#AsuultSambar :

ASUULT.NET - МОНГОЛ УЛС МАНДАН БАДРАГ!
It is currently Jul.20.18 9:52 pm

All times are UTC+09:00




Post new topic  Reply to topic  [ 303 posts ]  Go to page Previous 17 8 9 10 11 12 Next
Author Message
 Post subject:
PostPosted: Oct.18.08 3:52 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Хүлээлт

Үдшийн тэнгэрт одод түгээд
Үзэсгэлэн гоо чи минь ирээч
Намуухан байгалийн цэцгсийн дунд
Чамайгаа үгүйлэн харуулдан сууна
Чи минь наддаа ирээч

Тэнгэрийн мандалд саран ургаад
Орчлонг гэрлээр түгээхэд
Тэртээд анивчах оддын туяанд
Танхилхан чамайг минь
Санагдуулна
Чи минь наддаа ирээч

Үүрийн гэгээ туяараад байна
Үзэсгэлэн гоо чи минь ирээч
Үзэмжит байгалийг сэргэхийг үзээд
Үнэхээр чамтайгаа уулзах шиг болно
Үүр цайтал би хүлээнэ


Top
   
 Post subject:
PostPosted: Oct.18.08 3:53 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Бадрууган.
Хонин цагаан үүл

Хонин цагаан үүл нь ээ хө
Хувирч сэврээд нүүлээ дээ хө
Хонгор жаалхан чамтайгаа би ай хө
Ханилахын заяа дутлаа даа хө

Наадан тоглох нүд чинь ээ хө
Нүглийг мартмаар тормолзоно доо
Найдан дассан сэтгэл минь ай хө
Насан туршдаа ганцаараа хө

Цайдам хээрийн сар нь ээ хө
Цагийг элээвч урсана даа хө
Цайлган томоогүй амраг минь ай хө
Цээжинд үүрд оршино оо хө

Тосоод ирсэн тавилангаас нь хө
Тойрч гарахын аргагүй дээ хө
Торомгор жаахан чамаасаа би ай хө
Тасраад одохын ч зориггүй дээ хө


Top
   
 Post subject:
PostPosted: Oct.18.08 3:54 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Ахан дүүсийн дуу

Гэгээн зөвлөл орны
Найртай сайхан тусыг
Нэгэн хүүтэй эхийн
Хайртай зүйрлэм сэтгэлийг


Алтайгаас Хянган хүрсэн уул тал минь дуулна
Хэнтийгээс өмнийг зорьсон хангай говь минь дуулна

Зовох цагт нөхөрлөсөн
Зоригт монголын үнэнчийг
Ахын ганцхан дүү шиг
Ачлал хүргэж явсныг

Тэртээ Москвагын цэцэрлэгээс оросын хус дуулна
Тэргэл сартай дорноос өргөн сибирь дуулна

Ангар мөрний долгио шиг
Амар тайвныг хүсдэг
Сэлэнгэ мөрний ус шиг
Сэтгэл санаа ариусна

Монгол орос нийт ахан дүүс
Найрамдлыг дуулна
Зулзаган нарны дор
Хос хун шиг дуулна аа аа


Top
   
 Post subject:
PostPosted: Oct.18.08 3:55 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Хонх хамтлаг- Чамайг үгүйлнэ

Хүсэл татсан хавар болдгоороо болно
Хүлээж байсан шувуу ирдгээрээ ирлээ
Хайрын бяцхан төгөл нахиагаа дэлгэлээ
Харин ганцхан чамайгаа үгүйлнэ

Ангасан сэтгэлийн минь та
Хур болон орооч
Ариун сэтгэлийн минь нууранд
Хун болон умбаач

Хур борооны ус хуурай газрыг дэвтээлээ
Хунгийн сүрэг ниссээр нуурын усанд буулаа
Газар дэлхийг сэргээж ганган цэцэг дэлгэрлээ
Ганцхан чиний үгүйд гансрах сэтгэл төрлөө


Top
   
 Post subject:
PostPosted: Oct.18.08 3:57 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Бадар-Ууган ft ….

Хослон дуулъя


Одтой тэнгэрээс мишээхээр
Орчлон дэлхийг гэрэлтүүлэхээр
Онгон талдаа саран гийгүүлж
Намайг чамтай уяруулахаар
Найрсаг дэлхийд учруулахаар
Нандин хайрын дуу хорвоод төрөв үү?

Миний зүрхний тольд минь
Чиний минь харц хайраараа аслаа
Аялан дуулах хаврын шувуудтай
Айзам нийлүүлж хослон дуулъя
Үерийн ус шиг боргилсон хайраар
Үнэн зүрхээ хоёулаа холбоё

Цэлмэг тэнгэрийг гийгүүлэхээр
Цэцэг дэлхийг гэрэлтүүлэхээр
Цэнгэг талдаа наран гийв үү
Амраг биднийг уяруулахаар
Азтай жаргалд учруулахаар
Ариун хайрын дуу хорвоод төрөв үү?

Дахилт


Top
   
 Post subject:
PostPosted: Oct.18.08 3:57 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Үг….
Ая….
Дуучин: Бадрууган

Улаанбаатарын үдэш

Ээрэм талын сэвэлзүүр салхи
Эцэж ядраад амарсан юм уу?
Амраг хосын яриаг сонсохоор
Амьсгаа даран чагнасан юм уу?

Улаанбаатарын үдэш намуухан намуухан
Учирахын болзоонд залуус яруухан

Ханш нээсэн дөлгөөн хаврын
Хайраа илчилсэн дулаан орой
Халуун мөрөө түшилцэн алхаж
Харьшгүй цэнгэлийг амсан суухад

Улаанбаатарын үдэш намуухан намуухан
Учирсан хоёрын яриа аядуухан

Охюу тэнгэрийн одод түгээд
Орон байрын гэрэл цацраад
Ижил хосын яриа өнгөтэй
Итгэл баярын аялгуу дуурсаад

Улаанбаатарын үдэш намуухан намуухан
Угтах ирээдүй даанч яруухан


Top
   
 Post subject:
PostPosted: Oct.18.08 3:58 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Ганцаар хоцорлоо

Алсын тэртээх хүний нутаг руу
Амраг чи минь зорин одлоо
Ариун дурлал минь амьдралд хөтлөнө гээд
Алаг зүрх минь итгэсээр хоцорлоо на на на на
Алаг зүрх минь итгэсээр хоцорлоо


Холын тэртээх хүний нутагруу
Хонгор чи минь зорин одлоо
Залуу насны харьшгүй сэтгэлээр
Цохилох зүрх минь итгэсээр хоцорлоо ...

Харгуй зам дээр ганцаар хоцорлоо на на на

(гүйцэд санахгү байна, алдсан байж магадгүй… гүйцээгээрэй Well done )


Top
   
 Post subject:
PostPosted: Oct.18.08 4:02 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Мартагдашгүй хайр

Эрдэнийн тансаг юмдүүжин цэцгүүд
Ишэн дээрээ найгавч элэгдэнэ шүү дээ
Энгэр зөөлөн хайрыг сэврээх Оюунанаа бүсгүй
Элэг дэвтээх аашаараа эргэж дахин төрөхгүй шүү

Сартай мөнхрөх хонгорзул цэцгүүд
Салхиндаа ганхавчиг гандана шүү дээ
Унаган багын дурсамж задлах Оюунанаа бүсгүй
Уяхан зүрхний аашаараа ухаан бодлоос гарахгүй шүү

Хорвоод мөнхийн вансамбэрүү цэцгүүд
Хосоороо дэлгэрсэнчиг хонгортоно шүү дээ
Ховорхон заяа бие тэгшлэх Оюунанаа бүсгүй
Хонгор багын аашаараа хайранд минь эргэж мөнхрөхгүй шүү дээ

Хатан дэлбээт дүнжингарав цэцгүүд
Харзны усанд есийн жавраар ч цэцэглэнэ шүү дээ
Хайрыг бадраах насны дурдатгал Оюунанаа бүсгүй
Халуун цээжээ эгшээсэн ч хайрлахын заяа дуусахгүй шүү дээ


Top
   
 Post subject:
PostPosted: Oct.18.08 4:06 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Насны ганц хань

Нарны хорвоод заяаснаас хойш
Наадаж наргилгүй ч яахав дээ хө
Насны ганц ээлтэйхэн ханиа
Нартын алганд гундаахгүй юмсан

Халуун хүйтнийг халгаж туулахад
Хажууд хэн минь түшдэг билээ дээ
Буцах цагийн аясыг таарахаар
Буурайлж нэг маань үлдэнэ шүү дээ

Сарны хорвоод заяаснаас хойш
Санаж марталгүй ч яахав дээ хө
Сэтгэлийн уяа энхрий ханиа
Итгэлийн элгий нь сэвтээхгүй юмсан

Алаг хорвоод таньснаас хойш
Аясхан явах ч яамай юу даа хө
Алдаж оноход энрхий ханиа
Амьдын жаргал эдлүүлж явъя даа

дахилт


Top
   
 Post subject:
PostPosted: Oct.18.08 4:09 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Нутгийн зам

Хүлээсэн сэтгэл ойртож харагдах
Хөндий туулсан нутгийн зам аа
Хүүгээ үдээд хоцрох ээжий
Ханьсаад үлдэх аяны харгуй

Нутгийн зам нуруутай
Нуган үрдээ ханилгаатай

Олон зууныг гаталж урагшлаад
Орчлонг тойрсон нутгийн зам аа
Тоонотоо зориод ирэх хүүдээ
Тойром бүхнээ дөтлөх харгуй

Зовлон жаргал ээлжилж хөтлөх
Зураг төөрөгтэй нутгийн зам аа
Зүрх догдлон ханьдаа очиход
Зөрөг жим нь тодрох харгуй


Top
   
 Post subject:
PostPosted: Oct.18.08 4:14 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Задгай цагаан үүл

Задгай цагаан үүл нь болбол
Заавал борооны үүл үү дээ хө
Зангираад гардаг нулимс нь болбол
Заавал янагийн нулимс уу даа

Хөвөнтэй дээлтэй гарсан юмсан
Хөөрөө болов уу яагаа бол
Хөөрхий намайгаа зовоосон юмсан
Жаргаа болов уу яагаа бол

Дан дээлтэй гарсан юмсан
Даараа болов уу яагаа бол
Даан чиг намайгаа зовоосон юмсан
Жаргаа болов уу яагаа бол


Top
   
 Post subject:
PostPosted: Oct.18.08 4:56 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Үг, ая Р.Ганбаатар
Сэтгэлийн үг

Замбуулин хорвоогийн наран дор
Захгүй их хөврөх дурлалаас
Учиртайхан төрсөн чи бидэн хоёрт
Учрахын тавилан заяаж дээ хө

Сайхныг тань харангуутаа дурласан юм
Сэтгэлийг тань танингуутаа итгэсэн юм

Хөөтэй хөлстэй хорвоод
Хязгааргүй цэцэглэсэн дурлалаас
Хайраараа ханилсан чи бидэн хоёрт
Ханьсахын тавьлан заяаж дээ хө

Амьдын жаргал эдлэх гээд
Амраг чамтайгаа учрахад минь
Азтайхан төрсөн чи бидэн хоёрт
Амьдрахын тавилан заяаж дээ хө


Top
   
 Post subject:
PostPosted: Oct.18.08 5:00 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Үг Б.Лхагвасүрэн
Ая Д.Сосорбарам

Сэтгэлийн уянга

Царайгий чинь харахын тоолонд
Санаа сэтгэл амгалан болох юм
Сар хоног урсан урссаар
Санчигны үсэнд буурал нэмсээр

Аа аа аа
Санчигны үсэнд буурал нэмсээр

Уулзанхан учрахын туршид
Ухаан бодол цэлмэг болох юм
Урсах хугацаа одон одсоор
Уяхан чи минь насан ахисаар

Аа аа аа
Уяхан чи минь насан ахисаар

Буянтайхан чи минь мишээсээр
Булгилах зүрх минь баяраар бялхах юм
Буцаж ирэхгүй сар жил хөвөрсөөр
Будан сууж тэргүүн бууралтсаар

Аа аа аа
Будан сууж тэргүүн бууралтсаар


Top
   
 Post subject:
PostPosted: Oct.18.08 5:07 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Үг П.Сандуйжав
Ая Д.Алтантуул

Санахын жаргал

Эм:
Цэн цэнгийн алтан бөгж нь хө
Сарвуунд тогтохоо байх нь ээ хө
Цэрвүү алсаас таныгаа санасаар
Цээжний махаа барах нь дээ хө

Эр:
Өдрийн цогиотой өндөр борыгоо
Өлийг нь тааруулж сойё доо хө
Өөлөхийн өөгүй төрсөн чинийхээ
Өрөвчхөн зүрхийг амраая даа хө

Эм:
Буйлан хажтай мөнгөн бугуйвч нь
Бугуйнд тогтохоо байх нь ээ хө
Холын газраас таныгаа санасаар
Хоол унднаас гарах нь дээ хө

Эр:
Сарын цогиотой өндөр борынхоо
Сойлго уяагий нь тааруулъя даа хө
Санаанд тогтохгүй сэтгэлээ дагаад
Сайхан чамдаа очьюу даа хө

Хоёул:
Санана гэдэг чинь хайрлахын дээд шүү
Салгуу холоос санаж л явъя даа
Санаж хайрлахын дэнсийг тэгшлээд
Санасны жаргалд мбая даа хөө


Top
   
 Post subject:
PostPosted: Oct.18.08 5:11 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Үг Оюунчимэг
Ая Эрдэнэсүх

Итгэл сэтгэл хоёр

Дуулим хорвоод нэг л амьдрахдаа
Дурлаж явах учиртай төрсөн
Дурлаад ханьсах жаргал уйтай
Дассан сэтгэл үгүйлнэ ээ хө

Хайртай шүү сайхан чамдаа
Хоёул хамтдаа жаргана даа хө

Сайхан дүрийг чинь би бодохлоор
Санаанд бүхэн илхэн дээ хө
Сэтгэл итгэл эргэн учрахын
Совин билгээрээ хүлээе дээ хө

Эвийн хорвоод бидэн хамтдаа
Энэхэн насыг туулна даа хө

Алсаас чамайг бодон суухад минь
Амраг сэтгэл үгүйлнэ ээ хө
Аяа бидэн хоёр ханьсан
Амьдрал юугаа холбоно доо хө

Хайртай шүү сайхан чамдаа
Хоёул хамтдаа жаргана даа хө


Top
   
 Post subject:
PostPosted: Oct.18.08 5:15 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Үг Д.Дагвадорж
Ая Ё.Сүхбаатар

Хүн хүндээ хайртай явъя

Энэхэн хорвоо бүхлээрээ
Эгэл хүний өлгий билээ
Эгэл хүн нь олуулаа
Энэхэн хорвоод эзэн нь билээ

Хүн ганцхан эзэн нь болохоороо
Хүн хүндээ хайртай байдгиймаа

Хорвоо дэлхий аясаараа
Хүний сэтгэлийн дуутай билээ
Хүний сэтгэлийн дуутайдаа
Хорвоо дэлхий уйдаагүй билээ

Хүн ганцхан дуучин нь болохооороо
Хүн хүндээ хайртай байдаг юм

Хөвчин дэлхий энгээрээ
Хүрч гаршгүй оргил билээ
Хүрч гаршгүй оргил нь
Хүний ухаант оюун билээ

Хүн ганцхан оргил нь болохоороо
Хүн хүндээ хайртай байдаг юм


Top
   
 Post subject:
PostPosted: Oct.18.08 5:22 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Зүүдэн бороо

Халин халин нисээд ирсэн шувуу
Харзны усанд элгээ жиндээн ганганах юм
Харын хар нүдэн чамайгаа
Харж л суух минь хэзээ л юм бол доо

Нэмэн нэмэн дүүрэх шинийн саран
Нэг л зөөлөн дээшээ дэгдэн мандах юм
Сайны дээд энхрий чамайгаа
Санаж л явах минь заяа юм даа хө

Нойрон дунд зүсрэх зүүдэн бороо
Норсон дэр хацрыг минь хайран өнчрөөх юм
Тооныг нь элбэж өргөсөн гэртээ
Тормойж суух чинь хэзээ л юм бол доо


Top
   
 Post subject:
PostPosted: Oct.18.08 5:25 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Хот айл

Хот айлын бараа нь айлсаад
Холбоо цэнхэр нутаг минь ээ хө
Тэргэл саран гэрэлтсэн үдшээр чамайгаа
Хайрлаад хайрлаад ханашгүй еэ хө

Мяндсан зэрэглээ үелэн хөвөрсөн
Мэндийн цэнхэр хадаг юм аа хө
Мэлтийх саран гэрэлтсэн үдшээр чамайгаа
Санаад санаад баршгүй еэ хө

Агийн цэнхэр манан хөвөрсөөр
Амгалан цэнхэр нутаг минь ээ хө
Мал сүрэг хотолсон үдшээр чамайгаа
Хайрлаад хайрлаад ханашгүй еэ хө


Top
   
 Post subject:
PostPosted: Oct.18.08 5:34 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Миний ээж

Алтан дэлхийд үрийн бүүвэйтэй хамт заясан
Ангир уургаа шимүүлэн өсгөх буянтай төрсөн
Атар хээрийн анхилам цэцгийн үнэр шингэсэн
Алиа хөөрхөн үрийнхээ дуунд сэтгэл баяссан

Залуу ч явсан сайхан явсан миний ээжий
Зон олныхоо хайрыг татсан миний ээжий

Уудам дэлхийд үрийн бүүвэйтэй хамт төрсөн
Ураг төрлийн ариун холбоог чандмань болгосон
Ухаан бодлын болор тунгалаг хайраа ивээсэн
Уудам орчлонгийн наран дор үрээ бүүвэйлсэн

дахилт

Энэхэн дэлхийд нэгэн бэрхийг биеэрээ туулсан
Эргэж олдохгүй нэгэн амьдралыг хүүдээ хайрласан
Энхийн төлөө сэтгэл зүрхээ мөнхөд зориулсан
Элбэрэлт эхдээ ээжийнхээ ачийг хэзээ ч мартахгүй

дахилт


Top
   
 Post subject:
PostPosted: Oct.18.08 5:38 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Нэг л мэдэхэд уулзана даа

Манан будан хөшилдсөн
Алсын уулс цэнхэртээд
Миний хайртай ээжийн минь
Амьдран суугаа нутаг даа

Салхинаас ч хурдан болоосой
Нисээд очмоор санагдана аа
Саравчлан суугаа ээжтэйгээ
Нэг л мэдэхэд уулзана даа

Униар будан хөшилдсөн
Холын уулс цэнхэртээд
Хүүгийн хайртай ээжий минь
Хүлээж суугаа нутаг даа

Миний хайртай ээжий минь
Амьдран суугаа нутаг даа


Top
   
 Post subject:
PostPosted: Oct.18.08 5:45 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Тогтохоо болилоо

Арван найман нас хүрээд
Аавынхаа гэрт тогтохыг болилоо би
Амраг жаалхан чамдаа очъюу гээд
Агсам зээрдийг сойдог боллоо би


Эрийн цээнд хүрээд ирэхэд
Ээжийнхээ дэргэд тогтохыг болилоо би
Энхрий жаалхан чамдаа очъюу гээд
Эрэвгэр хээрийг сойдог боллоо би

Өндөр сайхан цайвар хээрээр
Өмнүүр чинь гараад галгулж л явлаа би
Үймүүлж явсан насныхаа багад
Үнэнч амрагаа танихгүй явжээ би

Тарган сайхан цайвар хээрээр ээ
Танай гадуур давхиулж явлаа би
Тавьтар муутай насныхаа багад
Тавилан заяагаа мэдэхгүй явжээ би

Тавьтар муутай насныхаа багад
Танилцах амрагаа танихгүй явжээ би


Top
   
 Post subject:
PostPosted: Oct.18.08 5:52 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Ухаарч амьдрах хорвоо

Бууж мордохдоо буурал аав минь
Инээж явдгийн учрыг олъё доо
Дуулж суухдаа буянтай ээжий минь
Уйлж байдгийн ухааныг танъя даа

Ухаарч амьдрах хорвоо гээд
Үр чамдаа хэлээд байгаа юм шүү дээ

Өглөө босохдоо тэнгэрийг ажиглаад
Дэлхийн араншинг таньдагийг мэддээ
Өөд нь урихдаа сэтгэлийн таниад
Сүүгээ өргөдгийн учрыг хэлье дээ

дахилт

Хөл хүндтэй бүсгүйн өмнүүр
Хөндлөн гардаггүйн үйлийг хэлье дээ
Настай хүний тохойг өргөөөд
Хүндлэн золгодгийн учрыг олъё доо

дахилт


Top
   
 Post subject:
PostPosted: Oct.18.08 5:58 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Янзага

Хөвчийн хангайн налгархан чөлөөнд
Хөөрхий янзага ганцаар тонгочно
Хөнгөн хөлөөрөө шүүдэр өшигчөөд
Цэцгэн дундуур дэгдэн тонгочно

Аршаан гээд шалбааг уувал яанам билээ хө
Ачитнаа гээд араатныг дагавал яанам билээ хө,
Аясын салхинаас чамайгаа хамгаалж
Аадрын үүлнээс сэргийлэн халхалъя

Торомгор алаг нүдээ цавчлан
Тоосгүй холоос чимээ чагнаад
Томоогүй багын гэнэхэн аашаараа
Торойсон бүхнийг шохоорхон ширтэнэ

дахилт

Эвий хөөрхий энхрий янзага минь
Эргэн тойрон чинь ачитнаар дүүрээгүй
Өчигдөр буудсан сумны дарийг
Үнэртэж байгааг мэддэг ч болоосой

Дахилт


Top
   
 Post subject:
PostPosted: Oct.18.08 6:06 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Хонгор нутаг

Ганцхан насанд заяасан
Урсгал тунгалаг байдрагтаа
Газар үнэрлэн гүйсэн
Унаган хүлэг шиг ирлээ

Хослон цэнхэртээд
Хангай говийн
Хонгор нутаг хонгор нутаг минь
Хосгүй чамдаа хайртай

Аавын олон хөвгүүдтэй
Ардын цэргийн албандаа
Амар мэнд явсан
Аальхан хүү чинь ирлээ

дахилт

Таван эрдэнэ сүргийнхээ
Буянт эзэн та нартаа
Алсын уулсыг даваад
Аяны шувууд шиг ирлээ

дахилт


Top
   
 Post subject:
PostPosted: Oct.18.08 6:10 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Хилчний дуу

Тэнгэрийн хаяаны наахантай
Тэртээ уулсын цаахантай
Дэлгэр талын мандал дээр
Тэргэл цагаан гэр минь бий

Баян тансаг хөдөө нутагт минь
Багын жаалхан тэр минь бий
Багын жаалхан түүний зүрхэн дээр
Байлдагч миний сэтгэл бий

Эх орон та бүгдийгээ
Энх амгалан байлгах гэж
Хилчин миний батлан өргөсөн
Чин зоригийн тангараг бий


Top
   
 Post subject:
PostPosted: Oct.18.08 6:16 pm 
Offline
Самбарын Хvндэт Гишvvн

Joined: Aug.26.06 10:29 pm
Posts: 2181
Дуучин Төмөрбаатар

Сайн байна уу Улаанбаатар минь

Хүүгээ өлгийдөөд орхисон эх шиг
Хүний нутагт сэтгэл тогтсонгүй
Холоос гүйсэн хангал морь шиг
Хорвоод хосгүй чамдаа ирлээ

Сайн байна уу Улаанбаатар минь
Сайн сайн байна уу Улаанбаатар минь

Саяхан мэндэлсэн эх үр хоёр шиг
Сайхан хүйсээрээ холбоотойн адил
Энхрий хот минь чамтайгаа би чинь
Энэ биеэрээ холбоотой юм аа

дахилт

Тив дэлхийг уудам гэдэг
Тэнүүн болоод уужим юм аа
Тохмын чинээ зайгий нь эзэлж байгаа
Төрсөн нутаг үнэтэй юм аа

дахилт


Top
   
Display posts from previous:  Sort by  
Post new topic  Reply to topic  [ 303 posts ]  Go to page Previous 17 8 9 10 11 12 Next

All times are UTC+09:00


Who is online

Users browsing this forum: No registered users and 2 guests


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  

Copyright Asuult.NET © 2000-2015.
Administrative Contact: Khundaga Khurelbaatar [hundaga@hotmail.com]
Tel: 1-888-303-4927, Fax: 1-888-406-2264.
Powered by phpBB © 2000-2015 phpBB Group. Powered by phpBB® Forum Software © phpBB Limited