял цал болсон харшаас хагас хорооллын зайд зогсох "форд" машины жолооны ард сууж байв. Зэвүү хүргэм жихүү даасан хүйтэн өдөр Торнтон өөрөөсөө энд юу хийж байгаагаа дахин дахин асуусаар суув. Стоуны хачирхалтай занг тайлбарлачих хангалттай шалтаг байж болох юм. "Би цаг дэмий үрж байна" гэж Торнтон бодсон атал ямар нэг хүч түүнийг барьсаар. Долоон цагт харшийн үүд цэлийтэл нээгдэн машин гарч ирэх нь тэр. Уиллиард Стоун өөрийн лимузингээрээ биш, харин зарц нарынхаа хэрэглэдэг хар өнгийн жижгэвтэр фургон машины жолооны ард өөрөө суужээ. Нэгэн чухал зүйлийг гэзэгдээд авснаа ойлгосон Торнтоны нүүрэнд баярын мишээл тодроод ирлээ.
Хүмүүс дадсан нэг л хэв маягаар амьдарч байхад Стоун энэ дэгийг эвддэг байх нь. Энд ямар нэг хүүхэн хутгалдсаныг үгүй гэх газаргүй юм.
Хүргэн хүү Торнтон фургоныг даган, хадам эцгийнхээ араас мөрдсөөр Вашингтон гудамжийг өнгөрч, Арлингтон руу чиглэсэн зам руу явлаа.
"Торнтон тун болгоомжтой хөдлөх болно. Би түүнийг газар дээр нь гардахгүй, зөвхөн энэ нууц амрагийнх нь тухай боломжтой бүх мэдээллийг цуглуулан дараа нь баримт болгож тавина. Миний чин хүсэл минь хадам эцгийгээ хамгаалах явдал гэж хэлэх болно доо. Тэр үед мань эр бусдын хэрэгт хөндлөнгөөс хушуу дүрэх нь багасч хайлсан тугалга мэт болсон байх болно."
Дастин Торнтон бодолдоо умбан яваад хадмынхаа машин эргэсэн зүг эргэлгүй өнгөрчих шахлаа.
Жигтэй том баян тансаг байшин өмнө нь гэнэт сүндэрлэв. Хар фургон эл байшингийн хажуугийн модоор бүрхсэн цэцэрлэгт гудамж руу орсноо алга болчихов.
Дастин цаашид хэрхэхээ шийдэхээр машинаа зогсоолоо. Хадам Уиллиард Стоуныг нууц амрагийнх нь хамт яг одоо илчлэх үү? Эсвэл хүлээж байгаад мань эрийг явмагц, хүүхэнтэй нь уулзах уу? Аль эсвэл хэрэгтэй мэдээллийг цуглуулаад, дараа нь хадамтайгаа ярилцах уу?
Ингээд мань эр тандахаар шийдлээ.
Торнтон цэцэрлэгт гудамжаар уруудан явсаар хажуугийн зогсоолд нь машинаа тавиад, мөнөөх хоёр давхар байшин руу явав. Байшинг намхан модон хайсаар хашаалсан нь Торнтонд дотогш ороход нь төвөг удсангүй. Тэр явган хаалгыг онгойлгон хашаанд орлоо. Түүний өмнө сайтар засч арчилсан бяцхан ойн цоорхой, цэцгийн мандал үзэгдэв.
Мань эр ойн цоорхойгоор хүрээлэгдсэн моддын сүүдэрт зогсосхийгээд байшингийн арын хаалганд хурдан гэгч нь хүрч очоод хэрхэхээ шийдэн түр зогслоо. Түүнд зөвхөн баримт
- Хэрэгтэй, баримтгүй бол хөгшин түүнийг долоон уулын цаагуур
ортол нь даажигнах болно.
Байшинд болж байгаа баримтат үйл явдал нь түүний ирээдүйн үүд хаалгыг нь нээх түлхүүр байж болох юм.
Чухамдаа баримт хэрэгтэй.
Торнтон болгоомжтой нь аргагүй хаалгыг татвал түгжээгүй байлаа. Дотогш гэтэн сэм орвол хуучин маягийн гал зууханд орж явчихлаа. Өрөөнд хэн ч байсангүй. Торнтон цаашлан гал зуухны хаалганд дөхөж очин сэмхэн онгойлговол том зочдын өрөө, өрөөний цаад буланд номын санруу ордог бололтой хаалттай хаалга үзэгдэв. Дастин чимээ гаргалгүй хаалганд дөхөж очоод чихээ наан чагналаа. Байшинд нам гүм. Хөгшин дээр унтлагын өрөөнд байх нь ээ.
Торнтон хаалга түлхэн нээгээд, гайхсандаа дороо ****** гадас шиг хөшиж орхилоо.
Тасалгааны гол дахь том ширээг тойрон арван хоёр эрхэм сууж байлаа.
-Алив Дастин, ороорой!. Бид чамайг хүлээж байна хэмээн хадам эцэг Уиллиард Стоуны хэлэх сонсогдох нь тэр ээ.


Top
   
PostPosted: Oct.14.16 3:27 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 24.

Рим хот Робертийн хувьд сэтгэл догдлуулсан үйл явдлаар дүүрэн. Чухамдаа Римд мань эр Сюзантай бал сараа тэмдэглэн аяласан бөгөөд энэ дурсамж нь түүнд хүндхэн дарамт болж байв.
Роберт "Хасслер" зочид буудалд буужээ. Зочид буудлын эзэн нь дүлий атлаа уруулын хөдөлгөөнөөр таван хэл ойлгодог нэгэн байсан юм. Робертын тухайд Рим хот Тиволе дэх Вилла д'Эсте гийн цэцэрлэгт хүрээлэн, "Сивилла" ресторан, Сюзаны дуртай Лукрец Боржийн хүүгийн бүтээсэн усан оргилуураар дүрслэгдэж байлаа. Испанийн талбай дахь шат, Ватикан, Колизей, Форум, Моисей, Микеланжелогийн бүтээлгээд энэ бүгд нь сэтгэлд дотно хоногшжээ.
Роберт "Тре Скалин" рестораны малтуу мөөгийг, Сюзаны инээмсэглэлийг, түүний "Роберт, бид үргэлж аз жаргалтай байна гэж надад амлаач" гэж хэлсэн үгсийг санасаар.
"Би үхсэн үлийгээ хийж яваа билээ? Би гэгээнтний хэн болох, ер нь Римд байгаа эсэхийг нь ч мэдэхгүй яваа. Эрлээ даруйхан зогсоож, үтэр түргэн гэр рүүгээ буцаж, бүгдийг мартах минь".
Долоон үеийн тэртээгээс удамшиж ирсэн зөрүүд зан нь хөдлөн түүнийг буцаасангүй. Роберт "За яахав, ганц л өдөр өнжие, ердөө л ганц өдөр" гэж боджээ.
Леонардо да Винчийн нисэх онгоцны буудлаар дүүрэн байх хүмүүс бүгд түүнд гэгээнтэн шиг санагдах аж. Тэрээр Рим хотын тавиад мянган гэгээнтэн дотроос зөвхөн нэгийг нь хайх болж байна уу? Зуун мянгаас уу? Мань эр "Хасслер" буудал рүү таксигаар очих замдаа гудамжаар дүүрэн хөлхөлдөх гэгээнтнүүдийг ажив.
"Шал балай юм, би лав солиорсон байх аа" хэмээн Роберт бодлоо.
"Хасслер" буудлын үүдний танхимд эзний туслах түүнийг тосон авч,
-Захирагч Беллам уу? Тантай дахин уулзсандаа баяртай байна гэлээ.
-Баярлалаа, Пьетро. Надад ганц шөнө хоноглох өрөө олдох уу? гзвэл,
-Хэлэх юу байх вэ? Үргэлж бэлэн! гэж туслах эр хариулав.
Робертыг урд нь орж байсан өрөөнд нь оруулав.
-Танд ямар нэг юм хэрэгтэй болбол, захирагч .. .
Харин Роберт "Надад ид шид л хэрэгтэй байна" гэж боджээ. Мань эр бодол санаагаа төвлөрүүлэхээр орон дээр хэвтэв.
Гэгээнтэн Швейцари руу яах гэж явсан бэ? Магадгүй түүнд машин байхгүй, хэн нэг нь түүнийг өөрийн машинаар хүргэж өгч болох байсан. Мөн онгоцоор, галт тэргээр эсвэл автобусаар юугаар ч явж болох байсан. Хэрэв амрахаар явж байсан бол үнэт цагаа хэмнэн онгоцоор нисэх байсан, Энэ учиг нь юунд ч хүргэхгүй. Нисэх буудалд зорчигчдын нэр ус, ажил мэргэжлийг бүртгэдэггүй, тэгээд ч зорчигчид өөр нэрээр бүртгүүлж болно. Хэрэв тэр өөрийнхөө сүм дуганын бүлэг хүмүүстэй хамт ниссэн бол...
Ватикан бол Римийн баруун хойд хязгаарт орших Гибрийн баруун эрэг дээрх Ватиканы толгодод римийн папын байршуулсан албан ёсны ариун нандин өргөө юм. Асар том талбайд Микеланжөлогийн бүтээл Гэгээн Петрийн цогчин дуганыг байрлуулжээ. Энэ талбай дээр өдөр шөнийн эргэлтэнд түүх дурсгалын зүйлүүдийг сонирхогч шашны үнэнч шүтлэгтэнгүүдээр дүүрэн байх бөлгөө.
Талбай 1667 онд Бернинийн барьж босгосон хоёр хагас дугуй баганаар хүрээлэгджээ. Баганууд 284 цагаан гантиг баганаас бүрдэх агаад дөрвөн эгнээ гоёмсог хайсаар чимэглэсэн 140 гаруй хүн хөшөөг байрлуулжээ. Роберт энд арав гаруй удаа ирсэн хэдий ч ирэх тоолондоо энэ сайхан дүр төрх нь түүний сэтгэлийг нь догдлуулдаг байв.
Ватиканы дотоод тохижилт, Сикстинскийн найрал дуу, музей энэ бүгд өгүүлэшгүй сайхан билээ.
Роберт энэ удаад түүх дурсгалын сайхнаар нүдээ хужирлах гэж ирсэнгүй.
Роберт төрийн албаны жигүүр дэх олон нийтийн холбооны хэлтсийг хайлаа.
Ширээний ард суух залуухан эр тун найрсагаар,
-Танд юугаар туслах вэ? гэлээ.
Роберт түүний хамрынх үзүүрт үнэмлэхээ тулгах нь шахам үзүүлээд,
-Би "Тайм" сэтгүүлээс явна. Хоёр долоо хоногийн өмнө Швейцарид болсон шашны байгууллагуудын цуглаанд оролцсон гэгээнтний тухай нийтлэл бичих гэж явна. Бага зэргийн ярилцлага авах санаатай гэлээ.
Залуу эр хөмсөг зангидан түүнийг харснаа,
-Өнгөрсөн сард Венеци хотод болсон цуглаанд манай хэдэн гэгээнтэн оролцсон юмсан гэхдээ тэдний хэн нь ч Швейцарид очоогүй. Танд туслаж чадахгүйдээ тун их харамсаж байна гэлээ.
-Энэ над үнэхээр чухал байгаа юм. Би хэрхэн мэдээлэл авч болох вэ? хэмээн Роберт үнэнээ хэллээ.
-Ямар шашны төлөөллийн хүн танд хэрэгтэй байгаа юм бэ?
-Уучлаарай юу-уу?
-Римын католик шашинд олон урсгал байдаг л даа. Тэнд байсан бүлэглэлд хандвал зүйтэй байх гэж бодож байна гэлээ.
"Чөтгөр ав,"тэнд" гэсэн чинь юу гэсэн үг вэ?".
-Танд өөр хэлэх юм алга уу? хэмээн Роберт асуувал,
-Үгүй дээ гэж залуу эр хариулав.
"Надад ч гэсэн. Бухалдсан өвсөн дундаас зүү олж чадахгүй нь бололтой".
Роберт Ватиканаас гаран бодолдоо дарагдан Римийн гудамж уруудан алхалж явлаа. Тэрээр Пополло дель пьяцца гудамжин дахь кафенд орж "цинзано" захиалав.
Гэгээнтэн өдийг хүртэл Швейцарид байж болох юм. Тэр ямар урсгалыг төлөөлөгч юм бол? "Би Гэгээнтэнг Римээс ирсэн гэдгийг мэдэхгүй, зөвхөн профессорын үгээр л явж байгаа минь энэ".
Римээс Вашингтон руу нисэх оройн нислэгээр харихаас даа хэмээн Роберт шийдсэнээ,
-Тооцоогоо хийе гэж үйлчлэгчид хандан хэлэв.
-Тэгье, эрхэм ээ.
Роберт уруу царайлан талбай тийш харан сууж байв. Кафены эсрэг тал дахь автобусны буудалд дугаарлан зогсох хүмүүсийн дунд хоёр гэгээнтэн зогсож үзэгдэв. Роберт тэднийг ажиглан суутал зорчигчид билет худалдан авч автобусанд орж байхад, эрхэм гэгээнтнүүд кондукторт дөхөн очоод инээмсэглэн билетний үнэ төлөлгүй автобусанд орж суудлаа эзлэх нь тэр.
-Таны тооцоо хэмээн үйлчлэгч хэлэв.
Гэвч Роберт түүнийг сонссонгүй, ухаан бодол нь тэчьядан эргэлдсээр байв. Энд католагийн дуганы төвд гэгээнтнүүд онцгой эрх дарх эдэлдэг юм байна. Магадгүй...
Швейцарийн "Свисс эр" компанийн төлөөлөгчийн газар Венетогоос ердөө л тав, арван минут алхаад хүрэх газар байрлах аж. Лангууны ард зогсох эр Робертыг тосон хүлээж авлаа.
-Удирдлагатай тань уулзаж болох уу?
-Удирдлага нь би байнаа. Танд юугаар туслах вэ?
Роберт үнэмлэхээ үзүүлэн,
-Майкл Хадсон, Интерполоос явна.
-Танд юугаар туслах вэ, ноён Хадсон?
-Нилээд олон орны зорчих компанийнхан Европод, ялангуяа Римид билетийн хууль бус хөнгөлөлтийн талаар гомдоллож байна. Олон улсын тохиролцоогоор бол. . .
-Уучлаарай, ноён Хадсон, "Свисс эр" ямар ч хямдрал үзүүлдэггүй. Бүгд үнээ бүрэн төлдөг.
-Бүгд үү?
-Тэгэлгүй яах вэ, компанийн ажилчдыг оруулалгүйгээр.
-Та нар гэгээнтнүүдийг харж үзэн хөнгөлөлт үзүүлдэггүй юу?
-Үгүй. Манай агаарын замын рейсээр тэд билетийнхээ үнийг зуун хувь төлдөг.
"Энэ агаарын замын рейсээр".
-Таны цагийг үрсэнд уучлаарай гээд Роберт гарч явлаа.
Сүүлийн ганц найдвар нь "Алиталиа" компани байлаа.
-Хууль бус хямдрал ий? Бид өөрсдийн ажилчиддаа л зөвхөн хямдрал үзүүлдэг гэж дарга гайхсан маягтай Робертийг харлаа.
-Та нар гэгээнтнүүдэд хөнгөлөлт үзүүлдэггүй юу?
Дарга инээмсэглэв.
-Аа ийм учиртай юм уу? Энд бүгд хууль ёсонд захирагддаг. Манайд католикийн дугантай тохиролцсон гэрээ бий.
Робертын зүрхний цохилт эрс түргэслээ.
-Хэрэв гэгээнтэн Швейцари руу нисэх гэж байгаа бол танай компанийн хөнгөлөлтийг эдлэж болох уу?
-Болно, энэ нь түүнд хямд байх болно гэлээ.
-Хэрэв танай компьютерийн мэдээллийн баазад сүүлийн хоёр долоо хоногт Швейцари руу ниссэн гэгээнтнүүдийн тухай мэдээлэл байвал та бүхэн бидэнд их тус болох байна гэж Роберт хэллээ.
-Тэгэлгүй яах вэ, бий. Татварын албанд зориулсан мэдээлэл бий шүү.
-Бидэнд чухам ийм мэдээлэл хэрэгтэй байна.
-Та тэгэхээр сүүлийн хоёр долоо хоногт хэдэн гэгээнтэн Швейцари руу ниссэнийг мэдэхийг хүсээ юу?
-Тийм ээ, Цюрих эсвэл Женев руу.
-Түр хүлээнэ үү, би компьютер дээр шалгах хэрэгтэй байна.
Тэрээр таван минутын дараа эргэж ирэхдээ компьютерээс хэвлэж гаргасан цаас гартаа барьсаар айсуй.
-Сүүлийн хоёр долоо хоногт манай компанийн рейсээр Швейцари руу ердөө л ганц гэгээнтэн ниссэн байна. Тэр 7-нд Римээс Цюрих нисч, хоёр хоногийн өмнө ирэх ёстой байж хэмээн дарга цаасаа харан тайлагнав.
Роберт гүн амьсгаа авлаа.
-Түүний нэр хэн бэ?
-Гэгээн эцэг Ромеро Патрини.
-Түүний хаяг танд бий юу? Дарга цаасаа дахин харснаа,
-Орвиетод амьдардаг юм байна, хэрэв танд арай тодорхой хэрэгтэй бол. ..
Роберт аль хэдийнэ алга болсон байлаа.


Top
   
PostPosted: Oct.14.16 5:29 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 25

