#AsuultSambar :

ASUULT.NET - МОНГОЛ УЛС МАНДАН БАДРАГ!
It is currently Aug.16.18 9:36 pm

All times are UTC+09:00




Post new topic  Reply to topic  [ 9 posts ] 
Author Message
PostPosted: Apr.05.11 8:18 pm 
Offline
Олны Танил Гишvvн
Олны Танил Гишvvн
User avatar

Joined: Nov.05.10 8:45 pm
Posts: 532
Location: Хөгжүүлдэг Windows Phone 7, ASP.NET, Zinc Framework || Сонирхдог Python, C++, Ruby, PHP
Тэгэхээр энд дарж орж ирсэн эрхэм та багадаа цээжлэн асуугддаг байсан хэдэн "гурвуудаа" санаад гайхах, инээх зэрэгцэж буй байх гэж таамагланам?

Монгол хэл маань хичнээн шүлэг мөрт, өгүүллэг, тууж роман, хэлц хэллэгээр баян билээ? Тэгэхээр цаашдаа өв уламжлан дамжлах соёлынхоо ололтыг бид бүгд мэддэг билүү?

Олны хүч
Оломгүй далай

хэмээх сургаалыг би бээр эрхэмлэдэг, тиймдээ ч Олныхоо хүчээр мартагдсан "Ертөнцийн гурвуудаа" мэддэгээсээ эхлэн бичиж үлдээхийг хүсч байна. Ингээд миний бие эхлүүлье.

Ертөнцийн гурван цагаан

Өсөхөд шүд цагаан
Өтлөхөд үс цагаан
Үхэхэд яс цагаан

Ертөнцийн гурван улаан

Жавартай тэнгэрийн хаяа улаан
Жаргалтай хатны хацар улаан
Жалганд ургасан сухай улаан

Ертөнцийн гурван ногоон

Тагт ургасан арц ногоон
Тайгад ургасан хуш ногоон
Талд ургасан зээргэнэ ногоон

Ертөнцийн гурван шар

Эрдэнэд алт нэг шар
Эдэнд жанч нэг шар
Идээнд уураг нэг шар

Ертөнцийн гурван хөх

Уудам дэлхийн тэнгэр нэг хөх
Унтрах галын дөл нэг хөх
Урсах голын ус нэг хөх

Ертөнцийн гурван цэнхэр

Холоос харагдаж байгаа уул нэг цэнхэр
Хонхорт тогтсон ус нэг цэнхэр
Хорвоод байгаа тэнгэр нэг цэнхэр

Ертөнцийн гурван хар

Тостойгоос тогоо хар
Билэгтэйгээс бэх хар
Амттайгаас архи хар

_________________
Core i7|HTC HD7|App.Dev|Illidan


Top
   
PostPosted: Apr.16.11 5:17 pm 
Offline
Жирийн Нэгэн Гишvvн
Жирийн Нэгэн Гишvvн

Joined: Apr.06.11 6:54 am
Posts: 18
dahaid bichihgui yum bhda


Top
   
PostPosted: Apr.16.11 6:11 pm 
Offline
• Moderator
<b><font color=#000099>• Moderator</font></b>
User avatar

Joined: Apr.22.02 3:10 pm
Posts: 13869
Location: above
Баян хүнд худалдаачин янаг
Бааран хүнд нохой янаг
Ховч хүнд ноён янаг

Хаднаас хальж үхсэн хаг шаазгайн мах нэг олддоггүй
Модноос унасан морин шоргоолжны мах нэг олддоггүй
Хийдэд суугаад турж үхсэн гэлэнгийн мах нэг олддоггүй

Төрөхөд халамжлахын тус
Өвдөхөд сувилахын тус
Үхэхэд яс барихын тус


Харамч эм гэрийн буг
Хавтай түлээ галын буг
Хатсан ховоо худгийн буг


Эрэг рүү буусан ус нэг догшин
Эмээлээ хөглүүлсэн морь нэг догшин
Эхнэрээ голсон хархүү нэг догшин


Уул бүслүүргүй нэг дутуу
Далай таглаагүй нэг дутуу
Тэнгэр баганагүй нэг дутуу


Ус байваас замаг байна
Уул байваас зам байна
Ухаантан байваас засаг байна


Өсч буй хөвгүүнд өс битгий бод
Өтөлж буй хүнд өр битгий тавь
Өшиж буй хүнд сэрэмж битгий алд


Сохор үхэрт худаг бүү үзүүл
Солиотой хүнд хутга бүү бариул
Согтуу хүнд архи бүү хундагал


Эрдэм багатын бодлого богино
Энэрэл муутын нас богино
Эмээл муутын ганзага богино


Бэр сайт хадам бардам
Билүү сайт хутга бардам
Бэлчээр сайт мал бардам


Нэрсэн бүхэн охь биш
Мэдсэн бүхэн эрдэм биш
Мэлзсэн бүхэн үнэн биш


Цолд хүрэх бөхийн бах
Чоно агнах авын бах
Цойлж тодрох эрдмийн бах


Эцэг эхгүй хүний гуниг нэг бараан
Эрдэм номгүй хүний цээж нэг бараан
Эрдэнэт сүрэггүй айлын хот нэг бараан


Top
   
PostPosted: Apr.24.11 4:46 am 
Offline
Гавъяат Форумчин Гишvvн
User avatar

Joined: Feb.17.11 4:28 am
Posts: 2593
Location: yu ch medehgvi negen
dajgvi yum bna hvmvvse idevhtei end yum bicheerei..,

_________________
Emigiin sain nz


Top
   
PostPosted: Jun.21.12 9:24 pm 
Offline
Дvрэлзэх Дөл Гишvvн
User avatar

Joined: Sep.01.10 2:27 pm
Posts: 1623
Location: Бодол минь ноорог дээр, гэвч тэр хогын саванд..,
Ертөнцийн гурван хөөрхөн

Бой нь арилсан хүүхэд нэг хөөрхөн
Боривоо нээсэн гөлөг нэг хөөрхөн
Босож тэнцэж байгаа ботго нэг хөөрхөн

Ертөнцийн гурван сайхан

Жигдэрсэн оддын дунд сар сайхан
Жигүүртэн шувуудаас тогс сайхан
Жигдэлсэн моддоос галбарваасан сайхан

Ертөнцийн гурван муухай

Хурган малгайд чихэвч муухай
Хувхай эмээлд худрага муухай
Хулсан ташуурд янгиа муухай

Ертөнцийн гурван харанхуй

Номгүй бандийн цээж харанхуй
Хоньгүй айлын хот харанхуй
Хойшоо харсан нүх харанхуй

Ертөнцийн гурван хурдан

Салхитай тэнгэрийн үүл хурдан
Саруул ухаантны санах хурдан
Сайн морины явдал хурдан

Ертөнцийн гурван цэмцгэр

Үүлээ хөөсөн тэнгэр нэг цэмцгэр
Үнсээ гаргасан тулга нэг цэмцгэр
Үсээ самнасан авгай нэг цэмцгэр

_________________
тоо бодвол толгой [с]эргэнэ!


Top
   
PostPosted: Jun.21.12 9:29 pm 
Offline
Дvрэлзэх Дөл Гишvvн
User avatar

Joined: Sep.01.10 2:27 pm
Posts: 1623
Location: Бодол минь ноорог дээр, гэвч тэр хогын саванд..,
Шивнээ үг нөхөрт харш
Шиврээ бороо дээлэнд харш
Их санаа биед харш


Ой сайтай хүн нэг цовоо
Онгон талын туурайтан нэг цовоо
Онц сурдаг хүүхэд нэг цовоо

Оосор бүчгүйгээс орчлон том
Оёор оломгүйгээс далай том
Орой хязгааргүйгээс огторгуй том


Үхэртэй хүнд газар хол
Үгүйрсэн хүнд юм хол
Үхсэн хүнд дэр хол


Нумгүй явбал ав дээр гэмшил
Номгүй лам хурал дээр гэмшил
Үйлгүй хүүхэн өгсөн газар гэмшил


Худалч хүний нээрээ олон
Хуурамч хүний хөөрхий олон
Хуудуу хүний за олон

_________________
тоо бодвол толгой [с]эргэнэ!


Top
   
PostPosted: Dec.28.12 11:58 pm 
Offline
Нутаг Нугын Шvтээн Гишvvн
Нутаг Нугын Шvтээн Гишvvн
User avatar

Joined: Feb.25.06 10:02 pm
Posts: 754
Location: шувуудын одох зүгт...
Эгнэгт батгvйн нас хэврэг
Vvрд ханилахгvйн тулд амраг хэврэг
Эцэстээ барагдахын тулд эд хэврэг

_________________
ШҮҮМЖЛЭЛД мэдрэг бай!


Top
   
PostPosted: Dec.02.13 10:07 pm 
Offline
Давамгайлагч Гишvvн
Давамгайлагч Гишvvн
User avatar

Joined: Nov.29.13 3:54 pm
Posts: 870
Арван тавны сар нэг сайхан
Атар газрын цэцэг нэг сайхан
Аав ээжийн сургаал нэг сайхан

Эрдэм ном дээд баян
Үр хүүхэд дунд баян
Эд хөрөнгө адаг баян

Сал онгоцноос салбал далайн дунд
Саадаг нумнаас салбал дайсны дунд
Сайн мориноос салбал талын дунд

Унтах үхэхийн хагас
Унгах баахын хагас
Уурлах галзуурахын хагас

Ахмадын үгийг сонсдоггүй бол нэг муу
Аав ээжээ асардаггүй бол нэг муу
Ажил хөдөлмөр эрхэлдэггүй бол нэг муу

Үхэртэй хүнд газар хол
Үгүйрсэн хүнд юм хол
Үхсэн хүнд дэр хол

Сая буусан бэр нэг цэгц
Нуурт буусан нугас нэг цэгц
Хүлэг морины дэл нэг цэгц

Хууран мэхлэгч үнэгтэй ижил
Хувхай мод хадтай ижил
Хуншгүй хүн хөгцтэй ижил

Худалч хүний нээрээ олон
Хуурамч хүний хөөрхий олон
Хуудуу хүний за олон

Хөгширсөн үхрийн хэл нэг ширүүн
Хаднаас гарсан хайрга нэг ширүүн
Хааны тогтоосон хууль нэг ширүүн

Аманцар морь авын шившиг
Аальгүй авгай гэрийн шившиг
Хэрүүлч хүн хээрийн шившиг

Чулуун дээр ногоо ургуулах нэг бэрх
Усан дээр гал түлэх нэг бэрх
Үхрийн эвэр дээр цас тогтоох нэг бэрх

Үхэргүй хүн намрын цагт гутамшиг
Үргүй хүн үхэхийн цагт гутамшиг
Эрдэмгүй хүн номын газар гутамшиг

Авир зангаа засахгүй бол нэрээ барах нь холгүй
Ашиг хөрөнгөө аривлахгүй бол юмаа барах нь холгүй
Архи дарсаа болихгүй бол амиа алдах нь холгүй

Үл ханах ховдог санаатан эд малд баярлах
Үлэмж дээд ихэс дээдэс үнэн номоор явбал баярлах
Үргэлж хөөрөмхий онгироо зант хүн мэдвээс баярлах

Бэр сайт хадам бардам
Билүү сайт хутга бардам
Бэлчээр сайт мал бардам

Хөх тэнгэр үүлсээр баян
Хөрст газар үндсээр баян
Хөлгүй далай загасаар баян

Агсам моринд амар заяа алга
Ааштай хүнд аз жаргал алга
Ажилч хүнд амсхийх зав алга

Зовлон олон бол сэтгэл амаргүй
Зүүд олон бол зүрх амаргүй
Зоос олон бол санаа амаргүй

Атаат дайснаа дарвал төгс баяр
Ахан дүүсээрээ цуглавал тэргэл баяр
Ахин нас нэмбэл буянтай баяр

Чанар сайтай хүний ам нэг бат
Чармайлт сайтай ламын эрдэм нэг бат
Цээж сайтай мэргэдийн мэдлэг нэг бат

Бат чин зоригоор номын шимийг авах
Бахдах сайхан үгээр мэргэдийн эрдмийг авах
Баярт сайхан царайгаар олны дурыг авах

Олонд тус хүргэгчийн бие амар
Олз гарз үл бодогчийн эдлэл амар
Осол мууг тэвчигчийн санаа амар

Сэтгэлийг хөгжөөх нь дууны аяс
Санааг баясгах нь хөгжмийн аяс
Салхийг урих нь исгэрээний аяс

_________________
So close to you, Yet so far away


Top
   
PostPosted: Jun.16.16 12:38 am 
Offline
Давамгайлагч Гишvvн
Давамгайлагч Гишvvн
User avatar

Joined: Nov.29.13 3:54 pm
Posts: 870
eniig tsaash ni yavuulah hun bdgui ee? ug ni ih saihan sedev shd

_________________
So close to you, Yet so far away


Top
   
Display posts from previous:  Sort by  
Post new topic  Reply to topic  [ 9 posts ] 

All times are UTC+09:00


Who is online

Users browsing this forum: No registered users and 2 guests


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited