|
Блэйр тэрнийг саладаа авж байхыг нь хараад, хажууд нь ирж суугаад эргээд найзууд шиг байхыг оролдох үйлдлээс нь айж сууна.
“Сайнуу,” гэж Серена хэлэн, Блэйрийн хажууд суулаа. “Яг л хуучин шигээ байна шүү,” гэж инээгээд, ёогуртаа задлахад нь ахых нь цамцны унжсан утас ёогуртруу нь орчихов.
“Сайнуу, Серена,” гэж Кати Изабел хоёр зэрэг хэлэхэд
Блэйр Серенаруу харан инээмсэглэв.
Серена ёогуртаа хутган Блэйрийн тавиурлуу харахад, өргөст хэмх, бяслагны кремтэй талхны үлдэгдэл байв. “Дэглэмээ сахихаа больсон байх шив,” гэхэд нь
“Тийм л юм шиг байна,” гэж Блэйр хэллээ. Тэр Серенагийн норсон ханцуйруу харан гайхав. Ес, аравдугаар ангид байхдаа ахыхаа цамцыг өмсөж болох юм. Гэвч одоо? Одоо бол... халтар харагдаж байлаа.
“Миний хуваарь шал хөгийн байнаа,” гэж Серена халбагаа долоонгоо хэлээд “Та нартай хамт орох ганц ч анги байхгүй,” гэв.
“Яагаад гэвэл, чи элсэх шалгалтанд бэлдэх ангид сурахгүй байгаа учраас тэгж байгаа юм,” гэж Кати Фаркас хэлэв.
“Чи ч азтай юмаа,” гэж Изабел санаа алдаад “Надад хийх юм дэндүү их байгаа. Унтах ч зав олдохгүй байна,” гэхэд нь
“Би ч тэгвэл шоудах цаг ихтэй л юм байна,” гэж Серена хэлээд Блэйрийг тохойлдов. “Энэ сард ер нь юу юу болж байгаа вэ? Би үнэхээр бүхнээс тасарчихсан явж байгаа,” гэв.
Блэйр тэгш суугаад, аягаа авч ус байгаа эсэхийг нь харав. Тэр Серенад Уруул дээрх үнсэлт-ийн тухай хэлэх ёстойгоо, мөн бэлдэхд нь Серена тусалвал ямар их хөгжилтэй байхыг мэдэж байсан ч тэгж чадсангүй. Серена бүхнээс тасарчихсан байгаа. Харин Блэйр тэрнийг энэ чигээрээ хол яваасай гэж хүсэж байлаа.
“Үнэхээр уйтгартай байгаа. Christmas-аас нааш юу ч болохгүй,” гэж Блэйр худлаа ярин, Кати Изабел хоёрлуу харж анхааруулав.
“Тиймүү?” гэж Серена урам нь хугарсан янзтай хэлж “Тэгвэл өнөөдөр яаж байна? Хамт гарцгаах уу?” гэлээ.
Блэйр найзуудруугаа харав. Тэр гарах дуртай ч, зөвхөн хоёрдах өдрүүдэд л гардаг бөгөөд ихэвчлэн Нэйттэй кино авч үздэг билээ.
“Би маргааш франц хэлний шалгалттай. Уучлаарай, Серена,” гэж Блэйр хэлээд босон “Одоо би хадагтай Рожерстой уулзах ёстой,” гэв.
Серена ярвайж, шинээр сурж ирсэн зуршил болох, хумсаа мэрж эхлээд “Тэгвэл, Нэйтрүү залгадаг юм билүү. Надтай хамт гарах байх,” гэв.
Блэйр тавиураа аван Серенагийн нүүрлүү цохиод, Тэрнээс гараа тат! гэж орилмоор байсан ч, тэгсэнгүй.
“Дараа уулзацгаая,” гэж хэлээд яваад өглөө.
Серена санаа алдан, саладнаасаа сэрээдэв. Тэр Кати Изабел хоёрлуу найдлагын харцаар харахад тэд ч бас явах гэж байлаа.
“Би коллежиийн тухай, хүнтэй уулзна,” гэж Катиг хэлэхэд
“Би харин зургийн өрөөнд очиж, зургаа хураах хэрэгтэй,” гэж Изабел хэлэв.
“Хэн нэгнийг харахаас өмнө үү?” гэж Кати тоглоом хийхэд Изабел
“Амаа татаж үз,” гэв.
Тэд тавиураа аван босоход
“Чамайг иргээд ирсэнд үнэхээр баяртай байна, Серена,” гэж Кати хамгийн худлаа хоолойгоор хэлэв.
“Тиймээ. Үнэхээр тийм шүү,” гэж Изабел санал нэгдлээ.
Тэгээд яваад өгцгөөв.
Серена халбагаа эргүүлэн, бүх хүмүүс яачихсын бэ гэж гайхав. Бүгд л сонин аашлаад байх юм. Би юу хийчихсэн гэж? гэж дахин хумсаа мэрсээр, өөрөөсөө асуув.
Сайхан л асуулт байна.
_________________
Be a Skinny B!tch.
Last edited by Bl!zzard on Aug.17.11 4:59 pm, edited 3 times in total.
|
Register
Login
FAQ
Search