7 дахь өдөр. Итали, Орвието хот

Тэрээр хотын үзэмж бүхэлдээ сайхан харагдах замын огцом эргэлт дээр машинаа зогсоолоо. Хот эрт үеийнхээ соёлыг өөртөө хадгалсан эртний төвтэй, тэнд дэлхий даяар алдартай тэнхимийн болон зургаан шашны сүмтэй.
ҮМНБ-ийг харсан гэрч гэгээнтэн энд амьдардаг ажээ.
Чулуу дэвссэн гудамж, гоёмсог хуучин байшингууд, тариачид загас, ногоо, гахай, тахиагаа зардаг задгай зах энэ бүгд цагийн эрхэнд өөрчлөгдөлгүй хзвээр үлджээ.
Роберт машинаа Дуомогийн талбайд байрлуулаад дуган руу орлоо.
Дуган дотор тахилын ширээнээс холдон явах ахимаг насны гэгээнтнээс өөр хэн ч байсангүй.
-Гэгээн эцэг минь өршөөгөөрэй, би өнгөрсөн долоо хоногт Швейцарид байсан энэ хотын нэг гэгээнтнийг хайж явна. Арай та биш.. .
Гэгээнтэн эргэж харахад царай нь дайсагнасан хорлонтой харагдав.
-Би энэ асуудлын талаар ярихгүй.
Роберт түүнийг гайхан харлаа.
-Таныг ойлгосонгүй, би зүгээр түүнийг олохыг. . .
-Энэ дуганд тэр байхгүй. Гэгээн Ювеналид алба хашдаг юм гээд гэгээнтэн Робертын дэргэдүүр салхи татуулан хурдлан өнгөрлөө.
"Яагаад энэ эр ийм дайсагнасан байдалтай байгаа билээ? "
Гэгээн Ювеналийн дуган нь дундад зууны цамхаг, сүм дуганын үзэсгэлэнт дүүрэг болох Вечио хороололд байрладаг аж. Дуганын цэцэрлэгт хоёр залуу гэгээнтэн ажиллаж байв. Робертыг дөхөн очихийг тэд анзаараад дээш өндийв.
-Өглөөний мэнд, ноёнтоон.
-Өглөөний мэнд. Би өнгөрсөн долоо хоногт Швейцарид байсан нэг гэгээнтнийг хайж байна. Тэр...
-Өө тийм. Хөөрхий гэгээн эцэг Патрини, түүнд аймшигтай явдал тохиолдсон гэсэн.
-Ойлгосонгүй, ямар аймшигийн тухай та нар ярина вэ?
-Чөтгөрийн их тэргийг харсан гэнэ билээ. Үзсэн харсанаасаа болоод Патрини эцэг мэдрэлийн сааталд орчихоод байгаа.
-Үүнийг сонсоход их харамсалтай байна. Тэр одоо хаа байгаа вэ? Би түүнтэй уулзах гэсэн юм.
-Тэр Гэгээн Патрицийн талбайн хажуугийн эмнэлэгт байгаа.
Гэвч эмч нь түүнтэй уулзуулахгүй л болов уу.
Роберт самгардан зогслоо.
Мэдрэлийн сааталд орсон хүнээс тус горьлох нь юу л бол
доо.
-Ойлголоо, их баярлалаа.
Эмнэлэг хотын зах дахь үзэмж муутай нэг давхар байранд байрлах ажээ. Роберт машинаа зогсоолд тавиад бага шиг үүдэн танхимд орлоо. Ширээний ард нэгэн сувилагч сууж байв.
-Өглөөний мэнд, би гэгээн эцэг Патринитай уулзах гэсэн юм хэмээн Роберт мэндлэнгээ хэллээ.
-Уучлаарай, энэ огт боломжгүй. Тэр хэнтэй ч ярьж чадахгүй гэж сувилагч сэтгэл зовнин хариулав.
Роберт профессор Отто Шмидтийн өгсөн учигнаас сайтар шүүрч авахын тулд цөхрөлтгүй оролдохоор шийдлээ.
-Та ойлгооч, гэгээн эцэг Патрини надтай уулзахыг хүссэн юм, би Орвиетогоос түүний гуйлтаар ирлээ хэмээн Роберт намуухан ярьж эхлэхэд нь сувилагч,
-Тэр таныг ирээч гээ юу? гэв.
-Тийм ээ, тэрээр Америк руу надад захидал бичсэн юм, би түүнтэй уулзах гэж л энд ирлээ.
Сувилагч түгдчиж эхлэв.
-Танд юу гэж хэлэхээ мэдэхгүй байна. Тэр хүнд өвчилсөн.
-Тэр надыг хараад тун их баярлах болно гэдэгт итгэж байна.
-Эмч одоогоор байхгүй. . . гэснээ сувилагч эцэст нь зөвшөөрөн, -За яахав, таныг оруулья, гэхдээ хэдхэн минут шүү, ноёнтоон гэлээ.
-Болно, би чухам үүнийг л хүссэн юм.
-Тэгвэл ийшээ явцгаая.
Тэд хоёр талд нь жижигхэн тасагтай нарийхан гудмаар явсаар сувилагч нэгэн тасгийн үүдэнд Робертыг хүргэж ирэв.
-Ердөө л хэдхэн минут, ноёнтоон.
-Баярлалаа.
Роберт өрөөнд орлоо. Орон дээр цонхигор царайтай нэг хүн хэвтэнэ. Роберт ор руу дөхөн очоод түүнийг дуудлаа.
-Гэгээн эцэг...
Гэгээнтэн наашаа эргэн харлаа. Роберт эрчүүдийн нүдэнд иймэрхүү айдас хурсан байхыг урьд өмнө огт үзээгүй байжээ.
-Гэгээн эцэг минь, миний нэрийг. . .
Гэгээнтэн Робертын гараас барьж авлаа.
-Надад туслаач. Та надад туслах ёстой. Би итгэлээ алдлаа, би бүх насаараа Бурхан, сүмд алба хааж ирсэн гэтэл одоо би Бурхан байхгүй гэдгийг мэдлээ. Зөвхөн чөтгөр шулам бий, тэд бидний араас ирж...
-Эцэг минь, хэрэв та...
-Би хоёр нүдээрээ харсан, тэд хоёулаа чөтгөрийн их тэргэндээ байсан ч, тэд түүнээс олуул байх! Бусад нь ирнэ! Хүлээж байгаад өөрсдөө харцгаа. Бид бүгд тамд унана!
-Гэгээн эцэг минь. . . та намайг сонсооч. Таны үзсэн чинь чөтгөр биш. Энэ чинь ердөө л сансрын хөлөг...
Гэгээнтэн Робертын гарыг тавин гэнэт бүгдийг ойлгосон янзтай түүнийг харлаа.
-Та хэн бэ? Танд юу хэрэгтэй вэ?
-Би таны найз, Швейцарийн жуулчдын тэр аялалын тухай танаас асуух гэсэн юм.
-Тийм ээ, энэ автобус. Би дахин тэнд суухыг хүсэхгүйсэн гээд гэгээнтэн дахин сэтгэл нь хөдлөв.
Роберт хөөрхий гэгээнтнийг зовоох чин хүсэлгүй байвч, түүнд үүнээс өөр гарах гарц олдсонгүй.
-Автобусанд таны дэргэд нэг эр, техас эр сууж явсан. Та хоёр цаг үргэлж ярилцаж явснаа санаж байна уу?
-Техас эртэй.. . ярилцаж явсан. . . Тийм ээ, санаж байна.
-Тэр Техаст хаана амьдардагаа дурссан уу?
-Тийм ээ, түүнийг сайн санаж байна, тэр америкаас ирсэн.
-Тийм ээ, техасаас. Хаана амьдардагаа хэлсэн үү?
-Хэлсэн, хэлсэн, надад ярьсан.
-Гэгээн эцэг минь, хаана гэсэн бэ? Тэр хаана амьдардаг гэв?
-Техаст, тэрээр Техасын тухай л ярьж явсан.
Үнэн шүү, гэж Роберт урам хайрлан толгой дохилоо.
-Би тэднийг хоёр нүдээрээ харсан. Бурхан намайг сохолсон бол дээр ч. . .
-Гэгээн эцэг минь. . . Техасаас ирсэн хүн хаана амьдардагаа хэлсэн үү? Ямар нэг нэр дурссан уу? .
-Техас, тийм ээ. Пондероз.
Роберт дахин нэг оролдлого хийн,
-Тантай сууж байсан хүн, тэр. . .
Гэгээнтэн дахин дэмийрч эхэллээ.
-Тэд ирж явна! Армагедон биелэх нь! Библи бол худалч! Чөтгөр шулам дэлхийг эзэгнэх нь хараач! хараач! Би тэднийг харж байна гэж гэгээнтэн хийрхэн хашгирч гарлаа,
Сувилагч тасалгаанд гүйн орж ирээд Робертыг зэмлэнгүй харснаа,
-Та явах хэрэгтэй байна, ноёнтоон гэлээ.
-Дахиад ганц минут л. . .
-Үгүй, ноёнтоон, яв.
Роберт сүүлчийн удаа гэгээнтнийг харахад тэрээр хийрхэн дэмийрч эргэж хөрвөөн хашгичиж байлаа.
Роберт машиндаа суун Римийг зүглэв. Одоо энэ бүгд дууссан. Орос эмэгтэй, техас, венгер эрчүүд байсан гэх сураг гаргасаныг тооцохг/й бол өөр барьж авах сэжүүр түүнд байсангүй. Тэднийг олох ямар ч боломжгүй. Хэрэв гэгээнтэн үл ялиг сийрэг ухаантай байсан бол! Амжилтанд хүрэх тун ойрхон байсан! Тэр юу гэв ээ? Пондероз гэсэн. Хөгшин телевиз дэндүү их үздэг байгаад дэмийрч эхлэхдээ Техасийн алдарт телешоу "Бонанза"-гийн нэр санаанд нь орсон байж таараа.
Картрайтын гэр бүл амьдардаг гэх санаанаасаа зохиосон газрыг Пондероз гэж нэрлэдэг. Пондероз. . . Тархинд нь бодол эргэлдсээр Роберт хурдаа сааруулан замын хажуу руу гарлаа. Тэрээр машинаа эргүүлэн Орвието руу буцаж давхив.
Хагас цагийн дараа гэхэд Роберт Республик талбай дахь жижигхэн кафены барментай ярилцаж суув.
-Танай хот нам гүм сайхан юмаа гэж Роберыг хэлэхэд,
-Тийм шүү, ноёнтоон. Энд тун тайван. Та урьд өмнө Италид байсан уу?
-Би Римд бал сараа тэмдэглэж байсан.
"Чи чухамдаа миний хүслийг биелүүллээ, Роберт. Би багаасаа Римд очихсон гэж мөрөөддөг байсан".
-Аа-аан, Римд үү. Асар том, дуу чимээ ихтэй хот шүү гэж бармен залуу ярвайн хэлэв.
-Тантай санал нэг байна.
-Бид энд жирийн амьдралаар амьдардаг ч, бүгд аз жаргалтай байгаа.
-Энд олон байшингийн дээвэр дээр телевизийн антен байхыг би анзаарлаа хэмээн явдлын далимд харснаа Роберт хэлэв.
-Тэгэлгүй яах вэ? Орчин үетэйгээ хөл нийлүүлэн алхлах гэж тэр шүү дээ.
-Тийм байж. Та нар телевизийн хэдэн суваг үздэг вэ?
-Нэгийг л.
-Би та нарыг америкийн телешоу үздэг юм бодлоо.
-Үгүй, үгүй. Энэ чинь засгийн газрын албан ёсны суваг. Түүгээр зөвхөн италийн нэвтрүүлэг үзүүлдэг.
"За тэр!".
-Танд баярлалаа.
Роберт адмирал Уиттакер руу утасдав.
-Адмирал Уиттакерийн өрөө гэх нарийн бичигийн дуу харилцуурт сонсогдов.
Роберт өрөөг нь санаандаа төсөөлөх гэж оролдов. Цаашид хэрэгцээгүй болсон засгийн газрын гишүүдэд олгодог тийм л нэгэн бөглүү өрөө байгаа нь мэдээж.
-Захирагч Беллам байна, адмиралтай ярьж болох уу?
-Түр хүлээгээрэй, захирагч аа.
Нөөц флотын асуудлаар оролдож суугаа урьдын агуу хүчирхэг адмиралтай хэн нэгэн холбоо барьж байгаа эсэх нь Робертод сонин байв. Үгүй л болов уу даа.
-Чамтай ярихад сайхан байна шүү. Чи хаана байна?
-Танд хэлж чадахгүй нь, эрхэм ээ.
Адмирал хэсэг дуугүй байснаа цааш үргэлжлүүлэн,
-Ойлгож байна аа. Миний тусламж хэрэгтэй болоо юу?
-Тийм ээ, эрхэм ээ. Надтай хэн нэгэн холбоо барьж болохгүй болохоор би хүндхэн байдалд орчихоод, надад тусламж хэрэгтэй байна. Та надад нэг юм тодруулж өгөхгүй юу?
-Хичээе. Чи юу асуух гээв?
-Би Техаст Пондероз нэртэй эдлэн газар байдаг эсэхийг мэдэх гэсэн юм.
-Энэ чинь "Бонанза" телешоуных биш үү?
-Тийм ээ, эрхэм ээ.
-За за, хайя. Би чамтай яаж холбоо барих вэ?
-Би өөрөө тан руу залгасан нь дээр байхаа, адмирал аа.
-За чинийхээр болог, надад нэг юм уу хоёр цаг өгөөдөх. Бүгд бидний дунд хатуу чанд үлдэх болно, бүү санаа зов.
-Баярлалаа.
Адмиралын дуу тун өөрчлөгдсөн мэт Робертод санагджээ. Ер нь бол ямар нэг эдлэн хайлгах гэж хандсан нь түүний сэтгэлийг сэргээжээ. Хоёр цагийн дараа Роберт адмирал Уиттакер руу дахин залгалаа.
-Би чамайг хүлээж байсан юм. Чамд хэрэгтэй мэдээлэл олсон шүү гэх адмиралын дуу сэтгэл ханамжтай байгааг илтгэнэ.
-За тэгээд? хэмээн Роберт амьсгаа дарав.
-Техаст Пондероз нэртэй эдлэн Вакогийн орчим байдаг юм байна. Эзэн нь Дэн Уэйн.
Робертын сэтгэл хөнгөрөн амьсгаа авлаа.
-Тун их баярлалаа, адмирал аа. Эргэж очоод таныг үдийн хоолоор дайлах болно.
-Чамайг хүлээе, Роберт оо.
Дараа нь тэрээр генерал Хиллиард руу утасдлаа.
-Италийн нэг гэрчийг олсон. Гэгээн эцэг Патрини.
-Гэгээнтээн?
-Тийм ээ, Орвиетогийнх. Тэр тун хүнд өвчтэй эмнэлэгт хэвтэж байгаа. Италийн засгийн газар түүнтэй ярьж чадахгүй болов уу.
-Энэ талаар би анхаарал тавья. Баярлалаа, захирагч аа.
Хоёр минутын дараа генерал Хиллиард хэдийнэ Янустай ярьж байлаа.
-Захирагч Белламаас шинэ мэдээ ирсэн. Дараагийн гэрч гэгээнтэн, Орвиетогийн гэгээн эцэг Патрини.
-Түүний төлөө санаа тавья.
"АЯНГА" ЦАХИЛГААН МЭДЭЭ.
МАШ НУУЦ.
ҮНДЭСНИЙ АЮУЛГҮЙ АГЕНТЛАГ
"СИФАР" ЗАХИРЛЫН ОРЛОГЧИД НЭГ ХУВЬ.
ЗӨВХӨН УНШ.
АГУУЛГА: "ЕРТӨНЦИЙН ТӨГСГӨЛ" АЖИЛЛАГАА.
4. ГЭГЭЭН ЭЦЭГ ПАТРИНИ, ОРВИЕТО
ТӨГСӨВ.

Италийн "Сифар" аюулгүй албаны штабын байр нь Римийн өмнөд хэсэгт виа Пинетад фермерийн байшингуудын дунд байрладаг ажээ. Хоёр хороолол эзлэсэн үйлдвэрийн байр мэт үл анзаарагдах байгууламжийн барилгын эргэн тойрон хүрээлсэн өндөр хашаа, түүний дээгүүр гүйлгэсэн өргөст төмөр утас, харуулын цамхаг нь хажуугаар явж өнгөрөх хүмүүсийн сониуч занг нь хөдөлгөнө.
Энэ хуаранд дэлхийд цуутай хамгийн нууц аюулаас хамгаалах алба байрлан, барилгын хаяг дээр
"Гаднын хүн орохыг хориглоно" гэсэн бичиг үзэгдэнэ.
Төв байрны нэг давхрын даруухан өрөөнд хурандаа Франческо Сезар дөнгөж сая хүлээн авсан цахилгаан мэдээгээ судлан сууна. Хурандаа тавь шүргэж яваа, булчинлаг биетэй, цоохор бульдог шиг царайтай нэгэн ажээ. Тэрээр гурав дахь удаагаа цахилгаан мэдээг уншлаа.
"Тэгэхээр "Ертөнцийн төгсгөл" амжилттай дуусах шахаж байх шив. Гайхалтай, бид сайтар бэлтгэсэн нь яамай даа" гэж Сезар бодлоо. Тэр цахилгааныг дахин уншлаа.
Тэгэхээр, одоо гэгээнтэн.
Орвиетогийн эмнэлэгт шөнө дунд өнгөрч байтал жижүүрийн сувилагчийн ширээний дэргэдүүр нэгэн гэлэнмаа явж өнгөрөв.
-Гэлэнмаа хатагтай Филлини руу очих нь уу гэж сувилагч Томазиног хэлэхэд,
-Түүн дээр зсвэл Ригано хөгшин дээр ч орж магад, тэд хоёул үхлийн ирмэгт байгаа хэмээн нөгөөх нь хэллээ.
Гэлэнмаа булан тойрон далд орж гудмаар явсаар гэгээнтний тасаг руу шууд орлоо. Гэгээнтэн залбирч байгаа гэлтэй гараа цээжин дээрээ тавин нам тайван унтаж байв.
Үүлний цаанаас цухуйх сарны туяа гэгээнтний нүүрэн дээр тусан гэрэлтүүлнэ.
Гэлэнмаа өмсгөл дороосоо жижигхэн хайрцаг гарган дотроос нь гоёмсог шилэн эрхи гарган, хөгшин гэгээнтний гарт бариуллаа. Эрхиний сувсан дундаас хэрэгтэйг ялган авч түүгээрээ гэгээнтний эрхий хурууг зүсэхэд, зүссэн газраас нь цус гарч эхлэв! Гэлэнмаа хайрцагнаас резинэн ууттай шингэн зүйл аваад, дусаагуураар гурван дуслыг шарханд нь дусааж орхилоо.
Үхлийн хор хэдхэн хоромын дотор үйлчилжээ.
Гэлэнмаа алсан гэгээнтнээ загалмайлан адислаад, чимээгүйхэн гарч одов.
"АЯНГА" ЦАХИЛГААН МЭДЭЭ.
МАШ НУУЦ.
"СИФАР" ҮНДЭСНИЙ АЮУЛГҮЙ АГЕНТЛАГИЙН
ЗАХИРЛЫН ОРЛОГЧИД
НЭГХУВЬ.
ЗӨВХӨН УНШ.
АГУУЛГА: "ЕРТӨНЦИЙН ТӨГСГӨЛ" АЖИЛЛАГАА.
4. ГЭГЭЭН ЭЦЭГ ПАТРИНИ, ОРВИЕТО - УСТГАГДСАН.
ТӨГСӨВ.


Top
   
PostPosted: Oct.14.16 5:42 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 26.

Фрэнк Жонсон Вьетнамд байхдаа "ногоон бретэн"-нд алба хашиж, Нядалгааны машин гэдэг хочоороо цэргүүдийн дунд алдаршсан тул түүнийг элсүүлж авчээ.
Тэр алж хядахдаа мэргэшсэн, алдар хүнд хөөцөлдөгч, тун ухаантай нэгэн байлаа.
-Тэр бидэнд тохирно. Түүнийг болгоомжтой турш, би ийм хүнийг алдмааргүй байна гэж Янус хэлэв.
Армийн ахмад Фрэнк Жонсонтой эхлэн ярилцжзэ.
-Манай засгийн газрын асуудал чамайг зовоохгүй байна уу? Ичих нүүрээ элгэндээ наасан хэсэг дорой амьтадын гарт улс орон үрэн таран болох нь. Бидэнд цөмийн зэвсэг хэрэгцээтэй байхад, чөтгөр авсан улстөржигчид шинэ үйлдвэр бариулахыг хориглоод байна. Нефтээс болж бид хараал идсэн араб- чуудаас хамаарч байна, тэгэхээр засгийн газар хувийн далайн цооног гаргах гэж яагаад оролдохгүй байна? Тэд биднээс илүү загас жараахайн тухай бодож байна. Энэ ухаалаг хэрэг үү?
-Би тантай санал нэг байна гэж Фрэнк Жонсон хэллээ.
-Чамайг ухаантай учраас надтай санал нэг байна гэж мэдэж байсан юм. Хэрэв конгресс эх орноо хамгаалах ямар нэг арга хэмжээ авахгүй бол, үүнийг бидний нилээд нь хийх болно гэж ахмад Жонсоны нүүрийг эгцлэн ширтэж хэлэв.
Фрэнк түүнийг гайхан харлаа.
-Нилээд нь ээ?
-Тийм. За за, энэ тухай дараа чамтай ярилцамз гэх ахмад "Эхний удаад гэхэд хангалттай" гэж боджээ.
Дараагийн ярилцлага нилээн тодорхой болж өнгөрлөө.
-Эх дэлхийгээ хамгаалах сонирхолтой хэсэг эх орончид байна, Фрэнк. Эд бол засгийн эрхийг барьдаг дээд тушаалын хүмүүс. Тэд хороо байгуулжээ. Хууль ёсноос зайлсхийх гэтэл хэрэг нэг л бүтэмжгүй. Энэ чамд сонин байна уу?
Фрэнк Жонсон жуумагнав.
-Тун сонирхолтой байна.
Энэ бүгд эхлэл төдий байлаа. Дараагийн уулзалт Оттавад, Канадад болжээ. Фрэнк Жонсон хорооны хэд хэдэн гишүүнтэй танилцжээ. Тэд 12 улс орны хүрээнд нөлөөтэйгээ тайлбарлав.
-Манайх найдвартай байгууллага. Манайх суртал нэвтрүүлгийн, элсэлтийн, холбооны, тактикийн. . . бас цаазын гэсэн бүлгүүдтэй. Бүх тушаалыг гинжин холбоогоор тов тодорхой ирүүлдэг. Дэлхийн бараг бүх тагнуулын алба манай хороотой хамтран ажилладаг.
-Та удирдагчид. ..
-Үгүй. удирдагчид биш. Дадлага туршлагатай, манай оронд ямар аюул нүүрлээд байгааг ойлгон ухаарч чаддаг орлогчид.
Швейцари, Марокко. Хятад гээд бүх л дэлхийгээр явж цуглаан хийхэд Жонсон бүгдэд нь оролцжээ.
Зургаан сарын дараа хурандаа Жонсон Янустай уулзав.
-Таныг ихэд магтацгааж байна, хурандаа.
-Надад ажил маань таалагддаг гээд Жонсон жуумагнав.
-Тийм ээ. би сонссон. Та бидэнд нэгэн тус үзүүлж чадах уу?
-Чадах бүхнээ хийх болно.
-Сайн байна. Фермд тусгай албаны нууц ажилтан бэлтгэх ажлыг та хариуц.
-Тэгэлгүй яах вэ.
-Танд бүх тагнуулуудын чадал чансаа мэдэгдэх болно.
-Яриа юу байх билээ.
-Таны саналаар манай байгууллагын эрх ашигт нийцсэн тийм тагнуулчдыг элсүүлэхийг би хүсч байна. Бидэнд зөвхөн хамгийн шилдэг нь хэрэгтэй.
-Ямар ч асуудал алга. Гэвч. . . гээд хурандаа бага зэрэг түгдрэв.
-Юу гээв?
-Энэ даалгаврыг би ядах юмгүй хийж орхино л доо, гэвч би арай бэрх даалгавар хүссэн юм гээд хурандаа урагш бөхийн, "Ертөнцийн төгсгөл" ажиллагааны тухай сонссон. Энэ л чухамдаа надад тохирсон ажил, би түүнд оролцох хүсэлтэй байна, эрхэм ээ.
Янус түүнийг хэсэгхэн зуур анхааралтай ширтсэнээ толгой дохив.
-Тун сайн байна, чи ажиллагаанд оролцох болно.
-Танд баярлалаа, эрхэм ээ. та энэ шийдвэртээ харамсахгүй ээ хэмээн өөрийн хүчиндээ итгэсэн Жонсон инээмсэглэв.
Энэ ярилцлагын дараа Жонсон өөрийгөө хамгийн азтайд тооцов. Учир нь тэрээр юу чаддагаа бүгдэд үзүүлэх боломжтой болжээ.


Last edited by tested on Oct.16.16 7:56 pm, edited 1 time in total.

Top
   
PostPosted: Oct.15.16 2:11 pm 
Offline
Өвөг Дээдсийн Сахиус Гишvvн
Өвөг Дээдсийн Сахиус Гишvvн

Joined: May.10.10 2:23 am
Posts: 706
маш их баярлалаа Тэстэд ээ, мөрөөрөө явж байсан хүмүүсийг алчихдаг арай дэндүү юмаа, ном л гэж бодохосс, амьдрал дээр арай ийм байхгүй биз


Top
   
PostPosted: Oct.16.16 4:42 am 
Offline
Асуулт Самбарын Хvндэт Харуул
User avatar

Joined: Sep.21.09 1:02 pm
Posts: 6273
Location: Энд
Адмиралыг алах вий дээ. Эцэст нь Роберт сэжиг аваад тэмцэж эхлэхээр нь Сюзанаар барьцаа хийх бх даа. Ядаж бхад Сюзаны шинэ нөхөр гэж нууцлагдмал амьтан бх юм. Янус гуай санаанд оромгүй хүн бдаг эвгүй дээ.

Баярлалаа

_________________
:wink:


Top
   
PostPosted: Oct.16.16 2:05 pm 
Offline
Хэлээд баршгvй их цолтой
Хэлээд баршгvй их цолтой
User avatar

Joined: Oct.26.10 4:59 pm
Posts: 481
Location: Дурлалаар би шатахгүй Дурсамжаар би гуниглахгүй Уураар би дүрэлзэхгүй Уйтгараар би дүнсийхгүй ...
Онц сонирхолтой зохиол байх чинь ээ...

_________________
Үг бүхэн зүрхэнд...


Top
   
PostPosted: Oct.16.16 7:45 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
26-р бүлгээс 32-р бүлгийн эхлэл хүртэл маргааш оруулах болно.


Top
   
PostPosted: Oct.16.16 8:20 pm 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 27.

8 дахь өдөр. АНУ, Техас, Вако.

Дэн Уэйнийн хувьд өнөөдөр тун муу, тэр ч бүү хэл бүр аймшигтай гэж хэлмээр өдөр байлаа. Түүний дампуурсныг нь тунхаглан зарласан Вакод хуралдсан шүүх хурлаас дөнгөж эргэж ирээд байгаа нь энэ.
Дэнийн эхнэр нууц амраг залуу эмч рүүгээ гүйж явчихаад салах асуудал тавьж, Дэнийн эд хөрөнгийн талыг авахыг шаарджээ. Тэрээр хамгийн шилдэг сайн техас үхрээ хүртэл таллан хуваах дээрээ тулж, хүндхэн хувь заяа түүнийг хүлээж буйг Дэн мэдэрчээ. Тэрээр юу ч хийж чадахаа өнгөрсөн. Нэгэн цагт сайн хань. сайн эзэн байсан бол, одоо өөрийн бүрхэг ирээдүйг эргэцүүлэн бодсоор өрөөндөө сууж байлаа.
Дэн Уэйн тун бардам нэгэн. тэрээр хашгирч чарлалдан ярих, гайхалтай сайрхуу техасчуудын тухай бүх хошин яриаг тун сайн мэдэх бөгөөд Дэн ч гэсэн өөрт нь сайрхах зүйл бий гэдэгт итгэлтэй байв. Мань эр Бразос голын хөндийд орших баян газар эзэмшигчдийн дүүрэг Baзод төржээ. Вако орчин үеийн хот гэлээ ч эрт үеийнхээ онцлог хотын амьдралын гол нь болсон үхэр сүрэг, хөвөн, эрдэнэ шиш, оюутан, соёл урлаг зэргээ хэвээр хадгалан үлдэж чаджээ. Уэйн төрөлх хот Вакогоо сэтгэл зүрхнээсээ хайрладаг бөгөөд Швейцарийн жуулчдын автобусанд италийн гэгээнтэнтэй танилцаад бараг тав зургаан цаг төрсөн хотынхоо тухай ярьсан байна.
-Вакод бүгд бий. Манайх тун сайхан уур амьсгалтай. Дэндүү халуун эсвэл дэндүү хүйтэн байхыг би тэвчдэггүй. Манайд хорин гурван сургууль, их сургууль, дөрвөн сонин, арван радио станц, таван телевизийн суваг бий. Гэгээн эцэг та загасчлах дуртай бол Бразос голыг бүү мартаарай, мөн ан хийх эдлэн, том соёлын төв бий. Би танд Вако дэлхийд хосгүй сайхан хотуудын нэг, та заавал очиж үзэх хэрэгтэй гэж хэлээд байна.
Бяцхан хөгшин гэгээнтэн инээмсэглэн толгой дохиход, Уэйнд тэр үнэхээр англи хэл ойлгож байгаа эсэх нь тун сонин байлаа.
Дэн Уэйны эцэг хүүдээ мянган акр газар өвлөн үлдээж, Дэн үхэр сүргээ хоёроос арван мянган тоо толгой хүргэн өсгөжээ. Мөн овоохон үнэ хүрдэг шанадас сайт унаганууд бий. Гэтэл өөдгүй новшнууд энэ бүгдийг нь авах гэж байдаг. Мал хуй зарагдахаа больж, тэрээр эд хөрөнгөөрөө дэнчин тавьж чадахаа больсонд түүний буруу байхгүй. Банкууд түүний хоншоорыг тас хавчих нь шахуу хаалга үүдээ хааж байгаа тул эдлэнг нь худалдан авч өр төлөөсийг нь дарчихаад, амин зуулганд нь өчүүхэн хэсгийг үлдээчих хэн нэгнийг олох явдал Дэнийн цорын ганц аврал байв.
Дэн Уэйн Техаст эдлэн газар худалдан авах гэсэн баян швейцарийн сураг сонсон, түүнтэй уулзахаар Цюрих руу нисчээ. Швейцар эр ганц хоёр акр газартай. бага шиг цэцэрлэгтэй эдлэн авах гэсэн тул түүний аялал талаар өнгөрчээ. Өө нохойн баас гэж
Ингэж л Дэн Уэйн ер бусын гайхамшигг явдал болох үед жуулчдын автобусанд явж байсан ажээ. Мань эр нисдэг тавагны тухай олонтоо уншсан хэдий ч огт итгэдэггүй байв. Гэртээ эргэж ирмэгц мань эр орон нутгийн сонины редактор руу утасдав.
-Жонни. Бурхны нэрийг барьж тангараглая, би дөнгөж сая дотор нь үхсэн хоёр харь гаригийн амьтантай нисдэг таваг үзлээ гэж сонирхуулав.
-Тийм үү? Дэн чамд зураг нь бий юу?
-Үгүй ээ. Би уг нь хэдэн зураг дарсан юмсан, гэтэл гарсангүй.
-За яахав санаа бүү зов, бид чамд зураг явуулнаа, Нисдэг таваг чиний эдлэнд байгаа юм уу?
-Үгүй, Швейцарид.
Яриа түр зуур тасалдаж орхив
-Ай, Дэн минь нисдэг таваг эдлэнд чинь газардвал бидэнд дуулгаарай даа.
-Түр хүлээ! Надад энэ явдлыг харсан нэг залуу зураг явуулна шүү гэлээ.
Жонни аль хэдийнэ утсаа тасалж орхижээ
Уэйн харь гаригийнхан Дэлхийд халдан довтлоосой, тэгвэл тэд түүнийг өр төлөөснөөс нь салгаж чадах ч юм билүү. Дэн ойртон ирэх машины дууг сонсоод босч цонх руу очлоо. Зүүн эрэг хавийн зээл нэхэгчтэй адилхан хүн ирж явлаа. Сүүлийн үед тэд өдөр алгасахгүй шахам ирэх болжээ.
Дэн хаалгаа цэлийтэл нээгээд
-Сайн байна уу? гэлээ.
-Дэниел Уэйн уу?
-Найз нөхөр минь намайг Дэн гэдэг юм. Танд юу хэрэгтэй вэ?
Дэн Уэйн нь Робертын төсөөлж байснаас огт өөр хүн ажээ. Тэрээр ерийн нэг техас залуутай уулзах нь хэмээн бодож явтал Дэн язгууртан төрхтэй аагархуу зантай нэгэн байлаа. Зөвхөн техас аялгуу нь түүнийг уг нутгийн эр болохыг нь нотлох бөлгөө.
-Та надад хэдэн минут зарцуулахгүй юу?
-Бололгүй яах вэ. надад үлдсэн бүх юм л цаг. Тэгэхээр та өр нэхэмжлэгч биш хэрэг үү?
-Өр нэхэмжлэгч ээ? Өө үгүй, үгүй.
-Тун сайн байна, орооч.
Тэд барууны загварын тохилог мебелиэр тохижуулсан том зочны өрөөнд орлоо.
-Танайх их тохилог юм хэмээн Робертыг хэлбэл.
-Би энэ байшинд төрсөн юм шүү. Таныг юугаар ч юм дайлах уу? Ямар нэг хүйтэн юм ууж болохсон.
-Үгүй, баярлалаа.
-Та суугаач.
Роберт зөөлөн арьсан диван дээр суулаа
-Та надтай яах гэж уулзах гээв?
-Өнгөрсөн долоо хоногт Швейцарийн жуулчдын автобусаар та явсан гэл үү?
-Тэгсэн. Миний салсан эхнэр таныг хөлсөлж араас минь тандуулаа юу? Та түүнд ажиллаж яваа тийм үү?
-Үгүй ээ эрхэм ээ.
-Аа-аан Та ҮМНБ-ийг сонирхож байна aа даа гэж Дэн сая л ойлгон дуу алдаад
-Үнэхээр аймшигтай явдал, урьд өмнө ийм юмыг огт үззэгүй, тэр цаг үргэлж өнгөө өөрчилж байсан, дотор нь үхсэн харийн хоёр хүн хэвтэж харагдсан Тэр бүү хэл зүүдэнд ч ороод салахаа больсон гэж мань эрийн мөр нь татганав.
-Ноён Уэйн, та зорчигчдын тухай хэлж чадах уу?
-Харамсалтай нь энэ талаар танд тус болж чадахгүй нь. Би ганцаар явсан шүү.
-Та бусад зорчигчидтой ярилцаж явсан гэдгийг би мэднэ, тийм биз дээ?
-Үнэнийг хэлэхэд би гэдэг хүн бодолд автаад. бусад зорчигчдыг анзаараагүй ээ
-Гэвч та. тэдний тухай нэгийг санаж болох юм биш үү.
Дэн бодол боллоо
-Италийн гэгээнтэн түүнтэй хангалттай ярилцсан. Надад их сайн хүн шиг санагдсан. энэ ҮМНБ түүнийг дэндүү цочирдуулсан байх. Тэр цаг үргэлж чөтгөр шулмын тухай ярьж байсан шүү.
-Та өөр хэн нэгэнтэй ярьсан уу?
Дэн мөрөө хавчин.
-Үгүй ээ ердөө ч. . хүлээгээрэй Канадын банкны эзэн залуутай хэдэн үг сольсон гээд тэр уруулаа долоогоод,
-Үнэнийг хэлэхэд эдлэнд маань санхүүгийн хүндрэл учраад байна, эдлэнгээ алдах нь юм шиг. Би банкны эздийг үзэн яддаг, тэд бүгд цус сорогчид. Дажгүй залуутай танилцлаа гэж бодож байтал. түүнийг банкны эзэн болохыг нь мэдмэгц, бид зээлийн тухай ярилцсан л даа. Гзвч мань эр бусдаасаа дээрдэх юмгүй юм билээ.
-Тэр Канадаас ирсэн гэл үү?
-Тийм. Баруун хойд захад нь орших Форт-Смит нутгийнх юм билээ. Танд хэлчих өөр юм алга даа.
Роберт сэтгэлийн хөөрлөө нуухыг хичээн
-Танд баярлалаа ноён Уэйн та надад их тус боллоо гээд Роберт явахаар завдан бослоо.
-Та оройн хоол цугтаа идэхгүй юу.
-Үгүй дээ. баярлалаа. Эдлэнд чинь амжилт хүсье.
-Баярлалаа.
Канадын баруун хойд нутаг Форт-Смит Роберт генерал Хиллиардыг харилцуур авахыг хүлээн зогслоо.
-Захирагч аа. таныг сомсож байна
"АЯНГА" ЦАХИЛГААН МЭДЭЭ.
МАШ НУУЦ.
ҮНДЭСНИЙ АЮУЛГҮЙ АГЕНТЛАГ
ТТГ-ЫН ЗАХИРЛЫН ОРЛОГЧИД НЭГ ХУВЬ.
ЗӨВХӨН УНШ.
АГУУЛГА: "ЕРТӨНЦИЙН ТӨГСГӨЛ" АЖИЛЛАГАА.
5. ДЭНИЕЛ УЭЙН. ВАКО.
ТӨГСӨВ.

Виржини муж Лэнглид ТТГ-ын захирлын орлогч цахилгааныг тун анхааралтай уншин бодолхийлнэ. Зургаа дахь нь, ажил ч муугүй шүү захирагч Роберт тун сайн ажиллаж байна. Түүнийг сонгодог нь ухаалаг шийд болжээ. Янусын зөв байж тийм ээ. Янус өөрийн санаагаа хэрэгжүүлэхэд нь үйлчилдэг. . . агуу эрх мэдэлтэй. Захирал дахин нэг удаа цахилгааныг уншлаа.
"Золгүй явдал болсон шиг хийх хэрэгтэй. Энэ ч ядах юмгүй".
Тэр ширээн дээрх хонхны товчийг дарлаа.
Хар хөх өнгийн фургонтай хоёр эр эдлэнд ирлээ. Машинаа хашааны гадна орхиод бууцгаан эргэн тойрноо анхааралтай гэгч нь ажиглацгаав.
Тэднийг харсан Дэн эдлэнгийнх нь шинэ эзэд ирж байна гэж боджээ. Тэрээр үүдээ нээлээ.
-Дэн Уэйн уу?
-Тийм ээ. юугаар тус...
Эл үгс түүний амнаас унасан эцсийн үг байжээ. Нэг эр түүний ар талаас нь дөхөн ирээд тархин дундуур нь хүнд бороохойгоор хүчтэй цохиж орхижээ.
Үлэмж биетэй эр нь өөрийн мэдэлгүй болсон Дэнийг мөрлөн адууны жүчээ рүү алхлаа. Жүчээнд найман морь байсан атал тэднийг үл хайхран хамгийн захад байх сайхан хар унаганы дэргэд очлоо.
-Энэ байна гээд Дэнийг газар буулгангаа хэллээ.
Нөгөө эр газраас ташуур аван унагыг шавхчиж гарлаа. Унага янцгаан арагш зүтгэхэд хоншоор дундуур нь хүчтэй шавхуурдсаар байв. Унага галзуурах шахам уурлаж давчуу тасалгааны хана руу ийш тийш тонгочин нураах нь холгүй цовхчино. Түүний шүд нь тачигнан, нүд нь улаанаараа эргэлдэн цус гүйжээ.
-Боллоо гэж нөгөө эр хэлэв.
Түүний дагуул эр Дэнийг онгорхой хаалгаар нь унаганы тасалгаа руу оруулж хаяв.
Хэдэн минутын турш тэд цуст үзэгдлийг харснаа сэтгэл ханамжтай эргэн явцгаажээ.
"АЯНГА" ЦАХИЛГААН МЭДЭЭ.
МАШ НУУЦ.
ТТГ. ҮНДЭСНИЙ АЮУЛГҮЙ АГЕНТЛАГИЙН ЗАХИРЛЫН ОРЛОГЧИД
НЭГ ХУВЬ.
ЗӨВХӨН УНШ.
АГУУЛГА: "ЕРТӨНЦИИН ТӨГСГӨЛ" АЖИЛЛАГАА.
6. ДЭН УЭЙН, ВАКО, УСТГАГДСАН.
ТӨГСӨВ.


Top
   
PostPosted: Oct.16.16 11:23 pm 
Offline
Асуулт Самбарын Хvндэт Харуул
User avatar

Joined: Sep.21.09 1:02 pm
Posts: 6273
Location: Энд
Өө муу хэдэн гэрчийг ч бхгүй болголоо л доо.

Баярлалаа :wd: :wd:

_________________
:wink:


Top
   
PostPosted: Oct.17.16 10:44 am 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
Бүлэг 28.

9 дэхь өдөр, Канад, баруун хойд нутаг Форт-Смит

Форт-Смитэд голчлон фермийн эзэд, газар эзэмшигчид голдуу хоёр мянгаад хүн амтай цэцэглэн хөгжиж яваа хот ажээ. Цаг уур нь хахир хүйтэн, урт өвөл үргэлжилдэг ч энэ хот бие махбод байгальтайгаа зохицон амьд үлдэх Дарвины онолын амьд гэрч болж байв.
Уильям Манн зохицон амьд үлдэхийн нотолгооны нэг байв. Мань эр Мичиганд төрсөн хэдий ч гучин насандаа Форт-Смитэд загасчилж явснаа хотын амьдрал бас нэгэн сайн банк шаардаж байгааг ойлгожээ. Хотод зөвхөн ганц банк байх агаад Маннд өөрийн өрсөлдөгчдөө түрэн зайлуулахад нь хоёр жил шаарджээ. Уильям зөвхөн үүнийг л хүсч өөрийн банкыг чиглүүлэн удирдаж байлаа. Түүний шүтээн нь тооны ухаан ч гэлээ тэр зөвхөн орлого илтгэх тоон цифрүүдийг л хардаг болжээ.
Өөрийнхөө хүүгийн амьдралыг аврахаар тун яаран банкны эзэнд бараалхан зээл хүссэн нэгэн эрхмийн тухай онигоо түүнд их таалагддаг байв.
"Банкны эзэн мань эрийг барьцаанд тавьчих юмгүйг нь мэдмэгц хаалга руу заажээ.
-Би явнаа, гэхдээ эртнээс хэлэх гэж бодсон үгээ хэлчихье. Би хэзээ ч тань шиг энэрэх сэтгэлгүй хүн үзээгүй юм байна гэж зээл хүссэн эр хэлэв.
-Түр хүлээ, надад танд хэлэх нэг санал байна. Миний нэг нүд хиймэл юм, хэрэв аль нь болохыг та хэлж чадах аваас би танд мөнгө өгье гэж банкны эзэн хэлжээ.
-Зүүн нь хэмээн зээл хүсэгч эр тэр дороо хариулж гэнэ.
Банкны эзэн ихэд гайхан,
-Үүнийг хэн ч мэддэггүй юм. Та яаж мэдээв? гэтэл,
-Энэ тун амархан. Таны зүүн нүд гялсхийхийг би анзаарсан юм, тэгээд түүнийг чинь хиймэл юм гэж бодсон юм гэжээ."
Уильям Маннд энэ онигоо тун их таалагдана. Өрөвч сэтгэлгүйгээр ажил хэргээ явуулна гэж гонжийн жоо. Канад, АНУ-ыи бусад банкууд өрсөн даалуу бие биеэ даран унахтай адил ээлж дараалан сүйрч байхад, Уильям Маннын ажил хаврын яргуй шиг улам цэцэглэсээр байв. Маннийн гүн ухаан нь тун энгийн эхлэн бизнес эрхлэгчдэд хззээ ч зээл өгөхгүй, сэжигтэй байгууллагад хэзээ ч хөрөнгө оруулалт хийхгүй байх, хөршүүддээ ямар ч ззэл тусламж үзүүлэхгүй гэсэн зарчимтай байлаа.
Манн Швейцарийн банкны системд гүн хүндэтгэлтэй хандах бөгөөд Цюрихын банкны эздийг хамгийн шилдэг нь гэж тооцдог байлаа. Ингээд өдрийн сайныг өнжин хүлээж нэгэн сайхан өдөр Швейцари орон Канадын доллараас гадна Америкийн центийг сорох арга эзэмшихэд нь тэдний арвин их туршлагаас тус болох чимхийг ч гэхнээ суралцахаар явсан бөлгөө.
Швейцарид түүнийг гүнээ хүндэтгэлтэйгээр тун элэгсэгээр хүлээн авсан хэдий ч тэднээс шүүрээд авчих гялайх ганц зүйл олж харсангүй. Өөрийн санаа өөртөө зөв гэгчээр түүний арга барил нь тээчэгэлзэх зүйлгүй Швейцарийн банкны эздийн туршлагаас илүү төгс төгөлдөр юм байма гэдгийг мэдэж авчээ.
Манн буцахдаа Альпаар аялах жуулчдын автобусаар явахаар шийджээ. Үзэсгэлэнт сайхан байгальтай хэрнээ Форт-Смитийм орчмоос дээрдэх юмгүй уйтгартай нэгэн аялал сонгочихжээ. Зорчигчдын нэг техас эр, эдлэнгээ дампуурлаас аварчих санаатай түүнээс зээл авахаар оролдож Манныг ятгахад нь тэрээр америк эрд зөвхөн инээд бэлэглэсээр явжээ. Нисдэг тавагны сүйрлийг эс тооцвол түүний аялал гойдын сонирхолтой болсонгүй өнгөрчээ.
Болсон явдалд Уильям үнэмшээгүй хэрнээ, Швейцарийн засгийн газар жуулчдын татах үүднээс санаатай зохион байгуулсан гэдэгт итгэлтэй байжээ. Сайхь эр нэгэн удаа Диснейлендээр аялахдаа бодитой юм шиг хийсэн иймэрхүү үзүүлэнг үзэж явсан юмсанж.
Уильям Манн баяр ёслолын байдалтай Швейцарийг орхин гэртээ эргэж иржээ.
Банкны эзний ажлын өдөр цаг минутаар тооцоолсон хатуу чанд хуваарьтай билээ.
Хэн нэгэн хүн түүнтэй уулзахыг хүсч байна гэж нарийн бичгийн дарга нь дуулгахад Манн түүнийг хүлээж авмааргүй байсан тул.
-Түүнд юу хэрэгтэй юм бэ? гэж Манн асуув.
-Танаас ярилцлага авах юм гэнэ. Банкны эзний тухай нийтлэл бичиж байгаа гэсэн.
Энэ үгс түүний санаа бодлыг орвонгоор нь эргүүлэн, нийтэд ил тод алдар хүндтэй байна гэдэг нь бизнесийн асар их ач холбогдолтой.
Уильям Манн пиджакаа засаж янзлан үсээ илээд.
-Оруулчих хэмээн нарийн бичгийн даргадаа хэлжээ.
Ирсэн гийчин нь хувцас сайтай америк эр байх тул энэ нь түүнийг томоохон сэтгүүл эсвэл сонины газар ажилладгийг нь илтгэж байв.
-Та эрхэм Манн уу?
-Тийм ээ.
-Роберт Беллам байна.
-Нарийн бичгийн дарга миний тухай нийтлэл бичих гэж байна гэсэн.
-Яг ч тийм ч биш л дээ, гэхдээ таны нэр заавал дурьдагдах болно. Манай сонин. . .
-Та ямар сонинг төлөөлж байна?
-”Уолл стрит журнал".
-Гайхалтай.
-Манай сонин ихэнх банкны эзэд түмнээс тасархай байдаг гэж үздэг. Тэд тун ховор аялдаг. Харин та, ноён Манн, эсрэгээр аялаж зугаалах дуртай хүн юм.
-Тийм шүү гэж банкны эзэн даруухнаар зөвшөөрөөд,
-Дашрамд хэлэхэд түрүү долоо хоногт л гэхэд Швейцариар аялаад ирсэн шүү гэв.
-Өө тийм үү? Швейцарь танд таалагдсан уу?
-Таалагдсан шүү. Хэд хэдэн банкны эзэдтэй уулзаж, дэлхийн эдийн засгийн тухай хэлэлцсэн юм.
Роберт тэмдэглэлийн дэвтэр гарган, тэмдэглэл хөтлөв.
-Танд амрах цаг гарсан уу?
-Бараг л үгүй дээ. Өө, би жуулчдын автобусаар аялаад авсан. Би урьд өмнө хэзээ ч Альпа орж үзээгүй явсан юм.
Роберт дахин тэмдэглэл хийв.
-Жуулчдын аялал жаахан тиймхэн санагдсангүй юу. Та автобусаар явахдаа сонин хачин хүмүүстэй танилцсан биз дээ?
-Сонин хачинтай юу? гээд Манн түүнээс мөнгө салгахаар улайран гуйж гувшиж байсан техас эрийн тухай бодсоноо.
-Би яримааргүй байна санж гэв.
-Арай үгүй биз дээ?
Манн түүнийг хараад сурвалжлагч эр өөрөөс нь ихийг хүсч байгааг ойлгов.
-Нэг орос эмэгтэй явсан.
Роберт нэг юм тэмдэглэж авав.
-Тийм үү? Түүний тухай яриач.
-Бид Орос орон хичнээн хоцрогдсон байсан тухай, хуучин социалист замаараа явсан бол ямар аймшиг тэднийг хүлээж байсан тухай ярьж явсан гэв.
-Хүүхэн чамгүй сэтгэгдэл төрүүлсэн байх даа гэж Роберт яриа өдөн өгүүлэв.
-Тийм ээ, тэгсэн. Орос гэхэд дажгүй нийтэч бүсгүй байна лээ. Оросууд голдуу зожиг байдаг даа.
-Нэрээ хэлсэн үү?
-Үгүй... түр хүлээгээрэй. Ольга гэсэн байх аа.
-Бүсгүй хаанаас ирснийг нь та санамсаргүй мэдээгүй биз?
-Мэдсэн, бүсгүй Киевийн төв номын санд ажилладаг гэсэн. Бүсгүй өөрчлөн байгуулалт, ардчилалын ачаар гадаадад анх удаагаа аялаж байгаа бололтой юм билээ. Хэрэв миний саналыг мэдэхийг хүсч байвал. хэмээн Роберт түүний үгийг бичиж авч байгаад итгэлтэй байх гэсэндээ түр зогсосхийв.
-Горбачев Орос орныг эмх замбараагүй байдалд оруулсан. Горбачев улс төр рүү идэвхийлэн орсон атлаа эдийн засгийг сатааруулан удаашруулсан юм хэмээн банкны эзэн их мэдэгч царайлан өгүүлнэ.
-Тун сонин байна хэмээн Роберт бувтнан сууна. Тэр банкны эзэнтэй түүний шүүмжлэлийг сонссоор хагас цагийг өнгөрөөжээ. Автобусны зорчигчдыи тухай нэг ч асуулт нэмж асуусангүй.
Роберт буудалдаа эргэн ирээд генерал Хиллиардын өрөө рүү утасдав.
-Түр хүлээгээрэй, захирагч Беллам.
Харилцуурт тор тор хийх дуу сонсогдон түүнийг генералтай
холболоо.
-Сонсож байна. захирагч аа
-Бас нэг зорчигчийг оллоо. генерал аа
-Нэр нь?
-Уильям Манн. Канадын Форт-Смитэд банкны эзэн.
-Баярлалаа. Даруйхан Канадын засгийн газартай холбоо барья, тэд түүнтэй үг хэлээ ололцог.
-Дашрамд хэлэхэд мань эр надад утасны сэжүүр өгсөн. Би Орос руу явах болох нь надад жуулчны виз хэрэгтэй гэлээ.
-Та хаанаас ярьж байна?
-Форт-Смитээс.
-Стокгольмд "Визгот" буудалд буу. үйлчлэгч танд дугтуй гардуулах болно
-Баярлалаа.
"АЯНГА" ЦАХИЛГААН МЭДЭЭ.
МАШ НУУЦ.
ҮНДЭСНИЙ АЮУЛГҮЙ АГЕНТЛАГ
- КАНАДЫН АЮУЛГҮЙ АЛБАНЫ ОРЛОГЧИД
НЭГ ХУВЬ.
ЗӨВХӨН УНШ.
АГУУЛГА: "ЕРТӨНЦИЙН ТӨГСГӨЛ" АЖИЛЛАГАА.
7. УИЛЬЯМ МАНН. ФОРТ-СМИТ
ТӨГСӨВ.

Тэр оройдоо 23 цагийн орчим Уильям Маннын гэрийн хонх дуугарлаа. Банкны эзэн хэнийг ч хүлээгээгүй, тэр тусмаа мань эр урилгагүй зочдод тун дургүй ажээ Нярав эмэгтэй явчихсан, эхнэр нь дээд унтлагын өрөөнд унтаж байв. Дургүй нь хүрсэн баикны эзэн өөрөө үүдээ тайлах болжээ.
Үүдэнд нь хар костюмтай хоёр эр зогсож байв.
-Уильям Манн уу?
-Тийм ээ.
Нэг эр үнэмлэх гарган үзүүлээд.
-"Канадын банк"-наас ирлээ, орж болох уу?
Манн хөмсөг зангидан.
-Юу болоов? гэлээ
-Та татталзахгүй бол бид гэрт орж ярилцья.
-За за гээд мань эр эрчүүдийг зочдынхоо өрөөнд оруулав.
-Та саяхан Швейцарь орсон гэл үү?
Тэдний асуулт түүнийг гайхахад хүргэлээ.
-Юу-уу? Тийм, энэ ямар хамаатай ..
-Таны ззгүйд бид танай банкны тайланг шалгасан, ноён Манн. Танайд сая доллар дутсан гэдгийг та мэдэж байгаа биз дээ?
Уильям Манн гайхан ширтэв.
-Та юун тухай яриад байна? Би долоо хоног бүр биечлэн шалгадаг, нэг ч долларын алдалгүй!
-Сая долларын дутагдал гарсан ноён Манн. Бид таныг энэ мөнгийг үрэн таран хийсэн гэж үзэж байна.
Банкны ззний царай улаа бутрав.Тэрээр ярих гэтэл хэл ам нь ээдрэн ээрч эхэллээ.
-Яаж... яаж ингэж хэлж зүрхэлнэ вэ! Цагдаа дуудаагүй дээр минь одоохон эндээс тонилцгоо
-Хай даа. энэ танд тус болох нь юу л бол. Таны нүглээ наминчлах бидэнд хэрэгтэй байна, эрхэм Манн гуай.
Энэ үгс түүнийг бүр уймруулж орхилоо.
-Нүглээ наминчлах гэв үү? Юуны төлөө тэр вэ? Та нар солиорчихож!
-Үгүй, эрхэм ээ.
"Ээ Бурхан минь, эд дээрэмчид байна" хэмээн банкны эзэн бодлоо.
-Эндээс хэрэгтэй бүхнээ ав. Хүч хэрэглэлгүйгээр...
Нэг нь баар руу очоод цоожтой байхыг нь мэдмэгцээ шилэн хаалгыг нь хага цохиж, томоохон аяганд виски дүүргэн Маннд авчирч өгөв.
-Уучих, таныг тайвширахад тус болно.
-Би. . . би хоолны дараа хэзээ ч уудаггүй Миний эмч. . . гэвэл сайхь эр банкны эзний чамархай руу буу тулгалаа.
-Уу. эсвэл наад аягыг чинь чиний тархиар дүүргээд өгөх үү?
Манн хүн алах дон шүглэсэн хүний гарт орсноо ойлголоо. Тэрээр салганан чичирсээр аягатайг авч ганц балгав.
-Дахиад уу.
Манн дахиад томхон балгалаа.
-Юу. . Та нар юу хүсээ? гэж эхнэр сонсон доош бууж ирээсэй хэмээн бодсондоо дуугаа өндөрсгөж аль болох чангаар хэлсэн хэдий ч ингэж горьдохын ч хэрэггүй юм яагаад гэвэл эхнэр нь үхэр буугаар буудсан ч сэрэхээргүй бөх унтдагийг мань эр мэдэх хойно.
Манн эд дээрэмчид юм гэдгийг улам бүр ойлголоо. Тэгээд,
-Юу дуртайгаа ав би та нарт саад хийхгүй гэвэл.
-Наадахаа дуустал нь уу гэж нөгөө эр архираад, шанаа чихийг нь онолдуулах хүчтэй дэлссэнд Манн өвдсөндөө амьсгаа давчдан бачуурав.
-Наадахаа уугаач!
Манн вискийг дуустал уугаад ходоод гэдэс мь халуу оргиод явчихыг мэдэрлээ. Толгой нь эргэж. нүд нь эрээлжилж эхлэв.
-Дээр унтлагын өрөөнд сейф бий. Би онгойлгоод өгье гэж хэлэхдээ Манн хэл ам нь ээдэрч орооцолдохыг мэдэрчээ.
"Дээш гарахад эхнэр сэрж цагдаа дуудаж магад"
-Бид яарахгүй. Танд дахиад нэг аяга хөнтөрчих цаг байна гэж буу барьсан эр хэллээ.
Нөгөө эр баар руу эргэн дахин аяга дүүрэн виски мэлтэлзүүлэн хийж ирээд Маннд өглөө
-Май уу.
-Үгүй. би уумааргуй байна.
Сайхь эр гарт нь хүчээр бариулж.
-Уу гэлээ.
-Би үнэхээр уумааргүй.
Үл таних эрийн нударга дахин чихэн дээр нь буухад Манн өвдсөндөө золтой л ухаан алдсангүй
-Уугаач
"За яах вэ. хэрэв тэд үүнийг л хүсээд байгаа юм бол Энэ аймшиг хурдан дуусах тусмаа сайн л биз"
Манн томхон балган залгитал бөөлжис нь цутгаад ирлээ.
-Би дахиад уувал хэцүүдэх нь ээ
-Хэрэв чи хэцүүдэх аваас, би таныг алах болно гэж гap буутай эр тайван өгүүлэв.
-Та нарт юу хэрэгтэй юм бэ? гэж Манн бөвтнөв.
-Бид танд хэлсэн ноён Манн таны нүглээ намичнлах бидэнд хэрэгтэй байна.
Банкны эзэн уусан вискиндээ хөлчүүрхэн толгой дохиод.
-Тэгье ээ, би нүглээ наминчлая гэлээ Сайхь эр инээмсэглэж үзэгдэв
-Харж байна уу, бидэнд хэрэгтэй зүйл чинь энэ шүү дээ. Харин одоо... гээд банкны эзэнд хуудас цаас өгөөд,
-Одоо "Надад тун харамсалтай байна. намайг өршөөгөөрэй" гэж бич гэлээ.
Уильям Манн түүнийг манантсан нүдээр харснаа.
-Ингээд болоо юу? гэв
-Тийм ээ, болоо Дараа нь бид явцгаана. Үзээгүй юмаа үээж, үхэр цамаа харайж байгаа банкны эзэн эл үгсийг сонсоод гэнэтийн баяр баясгаланд автан сэтгэл нь хөөрөв. Эд ердөө л шашины үнэнч шавь нар юм байна. Тэр эднийг дөнгөж гармагц цагдаагийн газарт мэдэгдэн баривчлуулах болно. Тэр цагт өөдгүй нохойн бааснуудыг яахыг харах болно оо, гайгүй.
-Бичээрэй, ноён Манн
Түүнд анхаарлаа төвлөрүүлэхэд тун бэрх болжээ
-Намайг юу бич гэлээ?
-Ердөө "Надад тун харамсалтай байна, өршөөгөөрэй намайг" гэж л бичнэ шүү дээ.
-За за гээд арай ядан үзэг барин, сүүлчийн хүчээ шавхан.
"Надад тун харамсалтай байна өршөөгөөрэй намайг" гэж бичлээ.
Үл таних эр цаасны булангаас нь болгоомжтой гэгч нь авч уншив.
-Тун сайн байна, ноён Манн ядах юмгүй байгааг харж байгаа биз дээ.
Уильямын нүдний өммүүр тасалгаа бүхэлдээ эргэлдэж эхлэв.
-Тийм ээ, баярлалаа. би нүглээ наминчиллаа. Одоо та нар яах уу?
-Та солгой юмаа даа.
-Юу-уу?
-Та солгой юу?
-Тийм.
-Сүүлиин үед гэмт хэрэг их гарах болж, ноён Манн. Аюулгүй байдлыг чинь хангах үүднээс танд энэ бууг үлдээе
Сайхь эр банкны эзний зүүн гарт нь буу атгуулж орхиод,
-Та буудаж чадах уу? гэлээ
-Үгүй.
-Тун амархан Ингээд л гүйцээ гээд банкны эзний чамархайд бууны амыг тулган түүний гарыг атган хуруугаар нь гохон дээр дарж орхилоо.
Бөглүүхэн дуу гарч шалан дээр цус дуслаж эхлэв.
-Бидэнд энд өөр хийх юм алга. Тавтай нойрсоорой, ноён Манн гэж тэдний нэг нь хэлжээ.
"АЯНГА" ЦАХИЛГААН МЭДЭЭ.
МАШ НУУЦ. КАНАДЫН АЮУЛГҮЙ АЛБА
-АЮУЛГҮЙ АЛБАНЫ ДАРГЫН ОРЛОГЧИД
НЭГ ХУВЬ. ЗӨВХӨН УНШ.
АГУУЛГА: "ЕРТӨНЦИЙН ТӨГСГӨЛ" АЖИЛЛАГАА.
7. УИЛЬЯМ МАНН, ФОРТ-СМИТ, УСТГАГДСАН ТӨГСӨВ.


Арав дахь өдөр.

Канад, Форт-Смит. Баруун хойд хязгаар

Маргааш өглөө банкинд шалгалт явуулсан хяналтын түшмэлүүд сая долларын шамшигдал гарсныг илрүүлэн нийтэд зарлав. Цагдаагийн газар Манныг амиа егүүтгэсэн гэж үзжээ. Алдсан мөнгө, олдохооргүй ор сураггүй алга болсон аж.


Top
   
PostPosted: Oct.17.16 10:52 am 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
БҮЛЭГ 29.

Арван нэг дэх өдөр.

Бельги. Брюссель, 3:00 цаг

Шөнө дунд Натогийн цэргийн штабын дарга генерал Шиплиг туслах нь сэрээв.
-Таныг сэрээсэндээ уучлал эрье, генерал аа, тун чухал хэрэг гараад гэлээ.
Генерал гүн нойрноос сэргэх гэж орон дээрээ зүүрмэглэн сууна. Тэрээр Нэгдсэн Улсаас ирсэн сенаторын бүлэгтэй уулзалт хийн нилээн орой унтахаар хажуулсан байжээ.
-Юу болоо вэ. Билли?
-Манай радиолакаторын төвөөс дөнгөж сая утасдлаа, эрхэм ээ. Манай төхөөрөмжүүд нэг бол бүгд жагсаалаас гарч, эсвэл бид үл мэдэгдэх гийчинтэй учирсан бололтой дог.
Генерал Шипли орноосоо өндийн бослоо.
-Таван минутын дараа намайг очно гэж тэдэнд хэл.
Бүдэг гэрэлтэй радиолакацийн заал цэрэг офицероор дүүрэн ажээ. Генералыг орж очмогц тэд түүний зүг эргэн "номхон" команд аван зэрэгцэн жагсацгаав.
-Болноо гээд генерал радиолакацийн төвийн дарга ахмад Мюллер руу дөхөн очив.
-Льюис юу болоо вэ" гэж генералыг асуухад ахмад Мюллер шилээ маажин.
-Юу ч ойлгохоо байлаа, эрхэм ээ. Та хоёр мянган милийн хурдтай давхиж явснаа гэнэт зогсоод ухарч чадах тийм онгоц
мэдэх үү?
Генерал Шипли түүнийг гайхан гөлийв.
-Та юу яриад байна аа?
-Манай радарын мэдээлж байгаагаар ийм зураг сүүлийн хагас цаг ажиглагдаж байна. Бид эхлээд ямар нэг электрон хэрэгсэл туршиж байна гэж бодоод. орос, англи, францчуудтай холбоо барьтал тэдний радарын дэлгэц дээр мөн адил байна гэнэ.
-Тэгэхээр төхөөрөмж эвдрээгүй байх нь ээ хэмээн генерал намуухан асуулаа.
-Үгүй, эрхэм ээ. Дэлхийн бүх радарууд нэгэн зэрэг жагсаалаас гарна гэж байж болохгүй.
-Дэлгэц дээр хэдэн бай байна вэ?
-Арав гаруй. Тэд ажиглаж боломгүй тун хурдан хөдлөөд радарт олж барьмагц төдхөн алга болж байна. Бид мэддэг нисэж чаддаг бүхнээс солир бөмбөлгөн цахилгаан, агаарын бөмбөлгүүдийг хасчихаад байгаа. Би хэдэн онгоц хөөргөөд үзмээр санагдсан чинь тэд бидний ойртож чадахааргүй тийм өндрөөр нисч байна.
Генерал нэг радарт ойртон очлоо.
-Яг одоо юм үзэгдэнэ үү?
-Үгүй ээ, эрхэм ээ, тэд явцгаасан гээд ахмад үгээ тасалснаа.
-Гэвч тэд эргэж ирнэ гэсэн аймшигтай совин татаад байх юм гэлээ.


Top
   
PostPosted: Oct.17.16 10:58 am 
Offline
Эелдэг Гишvvн
Эелдэг Гишvvн

Joined: Mar.17.16 5:46 pm
Posts: 63
БҮЛЭГ 30.

Канад, Оттава. 5:00 цаг

Янус генерал Шиплийн илтгэлийг уншиж дуусахад итали эр үсчин босож халаглан
-Тэд халдан довтлохоор бэлтгэж байна! гэхэд нь.
-Тэд аль хэдийнээс бидний амьдрал рүү халдаж эхэлцгээсэн гэж франц эр хэллээ.
-Бид хожимдож аюул нүүрлэлээ. Бидэнд гарах гарц байхгүй гэж орос эр онцлон тэмдэглэе
-Жентельменүүд ээ. бид энэ аюулыг зайлуулж чадна хэмээн Янус түүний үгийг тасаллаа.
-Яаж тэр вэ? Тэдний шаардлагыг бид мэдэх билүү? гэж англи эр сониучирхан асуув.
-Тэдний шаардлага гэж байх ёсгүй, тэр тухай ярихын ч хэрэггүй. Энэ тэдний хэрэг биш, харин бидний хэрэг болчихоод байна гэж бразил эр ярианд оролцов.
-Тэгээд юу хийх естой вэ? Хэрэв тэд бүх хотуудын агаарыг цэвэрлэх санал тавибал бид бүх үйлдвэрүүдээ хаах болох нь ээ. Бид үйлдвэр заводгүй болж хоцрох болох нь гэж герман эр хэллээ.
-Машины үйлдвэрүүдийг зогсоох хэрэг гарах нь ээ. Соёл иргэншилт дэлхий маань юу болж хувирах нь вэ? гэж япон эр хачир нэмэн өгүүлэв.
-Бид бүгд ижил бэрхшээлтэй байдалд орчихоод байна. Хэрэв тэд байгал орчиныг бохирдлоос арилгахыг шаардвал энэ нь дэлхийн эдийн засагт сүйрэл учруулах болно. Сансрын зэвсэг хийтэл цаг хожих хэрэгтэй, тэгвэл бид тэдэнтэй учраа олж болно гэж орос эр эрс шийдэмгий хэлэхэд.
-Бид бүгд тантай санал нэг байна. Хамгийн гол нь хүмүүсийг тайвшруулан, үймээн самуунаас ангижруулах явдал мөн гэж Янус түүнийг дэмжив
-Захирагч Белламын ажил хэрэг хэр зэрэг урагштай байна вэ? гэж канад эр сонирхов.
-Тун сайн байгаа. Хоёр, гурав хоногоос дуусах болов уу гэж бодож байна.


Top
   
Display posts from previous:  Sort by  
Post new topic  Reply to topic  [ 99 posts ]  Go to page Previous 1 2 3 4 Next

All times are UTC+09:00


Who is online

Users browsing this forum: No registered users and 4 guests


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited