#AsuultSambar :

ASUULT.NET - МОНГОЛ УЛС МАНДАН БАДРАГ!
It is currently Sep.25.18 12:44 am

All times are UTC+09:00




Post new topic  Reply to topic  [ 274 posts ]  Go to page Previous 16 7 8 9 10 11 Next
Author Message
PostPosted: Jul.05.11 5:20 pm 
Offline
Олны Танил Гишvvн
Олны Танил Гишvvн
User avatar

Joined: Mar.07.05 5:53 pm
Posts: 506
Очиж очиж Мъянмарт хожигдоод арай л болоогүй байна даа манайхан


Top
   
PostPosted: Jul.05.11 8:25 pm 
Offline
Асуулт Самбарын Хvндэт Харуул
User avatar

Joined: Jun.20.10 10:21 pm
Posts: 7134
bonzi_z wrote:
Очиж очиж Мъянмарт хожигдоод арай л болоогүй байна даа манайхан


Удахгүй сайжрах биз ээ.

_________________
WHERE IS MY HERO?


Top
   
PostPosted: Jul.05.11 8:32 pm 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
ДЭЛХИЙН АВАРГЫН ТОГЛОЛТ /Нийтлэлч Б.Батзаяа/

Монголын шигшээ багийн хувьд эхний тоглолтыг талбайдаа хийсэн нь маш том давуу тал болов. Чансаа, тоглолт ойролцоо багтай тоглохдоо үргэлж эсрэг багийн талбай дээр хожигдож ирээд нөхөх гэж үздэг байсан бол энэ удаа бүх юм тэгээс эхэлсэн. Дээр нь Мьянмарын шигшээ найман хоногт хоёр талдаа нийслэг хийсэн нь ядрах гол шалтгаан болох байлаа.

Улаанбаатарт Лхагва гарагт 18.30 минуутанд тоглолт эхэлсэн.
Гарааны бүрэлдэхүүн:

-------------------Ганбаяр

Очбаяр----Энхжаргал----Гарьдмагнай----Б.Эрдэнэбаяр

Алтантулга----Чинзориг----Цэнд-Аюуш----Цэдэнбал

----------------Төгсбаяр-----Мөрөн

Довтолгоо тал дээр хамгийн хүчирхэг бүрэлдэхүүн байсан бол хамгаалалтанд Лүмбэнгарав байгаагүй нь сул тал болсон. Хэрвээ байсан бол Гарьдмагнай төвийн хагас хамгаалагч хийх байлаа. Хамгаалалтын зарчим нь бөмбөгний ард бүх тоглогч байрлаж (бүгд хамгаалсан), талбайн төвд хоёр довтлогч Мөрөн, Төгсбаяр зогсож арагшаа суусан тоглолт. Манай тамирчдын хамгаалах арга барил, тоглолтын практик илт сайжирсан нь энэ тоглолтоос харагдсан. Хувийн ур чадвар ч дээшилсэн байв. Өмнөх Филиппинтэй хийхэд замбараагүй гүйлт их хийж байсан бол энэ удаа арай замбараатай тоглов. Гэхдээ багийн ур чадвар гэдэг зүйл ахиад дутагдалтай, хөдөлгөөнгүй бөмбөгний хувилбар байсан гэхэд хэцүү харагдав. Булан, чөлөөт цохилт өмнөх шигээ замбараагүй. Хамгаалалтын булан дээр ч гэсэн байрлал байхгүй. Эсрэг баг булангаас тоглолт хийх гээд хоёр тамирчин очиход хэн очих, сөрөг довтолгоон ямар зарчмаар явах гээд дэвшил харагдсангүй. Буланд хоёр тоглогч очих нь маш ашигтай бөгөөд хаалга руу ямар нэгэн байдлаар ойртдог учраас ихэнх баг ийм буланг чухалчилдаг. Хөлбөмбөг одоо голдуу нэгийн эсрэг нэг, хоёрын эсрэг хоёр тоглодог болсон. Мьянмар бүх булангаа хоёр тоглогчоор хийж, манайх тэр хоёр дээр эхний булан дээр хүн очоогүй, дараагийх дээр Эрдэнэбаяр ганцаараа очиж байх жишээний. Хувийн ур чадвар сайжирсанаар тоглолт дээшилсэн боловч яг багийн гэдэг утгаараа дээшилсэн юм харагдсангүй. Мөрөн АНУ-аас ирж тоглосон нь давуу тал байсан бөгөөд эсрэг багийн хамгаалалтыг гүйлт (маш зөв гүйж байсан), хууралтаараа үе үе задлаж, аргагүй л өөр гэдгээ харуулж байлаа. Мөн Алтантулгын баруун жигүүрт хийсэн хоёр гоцлон тоглолтыг нэмж болно. Хамгаалалтын хувьд Гарьдмагнайг Мьянмарчууд давж гарч чадахгүй байсан учраас тоглолтын төгсгөлд манай баруун жигүүрээр бүх довтолгооноо явуулж байсан. Цэнд-Аюуш тоглолтын явцад тийм ч сайн байгаагүй ч тоглолтын ганц гоолыг оруулсан. Өөрөө эхлүүлээд Мөрөн-Төгсбаяр-Мөрөн гэсэн дамжуулалт явсаар Цэндээ солгой хөлөөрөө гоол оруулсан. Мөрөнгөөс Төгсбаярт өгсөн дамжуулалтын үед Цэнд өөрөө маш зөв гүйсэн бөгөөд Мөрөнгий ур чадвар агаар дээр ирсэн бөмбөг газар ойлттой байхад гоё дамжуулалт өгсөн. Манай шигшээд өмнө нь харагдаж байгаагүй гоё довтолгооны гоол байлаа. Тасархай гоол!

Мьяанмарчууд Серб мэргэжилтний удирдлага дор 5-4-1 гэсэн хувилбартай тоглов. Миний харсанаар хамгаалалтын байрлал 2004 оны Гректэй яг адилхан. Довтолгооны явцад 4-5-1-т шилжиж байсан. Тоглолтын эхнээс бүтэн талбайн прэссинг хийж манай төвийн хоёр хамгаалагчаас бусад тоглогчид голдуу өрсөлдөгчтэй тоглолт хийж байсан. Хамгаалалт, прэссингийн өндөр зохион байгуулалтыг эндээс харсан. Манайх хувь тоглогчдын ур чадвараас шалтгаалж байсан бол Мьянмар багийн ур чадвар гэж юу байдгийг зарим тоглолт, үйлдлүүдээрээ харуулж байв. Булангийн цохилтонд үргэлж хоёр тамирчин очиж байсан. Мьянмараас 7 дугаартай Ян Аун Кяв гэж тамирчнийг дурдалгүй өнгөрч болохгүй. Үнэхээр мундаг ур чадвартай, тоглолтын удирдаач шиг байсан гэж хэлж болно. Тоглолтын дараах хэвлэлийн бага хурал дээр Живадинович манай Мөрөн, Төгсбаяр, Цэдэнбал, Гарьдмагнай нарийн дугаарыг хэлж сайн тоглогчид байна гэж дүгнэв. Мөн Мьянмарын 23 нас хүртэлх, Олимпт бэлдэж байгаа баг гэдгээ ч хэлж, нутагтаа таван шилдэг тоглогчоо үлдээсэн гэдгийг хэлсэн юм. Аргагүй ээ, хоёр талдаа нислэг хийгээд шууд тоглоход хүндрэлтэй учраас зарим гол тоглогчдоо замын ядаргаа авахуулахгүй үлдээсэн байж болно. Үнэхээр Янгонд болсон тоглолтонд Монголд ирээгүй хоёр тоглогч гараанд гарч, хоёр тоглогч сэлгээгээр орж, багийн ахлагч нь солигдсон байлаа. Миний хувьд хариу тоглолтын бичлэгийг үзэх гэж хайсан боловч олдсонгүй. Тоглолтын протокол, сонирхогчийн камэраар авсан нэг бичлэгнээс өөр зүйл олсонгүй. Гарааны бүрэлдэхүүнд нэг өөрчлөлт орж Төгсбаярын оронд хагас хамгаалагч Мөнх-Эрдэнэ гарсан байв.

Төгсгөл

Юмыг яг онож байж хөгждөг. Онохоос өөр зөв юм байхгүй. Бай (бөөрөнхий бай) байлаа гэж бодьё. Байгаа онох гээд сумаар харвахад дутуу харвахад муу харвалаа гэж дүгнэдэг. Харин байгаа давуулахад дутуу харвасантай адил жишдэггүй (гэхдээ манайд). Хүчээ тааруул, жоохон илүү байна гэж хэлдэг. Гэтэл байг онох л ёстой (яг голд нь оновол бүр сайн) болохоос дутуу харвах, илүү харвах ялгаагүй. Илүү, дутуу нь өөрийн гэсэн сул болон давуу талтай. Манай хөлбөмбөгийн холбоо тоглолтын тасалбар дээр дутуу (3000₮) харвадаг байсан. Гэхдээ гол давуу тал нь хүн их үзэж, хөгжөөн дэмжигчид их ирж, шигшээгийн тоглолт олон хүнд хүртээмжтэй болдог байсан. Гэтэл одоо давуулж, илүү харваад байна. 15 000 төгрөгөөр үзүүлсэн хоёр тоглолтонд хүн дүүрсэнгүй. Филиппинтэй тоглоход ирсэн үзэгчдээс бага байлаа. Голын хоёр тал хүн бага, зүүн талын жигүүр өмнөхөөс бага, гадаа цугласан үзэгчид бараг байсангүй. Гол үзэгчид бол залуучууд. Оюутан, ахлах ангийнхан, эсвэл 20 гаран насны сургууль төгссөн залуус. 15 000 эдгээр залууст дэндүү чанга гэдгийг сүүлийн хоёр тоглолт харуулсан. Макао, БНАСАУ дээр байсан дуу чимээ харьцангүй илүү байлаа. Хөлбөмбөгийг бизнэс болгох нь хамгийн зөв. Гэхдээ байгаа оно. Бизнэст хэрэглэгчид, үйлчлүүлэгчидтэй байх ёстой. Бараагаа рекламдахгүй, сурталчилахгүй байж үнэтэй зарвал (онцгой бараа биш бол) хэдэн хүн авах бол...

Нарийн мэргэжил чухал. Манайд дэндүү дутагдалтай. Хүнээр биш чадвартай хүнээр Монгол улс дутагдаж буй. Спортод нэн ховор бараа. Нарийн мэргэжил гэдэг нэг утгаараа тухайн зүйлээ нэгд нэгэнгүй маш сайн мэддэг хүнийг хэлнэ. Монголд тухайн спортоо нэгд нэгэнгүй мэддэг нарийн мэргэжилтэн байгаа гэхэд эргэлцээтэй. Тамирчид бол “үйлчлүүлэгчид” харин тэднийг хаашаа залахыг удирдлагууд (нарийн мэргэжилтнүүд) мэднэ. Тэдний амжилт гаргах нь удирлагуудаас дэндүү хамааралтай бөгөөд сайн удирдагчтай байхад хэдэн ч “үйлчлүүлэгчид”-ийг төрүүлж болно. Хөлбөмбөгийн дасгалжуулагч дэндүү нарийн мэргэжил. Тийм ч учраас мэнэжэр гэдэг нэр орлох болж. Тоглогчийн хоол, бие бялдар, сэтгэлзүй, бэлтгэл, техник, наймаа гээд хийхгүй юм байхгүй. Манайд ийм хүн байхгүй. Дөхөж очих хүн ч алга байхад дасгалжуулагчаа сольж мэдэхгүй байна уу? Хүсэхгүй байна уу?

Шигшээ баг, лигийн ямарч дасгалжуулагч нь хөлбөмбөгийн тоглолт үзээд ойлгохгүй байна. Эхлээд ойлгох ёстой. Дараа нь заах арга барил гэдэг том юм орж ирнэ. Тоглолтыг ойлгодог хүн хэдэн сая байгаа ч зөв заадаг нь цөөхөн. Дараа нь тохирсон хувилбар, тамирчдаа сонгоно. Ямар хоол идүүлэх үү, ямар гүйлт хийлгэхэв гээд явж өгнө. Мьянмартай тоглоход 20 минут ч хүрээгүй байхад манай тамирчид ус руу гүйж байгааг харсан. Хооллолт, нэмэлт тэжээл буруу. Макао (эсвэл манайд тоглохдоо завгүй хамгаалаад ус руу яваагүй байж болох юм), Филиппин, Мьянмар тэгсэн билүү. Зөв хөгжил гэдгийн жижигхэн жишээ бол энэ. Монголд ирсэн Клаус Шлапнэр багш Хятадын хүүхдүүдтэй ажиллаж байхдаа үүнийг манай дасгалжуулагчдад ярьж байсан. Заримдаа тоглоход бие хүнд байдаг нь амралт, хооллолттой холбоотой. Бид зөв хөгжихөд юу дутагдаж байгаа гээч!

Бусдад хүлээн зөвшөөрөгдөхийг хүсвэл, эхлээд өөрийгөө хүлээн зөвшөөр!!! Өөрийгөө л тань, сайн муу юу байна түүний бодитоор хар. Гэтэл бодит байдал, бодитоор харна гэдэг дэндүү том чадвар юм даа. Хөвөгч шиг нь биш, сэлэгч шиг нь байх цаг удахгүй гэдэгт итгэж байна.

_________________
:guitarchin:


Top
   
PostPosted: Jul.05.11 8:45 pm 
Offline
Асуулт Самбарын Хvндэт Харуул
User avatar

Joined: Jun.20.10 10:21 pm
Posts: 7134
boldoo_moment wrote:
Хөвөгч шиг нь биш, сэлэгч шиг нь байх цаг удахгүй гэдэгт итгэж байна.


Хурай хурай

_________________
WHERE IS MY HERO?


Top
   
PostPosted: Jul.07.11 12:58 am 
Offline
Асуултын Архаг Мангас Гишvvн
User avatar

Joined: Feb.28.09 12:58 am
Posts: 3630
Location: KINDLE TOUCH зарж байна
Азийн зарим жижиг улсын багууд хүртэл NIKE-р өмсгөлөө хийлгэцэн байхыг хараад дургүй хүрсэндээ нэг иймэрхүү юм хийлээ. . .

ImageImage

Дараа нь хараад байсан эхнийнх нь МанСитигийнхтай адил болцон байхлээр нь 2 дахийг нь хийсийн. . .

_________________
KINDLE TOUCH зарж байна
MSG PLS


Top
   
PostPosted: Jul.07.11 10:03 am 
Offline
Гишvvн

Joined: Nov.05.06 12:42 pm
Posts: 10457
Монголын өмсгөл хөх юмуу цэнхэр өнгөтэй байвал гоё санагдаад байгаам даа. Очиж очиж хужаатай адилхан улаан өнгө сонгосонд нь дургүй хүрээд байх юм.


Top
   
PostPosted: Jul.07.11 2:07 pm 
Offline
Асуулт Самбарын Хvндэт Харуул
User avatar

Joined: Jan.11.05 4:24 am
Posts: 5170
Location: Эх орондоо
Соёмбо-г ингэж уусгаж оруулсан их таалагдлаа. :wd:

Өглөө болгон гүйгээд байдаг нэг American guy манай улаан өмсгөлөөр гоёчихсон гүйнэ лэ. Боломжийн харагдана лэ.

_________________
http://jungle.mn/


Top
   
PostPosted: Jul.07.11 3:15 pm 
Offline
Хавар Цагийн Анхны Яргуй
User avatar

Joined: Sep.21.09 7:45 pm
Posts: 2832
Location: El Bernabéu
Гэрэлт Од wrote:
Монголын өмсгөл хөх юмуу цэнхэр өнгөтэй байвал гоё санагдаад байгаам даа. Очиж очиж хужаатай адилхан улаан өнгө сонгосонд нь дургүй хүрээд байх юм.

санал нэг байна

_________________
Viva La Real


Top
   
PostPosted: Jul.31.11 9:25 pm 
Offline
Асуултын Архаг Мангас Гишvvн
User avatar

Joined: Feb.28.09 12:58 am
Posts: 3630
Location: KINDLE TOUCH зарж байна
Code:
D хэсэг: Австрали, Сауди Араб, Оман, Тайланд


Манай шигшээ хол явсан бол ийм хэсэгт орох байж. . . Австралитай тоглож үзэх байжээ. . .

_________________
KINDLE TOUCH зарж байна
MSG PLS


Top
   
PostPosted: Sep.03.11 2:02 pm 
Offline
Хавар Цагийн Анхны Яргуй
User avatar

Joined: Sep.21.09 7:45 pm
Posts: 2832
Location: El Bernabéu
орохоор л байсан шдээ

_________________
Viva La Real


Top
   
PostPosted: Sep.04.11 1:07 am 
Offline
• Moderator
<b><font color=#000099>• Moderator</font></b>

Joined: Mar.30.09 1:59 pm
Posts: 9804
Location: Old Trafford
манайх хөлбөмбөгөө хөгжүүлэе гэвэл удирдлагаасаа эхлэх хэрэгтэй тэгэд л болно доо

_________________
:reddevil3: Улаан Чөтгөр


Top
   
PostPosted: Oct.24.11 5:31 pm 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
Морийг л авч хаямаар байгаамдаа...

_________________
:guitarchin:


Top
   
PostPosted: Oct.24.11 6:03 pm 
Offline
Powered by Asuult Sambar
User avatar

Joined: Apr.19.03 4:03 pm
Posts: 11735
Location: universe
boldoo_moment wrote:
Морийг л авч хаямаар байгаамдаа...


yun mori we

_________________
i am no1


Top
   
PostPosted: Oct.24.11 6:11 pm 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
Image
Нуруугаа үүрцэн байгаа өвгөн

_________________
:guitarchin:


Top
   
PostPosted: Jan.05.12 2:55 am 
Offline
Эзэрхийлэгч Гишvvн
Эзэрхийлэгч Гишvvн
User avatar

Joined: Jun.30.09 4:50 pm
Posts: 927
Manaihand er turshlagatai gadaadiin neg dasgaljuulagchaar 2 jil sain beltgel hiilgeh heregtei neg ih ynetei bish so ch yum japan ch yum u dasgaljuulagch yag yamar baidlaar beltgel hiihyy ch gedeg yum


Top
   
PostPosted: Jan.06.12 1:34 am 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
ХӨЛБӨМБӨГ БА ХӨГЖИЛ Нийтлэлч Батзаяа

Энэ зун спортын түүхэнд хэд хэдэн томоохон зүйл болов. Двайт Ховардыг авчирах бэлтэй болж, Милан, Интэр гээд алдартай клубуудын төлөөлөл ирсэн нь содон. Италийн зууны шилдэг хөлбөмбөгчин Франко Барэзи өөрийн биеэр ирж, гурван хүүхэд Миланы хүүхдийн зусланд авч явсан нь манай хөлбөмбөгт асар том зүйл юм. Сэлэнгийн Ганбаяр хүү, Бразилын хүүхдүүдтэй нэг баг болж хожигдоогүй сайн тоглосон нь бахархам. Италичууд Ганбаярыг арай жоохон байна 15 нас хүрэхээр нь Миланы академидаа авья гэж хэлсэн. Яг энэ үед бид сайн тооцоолохгүй бол болохгүй.

Милан бол хөлбөмбөгийн алдартай клуб, тэд сайн хөлбөмбөгчдийг бэлдэж гаргадаг. Шууд утгаараа тэд хөлбөмбөгөөр бизнэс хийдэг. Сайн тоглогч бэлдэж, зарж, тоглуулах, тэд нараар мэнэжмэнт хийж мөнгө олох гээд бүх юмыг хийнэ. Гэхдээ тэд буяны байгууллага биш учраас тэр олон улсаас ирсэн хүүхдүүдээс бүр онцгой ганц хоёрыг нь авч, үлдсэн нь Миланыг дэмждэг, дуртай болоод үлдэнэ. Тэдний мэнэжмэнтийг мөхөс миний бие ингэж тооцоолж байна. Яагаад Монголоос санал тавихад татгалзахгүй байгаа нь нэгд Монголчууд мөнгөтэй болж, хоёрдугаарт ирээдүйд орж ирэх мөнгө гадныханыг соронзон мэт татна. Гол нь гадныхантай бид адил хэмжээнд харьцахгүй бол гоё гоё саналаар түрий барьж бизнэс хийх санаа бий. Санал болгоныг бид хүлээж авах албагүй бөгөөд харин саналуудын цаадах учрыг олж харах нь бидний сурах анхны зүйл.

Манайх шиг нөхцөлд Сэлэнгийн хүү 15 нас хүртлээ бэлтгэл хийгээд Миланд тэнцэнэ гэдэг юу л бол. Миний дуртай БНСУ-ын ерөнхийлөгч И Мён Багийн жишээ бий: Манай гарбөмбөгчид өсвөр насандаа Японыг хождог боловч, насанд хүрсэний дараа яагаад ч хожидоггүй. Учир нь Япончууд үндсэн техникийг эзэмшүүлэх гэж олон жил хичээллэдэг бол, манайхан үндсэн техникээс гадна, нэмэлт техникүүддээ илүү анхаардаг байсанд оршино. Нэгэнт үндсэн техникээ сайн эзэмшчихсэн бол түүн дээр уян хатан ямарч үйлдэл хийж болдог” гэж хэлсэн. Энэ юуг илэрхийлж байна гэхээр гол нь сууриа сайн тавь, тэгсэн цагт уян хатан ямарч үйлдэл хийж болно. Тэгэхээр хүүхэд насны хичээл хамгийн чухал болох нь харагдаж, хүүхэд насны хоцрогдол, давуу тал тийм ч чухал биш байх нь. Хүүхэд нас гэдэг хүний ирээдүйн амьдралын суурь болдгийг олон жишээ харуулна. 1-5 насандаа хүүхэд нямбай байх юм бол насаараа нямбай байх магадлал маш өндөр гэсэн судалгаа бий. Гэртээ ирээд тогтмол даалгавар хийдэг хүүхэд ахлах ангид орохдоо ч энэ чанараа алддаггүй. Хүн 21-28 хоногт нэг зүйл тогтмол хийвэл, тухайлбал өглөө бүр 6 цагт босдог бол тэр нь хийдэг үйлдэл нь болдог. Эхлээд 6 цагт босох гэж үйлээ үздэг байсан бол яваандаа өглөө босох нь ямарч асуудалгүй болдог нь зан чанар болдогтой холбоотой. Үүнтэй адил спортод зөв техник, үйлдэл, сэдлийг рэфлэкс болгох нь шинжлэх ухаан болжээ. Манай хүүхдүүд гадагшаа явахаар тийм ч олон оноогоор хожигддоггүй (15-аас дээш насанд хамаарахгүй), тоглолтын хувьд ч илт муу байдаггүй. Харин насанд хүрсэний дараа БНСУ, Японууд бүр дийлдэхээ больдог. Сагсанбөмбөг, гарбөмбөг, хөлбөмбөг гээд багийн спортод бүр тодорхой харагдана. Манайхан хүүхэд насандаа олон улсад очоод амжилт гаргах тохиолдол спортоос гадна бусад төрөлд буюу математик гэх мэт зүйлд харагддаг боловч насанд хүрсэний дараа гүйцэхээ больдог нь үүнтэй холбоотой. Манайд сайн сургалт байхгүй учраас 15 насандаа Милан явах хүүгийн ирээдүй бүрхэх болох нь харагдаж байна. Тэгвэл гэрэлтэй болгох талаар бид юу хийх вэ?

Миланы бодлого их сургуультай адилхан. Миланд суралцах гэж заавал мөнгө төлөх ёстой. Хэрвээ Милан өөрийн хөрөнгөөр сургана гэвэл бидэнд татгалзах зүйл үгүй. Харин биднээс мөнгө гарахдаа хүрвэл арай өөр арга хэрэглэсэн нь дээр. Милан шиг том клубт олон хүүхэд мөнгө байгаад ч орж чадахгүй байхад, мөнгөгүй нэгнийг нь зүгээр сургаад байна гэж байхгүй. Тэдэнд хаа холын Монгол эсвэл Мозамбэкийн хөлбөмбөг хөгжих үгүй нь хамаагүй, гол нь Миланд юу хэрэгтэй байна тэр л чухал. Би Миланыг энд ирсэн гэж үгүйсгэсэн юм огтхон ч биш. Харин бид ямар төрлийн “тоглолт” хийх вэ гэдэг талаар ярьж байна. Милан, Интэр ирээд манайхаас хүүхдүүд авч яваад Монголын хөлбөмбөгийг хөгжүүлээд баллах нь гэсэн гэнэхэн ойлголт хэвлэл мэдээллээр явж, хүмүүс арван хүүхэд гадаадад сургачихвал хөлбөмбөг хөгжинө гэсэн бодол агуулж байна. Бид мөнгөтэй болох нь гарцаагүй учраас тэд ирсэн хэрэг. Манай мөнгөөр, манай хүүхдүүдийг, өөрийнхөө сургуульд сургана гэдгийг сайн бодъё. Миланд хөлбөмбөгчин бэлдэх нь манайд яг ямар ашиг тустай вэ? Мэдээж ашиг тус тоймгүй их, гэхдээ энэ бол туйлын ганц гарц биш. Бид мөнгөө төлөхөөс хойш өөр сонголт хайж үзье.

Мөнгөтэй болсон улсууд, ялангуяа Азиуд эхэн үедээ ийм арга хэрэглэж байсан. Хөлбөмбөгт нь дэвшил гарсан. Харин өөр арга байсныг тэд дараа нь олж харсан. Азиуд Европ руу тоглогчдыг улсын болон хувийн зардалаар бэлдэж манай арван хүүхэд байгаа удахгүй сайн тоглоод Германы дээд лигт нь тоглоод алаад өгнө мэтийн зүйл ярьж байв. Гэтэл явсан хүүхдүүд нь очоод тийм ч сайн байсангүй. Энэ хугацаанд хэдэн сая ногоон заржээ. Манайд ирсэн Филиппинд гэхэд ах дүү Янгхасбандууд Чэлсид байсан, Индонезийн хөлбөмбөгийг дэлхийд гаргана гэж байсан Бамбан Памунгкас Нидерландад очоод сэлгээнд суугаад буцаж, Саудын Араб, Иран гээд улс болгонд том багуудад тоглож байсан төлөөлөл бий. Манай А.Мөрөн АНУ-ын Калифорниад байгаа нь Монголын хөлбөмбөгөөс гадаадад гарсан анхны төлөөлөл (зөвхөн хөлбөмбөг тоглоод). Хөлбөмбөгийн хөгжил ингэж ирдэггүйг Япон, БНСУ-ууд сайн ойлгож гадагшаа тоглогч биш, мэргэжилтэн, дасгалжуулагч, шүүгч гаргаж, гадны мэргэжилтнүүдийг авчирах нь илүү чухал болохыг олж харжээ. Эндээс юу олж авах вэ гэхээр олон улсад тоглож мэддэг мэргэжилтэн бэлдэх нь эхний зорилго байв. Тэд хаанахын мэнэжмэнт сайн байна, хаанахын хэн гэдэг дасгалжуулагчийг авчирвал ашигтай, Италиас Милан, Интэрийн саналаас аль нь илүү байна, манай улсад хөлбөмбөгийн ямар сургалт хэрэгтэй гэсэн бодлогыг ойлгодог болно. Ядаж л хөлбөмбөг зурагтаар үзээд сэтгэгдэлээ ярих биш, мэргэжлийн дүгнэлтүүдийг хийнэ.

Азиудын бие бялдар спорт тоглоомоос дэндүү хол. Европт очоод, Европ сургалтаар од болдоггүй шалтгаан энэ. Европ хүний арга барил, бэлтгэлийг Азиуд адилхан дуурайгаад нэмэргүй. Бие жижиг, хүч, хоёрдугаар давхарын тоглолт муу, хурд тааруу эсрэгээр гүйлтийн тэсвэр сайн, уян хатан. Нэг хүүхдийг онц сурлагатан болгосон арга, нөгөө хүүхдийг адгийн шаар ч болгож магадгүй гэдэг дээ. Ийм эрс тэс бие бялдар, соёлтой хүмүүст нэг арга барил, сургалт яагаад ч байж болохгүй. Африкууд бол өөр. Төрөлхийн хурд, хүчтэй, гоцлон тоглолт сайн хийдэг, нүд цавчдаггүй зоригтой учраас толгойгоо сайн ажилуулах хэрэг гардаг. Хөлбөмбөгийн тактикыг сайн сурчихвал бие нь хөлбөмбөгт бэлтгэгдсэн. Одоо болтол Африкаас толгой маш сайн ажилладаг найруулан тоглогч гарч ирдэггүй шалтгаан энэ. Голдуу гүйдэг, харайдаг, хуурдаг, тулалддаг. Шатрын африкаас гарсан шатрын ОУИМ гэж би лав сонсоогүй. Азиуд Африк шиг хурд хүчтэй болох гэж олон жил зарцуулдаг. Африк шиг биш гэхэд хөлбөмбөгийн эхний шаардлагад нийцэх бие бялдар Азиудад хэрэгтэй. Ийм шалтгаанаар Европт очсон Азиуд амжилт гаргаагүй. Харин өөр аргаар амжилтанд хүрч байна. Япон, БНСУ-ын жишээ бол дотооддоо сайн боловсон хүчин бэлдэх. БНХАУ тэдний араас ийм аргыг сонгож удахгүй гарч ирэх гээд бэлдэж байгаа. Манайх ч гэсэн эхлээд сайн боловсон хүчин, мэргэжилтнүүд бэлдэж. хөлбөмбөгчдийг гадагш нь гаргах биш, хэний толгой ажиллаж байна тэд нарыг гаргах. Монгол хүний бие бялдар, арга барилд тохирсон бэлтгэл хийлгэх, Монгол хүн юугаараа давуу юугаараа дутуу байна тэрийг олж тогтоох, хооллолтын горим ямар байвал зүгээр гээд бүгдийг Монголын мэргэжилтнүүд өөрсдөө судалж, тогтоож хөлбөмбөгийг хөгжүүлвэл тохирно. Монголчууд хурд, гүйлтийн тэсвэр муу, уян хатан биш, багаар тоглох арга барил байхгүй, юм хурдан сурдаг ч давтах тал дээр дутмаг, сэтгэлзүй муу бол Азидаа бие бялдар сайн, хүчтэй, юм хурдан сурдаг, авьяастай, гоцлон тоглолт сайн.

Тоглогч гадагш экспортлох арга тийм ч амжилтанд хүрдэггүй бөгөөд мэргэжилтэн бэлтгэх нь илүү үр дүнтэй байгаагийн гол жишээ болсон Япон, БНСУ, хорь хүрэхгүй жилд дээшээ гараад ирлээ. 1998 оны Дэлхийн аваргад Япон сүүлийн байранд орж нэг ч оноогүй, нэг гоол оруулсан амжилт үзүүлсэн бол дөрвөн жилийн дараа хэсгээс гарсан. Одоо Японыг Дэлхийн аваргад заавал хэсгээс гарах багийн тоонд оруулдаг нь нэгийг хэлнэ. J лиг нь Азийн хамгийн өндөр цалинтай, хүчтэй лиг болсон. Европ гарах эхний замыг Х.Наката тавьснаас хойш Нагатомо Интэрт, Кагава Боруссиа Дордмундад тэргүүтэй Европын хэд хэдэн лигт Япон тоглогчид байна. БНСУ ч ялгаагүй БНАСАУ-аас муу байсан одоо бүх талаар илүү болжээ. Дэлхийн аваргад тогтмол хэсгээс гардаг болж 2002 онд “булхай” ашигласан ч хагас шигшээд үлдсэн. Бага зэрэг “булхай” байгааг бүгд харсан ч тэдний тоглолтын арга барил ямар түвшинд байгааг харж болно. Пак Жи-Сун Манчэстэр Юнайтэдэд, Пак Чу-Ён Арсэналд гээд зөвхөн Британий аралд тоглож байгааг дурдвал гарын таван хуруунд хүрнэ. Жи Дон-Вон Премьер Лигт хожигдоогүй Манчэстэр Ситиг 90 дэх минутанд оруулсан гоолоороо хожиж байх жишээтэй. Мэргэжилтнээ сайн бэлтгэвэл дотоодын лиг нь давхар босоод ирдэгийг эдгээр улсуудаас харж болно. Дотооддоо хүчтэй байж дээшээ гарахаас өөр шинэ арга байхгүй. Тэд эхний ээлжинд жигүүрийн довтлох чиглэлийн тоглогчдыг Европ гаргах болсон нь Ази хүний биеийн онцлогтой холбоотой. Хурдтай, гүйлтийн тэсвэр сайн тоглогчид тэдний эхний экспорт байсан бол удаах нь жигүүрийн хамгаалагчид. Энэ байрлалын тоглогчид Европт гарах эхний замаа тавьсны араас нь төвийн довтлогчид, довтолгоон дуусгагчид. Шууд төвийн хамгаалагч, хагас хамгаалагч хаа хамаагүй байрлал бэлдээд ирвэл Европт алуулна. Тиймээс тамирчин бэлдэх явц нь хүртэл бодлого, шат дараалалтай. Манай шигшээгийн Гарьмагнайг Филиппинтэй тоглосны дараа сонирхсон. Вьетнамын лигт тоглуулна гээд бичлэг явуултал бие бялдар муу, туранхай байна гэсэн хариу авсан. Гэтэл Вьетнамууд өөрсдөө ямар билээ. Жижигхэн. Миний бие 2007 оны Азийн аварга тайлбарлаж байхад Вьетнам тоглогчдыг сайн судалсан. Мөн манай шигшээ 2001 онд тоглож байхад Вьетнамууд намхан учраас булангийн цохилтоо шууд хүчтэй цохидог юм билээ гэж ах нарын ярьж байхыг сонссон. Бүр Хоромхонд тоглож байхад Вьетнам гэхээр булангаас шууд хүчтэй цохилт ирдэг болсон юм. Тэгэхээр манай тоглогчид гадны лигт тоглох болоогүйг Вьетнамууд голсноор харж болно. Манай тоглогчдыг дөнгөж сонирхох хэмжээнд явж байна. Бид мэргэжилтнүүдээ бэлдэж, дотоодын лигээ хүчирхэгжүүлж, ямар байрлалын тоглогч эхний ээлжинд Азидаа гаргавал амжилт үзүүлж болохоор байна гэдэг талаар судална. Тэрний дараа Европт гаргах тоглогчид бидний асуудал. Бид тоглогчдоо өөрсдөө л бэлдэхгүй бол хэн нэгэн бэлдээд өгчихгүй. Гадаадад нэг тоглогч сургахад зардал өндөр. Хэрвээ өөрийн улсдаа тэр сургалтыг бий болговол зардал нь хэд дахин бага.

Африкт бас сонирхол татам нэг жишээ бий. Чөлөөт зах зээлийн эдийн засгийн үрээр Африкын арслан улсын хэмжээнд хүрсэн Гана юм. Кот Д’Ивуар, Камерун, Нигери гэх мэт улсууд шууд тоглогч гаргах болсон. Гэхдээ эдгээр улсуудын хөлбөмбөг нэг л орон гаран. Бодлого дээр гэхээсээ илүү хувиараа голдуу амжилтанд хүрсэн тоглогчдын хүчээр амжилт нь ирдэг. Харин Гана бол яг л Япон, БНСУ-гийн аргыг хэрэглэсэн. 1990 оноос хойшхи өсвөр, залуучуудын тэмцээнүүдэд Гана үргэлж амжилт үзүүлж байсан. Энэ тогтмол амжилт нь явсаар 2006 оны Дэлхийн аваргад шигшээ баг нь цойлж гарсан бөгөөд өнгөрсөн жил шөвгийн наймд Уругвайг хожингоо алдсан. Асамоа Гьян эцсийн мөчид торгуулийн цохилт алдсан. Ганын дотоод лиг сайн. Голдуу дотоод лиг, шигшээ багаас нь Европын багууд өөрсдөө сонгодог. Яг л Япон, БНСУ шиг. Дэлхий аваргад орсон Африкын багуудаас хамгийн од багатай нь Гана байсан бол (ганц од Майкл Эссиен нь гэмтэлтэй) бусад нь хэдхэн тоглогчдынхоо хүчээр л дээшилж байдаг. Ангол сүүлийн жилүүдэд яг энэ бодлогоор хөлбөмбөг, сагсанбөмбөг нь гарч ирсэн. Бодлогын биш ийм хөгжлийн амжилт нь хэн нэг хүний хувийн хөлбөмбөгийн замналаар дээшилдэг. Ганачууд сэлгээ сайтай, нөөц сайтай гол нь амжилт нь тогтвортой дээшилж байна. Тэд улсаараа, лигээрээ дээшилж, бусад нь Европт гарсан азтай тоглогчдын хүчээр амжилт үзүүлсээр. Шалтгаанаа тодруулалгүй, үр дүнгээ шууд харж болохгүй.

Хөлбөмбөг хурдацтай хөгжиж байна. Тактикын хөгжил улам нарийсч, шинжлэх ухаан, хувь хүний буюу дасгалжуулагчийн ур чадвар хөлбөмбөгт дэндүү их нөлөөлж эхэллээ. Тактикгүй үед хэн ур чадвартай нь түрүүлдэг байсан бол одоо үгүй болсон. Хичнээн сайн тамирчид цуглуулаад ч түрүүлж чадахгүй байх тохиолдол улам ихсэж байна. Наад зах нь зөв хооллолт. Арсэн Вэнгэр Тони Адамс, Ли Диксон гэх мэт ахмад тоглогчдыг хооллолтоор нь илүү олон жил Премьер Лигт тоглуулсан бол, нэг хэсэг формгүй байсан Рүүниг Сэр Алекс хоол, амралтаа зөв тохируул, уух дарсаа зөв сонго гэж хэлсэн нь учиртай. Криштиану Роналдугийн амжилт үүнтэй мөн холбоотой бөгөөд орой үдэш зурагтын суваг эргүүлээд суудаггүй эрт амардаг нь түүний амжилтын жижигхэн хэсэг. Хүүхнүүдтэй их орооцолддог гэх боловч тэр мөн л сайн тохируулдаг. Энэ утгаараа дасгалжуулагч гэдэг ажил мэнэжэр болон өөрчлөгдөж зөвхөн дасгалжуулах биш хоол, унд, сэтгэл зүй, амралт, наймаа гээд бүх зүйлийг хийдэг болсон илүү чадвар шаардсан алба руу шилжжээ. Тэгэхээр хөлбөмбөгийн мэргэжилтэн, боловсон хүчин туйлын чухал. Барсэлонагийн сайн мэргэжилтнүүдийн хүчээр Испани Дэлхийд тэргүүлж байна. Бүх л клуб, улсын сэргэн мандалт сайн мэргэжилтнээс эхтэй болохоос сайн тоглогчоос эхтэй биш. Эдийн засгийн хэлээр бол нэг нь үйлдвэрлэгч нөгөөдөх нь бүтээгдэхүүн. Бид үйлдвэрлэгчээ эхний ээлжинд бэлдээд, дараа нь бүтээгдэхүүнээ гаргах хэрэгтэй байх. Хөлбөмбөг гэлтгүй Монголын спортын салбарт энэ л чухал. Олимпын медаль гээд манайх зөвхөн үр дүнгээ хараад байдагдаа, гэтэл тухайн үр дүн ямар шалтгаанаар гарч байгааг хэн ч тоодоггүй. Ийм сул дорой, хүчгүй байх юм бол гаднаас ирсэн санал болгон сайхан сонсогдоно.

_________________
:guitarchin:


Top
   
PostPosted: Jan.06.12 3:13 am 
Offline
• NBA Analyst
User avatar

Joined: Jul.18.07 3:33 am
Posts: 13219
дажгүй л юм бичиж, гэхдээ хүүхэд авч явах саналыг бол зөвшөөрч явуулах л хэрэгтэй шд,
мглдоо хөлбөмбөг сурна гэж байхгүйгээс л хойш.
яваандаа харин хөгжих л биз.


Top
   
PostPosted: Jan.16.12 6:14 pm 
Offline
Asuult Precious Member
User avatar

Joined: Jan.15.04 5:09 pm
Posts: 25803
Location: Learning to PRO!
За манай шигшээ баг ранкаараа Азийн 46 орноос 32т, Дэлхийн 206 орноос 168д байна. Болоогүй байна даа.

_________________
Mongolian Gambler


Top
   
PostPosted: Jan.16.12 6:18 pm 
Offline
Asuult Precious Member
User avatar

Joined: Jan.15.04 5:09 pm
Posts: 25803
Location: Learning to PRO!
All Players 51,220
Registered players 5,220
Unregistered Players 46,000
Clubs 10
Officials 103

гэж байна. Хэдэн хоноос хойш тоолоод ийм олон тоглогчтой болчвоо?

_________________
Mongolian Gambler


Top
   
PostPosted: Jan.18.12 2:01 am 
Offline
• NBA Analyst
User avatar

Joined: Jul.18.07 3:33 am
Posts: 13219
баахан бацаанууд болон хөгшчүүд л байхдаа.


Top
   
PostPosted: Feb.28.12 9:45 pm 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
Бидний хэлж заншснаар 15-р хорооллын хөлбөмбөгийн талбай олон улсын стандартад нийцсэн 5000 хүний суудалтай том цэнгэлдэх хүрээлэн болох юм байна. Зураг төсөл нь гарчихсан. Төсөл хэрэгжих хугацаа 2 жил гэж байна. Цэнгэлдэхийн нээлтэнд хөлбөмбөгийн домог Диего Марадонна, Франко Барези зэрэг алдартнууд ирнэ гэнэ

_________________
:guitarchin:


Top
   
PostPosted: Feb.28.12 10:52 pm 
Offline
• NBA Analyst
User avatar

Joined: Jul.18.07 3:33 am
Posts: 13219
бухахаха
нөгөө морь чинь л 90ээд онд Монгол фифад нэгдээд том цэнгэлдэх бариад Мишэл Платини Пэлэ 2 сугадаж ирээд үзэцгээнэ гэж таван цагиратг бичдэг байлаашд


Top
   
PostPosted: Apr.04.12 7:40 am 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
За лого сэдвийг логотой болгосон Цэнгүүн ахдаа баярлалаа. Одоо ингээд урь орчихлоо, лиг энэ тэр одооноос эхлэж байгаа байх шүү бараг...

_________________
:guitarchin:


Top
   
PostPosted: Apr.05.12 12:40 am 
Offline
Жинхэнэ Гишvvн
Жинхэнэ Гишvvн

Joined: Aug.06.11 4:30 pm
Posts: 22
Энэ жил Монголын шигшээ ямар нэгэн тоглолттой юу? Мэдэх хүн байна уу? Ядаж нөхөрсөг тоглолт, нөгөө тал нь улсынхаа шигшээ нь биш юм аа гэхэд ойр хавийн улсуудын лигийн багуудтай үе үе тоглож баймаар юм аа. Зундаа ядаж нэг олон улсын тэмцээн зохиогоод Солонгос, Хятад, Сибирээс багуудыг уриад тоглож баймаар юм. Сагсныхан шиг Солонгос, Эрхүүгээс их сургуулийн багуудыг урьсан ч яахав дээ. Манай шигшээд бол хангалттай л өрсөлдөгчид болох байх.


Top
   
PostPosted: Apr.05.12 8:29 am 
Offline
• Moderator*
<b><font color=#0000FF>• Moderator*</font></b>
User avatar

Joined: Oct.03.10 4:21 pm
Posts: 3413
Location: Спортын цонх
Тэгж болох байх л даа... АХХ-оос бандуулсан сураг гараад байсан. Тэхээр шигшээ тоглолт хийх нь юу л бол

_________________
:guitarchin:


Top
   
PostPosted: Jun.20.12 1:44 am 
Offline
Эрчлэх Сумны Исгэрээ Гишvvн
Эрчлэх Сумны Исгэрээ Гишvvн
User avatar

Joined: Jul.16.11 8:26 pm
Posts: 212
bonzi_z wrote:
Очиж очиж Мъянмарт хожигдоод арай л болоогүй байна даа манайхан


Очих очиж Мъянмар манайхаас хамаагүй сайн..хэд хэдэн тоглогч нь гадны лигт тоглодог юм бнлээ

_________________
..............................


Top
   
Display posts from previous:  Sort by  
Post new topic  Reply to topic  [ 274 posts ]  Go to page Previous 16 7 8 9 10 11 Next

All times are UTC+09:00


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited